Ubwandilo 14
14
U Abulamu akumupoka u Loti
1Mumasiku ghalaghala, u Amulafeli u mwene wamu Babiloni nu Aliyoki u mwene wamu Elasali nu Kedololabomeli u mwene wamu Elamu nu Tidali u mwene wamu Goyimu, 2bakabuka pakulwa ubwite na bamwene abanji fayivi aba: U Bela u mwene wamu Sodomu nu Bilisha u mwene wamu Gomola nu Shinabu u mwene wamu Adima nu Shemebeli u mwene wamu Zeboyimu, sona nu mwene wamu Bela. Bela kokuti Zowala. 3Abamwene fayivi banaba bakapanga akabukatila koka poka na basilikali abanji bosi mwikombe ilya Sidimu ku Nyanja Imfwe. 4U mwene u Kedololabomeli weyuyo akabalaghilagha amaka 12, loli mumwaka uwa 13 bosi bakamusambukila.
5Mumwaka uwa 14, u mwene u Kedololabomeli poka na bamwene abanji babo akapanga nabo akabukatila koka, bakalwa ubwite na bantu aba Lefayimu mukaya aka Ashitaloti Kalanayimu, na bantu aba mu Zuzimu naba mu Hamu, naba mu Emimu mwikombe ilya Kiliyatayimu, 6sona naba mu Holi babo bakikalagha mumaghamba agha Seyili nukubachimbizya mupaka ku Eli Palani mumpaka iya kunkolongo. 7Bo bakubwela bakafika mu Eni Mishipati kokuti we Kadeshi nukuchipota ichisu chosi icha ba Amaleki nicha ba Amoli babo bakikalagha mukaya aka Hazazoni Tamala.
8Po abamwene fayivi aba: U mwene wamu Sodomu nuwa mu Gomola nuwa mu Adima nuwa mu Zeboyimu nuwa mu Bela, bakababika poka abasilikali babo mwikombe ilya Sidimu pakulwa ubwite 9na bamwene folo aba: U mwene wamu Elamu nuwa mu Goyimu nuwa mu Babiloni nuwa mu Elasali. 10Ikombe ilya Sidimu likizula ni viliba ivya mpula. Polelo u mwene wamu Sodomu nuwa mu Gomola bakapotwa nukuchimbila, po bakawila muviliba vila, loli abamwene abanji batatu bala bakachimbilila kumaghamba. 11Abamwene folo bala bakafyula ukatundu wesi uwamu Sodomu nu Gomola poka ni vyakulya vyabo nukubuka. 12Bakamulema sona nu mwipwa uwa Abulamu u Loti, yuyo akikalagha mukaya aka Sodomu nu katundu wache wesi.
13Loli umuntu yumo yuyo akapona, akiza kwa Abulamu umu Hebeli nukumupangila vyosi. U Abulamu, yuyo akikalagha papipi na makwi agha mupandapanda agha Mamule, yuyo akaba wamu Amoli, umukamu uwa Eshikolo nu Aneli. Bosi banaba bakapanga akabukatila koka nu Abulamu. 14Bo u Abulamu ivwa ukuti bamulema u Loti, akabitizya abantu bache pakulwa ubwite. Abantu bosi poka bakabapo 318, po bakabachimbizya abamwene folo bala mupaka mukaya aka Dani. 15Bo bafika kula, u Abulamu akabagabannya abantu bache bala mutubukatila, po bakalwa nabo ubwite nubusiku mupaka nukubapotela zila. Akabachimbizya mupaka mukaya aka Hoba, kumitu ukwa Damasika. 16Akabanyosezya ukatundu wesi yuyo abamwene bala bakafyula. Akiza sona nu Loti poka nu katundu wache wesi, na bakolo, sona na bantu abanji.
U Melekizediki akumusaya u Abulamu
17Bo u Abulamu abwelako kubwite kuko akamupota u mwene u Kedololabomeli na bamwene abanji babo akapanga nabo ubumanyani, u mwene uwamu Sodomu akiza pakukomana nawe mwikombe ilya Shave (kokuti Ikombe ilya mwene).
18 #
Heb. 7.1-10
Po u Melekizedeki, yuyo akaba we mwene uwamu Salemu, sona umuputi usongo uwa Chala Uwakumwanya Nkani akiza kwa Abulamu ni chibama nu vinyo. 19Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu. 20U Chala Uwakumwanya Nkani, yuyo akakupa amaka aghakubapotela abalwani bako, apaliwanje.”
Po u Abulamu akabika kwa Melekizediki ichigaba choka pavigaba 10 ivya katundu wesi yuyo akafyula.
21U mwene wamu Sodomu akamubuzya u Abulamu akati, “Sunga ukatundu wesi yuyo ukafyula, unyosezye bulo abantu bane.”
22U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi, 23ukuti ntakwiza pakusendapo nachimochimo chicho chako. Ntakwiza pakusenda nako kabuzi pamo akapinyilo aka nkwato, umwakuti utakanenaye ukuti, ‘U Abulamu aba muntu umukabi pachifukwa icha nene.’ 24Ntakwiza pakusenda nachimochimo chicho chako. Ane nkwiza pakupokela vyene vivyo abantu bane bakalya nukugabana na bantu babo nkaba nabo. Loli u Aneli nu Eshikolo nu Mamule bo babo bangasendako ichigaba chabo.”
Currently Selected:
Ubwandilo 14: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Ubwandilo 14
14
U Abulamu akumupoka u Loti
1Mumasiku ghalaghala, u Amulafeli u mwene wamu Babiloni nu Aliyoki u mwene wamu Elasali nu Kedololabomeli u mwene wamu Elamu nu Tidali u mwene wamu Goyimu, 2bakabuka pakulwa ubwite na bamwene abanji fayivi aba: U Bela u mwene wamu Sodomu nu Bilisha u mwene wamu Gomola nu Shinabu u mwene wamu Adima nu Shemebeli u mwene wamu Zeboyimu, sona nu mwene wamu Bela. Bela kokuti Zowala. 3Abamwene fayivi banaba bakapanga akabukatila koka poka na basilikali abanji bosi mwikombe ilya Sidimu ku Nyanja Imfwe. 4U mwene u Kedololabomeli weyuyo akabalaghilagha amaka 12, loli mumwaka uwa 13 bosi bakamusambukila.
5Mumwaka uwa 14, u mwene u Kedololabomeli poka na bamwene abanji babo akapanga nabo akabukatila koka, bakalwa ubwite na bantu aba Lefayimu mukaya aka Ashitaloti Kalanayimu, na bantu aba mu Zuzimu naba mu Hamu, naba mu Emimu mwikombe ilya Kiliyatayimu, 6sona naba mu Holi babo bakikalagha mumaghamba agha Seyili nukubachimbizya mupaka ku Eli Palani mumpaka iya kunkolongo. 7Bo bakubwela bakafika mu Eni Mishipati kokuti we Kadeshi nukuchipota ichisu chosi icha ba Amaleki nicha ba Amoli babo bakikalagha mukaya aka Hazazoni Tamala.
8Po abamwene fayivi aba: U mwene wamu Sodomu nuwa mu Gomola nuwa mu Adima nuwa mu Zeboyimu nuwa mu Bela, bakababika poka abasilikali babo mwikombe ilya Sidimu pakulwa ubwite 9na bamwene folo aba: U mwene wamu Elamu nuwa mu Goyimu nuwa mu Babiloni nuwa mu Elasali. 10Ikombe ilya Sidimu likizula ni viliba ivya mpula. Polelo u mwene wamu Sodomu nuwa mu Gomola bakapotwa nukuchimbila, po bakawila muviliba vila, loli abamwene abanji batatu bala bakachimbilila kumaghamba. 11Abamwene folo bala bakafyula ukatundu wesi uwamu Sodomu nu Gomola poka ni vyakulya vyabo nukubuka. 12Bakamulema sona nu mwipwa uwa Abulamu u Loti, yuyo akikalagha mukaya aka Sodomu nu katundu wache wesi.
13Loli umuntu yumo yuyo akapona, akiza kwa Abulamu umu Hebeli nukumupangila vyosi. U Abulamu, yuyo akikalagha papipi na makwi agha mupandapanda agha Mamule, yuyo akaba wamu Amoli, umukamu uwa Eshikolo nu Aneli. Bosi banaba bakapanga akabukatila koka nu Abulamu. 14Bo u Abulamu ivwa ukuti bamulema u Loti, akabitizya abantu bache pakulwa ubwite. Abantu bosi poka bakabapo 318, po bakabachimbizya abamwene folo bala mupaka mukaya aka Dani. 15Bo bafika kula, u Abulamu akabagabannya abantu bache bala mutubukatila, po bakalwa nabo ubwite nubusiku mupaka nukubapotela zila. Akabachimbizya mupaka mukaya aka Hoba, kumitu ukwa Damasika. 16Akabanyosezya ukatundu wesi yuyo abamwene bala bakafyula. Akiza sona nu Loti poka nu katundu wache wesi, na bakolo, sona na bantu abanji.
U Melekizediki akumusaya u Abulamu
17Bo u Abulamu abwelako kubwite kuko akamupota u mwene u Kedololabomeli na bamwene abanji babo akapanga nabo ubumanyani, u mwene uwamu Sodomu akiza pakukomana nawe mwikombe ilya Shave (kokuti Ikombe ilya mwene).
18 #
Heb. 7.1-10
Po u Melekizedeki, yuyo akaba we mwene uwamu Salemu, sona umuputi usongo uwa Chala Uwakumwanya Nkani akiza kwa Abulamu ni chibama nu vinyo. 19Akamusaya u Abulamu akati, “U Chala Uwakumwanya Nkani, yuyo akapela kumwanya ni chisu ichapasi, amusaye u Abulamu. 20U Chala Uwakumwanya Nkani, yuyo akakupa amaka aghakubapotela abalwani bako, apaliwanje.”
Po u Abulamu akabika kwa Melekizediki ichigaba choka pavigaba 10 ivya katundu wesi yuyo akafyula.
21U mwene wamu Sodomu akamubuzya u Abulamu akati, “Sunga ukatundu wesi yuyo ukafyula, unyosezye bulo abantu bane.”
22U Abulamu akamwamula akati, “Nkulapa pamaso pa Mwene u Chala Uwakumwanya Nkani, Umupeli uwakumwanya ni chisu ichapasi, 23ukuti ntakwiza pakusendapo nachimochimo chicho chako. Ntakwiza pakusenda nako kabuzi pamo akapinyilo aka nkwato, umwakuti utakanenaye ukuti, ‘U Abulamu aba muntu umukabi pachifukwa icha nene.’ 24Ntakwiza pakusenda nachimochimo chicho chako. Ane nkwiza pakupokela vyene vivyo abantu bane bakalya nukugabana na bantu babo nkaba nabo. Loli u Aneli nu Eshikolo nu Mamule bo babo bangasendako ichigaba chabo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.