متّانین رئوایت 14
14
یحیا پیغمبرئن اؤلدورولمه‌سی
1او زامان حاکئم هئرود عئسانین حاقّیندا اولان خبرلری اشئتدی 2و نؤکرلرئنه ددی: «بو، تعمئد ورن یحیادیر؛ کی اؤلولردن دئرئلئب. بونا گؤره ده اوندا بله مؤجوزه‌لی قودرتلر گؤرونور.»
3هئرود، یحیانی قارداشی فئلئپئن آروادی هئرودئیاسا گؤره توتموشدی و باغلاییب، زئندانا آتمیشدی. 4چونکی یحیا هئرودا دمئشدی: «اونونان اِولَنمک سنه جائز دیئل.» 5هئرود ائسته‌مئشدی کی، یحیانی اؤلدورسون، آمّا خالقدان قورخموشدی؛ چونکی خالق یحیانی پیغمبر ساییردی.
6هئرودون آنادان اولان گونی، هئرودئیاسین قیزی مجلئسده اوینادی و بو دا هئرودون خوشونا گلدی. 7بونا گؤره ده آند ائچئب وعده وردی کی، قیز نه ائسته‌سه، اونا وره‌جک. 8آمّا قیز آناسینین تحرئکی ائنن ددی: «تعمئد ورن یحیانین باشینی بوردا بئر مَجمه ائچئنده منه ور.» 9پادشاه قمگئن اولدی؛ آمّا آند ائچدئیئنه و مجلئسده اوتورانلارا گؤره امر اله‌دی کی، قیزین ائسته‌دئیئنی ورسئنلر. 10او آدام گؤندَ‌رئب، زئنداندا یحیانین باشینی کسدئردی. 11یحیانین باشی بئر مجمه ائچئنده گتئرئلدی و قیزا ورئلدی. قیز دا آناسینا آپاردی. 12یحیانین شاگئردلری گلدئلر و اونون جسدئنی گؤتوروب باسدیردیلار. سورا گدئب عئسایا بو باره‌ده خبر وردئلر.
عئسا بش‌مئن نفری دویورور
13عئسا بونی اِشئدئب، اوردان تک باشینا قاییق ائنان ساکئت بئر یره گتدی. آمّا جاماعات بونی اِشئدن واخت، شهرلردن پئیادا اونون دالیسیجا گتدئلر. 14عئسا قاییقدان اِنَنده بؤیوک بئر جاماعاتی گؤردی و اولارا یازیغی گلئب، ناخوشلارینا شفا وردی.
15گون باتان چاغی، شاگئردلر عئسانین یانینا گلئب ددئلر: «بورا چؤللوکدور، واخت دا آرتیق گِجدئر؛ خالقی مورخّص اله کی، اطرافدا اولان کندلره گدئب اؤزلری اوچون یمک آلسینلار.» 16آمّا عئسا اولارا ددی: «لازیم دیئل گده‌لر. سئز اولارا یِمک ورئن.» 17شاگئردلر عئسایا ددئلر: «بوردا بش چؤرک و ائکی بالیقدان آرتیق بئر شیئمئز یوخدور.» 18عئسا ددی: «اولاری بورایا منئم یانیما گتئرئن.» 19سورا جاماعاتا امر اله‌دی کی، یاشیل اوتلار اوستونده اوتورسونلار. بِش چؤرک ائنن، ائکی بالیغی گؤتوردی، گؤیه باخیب، چؤرکلری و بالیقلاری برکت وردی. و چؤرکلری بؤلوب شاگئردلرئنه وردی، شاگئردلری ده اولاری جاماعاتین آراسیندا پایلادیلار. 20هامی یِیئب دویدی و آرتیق قالان تئکه‌لردن اون‌ائکی سبد دولدورولدی. 21یئین آداملارین ساییسی، آروادلار و اوشاقلاردان باشقا، بش‌مئن نفره یاخین ائدی.
عئسا سو اوستونده یرئیئر
22عئسا آنَن شاگئردلرئنه امر اله‌دی کی، قاییغا مئنئب، اؤزوندن قاباق گؤلون او تایینا گتسئنلر کی، جاماعاتی مورخّص اله‌سئن. 23خالقی یولا سالاندان سورا، عئسا دوعا اله‌مک اوچون تک باشینا داغا چیخدی؛ آخشام دوشَن واخت، اوردا تک ائدی. 24بو آرادا، قاییق ساحئلدن چوخ اوزاقدا، کوله‌یئن اوزلرئنه اَسدئیی اوچون، شپه‌لر ائنن دؤیوشوردی. 25گجه ساعات اوچه یاخین عئسا گؤلون اوستونده یرئیه-یرئیه اولارین یانینا گلدی. 26آمّا شاگئردلر اونون سو اوستونده یرئمه‌سئنی گؤرن واخت قورخوب ددئلر: «بو بئر روحدور.» و قورخودان چیغیرماغا باشلادیلار. 27آمّا عئسا او آندا اولار ائنان دانیشیب ددی: «اوره‌یئز اوزولمه‌سئن. منم، قورخمایین!»
28پطروس اونون جاوابیندا ددی: «یارب، اگر سن‌سن، امر اله کی، سو اوزونده سنئن یانینا گلئم.» 29عئسا ددی: «گل.» پطروس دا قاییقدان چیخیب، عئسانین یانینا گتمک اوچون سو اوستونده یرئمه‌یه باشلادی. 30آمّا کوله‌یئن شئدّت ائنن اَسدئیئنی گؤرن واخت قورخدی و باتماغا باشلایاندا چیغیردی: «یارب، منه نئجات ور.» 31عئسا او آندا الئنی اوزادیب، اونی توتدی و ددی: «ای آز ائمانلی، نه اوچون شک اله‌دئن؟» 32و قاییغا مئندئکلری زامان کولک ساکئتلَشدی. 33قاییقدا اولانلار گلدئلر و اونا سجده اله‌یئب ددئلر: «دوغرودان دا سن تارینین اوغلوسان.»
ناخوش آداملارین شفاسی جِنئسارت ده
34اولار گؤلون او تایینا کچئب، جِنئسارِت دئیارینا گلدئلر. 35او یرئن آداملاری، عئسانی تانیدیقلاری زامان، اطرافا خبر یایدیلار و ناخوش آداملارین هامیسینی عئسانین یانینا گتئردئلر. 36اولار اونا یالواردیلار کی، آنجاق پالتارینین اَته‌یئنه اَل سورتمه‌یه ائجازه ورسئن و اَل سورتَنلرئن هامیسی شفا تاپدی.
Currently Selected:
متّانین رئوایت 14: CAB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّانین رئوایت 14
14
یحیا پیغمبرئن اؤلدورولمه‌سی
1او زامان حاکئم هئرود عئسانین حاقّیندا اولان خبرلری اشئتدی 2و نؤکرلرئنه ددی: «بو، تعمئد ورن یحیادیر؛ کی اؤلولردن دئرئلئب. بونا گؤره ده اوندا بله مؤجوزه‌لی قودرتلر گؤرونور.»
3هئرود، یحیانی قارداشی فئلئپئن آروادی هئرودئیاسا گؤره توتموشدی و باغلاییب، زئندانا آتمیشدی. 4چونکی یحیا هئرودا دمئشدی: «اونونان اِولَنمک سنه جائز دیئل.» 5هئرود ائسته‌مئشدی کی، یحیانی اؤلدورسون، آمّا خالقدان قورخموشدی؛ چونکی خالق یحیانی پیغمبر ساییردی.
6هئرودون آنادان اولان گونی، هئرودئیاسین قیزی مجلئسده اوینادی و بو دا هئرودون خوشونا گلدی. 7بونا گؤره ده آند ائچئب وعده وردی کی، قیز نه ائسته‌سه، اونا وره‌جک. 8آمّا قیز آناسینین تحرئکی ائنن ددی: «تعمئد ورن یحیانین باشینی بوردا بئر مَجمه ائچئنده منه ور.» 9پادشاه قمگئن اولدی؛ آمّا آند ائچدئیئنه و مجلئسده اوتورانلارا گؤره امر اله‌دی کی، قیزین ائسته‌دئیئنی ورسئنلر. 10او آدام گؤندَ‌رئب، زئنداندا یحیانین باشینی کسدئردی. 11یحیانین باشی بئر مجمه ائچئنده گتئرئلدی و قیزا ورئلدی. قیز دا آناسینا آپاردی. 12یحیانین شاگئردلری گلدئلر و اونون جسدئنی گؤتوروب باسدیردیلار. سورا گدئب عئسایا بو باره‌ده خبر وردئلر.
عئسا بش‌مئن نفری دویورور
13عئسا بونی اِشئدئب، اوردان تک باشینا قاییق ائنان ساکئت بئر یره گتدی. آمّا جاماعات بونی اِشئدن واخت، شهرلردن پئیادا اونون دالیسیجا گتدئلر. 14عئسا قاییقدان اِنَنده بؤیوک بئر جاماعاتی گؤردی و اولارا یازیغی گلئب، ناخوشلارینا شفا وردی.
15گون باتان چاغی، شاگئردلر عئسانین یانینا گلئب ددئلر: «بورا چؤللوکدور، واخت دا آرتیق گِجدئر؛ خالقی مورخّص اله کی، اطرافدا اولان کندلره گدئب اؤزلری اوچون یمک آلسینلار.» 16آمّا عئسا اولارا ددی: «لازیم دیئل گده‌لر. سئز اولارا یِمک ورئن.» 17شاگئردلر عئسایا ددئلر: «بوردا بش چؤرک و ائکی بالیقدان آرتیق بئر شیئمئز یوخدور.» 18عئسا ددی: «اولاری بورایا منئم یانیما گتئرئن.» 19سورا جاماعاتا امر اله‌دی کی، یاشیل اوتلار اوستونده اوتورسونلار. بِش چؤرک ائنن، ائکی بالیغی گؤتوردی، گؤیه باخیب، چؤرکلری و بالیقلاری برکت وردی. و چؤرکلری بؤلوب شاگئردلرئنه وردی، شاگئردلری ده اولاری جاماعاتین آراسیندا پایلادیلار. 20هامی یِیئب دویدی و آرتیق قالان تئکه‌لردن اون‌ائکی سبد دولدورولدی. 21یئین آداملارین ساییسی، آروادلار و اوشاقلاردان باشقا، بش‌مئن نفره یاخین ائدی.
عئسا سو اوستونده یرئیئر
22عئسا آنَن شاگئردلرئنه امر اله‌دی کی، قاییغا مئنئب، اؤزوندن قاباق گؤلون او تایینا گتسئنلر کی، جاماعاتی مورخّص اله‌سئن. 23خالقی یولا سالاندان سورا، عئسا دوعا اله‌مک اوچون تک باشینا داغا چیخدی؛ آخشام دوشَن واخت، اوردا تک ائدی. 24بو آرادا، قاییق ساحئلدن چوخ اوزاقدا، کوله‌یئن اوزلرئنه اَسدئیی اوچون، شپه‌لر ائنن دؤیوشوردی. 25گجه ساعات اوچه یاخین عئسا گؤلون اوستونده یرئیه-یرئیه اولارین یانینا گلدی. 26آمّا شاگئردلر اونون سو اوستونده یرئمه‌سئنی گؤرن واخت قورخوب ددئلر: «بو بئر روحدور.» و قورخودان چیغیرماغا باشلادیلار. 27آمّا عئسا او آندا اولار ائنان دانیشیب ددی: «اوره‌یئز اوزولمه‌سئن. منم، قورخمایین!»
28پطروس اونون جاوابیندا ددی: «یارب، اگر سن‌سن، امر اله کی، سو اوزونده سنئن یانینا گلئم.» 29عئسا ددی: «گل.» پطروس دا قاییقدان چیخیب، عئسانین یانینا گتمک اوچون سو اوستونده یرئمه‌یه باشلادی. 30آمّا کوله‌یئن شئدّت ائنن اَسدئیئنی گؤرن واخت قورخدی و باتماغا باشلایاندا چیغیردی: «یارب، منه نئجات ور.» 31عئسا او آندا الئنی اوزادیب، اونی توتدی و ددی: «ای آز ائمانلی، نه اوچون شک اله‌دئن؟» 32و قاییغا مئندئکلری زامان کولک ساکئتلَشدی. 33قاییقدا اولانلار گلدئلر و اونا سجده اله‌یئب ددئلر: «دوغرودان دا سن تارینین اوغلوسان.»
ناخوش آداملارین شفاسی جِنئسارت ده
34اولار گؤلون او تایینا کچئب، جِنئسارِت دئیارینا گلدئلر. 35او یرئن آداملاری، عئسانی تانیدیقلاری زامان، اطرافا خبر یایدیلار و ناخوش آداملارین هامیسینی عئسانین یانینا گتئردئلر. 36اولار اونا یالواردیلار کی، آنجاق پالتارینین اَته‌یئنه اَل سورتمه‌یه ائجازه ورسئن و اَل سورتَنلرئن هامیسی شفا تاپدی.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company