2 KORINTUS 8
8
Panjampangi pangamaseang
8:1-15
1 #
Rom. 15:26
Urang siana', kambe a'ra'i tapappiissekang mange ri kaui passala barakka' nuripassareang injo mange risikonjo jamaah ri Makedonia. 2Rihattunna nguppa passo'ri bera' lalang rilohe rupanna kasissaang, sukku' rannuna na manna injo iyai sanna' kaasi-asina, mingka iyai kalumannyangi lalang ri kabajikang. 3Nakke assa'bi ma'nassana iyai maeng assarei assituru' nurie' injo ri iyai, la'bipa pole battu rinurie' injo ri iyai. 4Lalang karellaannai to'jua laerai na lapassakang, solanna nguppai todo'i barakka' langalle dahuang lalang ripanjampangi mange risikuanna tau tappa'. 5Iyai assarei la'bi loheang battu rinutapattajalliang injo. Lapassareangi kalenna, makase're mange ri Allataala, maeng injo rikanara a'ra'na Allataala mange todo' ri kambe. 6Injomo saba'na, kambe tapassai Titus, solanna ia a'lingka-lingkai mange ri kaui na lapa'maengi panjampangi pangamaseang injo numaeng lapakaramula injomo. 7Injomo saba'na, konni-konnina, assimpoleiko tau kalumannyang lalang risikuanna – lalang rikatappakang, lalang ripappau, lalang ripangisse', attoje'-toje' assare sokongang, surang lalang ripangamaseammu mae ri kambe – appakonjo todo'i sibaji'na kau kalumannyang lalang ripanjampangi pangamaseang inni.
8Kupaui passala inni gele assimpole passuro, mingka, pappiisse' ri karesona lohe tau maraeng laassare sokongang, a'ra'i lakuso'ri kalambusang pangamaseammu. 9Kanara maeng muissekinnamo barakka' Karaengta Isa Almase ma'nassana manna injo Ia kalumannyangi, rikanaramui Ia a'jari kaasi-asi, solanna kau a'jari kalumannyang rikanara kaasi-asiNa.
10Iamo inni panguppaku ripassala injo, numa'ring rie' matu-matunna mange ri kaui. Toje'i minang ri taung riolo pakaramulamu mugeokangi na ngalleiko katappukang lamupa'maengi todo'i. 11Pa'maeng todo'i panggeokang injo konni-konnina! Parallui panggeokanna assituru' surangang karellaammu, na geokangilaloi injo surangang nurie' injo ri kau. 12Saba' ampa rellako laassare, laritarima intu passaremu, ampa passaremu assituru' nurie' injo ri kau, na gele assituru' apa nutide' injo ri kau.
13Saba' ripierangiko gele solanna sikuanna tau maraeng nguppa karingangang, mingka solanna rie' passillehaang. 14Parallui konni-konnina kala'biammu anggannaki rikakuranganna, bisannabali kala'biannai injo lagannaki kakurangammu, solanna rie' passillehaang. 15#Kel. 16:18Assimpole rie' ta'ukiri:
”Tau apparappung injo lohe, gelei kala'biang
na tau so'di' injo laparappung, gelei kakurangang.”
Titus risuro
8:16-24
16Sukkuru mange ri Allataala nurikanara kau assare attoje'-toje' appakonjo todo' lalang ri atina Titus lanyokong mange ri kaui. 17Toje'i ia lapinahang passuroamba, mingka kanara sumanga' bakka' injomo ia lalang karellaang a'lampa mange ri kaui. 18Assurang-surangkang assuro ri urang siana'ta, turipakala'biri risikonjo jamaah kanara jama-jamaanna lalang ripappala'bangang Injili. 19Gele sangga injo jua! Ia maeng todo'i rijo'jo' risikonjo jamaah langurang ri kambe lalang ripanjampangi pangamaseang inni, rinutageokang injo laappakala'biri Karaeng na assimpole tanra rikarellaamba.
20Saba' kambe a'ra'i taliliang passala inni: Ma'nassana rie' tau akkulle assalla ri kambe lalang ripassala panjampangi nutageokang inni na hassele'na assimpole inni. 21Kanara kambe nubaji' tapikkiri, gele sangga ri a'rakanna Karaeng Isa, mingka ri a'rakanna todo' rupatau inni.
22Assurang-surang iyai assurokang pole se're tau maraeng, iamo intu urang siana' julu katappakanta, tupinsikurammo sallona taparessa na a'buttii sanging apparri-parri laassare sokongang. Konni-konnina ia pela' apparri-parri kanara bakka'na katappakanna mange ri kaui. 23Titus iamo intu urangku assurang-surang anjama mange ri kaui; urang siana' julu katappakamba maraeng injo iamo risuro risikonjo jamaah na se'rei kala'birang ri Almase. 24Injomo saba'na pappijanjangangi mange ri iyai ri a'rakanna sikonjo jamaah tanra pangamaseammu surang tanra kabanggaangku ri kau.
Currently Selected:
2 KORINTUS 8: LAI_SLY
Highlight
Copy
Compare
Share
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)