کارَلِ رسولَل 23
23
1پولُس تییَه دُت وَ اَعضِی شورا وِ گُت: «کَکایَل، مِ تا وَ اُمرو بِی وجدانی پاک مِنِه حضورِ خدا زِندِیی کِردِمِه.» 2وختی یِنَه گُت، کاهنِ اعظم، حَنانیا، وَ کَسَلی که طِی پولُس وِیسایَه بییِن، دستور دا تا بِزَنِن مِنِه کَپِش. 3پولُس وَش گُت: «خدا تِنَه ایزَنِه، ای دیوارِ سَفی وابییَه! تِ نِشَسییِی وُچو تا طبقِ شریعت وَ مِ قضاوت کِنی، ایسِه وا ای حال تِ بَر خلافِ شریعت، دستور ایئی مِنَه بِزَنِن؟»
4اونگَلی که نِزِنگِ پولُس وِیسایَه بییِن، گُتِن: «وَ کاهنِ اعظمِ خدا بیحُرمتی ایکِنی؟»
5پولُس گُت: «ای کَکایَل، نُونِسُم کاهنِ اعظمِه؛ سییِکِه مِنِه تورات نوشتَه وابییِه: " وَ پیشوایِ قومِ خُوت بَد مَگُ."»
6اوسِه پولُس که دونِس یِهپارهای وَ اونگَل وَ فرقۀ صَدّوقی وِ یِهپارهای وَ فرقۀ فَریسی یَن، بِی صییِی بِلند مِنِه شورا گُت: «ای کَکایَل، مِ فَریسی وِ فَریسی زادَه یَم، وُ وَ خاطرِ امیدم وَ زندَه وابییَنِ مُردِهیَلِه که محاکِمَه ایابوم.» 7وختی یِنَه گُت، مابینِ فَریسییَل وِ صَدّوقییَل جرِبحث وابی وِ جماعت دِ دَسَه وابییِن، 8سییِکِه صَدّوقییَل منکرِ زِندَه وابییَنِ مُردِهیَل وِ وجودِ فرشتَه وِ روحِن، امّا فَریسییَل وَ تَمومِ اینگَل اعتقاد دارِن.
9خَلَقیِ گَپویی وَپا وابی! یِهپارهای وَ معلملِ تورات که فَریسی بییِن، وَریسان وِ بِی اعتراض گُتِن: «خَطِی مِنِه ای مِرد نیبینیم. وَ کوچِه معلومِه که روح یا فرشتهای باش گَپ نَزَیَه بو.» 10جَرِبحث طوری بالا گِرُت که فَرمُندَه زَلَش رَه نَکِنِه پولُسَ پَرَه پَرَه کِنِن. پَ وَ سربازَل دستور دا بِرَن دومِن وُ وِّ نَه وَ چنگِشون دَرارِن، بویَرِن مِنِه قَلعَه.
11مِنِه هَمو شُو، خداوند طِی پولُس وِیسا وِ گُت: «دلت قُرص بو! هَموطو که مِنِه اورشلیم وَ مِ شهادت دِی، مِنِه روم هَم باید شهادت بیئی.»
نَخشۀ کُشتَنِ پولُس
12صَبا صُبِش، یَهودییَل بِی یَک دَس وَ یکی کِردِن، قَسَم خَردِن تا پولُسَ نَکِشِن، نَه اُو بِخَرِن نَه نون. 13بیشتَرَ چل نفر مِنِه ای نَخشَه دَس داشتِن. 14اونگَل رَتِن طِی کاهنلِ گَپو وِ شیخَل وِ گُتِن: «ایما قَسَم خَردیمِه تا پولُسَ نَکِشیم، لُو وَ چیئی نَزَنیم. 15پَ ایسِه ایشا وِ اَعضِی شورا وَ فَرمُندَۀ رومی بِخِیت وِّ نَه بیارِه طِیتون، وَ ای بونَه که ایخِیت بیشتر درموردِش پرسِبِجو کِنیت. ایما آمادَه یِیم نِهِی یِکِه بِرَسِه وِیچو وِّ نَه بِکِشیم.»
16امّا بَچِی دَیِی پولُس وَ ای نَخشَه باخَوَر وابی و رَت وَ قَلعَه، پولُسَ خَوَر کِه.
17پولُس یکی وَ افسرلَه صیا کِه وِ گُت: «ای جَوونَه بُویَر طِی فَرمُندَه، سییِکِه خَوَری سیش دارِه.» 18پَ افسر وِّ نَه بُرد طِی فَرمُندَه وِ وَش گُت: «پولُسِ زندانی مِنَه صیا کِه وُ وَم خواس ای مِردِ جَوونَه بیارُم طِیت؛ ایخوا چیئی وَت بِگُ.»
19فَرمُندَه دَسِ مِردِ جَوونَه گِرُت، وِّ نَه کَشی اولَت وِ پُرسی: «ایخِی چه وَم بِگِی؟»
20او کُر گُت: «یهودییل دَس وَ یکی کِردِنِه وَتون بِخوان که صَبا پولُسَ بیاری وَ شورا، وَ ای بونَه که ایخوان بیشتر درموردِش پُرسِبِجو کِنِن. 21امّا دَرخواسِشونَه قبول نَکِنیت، سییِکِه بیشتَرَ چل نفر وَ اونگَل مِنِه کِرِشِن. اونگَل قسم خَردِنِه که تا وِّ نَه نَکِشِن، نَه اُو بِخَرِن نَه نون. ایسِه آمادَه یَن، وِ تِنا بَندیرِ یِنِن که ایشا دَرخواسِشونَه قبول کِنیت.»
22فَرمُندَه جَوونَه مرخص کِه وِ وَش قَدقَن کِه، گُت: «وَ هیشکَه مَگُ که ای چییَلَه وَم خَوَر دائییِی.»
بُردنِ پولُس وَ قیصریَه
23اوسِه فَرمُندَه دِتا وَ افسرلِشَه صیا کِه وُ وَشون گُت: «دِویس پیادَه نظام، هفتاد سُوارَه نظام وِ دِویس نیزَه دار آمایَه کِنیت تا مِنِه ساعتِ نُه شُو بِرَن وَ قیصَریَه. 24سی پولُس هَم اسبی آمایَه کِنیت وُ وِّ نَه صحیح وُ سالم تحویل بِئیت وَ فِلیکسِ حاکم.»
25نامهای هَم وَ ای صورت نوشت:
26«وَ طرفِ کِلودیوس لیسیاس
وَ عالیجناب فِلیکسِ حاکم:
سلام،
27یَهودییَل ای مِردَ گِرُتِن، ایخواسِن بِکِشِنِش، امّا مِ وِ سربازَلُم رَتیم وِ نجاتِش دِیم، سییِکِه اِشنُفتَه بییُم رومی یَه. 28سییِکِه خواسُم بِفَمُم سیچِه وَش بُهتون ایزَنِن، وِّ نَه بُردُم وَ شورِی اونگَل. 29فَمییُم که اتهامِش مربوط وَ شریعتِشونِه وِ جرمی نَکِردِه که سزاوارِ اعدام یا حبس بو. 30اوسِه وختی فَمییُم که وَ ضدش نَخشَه کَشیِنِه، فوراً وِّ نَه بِسی کِردُم طِیتون. وَ شاکییَلِش هَم دستور دام تا شکایتِشونَه، بیارِن طِی ایشا.»
31وَ ای ترتیب، سربازَل طبقِ دستور، شبانَه پولُسَ بِی خِشون بُردِن تا آنتیپاتریس. 32وَ وُچِه واپَس، صَباش تِنا سُوارَه نظام باش بی وِ باقیِ سربازَل وَرگَشتِن وَ قَلعَه. 33وختی سُوارَه نظام رَسییِن وَ قیصَریَه، نامَه نَه دان وَ حاکم وِ پولُسَ آوُردِن طِیش. 34حاکم نامَه نَه خُوند وُ وَ پولُس پُرسی اهلِ کو وِلاتِه. وختی فَمی اهلِ کیلیکیه یَه، 35وَش گُت: «وختی شاکییَلِت رَسییِن وِیچو، وَ گَپَلِت گوش اییُم.» اوسِه دستور دا تا پولُسَ مِنِه کاخِ هیرودیس زِرِ نظر نِگه کِنِن.
Currently Selected:
کارَلِ رسولَل 23: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
کارَلِ رسولَل 23
23
1پولُس تییَه دُت وَ اَعضِی شورا وِ گُت: «کَکایَل، مِ تا وَ اُمرو بِی وجدانی پاک مِنِه حضورِ خدا زِندِیی کِردِمِه.» 2وختی یِنَه گُت، کاهنِ اعظم، حَنانیا، وَ کَسَلی که طِی پولُس وِیسایَه بییِن، دستور دا تا بِزَنِن مِنِه کَپِش. 3پولُس وَش گُت: «خدا تِنَه ایزَنِه، ای دیوارِ سَفی وابییَه! تِ نِشَسییِی وُچو تا طبقِ شریعت وَ مِ قضاوت کِنی، ایسِه وا ای حال تِ بَر خلافِ شریعت، دستور ایئی مِنَه بِزَنِن؟»
4اونگَلی که نِزِنگِ پولُس وِیسایَه بییِن، گُتِن: «وَ کاهنِ اعظمِ خدا بیحُرمتی ایکِنی؟»
5پولُس گُت: «ای کَکایَل، نُونِسُم کاهنِ اعظمِه؛ سییِکِه مِنِه تورات نوشتَه وابییِه: " وَ پیشوایِ قومِ خُوت بَد مَگُ."»
6اوسِه پولُس که دونِس یِهپارهای وَ اونگَل وَ فرقۀ صَدّوقی وِ یِهپارهای وَ فرقۀ فَریسی یَن، بِی صییِی بِلند مِنِه شورا گُت: «ای کَکایَل، مِ فَریسی وِ فَریسی زادَه یَم، وُ وَ خاطرِ امیدم وَ زندَه وابییَنِ مُردِهیَلِه که محاکِمَه ایابوم.» 7وختی یِنَه گُت، مابینِ فَریسییَل وِ صَدّوقییَل جرِبحث وابی وِ جماعت دِ دَسَه وابییِن، 8سییِکِه صَدّوقییَل منکرِ زِندَه وابییَنِ مُردِهیَل وِ وجودِ فرشتَه وِ روحِن، امّا فَریسییَل وَ تَمومِ اینگَل اعتقاد دارِن.
9خَلَقیِ گَپویی وَپا وابی! یِهپارهای وَ معلملِ تورات که فَریسی بییِن، وَریسان وِ بِی اعتراض گُتِن: «خَطِی مِنِه ای مِرد نیبینیم. وَ کوچِه معلومِه که روح یا فرشتهای باش گَپ نَزَیَه بو.» 10جَرِبحث طوری بالا گِرُت که فَرمُندَه زَلَش رَه نَکِنِه پولُسَ پَرَه پَرَه کِنِن. پَ وَ سربازَل دستور دا بِرَن دومِن وُ وِّ نَه وَ چنگِشون دَرارِن، بویَرِن مِنِه قَلعَه.
11مِنِه هَمو شُو، خداوند طِی پولُس وِیسا وِ گُت: «دلت قُرص بو! هَموطو که مِنِه اورشلیم وَ مِ شهادت دِی، مِنِه روم هَم باید شهادت بیئی.»
نَخشۀ کُشتَنِ پولُس
12صَبا صُبِش، یَهودییَل بِی یَک دَس وَ یکی کِردِن، قَسَم خَردِن تا پولُسَ نَکِشِن، نَه اُو بِخَرِن نَه نون. 13بیشتَرَ چل نفر مِنِه ای نَخشَه دَس داشتِن. 14اونگَل رَتِن طِی کاهنلِ گَپو وِ شیخَل وِ گُتِن: «ایما قَسَم خَردیمِه تا پولُسَ نَکِشیم، لُو وَ چیئی نَزَنیم. 15پَ ایسِه ایشا وِ اَعضِی شورا وَ فَرمُندَۀ رومی بِخِیت وِّ نَه بیارِه طِیتون، وَ ای بونَه که ایخِیت بیشتر درموردِش پرسِبِجو کِنیت. ایما آمادَه یِیم نِهِی یِکِه بِرَسِه وِیچو وِّ نَه بِکِشیم.»
16امّا بَچِی دَیِی پولُس وَ ای نَخشَه باخَوَر وابی و رَت وَ قَلعَه، پولُسَ خَوَر کِه.
17پولُس یکی وَ افسرلَه صیا کِه وِ گُت: «ای جَوونَه بُویَر طِی فَرمُندَه، سییِکِه خَوَری سیش دارِه.» 18پَ افسر وِّ نَه بُرد طِی فَرمُندَه وِ وَش گُت: «پولُسِ زندانی مِنَه صیا کِه وُ وَم خواس ای مِردِ جَوونَه بیارُم طِیت؛ ایخوا چیئی وَت بِگُ.»
19فَرمُندَه دَسِ مِردِ جَوونَه گِرُت، وِّ نَه کَشی اولَت وِ پُرسی: «ایخِی چه وَم بِگِی؟»
20او کُر گُت: «یهودییل دَس وَ یکی کِردِنِه وَتون بِخوان که صَبا پولُسَ بیاری وَ شورا، وَ ای بونَه که ایخوان بیشتر درموردِش پُرسِبِجو کِنِن. 21امّا دَرخواسِشونَه قبول نَکِنیت، سییِکِه بیشتَرَ چل نفر وَ اونگَل مِنِه کِرِشِن. اونگَل قسم خَردِنِه که تا وِّ نَه نَکِشِن، نَه اُو بِخَرِن نَه نون. ایسِه آمادَه یَن، وِ تِنا بَندیرِ یِنِن که ایشا دَرخواسِشونَه قبول کِنیت.»
22فَرمُندَه جَوونَه مرخص کِه وِ وَش قَدقَن کِه، گُت: «وَ هیشکَه مَگُ که ای چییَلَه وَم خَوَر دائییِی.»
بُردنِ پولُس وَ قیصریَه
23اوسِه فَرمُندَه دِتا وَ افسرلِشَه صیا کِه وُ وَشون گُت: «دِویس پیادَه نظام، هفتاد سُوارَه نظام وِ دِویس نیزَه دار آمایَه کِنیت تا مِنِه ساعتِ نُه شُو بِرَن وَ قیصَریَه. 24سی پولُس هَم اسبی آمایَه کِنیت وُ وِّ نَه صحیح وُ سالم تحویل بِئیت وَ فِلیکسِ حاکم.»
25نامهای هَم وَ ای صورت نوشت:
26«وَ طرفِ کِلودیوس لیسیاس
وَ عالیجناب فِلیکسِ حاکم:
سلام،
27یَهودییَل ای مِردَ گِرُتِن، ایخواسِن بِکِشِنِش، امّا مِ وِ سربازَلُم رَتیم وِ نجاتِش دِیم، سییِکِه اِشنُفتَه بییُم رومی یَه. 28سییِکِه خواسُم بِفَمُم سیچِه وَش بُهتون ایزَنِن، وِّ نَه بُردُم وَ شورِی اونگَل. 29فَمییُم که اتهامِش مربوط وَ شریعتِشونِه وِ جرمی نَکِردِه که سزاوارِ اعدام یا حبس بو. 30اوسِه وختی فَمییُم که وَ ضدش نَخشَه کَشیِنِه، فوراً وِّ نَه بِسی کِردُم طِیتون. وَ شاکییَلِش هَم دستور دام تا شکایتِشونَه، بیارِن طِی ایشا.»
31وَ ای ترتیب، سربازَل طبقِ دستور، شبانَه پولُسَ بِی خِشون بُردِن تا آنتیپاتریس. 32وَ وُچِه واپَس، صَباش تِنا سُوارَه نظام باش بی وِ باقیِ سربازَل وَرگَشتِن وَ قَلعَه. 33وختی سُوارَه نظام رَسییِن وَ قیصَریَه، نامَه نَه دان وَ حاکم وِ پولُسَ آوُردِن طِیش. 34حاکم نامَه نَه خُوند وُ وَ پولُس پُرسی اهلِ کو وِلاتِه. وختی فَمی اهلِ کیلیکیه یَه، 35وَش گُت: «وختی شاکییَلِت رَسییِن وِیچو، وَ گَپَلِت گوش اییُم.» اوسِه دستور دا تا پولُسَ مِنِه کاخِ هیرودیس زِرِ نظر نِگه کِنِن.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company