Luke 11
11
1အူဆငည်း ႎါည်းဟောည်ႇမှာန်း စဝ်ဖြားယေရှုတဆု ဒီအူဒီ တပဲ့တော်အ်ုန်အူအီး စီဒါႈ “စဝ်ဖြား၊ ပနောဒဲႈဆဲ့ရဒေင်မှာန်းတဆု ဘည်ပနောဒဲႈ ဆြာခါမ်ဒဲႈဘည်ညှူမ် တာဆြာယောဟာန် တပဲ့အ်ုန်ဂဲ။” 2ခိင်ဒီန် စဝ်ဖြားစီဒါႈ “ခိင်မှာန်းပဲတဆု စဝ်ဖြားကူန်၊ ‘တိူဝ်ႈကနေဲႈဂုင်တော် စဝ်ဖြားကူန်ယာ့်၊ စွရောတ်အူပ်ဘြောင်ဆဲ့ ပကုင်တိုအီး။ 3မှာန်းစဝ်ဖြား ဒဲႈအဟာရပ်ုန်ဟောမ်ပ်ုန်ဒါ ပ်ုန်လိုယဲ တောန်ဆငည်းအောႏ။ 4ပ္လိုတ်ႎါင်းခွါင်းဒဲႈဆဲ့ အီုင်ဂ္လံတ်ပ်ုန်ရေဲန်ဒေဲႈယဲ ဘည်ယဲပ္လိုတ်ႎါင်းခွါင်းဒဲႈ အီုင်ဂ္လံတ်ပ်ုန်ရေဲန်ဒေဲႈအီး တေဲင်ယဲ။ မှာန်းစဝ်ဖြား ဒံန်ခြဲဒဲႈ ခံင်အီနံင်တီုတ်နောႈယဲရေဲန်ဇီုင်းအာဝ်ကျအာဝ်န။’” 5စဝ်ဖြားစီဒါႈ “ခေဲင်ပဲအူအီး ဆာ်မိူဝ်ႈဘဝ်ဂေါအူအီး ပဲစီဟာဝ်းဇူးအ်ုန် ကဒည်ဆိူမ်အိူဝ်ဂေါ 6‘ဂေါအောအူအီး အ်ုန်ယိူဝ်းဒေဲႈပဒေင်ဒိုင်း ဂေါႇမိုႈအောအာဝ်မိူဝ်ႈပ်ုန်နံင်ဒါဟျံင်အ်ုန် ဒဲႈဘိူဝ်အောရံမ် ကဘမည်း ကပံတ်အိုည်လှေ’ 7‘ဂေါမည်းဒီန်အ်ုန်နံင်ႎီရ်ဒါႈတမည်း မည်ဒေဲႈချှုက်အော၊ ပ္လိုႈဂါင်မာ် ဟည်ဘိဒိုည်ႇ၊ တိုအီးတဂါင်ယဲမာ် ဟည်အီတ်ဒိုည်ႇ၊ ဆေမာ်အောနံင်အာဝ်ဘယ်ယိူဝ်ႇရေဲန်ဒဲႈတမည်း။’ 8ပ်ုန်ဆိင်ဒါႈအောတပဲ ဂေါပဲဒီန် အ်ုန်ဘိူည်ဒါႈလိူည် ပဲမိုႈအူဂေါ အာဝ်ဒေဲႈဒဲႈဆေမာ် ပဲအာဝ်လိုအူန်းနောႈဇောႈ ဆီုပ်မှာန်းဘိုး အ်ုန်နံင်ဘ်ုပ်ယိူဝ်ႇဒဲႈယာ့် ပ်ုန်လိုပဲဒီန်။ 9ဂေါႇဘည်ဒီန် ပ်ုန်ဆိင်ဒါႈအောတပဲ မှာန်း ဘ်ုပ်ဘိူန်းယာ့်။ ဟြီုက်၊ စံမ်ဘ်ုပ်ယိူဝ်းယာ့်။ ဒေါႈပ္လိုႈ၊ စံမ်ဘ်ုပ်ႎိူဝ်ႈယာ့်။ 10တောန်အီမှာန်း နံင်ဘိူန်းယာ့်။ တောန်အီဟြီုက် နံင်ယိူဝ်းယာ့်။ တောန်အီဒေါႈပ္လိုႈ နံင်ႎိူဝ်ႈဒဲႈယာ့်။ 11အခည်းအ်ုန် ဆာ်ကောန်မည်းမှာန်းကား ကူန်မာအီးမှောမာ် နံင်အာဝ်ဆမားဒဲႈဟဴင်? 12ဆာ်ကောန်မည်း မှာန်းကတံမ်အျံရ်မာ် ကူန်မာ် အီးမှော နံင်ဒဲႈႎါႇကာပ်။ 13ဂေါႇဘည်ဒီန် ပဲဆံမ်မိုႈစံမ်တိုအီး အာဝ်ကျအာဝ်နမာ် ဆာ်ပဲဆမားဒဲႈခံင်ကျခံင်လတကောန်ပဲ စဝ်ဖြားကူန်အီဂေါည် ပဆျှိုည်မျို့တော်နီန်မာ် အ်ုန်ဟောည်ႇဒိုႇလာ်ဒဲႈ ငျာန်တော်ပ္လါင် တတောန်အီမှာန်း အာဝ်ဒါႈအဆေမာ်လ။” 14အူဆငည်း စဝ်ဖြားခြောႈလေႈ တိုအာဝ်ကျအာဝ်န ပ်ုန်အီုဝ့်အအ်ုန် တိုအီးအူအီး။ ႎါည်းဟောည်ႇခြောႈလေႈ စဝ်ဖြားတတိုအာဝ်ကျအာဝ်နဒီန် ကူန်ရဝ်မာဂါင်ဂဲ ဟည်အာမ်းဒိုႇ ဂေါႇမိုႈတိုအီးအီုဝ့်ဒီန် ဟည်ႎီရ်ဘယ်ဒေကြောႈ။ 15မိုႈလိူည် တိုအီးမံင်ခ္လကဲဒိူန်ဂီုည်လည်ဒါႈ “တိုအီးအူအီးနီန် မိုႈလိူည်အ်ုန်ဒါ တဂိုးဗေလဇေဗုလ ကဝ်အီမိုႈဟောခံမ်း တိုအာဝ်ကျအာဝ်နကဲနီန် ခြောႈလေႈကဲ။” 16အီဟံရ်မာ် ဂေါႇမိုႈကဲဆိင်စာမ်းတိူရ်ႈ ကဲဆိင်ဒဲႈစဝ်ဖြားယေရှုနှဲ အတိက်လက္ခဏာယိူဝ်ႇတစဝ်ဖြားအူမျိုးအူလှေ။ 17ဂေါႇမိုႈစဝ်ဖြား ဟည်နံပ်နောႈကဲ စဝ်ဖြားစီဒါႈ “ခေဲင်ကုင်အူကုင် ဆာ်နောႈဖိူမ်အယ်ကကာႈ လည်ဆံင်ခံတ်နီန် အာဝ်လှေင်ဒါင်း ကုင်ဒီန် နံင်လူလေဲဝ်ဟာဝ်း။ ဘာည်းလိူည်နီန် ခေဲင်ရမာအူလှေမာ် ဆာ်နောႈဖိူမ်လည်ကကာႈ လည်ကအေႈကမဲႈနီန် ရမာဒီန် နံင်လူလေဲဝ်ဟာဝ်းလိူည်။ 18အခည်းအ်ုန် ဆာ်မာရ်နာတ် ဆံင်ခံတ်တိုပြီမ် ကကာႈဟာဝ်းတရာင်းအ်ုန် ကုင်အ်ုန်မာ် ဘည်မှောနံင်ဘာည်းဒေဇံင်းမံင်? ကဇေန်နီန် ပဲမာ်ဒါႈဘိုး အောဒါတဂိုး ဗေလဇေဗုလ ခြောႈလေႈတိုအာဝ်ကျအာဝ်နနီန်။ 19ဆာ်မိုႈအောဒါတဂိုးအ်ုန် ခြောႈလေႈတိုအာဝ်ကျအာဝ်နကဲဒီန် တပဲ့ပဲလာ့် တဂိုးအဆေကဲဒါ ခြောႈလေႈတိုအာဝ်ကျအာဝ်နကဲဒီန်။ တပဲ့ပဲကဲဒီန် မိုႈလိူည်ဆံက်ဆေ ပ်ုန်ရေဲန်ကလူည်ႇပဲ။ 20မိုႈလိူည် ဆာ်မိုႈအော ဂေါႇမိုႈအောဒါတဂိုးတော် စဝ်ဖြား ခြောႈလည်လေႈတိုအာဝ်ကျအာဝ်နကဲနီန် အ်ုန်ဟောည်ႇနှဲအူန်း မိုႈတဆာဆနာတော်စဝ်ဖြား ဟည်ရောတ်စာ်မ်းတပဲ။” 21ဟောည်ႇဒီန် စဝ်ဖြားယေရှုစီ ခြောႈဒဝ်တိုအာဝ်ကျအာဝ်န ကနာည်နံင်နှဲ ဘည်ဒါင်းဒေဲႈတဂိုးတော် မှယ်ဒိုရ်မာရ်နတ် အ်ုန်စီဒါပုင်တဲႇဒါႈ “ကဝ်အီမိူဝ်ႈရဲင်ဘ္လောမ်ဒါင်းအူအီး ဆာ်အ်ုန်ဒါလာက်နာက်စေ့စုင် ဒံန်ခြဲအူန်းဂါင်အ်ုန် လံပ်ကဒ်ုမ် ဂြိုခြီရ်အ်ုန်မာ် နံင်မိူဝ်ႈ။ 22မိုႈလိူည် ဆာ်တိုအီးမိူဝ်ႈရဲင်ဘ္လောမ် ဒါင်းမှယ်အ်ုန် ဒေဲႈတီုက်ဘယ်အ်ုန် အ်ုန်နံင်ဘ်ုပ် ဆီမ်းဟာဝ်းလာက်နာက်ပ်ုန်နောႈဒါင်းအ်ုန် တိူဝ်ႈဟာဝ်းဂြိုခြီရ်အ်ုန်ကဲဒီန် ဟာဝ်းကဆာင်းဒဲႈလိူည်တအီးယာ့်။ 23အဆေအာဝ်ဇံင်းကဒါႇအော အာဝ်ဒါႈအူအီးတောန်အီး မိုႈလိူည်တိုအီး ဆံင်ခံတ်အောယာ့်။ အဆေအာဝ်ဂေါည်ကစုတောပ်အောမာ် နံင်ဘ်ုပ်ကကာႈကယာႈယာ့်။” 24စဝ်ဖြားယေရှုစီဒါႈဘိုး “တိုအာဝ်ကျအာဝ်န အ်ုန်အီလီပ်ခေဲင်တိုဒီန် လည်လေႈဟာဝ်း ခေဲင်ကန္တာရ ဟြီုက်ကနာည်ဂေါည်ရလှဝ်။ မိုႈလိူည်ဂေါႇမိုႈဒီမှောမာ် အ်ုန်ဟြီုက်အာဝ်ယိူဝ်း အ်ုန်စီဒါႈ ‘အောနံင်ႎီရ်ဂေါည်လိူည် ဒီတိူမ်ဂေါည်ဒေဲႈအောအာည်ႇနီန်ဒိူန်။’ 25ခိင်ဟောည်ႇရောတ် အ်ုန်ဟည်ယိူဝ်းတိုကဝ်ပ်ုန်လီပ်ဒေဲႈအ်ုန်နီန်ဒိူန် ဆငါးနှေရ်ပွံတ်ဂါင် ပ်ုန်ဟောည်ႇပီရ်ႈယာႈအယ်။ 26ဟောည်ႇဒီန် တိုအာဝ်ကျအာဝ်နဒီန် စီဟာဝ်းတောႇဘိုး တိုအာဝ်ကျအာဝ်န အီဟာည်းမှယ်ဒိုရ်အ်ုန် ပူရ်တိုႎီရ်ဂေါည် စီပဲန် ကဝ်အီကတူႈကဲဒီန်လီပ်ဒီန် ဟည်ကဆဝ်းမှယ်ဘိုးအာည်ႇနီန်။” 27ဇိုချီုင်စဝ်ဖြားဟောပနံဝ်း တကူန်ရဝ်မာဂါင်ဂဲ ကောန်အီပ်ုန်အူအီး စီဒါႈ “ကောန်အီပ်ုန်ကဝ်အီ ပျေဲႈဒေဲႈ ဒဲႈတျံင်အိုမ်ဘူးဒီန်ယာ့် မိုႈအီမိူဝ်ႈမံင်ဂလာ။” 28ခိင်ဒီန် စဝ်ဖြားစီဒါႈ “ငျားအေ့။ မိုႈလိူည်အဆေဟောည်ႇယိူဝ်းဒေတငါဝ်း ဒါတောပ်တြားတော်စဝ်ဖြားနီန် မိုႈတိုအီးမိူဝ်ႈမံင်ဂလာမှယ်ဒိုရ်။” 29ခိင်ကူန်ရဝ်မာဂါင်ကဲ ဒေဲႈကစုဂေါည်ကပါ်ႇကပံန် စဝ်ဖြားစီဒါႈ “တိုအီးခေတ်ကာပ်ကဇေန်နီန် ဟည်ရာမ်ဟာည်းဘိုန်း။ ကဲဘိူည်မှာန်းလက္ခဏာမာ် ဆဲ့ဒါႇလက္ခဏာယောနa လက္ခဏာလှေမှောမာ် နံင်အာဝ်နှဲမ။ 30ယောနနီန် ဘာည်းမိုႈအ်ုန်တလက္ခဏာ ကနာည်ကောန်ကီုင်းနိနေဝေ ကောန်စဝ်ဖြားနီန်မာ် မိုႈလက္ခာဏာ ကနာည်တိုအီးခေတ်ကာပ်ကဇေန်နီန်ယာ့်။ 31ယားဟောခံမ်းကပီုန်ရှေဘနီန်b ကနာည်နံင်ဘိူန်းဒေ တငါဝ်းပ်ုန်ပနံဝ်း ဟောခံမ်းအ်ုန်အီမိူဝ်ႈငျာန်ပိင်ငျာဒါင်းဒီန် ဘ်ုပ်ယိူဝ်ႇရောတ်ဒေဲႈကီုင်းအူကီုင်း။ မိုႈလိူည် ကဇေန်နီန် အီမျြံ တ်မှယ်ဒိုရ် ဟောခံမ်းရှောလမုင်ဒီန် ဟည်ရောတ်ဒေဲႈ။ ဂေါႇဘည်ဒီန် ဆာ်ရောတ်ဆငည်းဘ္လံက်ချှာင်တြား ယားဟောခံမ်းရှေဘ နံင်စွဲဟြာင်း တိုအီးခေတ်ကာပ်ကဇေန်နီန်။ 32ဂေါႇဘည်ဒီန် ဆငည်းဘ္လံက်ချှာင်တတြားဒီန် ကောန်ကီုင်းနိနေဝေကဲမာ် ယိူဝ်ႇအီမ်းဒေဲႈ တောပ်တိုအီးခေတ်ကာပ်ကဇေန်နီန်ကဲနီန် နံင်စွဲ ပ်ုန်လူည်ႇဆီုင်တခြိူဝ်းမျိုး။ ဂေါႇမိုႈ ကောန်ကီုင်းနိနေဝေကဲနီန် ခိင်ယိူဝ်းကဲတတငါဝ်း ပ်ုန်ဟောယောန ကဲဟည်ဘိူန်းဒိုည်ႇ ဆာင်ဝေဂ တေဲင်အီုင်ဂ္လံတ်ကဲ။ အောဒါႈတပဲ မိူဝ်ႈအီမြံျတ်မှယ်ဒိုရ် ယောန ဂေါည်တောပ်ပဲကဇေန်နီန်။ မိုႈလိူည် ပဲဘိူည်ယိူဝ်းဒေတငါဝ်း ပ်ုန်ပနံဝ်းက္လာင်းအ်ုန်မာ် ပဲအာဝ်ဘိူန်းမ ဆာင်ဝေဂ။” 33ဟောည်ႇဒီန် စဝ်ဖြားစီဒါႈ “ဂါင်ငံရ်ပ်ုန်ပတံက်အူန်းအယ် အာဝ်တိူမ်မိူဝ်ႈမ ချြံင်အူန်း၊ အူန်းခြူမ်ဆာ။ အယ်တိူမ်ႎှအူန်းလိူည် ကနာည်နံင်ပ္လါင် တကဲအီလီပ်ဒေဲႈခေဲင်ဂါင်။ 34ပ္လေငါည်ပဲ နှေရ်လိူည်ဂါင်ငံရ် တိုပိုင်းပဲယာ့်။ ဆာ်ငါည်မည်းပဲန် မည်းနံင်ယိူဝ်းဒေတိူရ်ႈ ဘည်လိုမည်းတပ္လါင် ဆာ်ငါည်မည်းအာဝ်ပဲန် တောန်မျိုးတောန်နဲ နံင်အံပ်ဒိုႇ။ 35ဂေါႇဘည်ဒီန် မည်းလိုတိူရ်ႈမေန်း အီပ္လါင်ပ်ုန်မိူဝ်ႈတမည်းဒီန် မည်ဒဲႈအ်ုန်အံပ်။ 36ဆာ်မိူဝ်ႈခံင်ပ္လါင်နီန် တပဲ နံင်အာဝ်မိူဝ်ႈယာ့် ခံင်အံပ်ဆေ ဂါင်ငံရ်နီန် အ်ုန်နံင်ပ္လါင်ဟိူဝ်ကတား တေဲင်မည်း နံင်ပ္လါင်ဒိုႇ တောန်ဒီ။” 37ခိင်ဟောက္လာင်း ဖာရိရှဲအူအီး ဖိက်ပါင်းစဝ်ဖြားပဂါင်အ်ုန် ကနာည်နံင်ရံပ်ခါမ် ကတူႈဟျံင်ပ်ုန်ဟောမ်၊ စဝ်ဖြားမာ် စွရောတ်အံက်ပပဒဲန်ဒီန်။ 38ဖာရိရှဲဟည်ယိူဝ်းဟည်အာမ်း စဝ်ဖြားအာဝ်ပါည်းလာ်ဒါ ဒေဲႈအံက်ပပဒဲန်။ 39ခိင်ဒီန် စဝ်ဖြားစီဒါႈ “ပဲဖာရိရှဲကဲဒီန် ပဲပါည်းလိူည်နှာရိူဝ်ႇဆလောႇ ခေဲင်နောႈပဲစီ မိုႈဒိုႇနောႈလောဘ ကအာႈဒိုည်ႇ။ 40တိုအီးမိူက်ႏကဲနီနအာဝ်မိုႈစဝ်ဖြားရေဲန်ဒဲႈအူန်းပွံတ် ပည်နှာရိူဝ်ႇ နှာခေဲင်။ 41ဆာ်ပဲဒဲႈဂြိုခြီုင်မိူဝ်ႈပဲ တကဲအီဖ္လါန်းကဲ စဝ်ဖြားနံင်အုင်ရံက်အေ့ ပ်ုန်ရေဲန်ပဲဒီန်။ 42ဖာရိရှဲကဲ၊ ပဲရာမ်မိူဝ်ႈ အမံင်ဂလာ။ ပိုႈပ္လေပ်ုန်လဲ့ဒေဲႈခေဲင်လိုင်းပဲ ပဲဘိူည်ဒဲႈတစဝ်ဖြား ကိူရ်ပူန်းအူပူန်းမာ် ပဲဂီုည်ခ္လံဝ်းဟောမ်တိုအီး စဝ်ဖြားမာ် ပဲအာဝ်ရံက်မအခည်း။ ဆဲႈဒါႇပဲဒဲႈတစဝ်ဖြား ကိူရ်ပူန်းအူပူန်း တအီးဟံရ်မာ် ပဲလိုကြောႈတောပ်နောႈကဓေ၊ ဘည်ဖြေင်ကဒိူဝ်ႈကဲနီန်။ 43ဖာရိရှဲကဲ၊ ပဲရာမ်မိူဝ်ႈ အမံင်ဂလာ။ ပဲကဲဒီန် ခေဲင်ကျောင်ဖြားမာ် ပဲဆိင်အံက်ဒိုႇရအာည်ႇ။ ခေဲင်က္လာႈမာ် ပဲဆိင်ဘိူန်းဒိုႇအီး ကြောႈမှိူမ်တပဲ။ 44ကဲဒီန် မိုႈဒိုည်ႇ အမံင်ဂလာယာ့်။ ပဲကဲဒီန် ပဲနှေရ်လိူည် ဆဲင်ခဴင်အာဝ်မိူဝ်ႈမာည်။ တိုအီးကဲ ကျာင်းခ္လေါႈဟာဝ်းခ္လေါႈႎီရ် အာဝ်နံပ်မိုႈဆံင်ခဴင်။” 45ခိင်ဒီန် ဆြာဆမားကျာမ်းအူအီး စီဒါႈ “ဆြာ၊ ဘည်ဒါႈမည်းဒီန် နှေရ်လိူည်မည်းဆံင်ခံတ် ပဇောႈႎီုန်ယဲ” 46ခိင်ဒီန် စဝ်ဖြားမာ်ဒါႈ “ပဲဆြာဆမားကျာမ်းကဲဒီန်မာ် မိူဝ်ႈအမံင်ဂလာ။ ပဲစီဒဲႈ တိုအီးဂဲကွံတ်ဇံန် အီမိုႈတိုပဲစီ ကတောႇတည်းပဲလိူည် အာဝ်စီႇ။ 47ပဲကဲဒီန် ပဲမိူဝ်ႈခည်း အမံင်ဂလာ။ ဂေါႇမိုႈပဲရေဲန်ဒဲႈ ဆံင်ခဴင် အာရိယာတိုအီးမှိူမ် ပ်ုန်ပျံမ်ကူန်မာတာယာပဲကဲ။ 48ဘည်ရေဲန်ပဲနီန် နှေရ်လိူည်ပဲရံပ်ခါမ် ဒါႈမိုႈ ကူန်မာတာယာပဲကဲပျံမ်း။ ဆာ်မိုႈပဲအာဝ်ရံပ်ခါမ် ပဲနံင်အာဝ်ရေဲန်ဒဲႈမ ဆံင်ခဴင်အာရိယာတိုအီးမှိူမ် ပ်ုန်ပျံမ်းကူန်တာမာယာပဲကဲဒီန်။ 49ဂေါႇဘည်ဒီန် စဝ်ဖြားအီနံပ်ဒိုည်ႇဘည်မိုႈဘည်ဘာည်းကဲနီန် ‘အ်ုန်စီပ္လေႈ အာရိယာတိုအီးမှိူမ် ကာည်း သာဝကကဲနီန်။ မိုႈလိူည် အ်ုန်ဒါႈအူန်း ပဲနံင်ပျံမ်းယံမ်း အာရိယာတိုအီးမှိူမ် မံင်ခ္လ ကာည်း ပဲနံင်လီလာနဘာည်း တသာဝကကဲ။’ 50ကောန်ခေတ်ကာပ်ကဇေန်နီန်ကဲနီန် ဂေါႇမိုႈကဲ ပျံမ်းယံမ်း အာရိယာတိုအီးမှိူမ် အိုရ်ဆီုင်ဇူႈကံမ်ဖာ စီပဲန်ပဲနံင်ဘ်ုပ်ခါမ် အီုင်ဂ္လံတ် ပ်ုန်ဘ္လံက်ချှာင်။ 51အရိယာသူတော်ဆီန်ကဲနီန် ဇူႈပွံတ်အာဗေလက ရောတ်ပွံတ် ဇာခရိ အ်ုန်အီကတူႈအီးပျံမ်းယံမ်းအ်ုန် ခနားပလ္လင်ပ်ုန်လှူ ကာည်း ဗိမာန်တော်။ ဂေါႇဘည်ဒီန် အောယက္လာင်းနှဲန် ကောန်ခေတ်ကာပ်ကဇေန်နီန် နံင်ကတူႈခါမ် အီုင်ဂ္လံတ်ပ်ုန်ဘ္လံက် ကနာည်ကဲနီန် ပည်ဒိုႇဒိုည်ႇ။ 52ဆြာဆမားကျာမ်းပဲ၊ ပဲမိူဝ်ႈခည်း အမံင်ဂလာ။ ပဲစီဆီမ်းလာည်းအူန်း လာႇဆောပ္လိုႈပိင်ငျာနံပ် အီကဆီုဝ်ကဆဲင်တစဝ်ဖြား၊ တိုပဲမာ် အာဝ်လီပ်၊ အီဟံရ်မာ် ပဲဒံန်ခြဲ” 53ဆြာဆမားကျာမ်းပဲ၊ ပဲမိူဝ်ႈခည်း အမံင်ဂလာ။ ပဲစီဆီမ်းလာည်းအူန်း လာႇဆောပ္လိုႈပိင်ငျာနံပ် အီကဆီုဝ်ကဆဲင်တစဝ်ဖြား၊ တိုပဲမာ် အာဝ်လီပ်၊ အီဟံရ်မာ် ပဲဒံန်ခြဲ” 54ကဲဆမွံတ် ကနာည်နံင်တာင်အီုင်ဂ္လံတ် တေဲင်ကြောႈပ်ုန်နံင်ပ္လါန်ကလူည်ႇစဝ်ဖြား။
Currently Selected:
Luke 11: stpv-rv
Highlight
Share
Copy
Want to have your highlights saved across all your devices? Sign up or sign in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 11
11
1အူဆငည်း ႎါည်းဟောည်ႇမှာန်း စဝ်ဖြားယေရှုတဆု ဒီအူဒီ တပဲ့တော်အ်ုန်အူအီး စီဒါႈ “စဝ်ဖြား၊ ပနောဒဲႈဆဲ့ရဒေင်မှာန်းတဆု ဘည်ပနောဒဲႈ ဆြာခါမ်ဒဲႈဘည်ညှူမ် တာဆြာယောဟာန် တပဲ့အ်ုန်ဂဲ။” 2ခိင်ဒီန် စဝ်ဖြားစီဒါႈ “ခိင်မှာန်းပဲတဆု စဝ်ဖြားကူန်၊ ‘တိူဝ်ႈကနေဲႈဂုင်တော် စဝ်ဖြားကူန်ယာ့်၊ စွရောတ်အူပ်ဘြောင်ဆဲ့ ပကုင်တိုအီး။ 3မှာန်းစဝ်ဖြား ဒဲႈအဟာရပ်ုန်ဟောမ်ပ်ုန်ဒါ ပ်ုန်လိုယဲ တောန်ဆငည်းအောႏ။ 4ပ္လိုတ်ႎါင်းခွါင်းဒဲႈဆဲ့ အီုင်ဂ္လံတ်ပ်ုန်ရေဲန်ဒေဲႈယဲ ဘည်ယဲပ္လိုတ်ႎါင်းခွါင်းဒဲႈ အီုင်ဂ္လံတ်ပ်ုန်ရေဲန်ဒေဲႈအီး တေဲင်ယဲ။ မှာန်းစဝ်ဖြား ဒံန်ခြဲဒဲႈ ခံင်အီနံင်တီုတ်နောႈယဲရေဲန်ဇီုင်းအာဝ်ကျအာဝ်န။’” 5စဝ်ဖြားစီဒါႈ “ခေဲင်ပဲအူအီး ဆာ်မိူဝ်ႈဘဝ်ဂေါအူအီး ပဲစီဟာဝ်းဇူးအ်ုန် ကဒည်ဆိူမ်အိူဝ်ဂေါ 6‘ဂေါအောအူအီး အ်ုန်ယိူဝ်းဒေဲႈပဒေင်ဒိုင်း ဂေါႇမိုႈအောအာဝ်မိူဝ်ႈပ်ုန်နံင်ဒါဟျံင်အ်ုန် ဒဲႈဘိူဝ်အောရံမ် ကဘမည်း ကပံတ်အိုည်လှေ’ 7‘ဂေါမည်းဒီန်အ်ုန်နံင်ႎီရ်ဒါႈတမည်း မည်ဒေဲႈချှုက်အော၊ ပ္လိုႈဂါင်မာ် ဟည်ဘိဒိုည်ႇ၊ တိုအီးတဂါင်ယဲမာ် ဟည်အီတ်ဒိုည်ႇ၊ ဆေမာ်အောနံင်အာဝ်ဘယ်ယိူဝ်ႇရေဲန်ဒဲႈတမည်း။’ 8ပ်ုန်ဆိင်ဒါႈအောတပဲ ဂေါပဲဒီန် အ်ုန်ဘိူည်ဒါႈလိူည် ပဲမိုႈအူဂေါ အာဝ်ဒေဲႈဒဲႈဆေမာ် ပဲအာဝ်လိုအူန်းနောႈဇောႈ ဆီုပ်မှာန်းဘိုး အ်ုန်နံင်ဘ်ုပ်ယိူဝ်ႇဒဲႈယာ့် ပ်ုန်လိုပဲဒီန်။ 9ဂေါႇဘည်ဒီန် ပ်ုန်ဆိင်ဒါႈအောတပဲ မှာန်း ဘ်ုပ်ဘိူန်းယာ့်။ ဟြီုက်၊ စံမ်ဘ်ုပ်ယိူဝ်းယာ့်။ ဒေါႈပ္လိုႈ၊ စံမ်ဘ်ုပ်ႎိူဝ်ႈယာ့်။ 10တောန်အီမှာန်း နံင်ဘိူန်းယာ့်။ တောန်အီဟြီုက် နံင်ယိူဝ်းယာ့်။ တောန်အီဒေါႈပ္လိုႈ နံင်ႎိူဝ်ႈဒဲႈယာ့်။ 11အခည်းအ်ုန် ဆာ်ကောန်မည်းမှာန်းကား ကူန်မာအီးမှောမာ် နံင်အာဝ်ဆမားဒဲႈဟဴင်? 12ဆာ်ကောန်မည်း မှာန်းကတံမ်အျံရ်မာ် ကူန်မာ် အီးမှော နံင်ဒဲႈႎါႇကာပ်။ 13ဂေါႇဘည်ဒီန် ပဲဆံမ်မိုႈစံမ်တိုအီး အာဝ်ကျအာဝ်နမာ် ဆာ်ပဲဆမားဒဲႈခံင်ကျခံင်လတကောန်ပဲ စဝ်ဖြားကူန်အီဂေါည် ပဆျှိုည်မျို့တော်နီန်မာ် အ်ုန်ဟောည်ႇဒိုႇလာ်ဒဲႈ ငျာန်တော်ပ္လါင် တတောန်အီမှာန်း အာဝ်ဒါႈအဆေမာ်လ။” 14အူဆငည်း စဝ်ဖြားခြောႈလေႈ တိုအာဝ်ကျအာဝ်န ပ်ုန်အီုဝ့်အအ်ုန် တိုအီးအူအီး။ ႎါည်းဟောည်ႇခြောႈလေႈ စဝ်ဖြားတတိုအာဝ်ကျအာဝ်နဒီန် ကူန်ရဝ်မာဂါင်ဂဲ ဟည်အာမ်းဒိုႇ ဂေါႇမိုႈတိုအီးအီုဝ့်ဒီန် ဟည်ႎီရ်ဘယ်ဒေကြောႈ။ 15မိုႈလိူည် တိုအီးမံင်ခ္လကဲဒိူန်ဂီုည်လည်ဒါႈ “တိုအီးအူအီးနီန် မိုႈလိူည်အ်ုန်ဒါ တဂိုးဗေလဇေဗုလ ကဝ်အီမိုႈဟောခံမ်း တိုအာဝ်ကျအာဝ်နကဲနီန် ခြောႈလေႈကဲ။” 16အီဟံရ်မာ် ဂေါႇမိုႈကဲဆိင်စာမ်းတိူရ်ႈ ကဲဆိင်ဒဲႈစဝ်ဖြားယေရှုနှဲ အတိက်လက္ခဏာယိူဝ်ႇတစဝ်ဖြားအူမျိုးအူလှေ။ 17ဂေါႇမိုႈစဝ်ဖြား ဟည်နံပ်နောႈကဲ စဝ်ဖြားစီဒါႈ “ခေဲင်ကုင်အူကုင် ဆာ်နောႈဖိူမ်အယ်ကကာႈ လည်ဆံင်ခံတ်နီန် အာဝ်လှေင်ဒါင်း ကုင်ဒီန် နံင်လူလေဲဝ်ဟာဝ်း။ ဘာည်းလိူည်နီန် ခေဲင်ရမာအူလှေမာ် ဆာ်နောႈဖိူမ်လည်ကကာႈ လည်ကအေႈကမဲႈနီန် ရမာဒီန် နံင်လူလေဲဝ်ဟာဝ်းလိူည်။ 18အခည်းအ်ုန် ဆာ်မာရ်နာတ် ဆံင်ခံတ်တိုပြီမ် ကကာႈဟာဝ်းတရာင်းအ်ုန် ကုင်အ်ုန်မာ် ဘည်မှောနံင်ဘာည်းဒေဇံင်းမံင်? ကဇေန်နီန် ပဲမာ်ဒါႈဘိုး အောဒါတဂိုး ဗေလဇေဗုလ ခြောႈလေႈတိုအာဝ်ကျအာဝ်နနီန်။ 19ဆာ်မိုႈအောဒါတဂိုးအ်ုန် ခြောႈလေႈတိုအာဝ်ကျအာဝ်နကဲဒီန် တပဲ့ပဲလာ့် တဂိုးအဆေကဲဒါ ခြောႈလေႈတိုအာဝ်ကျအာဝ်နကဲဒီန်။ တပဲ့ပဲကဲဒီန် မိုႈလိူည်ဆံက်ဆေ ပ်ုန်ရေဲန်ကလူည်ႇပဲ။ 20မိုႈလိူည် ဆာ်မိုႈအော ဂေါႇမိုႈအောဒါတဂိုးတော် စဝ်ဖြား ခြောႈလည်လေႈတိုအာဝ်ကျအာဝ်နကဲနီန် အ်ုန်ဟောည်ႇနှဲအူန်း မိုႈတဆာဆနာတော်စဝ်ဖြား ဟည်ရောတ်စာ်မ်းတပဲ။” 21ဟောည်ႇဒီန် စဝ်ဖြားယေရှုစီ ခြောႈဒဝ်တိုအာဝ်ကျအာဝ်န ကနာည်နံင်နှဲ ဘည်ဒါင်းဒေဲႈတဂိုးတော် မှယ်ဒိုရ်မာရ်နတ် အ်ုန်စီဒါပုင်တဲႇဒါႈ “ကဝ်အီမိူဝ်ႈရဲင်ဘ္လောမ်ဒါင်းအူအီး ဆာ်အ်ုန်ဒါလာက်နာက်စေ့စုင် ဒံန်ခြဲအူန်းဂါင်အ်ုန် လံပ်ကဒ်ုမ် ဂြိုခြီရ်အ်ုန်မာ် နံင်မိူဝ်ႈ။ 22မိုႈလိူည် ဆာ်တိုအီးမိူဝ်ႈရဲင်ဘ္လောမ် ဒါင်းမှယ်အ်ုန် ဒေဲႈတီုက်ဘယ်အ်ုန် အ်ုန်နံင်ဘ်ုပ် ဆီမ်းဟာဝ်းလာက်နာက်ပ်ုန်နောႈဒါင်းအ်ုန် တိူဝ်ႈဟာဝ်းဂြိုခြီရ်အ်ုန်ကဲဒီန် ဟာဝ်းကဆာင်းဒဲႈလိူည်တအီးယာ့်။ 23အဆေအာဝ်ဇံင်းကဒါႇအော အာဝ်ဒါႈအူအီးတောန်အီး မိုႈလိူည်တိုအီး ဆံင်ခံတ်အောယာ့်။ အဆေအာဝ်ဂေါည်ကစုတောပ်အောမာ် နံင်ဘ်ုပ်ကကာႈကယာႈယာ့်။” 24စဝ်ဖြားယေရှုစီဒါႈဘိုး “တိုအာဝ်ကျအာဝ်န အ်ုန်အီလီပ်ခေဲင်တိုဒီန် လည်လေႈဟာဝ်း ခေဲင်ကန္တာရ ဟြီုက်ကနာည်ဂေါည်ရလှဝ်။ မိုႈလိူည်ဂေါႇမိုႈဒီမှောမာ် အ်ုန်ဟြီုက်အာဝ်ယိူဝ်း အ်ုန်စီဒါႈ ‘အောနံင်ႎီရ်ဂေါည်လိူည် ဒီတိူမ်ဂေါည်ဒေဲႈအောအာည်ႇနီန်ဒိူန်။’ 25ခိင်ဟောည်ႇရောတ် အ်ုန်ဟည်ယိူဝ်းတိုကဝ်ပ်ုန်လီပ်ဒေဲႈအ်ုန်နီန်ဒိူန် ဆငါးနှေရ်ပွံတ်ဂါင် ပ်ုန်ဟောည်ႇပီရ်ႈယာႈအယ်။ 26ဟောည်ႇဒီန် တိုအာဝ်ကျအာဝ်နဒီန် စီဟာဝ်းတောႇဘိုး တိုအာဝ်ကျအာဝ်န အီဟာည်းမှယ်ဒိုရ်အ်ုန် ပူရ်တိုႎီရ်ဂေါည် စီပဲန် ကဝ်အီကတူႈကဲဒီန်လီပ်ဒီန် ဟည်ကဆဝ်းမှယ်ဘိုးအာည်ႇနီန်။” 27ဇိုချီုင်စဝ်ဖြားဟောပနံဝ်း တကူန်ရဝ်မာဂါင်ဂဲ ကောန်အီပ်ုန်အူအီး စီဒါႈ “ကောန်အီပ်ုန်ကဝ်အီ ပျေဲႈဒေဲႈ ဒဲႈတျံင်အိုမ်ဘူးဒီန်ယာ့် မိုႈအီမိူဝ်ႈမံင်ဂလာ။” 28ခိင်ဒီန် စဝ်ဖြားစီဒါႈ “ငျားအေ့။ မိုႈလိူည်အဆေဟောည်ႇယိူဝ်းဒေတငါဝ်း ဒါတောပ်တြားတော်စဝ်ဖြားနီန် မိုႈတိုအီးမိူဝ်ႈမံင်ဂလာမှယ်ဒိုရ်။” 29ခိင်ကူန်ရဝ်မာဂါင်ကဲ ဒေဲႈကစုဂေါည်ကပါ်ႇကပံန် စဝ်ဖြားစီဒါႈ “တိုအီးခေတ်ကာပ်ကဇေန်နီန် ဟည်ရာမ်ဟာည်းဘိုန်း။ ကဲဘိူည်မှာန်းလက္ခဏာမာ် ဆဲ့ဒါႇလက္ခဏာယောနa လက္ခဏာလှေမှောမာ် နံင်အာဝ်နှဲမ။ 30ယောနနီန် ဘာည်းမိုႈအ်ုန်တလက္ခဏာ ကနာည်ကောန်ကီုင်းနိနေဝေ ကောန်စဝ်ဖြားနီန်မာ် မိုႈလက္ခာဏာ ကနာည်တိုအီးခေတ်ကာပ်ကဇေန်နီန်ယာ့်။ 31ယားဟောခံမ်းကပီုန်ရှေဘနီန်b ကနာည်နံင်ဘိူန်းဒေ တငါဝ်းပ်ုန်ပနံဝ်း ဟောခံမ်းအ်ုန်အီမိူဝ်ႈငျာန်ပိင်ငျာဒါင်းဒီန် ဘ်ုပ်ယိူဝ်ႇရောတ်ဒေဲႈကီုင်းအူကီုင်း။ မိုႈလိူည် ကဇေန်နီန် အီမျြံ တ်မှယ်ဒိုရ် ဟောခံမ်းရှောလမုင်ဒီန် ဟည်ရောတ်ဒေဲႈ။ ဂေါႇဘည်ဒီန် ဆာ်ရောတ်ဆငည်းဘ္လံက်ချှာင်တြား ယားဟောခံမ်းရှေဘ နံင်စွဲဟြာင်း တိုအီးခေတ်ကာပ်ကဇေန်နီန်။ 32ဂေါႇဘည်ဒီန် ဆငည်းဘ္လံက်ချှာင်တတြားဒီန် ကောန်ကီုင်းနိနေဝေကဲမာ် ယိူဝ်ႇအီမ်းဒေဲႈ တောပ်တိုအီးခေတ်ကာပ်ကဇေန်နီန်ကဲနီန် နံင်စွဲ ပ်ုန်လူည်ႇဆီုင်တခြိူဝ်းမျိုး။ ဂေါႇမိုႈ ကောန်ကီုင်းနိနေဝေကဲနီန် ခိင်ယိူဝ်းကဲတတငါဝ်း ပ်ုန်ဟောယောန ကဲဟည်ဘိူန်းဒိုည်ႇ ဆာင်ဝေဂ တေဲင်အီုင်ဂ္လံတ်ကဲ။ အောဒါႈတပဲ မိူဝ်ႈအီမြံျတ်မှယ်ဒိုရ် ယောန ဂေါည်တောပ်ပဲကဇေန်နီန်။ မိုႈလိူည် ပဲဘိူည်ယိူဝ်းဒေတငါဝ်း ပ်ုန်ပနံဝ်းက္လာင်းအ်ုန်မာ် ပဲအာဝ်ဘိူန်းမ ဆာင်ဝေဂ။” 33ဟောည်ႇဒီန် စဝ်ဖြားစီဒါႈ “ဂါင်ငံရ်ပ်ုန်ပတံက်အူန်းအယ် အာဝ်တိူမ်မိူဝ်ႈမ ချြံင်အူန်း၊ အူန်းခြူမ်ဆာ။ အယ်တိူမ်ႎှအူန်းလိူည် ကနာည်နံင်ပ္လါင် တကဲအီလီပ်ဒေဲႈခေဲင်ဂါင်။ 34ပ္လေငါည်ပဲ နှေရ်လိူည်ဂါင်ငံရ် တိုပိုင်းပဲယာ့်။ ဆာ်ငါည်မည်းပဲန် မည်းနံင်ယိူဝ်းဒေတိူရ်ႈ ဘည်လိုမည်းတပ္လါင် ဆာ်ငါည်မည်းအာဝ်ပဲန် တောန်မျိုးတောန်နဲ နံင်အံပ်ဒိုႇ။ 35ဂေါႇဘည်ဒီန် မည်းလိုတိူရ်ႈမေန်း အီပ္လါင်ပ်ုန်မိူဝ်ႈတမည်းဒီန် မည်ဒဲႈအ်ုန်အံပ်။ 36ဆာ်မိူဝ်ႈခံင်ပ္လါင်နီန် တပဲ နံင်အာဝ်မိူဝ်ႈယာ့် ခံင်အံပ်ဆေ ဂါင်ငံရ်နီန် အ်ုန်နံင်ပ္လါင်ဟိူဝ်ကတား တေဲင်မည်း နံင်ပ္လါင်ဒိုႇ တောန်ဒီ။” 37ခိင်ဟောက္လာင်း ဖာရိရှဲအူအီး ဖိက်ပါင်းစဝ်ဖြားပဂါင်အ်ုန် ကနာည်နံင်ရံပ်ခါမ် ကတူႈဟျံင်ပ်ုန်ဟောမ်၊ စဝ်ဖြားမာ် စွရောတ်အံက်ပပဒဲန်ဒီန်။ 38ဖာရိရှဲဟည်ယိူဝ်းဟည်အာမ်း စဝ်ဖြားအာဝ်ပါည်းလာ်ဒါ ဒေဲႈအံက်ပပဒဲန်။ 39ခိင်ဒီန် စဝ်ဖြားစီဒါႈ “ပဲဖာရိရှဲကဲဒီန် ပဲပါည်းလိူည်နှာရိူဝ်ႇဆလောႇ ခေဲင်နောႈပဲစီ မိုႈဒိုႇနောႈလောဘ ကအာႈဒိုည်ႇ။ 40တိုအီးမိူက်ႏကဲနီနအာဝ်မိုႈစဝ်ဖြားရေဲန်ဒဲႈအူန်းပွံတ် ပည်နှာရိူဝ်ႇ နှာခေဲင်။ 41ဆာ်ပဲဒဲႈဂြိုခြီုင်မိူဝ်ႈပဲ တကဲအီဖ္လါန်းကဲ စဝ်ဖြားနံင်အုင်ရံက်အေ့ ပ်ုန်ရေဲန်ပဲဒီန်။ 42ဖာရိရှဲကဲ၊ ပဲရာမ်မိူဝ်ႈ အမံင်ဂလာ။ ပိုႈပ္လေပ်ုန်လဲ့ဒေဲႈခေဲင်လိုင်းပဲ ပဲဘိူည်ဒဲႈတစဝ်ဖြား ကိူရ်ပူန်းအူပူန်းမာ် ပဲဂီုည်ခ္လံဝ်းဟောမ်တိုအီး စဝ်ဖြားမာ် ပဲအာဝ်ရံက်မအခည်း။ ဆဲႈဒါႇပဲဒဲႈတစဝ်ဖြား ကိူရ်ပူန်းအူပူန်း တအီးဟံရ်မာ် ပဲလိုကြောႈတောပ်နောႈကဓေ၊ ဘည်ဖြေင်ကဒိူဝ်ႈကဲနီန်။ 43ဖာရိရှဲကဲ၊ ပဲရာမ်မိူဝ်ႈ အမံင်ဂလာ။ ပဲကဲဒီန် ခေဲင်ကျောင်ဖြားမာ် ပဲဆိင်အံက်ဒိုႇရအာည်ႇ။ ခေဲင်က္လာႈမာ် ပဲဆိင်ဘိူန်းဒိုႇအီး ကြောႈမှိူမ်တပဲ။ 44ကဲဒီန် မိုႈဒိုည်ႇ အမံင်ဂလာယာ့်။ ပဲကဲဒီန် ပဲနှေရ်လိူည် ဆဲင်ခဴင်အာဝ်မိူဝ်ႈမာည်။ တိုအီးကဲ ကျာင်းခ္လေါႈဟာဝ်းခ္လေါႈႎီရ် အာဝ်နံပ်မိုႈဆံင်ခဴင်။” 45ခိင်ဒီန် ဆြာဆမားကျာမ်းအူအီး စီဒါႈ “ဆြာ၊ ဘည်ဒါႈမည်းဒီန် နှေရ်လိူည်မည်းဆံင်ခံတ် ပဇောႈႎီုန်ယဲ” 46ခိင်ဒီန် စဝ်ဖြားမာ်ဒါႈ “ပဲဆြာဆမားကျာမ်းကဲဒီန်မာ် မိူဝ်ႈအမံင်ဂလာ။ ပဲစီဒဲႈ တိုအီးဂဲကွံတ်ဇံန် အီမိုႈတိုပဲစီ ကတောႇတည်းပဲလိူည် အာဝ်စီႇ။ 47ပဲကဲဒီန် ပဲမိူဝ်ႈခည်း အမံင်ဂလာ။ ဂေါႇမိုႈပဲရေဲန်ဒဲႈ ဆံင်ခဴင် အာရိယာတိုအီးမှိူမ် ပ်ုန်ပျံမ်ကူန်မာတာယာပဲကဲ။ 48ဘည်ရေဲန်ပဲနီန် နှေရ်လိူည်ပဲရံပ်ခါမ် ဒါႈမိုႈ ကူန်မာတာယာပဲကဲပျံမ်း။ ဆာ်မိုႈပဲအာဝ်ရံပ်ခါမ် ပဲနံင်အာဝ်ရေဲန်ဒဲႈမ ဆံင်ခဴင်အာရိယာတိုအီးမှိူမ် ပ်ုန်ပျံမ်းကူန်တာမာယာပဲကဲဒီန်။ 49ဂေါႇဘည်ဒီန် စဝ်ဖြားအီနံပ်ဒိုည်ႇဘည်မိုႈဘည်ဘာည်းကဲနီန် ‘အ်ုန်စီပ္လေႈ အာရိယာတိုအီးမှိူမ် ကာည်း သာဝကကဲနီန်။ မိုႈလိူည် အ်ုန်ဒါႈအူန်း ပဲနံင်ပျံမ်းယံမ်း အာရိယာတိုအီးမှိူမ် မံင်ခ္လ ကာည်း ပဲနံင်လီလာနဘာည်း တသာဝကကဲ။’ 50ကောန်ခေတ်ကာပ်ကဇေန်နီန်ကဲနီန် ဂေါႇမိုႈကဲ ပျံမ်းယံမ်း အာရိယာတိုအီးမှိူမ် အိုရ်ဆီုင်ဇူႈကံမ်ဖာ စီပဲန်ပဲနံင်ဘ်ုပ်ခါမ် အီုင်ဂ္လံတ် ပ်ုန်ဘ္လံက်ချှာင်။ 51အရိယာသူတော်ဆီန်ကဲနီန် ဇူႈပွံတ်အာဗေလက ရောတ်ပွံတ် ဇာခရိ အ်ုန်အီကတူႈအီးပျံမ်းယံမ်းအ်ုန် ခနားပလ္လင်ပ်ုန်လှူ ကာည်း ဗိမာန်တော်။ ဂေါႇဘည်ဒီန် အောယက္လာင်းနှဲန် ကောန်ခေတ်ကာပ်ကဇေန်နီန် နံင်ကတူႈခါမ် အီုင်ဂ္လံတ်ပ်ုန်ဘ္လံက် ကနာည်ကဲနီန် ပည်ဒိုႇဒိုည်ႇ။ 52ဆြာဆမားကျာမ်းပဲ၊ ပဲမိူဝ်ႈခည်း အမံင်ဂလာ။ ပဲစီဆီမ်းလာည်းအူန်း လာႇဆောပ္လိုႈပိင်ငျာနံပ် အီကဆီုဝ်ကဆဲင်တစဝ်ဖြား၊ တိုပဲမာ် အာဝ်လီပ်၊ အီဟံရ်မာ် ပဲဒံန်ခြဲ” 53ဆြာဆမားကျာမ်းပဲ၊ ပဲမိူဝ်ႈခည်း အမံင်ဂလာ။ ပဲစီဆီမ်းလာည်းအူန်း လာႇဆောပ္လိုႈပိင်ငျာနံပ် အီကဆီုဝ်ကဆဲင်တစဝ်ဖြား၊ တိုပဲမာ် အာဝ်လီပ်၊ အီဟံရ်မာ် ပဲဒံန်ခြဲ” 54ကဲဆမွံတ် ကနာည်နံင်တာင်အီုင်ဂ္လံတ် တေဲင်ကြောႈပ်ုန်နံင်ပ္လါန်ကလူည်ႇစဝ်ဖြား။
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.