Ubwandilo 15
15
U Chala akufingana ulufingo nu Abulamu
1Pisinda pa zinizi, u Mwene akamubonekela Abulamu muchisetuka. Akamubuzya akati,
“Wee Abulamu utakanyilaye,
ane ne ngulu yako.
Umuvwalo wako ghukwiza pakuba mukulu nkani.”
2Loli u Abulamu akamula akati, “Wee Mwene Uwamaka Ghosi, ane inte nu mwana nayumoyumo. Po ungampa bulibuli umuvwalo? Uwampyana yane we Eliyezeli uwaku Damasika. 3Utampiye nu mwana nayumoyumo, po weka pakasi pa bazya bane weyuyo akwiza pakuba wampyana yane.”
4Po u Mwene akamubuzya akati, “Umuzya uyu atakwiza pakuba wampyana yako, loli umwana uwako nu wako weyuyo akwiza pakuba wampyana yako.” 5#Lom. 4.18; Heb. 11.12U Mwene akamusendela kuzi nukumubuzya ukuti, “Inusya amaso ghako kumwanya, yezya pakubelenga intondwa, nanti naloli ungazibelenga. Abaluko lwako bakwiza pakuba binji nkani ngati zyo ntondwa.”
6 #
Lom. 4.3; Gal. 3.6; Yak. 2.23 U Abulamu akamusubila u Mwene, po u Mwene akamunena pakuba muntu mugholosu.
7U Mwene akamubuzya u Abulamu akati, “Ane ne Mwene yuyo akakwefya mukaya aka Uli muchisu icha Babiloni, ukuti nkupe ichisu chinichi pakuba chako ni chako.”
8U Abulamu akamulalusya akati, “Wee Mwene Uwamaka Ghosi, nkimba ningazimanya bulibuli ukuti ichisu chinichi naloli chikwiza pakuba chane?”
9U Chala akamwamula akati, “Unsendele impampali iyamaka matatu, ni mbuzi inkolo iyamaka matatu nu dubi uwamaka matatu, sona ni ntozi ni nkunda.”
10Po u Abulamu akiza ni vinyamana vila kwa Chala, akavidumula muvigaba vibili pakasi na pakasi, akavilambalika umwakwenannya mumizele mibili. Loli iviyuni atakavidumula pakasi na pakasi. 11Amazwanga ghabulukila pa nyama zila ukuti ghalye, loli u Abulamu akaghachimbizyapo.
12 #
Yob. 4.13, 14 Bo izuba likwinjila, u Abulamu akaghona utulo utwa kufwa nato, sona ichisi ichakoghofya chikamuwila. 13#Ukf. 1.1-14; Imbo. 7.6Po u Mwene akamubuzya akati, “Naloli uzimanye ukuti abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400. 14#Ukf. 12.40-41; Imbo. 7.7Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila, bakwiza pakusenda ubukabi bwabo bosi. 15Loli awe ukwiza pakuba nubumi ubutali nkani nukufwa mumutende, sona ukwiza pakusyiliwa bo ughosipite nkani. 16Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”
17Bo izuba lyinjila, sona bo ichisi chawa, umwakunyomosya bulo isonta iya moto uwakwaka poka ni chikoka ichakwaka vikadumusannya pakasi na pakasi pavigaba ivya nyama zila. 18#Imbo. 7.5Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti. 19Nkwiza pakubapa ichisu icha ba Keni nicha ba Kenizi nicha ba Kadimoni 20nicha ba Hiti nicha ba Pelezi nicha ba Lefayimu 21nicha ba Amoli nicha ba Kenani nicha ba Giligashi sona nicha ba Yebusi.”
Currently Selected:
Ubwandilo 15: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Ubwandilo 15
15
U Chala akufingana ulufingo nu Abulamu
1Pisinda pa zinizi, u Mwene akamubonekela Abulamu muchisetuka. Akamubuzya akati,
“Wee Abulamu utakanyilaye,
ane ne ngulu yako.
Umuvwalo wako ghukwiza pakuba mukulu nkani.”
2Loli u Abulamu akamula akati, “Wee Mwene Uwamaka Ghosi, ane inte nu mwana nayumoyumo. Po ungampa bulibuli umuvwalo? Uwampyana yane we Eliyezeli uwaku Damasika. 3Utampiye nu mwana nayumoyumo, po weka pakasi pa bazya bane weyuyo akwiza pakuba wampyana yane.”
4Po u Mwene akamubuzya akati, “Umuzya uyu atakwiza pakuba wampyana yako, loli umwana uwako nu wako weyuyo akwiza pakuba wampyana yako.” 5#Lom. 4.18; Heb. 11.12U Mwene akamusendela kuzi nukumubuzya ukuti, “Inusya amaso ghako kumwanya, yezya pakubelenga intondwa, nanti naloli ungazibelenga. Abaluko lwako bakwiza pakuba binji nkani ngati zyo ntondwa.”
6 #
Lom. 4.3; Gal. 3.6; Yak. 2.23 U Abulamu akamusubila u Mwene, po u Mwene akamunena pakuba muntu mugholosu.
7U Mwene akamubuzya u Abulamu akati, “Ane ne Mwene yuyo akakwefya mukaya aka Uli muchisu icha Babiloni, ukuti nkupe ichisu chinichi pakuba chako ni chako.”
8U Abulamu akamulalusya akati, “Wee Mwene Uwamaka Ghosi, nkimba ningazimanya bulibuli ukuti ichisu chinichi naloli chikwiza pakuba chane?”
9U Chala akamwamula akati, “Unsendele impampali iyamaka matatu, ni mbuzi inkolo iyamaka matatu nu dubi uwamaka matatu, sona ni ntozi ni nkunda.”
10Po u Abulamu akiza ni vinyamana vila kwa Chala, akavidumula muvigaba vibili pakasi na pakasi, akavilambalika umwakwenannya mumizele mibili. Loli iviyuni atakavidumula pakasi na pakasi. 11Amazwanga ghabulukila pa nyama zila ukuti ghalye, loli u Abulamu akaghachimbizyapo.
12 #
Yob. 4.13, 14 Bo izuba likwinjila, u Abulamu akaghona utulo utwa kufwa nato, sona ichisi ichakoghofya chikamuwila. 13#Ukf. 1.1-14; Imbo. 7.6Po u Mwene akamubuzya akati, “Naloli uzimanye ukuti abaluko lwako bakwiza pakuba bayeni muchisu chicho chite chabo. Kulakula bakwiza pakuba bazya, sona bakwiza pakuyiviwa amaka 400. 14#Ukf. 12.40-41; Imbo. 7.7Loli nkwiza pakuzifunda inko zizyo zikwiza pakukubombela pakuba bazya, pisinda pache abaluko lwako bakwiza pakwepamo muchisu chilachila, bakwiza pakusenda ubukabi bwabo bosi. 15Loli awe ukwiza pakuba nubumi ubutali nkani nukufwa mumutende, sona ukwiza pakusyiliwa bo ughosipite nkani. 16Bo zyachilapo inkulilo folo, abaluko lwako bakwiza pakunyokela sona kuno, pachifukwa ichakuti ntakwiza pakubachimbizyamo nalumolumo aba Amoli mupaka ububibi bwabo bwabala nkani umwakuti bafundiwanje.”
17Bo izuba lyinjila, sona bo ichisi chawa, umwakunyomosya bulo isonta iya moto uwakwaka poka ni chikoka ichakwaka vikadumusannya pakasi na pakasi pavigaba ivya nyama zila. 18#Imbo. 7.5Pisiku lilalila, u Mwene akafinga ulufingo nu Abulamu akati, “Nkwiza pakubapa abaluko lwako ichisu chinichi, ukwandila ko kumpaka iya chisu icha Ijiputi mupaka kulusoko ulukulu nkani ulwa Yufuleti. 19Nkwiza pakubapa ichisu icha ba Keni nicha ba Kenizi nicha ba Kadimoni 20nicha ba Hiti nicha ba Pelezi nicha ba Lefayimu 21nicha ba Amoli nicha ba Kenani nicha ba Giligashi sona nicha ba Yebusi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.