Luke 3
3
1စောင့်ခွန်ဟော်ဖိုင်ရောမ တိဗေရိလ အုပ်ချုပ်အောင်းရောမအင်ပါယာ ဆစ်ပ်ဟာ့ပီးရောင်းကော်လော့် ရာမှိန်းယုဒ ပုန္တိပိလတ်လ ပေးစောင့်ခွန်ဟော်ငွန်းဝိုက်။ ရာဂါလိလဲဟောန့်ပေါဝါလော့် ဟေရုဒ်အန္တိပ အုပ်ချုပ်မားဝိုက်။ နောင့်စိုင်းဟေရုဒ်အန္တိပ ဖိလိပ္ပုလ အောင်းမှိန်းဣတုရဲတောင်း အောင်းမှိန်းတရာခေါနိတ် ပေးစောင့်ခွန်ဟော်ငွန်းဆီ၊ လုသာနိပေါဝါလော့် ရာမှိန်းအဘိလင် ပေးစောင့်ခွန်ဟော်ငွန်းဝိုက်။ 2အန္နတောင်းကာယာဖဟော်လ ပေးပုရောဟိတ်အောင်းချဉ်းရောင်ဝ်ဟင်းဝိုက်။ မေအချိန်ဟောန့် နှုတ်ကပတ်တော်စောင့်ဖလားလ အောင်းရောင်းရာတီတောင်းကွန်းလေတောင်းကိုင်း ရာလုစိုင်းဇာခရိ ရာယောဟန်ဟောန့် ထီန်မားကော်ဝိုက်။ 3ကောပ့်နယ့်ညော့ ယောဟန်န ရာခန့်ဟဉ်းဟွေ့လုန်ဂျော်ဒန် တောင်းလျှောက်လျှောက် ကွာခွန့်ကွာလောင်ဆီ အောင်းကွန်းတောင်းလုန် ဆီမေအပြစ်မနော်လ အောင်းခွင့်လွှတ်ဟပေါနယ့်ခမ် နောင်တသံဝေဂနွိုက်ဟင်းဆီ အကြောင်းဟခမ်ရေနှစ်မင်္ဂလာ ဟောပြားကော်ဝိုက်။ 4ခနောဝ်လိကျမ်းပရောဖက်ဟေရှာယ တင့်မ်ဝိုက်လ“ရာတီတောင်းကွန်းလေတောင်းကိုင်း ကွန်းကော်နိမ်လ ကွာခွန့်ကွာလောင်ဆီ စေဆီအူလ‘အောင်းခွန်တန်းစောင့် အဆင်သင့်ဟပေါပေး မဲဟင်း။အောင်းခွန်းတန်းစောင့် ဟနောန်ဟင်း။ 5အောင်းဝပ့်လေ တောင်းနောင်နဉ်းတောင်းဖို့ဆီအောင်းနွဲလေတောင်း အောင်းကုန်းနွဲလေကော့် ဟညီဟင်း။အောင်းခွန်တန်းကို့လေ ဟနောန်ဆီအောင်းခွန်တန်းကြမ်းလေ ဟပေါလိန့်မ် ဟေဟင်း။’ 6နောက်လောင်နော့် ကွန်းတောင်းလုန်န အောင်းစောင့်ကယ်အောင်းစောင့်ဖလားပွယ်မား တနယ့်ဟောန်ဟင်း” ဆီ ပေးဝိုက်။ 7နောက်လောင်နော့် ယောဟန်န ရာမွန်း အောင်းကွန်းဖွန်မားခမ်ရေနှစ်မင်္ဂလာလေ “ကွန်းနောင်အောင်းငူမနီးလေ၊ အောင်းသကောင့်ဝ်ထီန်မား ဆီမေအောင်းစောင့်ဖလားဟောင့်ဝ်အပြစ်လ ဟပေါလောက် အောင်းမဆူ ဖောဟောင့်ဝ်ဆတိမား။ 8ကောပ့်နယ့်ညော့ အပြစ်မဆူအောင်းမနီးမငမ်းလေ မရောင်းကော့်ဝါလ ဟပေါနယ့်ပြားသက်သေ တူးနိမ်မတူးနိမ် ဟေပြားဟင်းနူ။ အောင်းမဆူတောင်းမဆူ ပေးမျိုးဆတ်အာဗြဟံဆီ ပီဝါဟင်း။ ဟေဟောင်းဆီပေါဝါလော့် စောင့်ဖလားန အောင်းကောင့်ဟဉ်ဟိုက်လေ တော်ပေါပေးမျိုးဆတ်အာဗြဟံ ဖန်စန်းပဲ့။ 9အချီန်အစောင် စောင့်ဖလားလ အောင်းကွန်းနောင်တသံဝေဂမနွိုက်လေ အပြစ်လုန်ဟပေါနယ့်ဟောင့်ဝ် အဆင်သင့်ရောင်း။ ကောပ့်နယ့်ညော့ နောင်တသံဝေဂမနွိုက်ဆီ ကွန်းဟေလောင်အောင်းမနီးလေန အောင်းစောင့်ဖလားဟောင့်အပြစ် နယ့်ခမ်ဆီ အောင်းဟူခေါင့်ဝ်ခနောဝ်ဖိုင်း တနယ့်ခမ်” ဆီ ဝါကော်ဝိုက်။ 10မေနယ့်လော့် ကွန်းဖွန်လေန အောင်းစဟောဟန် “နောင်နယ့်ပေါဝါလော့် ဟောတနယ့်ဟေနောင်နူး” ဆီ ထန်မ်ဟင်းကော်ဝိုက်။ 11ယောဟန်ကော့် “ခနောဝ်မဆူ ကွန်းဆေဆောင်န်ဖွန်ရောင်းန အောင်းကွန်းမရောင်း ဖွန်နိမ်တနယ့်ဟောင့်ဝ်။ ရာမဆူ ခေါင်ကျဉ်းဟောင်ပေါရောင်းကော့် အောင်းကွန်းမရောင်းလေ နောင်နယ့်ကျဉ်းနော့် တနယ့်မိုင်ဟောင့်ဝ်” ဆီ ဝါကော်ဝိုက်။ 12ကွန်းကျေပ်ကာမောင်းဖောင်ကော့် ရာယောဟန် ပေါနယ့်ခမ်ရေနှစ်မင်္ဂလာ ထီန်ဟင်းမားဆီ မနော်လေန “ဆရာ၊ ဟောပဲ တနယ့်ဟေနောင်နူး” ဆီ ထန်မ်ဟင်းကော်လော့် 13ယောဟန်လ အောင်းစမနော် “မဆူလေန အောင်းကာလေ ဆာဆီအောင်းသတ်မှတ်ဝိုက်လ ဆာဆီပီကျေပ်ဟင်း” ဆီ ဝါကော်ဝိုက်။ 14စစ်သားမောင်းဖောင်လ အောင်းစမွန်း “ဟောပဲ တနယ့်ဟေနောင်နူး” ဆီ ထန်မ်ကော်လော့် ယောဟန်ကော့် “မဆူ ဆီမေကွန်းလေ ငွန်းလေ အတင်းပီရောန်းဟင်း။ အောင်းဖောကော့် မစော်မစီ ပီစွပ်စွဲဟင်း။ နောင်ငွန်းအောင်းမဆူဟေလောင်ဆီ နွိုက်အင်ပေါ့ ကျေနပ်ဟင်း” ဆီ ဝါပေါက်ကော်ဝိုက်။ 15ကွန်းတောင်းလုန်န မဟူခွေတ် မေရှိယသကြွမားဝါလ အန့်ဆီ ထဟင်းညော့ “ယောဟန်န ပေးမေရှိယကျေ့” ဆီ ခနောဝ်စောဝ်မနော် ထန်ဟင်းကော်ဝိုက်။ 16ကောပ့်နယ့်ညော့ ယောဟန်န အောင်းစမနော် “ကောလ အောင်းကွန်းလေ တောင်းနမ့်တောင်းနဲဟော် ဟောင့်ဝ်ရေနှစ်မင်္ဂလာဟော။ တော်နယ် ဆာဆီကောမကား ကွန်းအောင်းအစွမ်းရောင်းဆီ ကွန်းအောင်းမြတ်ကော်နိမ် တထီန်မားကော့်။ ကောလ အောင်းဆိုင်ချက်ပ်တဉ်းမွန်း ဟပေါနယ့်ကျယ့်ဟောင့်ဝ်ကိုးသကော့် မတန်။ မွန်းန အောင်းစမဆူ တောင်းဉာဏ်အလင်းတော်တောင်းကော့်ခရောင့်ဝ်၊ တောင်းဖိုင်းတောင်းကော့်ခရောင့်ဝ် တမားခမ်ရေနှစ်မင်္ဂလာဟောင့်ဝ်။ 17 18 19 20 17ကွန်းဟေနားကော်နိမ်လ ရာစလန်း အောင်းမိုက်ကောက်ဆွ ဆွန်းဆီ အောင်းမတ်ခေါင့်ဝ်တောင်းအောင်းခေါင့်ဝ်ဟပ် နောင်ခွဲညော့ မေရှိယကော့် အောင်းကွန်းနွိုက်နောင်တတောင်း အောင်းကွန်းမနွိုက်နောင်တ တခွဲဝိုက်။ အောင်းကွန်းအောင်းနောင်မတ်ခေါင့်ဝ်လေပေါဝါလော့် တဆိဉ်းဝိုက်ခနောဝ်ရေးခေါင့်ဝ်ဆီ အောင်းကွန်းအောင်းနောင်ခေါင့်ဝ်ဟပ်လေပေါဝါလော့် ခနောဝ်ဖိုင်းအောင်းမေနော့်ကော့်မနပ် တဆောင်ဝ်ခေါင့်ဝ်” ဆီ ဝါကော်ဝိုက်။ 18နောင်နယ့်ဆီ တန်းအမျိုးမျိုးတောင်း ယောဟန်န သတင်းနီးလေ ဟောပြားဆီ အောင်းကွန်းလေ ဟပေါနွိုက်နောင်တသံဝေဂ ဆောန်ပြားကော်ဝိုက်။ 19တော်နယ်ကော့် ယောဟန်န အောင်းစောင့်ခွန်ဟော်ငွန်းဟေရုဒ် အောင်းပေးပရနောင့်စိုင်းစောင့်ကောင်ဝ် အောင်းဟေရောဒိ အကြောင်းအောင်းဝ်ကော်တောင်း အောင်းအပြစ်အောင်းမနီးတန်းတီလေပါ တန်အပြစ်ကော်ဝိုက်။ 20ကောပ့်နယ့်ညော့ ဟေရုဒ်န အောင်းစယောဟန် ဝမ့်ဆီ ဟပေါနယ့်ချားထောင် အောင်းစစ်သားမွန်းလေ ဟောင့်ဝ်အမိန့်ကော်လ ဆာဆီအပြစ်အောင်းချဉ်းမနီးတူးနိမ် ဟေမော်ဝ်ဟွန်းကော်ဝိုက်။ 21နောင်နယ့်ဆီ တကြားအောင်းချားထောင် မနယ့်ခမ်ခွေတ် ယောဟန်န အောင်းကွန်းလေမကျေးမလေ ခမ်ရေနှစ်မင်္ဂလာဟောင့်ဝ်မားဝိုက်။ စောင့်ယေရှုကော့် ခမ်ရေနှစ်မင်္ဂလာဆီ တကြားရောန်းဆုန တောင့်ဖလ ပူကော်ဆီ 22ဉာဏ်အလင်းတော်န တောင်းပုံစံနုတ်တူ့တောင်း လုန်းတိုမားရာခနေမွန်းကော်ဝိုက်။ စောင့်ဖလားလ ဆီမေတောင့်ဖ အောင်းတန့်မားလ “မောန လုစိုင်းအောင်းကောချဉ်းနယ့်ဟောက်။ အောင်းမော ကောကျေနပ် ကောအားရ” ဆီ ပေးဝိုက်။ 23မေစောင့်ယေရှုစဆီဟေလောင်စောင့်ဖလားလ အဆတ်ဆမ်ဆစ်ပ်တရောင်းကော့်ဝိုက်။ အောင်းကွန်းလေထန်ပေါဝါလော့် မွန်းန ပေးလုစိုင်း ယောသပ်ဆီ၊ ယောသပ်န ပေးလုစိုင်းဧလိဝိုက်။ဧလိန လုစိုင်းမဿတ်၊ 24မဿတ်န လုစိုင်းလေဝိ၊လေဝိန လုစိုင်းမေလခိ၊မေလခိန လုစိုင်းယန္န၊ယန္နလ လုစိုင်းယောသပ်၊ 25ယောသပ်န လုစိုင်းမတ္တသိ၊မတ္တသိန လုစိုင်းအာမုတ်၊အာမုတ်န လုစိုင်းနာဟုံ၊နာဟုံန လုစိုင်းဧသလိ၊ဧသလိန လုစိုင်းနဂ္ဂဲ၊ 26နဂ္ဂဲန လုစိုင်းမာအတ်၊မာအတ်န လုစိုင်းမတ္တသိ၊မတ္တသိလ လုစိုင်းရှေမိ၊ရှေမိန လုစိုင်းယောသပ်၊ယောသပ်န လုစိုင်းယုဒ၊ 27ယုဒန လုစိုင်းယောဟန္န၊ယောဟန္နလ လုစိုင်းရေသ၊ရေသန လုစိုင်းဇေရုဗဗေလ၊ဇေရုဗဗေလန လုစိုင်းရှာလသေလ၊ရှာလသေလန လုစိုင်းနေရိ၊ 28နေရိန လုစိုင်းမေလခိ၊မေလခိန လုစိုင်းအဒ္ဒိ၊အဒ္ဒိန လုစိုင်းကောသံ၊ကောသံန လုစိုင်းဧလမောဒံ၊ဧလမောဒံန လုစိုင်းဧရ၊ 29ဧရန လုစိုင်းယောရှု၊ယောရှုန လုစိုင်းဧလျေဇာ၊ဧလျေဇာန လုစိုင်းယောရိမ်၊ယောရိမ်န လုစိုင်းမဿတ်၊မဿတ်န လုစိုင်းလေဝိ၊ 30လေဝိန လုစိုင်းရှိမောင်၊ရှိမောင်န လုစိုင်းယုဒ၊ယုဒန လုစိုင်းယောသပ်၊ယောသပ်န လုစိုင်းယောနန်၊ယောနန်လ လုစိုင်းဧလျာကိမ်၊31 33 34 35 31ဧလျာကိမ်န လုစိုင်းမေလေ၊မေလေန လုစိုင်းမဲနန်၊မဲနန်လ လုစိုင်းမတ္တသ၊မတ္တသန လုစိုင်းနာသန်၊နာသန်န လုစိုင်းဒါဝိဒ်၊ 32ဒါဝိဒ်န လုစိုင်းယေရှဲ၊ယေရှဲန လုစိုင်းဩဗက်၊ဩဗက်န လုစိုင်းဗောဇ၊ဗောဇန လုစိုင်းစာလမုန်၊စာလမုန်န လုစိုင်းနာရှုန်၊ 33နာရှုန်န လုစိုင်းအမိနဒပ်၊အမိနဒပ်န လုစိုင်းအဒ်မိန်၊အဒ်မိန်န လုစိုင်းအာရံနိ၊အာရံနိန လုစိုင်းဟေဇရုံ၊ဟေဇရုံန လုစိုင်းဖာရက်၊ဖာရက်န လုစိုင်းယုဒ၊ 34ယုဒန လုစိုင်းယာကုပ်၊ယာကုပ်န လုစိုင်းဣဇက်၊ဣဇက်န လုစိုင်းအာဗြဟံ၊အာဗြဟံန လုစိုင်းတေရ၊တေရန လုစိုင်းနာခေါ်၊ 35နာခေါ်န လုစိုင်းစေရောက်၊စေရောက်န လုစိုင်းရာဂေါ၊ရာဂေါန လုစိုင်းဖာလက်၊ဖာလက်န လုစိုင်းဟေဗာ၊ဟေဗာန လုစိုင်းရှာလ၊ 36ရှာလန လုစိုင်းကာဣနန်၊ကာဣနန်လ လုစိုင်းအာဖာဇဒ်၊အာဖာဇဒ်န လုစိုင်းရှေမ၊ရှေမန လုစိုင်းနောဧ၊နောဧန လုစိုင်းလာမက်၊ 37လာမက်န လုစိုင်းမသုရှလ၊မသုရှလန လုစိုင်းဧနောက်၊ဧနောက်န လုစိုင်းယာရက်၊ယာရက်န လုစိုင်းမဟာလေလ၊မဟာလေလန လုစိုင်းကာဣနန်၊ 38ကာဣနန်လ လုစိုင်းဧနုတ်၊ဧနုတ်န လုစိုင်းရှေသ၊ရှေသန လုစိုင်းအာဒံ၊အာဒံန ပေးလုစိုင်းစောင့်ဖလားဝိုက်။
Currently Selected:
Luke 3: ttpv-rv
Highlight
Share
Copy
Want to have your highlights saved across all your devices? Sign up or sign in
This translation of the TaiLaing Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
