متّای انجیل 11
11
عیسی گبون تعمید دهنده یحیی باره
1بعد از اونکه عیسی ایی حوکمؤنِ خوشِ دوازدهته شاگردِ هده، اورای شهرهای دیگه بوشو تا باموجی و موعظه بکونی. 2وختی یحیی زندون میئن، مسیح کارؤنِ باره بشتؤسه، خوشِ شاگردؤنِ اونه ورجه سرا دا. 3تا بپورسن: «تو هونی ایسّی که بایستی بای، یا ینفر دیگه ریفاه بَیسیم؟» 4عیسی جواب بده: «بشین و اوچیزی که دینین و ایشتؤنین، یحیی به بوگؤین که: 5کورؤن دینَن و شلؤن راه شنئن، جذامی أن شفا گینَن، کرؤن ایشتؤنن، مُردهأن زنده بنن و ندارونِ خوروم خبر هدَه بنه. 6خوشبحال اونی که مَه شک نکونی.»
7وختی یحیی شاگردؤن شوئدبون، عیسی بنا بوده یحیی باره گب زئن و جماعتِ بوته: «چی چی دِئنه بِه بیابون میئن بوشوین؟ یکته لوُله دِئنه به که بادای توکون خوردره؟ 8اگه نه، پس چی چی دئنه بِه بوشؤین؟ یکته مرداکِ دئنه به که نرم رخت دؤده؟ اوشؤنی که نرم رخت دوکؤئنن پادشاهونِ کاخؤنِ میئن ایسَئن. 9پس چی چی دِئنه وَسه بوشوئین؟ یکته پیغمبر دئنه به؟ بله، شمره گونم بیشتر از یکته پیغمبر. 10چونکه او هونی ایسّه که اونه باره ملاکی أنِ پیغمبر کتاب میئن بنویشته بوبو:
«”الون، می پیغوم آره پیشتر از تو سرا دِئنَم.
که تی راهِ جلوتر آبادَ کونی.“
11راست راستِ شمره گونم که تعمید دهنده یحیی جَی پیلّه تر، مَئرای بزاسّه نوبو، امّا کوشتایترین، آسمون پادشاهی میئن اوناجی پیل تره. 12تعمید دهنده یحیی زمونَ جی تا الؤن، آسمونِ پادشاهی خیلی ستم بکشه و زورگوئن، اونه ظلم أمره گیتدَرن. 13چونکه هَمته پیغمبرون بنویشته أن و تورات مِیئن، تا یحیی زمون نبوّت گودَن. 14و اگه بخوأین قبول بکونین، یحیی هو ایلیا ایسّه که بایستی بمابی. 15هر کس گوش ایشتؤسنه به دئنه، بشتؤئی.
16«ایی نسلِ مورسونِ چی بوگُؤم؟ کوشتای زاکؤنِ مورسونَن که بازارِ میئن نیشنَن، خوشؤنِ همبازی أنِ خوبِئنن:
17«”شیمه بِه فلوت لُوله بزیم رقص نودین
روضه بوخُندیم، ونگ نزین.“
18چرِء که تعمیددهنده یحیی بومَه که نه خؤئنه و نه وودوشنه، گونن که: ”دیو دئنه.“ 19انسونِ ریکه بومَه که خؤئنه و وودشنه گونن: ”مرداکی ایسّه شُوکومپیس و عرقخور، خراجگیرؤن و گوناهکارؤنِ امره ریفقه.“ امّا اوچی که عقل و حکمتَ جی ببار هنه نیشون دئنه که او عقل و حکمت درستِ یا نه.»
وای بر او شهرؤنی که توبه نوکوئنَن
20بازین عیسی با اینکه او شهرونیِ که بیشتر اونه میئن خوش معجزه أنِ انجوم بده بو و توبه نوده بون تشر بزه. 21«وای بر تو، ای شهر خورَزین! وای بر تو، ای شهر بیتصِیدا! چرِء که اگه معجزاتی که شیمه میئن انجوم بوبُو، صور و صیدون میئن انجوم بوبوبی، اونه مردومون خیلی زمت پیش، پلاس دودَن و خاکستر سر نیشتَن و توبه گودَن. 22امّا حتم بدارین که داوری روز میئن، مجازاتِ تاب، صور و صیدون به سهلتر بنه، تا شیمه بِه. 23و تو ای شهر کَفَرناحوم، تا آسمؤنِ گوف جؤر تینی شوئن؟ هرگی! بلکه تا جیرترین جای جهنّم دکِئنی. چرِء که اگه معجزاتی که تی میئن انجوم بوبُو، سُدومِ میئن دکته بی، تا امروز مونَسی. 24امّا شمره گونم که داوری روز میئن، مجازات تاب، سدوم به سهلتر بنه، تا تِه به.»
باین می ورجه
25هوموقع، عیسی بوته: «ای پئر، صابِ آسمؤن و زمین، تَه ستایش کوئنم که ایی حقیقتؤنِ دانایؤن و عاقلؤنای جا بدای و کوشتای زاکؤنِ به آشکاره گودی. 26بله ای پئر، چونکه خواستهء پر از لطف تو اینه وَسه بو. 27می پئر همه چیزِ مَه بسپورده. هیشکس ریکه نشنأسنه جُز پِئر و هیشکس پئرِ نشنأسنه جُز ریکای و اوشؤنی که ریکای بخوای، پئرِ اوشونه بِه آشکاره کؤئنه.
28«می ورجه بأین، ای تمومِ زحمتکشؤن و کسونی که سنگین بار دئنین، که مو شمره آسایش هدِئنَم. 29می پیشکابول کولَ گیرین و می جَی یاد بگیرین، چونکه مو مهربون و فروتن ایسّم. و شیمه جونِ میئن آرامش گینین. 30چرِء که می پیشکابول راحت و می بار سبُک.»
Currently Selected:
متّای انجیل 11: EGB
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
متّای انجیل 11
11
عیسی گبون تعمید دهنده یحیی باره
1بعد از اونکه عیسی ایی حوکمؤنِ خوشِ دوازدهته شاگردِ هده، اورای شهرهای دیگه بوشو تا باموجی و موعظه بکونی. 2وختی یحیی زندون میئن، مسیح کارؤنِ باره بشتؤسه، خوشِ شاگردؤنِ اونه ورجه سرا دا. 3تا بپورسن: «تو هونی ایسّی که بایستی بای، یا ینفر دیگه ریفاه بَیسیم؟» 4عیسی جواب بده: «بشین و اوچیزی که دینین و ایشتؤنین، یحیی به بوگؤین که: 5کورؤن دینَن و شلؤن راه شنئن، جذامی أن شفا گینَن، کرؤن ایشتؤنن، مُردهأن زنده بنن و ندارونِ خوروم خبر هدَه بنه. 6خوشبحال اونی که مَه شک نکونی.»
7وختی یحیی شاگردؤن شوئدبون، عیسی بنا بوده یحیی باره گب زئن و جماعتِ بوته: «چی چی دِئنه بِه بیابون میئن بوشوین؟ یکته لوُله دِئنه به که بادای توکون خوردره؟ 8اگه نه، پس چی چی دئنه بِه بوشؤین؟ یکته مرداکِ دئنه به که نرم رخت دؤده؟ اوشؤنی که نرم رخت دوکؤئنن پادشاهونِ کاخؤنِ میئن ایسَئن. 9پس چی چی دِئنه وَسه بوشوئین؟ یکته پیغمبر دئنه به؟ بله، شمره گونم بیشتر از یکته پیغمبر. 10چونکه او هونی ایسّه که اونه باره ملاکی أنِ پیغمبر کتاب میئن بنویشته بوبو:
«”الون، می پیغوم آره پیشتر از تو سرا دِئنَم.
که تی راهِ جلوتر آبادَ کونی.“
11راست راستِ شمره گونم که تعمید دهنده یحیی جَی پیلّه تر، مَئرای بزاسّه نوبو، امّا کوشتایترین، آسمون پادشاهی میئن اوناجی پیل تره. 12تعمید دهنده یحیی زمونَ جی تا الؤن، آسمونِ پادشاهی خیلی ستم بکشه و زورگوئن، اونه ظلم أمره گیتدَرن. 13چونکه هَمته پیغمبرون بنویشته أن و تورات مِیئن، تا یحیی زمون نبوّت گودَن. 14و اگه بخوأین قبول بکونین، یحیی هو ایلیا ایسّه که بایستی بمابی. 15هر کس گوش ایشتؤسنه به دئنه، بشتؤئی.
16«ایی نسلِ مورسونِ چی بوگُؤم؟ کوشتای زاکؤنِ مورسونَن که بازارِ میئن نیشنَن، خوشؤنِ همبازی أنِ خوبِئنن:
17«”شیمه بِه فلوت لُوله بزیم رقص نودین
روضه بوخُندیم، ونگ نزین.“
18چرِء که تعمیددهنده یحیی بومَه که نه خؤئنه و نه وودوشنه، گونن که: ”دیو دئنه.“ 19انسونِ ریکه بومَه که خؤئنه و وودشنه گونن: ”مرداکی ایسّه شُوکومپیس و عرقخور، خراجگیرؤن و گوناهکارؤنِ امره ریفقه.“ امّا اوچی که عقل و حکمتَ جی ببار هنه نیشون دئنه که او عقل و حکمت درستِ یا نه.»
وای بر او شهرؤنی که توبه نوکوئنَن
20بازین عیسی با اینکه او شهرونیِ که بیشتر اونه میئن خوش معجزه أنِ انجوم بده بو و توبه نوده بون تشر بزه. 21«وای بر تو، ای شهر خورَزین! وای بر تو، ای شهر بیتصِیدا! چرِء که اگه معجزاتی که شیمه میئن انجوم بوبُو، صور و صیدون میئن انجوم بوبوبی، اونه مردومون خیلی زمت پیش، پلاس دودَن و خاکستر سر نیشتَن و توبه گودَن. 22امّا حتم بدارین که داوری روز میئن، مجازاتِ تاب، صور و صیدون به سهلتر بنه، تا شیمه بِه. 23و تو ای شهر کَفَرناحوم، تا آسمؤنِ گوف جؤر تینی شوئن؟ هرگی! بلکه تا جیرترین جای جهنّم دکِئنی. چرِء که اگه معجزاتی که تی میئن انجوم بوبُو، سُدومِ میئن دکته بی، تا امروز مونَسی. 24امّا شمره گونم که داوری روز میئن، مجازات تاب، سدوم به سهلتر بنه، تا تِه به.»
باین می ورجه
25هوموقع، عیسی بوته: «ای پئر، صابِ آسمؤن و زمین، تَه ستایش کوئنم که ایی حقیقتؤنِ دانایؤن و عاقلؤنای جا بدای و کوشتای زاکؤنِ به آشکاره گودی. 26بله ای پئر، چونکه خواستهء پر از لطف تو اینه وَسه بو. 27می پئر همه چیزِ مَه بسپورده. هیشکس ریکه نشنأسنه جُز پِئر و هیشکس پئرِ نشنأسنه جُز ریکای و اوشؤنی که ریکای بخوای، پئرِ اوشونه بِه آشکاره کؤئنه.
28«می ورجه بأین، ای تمومِ زحمتکشؤن و کسونی که سنگین بار دئنین، که مو شمره آسایش هدِئنَم. 29می پیشکابول کولَ گیرین و می جَی یاد بگیرین، چونکه مو مهربون و فروتن ایسّم. و شیمه جونِ میئن آرامش گینین. 30چرِء که می پیشکابول راحت و می بار سبُک.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company