متّای انجیل 12
12
عیسی مقدس شنبه روز صاب
1هوموقع، عیسی مقدس شنبه میئن گندم کله أنِ میئنای شوءدبو. اونه شاگردؤن وشته ای واسه شروع به چِئَنه گندم خوشهَأن و اوشونه خوردن بوُدن. 2فریسی فرقه عالمون هیطوکه اینه بدئِن، عیسی بوُتن: «نیگاه بکون تی شاگردؤن کاری کأدرن که مقدس شنبه میئن نباید گودَن.» 3عیسی جواب بدا: «مگه نوخُندین که داوود چی بُوده، هوموقع که خودش و اونه یارؤن وشتَه بؤئن؟ 4چوطو خدا خونه میئن بوشؤ و خودش و اونه یارؤن مقدس نونِ بوخُوردَن که اونه خوردن داوود بِه و اونه یارؤنِ بِه روا نبو و فقط کاهینؤن اجازه داشتَن بوخورَن. 5یا مگه توراتِ میئن نوخُندین که شنبه روزؤن، کاهینؤن، معبدِ میئن، شنبه حرمتِ نداشتَن ولی با ایی هَمه تقصیر کار نییَن؟ 6شمره گونم ینفر أِره ایسه که معبدَ جی پیل تره! 7اگه ایی کلامِ معنی بفَهمسهبین که گونه ”رحمت خوائنم، نه قُربؤنی“ ده تقصیر کارؤنِ محکومَ نوُدین. 8چونکه انسونِ ریکه، مقدس شنبه روزِ صابه.»
شفای مرداکی که اینه دست لام بو
9بازین عیسی اورای بوشو و اوشونه عبادتگاه میئن دیرون بومَه. 10عبادتگاه میئن یکته مرداک ایسأ بو که اونه یکته دست لامَ بؤبوُ. عیسی جی بپورسِئن: «مقدس شنبه میئن، شفا دَئن روا ایسّه؟» اینه بوتَن تا یکته گزک اونه بهتون زئنِ به بیاجن. 11عیسی اوشونه بوته: «اگه ینفر از شمه یکته گوسند بداری و او گوسند شنبه روز چاه میئن بکّای، نشنه اونه نگینه و اونه چاهای بیرون نئبِنه؟ 12الؤن، آدم چقدر با ارزشتر از گوسنده! پس خوبی گودن شنبه میئن روا ایسه.» 13بازین او مرداکه بوته: «تی دستِ درازَ کون!» او خوشِ دستِ درازَ گوده و اونه دست، اوته دستِ مورسون سالمَ بوُ. 14امّا فریسی ان بیرون بوشوُئن و همدیگرِ اَمرَه نقشه بکشِئن که چطو اونه بکوشَن.
خدا انتخاب بوبؤکه خدمتکار
15وختی عیسی ایی جریونای واخُوبَ بو اورای بوشؤ. خیلی أن اونه دومبالسر بوشوُئن و عیسی اوشؤنِ هَمَه شفا بدا 16و ایشؤنه قدغن بُوده تا اونه باره هیشکس أمره گب نزنن. 17ایی ایتفاق دکته تا اشعیای پیغمبر گب به انجوم برسی که:
18«اینه می خدمتکار که اونه سیوا بُودم،
می عزیز که، می جؤن اونای راضیِ.
مو می روحِ اونه سر نئنّم
و او، عدالتِ قومؤن به اعلؤم کوئنه.
19دعوا نوکؤئنه و فریاد نزِئنه؛
و هیشکس اونه صدا کوچهأنِ میئن نشتوئنه.
20ترَک بوخورده لولَه نشکنِئنه.
و نیمسوج فیتله دنکوشُنبِئنه،
تا عدالتِ به پیروزی برسؤنی.
21همته قؤمون، اونه ایسم به امید دَئنن.
عیسی و بَعِلزِبول
22بازین یکته دیو بزه مرداکِ که کور و لال بو اونه ورجه بأردن و عیسی اونه شفا بدا، طوری که تینَس بَینی و گب بزنی. 23او جماعت همه ماتَ بوئن و بوُتن: «یعنی امکؤن دئنه ایی مردکای هو مسیح موعود ببی که قرارِ داوود نسلَ جی بای؟» 24امّا وختی فریسی ان اینه بشتؤسَن، بوُتن: «او بعِلزبول یاری أمره که دیوؤنِ رئیس ایسّه، دیوؤنِ بیرونَ کؤئنه!» 25عیسی اوشونه فکرؤنِ بفهمسه و اوشونه بوته: «هر مملکتی که برضد خودش دسته دسته ببی، سربه نیستَ بنه، و هر شهر یا خونهای که بر ضدّ خودش دسته دسته ببی، فبنه. 26اگه شیطؤن، شیطؤنِ بیرونَ کونی، بر ضد خودش دسته دسته بنه؛ پس چوطو اونه حکومت پابرجا مؤنه؟ 27و اگه مو بَعِلزِبول یاری أمره دیوؤنِ بیرونَ کوئنم، شیمه شاگردؤن کی یاری أمره اوشونه بیرونَ کؤئنن؟ پس اوشون، خوشؤن شیمه داورؤن بنن. 28امّا اگه مو بواسطه خدا روح دیوؤنِ بیرونَ کوئنم، پس خدا پادشاهی شیمه به بومَه دئنه. 29چوطو ینفر تینه یکته قوی مرداک خونه بشی و اونه مال و مینالِ بدوزی، مگه اونکه اوّل او مرداکِ دوَدی و بازین اونه خونه غارت بکونی. 30هر کی می اَمره نیه، می ضیدِ، و هر کی می اَمره جومَه نکوُنی، پاشنِئنه. 31پس شمره گونم، هر گوناهی و کفری که آدم انجوم دئنه، ببخشه بنه. امّا هرکس روحالقدس کفر بوگوی ببخشِه نبنه. 32هر کس گبی ضد انسون ریکه بوگوی، ببخشه بنه. امّا هر کس ضد روحالقدس گب بزنی، نه ایی دونیا و نه او دنیا میئن ببخشه نبنه.
33«اگه خوروم بار خوانین، شیمه دار باید خوروم ببی، چونکه بدِ دار، بدِ بار ابِنه. دارِ اونه بارَجی شئنه شناختن. 34ای افعیبزاسّه أن، چطو تینین خوروم گب بزنین وختی که بد ایسیّن؟ چونکه زبؤن از اوچیزی که دیل اونای پوره ، گب زِئنه. 35خوروم آدم، خو خوبِ صندوق دیلای، خوروم چی أن بار ابئنه و بد آدم خو بدِ صندوق دیلای بدی چی أن بار ابِئنه. 36شمره گونم که مردوم هر مفت گبی که به زبون أبِنَن، داوری روز میئن باید حیساب پس بدئن. 37چونکه شیمه گبؤن اَمره تبرئه بنین و شیمه گبؤن اَمره محکومَ بنین.
نیشونه ای عیساجی خواستن
38بازین یه عده از فریسی ان و تورات معلمون اونه بوُتن: «اوستاد، خوأئنیم یکته نیشونه تی جَی بَینیم.» 39عیسی جواب بدا: «نسلِ شرور و زناکار نیشؤنه خؤائنه! امّا نیشؤنهایی ایشون هدأ نبنه، بغیرِ یونس پیغمبرِ نیشونه. 40چونکه هوطوُ که یونس سه شبونه روز، یکته پیله ماهی شوکُمِ میئن ایسأ بو، انسؤنِ ریکه ام سه شبونه روز زمینِ دیلِ میئن ایسَنه. 41نینوا مردوم داوری روز میئن ایی نسل أمره ویریسنَن و اوشونه محکومَ کوئنن چرِء که اوشون یونس موعظه واسه توبه بوُدَن و اَلؤن ینفر اِره ایسا که، یونسَ جی پیل تره. 42ملکه جنوب داوری روزِ میئن ایی نسل أمره ویریسنَه و اوشونه محکومَ کوئنِه، چونکه از اوطرف دنیا بومَه تا سلیمؤنِ حکمتِ بشتؤئی و اَلؤن ینفر إرِه ایسأ که، سلیمونای پیل تره.
43«زمونیکه پلید روح ینفرای بیرون هنه، خوشکِ و بی آؤ جاأن سو شنه تا یکته جا استراحت به بیاجی، امّا پیدا نوکُوئنه. 44پس گونه ”او خونه ای که اورای بومَئم، وگردنم.“ امّا هیطوکه اوره رسنه و خونه، خالی و ترتمیز اینه، 45شنه و هفتِ روحِ بدتر از خودشِ، أبِنه و هَمَته دیرون شنن و اوره نیشنن. سرآخر، عاقبت او آدم بدتر از اول بنه. ایی نسل شرورِ عاقبتم هیطو بنه.»
عیسی مَئر و برأرون
46هو موقع که عیسی مردومِ اَمره گب زئدبو، اونه مَئر و برأرون، بیرون ایسأ بُوئن و خواسَن اونه اَمره گب بزنن. 47پس یه نفر اونه بِه خبر بأرده که: «تی مَئر و برأرون، بیرون ایسَئن و خوائنَن تی اَمره گب بزنن.» 48جواب بدا: «می مَئر کیایسه؟ و می برأرون کیایسّن؟» 49بازین خو دست اَمره خوشِ شاگردؤن اِشاره بُوده و بوته: «می مَئر و برأرون ایشؤنَن! 50چونکه هر کس می پئرِ خوأسته که آسمؤنِ میئن ایسأ بجا بأری، می برأر و خاخور و می مئره.»
Currently Selected:
متّای انجیل 12: EGB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّای انجیل 12
12
عیسی مقدس شنبه روز صاب
1هوموقع، عیسی مقدس شنبه میئن گندم کله أنِ میئنای شوءدبو. اونه شاگردؤن وشته ای واسه شروع به چِئَنه گندم خوشهَأن و اوشونه خوردن بوُدن. 2فریسی فرقه عالمون هیطوکه اینه بدئِن، عیسی بوُتن: «نیگاه بکون تی شاگردؤن کاری کأدرن که مقدس شنبه میئن نباید گودَن.» 3عیسی جواب بدا: «مگه نوخُندین که داوود چی بُوده، هوموقع که خودش و اونه یارؤن وشتَه بؤئن؟ 4چوطو خدا خونه میئن بوشؤ و خودش و اونه یارؤن مقدس نونِ بوخُوردَن که اونه خوردن داوود بِه و اونه یارؤنِ بِه روا نبو و فقط کاهینؤن اجازه داشتَن بوخورَن. 5یا مگه توراتِ میئن نوخُندین که شنبه روزؤن، کاهینؤن، معبدِ میئن، شنبه حرمتِ نداشتَن ولی با ایی هَمه تقصیر کار نییَن؟ 6شمره گونم ینفر أِره ایسه که معبدَ جی پیل تره! 7اگه ایی کلامِ معنی بفَهمسهبین که گونه ”رحمت خوائنم، نه قُربؤنی“ ده تقصیر کارؤنِ محکومَ نوُدین. 8چونکه انسونِ ریکه، مقدس شنبه روزِ صابه.»
شفای مرداکی که اینه دست لام بو
9بازین عیسی اورای بوشو و اوشونه عبادتگاه میئن دیرون بومَه. 10عبادتگاه میئن یکته مرداک ایسأ بو که اونه یکته دست لامَ بؤبوُ. عیسی جی بپورسِئن: «مقدس شنبه میئن، شفا دَئن روا ایسّه؟» اینه بوتَن تا یکته گزک اونه بهتون زئنِ به بیاجن. 11عیسی اوشونه بوته: «اگه ینفر از شمه یکته گوسند بداری و او گوسند شنبه روز چاه میئن بکّای، نشنه اونه نگینه و اونه چاهای بیرون نئبِنه؟ 12الؤن، آدم چقدر با ارزشتر از گوسنده! پس خوبی گودن شنبه میئن روا ایسه.» 13بازین او مرداکه بوته: «تی دستِ درازَ کون!» او خوشِ دستِ درازَ گوده و اونه دست، اوته دستِ مورسون سالمَ بوُ. 14امّا فریسی ان بیرون بوشوُئن و همدیگرِ اَمرَه نقشه بکشِئن که چطو اونه بکوشَن.
خدا انتخاب بوبؤکه خدمتکار
15وختی عیسی ایی جریونای واخُوبَ بو اورای بوشؤ. خیلی أن اونه دومبالسر بوشوُئن و عیسی اوشؤنِ هَمَه شفا بدا 16و ایشؤنه قدغن بُوده تا اونه باره هیشکس أمره گب نزنن. 17ایی ایتفاق دکته تا اشعیای پیغمبر گب به انجوم برسی که:
18«اینه می خدمتکار که اونه سیوا بُودم،
می عزیز که، می جؤن اونای راضیِ.
مو می روحِ اونه سر نئنّم
و او، عدالتِ قومؤن به اعلؤم کوئنه.
19دعوا نوکؤئنه و فریاد نزِئنه؛
و هیشکس اونه صدا کوچهأنِ میئن نشتوئنه.
20ترَک بوخورده لولَه نشکنِئنه.
و نیمسوج فیتله دنکوشُنبِئنه،
تا عدالتِ به پیروزی برسؤنی.
21همته قؤمون، اونه ایسم به امید دَئنن.
عیسی و بَعِلزِبول
22بازین یکته دیو بزه مرداکِ که کور و لال بو اونه ورجه بأردن و عیسی اونه شفا بدا، طوری که تینَس بَینی و گب بزنی. 23او جماعت همه ماتَ بوئن و بوُتن: «یعنی امکؤن دئنه ایی مردکای هو مسیح موعود ببی که قرارِ داوود نسلَ جی بای؟» 24امّا وختی فریسی ان اینه بشتؤسَن، بوُتن: «او بعِلزبول یاری أمره که دیوؤنِ رئیس ایسّه، دیوؤنِ بیرونَ کؤئنه!» 25عیسی اوشونه فکرؤنِ بفهمسه و اوشونه بوته: «هر مملکتی که برضد خودش دسته دسته ببی، سربه نیستَ بنه، و هر شهر یا خونهای که بر ضدّ خودش دسته دسته ببی، فبنه. 26اگه شیطؤن، شیطؤنِ بیرونَ کونی، بر ضد خودش دسته دسته بنه؛ پس چوطو اونه حکومت پابرجا مؤنه؟ 27و اگه مو بَعِلزِبول یاری أمره دیوؤنِ بیرونَ کوئنم، شیمه شاگردؤن کی یاری أمره اوشونه بیرونَ کؤئنن؟ پس اوشون، خوشؤن شیمه داورؤن بنن. 28امّا اگه مو بواسطه خدا روح دیوؤنِ بیرونَ کوئنم، پس خدا پادشاهی شیمه به بومَه دئنه. 29چوطو ینفر تینه یکته قوی مرداک خونه بشی و اونه مال و مینالِ بدوزی، مگه اونکه اوّل او مرداکِ دوَدی و بازین اونه خونه غارت بکونی. 30هر کی می اَمره نیه، می ضیدِ، و هر کی می اَمره جومَه نکوُنی، پاشنِئنه. 31پس شمره گونم، هر گوناهی و کفری که آدم انجوم دئنه، ببخشه بنه. امّا هرکس روحالقدس کفر بوگوی ببخشِه نبنه. 32هر کس گبی ضد انسون ریکه بوگوی، ببخشه بنه. امّا هر کس ضد روحالقدس گب بزنی، نه ایی دونیا و نه او دنیا میئن ببخشه نبنه.
33«اگه خوروم بار خوانین، شیمه دار باید خوروم ببی، چونکه بدِ دار، بدِ بار ابِنه. دارِ اونه بارَجی شئنه شناختن. 34ای افعیبزاسّه أن، چطو تینین خوروم گب بزنین وختی که بد ایسیّن؟ چونکه زبؤن از اوچیزی که دیل اونای پوره ، گب زِئنه. 35خوروم آدم، خو خوبِ صندوق دیلای، خوروم چی أن بار ابئنه و بد آدم خو بدِ صندوق دیلای بدی چی أن بار ابِئنه. 36شمره گونم که مردوم هر مفت گبی که به زبون أبِنَن، داوری روز میئن باید حیساب پس بدئن. 37چونکه شیمه گبؤن اَمره تبرئه بنین و شیمه گبؤن اَمره محکومَ بنین.
نیشونه ای عیساجی خواستن
38بازین یه عده از فریسی ان و تورات معلمون اونه بوُتن: «اوستاد، خوأئنیم یکته نیشونه تی جَی بَینیم.» 39عیسی جواب بدا: «نسلِ شرور و زناکار نیشؤنه خؤائنه! امّا نیشؤنهایی ایشون هدأ نبنه، بغیرِ یونس پیغمبرِ نیشونه. 40چونکه هوطوُ که یونس سه شبونه روز، یکته پیله ماهی شوکُمِ میئن ایسأ بو، انسؤنِ ریکه ام سه شبونه روز زمینِ دیلِ میئن ایسَنه. 41نینوا مردوم داوری روز میئن ایی نسل أمره ویریسنَن و اوشونه محکومَ کوئنن چرِء که اوشون یونس موعظه واسه توبه بوُدَن و اَلؤن ینفر اِره ایسا که، یونسَ جی پیل تره. 42ملکه جنوب داوری روزِ میئن ایی نسل أمره ویریسنَه و اوشونه محکومَ کوئنِه، چونکه از اوطرف دنیا بومَه تا سلیمؤنِ حکمتِ بشتؤئی و اَلؤن ینفر إرِه ایسأ که، سلیمونای پیل تره.
43«زمونیکه پلید روح ینفرای بیرون هنه، خوشکِ و بی آؤ جاأن سو شنه تا یکته جا استراحت به بیاجی، امّا پیدا نوکُوئنه. 44پس گونه ”او خونه ای که اورای بومَئم، وگردنم.“ امّا هیطوکه اوره رسنه و خونه، خالی و ترتمیز اینه، 45شنه و هفتِ روحِ بدتر از خودشِ، أبِنه و هَمَته دیرون شنن و اوره نیشنن. سرآخر، عاقبت او آدم بدتر از اول بنه. ایی نسل شرورِ عاقبتم هیطو بنه.»
عیسی مَئر و برأرون
46هو موقع که عیسی مردومِ اَمره گب زئدبو، اونه مَئر و برأرون، بیرون ایسأ بُوئن و خواسَن اونه اَمره گب بزنن. 47پس یه نفر اونه بِه خبر بأرده که: «تی مَئر و برأرون، بیرون ایسَئن و خوائنَن تی اَمره گب بزنن.» 48جواب بدا: «می مَئر کیایسه؟ و می برأرون کیایسّن؟» 49بازین خو دست اَمره خوشِ شاگردؤن اِشاره بُوده و بوته: «می مَئر و برأرون ایشؤنَن! 50چونکه هر کس می پئرِ خوأسته که آسمؤنِ میئن ایسأ بجا بأری، می برأر و خاخور و می مئره.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company