Luke 12
12
1ခိင်ဒီန် ကူန်ရဝ်မာဂါင်ဂဲမာ်ဂီုန်း ဂေါည်ပွံတ် ဟြဲင်အ်ုန် အူအီးတောအူအီး ကံပ်နှေရ်နံင်လည်ညဲ့။ စဝ်ဖြားယေရှု က္လာင်းပွံတ်တတပဲ့တော်အ်ုန်ကဲရအာည်ႇ “ဖာရိရှဲဂဲ အီမိုႈတိုအီးဘာည်း ဆနံမ်ပ်ုန်ဟံပ်အယ် ခိင်ရေဲန်တကဘ ကဲနီန် ပဲလိုဆဒိ ႎဲႈ ဘည်ဒံင်ဒေရေဲန်ပ်ုန်မှိူမ်ကဲ။ 2အာဝ်မိူဝ်ႈမခံင်ပ်ုန်ဘိူန်းချြံင်။ လှေကဲဒီန် အူဆငည်းအူဆငည်း အ်ုန်ဆမာႎီရ်ပ္လိူရ်ႈလိူရ်ႈလိူည်။ 3ဂေါႇဘည်ဒီန် ပ်ုန်က္လာင်းပဲခေဲင်အံပ်ပည်ဒိုႇဒိုည်ႇမာ် နံင်ႎီရ်ယိူဝ်းဘိုး တငါဝ်းခေဲင်ပ္လါင်။ အယ်ဘိူည်ကဘိူည်ႇအယ်က္လာင်း ခေဲင်ႎှါင်းအာဝ်လိူရ်ႈဟံမ်းမာ် နံင်နှေရ်ဒေဲႈ အယ်ဟိုက်ဒါတေဲင်ကဒူႇဂါင် ပြိုႈက္လာင်း။” 4စဝ်ဖြားယေရှု ႎီရ်ဒါႈဘိုးအူလိူဝ်ႈ “ဂေါပဲ၊ ပ်ုန်ဆိင်ဒါႈအောတပဲမိုႈ အာဝ်လိုမယော ကဲအီနံင်ပျံမ်းတိုပိုင်းယံင်နှာမ်ပဲ။ ဆဲႈဒါႇတိုပိုင်းယံင်နှာမ်ပဲ ပ်ုန်ဟံရ်ကဲအာဝ်ဘယ်မဒေပျံမ်း။ 5မိုႈလိူည် ပ်ုန်လိုတယော မိုႈလိူည် စဝ်ဖြားအူပါးယာ့်။ ဆာ်မိုႈစဝ်ဖြား အာဝ်ႎံ န်းလိူည်အ်ုန်ဘယ်ဒေ တီုက်လာည်းအဆာက်ပဲ အ်ုန်ဘယ်ပွံတ်တိုန်းပဲလေႈ ငံရ်ရာည်း။ ဂေါႇဘည်ဒီန် ပဲလိုယောလိူည် အ်ုန်အူပါး။ 6အာဝ်မိုႈအယ်ယံင်း ဆီမ်းရဝ်အာရ်တိုငေါႈ အဿရိဒင်္ဂါးအာရ်ဘျာb။ မိုႈလိူည် ဆီမ်းရဝ်အူတိုလိူည်မာ် စဝ်ဖြားအူန်းကဲမိူဝ်ႈငေါႈခံန်။ 7ထာန်ဂေါည်ဟုကိင်တေဲင်ကိင်မည်းဒီန်မာ် စဝ်ဖြားနံပ်ဒိုည်ႇထာန်ဂေါည်။ ဂေါႇဘည်ဒီန် မည်နောႈကီန်း နောႈမှည်။ ပဲကဲနီန် ပဲမိူဝ်ႈငေါႈခံန် မှယ်ဒိုရ် ဆီမ်ရဝ်ကဲဒီန်ယာ့်။” 8စဝ်ဖြားယေရှု စီဒါႈဘိုး “အောနံင်က္လာင်းတပဲ၊ အဆေရံပ်ခါမ်ဒေပဲန်တပဲ့အော ရအာည်ႇတိုအီးဂီုန်း အီမိုႈကောန်စဝ်ဖြား အောမာ် နံင်ရံပ်ခါမ် ဒါႈအ်ုန်မိုႈတပဲ့တော်အော ရအာည်ႇကန်ုမ်ဒေဝါ စဝ်ဖြား။ 9မိုႈလိူည် ဆာ်ဆံင်ခံတ်အော ရအာည်ႇတိုအီးဂီုန်း အောမာ် နံင်ဆံင်ခံတ်ရအာည်ႇ ကန်ုမ်ဒေဝါစဝ်ဖြားကဲ။ 10အဆေပ်ုန်မိုည်ႇ လူည်ႇကောန်စဝ်ဖြားနီန် အ်ုန်ဘိူည်ကတူႈဘည်ပ္လိုတ်ခွါင်းမာ် ဆာ်လူည်ႇ ငျာန်တော်ပ္လါင် နံင်အာဝ်ကတူႈမဘည် ပ္လိုတ်ခွါင်းဒဲႈ။ 11ပဲကဲဒီန် ပဲဆံမ်ကတူႈစံမ်အီတောႇ ဘ္လံက်ရအာည်ႇ တိုအီးဒါင်းအီအူပ်ဘြောင်ဂဲ၊ ပကျောင်ဖြားမာ် ပဲမည်နောႈမှည် ဘည်မှောနံင်လို ကယာႈကြောႈကဲဒီန်။ 12ခိင်ဒီန် နြီဒီန် ငျာန်တော်ပ္လါင်နံင်ပနံဝ်းဒဲႈ ဘည်နံင်လိုတဒါႈကြောႈ။” 13ဟောည်ႇဒီန် ခေဲင်ကူန်ရဝ်မာဂါင်ကဲဒီန် အူအီးစီဒါႈ “တာဆြာ၊ ဒဲႈဆဲ့အမိင် ကနာည်နံင်ကကာႈ ပစေးပ်ုန်ဒဲႈကူန်ယဲတယဲ။” 14စဝ်ဖြားယေရှုစီႎီရ်ဒါႈ “အိူဝ်ဂေါ၊ အဆေအာပ်ဒဲႈအာဏာတအော ကနာည်နံင်ဘ္လံက်ချှာင်တြား ဘည်ကအေႈကထဴင် ပါရ်ႎည်းမည်းဒီန်။” 15ဟောည်ႇဒီန် စဝ်ဖြားဒါႈတကူန်ရဝ်မာဂါင်ဂဲ “ပဲမည်အူန်း လောဘဒါင်း။ အဆာက်ပဲ အာဝ်မိုႈမ အ်ုန်တောပ်ခြုမ် ဘည်မိူဝ်ႈပဲတဂြိုခြီရ်ဂီုန်း။” 16ဟောည်ႇဒီန် ဘည်စဝ်ဖြား နှဲပုင်တဲႇတကဲကူန်ရဝ်မာဂါင်ကဲဒီန် “မိူဝ်ႈတာဆထေးအူအီး ပိုႈပ္လေလေႈဂီုန်းခည်း ပလိုင်းဂီုင်အ်ုန် အ်ုန်ဂီုည်တဂေန်း 17‘ဂေါႇမိုႈအောအာဝ်မိူဝ်ႈဒီနံင်အူန်း ပိုႈပ္လေအောကဲနီန် ဘည်မှောအောနံင်လိုဘာည်း။’ 18ဟောည်ႇဒီန် အ်ုန်စီဒါႈ ‘အောနံင်ရေဲန်ဘည်နီန် အောနံင်ယာႈပူတ်အူန်းကအာင်ငှေါအော ရေဲန်ဒဲႈနှာင်းဒါင်း။ အောနံင်ဆီမ်းအူန်း ပိုပ္လေအောကဲနီန် ကာည်း မျိုးအီပဲန်ပ်ုန်ဟံရ်တအ်ုန်။ 19ဆာ်ဘာည်းဒီန် ဂေါႇမိုႈအောဟည်မိူဝ်ႈအူန်းခံင်ပဲန်ခံင်မှိူမ် မောကံပ်ဂိူပ်ကျံဝ်း ဇူႈကဇေန်နီန်ဟာဝ်း အောနံင်လိုလိူည် ဟောမ်အီတ်ဟောမ်ဂေါည် ဂေါည်ပျောပျောလာ်ဒါ။’ 20မိုႈလိူည် စဝ်ဖြားစီဒါႈတအ်ုန် ‘မည်းအီဇေဝ်အိူည်၊ မည်းနံင်ယံမ်းခီမှိူဝ်နီန်ယာ့်။ ပ်ုန်ကစုကပိုမ်အူန်းမည်း ပည်ဒိုႇဒိုည်ႇ နံင်ရောတ်ဒိုည်ႇတအီးယာ့်။’ 21မိုႈလိူည်ပ်ုန်နံင်ကတူႈလာ်ဒါ ကနာည်တိုအီးကဲအီကစုကပိုမ်အူန်းဖာ်ႈ ဂြိုခြီရ်ကနာည်တိုပြီမ် ထာန်ဒါင်းဒါႈမိုႈတိုအီးခြုမ်၊ အာဝ်မိုႈခြုမ်ရအာည်ႇ စဝ်ဖြား။” 22ဟောည်ႇဒီန် စဝ်ဖြားယေရှုဒါႈ တတပဲ့တော်အ်ုန်ကဲ “ဂေါႇဘည်ဒီန် အောစီဆိင်ဒါႈတပဲ၊ မည်နောႈမှည် ဆေနံင်လိုဟောမ် ကနာည်နံင်အီမ်းဇံင်း ဇိုဇာတ်ပဲဒီန် ကာည်း ဆေပဲနံင်ချှူပ်ဂဲကဲဒီန်။ 23အာဝ်မိုႈ အဆာက်အယ် အရေးဒါင်းမှယ်ဒိုရ်ပ်ုန်ဟောမ်။ တိုပိုင်းအယ်မာ် အာဝ်မိုႈအ်ုန်အရေးဒါင်း မှယ်ဒိုရ်ဂြူချှူပ်ပ်ုန်ဒါ။ 24တိူရ်ႈဆဲ့ ကအာႇႎံင်းကဲ။ ပ်ုန်တီႇဆ်ုမ်မာ်အာဝ်မိူဝ်ႈ၊ ဆဲႈဒါႇအာဝ်ဆိုက် ပူႇကနာည်နံင်ဆီမ်းအူန်းမာ် အာဝ်မိူဝ်ႈ။ ကံပ်ဘာည်းလိူည်နီန် စဝ်ဖြားဆီုင်ဟျံင်အူန်းကဲ။ အာဝ်မိုႈပဲမိူဝ်ႈ ငေါႈခံန်မှယ်ဒိုရ် ကအာႇႎံ င်းကဲဒီန်။ 25ဂေါႇနောႈမှည်နောႈယောပဲဒီန် အဆာက်ပဲ ဒိုင်းလှိူဝ်းလာ့် အူနြီ။ 26ခံင်ဒဲႇဒဲႇကဲနီန်လိူည် ဆာ်ပဲအာဝ်ဘယ်ရေဲန် ဂေါႇဆေဘာည်းပဲစီနောႈမှည်နောႈယော ကနာည်ပ်ုန်ဟံရ်။ 27တိူရ်ႈဆဲ့ဘိုး ပိုႈလဲ့ခေဲင်ဘြည်။ ဇီုင်းမာ်ကဲအာဝ်ရေဲန်၊ ဂြူမာ်ကဲအာဝ်ဇိင်လာ်ဒါ။ မိုႈလိူည် ပ်ုန်ဆိင်ဒါႈအောတပဲ ဖုင်ကျက်သရေချှီုရှောလမုင် အီမိူဝ်ႈဒေဲႈအာည်ႇနီန် ဂြူချဲမ်ဂြူပဲန်ပ်ုန်ချှူမ်အ်ုန်လိူည် အာဝ်ကယံရ်ႈ အာဝ်ယိူဝ်ႈထာန်ပိုႈဘြည်ကဲဒီန်။ 28အို ပဲအီမိူဝ်ႈနောႈညှူမ်ဘြေ့ဂဲဒီန်၊ ဆာ်စဝ်ဖြားကံပ်ရေဲန်ဒဲႈ ပိုႈဘြည်ကဲဒီန် ချှီႇကယံရ်ႈ ဇီုချီုင်အီမ်းကဲ အူကဇီန် အာည်ႇတိူဝ်ႈဟံပ်ခေဲင်ငံရ်ဒီန် အာဝ်မိုႈအ်ုန်နံင် ရေဲန်ဒဲႈမှယ်ဒိုရ်တပဲ? 29မည်နောႈမှည်နောႈယော ကနာည်ပ်ုန်ဟောမ်။ 30ကဲအီအာဝ်နံပ်စဝ်ဖြားကဲဒိူန် ကဲဆမာပဲန်နောႈမှည်နောႈယော။ မိုႈလိူည် စဝ်ဖြားနံပ်အူန်း ခံင်ပ်ုန်လိုပဲ။ 31ဂေါႇဘည်ဒီန် ဟံပ်ရဲင်ဟံပ်ဖိူမ်ပဲ ကွံတ်ထာမ်းဒဲႈ ဆာဆနာတော် စဝ်ဖြား။ ဆာ်ဘာည်းနီန် စဝ်ဖြားစီနံင် ပနိုက်ဒဲႈ ပ်ုန်လိုပဲပည်ဒိုႇဒိုည်ႇ။” 32စဝ်ဖြားယေရှုစီဒါႈဘိုး “ဖုင်ဆိုဘြည်ဒဲႇပဲ၊c ဂေါႇမိုႈစဝ်ဖြားမိူဝ်ႈပ်ုန်လို ကနာည်နံင်ဒဲႈတဆာဆနာတော်စဝ်ဖြား ပဲမည်ယောအေ့။ 33ယံင်းဒိုည်ႇထာန်မိူဝ်ႈပဲတ ဂြိုခြီရ်ဂြိုခြီုင် ဒဲႈတတိုအီးဖ္လါန်းကဲအီအာဝ်မိူဝ်ႈဆေကဲဒိူန်။ ရေဲန်ကပျာဝ်း ပ်ုန်ဒဲႈအ်ုန်ဆမာဟြော၊ ဆမာလေဲဝ် ဟံပ်ဂြိုခြီရ်ပဲ ဆီမ်းအူန်းခေဲင် တဲက်င်္ဘာဆျှိုည်မျို့တော် ကဆီုဝ်အာဝ်ဘယ်တရောတ် တိုအီးဆမာဘြားဂဲ ကာည်း ဒီအာဝ်ဘိူန်းတႎါႇကဲ ပ်ုန်လူလေဲဝ်။ 34ဂေါႇမိုႈနောႈဖိူမ်ပဲမာ် ဆမာရောတ်ဒီအူန်းတတဂြိုခြီရ်ကဲဒီန်။” 35စဝ်ဖြားယေရှုစီဒါႈဘိုး “ပဲကဲဒီန် တုဘက်ႎံ ရ်ညောည်ပဲနှာင်းရီတ် ပတံက်အူန်းပွံတ် ဂါင်ငံရ်ဒီန်နှာင်းတံန်း။ 36ဆာ်ဘာည်းဒီန် စီနံင်ဘယ်ဒေယိူဝ်ႇႎိူဝ်ႈပ္လိုႈ ခိင်ႎီရ်ရောတ်ကညာဂါင် ယိူဝ်ႇတပ္လေါည်ခံတ်မံင်ဂလာ။ 37ဆထေးနံင်ဒဲႈဆုလာပ်တအီရေဲန်ဇီုင်း ကဝ်အီမိူဝ်ႈဆဒိနှံက်အူန်း ခိင်ႎီရ်ရောတ်ဆထေး။ ဆာ်အောက္လာင်းခည်းခည်း ဆထေးဒီန် နံင်ဘက်ႎံ ရ်ညောည် ဟျံင်ပ်ုန်ဟောမ် တအီရေဲန်ဇီုင်းကဲဒီန်။ 38ခိင်ႎီရ်ရောတ်တာဆထေး ကဒည်ဆိူမ်မာ်လ၊ ဇူႈႎါရ်ႈဘြည်မာ်လ ဆာ်အ်ုန်ယိူဝ်း အီရေဲန်ဇီုင်းကဲဒီန် နှံက်ရဲ့အူန် တာဆထေးဒီန် နံင်ခိုည်းရျံန်ခည်းခည်းယာ့်။ 39ဆာ်ကညာဂါင်ဂဲနံပ် ခိင်နံင်ဒေဲႈတိုအီးဘြားဂဲ ဂေါႇမိုႈကဲဆမားဂေါည်ခြဲတ်ခြဲတ် စီပဲန် တိုအီးဘြားကဲ အာဝ်ဆမာဘိူန်း ဒေႎိူဝ်ႈလီပ်ဘြားခေဲင်ဂါင်ဒီန်။ 40ဂေါႇဘည်ဒီန် လိုဂေါည်ဒဲႈပဲတံန်း တောန်ခိင်။ ဂေါႇမိုႈအောကောန်စဝ်ဖြား နံင်စွရောတ်ဘိုး ခိင်အာဝ်ထာင်ပဲ။” 41ခိင်ဒီန်ပေတရုစီဆမွံတ် “စဝ်ဖြား၊ ပုင်တဲႇနီန်စဝ်ဖြား က္လာင်းလိူည် ကနာည်ယဲ? ကနာည်တိုအီးပည်ဒိုႇဒိုည်ႇ?” 42ခိင်ဒီန် စဝ်ဖြားစီဒါႈ “တိုအီးရေဲန်ဇီုင်းကာန် ကဝ်အီမိူဝ်ႈငျာန်ပိင်ငျာနိုက် မိူဝ်ႈဆေတ်စာ ပ်ုန်ဆူည်ႇအူန်းတာဆထေး ကနာည်နံင်ဘြဲဆားဒဲႈ တိုအီးဂါင်ကဲဟောမ်ပ်ုန်ဟောမ် အခိင်မှောအခိင်အ်ုန်နီန် အဆေအ်ုန်မိုႈ။ 43ခိင်ႎီရ်ရောတ်တာဆထေး ဆာ်အ်ုန်ယိူဝ်းအီရေဲန်ဇီုင်းကဲဒီန် ရေဲန်ဇီုင်း ကဲနံင်ဘိူန်းဆုလာပ်ယာ့်။ 44ပ်ုန်ဆိင်ဒါႈအောတပဲ၊ ဂြူခြီရ်ပ်ုန်မိူဝ်ႈအူန်းတအ်ုန်မာ် နံင်အာပ်ဒဲႈဒိုည်ႇ တကဝ်အီရေဲန်ဇီုင်းဒီန် တိူရ်ႈမေန်း။ 45မိုႈလိူည် ဆာ်ကဝ်အီရေဲန်ဇီုင်းဒီန် တဂေန်းဒါႈ ‘တာဆထေးအော နံင်ညှံမ်ႎီရ်ဒေဲႈမ’ စီတျံင်မဝ်း လာလီနဘာည်း တကဲဟံရ် 46တာဆထေးကဝ်အီရေဲန်ဇီုင်းဒီန် နံင်ႎီရ်ရောတ်အခိင်အာဝ်ထာင်အ်ုန်၊ နံင်ဒဲႈတာမ်ဒါင်း အူန်းဂေါည်ရူမ်တောပ်ကဲအီအာဝ်မိူဝ်ႈ ဆေတ်စာ။ 47ကံပ်နံပ်အူန်းအပ်ုန်လို တာဆထေးမာ် ဆာ်အာဝ်ရဲန်အူန်း၊ ဆာ်အာဝ်ရေဲန်အူန်း နံင်ဘ်ုပ်ကတူႈခါမ်တာမ် ဇံန်ယာ့်။ 48မိုႈလိူည် အီရေဲန်ဇီုင်း ဆာ်အာဝ်နံပ်ဒါ ပ်ုန်လိုတာဆထေး စီရေဲန်အီုင်ဂ္လံတ် နံင်ကတူႈလိူည်ခါမ်တာမ် စရီတ်။ ကဝ်အီဘိူန်းဆုလာပ်ဂီုန်းဒီန် နံင်မိူဝ်ႈဂီုန်းမှယ် ဇီုင်းကပ္လိူင်။ ကဝ်အီဘိူန်းအီးအာပ်ဘည်ညှူမ်ဂီုန်းနီန် နံင်ကတူႈအီးမှာန်း ဂီုန်းဂီုန်းယာ့်။” 49စဝ်ဖြားယေရှုစီဒါႈဘိုး “အောရောတ်ဒေဲႈ ကနာည်နံင်ကဆူမ်း တေဲင်ကံမ်ဖာနီန်။ အောမိူဝ်ပွံတ်ပ်ုန်လို ဒဲႈငံရ်ကဆူမ်းဒီနီန် ပဲန်ပွံတ်ကောန်အီမာည်း။ 50အာဝ်လှေင်ဒါင်း အောနံင်ဘ်ုပ်ခါမ် မံင်ဂလာခေဲင်အိုမ် ကာည်း ကီန်းဒည်းဝေဒနာကဆဝ်း။ အာည်ႇဟောည်ႇကဲဒီန် အောနံင်ကတူႈဘိုး နောႈကီန်းဒည်းဒါင်း။ 51ပဲထာင်မိုႈ အောရောတ်ဒေဲႈ ကနာည်နံင်ယေန်ငံင် တေဲင်ကံမ်ဖာနီန်? အာဝ်မိုႈလာလာ။ ဘည်မိုႈဘည်ဘာည်းပ်ုန်ရောတ်ဒေဲႈအောနီန်မိုႈ အောရောတ်ဒေဲႈ ကနာည်နံင်ကကာႈတိုအီးဂဲ။ 52ဇူႈပွံတ်ကဇေန်နီန် ခေဲင်ရမာအူရမာ အီမိူဝ်ႈတိုအီးဖံန်အီး နောႈဖိူမ်ကဲအူအီးတောအူအီး နံင်လည်ကကာႈ နံင်ပဲန် အာရ်အီးအူကဒါႇ၊ အိုည်အီးအူကဒါႇ။ 53ကူန်ကာည်း ကောန်အီမာည်း၊ မာကာည်း ကောန်အီပ်ုန်၊ ပိူဝ်ကံန် ကာည်း အ်ု နောႈဖိူမ်ကဲ နံင်ဘည်ကကာႈဒိုည်ႇ။” 54ဟောည်ႇဒီန် စဝ်ဖြားယေရှုစီဒါႈ တကူန်ရဝ်မာဂါင်ဂဲ “ပဲကဲဒီန် ဆာ်ပဲယိူဝ်းအီုင်အူႇယိူဝ်ႇဒေဲႈကဒါႇ လံပ်လီပ်ဆငည်းဟိုက်ဒေဲႈ ပဲစီဘယ်ပွံတ်ဒေဒါႈ မိုႈဘြည်နံင်က္လာင်း။ ဘည်က္လာင်းပဲမာ် ဆမားမိုႈအူန်း။ 55ခိင်ပူတ်ဒေဲႈခူရ် ကဒါႇလံပ်ကြုမ်မာ် ပဲနံပ်ပွံတ်ဒေဒါႈ နံင်တာတ်ဒေဲႈ။ ဘည်က္လာင်းပဲမာ် ဆမားမိုႈအူန်း။ 56အီဒံင်ဒေရေဲန်ပဲန်တိုအီးမှိူမ်ကဲနီန်၊ ပဲကဲဒီန် ပဲစီတိူရ်ႈလိူည်ဒါ ကတာည်းကာည်း ကာင်ဟာဝ် ဘယ်ပွံတ်ဒေ လာမ်းဘည်မိုႈဥတုရာဆီ ဆေဘာည်းပဲစီအာဝ်ဘယ် ကကာႈဒေနံပ် ဘည်မိုႈဘည်ပဲန်ဒေဲႈ ကဇေန်နီန်။ 57ကနာည်နံင်ရေဲန် အီပဲန်အီငျား ဆေဘာည်းစီအာဝ်ကကျိူည်တိုပြီမ်။ 58ဆာ်အူအီးအူကဝ် စွဲတြားတေဲင်မည်း လိုရီန်းရဲန်ဒေကမိုန်လည်နောႈယေတ် အာည်ႇရောတ်စာ်မ်း ပလူမ်ဘ္လံက်ချှာင်တြား။ ဆာ်အာဝ်မိုႈဘည်ဒီန် တားဘ္လံက်ချှာင်တြားနံင်ဒါႈမည်းမိူဝ်ႈအီုင်ဂ္လံတ် တိုန်းမည်းခေဲင်တည်း အီမိူဝ်ႈဇီုင်းကပ္လိူင် ဟံပ်လီပ်မည်းခေဲင်ကဘေဲမ်။ 59ဂါမည်းအာဝ်ဟောည်ႇ ႎျံ တ်ဒဲႈဒိုည်ႇနှီကဲဒီန် မည်အာဝ်ဘိူန်းဒေလေႈ။”
Currently Selected:
Luke 12: stpv-rv
Highlight
Share
Copy
Want to have your highlights saved across all your devices? Sign up or sign in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
Luke 12
12
1ခိင်ဒီန် ကူန်ရဝ်မာဂါင်ဂဲမာ်ဂီုန်း ဂေါည်ပွံတ် ဟြဲင်အ်ုန် အူအီးတောအူအီး ကံပ်နှေရ်နံင်လည်ညဲ့။ စဝ်ဖြားယေရှု က္လာင်းပွံတ်တတပဲ့တော်အ်ုန်ကဲရအာည်ႇ “ဖာရိရှဲဂဲ အီမိုႈတိုအီးဘာည်း ဆနံမ်ပ်ုန်ဟံပ်အယ် ခိင်ရေဲန်တကဘ ကဲနီန် ပဲလိုဆဒိ ႎဲႈ ဘည်ဒံင်ဒေရေဲန်ပ်ုန်မှိူမ်ကဲ။ 2အာဝ်မိူဝ်ႈမခံင်ပ်ုန်ဘိူန်းချြံင်။ လှေကဲဒီန် အူဆငည်းအူဆငည်း အ်ုန်ဆမာႎီရ်ပ္လိူရ်ႈလိူရ်ႈလိူည်။ 3ဂေါႇဘည်ဒီန် ပ်ုန်က္လာင်းပဲခေဲင်အံပ်ပည်ဒိုႇဒိုည်ႇမာ် နံင်ႎီရ်ယိူဝ်းဘိုး တငါဝ်းခေဲင်ပ္လါင်။ အယ်ဘိူည်ကဘိူည်ႇအယ်က္လာင်း ခေဲင်ႎှါင်းအာဝ်လိူရ်ႈဟံမ်းမာ် နံင်နှေရ်ဒေဲႈ အယ်ဟိုက်ဒါတေဲင်ကဒူႇဂါင် ပြိုႈက္လာင်း။” 4စဝ်ဖြားယေရှု ႎီရ်ဒါႈဘိုးအူလိူဝ်ႈ “ဂေါပဲ၊ ပ်ုန်ဆိင်ဒါႈအောတပဲမိုႈ အာဝ်လိုမယော ကဲအီနံင်ပျံမ်းတိုပိုင်းယံင်နှာမ်ပဲ။ ဆဲႈဒါႇတိုပိုင်းယံင်နှာမ်ပဲ ပ်ုန်ဟံရ်ကဲအာဝ်ဘယ်မဒေပျံမ်း။ 5မိုႈလိူည် ပ်ုန်လိုတယော မိုႈလိူည် စဝ်ဖြားအူပါးယာ့်။ ဆာ်မိုႈစဝ်ဖြား အာဝ်ႎံ န်းလိူည်အ်ုန်ဘယ်ဒေ တီုက်လာည်းအဆာက်ပဲ အ်ုန်ဘယ်ပွံတ်တိုန်းပဲလေႈ ငံရ်ရာည်း။ ဂေါႇဘည်ဒီန် ပဲလိုယောလိူည် အ်ုန်အူပါး။ 6အာဝ်မိုႈအယ်ယံင်း ဆီမ်းရဝ်အာရ်တိုငေါႈ အဿရိဒင်္ဂါးအာရ်ဘျာb။ မိုႈလိူည် ဆီမ်းရဝ်အူတိုလိူည်မာ် စဝ်ဖြားအူန်းကဲမိူဝ်ႈငေါႈခံန်။ 7ထာန်ဂေါည်ဟုကိင်တေဲင်ကိင်မည်းဒီန်မာ် စဝ်ဖြားနံပ်ဒိုည်ႇထာန်ဂေါည်။ ဂေါႇဘည်ဒီန် မည်နောႈကီန်း နောႈမှည်။ ပဲကဲနီန် ပဲမိူဝ်ႈငေါႈခံန် မှယ်ဒိုရ် ဆီမ်ရဝ်ကဲဒီန်ယာ့်။” 8စဝ်ဖြားယေရှု စီဒါႈဘိုး “အောနံင်က္လာင်းတပဲ၊ အဆေရံပ်ခါမ်ဒေပဲန်တပဲ့အော ရအာည်ႇတိုအီးဂီုန်း အီမိုႈကောန်စဝ်ဖြား အောမာ် နံင်ရံပ်ခါမ် ဒါႈအ်ုန်မိုႈတပဲ့တော်အော ရအာည်ႇကန်ုမ်ဒေဝါ စဝ်ဖြား။ 9မိုႈလိူည် ဆာ်ဆံင်ခံတ်အော ရအာည်ႇတိုအီးဂီုန်း အောမာ် နံင်ဆံင်ခံတ်ရအာည်ႇ ကန်ုမ်ဒေဝါစဝ်ဖြားကဲ။ 10အဆေပ်ုန်မိုည်ႇ လူည်ႇကောန်စဝ်ဖြားနီန် အ်ုန်ဘိူည်ကတူႈဘည်ပ္လိုတ်ခွါင်းမာ် ဆာ်လူည်ႇ ငျာန်တော်ပ္လါင် နံင်အာဝ်ကတူႈမဘည် ပ္လိုတ်ခွါင်းဒဲႈ။ 11ပဲကဲဒီန် ပဲဆံမ်ကတူႈစံမ်အီတောႇ ဘ္လံက်ရအာည်ႇ တိုအီးဒါင်းအီအူပ်ဘြောင်ဂဲ၊ ပကျောင်ဖြားမာ် ပဲမည်နောႈမှည် ဘည်မှောနံင်လို ကယာႈကြောႈကဲဒီန်။ 12ခိင်ဒီန် နြီဒီန် ငျာန်တော်ပ္လါင်နံင်ပနံဝ်းဒဲႈ ဘည်နံင်လိုတဒါႈကြောႈ။” 13ဟောည်ႇဒီန် ခေဲင်ကူန်ရဝ်မာဂါင်ကဲဒီန် အူအီးစီဒါႈ “တာဆြာ၊ ဒဲႈဆဲ့အမိင် ကနာည်နံင်ကကာႈ ပစေးပ်ုန်ဒဲႈကူန်ယဲတယဲ။” 14စဝ်ဖြားယေရှုစီႎီရ်ဒါႈ “အိူဝ်ဂေါ၊ အဆေအာပ်ဒဲႈအာဏာတအော ကနာည်နံင်ဘ္လံက်ချှာင်တြား ဘည်ကအေႈကထဴင် ပါရ်ႎည်းမည်းဒီန်။” 15ဟောည်ႇဒီန် စဝ်ဖြားဒါႈတကူန်ရဝ်မာဂါင်ဂဲ “ပဲမည်အူန်း လောဘဒါင်း။ အဆာက်ပဲ အာဝ်မိုႈမ အ်ုန်တောပ်ခြုမ် ဘည်မိူဝ်ႈပဲတဂြိုခြီရ်ဂီုန်း။” 16ဟောည်ႇဒီန် ဘည်စဝ်ဖြား နှဲပုင်တဲႇတကဲကူန်ရဝ်မာဂါင်ကဲဒီန် “မိူဝ်ႈတာဆထေးအူအီး ပိုႈပ္လေလေႈဂီုန်းခည်း ပလိုင်းဂီုင်အ်ုန် အ်ုန်ဂီုည်တဂေန်း 17‘ဂေါႇမိုႈအောအာဝ်မိူဝ်ႈဒီနံင်အူန်း ပိုႈပ္လေအောကဲနီန် ဘည်မှောအောနံင်လိုဘာည်း။’ 18ဟောည်ႇဒီန် အ်ုန်စီဒါႈ ‘အောနံင်ရေဲန်ဘည်နီန် အောနံင်ယာႈပူတ်အူန်းကအာင်ငှေါအော ရေဲန်ဒဲႈနှာင်းဒါင်း။ အောနံင်ဆီမ်းအူန်း ပိုပ္လေအောကဲနီန် ကာည်း မျိုးအီပဲန်ပ်ုန်ဟံရ်တအ်ုန်။ 19ဆာ်ဘာည်းဒီန် ဂေါႇမိုႈအောဟည်မိူဝ်ႈအူန်းခံင်ပဲန်ခံင်မှိူမ် မောကံပ်ဂိူပ်ကျံဝ်း ဇူႈကဇေန်နီန်ဟာဝ်း အောနံင်လိုလိူည် ဟောမ်အီတ်ဟောမ်ဂေါည် ဂေါည်ပျောပျောလာ်ဒါ။’ 20မိုႈလိူည် စဝ်ဖြားစီဒါႈတအ်ုန် ‘မည်းအီဇေဝ်အိူည်၊ မည်းနံင်ယံမ်းခီမှိူဝ်နီန်ယာ့်။ ပ်ုန်ကစုကပိုမ်အူန်းမည်း ပည်ဒိုႇဒိုည်ႇ နံင်ရောတ်ဒိုည်ႇတအီးယာ့်။’ 21မိုႈလိူည်ပ်ုန်နံင်ကတူႈလာ်ဒါ ကနာည်တိုအီးကဲအီကစုကပိုမ်အူန်းဖာ်ႈ ဂြိုခြီရ်ကနာည်တိုပြီမ် ထာန်ဒါင်းဒါႈမိုႈတိုအီးခြုမ်၊ အာဝ်မိုႈခြုမ်ရအာည်ႇ စဝ်ဖြား။” 22ဟောည်ႇဒီန် စဝ်ဖြားယေရှုဒါႈ တတပဲ့တော်အ်ုန်ကဲ “ဂေါႇဘည်ဒီန် အောစီဆိင်ဒါႈတပဲ၊ မည်နောႈမှည် ဆေနံင်လိုဟောမ် ကနာည်နံင်အီမ်းဇံင်း ဇိုဇာတ်ပဲဒီန် ကာည်း ဆေပဲနံင်ချှူပ်ဂဲကဲဒီန်။ 23အာဝ်မိုႈ အဆာက်အယ် အရေးဒါင်းမှယ်ဒိုရ်ပ်ုန်ဟောမ်။ တိုပိုင်းအယ်မာ် အာဝ်မိုႈအ်ုန်အရေးဒါင်း မှယ်ဒိုရ်ဂြူချှူပ်ပ်ုန်ဒါ။ 24တိူရ်ႈဆဲ့ ကအာႇႎံင်းကဲ။ ပ်ုန်တီႇဆ်ုမ်မာ်အာဝ်မိူဝ်ႈ၊ ဆဲႈဒါႇအာဝ်ဆိုက် ပူႇကနာည်နံင်ဆီမ်းအူန်းမာ် အာဝ်မိူဝ်ႈ။ ကံပ်ဘာည်းလိူည်နီန် စဝ်ဖြားဆီုင်ဟျံင်အူန်းကဲ။ အာဝ်မိုႈပဲမိူဝ်ႈ ငေါႈခံန်မှယ်ဒိုရ် ကအာႇႎံ င်းကဲဒီန်။ 25ဂေါႇနောႈမှည်နောႈယောပဲဒီန် အဆာက်ပဲ ဒိုင်းလှိူဝ်းလာ့် အူနြီ။ 26ခံင်ဒဲႇဒဲႇကဲနီန်လိူည် ဆာ်ပဲအာဝ်ဘယ်ရေဲန် ဂေါႇဆေဘာည်းပဲစီနောႈမှည်နောႈယော ကနာည်ပ်ုန်ဟံရ်။ 27တိူရ်ႈဆဲ့ဘိုး ပိုႈလဲ့ခေဲင်ဘြည်။ ဇီုင်းမာ်ကဲအာဝ်ရေဲန်၊ ဂြူမာ်ကဲအာဝ်ဇိင်လာ်ဒါ။ မိုႈလိူည် ပ်ုန်ဆိင်ဒါႈအောတပဲ ဖုင်ကျက်သရေချှီုရှောလမုင် အီမိူဝ်ႈဒေဲႈအာည်ႇနီန် ဂြူချဲမ်ဂြူပဲန်ပ်ုန်ချှူမ်အ်ုန်လိူည် အာဝ်ကယံရ်ႈ အာဝ်ယိူဝ်ႈထာန်ပိုႈဘြည်ကဲဒီန်။ 28အို ပဲအီမိူဝ်ႈနောႈညှူမ်ဘြေ့ဂဲဒီန်၊ ဆာ်စဝ်ဖြားကံပ်ရေဲန်ဒဲႈ ပိုႈဘြည်ကဲဒီန် ချှီႇကယံရ်ႈ ဇီုချီုင်အီမ်းကဲ အူကဇီန် အာည်ႇတိူဝ်ႈဟံပ်ခေဲင်ငံရ်ဒီန် အာဝ်မိုႈအ်ုန်နံင် ရေဲန်ဒဲႈမှယ်ဒိုရ်တပဲ? 29မည်နောႈမှည်နောႈယော ကနာည်ပ်ုန်ဟောမ်။ 30ကဲအီအာဝ်နံပ်စဝ်ဖြားကဲဒိူန် ကဲဆမာပဲန်နောႈမှည်နောႈယော။ မိုႈလိူည် စဝ်ဖြားနံပ်အူန်း ခံင်ပ်ုန်လိုပဲ။ 31ဂေါႇဘည်ဒီန် ဟံပ်ရဲင်ဟံပ်ဖိူမ်ပဲ ကွံတ်ထာမ်းဒဲႈ ဆာဆနာတော် စဝ်ဖြား။ ဆာ်ဘာည်းနီန် စဝ်ဖြားစီနံင် ပနိုက်ဒဲႈ ပ်ုန်လိုပဲပည်ဒိုႇဒိုည်ႇ။” 32စဝ်ဖြားယေရှုစီဒါႈဘိုး “ဖုင်ဆိုဘြည်ဒဲႇပဲ၊c ဂေါႇမိုႈစဝ်ဖြားမိူဝ်ႈပ်ုန်လို ကနာည်နံင်ဒဲႈတဆာဆနာတော်စဝ်ဖြား ပဲမည်ယောအေ့။ 33ယံင်းဒိုည်ႇထာန်မိူဝ်ႈပဲတ ဂြိုခြီရ်ဂြိုခြီုင် ဒဲႈတတိုအီးဖ္လါန်းကဲအီအာဝ်မိူဝ်ႈဆေကဲဒိူန်။ ရေဲန်ကပျာဝ်း ပ်ုန်ဒဲႈအ်ုန်ဆမာဟြော၊ ဆမာလေဲဝ် ဟံပ်ဂြိုခြီရ်ပဲ ဆီမ်းအူန်းခေဲင် တဲက်င်္ဘာဆျှိုည်မျို့တော် ကဆီုဝ်အာဝ်ဘယ်တရောတ် တိုအီးဆမာဘြားဂဲ ကာည်း ဒီအာဝ်ဘိူန်းတႎါႇကဲ ပ်ုန်လူလေဲဝ်။ 34ဂေါႇမိုႈနောႈဖိူမ်ပဲမာ် ဆမာရောတ်ဒီအူန်းတတဂြိုခြီရ်ကဲဒီန်။” 35စဝ်ဖြားယေရှုစီဒါႈဘိုး “ပဲကဲဒီန် တုဘက်ႎံ ရ်ညောည်ပဲနှာင်းရီတ် ပတံက်အူန်းပွံတ် ဂါင်ငံရ်ဒီန်နှာင်းတံန်း။ 36ဆာ်ဘာည်းဒီန် စီနံင်ဘယ်ဒေယိူဝ်ႇႎိူဝ်ႈပ္လိုႈ ခိင်ႎီရ်ရောတ်ကညာဂါင် ယိူဝ်ႇတပ္လေါည်ခံတ်မံင်ဂလာ။ 37ဆထေးနံင်ဒဲႈဆုလာပ်တအီရေဲန်ဇီုင်း ကဝ်အီမိူဝ်ႈဆဒိနှံက်အူန်း ခိင်ႎီရ်ရောတ်ဆထေး။ ဆာ်အောက္လာင်းခည်းခည်း ဆထေးဒီန် နံင်ဘက်ႎံ ရ်ညောည် ဟျံင်ပ်ုန်ဟောမ် တအီရေဲန်ဇီုင်းကဲဒီန်။ 38ခိင်ႎီရ်ရောတ်တာဆထေး ကဒည်ဆိူမ်မာ်လ၊ ဇူႈႎါရ်ႈဘြည်မာ်လ ဆာ်အ်ုန်ယိူဝ်း အီရေဲန်ဇီုင်းကဲဒီန် နှံက်ရဲ့အူန် တာဆထေးဒီန် နံင်ခိုည်းရျံန်ခည်းခည်းယာ့်။ 39ဆာ်ကညာဂါင်ဂဲနံပ် ခိင်နံင်ဒေဲႈတိုအီးဘြားဂဲ ဂေါႇမိုႈကဲဆမားဂေါည်ခြဲတ်ခြဲတ် စီပဲန် တိုအီးဘြားကဲ အာဝ်ဆမာဘိူန်း ဒေႎိူဝ်ႈလီပ်ဘြားခေဲင်ဂါင်ဒီန်။ 40ဂေါႇဘည်ဒီန် လိုဂေါည်ဒဲႈပဲတံန်း တောန်ခိင်။ ဂေါႇမိုႈအောကောန်စဝ်ဖြား နံင်စွရောတ်ဘိုး ခိင်အာဝ်ထာင်ပဲ။” 41ခိင်ဒီန်ပေတရုစီဆမွံတ် “စဝ်ဖြား၊ ပုင်တဲႇနီန်စဝ်ဖြား က္လာင်းလိူည် ကနာည်ယဲ? ကနာည်တိုအီးပည်ဒိုႇဒိုည်ႇ?” 42ခိင်ဒီန် စဝ်ဖြားစီဒါႈ “တိုအီးရေဲန်ဇီုင်းကာန် ကဝ်အီမိူဝ်ႈငျာန်ပိင်ငျာနိုက် မိူဝ်ႈဆေတ်စာ ပ်ုန်ဆူည်ႇအူန်းတာဆထေး ကနာည်နံင်ဘြဲဆားဒဲႈ တိုအီးဂါင်ကဲဟောမ်ပ်ုန်ဟောမ် အခိင်မှောအခိင်အ်ုန်နီန် အဆေအ်ုန်မိုႈ။ 43ခိင်ႎီရ်ရောတ်တာဆထေး ဆာ်အ်ုန်ယိူဝ်းအီရေဲန်ဇီုင်းကဲဒီန် ရေဲန်ဇီုင်း ကဲနံင်ဘိူန်းဆုလာပ်ယာ့်။ 44ပ်ုန်ဆိင်ဒါႈအောတပဲ၊ ဂြူခြီရ်ပ်ုန်မိူဝ်ႈအူန်းတအ်ုန်မာ် နံင်အာပ်ဒဲႈဒိုည်ႇ တကဝ်အီရေဲန်ဇီုင်းဒီန် တိူရ်ႈမေန်း။ 45မိုႈလိူည် ဆာ်ကဝ်အီရေဲန်ဇီုင်းဒီန် တဂေန်းဒါႈ ‘တာဆထေးအော နံင်ညှံမ်ႎီရ်ဒေဲႈမ’ စီတျံင်မဝ်း လာလီနဘာည်း တကဲဟံရ် 46တာဆထေးကဝ်အီရေဲန်ဇီုင်းဒီန် နံင်ႎီရ်ရောတ်အခိင်အာဝ်ထာင်အ်ုန်၊ နံင်ဒဲႈတာမ်ဒါင်း အူန်းဂေါည်ရူမ်တောပ်ကဲအီအာဝ်မိူဝ်ႈ ဆေတ်စာ။ 47ကံပ်နံပ်အူန်းအပ်ုန်လို တာဆထေးမာ် ဆာ်အာဝ်ရဲန်အူန်း၊ ဆာ်အာဝ်ရေဲန်အူန်း နံင်ဘ်ုပ်ကတူႈခါမ်တာမ် ဇံန်ယာ့်။ 48မိုႈလိူည် အီရေဲန်ဇီုင်း ဆာ်အာဝ်နံပ်ဒါ ပ်ုန်လိုတာဆထေး စီရေဲန်အီုင်ဂ္လံတ် နံင်ကတူႈလိူည်ခါမ်တာမ် စရီတ်။ ကဝ်အီဘိူန်းဆုလာပ်ဂီုန်းဒီန် နံင်မိူဝ်ႈဂီုန်းမှယ် ဇီုင်းကပ္လိူင်။ ကဝ်အီဘိူန်းအီးအာပ်ဘည်ညှူမ်ဂီုန်းနီန် နံင်ကတူႈအီးမှာန်း ဂီုန်းဂီုန်းယာ့်။” 49စဝ်ဖြားယေရှုစီဒါႈဘိုး “အောရောတ်ဒေဲႈ ကနာည်နံင်ကဆူမ်း တေဲင်ကံမ်ဖာနီန်။ အောမိူဝ်ပွံတ်ပ်ုန်လို ဒဲႈငံရ်ကဆူမ်းဒီနီန် ပဲန်ပွံတ်ကောန်အီမာည်း။ 50အာဝ်လှေင်ဒါင်း အောနံင်ဘ်ုပ်ခါမ် မံင်ဂလာခေဲင်အိုမ် ကာည်း ကီန်းဒည်းဝေဒနာကဆဝ်း။ အာည်ႇဟောည်ႇကဲဒီန် အောနံင်ကတူႈဘိုး နောႈကီန်းဒည်းဒါင်း။ 51ပဲထာင်မိုႈ အောရောတ်ဒေဲႈ ကနာည်နံင်ယေန်ငံင် တေဲင်ကံမ်ဖာနီန်? အာဝ်မိုႈလာလာ။ ဘည်မိုႈဘည်ဘာည်းပ်ုန်ရောတ်ဒေဲႈအောနီန်မိုႈ အောရောတ်ဒေဲႈ ကနာည်နံင်ကကာႈတိုအီးဂဲ။ 52ဇူႈပွံတ်ကဇေန်နီန် ခေဲင်ရမာအူရမာ အီမိူဝ်ႈတိုအီးဖံန်အီး နောႈဖိူမ်ကဲအူအီးတောအူအီး နံင်လည်ကကာႈ နံင်ပဲန် အာရ်အီးအူကဒါႇ၊ အိုည်အီးအူကဒါႇ။ 53ကူန်ကာည်း ကောန်အီမာည်း၊ မာကာည်း ကောန်အီပ်ုန်၊ ပိူဝ်ကံန် ကာည်း အ်ု နောႈဖိူမ်ကဲ နံင်ဘည်ကကာႈဒိုည်ႇ။” 54ဟောည်ႇဒီန် စဝ်ဖြားယေရှုစီဒါႈ တကူန်ရဝ်မာဂါင်ဂဲ “ပဲကဲဒီန် ဆာ်ပဲယိူဝ်းအီုင်အူႇယိူဝ်ႇဒေဲႈကဒါႇ လံပ်လီပ်ဆငည်းဟိုက်ဒေဲႈ ပဲစီဘယ်ပွံတ်ဒေဒါႈ မိုႈဘြည်နံင်က္လာင်း။ ဘည်က္လာင်းပဲမာ် ဆမားမိုႈအူန်း။ 55ခိင်ပူတ်ဒေဲႈခူရ် ကဒါႇလံပ်ကြုမ်မာ် ပဲနံပ်ပွံတ်ဒေဒါႈ နံင်တာတ်ဒေဲႈ။ ဘည်က္လာင်းပဲမာ် ဆမားမိုႈအူန်း။ 56အီဒံင်ဒေရေဲန်ပဲန်တိုအီးမှိူမ်ကဲနီန်၊ ပဲကဲဒီန် ပဲစီတိူရ်ႈလိူည်ဒါ ကတာည်းကာည်း ကာင်ဟာဝ် ဘယ်ပွံတ်ဒေ လာမ်းဘည်မိုႈဥတုရာဆီ ဆေဘာည်းပဲစီအာဝ်ဘယ် ကကာႈဒေနံပ် ဘည်မိုႈဘည်ပဲန်ဒေဲႈ ကဇေန်နီန်။ 57ကနာည်နံင်ရေဲန် အီပဲန်အီငျား ဆေဘာည်းစီအာဝ်ကကျိူည်တိုပြီမ်။ 58ဆာ်အူအီးအူကဝ် စွဲတြားတေဲင်မည်း လိုရီန်းရဲန်ဒေကမိုန်လည်နောႈယေတ် အာည်ႇရောတ်စာ်မ်း ပလူမ်ဘ္လံက်ချှာင်တြား။ ဆာ်အာဝ်မိုႈဘည်ဒီန် တားဘ္လံက်ချှာင်တြားနံင်ဒါႈမည်းမိူဝ်ႈအီုင်ဂ္လံတ် တိုန်းမည်းခေဲင်တည်း အီမိူဝ်ႈဇီုင်းကပ္လိူင် ဟံပ်လီပ်မည်းခေဲင်ကဘေဲမ်။ 59ဂါမည်းအာဝ်ဟောည်ႇ ႎျံ တ်ဒဲႈဒိုည်ႇနှီကဲဒီန် မည်အာဝ်ဘိူန်းဒေလေႈ။”
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the Shwe Palaung Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.