ROMA 13
13
Tunru' mange ri pamarenta
13:1-7
1Sikuanna tau parallui tunru' mange ri pamarenta rateanganna, saba' gele rie' pamarenta assala'na nugele battu ri Allataala; na sikonjo pamarenta rie' injo, ripattantui ri Allataala. 2Injomo saba'na inai labaliangi pamarenta, ia labaliangi intu nulatantuang injo Allataala na inai lageokangi, laappabattui hukkungang ri kalenna. 3Saba' ampa se're inni tau a'geo' baji', ia andamu malla' ri pamarenta, injo jua ampa daa geo'na. A'rakiko tallasa gele malla' ripamarenta? Geokanglalo nubaji' inni languppaiko pappakala'biri battu ri ia. 4Saba' pamarenta iamo intu atanna Allataala rikabajikammu. Mingka ampa daa sipa'mu, malla'moko mange ri ia, saba' gelejua ngurana pamarenta assele' pa'dang. Pamarenta intu atai ri Allataala lalapa'balasangi kuku'na Allataala mange risikuanna tau daa injo sipa'na. 5Injomo saba'na parallui ripatunru' kalenta, gele sangga rikanara kuku'na jua Allataala, mingka mange pole ripauna ati alusu'ta.
6 #
Mat. 22:21; Mark. 12:17; Luk. 20:25 Ia todo'mo injo saba'na jari a'bajarako bea. Saba' sikuanna tau appassilolongang ripassala injo pajampanginna Allataala. 7Bajarai mange risikuanna tau nuparallu injo mubajara: sima mange ri tau harisi injo lanarima sima, bea mange ri tau harisi injo lanarima bea, malla' mange ri tau harisi injo lanarima kamallakang na ngali' mange ri tau harisi injo lanarima kangalikang.
Pangamaseang panyangkaki ri hukkung Tora'
13:8-14
8Akolalo kainrangang manna mange ri inai jua, passangadinna kainrangang pangamaseang rise're tau mange ri tau maraeng. Saba' inai jua lakamaseang paranna rupatau, ia maeng sangka'mu ri hukkung Tora'. 9#Kel. 20:13-15, 17; Im. 19:18; Ul. 5:17-19, 21Saba' parenta: Ako assangkili, ako muno, ako a'lukka', ako sinna matammu, na parenta maraenganna, rie' ngase'mu lalang ripau inni, iamo intu: Kamaseangi parammu rupatau assimpole mukamaseanna kalemmu! 10Pangamaseang inni gele a'bua' nudaa mange riparanta rupatau, kanara injomo pangamaseang intu panyangkaki hukkung Tora'.
11Passala inni parallui mugeokang, kanara muisse'na hattu konni-konnina, iamo intu ma'nassana larapi'mu hattunna ri kau laambaung ritinro. Saba' konni-konnina kasalamakang injo la'bi ambanimu mae ri ditte na injo rihattu ampata a'jari tappa'. 12Sallomu bangngi, na seppa'mu sinara. Injomo saba'na maemuki ribokoi sikonjo panggeokang rikalammang na runrungi pakeang sinara injo! 13Maemuki tallasa baji' assimpole tallasa rihattu allona, anda lalang ripa'roa'-roakang na kahujaang, anda lalang ripassangkilang surang napasu daa, anda lalang ripa'beserang na siriati. 14Mingka pake Karaeng Isa Almase na akolalo turuki panggeokang assipa' tau inni lalapa'rupai a'ra'na.
Currently Selected:
ROMA 13: LAI_SLY
Highlight
Share
Compare
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
ROMA 13
13
Tunru' mange ri pamarenta
13:1-7
1Sikuanna tau parallui tunru' mange ri pamarenta rateanganna, saba' gele rie' pamarenta assala'na nugele battu ri Allataala; na sikonjo pamarenta rie' injo, ripattantui ri Allataala. 2Injomo saba'na inai labaliangi pamarenta, ia labaliangi intu nulatantuang injo Allataala na inai lageokangi, laappabattui hukkungang ri kalenna. 3Saba' ampa se're inni tau a'geo' baji', ia andamu malla' ri pamarenta, injo jua ampa daa geo'na. A'rakiko tallasa gele malla' ripamarenta? Geokanglalo nubaji' inni languppaiko pappakala'biri battu ri ia. 4Saba' pamarenta iamo intu atanna Allataala rikabajikammu. Mingka ampa daa sipa'mu, malla'moko mange ri ia, saba' gelejua ngurana pamarenta assele' pa'dang. Pamarenta intu atai ri Allataala lalapa'balasangi kuku'na Allataala mange risikuanna tau daa injo sipa'na. 5Injomo saba'na parallui ripatunru' kalenta, gele sangga rikanara kuku'na jua Allataala, mingka mange pole ripauna ati alusu'ta.
6 #
Mat. 22:21; Mark. 12:17; Luk. 20:25 Ia todo'mo injo saba'na jari a'bajarako bea. Saba' sikuanna tau appassilolongang ripassala injo pajampanginna Allataala. 7Bajarai mange risikuanna tau nuparallu injo mubajara: sima mange ri tau harisi injo lanarima sima, bea mange ri tau harisi injo lanarima bea, malla' mange ri tau harisi injo lanarima kamallakang na ngali' mange ri tau harisi injo lanarima kangalikang.
Pangamaseang panyangkaki ri hukkung Tora'
13:8-14
8Akolalo kainrangang manna mange ri inai jua, passangadinna kainrangang pangamaseang rise're tau mange ri tau maraeng. Saba' inai jua lakamaseang paranna rupatau, ia maeng sangka'mu ri hukkung Tora'. 9#Kel. 20:13-15, 17; Im. 19:18; Ul. 5:17-19, 21Saba' parenta: Ako assangkili, ako muno, ako a'lukka', ako sinna matammu, na parenta maraenganna, rie' ngase'mu lalang ripau inni, iamo intu: Kamaseangi parammu rupatau assimpole mukamaseanna kalemmu! 10Pangamaseang inni gele a'bua' nudaa mange riparanta rupatau, kanara injomo pangamaseang intu panyangkaki hukkung Tora'.
11Passala inni parallui mugeokang, kanara muisse'na hattu konni-konnina, iamo intu ma'nassana larapi'mu hattunna ri kau laambaung ritinro. Saba' konni-konnina kasalamakang injo la'bi ambanimu mae ri ditte na injo rihattu ampata a'jari tappa'. 12Sallomu bangngi, na seppa'mu sinara. Injomo saba'na maemuki ribokoi sikonjo panggeokang rikalammang na runrungi pakeang sinara injo! 13Maemuki tallasa baji' assimpole tallasa rihattu allona, anda lalang ripa'roa'-roakang na kahujaang, anda lalang ripassangkilang surang napasu daa, anda lalang ripa'beserang na siriati. 14Mingka pake Karaeng Isa Almase na akolalo turuki panggeokang assipa' tau inni lalapa'rupai a'ra'na.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)