ROMA 12
12
Passidakka nutoje' injo
12:1-8
1Injomo saba'na, urang siana', rikabajikanna Allataala nakke appainga' mange ri kau, solanna mupassidakkaangi kalemmu assimpole passidakka nuattallasa, nutangkasa na nulangai Allataala: Injomo sambajang toje'mu. 2Akolalo a'jari assimpole lino inni, mingka appinrako ripappinrana akkala pikkirammu, jari akkulle mupassisa'lakang anteeang a'ra'na Allataala: Antee nubaji', nulangai Allataala na nusangka'.
3Assituru' barakka' nuripassareang injo mae ri nakke, nakke appau mange risikuanna tau ritangnga-tangngamu: Akolalo pikkiri sikonjo passala nula'bi langkasa rinugele injo laambang naha-nahammu, mingka paralluko appikkiri appaantee jua kamua, jari akkulle mukahasai kalemmu assituru' ukkurang katappakang, nulapassareang injo Allataala mange ri kau ngase'. 4#1 Kor. 12:12Saba' assimpole rise're batangkale, ditte lohei bageang, mingka gele iangase'na bageang injo assimpole jama-jamaanna, 5appakonjo todo'i ditte, manna injo lohe, mingka se'reki intu batangkale lalang ri Almase; jari ditte ngase' intu a'jari se'reki bageang mange ri tau maraeng. 6#1 Kor. 14:4-11Appakonjomu ditte nguppa barakka', assimaraengi assituru' barakka' nulapassareang injo mae ri ditte: Ampa barakka' injo laanjanjang rinulaa'jari injo sallo' baji'mu narigeokangi assituru' katappakanta. 7Ampa barakka' laanjampangi, baji'mu ampa anjampangiki; ampa barakka' injo langajara, baji'mu ampa ngajaraki; 8ampa barakka' injo laappiu'rangi, baji'mu ampa appiu'rangiki. Inai rie' anunna lalapaa'dahu-dahuang, parallui lageokang lalang ri ati baji'; a'jari ponggaha parallui lageokang lalang rikadettokang; inai laappappijanjangang pangamaseang, injo parallui lageokang lalang rikate'neang pa'mai'.
Pappainga' laattallasa lalang ripangamaseang
12:9-21
9Parallui pangamaseang injo gele bura-bura jua! Kadereilalo sipa' daa injo na geokangi nubaji' inni. 10Paralluko assikamaseang assimpole urang siana' na assikarioloiko sipakatau. 11Andalalo lamma kadettokammu, pakabakka'i sumanga'na nyahamu na jampangii Karaeng. 12Sunggulaloko lalang ripattajalliang, sabbarako lalang rikamarasaiang, na sannangko lalang ripangera dowaang! 13Assareko sokongang lananggong kakuranganna sikuanna tau tangkasa na parri-parrilalo kalemmu latulusu assare pamminsamboang! 14#Mat. 5:44; Luk. 6:28Barakkakilalo tau lapa'ri-pa'risi injoko, barakkakilaloi na ako attadea! 15Te'nelaloko surangang tau te'ne injo, apparauko surangang tau apparau injo! 16#Ams. 3:7Paralluko a'julu akkala pikkirang lalang ritallasa'mu; akolalo mupikkiri sikonjo passala langkasa, mingka pa'batu pikkirammu mange risikonjo passala appaantee jua kamua. Akolalo rapangi kalemmu sara'de'! 17Akolalo a'balasa nudaa surangang nudaa; geokanglaloi apa nubaji' mange risikuanna tau! 18Pakkulle-kulleangi, ampa passala injo rie' juai ri kau, tallasalaloko lalang dame surangang sikuanna tau! 19#Ul. 32:35Urang siana' mala'biri'ku, akolalo kau to'jua a'boja pa'balasang, mingka sarei tampa' rikuku'na Allataala, saba' rie' ta'ukiri: Pa'balasang injo dahuangKu. Nakkemo laa'boja pa'balasang, pau Karaeng. 20#Ams. 25:21-22Mingka, ampa pa're balimmu, sarelalo kanre; ampa tirere, sarelalo ere inung! Ria'geo' appakonjomu injo mupisoongimu bara api ri ulunna. 21Akolalo a'ra' ribeta rinudaa, mingka pibetai nudaa injo surangang kabajikang!
Currently Selected:
ROMA 12: LAI_SLY
Highlight
Share
Compare
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
ROMA 12
12
Passidakka nutoje' injo
12:1-8
1Injomo saba'na, urang siana', rikabajikanna Allataala nakke appainga' mange ri kau, solanna mupassidakkaangi kalemmu assimpole passidakka nuattallasa, nutangkasa na nulangai Allataala: Injomo sambajang toje'mu. 2Akolalo a'jari assimpole lino inni, mingka appinrako ripappinrana akkala pikkirammu, jari akkulle mupassisa'lakang anteeang a'ra'na Allataala: Antee nubaji', nulangai Allataala na nusangka'.
3Assituru' barakka' nuripassareang injo mae ri nakke, nakke appau mange risikuanna tau ritangnga-tangngamu: Akolalo pikkiri sikonjo passala nula'bi langkasa rinugele injo laambang naha-nahammu, mingka paralluko appikkiri appaantee jua kamua, jari akkulle mukahasai kalemmu assituru' ukkurang katappakang, nulapassareang injo Allataala mange ri kau ngase'. 4#1 Kor. 12:12Saba' assimpole rise're batangkale, ditte lohei bageang, mingka gele iangase'na bageang injo assimpole jama-jamaanna, 5appakonjo todo'i ditte, manna injo lohe, mingka se'reki intu batangkale lalang ri Almase; jari ditte ngase' intu a'jari se'reki bageang mange ri tau maraeng. 6#1 Kor. 14:4-11Appakonjomu ditte nguppa barakka', assimaraengi assituru' barakka' nulapassareang injo mae ri ditte: Ampa barakka' injo laanjanjang rinulaa'jari injo sallo' baji'mu narigeokangi assituru' katappakanta. 7Ampa barakka' laanjampangi, baji'mu ampa anjampangiki; ampa barakka' injo langajara, baji'mu ampa ngajaraki; 8ampa barakka' injo laappiu'rangi, baji'mu ampa appiu'rangiki. Inai rie' anunna lalapaa'dahu-dahuang, parallui lageokang lalang ri ati baji'; a'jari ponggaha parallui lageokang lalang rikadettokang; inai laappappijanjangang pangamaseang, injo parallui lageokang lalang rikate'neang pa'mai'.
Pappainga' laattallasa lalang ripangamaseang
12:9-21
9Parallui pangamaseang injo gele bura-bura jua! Kadereilalo sipa' daa injo na geokangi nubaji' inni. 10Paralluko assikamaseang assimpole urang siana' na assikarioloiko sipakatau. 11Andalalo lamma kadettokammu, pakabakka'i sumanga'na nyahamu na jampangii Karaeng. 12Sunggulaloko lalang ripattajalliang, sabbarako lalang rikamarasaiang, na sannangko lalang ripangera dowaang! 13Assareko sokongang lananggong kakuranganna sikuanna tau tangkasa na parri-parrilalo kalemmu latulusu assare pamminsamboang! 14#Mat. 5:44; Luk. 6:28Barakkakilalo tau lapa'ri-pa'risi injoko, barakkakilaloi na ako attadea! 15Te'nelaloko surangang tau te'ne injo, apparauko surangang tau apparau injo! 16#Ams. 3:7Paralluko a'julu akkala pikkirang lalang ritallasa'mu; akolalo mupikkiri sikonjo passala langkasa, mingka pa'batu pikkirammu mange risikonjo passala appaantee jua kamua. Akolalo rapangi kalemmu sara'de'! 17Akolalo a'balasa nudaa surangang nudaa; geokanglaloi apa nubaji' mange risikuanna tau! 18Pakkulle-kulleangi, ampa passala injo rie' juai ri kau, tallasalaloko lalang dame surangang sikuanna tau! 19#Ul. 32:35Urang siana' mala'biri'ku, akolalo kau to'jua a'boja pa'balasang, mingka sarei tampa' rikuku'na Allataala, saba' rie' ta'ukiri: Pa'balasang injo dahuangKu. Nakkemo laa'boja pa'balasang, pau Karaeng. 20#Ams. 25:21-22Mingka, ampa pa're balimmu, sarelalo kanre; ampa tirere, sarelalo ere inung! Ria'geo' appakonjomu injo mupisoongimu bara api ri ulunna. 21Akolalo a'ra' ribeta rinudaa, mingka pibetai nudaa injo surangang kabajikang!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)