متّانین رئوایت 12
12
موقدّس شنبه گونی حاقّیندا سوآل
1او زامان یهودئلرئن بئر موقدس شنبه گونونده عئسا اَکئنلر آراسیندان کِچئردی. اونون شاگئردلری آج ائدئلر و سونبول‌لری درئب یمه‌یه باشلادیلار. 2آمّا فرئسی فئرقه‌سئنئن عالئملری بونی گؤرن زامان اونا ددئلر: «باخ، سنئن شاگئردلرئن او ائشی گؤرورلر کی اونون گؤرمه‌یی شنبه گونونده جائز دیئل؟» 3عئسا اولارا جاواب ورئب ددی: «مگر اوخوماییبسیز کی، داوود پادشاه و اونونان اولانلار آج قالان زامان، نه اله‌دئلر؟ 4نجه داوود تارینین اِوئنه گئردی و تارییا تقدئم اولونموش چؤره‌یی یِدی. او چؤرک کی اونون یمه‌یی نه اونا جائز ائدی، نه ده اونونان اولانلارا، بلکی فقط معبدئن کاهئنلرئنه جائز ائدی. 5و یا تؤورات کئتابیندا اوخوماییبسیز کی، کاهئنلر معبدده شنبه گونونون حؤرمتئنی ساخلامیرلار، آمّا گوناهکار ساییلمیرلار؟ 6آمّا سئزه دیئرم بوردا بئری وار کی معبددن لاپ بؤیوکدور. 7آمّا اگر سئز بو کلامین معناسینی بئلسَیدئز کی، دیئر: ”من رحمت ائسته‌یئرم نه قوربانلیق،“ تقصئرسئزلری محکوم اله‌مزدئز. 8چونکی ائنسان اوغلی شنبه گونونون صاحئبی‌دئر.»
اَلی قوروموش آدامین شفاسی
9عئسا اوردان گدئب، اولارین کنئسه‌لرئنه گئردی. 10اوردا اَلی قوروموش بئر آدام وار ائدی. عئسایا بؤهتان وورماق اوچون اوندان سوروشدولار: «آیا شنبه گونی شفا ورمک جائزدئر؟» 11عئسا دا اولارا ددی: «سئزلردن کئم وار کی، بئرجه قویونی اولسون و قویون شنبه گونونده قویویا دوشسون و آدام اونی توتوب چیخارتماسین؟! 12ائنسان قویوندان چوخ ارزئشلی‌دئر. بونا گؤره شنبه گونی یاخشیلیق اله‌مک جائزدئر.» 13او واخت عئسا اَلی قوروموش آداما ددی: «الئنی اوزات.» آدام الئنی اوزاتدی و او اَل، او بئری اَلی کئمی صاغالدی. 14آمّا فرئسئلر چؤله چیخیب، مصلحتلشدئلر کی، عئسانی نجه هلاک اله‌سئنلر.
تارینین سچدئیی قول
15عئسا بونی بئلئب، اوردان اوزاقلاشدی. اونون دالیسیجا چوخ آدام گتدی و عئسا اولارین هامیسینا شفا وردی. 16و اولارا جئدّی تاپشیردی کی، اونون کئم اولدوغونی بئلدئرمه‌سئنلر. 17اِله کی، اِشَعیا پیغمبرئن واسئطه‌سی ائنن دیئلمئش سؤز یِرئنه یِتئشسئن:
18«بودور منئم سچدئیئم قول؛
منئم سِودئیئم کی، جانیم اوندان راضی دیر.
روحومی اونون اوستونه قویاجاغام،
و او، مئلّتلره عدالتی اعلان اِلئیه جک.
19او، نه ساواشاجاق، نه ده چیغیراجاق،
و هچ کئم کوچه‌لرده اونون سسئنی اشئتمه‌یه‌جک.
20ازئلمئش قامیشی قیرمایاجاق،
توستوله‌نن پئلته‌نی سؤندورمه‌یه‌جک
و آخیریندا عدالتی ظفره چاتدیراجاق.
21و خالقلار اونون آدینا اومئد باغلایاجاقلار.»
عئسا و بعلزبول
22او واخت ائبلئس روحا توتولموش کور و لال بئرئنی عئسانین یانینا گتئردئلر و عئسا اونا شفا وردی. اِله کی، کور و لال اولان بو آدام، هم گؤرمه‌یه هم ده دانیشماغا باشلادی. 23بوتون خالق حیران قالیب ددی: «آیا بو، داوود اوغلی دیئل؟!» 24آمّا فرئسی فئرقه‌سئنئن عالئملری بونی اِشئدن واخت ددئلر: «بو آدام بِعِلزبولون کؤمه‌یی ائنن کی، ائبلئس روحلارین ریئسی‌دئر، ائبلئس روحلاری قووور.» 25عئسا کی اولارین فئکئرلرئنی بئلئردی، اولارا ددی: «هر پادشاهلیغی کی، اؤزی اؤز ضئدئنه بؤلونسه، وئران قالار و اؤزی اؤز ضئدئنه بؤلونَن شهر و اِو ده داوام گتئرمز. 26اگر شیطان شیطانی قووسا، اؤز ضئدّئنه بؤلونموش اولور؛ پس اونون پادشاهلیغی نه جور داوام گتئرر؟ 27و اگر من بِعِلزِبولون کؤمه‌یی ائنن ائبلئس روحلاری قووورام، سئزئن شاگئردلرئز کئمئن کؤمه‌یی ائنن اولاری قووورلار؟ پس اولار سئزه قاضی اولاجاقلار. 28آمّا اگر من ائبلئس روحلاری تارینین روحی ائنن قووورام، دمک تارینین پادشاهلیغی، سئزه گلمئش. 29بئر آدام قووّتلی بئرئنئن اِوئنه گئرئب، اونون مالینی نجه اوغورلایا بئلر؟ مگر اوّل اونون قوللارینی باغلاسین. او زامان اونون اِوئنی اوغورلایا بئلر. 30هر کئم کی من ائنن دِیئل، منئم ضئدّئمه‌دئر و هر کئم کی من ائنن ییغمیر، داغیدیر. 31بونا گؤره سئزه دیئرم: ائنسانلارین هر گوناه و کوفری باغیشلاناجاق، آمّا تارینین موقدّس روحونون ضئدّئنه دیئلن کوفر باغیشلانمایاجاق. 32هر کئم ائنسان اوغلونون ضئدّئنه بئر سؤز دِسه، باغیشلاناجاق؛ آمّا هر کئم تارینین موقدّس روحونون ضئدّئنه کوفر دانیشسا، نه بو دونیادا نه ده او دونیادا باغیشلانمایاجاق.
33یاخشی آغاجین، میوه‌سی ده یاخشی اولار، و پئس آغاجین، میوه‌سی ده پئس اولار؛ چونکی آغاج میوه‌سئندن تانینار. 34ای افعئلر نسئلی، سئز شرور اولدوغوز حالدا، نجه یاخشی شیلر دانیشا بئلرسئز؟! چونکی دئل اورَکدن داشانی دانیشیر. 35یاخشی آدام اوره‌یئنئن یاخشی خزانه‌سئندن، یاخشی شیلر چیخاردیر؛ پئس آدام دا، اوره‌یئنئن پئس خزانه‌سئندن، پئس شیلر چیخاردیر. 36آمّا سئزه دیئرم: قئیامت گونونده ائنسانلار، دانیشدیقلاری هر بوش سؤز اوچون حساب وره‌جکلر. 37چونکی اؤز سؤزلرئزه گؤره بوراخیلاجاقسیز، و اؤز سؤزلرئزه گؤره ده محکوم اولاجاقسیز.»
یونوسون علامتی
38او زامان تؤورات موعلّئملری و فرئسی عالئملرئندن بعضئلری ددئلر: «اوستاد، ائسته‌یئرئک کی، سندن بئر علامت گؤرک.» 39عئسا جاوابیندا اولارا ددی: «شرور و زئناکار نسئل بئر علامت ائسته‌یئرلر؛ آمّا اولارا یونوس پیغمبرئن علامتئندن باشقا هچ بئر علامت ورئلمه‌یه‌جک. 40چونکی اله اوجور کی یونوس اوچ گون-اوچ گِجه نهنگئن قارنیندا قالدی، ائنسان اوغلی دا اوچ گون-اوچ گجه یِرئن ائچئنده اِله قالاجاق. 41قئیامت گونونده نینوا خالقی، بو نسلئن آداملاری ائنن قالخیب اولاری محکوم اِلئیه‌جک. چونکی اولار یونوس پیغمبرئن سؤزلری ائنن تؤوبه اله‌دئلر و ائندی یونوس پیغمبردن لاپ بؤیوکی بوردادیر. 42جنوب ملکه‌سی قئیامت گونونده بو نسلئن آداملاری ائنن قالخیب، اولاری محکوم اِلئیه‌جک. چونکی او، سولیمان پادشاهین حئکمتلی سؤزلرئنی اِشئتمک اوچون، یِرئن او باشیندان گلدی. ائندی سولیماندان، لاپ بؤیوکی بوردادیر.
43خبئث روح بئر آدامدان چیخاندان سورا، سوسوز چؤللَرده دولانیر و راحاتلیق آختاریر. 44تاپمادیغی زامان دیئر: ”چیخدیغیم اِوئمه قاییدارام.“ او گلدئیی واخت، اِوی بوش، سوپورولموش و تَر، تمئز گؤرور. 45او زامان گِدئر و اؤزوندَن لاپ شرور اولان یِدّی روح گؤتوروب گتئرئر و اورایا گئرئب یرله‌شئرلر. او آدامین آخیری، اوّلکئندن ده لاپ پئس اولور. بو شرور نسلئنده آخیری بله اولاجاق.»
عئسانین آناسی و قارداشلاری
46عئسا خالقا حله دانیشیردی کی، آناسی و قارداشلاری اِشئکده دوروب، اونونان دانیشماق ائسته‌دئلر. 47و بئری عئسایا ددی: «آنان ائنان قارداشلارین اِشئکده دوروب، ائسته‌یئرلر کی، سن ائنن دانیشسینلار.» 48آمّا عئسا بو سؤزی دئین آداما جاواب ورئب ددی: «منئم آنام و قارداشلاریم کئملردئر؟» 49و الئنی شاگئردلرئنه طرف اوزادیب ددی: «بولاردیلار منئم آنام و قارداشلاریم! 50چونکی هر کس منئم گؤیده اولان آتامین ائراده‌سئنی یِرئنه یِتئرسه، منئم قارداشیم، باجیم و آنام دا اودور.»
Currently Selected:
متّانین رئوایت 12: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّانین رئوایت 12
12
موقدّس شنبه گونی حاقّیندا سوآل
1او زامان یهودئلرئن بئر موقدس شنبه گونونده عئسا اَکئنلر آراسیندان کِچئردی. اونون شاگئردلری آج ائدئلر و سونبول‌لری درئب یمه‌یه باشلادیلار. 2آمّا فرئسی فئرقه‌سئنئن عالئملری بونی گؤرن زامان اونا ددئلر: «باخ، سنئن شاگئردلرئن او ائشی گؤرورلر کی اونون گؤرمه‌یی شنبه گونونده جائز دیئل؟» 3عئسا اولارا جاواب ورئب ددی: «مگر اوخوماییبسیز کی، داوود پادشاه و اونونان اولانلار آج قالان زامان، نه اله‌دئلر؟ 4نجه داوود تارینین اِوئنه گئردی و تارییا تقدئم اولونموش چؤره‌یی یِدی. او چؤرک کی اونون یمه‌یی نه اونا جائز ائدی، نه ده اونونان اولانلارا، بلکی فقط معبدئن کاهئنلرئنه جائز ائدی. 5و یا تؤورات کئتابیندا اوخوماییبسیز کی، کاهئنلر معبدده شنبه گونونون حؤرمتئنی ساخلامیرلار، آمّا گوناهکار ساییلمیرلار؟ 6آمّا سئزه دیئرم بوردا بئری وار کی معبددن لاپ بؤیوکدور. 7آمّا اگر سئز بو کلامین معناسینی بئلسَیدئز کی، دیئر: ”من رحمت ائسته‌یئرم نه قوربانلیق،“ تقصئرسئزلری محکوم اله‌مزدئز. 8چونکی ائنسان اوغلی شنبه گونونون صاحئبی‌دئر.»
اَلی قوروموش آدامین شفاسی
9عئسا اوردان گدئب، اولارین کنئسه‌لرئنه گئردی. 10اوردا اَلی قوروموش بئر آدام وار ائدی. عئسایا بؤهتان وورماق اوچون اوندان سوروشدولار: «آیا شنبه گونی شفا ورمک جائزدئر؟» 11عئسا دا اولارا ددی: «سئزلردن کئم وار کی، بئرجه قویونی اولسون و قویون شنبه گونونده قویویا دوشسون و آدام اونی توتوب چیخارتماسین؟! 12ائنسان قویوندان چوخ ارزئشلی‌دئر. بونا گؤره شنبه گونی یاخشیلیق اله‌مک جائزدئر.» 13او واخت عئسا اَلی قوروموش آداما ددی: «الئنی اوزات.» آدام الئنی اوزاتدی و او اَل، او بئری اَلی کئمی صاغالدی. 14آمّا فرئسئلر چؤله چیخیب، مصلحتلشدئلر کی، عئسانی نجه هلاک اله‌سئنلر.
تارینین سچدئیی قول
15عئسا بونی بئلئب، اوردان اوزاقلاشدی. اونون دالیسیجا چوخ آدام گتدی و عئسا اولارین هامیسینا شفا وردی. 16و اولارا جئدّی تاپشیردی کی، اونون کئم اولدوغونی بئلدئرمه‌سئنلر. 17اِله کی، اِشَعیا پیغمبرئن واسئطه‌سی ائنن دیئلمئش سؤز یِرئنه یِتئشسئن:
18«بودور منئم سچدئیئم قول؛
منئم سِودئیئم کی، جانیم اوندان راضی دیر.
روحومی اونون اوستونه قویاجاغام،
و او، مئلّتلره عدالتی اعلان اِلئیه جک.
19او، نه ساواشاجاق، نه ده چیغیراجاق،
و هچ کئم کوچه‌لرده اونون سسئنی اشئتمه‌یه‌جک.
20ازئلمئش قامیشی قیرمایاجاق،
توستوله‌نن پئلته‌نی سؤندورمه‌یه‌جک
و آخیریندا عدالتی ظفره چاتدیراجاق.
21و خالقلار اونون آدینا اومئد باغلایاجاقلار.»
عئسا و بعلزبول
22او واخت ائبلئس روحا توتولموش کور و لال بئرئنی عئسانین یانینا گتئردئلر و عئسا اونا شفا وردی. اِله کی، کور و لال اولان بو آدام، هم گؤرمه‌یه هم ده دانیشماغا باشلادی. 23بوتون خالق حیران قالیب ددی: «آیا بو، داوود اوغلی دیئل؟!» 24آمّا فرئسی فئرقه‌سئنئن عالئملری بونی اِشئدن واخت ددئلر: «بو آدام بِعِلزبولون کؤمه‌یی ائنن کی، ائبلئس روحلارین ریئسی‌دئر، ائبلئس روحلاری قووور.» 25عئسا کی اولارین فئکئرلرئنی بئلئردی، اولارا ددی: «هر پادشاهلیغی کی، اؤزی اؤز ضئدئنه بؤلونسه، وئران قالار و اؤزی اؤز ضئدئنه بؤلونَن شهر و اِو ده داوام گتئرمز. 26اگر شیطان شیطانی قووسا، اؤز ضئدّئنه بؤلونموش اولور؛ پس اونون پادشاهلیغی نه جور داوام گتئرر؟ 27و اگر من بِعِلزِبولون کؤمه‌یی ائنن ائبلئس روحلاری قووورام، سئزئن شاگئردلرئز کئمئن کؤمه‌یی ائنن اولاری قووورلار؟ پس اولار سئزه قاضی اولاجاقلار. 28آمّا اگر من ائبلئس روحلاری تارینین روحی ائنن قووورام، دمک تارینین پادشاهلیغی، سئزه گلمئش. 29بئر آدام قووّتلی بئرئنئن اِوئنه گئرئب، اونون مالینی نجه اوغورلایا بئلر؟ مگر اوّل اونون قوللارینی باغلاسین. او زامان اونون اِوئنی اوغورلایا بئلر. 30هر کئم کی من ائنن دِیئل، منئم ضئدّئمه‌دئر و هر کئم کی من ائنن ییغمیر، داغیدیر. 31بونا گؤره سئزه دیئرم: ائنسانلارین هر گوناه و کوفری باغیشلاناجاق، آمّا تارینین موقدّس روحونون ضئدّئنه دیئلن کوفر باغیشلانمایاجاق. 32هر کئم ائنسان اوغلونون ضئدّئنه بئر سؤز دِسه، باغیشلاناجاق؛ آمّا هر کئم تارینین موقدّس روحونون ضئدّئنه کوفر دانیشسا، نه بو دونیادا نه ده او دونیادا باغیشلانمایاجاق.
33یاخشی آغاجین، میوه‌سی ده یاخشی اولار، و پئس آغاجین، میوه‌سی ده پئس اولار؛ چونکی آغاج میوه‌سئندن تانینار. 34ای افعئلر نسئلی، سئز شرور اولدوغوز حالدا، نجه یاخشی شیلر دانیشا بئلرسئز؟! چونکی دئل اورَکدن داشانی دانیشیر. 35یاخشی آدام اوره‌یئنئن یاخشی خزانه‌سئندن، یاخشی شیلر چیخاردیر؛ پئس آدام دا، اوره‌یئنئن پئس خزانه‌سئندن، پئس شیلر چیخاردیر. 36آمّا سئزه دیئرم: قئیامت گونونده ائنسانلار، دانیشدیقلاری هر بوش سؤز اوچون حساب وره‌جکلر. 37چونکی اؤز سؤزلرئزه گؤره بوراخیلاجاقسیز، و اؤز سؤزلرئزه گؤره ده محکوم اولاجاقسیز.»
یونوسون علامتی
38او زامان تؤورات موعلّئملری و فرئسی عالئملرئندن بعضئلری ددئلر: «اوستاد، ائسته‌یئرئک کی، سندن بئر علامت گؤرک.» 39عئسا جاوابیندا اولارا ددی: «شرور و زئناکار نسئل بئر علامت ائسته‌یئرلر؛ آمّا اولارا یونوس پیغمبرئن علامتئندن باشقا هچ بئر علامت ورئلمه‌یه‌جک. 40چونکی اله اوجور کی یونوس اوچ گون-اوچ گِجه نهنگئن قارنیندا قالدی، ائنسان اوغلی دا اوچ گون-اوچ گجه یِرئن ائچئنده اِله قالاجاق. 41قئیامت گونونده نینوا خالقی، بو نسلئن آداملاری ائنن قالخیب اولاری محکوم اِلئیه‌جک. چونکی اولار یونوس پیغمبرئن سؤزلری ائنن تؤوبه اله‌دئلر و ائندی یونوس پیغمبردن لاپ بؤیوکی بوردادیر. 42جنوب ملکه‌سی قئیامت گونونده بو نسلئن آداملاری ائنن قالخیب، اولاری محکوم اِلئیه‌جک. چونکی او، سولیمان پادشاهین حئکمتلی سؤزلرئنی اِشئتمک اوچون، یِرئن او باشیندان گلدی. ائندی سولیماندان، لاپ بؤیوکی بوردادیر.
43خبئث روح بئر آدامدان چیخاندان سورا، سوسوز چؤللَرده دولانیر و راحاتلیق آختاریر. 44تاپمادیغی زامان دیئر: ”چیخدیغیم اِوئمه قاییدارام.“ او گلدئیی واخت، اِوی بوش، سوپورولموش و تَر، تمئز گؤرور. 45او زامان گِدئر و اؤزوندَن لاپ شرور اولان یِدّی روح گؤتوروب گتئرئر و اورایا گئرئب یرله‌شئرلر. او آدامین آخیری، اوّلکئندن ده لاپ پئس اولور. بو شرور نسلئنده آخیری بله اولاجاق.»
عئسانین آناسی و قارداشلاری
46عئسا خالقا حله دانیشیردی کی، آناسی و قارداشلاری اِشئکده دوروب، اونونان دانیشماق ائسته‌دئلر. 47و بئری عئسایا ددی: «آنان ائنان قارداشلارین اِشئکده دوروب، ائسته‌یئرلر کی، سن ائنن دانیشسینلار.» 48آمّا عئسا بو سؤزی دئین آداما جاواب ورئب ددی: «منئم آنام و قارداشلاریم کئملردئر؟» 49و الئنی شاگئردلرئنه طرف اوزادیب ددی: «بولاردیلار منئم آنام و قارداشلاریم! 50چونکی هر کس منئم گؤیده اولان آتامین ائراده‌سئنی یِرئنه یِتئرسه، منئم قارداشیم، باجیم و آنام دا اودور.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company