متّانین رئوایت 13
13
اکئنچی مثلی
1او گون عئسا اِودن چیخدی و گدئب، گؤل قیراغیندا اوتوردی. 2یانینا اِله چوخ آدام ییغیلدی کی، اؤزی بئر قاییغا مئنئب، اوردا اَیلَشدی و بوتون جاماعات دا ساحئلده دوردی. 3عئسا اولارا مثل‌لر ائنن چوخ شی دانیشیب، دیئردی: «بئر اَکئنچی توخوم سپمه‌یه چؤله چیخدی. 4سَپَن واخت توخوملاردان بعضئسی یول اوستونه دوشدی و قوشلار گلئب اولاری یدئلر. 5بعضئسی تورپاغی چوخ اولمایان داشلیغا دوشدی. تورپاغین درئنلئیی اولمادیغینا گؤره، تز بئتدی. 6آمّا گون چیخان واخت سولدی و کؤکی اولمادیغینا گؤره قورودی. 7توخوملاردان بعضئسی تئکانلار آراسینا دوشدی. تئکانلار بؤیویوب، اولاری بوغدولار. 8آمّا قالانلاری یاخشی تورپاغا دوشدولر؛ بعضئسی بئره یوز، بعضئسی بئره آلتمیش، بعضئسی ده بئره اوتوز ثمره وردئلر. 9هر کئمئن اِشئتمه‌یه قولاغی وار اِشئتسئن.»
10شاگئردلر یاخینلاشیب، عئسایا ددئلر: «نه اوچون اولارا مثل‌لر ائنن دانیشیرسان؟» 11عئسا جاوابیندا اولارا ددی: «گؤیلرئن پادشاهلیغینین سئرّلَرئنئن آنلاماسی، سئزه وِرئلئب، آمّا اولارا ورئلمه‌یئب. 12چونکی هر کئمده وار دیر، اونا لاپ چوخ ورئله‌جک و او بوللوق ائچئنده اولاجاق؛ آمّا هر کئمده یوخدور، حتّا الئنده اولان دا اوندان آلیناجاق. 13بونا گؤره اولارا مثل‌لر ائنن دیئلئر کی،
”باخیرلار آمّا گؤرمورلر،
قولاق آسیرلار آمّا نه اِشئدئرلر و نه ده آنلاییرلار.“
14اِشَعیا پیغمبرئن اولارین حاقّیندا ددئیی سؤز یرئنه یتئشئر کی، دمئشدی:
قولاغیز ائنان اشئده‌جکسئز، آمّا باشا دوشمه‌یه‌جکسئز،
گؤزلرئز ائنن باخاجاقسیز، آمّا آنلامایاجاقسیز،
15چونکی بو خالقین اوره‌یی برک اولوب.
قولاقلاری ائنن آغیر اشئدئرلر،
گؤزلرئنی یوموبلار،
اولمایا کی گؤزلری ائنن گؤرسونلر،
و قولاقلاری ائنن اشئتسئنلر،
اورَکلری ائنن آنلاییب
منه دؤنسونلر کی، من اولارا شفا ورئم.“
16آمّا سئزئن گؤزلرئزئن خوش حالینا، چونکی گؤرورلر؛ قولاقلاریزین خوش حالینا، چونکی اشئدئرلر. 17دوغروسونی سئزه دیئرم کی: چوخ پیغمبرلر و صالح آداملار سئزئن گؤردویوز شیلری گؤرمک آرزوسوندا ائدئلر و گؤرمه‌دئلر. سئزئن اِشئتدئیئز شیلری، اِشئتمک آرزوسوندا ائدئلر و اِشئتمه‌دئلر.
18ائندی سئز اکئنچی مثلئن معناسینا قولاق آسین: 19کئم گؤیون پادشاهلیغی باره‌ده‌کی کلامی اشئدئب آنلاماسا، شرئر گلئب اوره‌یئنه سَپئلمئشی اوغورلایار. بو اله او توخومدور کی یول اوستونه سپئلدی. 20داشلیغا دوشَن توخوم او آدامدیر کی، او کلامی اِشئدئر و آنَن اونی شادلیق ائنان قبول اله‌یئر. 21آمّا اؤز-اؤزونده کؤکی اولمادیغینا گؤره، آز بئر مودّت قالیر و او زامان کی، بو کلامدان اؤتری دارلیق و اذئیّت باش ورئر، آنَن ائماندان دوشور. 22تئکانلار آراسینا دوشن توخوم او آدامدیر کی، او کلامی اِشئدئر؛ آمّا دونیانین نئگارانلیقلاری و دونیا مالینین توولاتماسی کلامی بوغور و اونی ثمره‌سئز اله‌یئر. 23یاخشی تورپاغا دوشن توخوم دا او آدامدیر کی، تارینین کلامینی اِشئدئر، آنلاییر؛ بعضئسی بئره یوز، بعضئسی بئره آلتمیش، بعضئسی ده بئره اوتوز ثمره ورئر.»
آلاق اوت مثلی
24عئسا اولارا آیری بئر مثل ده نقل اله‌یئب ددی: «گؤیلرئن پادشاهلیغی او آداما دا بنزه‌ر کی، زمئسئنه یاخشی توخوم سپدی. 25آمّا آداملار یاتاندان سورا، اونون دوشمنی گلدی و بوغدالارین آراسینا آلاق اوت سپئب، گتدی. 26بوغدا بؤیویوب ثمره وردئیی زامان، آلاقلار دا گؤروندی. 27زمی صاحئبئنئن قوللاری گلئب اونا ددئلر: ”آغا، مگر سن زمئیه یاخشی توخوم سپمه‌دئن، بس آلاق اوت هاردان عمله گلئب؟“ 28آغا قوللارا ددی: ”بونی دوشمن اله‌یئب.“ قوللار اونا ددئلر: ”ائسته‌یئرسن گدئب اولاری ییغاق؟“ 29زمی صاحئبی ددی: ”یوخ، اولمایا کی آلاقلاری ییغان واخت، اولار ائنان بوغدانی دا کؤکدن چیخارداسیز. 30قویون بئچئنه قدر هر ائکئسی ده بؤیوسونلر. بئچئن واختی من بئچئنچئلره دئیه‌رم: اوّلده آلاق اوتلاری ییغین و یاندیرماق اوچون اولاری دسته-دسته باغلایین. آمّا بوغدانی آنبارلاریما ییغین.“»
خاردال توخومونون مثلی
31عئسا اولارا آیری بئر مثل ده نقل اله‌یئب ددی: «گؤیون پادشاهلیغی خاردال توخومونا بنزه‌ر کی، بئر آدام گؤتوروب، اونی زمئسئنده اکدی. 32خاردال، بوتون توخوملارین لاپ کئچئیی‌دئر، آمّا بؤیوین واخت باغچادا بئتن بوتون بئتکئلردن بؤیوک اولار، و بئر آغاج بویدا اولار. اِله کی، گؤیون قوشلاری گلئب، اونون خوللاریندا یووا تئکرلر.»
33عئسا اولارا آیری بئر مثل ده ددی: «گؤیلرئن پادشاهلیغی خمئر مایاسینا بَنزه‌ر کی، بئر آرواد اونی گؤتوروب، اوچ کئسه اون ائچئنه قاتدی، اِله کی، بوتون خمئر تورشودی.»
34عئسا بوتون بو شیلری خالقا مثل‌لر ائنن دیئردی و اولارا مثلسئز هچ بئر شی دمئردی. 35بو اولدی کی پیغمبرئن واسئطه‌سی ائنن دیئلن بو سؤز یِرئنه یِتئشسئن:
«آغزیمی مثل‌لر ائنن آچاجاغام،
و او شیلری کی دونیا یاراناندان بری گئزلی قالیب اعلان الئیه‌جه‌یم.»
آلاق اوتون مثلئنئن معناسی
36او زامان عئسا خالقی بوراخیب، اِوه گتدی. شاگئردلری اونا یاخینلاشیب ددئلر: «زمئده‌کی آلاق اوتون مثلئنئن معناسینی بئزه ده.» 37عئسا جاوابیندا اولارا ددی: «یاخشی توخومی سپن ائنسان اوغلودور؛ 38زمی دونیادیر؛ یاخشی توخوم پادشاهلیغین اؤولادلاری‌دیر. آلاق اوتلاری دا شرئرئن اؤولادلاری‌دیرلار. 39آلاق اوتی سَپَن دوشمن، ائبلئسدئر؛ بئچئن واختی بو عالمئن آخیری‌دیر و بئچئنچئلر ملکلردئلر. 40اونا گؤره نجه کی، آلاق اوتلار ییغیلیب، اوددا یاندیریلیر، بو عالمئن آخیریندا دا اله اولاجاق. 41ائنسان اوغلی ملکلرئنی گؤندَ‌ره‌جک و اولار گوناها چکن بوتون شیلری و پئسلئک اله‌ین هر آدامی اونون پادشاهلیغیندان ییغاجاقلار. 42و اولاری اود تندئرئنه آتاجاقلار. اوردا آغلاشما و دئش قیجیرتماسی اولاجاق. 43او واخت صالح آداملار آتالارینین پادشاهلیغیندا گون کئمی شاخاجاقلار. هر کئمئن اِشئتمه‌یه قولاغی وار اِشئتسئن.
کئچئک مثل‌لر
44گؤیون پادشاهلیغی اکئن یرئنده گئزلئن اولان بئر خزئنه‌یه بَنزه‌ر کی، بئر آدام اونی تاپیب گئزلتدی. و شادلیق ائنان گدئب، بوتون وار-یوخونی ساتدی و او اکئن یرئنی آلدی.
45گئنه، گؤیلرئن پادشاهلیغی گؤزل مئرواری آختاران بئر تاجئره بنزه‌ر کی، 46چوخ قئیمتلی بئر مئرواری تاپیب، گتدی و بوتون وار-یوخونی ساتیب، اونی آلدی.
بالیق تورونون مثلی
47گئنه، گؤیون پادشاهلیغی دَهَنزه آتیلان بئر تورا بَنزه‌ر کی، هر جور بالیق توتدی. 48دولدوغی زامان اونی ساحئله چکدئلر و اوتوروب، یاخشی‌لاری قابلارا ییغدیلار، آمّا پئسلری اِشئیه آتدیلار. 49بو عالمئن آخیریندا دا بله اولاجاق. ملکلر گلئب، پئسلری صالح آداملارین آراسیندان آییراجاقلار 50و اولاری اود تندئرئنه آتاجاقلار. اوردا آغلاشما و دئش قیجیرتماسی اولاجاق.
51«آیا بوتون بو شیلری آنلادیز؟» اولار عئسایا ددئلر: «بلی.» 52عئسا دا اولارا ددی: «بونا گؤره، هر تؤورات موعلّئمی کی، گؤیون پادشاهلیغینا گؤره تعلئم تاپیب، بئر اِو صاحئبئنه بنزه‌ر کی، خزئنه‌سئندن تزه و کؤهنه شیلر چیخاردیر.»
عئسا ردّ اولونور
53عئسا بو مثل‌لری قورتاراندان سورا اوردان آیریلدی. 54و اؤز شهرئنه گلئب، اولارین عئبادتگاهلاریندا خالقا تعلئم وردی. اِله کی، اولار حیران قالیب دیئردئلر: «بو آدام بله حئکمتی، بله قودرتلی ائشلری هاردان اَله گتئرئب؟ 55مگر بو، نجار اوغلی دیئل؟ مگر آناسینین آدی مریم دیئل؟ مگر قارداشلاری یعقوب، یوسئف، شمعون و یهودا دیئل‌لر؟ 56مگر بوتون باجیلاری آرامیزدا دیئل‌لر؟ بس بو آدام بوتون بو شیلری هاردان اَله گتئرئب؟» 57پس اوندان ائنجئدئلر. آمّا عئسا اولارا ددی: «هچ بئر پیغمبر هچ یرده حؤرمتسئز دیئل، مگر اؤز وطنئنده و اؤز اِوئنده.» 58و اولارین ائمانسیزلیغینا گؤره اوردا چوخ مؤجوزه اله‌مه‌دی.
Currently Selected:
متّانین رئوایت 13: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّانین رئوایت 13
13
اکئنچی مثلی
1او گون عئسا اِودن چیخدی و گدئب، گؤل قیراغیندا اوتوردی. 2یانینا اِله چوخ آدام ییغیلدی کی، اؤزی بئر قاییغا مئنئب، اوردا اَیلَشدی و بوتون جاماعات دا ساحئلده دوردی. 3عئسا اولارا مثل‌لر ائنن چوخ شی دانیشیب، دیئردی: «بئر اَکئنچی توخوم سپمه‌یه چؤله چیخدی. 4سَپَن واخت توخوملاردان بعضئسی یول اوستونه دوشدی و قوشلار گلئب اولاری یدئلر. 5بعضئسی تورپاغی چوخ اولمایان داشلیغا دوشدی. تورپاغین درئنلئیی اولمادیغینا گؤره، تز بئتدی. 6آمّا گون چیخان واخت سولدی و کؤکی اولمادیغینا گؤره قورودی. 7توخوملاردان بعضئسی تئکانلار آراسینا دوشدی. تئکانلار بؤیویوب، اولاری بوغدولار. 8آمّا قالانلاری یاخشی تورپاغا دوشدولر؛ بعضئسی بئره یوز، بعضئسی بئره آلتمیش، بعضئسی ده بئره اوتوز ثمره وردئلر. 9هر کئمئن اِشئتمه‌یه قولاغی وار اِشئتسئن.»
10شاگئردلر یاخینلاشیب، عئسایا ددئلر: «نه اوچون اولارا مثل‌لر ائنن دانیشیرسان؟» 11عئسا جاوابیندا اولارا ددی: «گؤیلرئن پادشاهلیغینین سئرّلَرئنئن آنلاماسی، سئزه وِرئلئب، آمّا اولارا ورئلمه‌یئب. 12چونکی هر کئمده وار دیر، اونا لاپ چوخ ورئله‌جک و او بوللوق ائچئنده اولاجاق؛ آمّا هر کئمده یوخدور، حتّا الئنده اولان دا اوندان آلیناجاق. 13بونا گؤره اولارا مثل‌لر ائنن دیئلئر کی،
”باخیرلار آمّا گؤرمورلر،
قولاق آسیرلار آمّا نه اِشئدئرلر و نه ده آنلاییرلار.“
14اِشَعیا پیغمبرئن اولارین حاقّیندا ددئیی سؤز یرئنه یتئشئر کی، دمئشدی:
قولاغیز ائنان اشئده‌جکسئز، آمّا باشا دوشمه‌یه‌جکسئز،
گؤزلرئز ائنن باخاجاقسیز، آمّا آنلامایاجاقسیز،
15چونکی بو خالقین اوره‌یی برک اولوب.
قولاقلاری ائنن آغیر اشئدئرلر،
گؤزلرئنی یوموبلار،
اولمایا کی گؤزلری ائنن گؤرسونلر،
و قولاقلاری ائنن اشئتسئنلر،
اورَکلری ائنن آنلاییب
منه دؤنسونلر کی، من اولارا شفا ورئم.“
16آمّا سئزئن گؤزلرئزئن خوش حالینا، چونکی گؤرورلر؛ قولاقلاریزین خوش حالینا، چونکی اشئدئرلر. 17دوغروسونی سئزه دیئرم کی: چوخ پیغمبرلر و صالح آداملار سئزئن گؤردویوز شیلری گؤرمک آرزوسوندا ائدئلر و گؤرمه‌دئلر. سئزئن اِشئتدئیئز شیلری، اِشئتمک آرزوسوندا ائدئلر و اِشئتمه‌دئلر.
18ائندی سئز اکئنچی مثلئن معناسینا قولاق آسین: 19کئم گؤیون پادشاهلیغی باره‌ده‌کی کلامی اشئدئب آنلاماسا، شرئر گلئب اوره‌یئنه سَپئلمئشی اوغورلایار. بو اله او توخومدور کی یول اوستونه سپئلدی. 20داشلیغا دوشَن توخوم او آدامدیر کی، او کلامی اِشئدئر و آنَن اونی شادلیق ائنان قبول اله‌یئر. 21آمّا اؤز-اؤزونده کؤکی اولمادیغینا گؤره، آز بئر مودّت قالیر و او زامان کی، بو کلامدان اؤتری دارلیق و اذئیّت باش ورئر، آنَن ائماندان دوشور. 22تئکانلار آراسینا دوشن توخوم او آدامدیر کی، او کلامی اِشئدئر؛ آمّا دونیانین نئگارانلیقلاری و دونیا مالینین توولاتماسی کلامی بوغور و اونی ثمره‌سئز اله‌یئر. 23یاخشی تورپاغا دوشن توخوم دا او آدامدیر کی، تارینین کلامینی اِشئدئر، آنلاییر؛ بعضئسی بئره یوز، بعضئسی بئره آلتمیش، بعضئسی ده بئره اوتوز ثمره ورئر.»
آلاق اوت مثلی
24عئسا اولارا آیری بئر مثل ده نقل اله‌یئب ددی: «گؤیلرئن پادشاهلیغی او آداما دا بنزه‌ر کی، زمئسئنه یاخشی توخوم سپدی. 25آمّا آداملار یاتاندان سورا، اونون دوشمنی گلدی و بوغدالارین آراسینا آلاق اوت سپئب، گتدی. 26بوغدا بؤیویوب ثمره وردئیی زامان، آلاقلار دا گؤروندی. 27زمی صاحئبئنئن قوللاری گلئب اونا ددئلر: ”آغا، مگر سن زمئیه یاخشی توخوم سپمه‌دئن، بس آلاق اوت هاردان عمله گلئب؟“ 28آغا قوللارا ددی: ”بونی دوشمن اله‌یئب.“ قوللار اونا ددئلر: ”ائسته‌یئرسن گدئب اولاری ییغاق؟“ 29زمی صاحئبی ددی: ”یوخ، اولمایا کی آلاقلاری ییغان واخت، اولار ائنان بوغدانی دا کؤکدن چیخارداسیز. 30قویون بئچئنه قدر هر ائکئسی ده بؤیوسونلر. بئچئن واختی من بئچئنچئلره دئیه‌رم: اوّلده آلاق اوتلاری ییغین و یاندیرماق اوچون اولاری دسته-دسته باغلایین. آمّا بوغدانی آنبارلاریما ییغین.“»
خاردال توخومونون مثلی
31عئسا اولارا آیری بئر مثل ده نقل اله‌یئب ددی: «گؤیون پادشاهلیغی خاردال توخومونا بنزه‌ر کی، بئر آدام گؤتوروب، اونی زمئسئنده اکدی. 32خاردال، بوتون توخوملارین لاپ کئچئیی‌دئر، آمّا بؤیوین واخت باغچادا بئتن بوتون بئتکئلردن بؤیوک اولار، و بئر آغاج بویدا اولار. اِله کی، گؤیون قوشلاری گلئب، اونون خوللاریندا یووا تئکرلر.»
33عئسا اولارا آیری بئر مثل ده ددی: «گؤیلرئن پادشاهلیغی خمئر مایاسینا بَنزه‌ر کی، بئر آرواد اونی گؤتوروب، اوچ کئسه اون ائچئنه قاتدی، اِله کی، بوتون خمئر تورشودی.»
34عئسا بوتون بو شیلری خالقا مثل‌لر ائنن دیئردی و اولارا مثلسئز هچ بئر شی دمئردی. 35بو اولدی کی پیغمبرئن واسئطه‌سی ائنن دیئلن بو سؤز یِرئنه یِتئشسئن:
«آغزیمی مثل‌لر ائنن آچاجاغام،
و او شیلری کی دونیا یاراناندان بری گئزلی قالیب اعلان الئیه‌جه‌یم.»
آلاق اوتون مثلئنئن معناسی
36او زامان عئسا خالقی بوراخیب، اِوه گتدی. شاگئردلری اونا یاخینلاشیب ددئلر: «زمئده‌کی آلاق اوتون مثلئنئن معناسینی بئزه ده.» 37عئسا جاوابیندا اولارا ددی: «یاخشی توخومی سپن ائنسان اوغلودور؛ 38زمی دونیادیر؛ یاخشی توخوم پادشاهلیغین اؤولادلاری‌دیر. آلاق اوتلاری دا شرئرئن اؤولادلاری‌دیرلار. 39آلاق اوتی سَپَن دوشمن، ائبلئسدئر؛ بئچئن واختی بو عالمئن آخیری‌دیر و بئچئنچئلر ملکلردئلر. 40اونا گؤره نجه کی، آلاق اوتلار ییغیلیب، اوددا یاندیریلیر، بو عالمئن آخیریندا دا اله اولاجاق. 41ائنسان اوغلی ملکلرئنی گؤندَ‌ره‌جک و اولار گوناها چکن بوتون شیلری و پئسلئک اله‌ین هر آدامی اونون پادشاهلیغیندان ییغاجاقلار. 42و اولاری اود تندئرئنه آتاجاقلار. اوردا آغلاشما و دئش قیجیرتماسی اولاجاق. 43او واخت صالح آداملار آتالارینین پادشاهلیغیندا گون کئمی شاخاجاقلار. هر کئمئن اِشئتمه‌یه قولاغی وار اِشئتسئن.
کئچئک مثل‌لر
44گؤیون پادشاهلیغی اکئن یرئنده گئزلئن اولان بئر خزئنه‌یه بَنزه‌ر کی، بئر آدام اونی تاپیب گئزلتدی. و شادلیق ائنان گدئب، بوتون وار-یوخونی ساتدی و او اکئن یرئنی آلدی.
45گئنه، گؤیلرئن پادشاهلیغی گؤزل مئرواری آختاران بئر تاجئره بنزه‌ر کی، 46چوخ قئیمتلی بئر مئرواری تاپیب، گتدی و بوتون وار-یوخونی ساتیب، اونی آلدی.
بالیق تورونون مثلی
47گئنه، گؤیون پادشاهلیغی دَهَنزه آتیلان بئر تورا بَنزه‌ر کی، هر جور بالیق توتدی. 48دولدوغی زامان اونی ساحئله چکدئلر و اوتوروب، یاخشی‌لاری قابلارا ییغدیلار، آمّا پئسلری اِشئیه آتدیلار. 49بو عالمئن آخیریندا دا بله اولاجاق. ملکلر گلئب، پئسلری صالح آداملارین آراسیندان آییراجاقلار 50و اولاری اود تندئرئنه آتاجاقلار. اوردا آغلاشما و دئش قیجیرتماسی اولاجاق.
51«آیا بوتون بو شیلری آنلادیز؟» اولار عئسایا ددئلر: «بلی.» 52عئسا دا اولارا ددی: «بونا گؤره، هر تؤورات موعلّئمی کی، گؤیون پادشاهلیغینا گؤره تعلئم تاپیب، بئر اِو صاحئبئنه بنزه‌ر کی، خزئنه‌سئندن تزه و کؤهنه شیلر چیخاردیر.»
عئسا ردّ اولونور
53عئسا بو مثل‌لری قورتاراندان سورا اوردان آیریلدی. 54و اؤز شهرئنه گلئب، اولارین عئبادتگاهلاریندا خالقا تعلئم وردی. اِله کی، اولار حیران قالیب دیئردئلر: «بو آدام بله حئکمتی، بله قودرتلی ائشلری هاردان اَله گتئرئب؟ 55مگر بو، نجار اوغلی دیئل؟ مگر آناسینین آدی مریم دیئل؟ مگر قارداشلاری یعقوب، یوسئف، شمعون و یهودا دیئل‌لر؟ 56مگر بوتون باجیلاری آرامیزدا دیئل‌لر؟ بس بو آدام بوتون بو شیلری هاردان اَله گتئرئب؟» 57پس اوندان ائنجئدئلر. آمّا عئسا اولارا ددی: «هچ بئر پیغمبر هچ یرده حؤرمتسئز دیئل، مگر اؤز وطنئنده و اؤز اِوئنده.» 58و اولارین ائمانسیزلیغینا گؤره اوردا چوخ مؤجوزه اله‌مه‌دی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company