نامَه وَ کِلیسِی روم 10
10
1ای کَکایَل، خواسِ قلبی وِ دِعِی مِ وَ درگاهِ خدا سی یَهودییَل یِنِه که نجات بِگِرِن. 2سییِکِه مِ درموردِ اونگَل شهادت اییُم که سی خدا غیرت دارِن، امّا ای غیرت نَه وَ ری شناختِه. 3سییِکِه صالحی نَه که وَ خدایَه نَفَمِسِن، وُ وَ دینِ ثابت کِردَنِ صالحیِ خِشون بییِن، اونگَل در برابر او صالحی که وَ خدایَه، سَرِشونَه نَبِسِن دومِن. 4سییِکِه مسیح آخِرِ شریعتِه تا هرکه وَش ایمون بیارِه، صالح وَ حساب بیا.
5سییِکِه موسی درموردِ او صالحی که طبقِ شریعتِه اینویسِه که: «کسی که دستورَلَه اَنجوم اییِه، وَ واسطۀ اونگَل زندِیی ایکِنِه.» 6امّا او صالحیِ طبقِ ایمون ایگُ: «مِنِه دِلِت مَگُ "کیَه که بِرَه بالا وَ آسمون؟"» (تا مسیحَ بیارِه دومِن) 7یا «"کیَه که بِرَه دومِن وَ دُنیِی مُردِهیَل؟"» (تا مسیحَ وَ مُردِهیَل زِندَه کِنِه). 8امّا وِه ایگِ چه؟ یِکِه «ای کلام، نِزِنگِ تو، مِنِه دِهونِ تو، وِ مِنِه دلِ تِنِه.» (یِه هَمو کلامِ ایمونِه که ایما اعلام ایکِنیم)، 9سییِکِه اَر وَ زُوونِ خُوت اعتراف کِنی «عیسی خداوندِه» وِ مِنِه دلِ خُوت ایمون داشتَه بِی که خدا وِّ نَه وَ مُردِهیَل زِندَه کِه، نجات ایجوری. 10سییِکِه مِنِه دلِه که آیَم ایمون ایارِه وِ صالح وَ حساب ایا، وِ بِی زُوونِه که اعتراف ایکِنِه وِ نجات ایجورِه. 11سییِکِه کتابِ اشعیایِ پیغمبر ایگُ: «هرکه وَش ایمون بیارِه، سَرافکَندَه نیابو.» 12سییِکِه مابینِ یهودی وِ غیرِیهودی هیچ فَرخی نی، سییِکِه هَمو خداوند، خداوندِ هَمَه یَه وِ تَمومِ کَسَلی نَه که صیاش ایکِنِن، وَ فراوونی برکت اییِه. 13سییِکِه «هرکه نومِ خداوندَ صیا کِنِه، نجات ایجورِه.»
14پَ چطو کسی نَه صیا کِنِن که وَش ایمون ناوُردِنِه؟ وِ چطو وَ کسی ایمون بیارِن که وَتَه دَرمورِدِش نَشنُفتِنِه؟ وِ چطو بِشنِفِن، اَر کسی سیشون موعظَه نَکِنِه؟ 15وِ چطو موعظَه کِنِن، اَر بِسی نَوابون؟ هَموطو که مِنِه کتابِ اشعیایِ پیغمبر نوشتَه وابییِه: «چه مَلوسِه پایَلِ کَسَلی که خَوَرِ خَشِ انجیلَه موعظَه ایکِنِن.» 16امّا هَمۀ اونگَل وَ انجیل اطاعت نَکِردِنِه، سییِکِه اِشعیای پیغمبر ایگُ: «ای خداوند، چه کسی اوچیئی نَه که وَ ایما اِشنُفتِه باوَر کِردِه؟» 17پَ، ایمون وَ اِشنُفتَن ناشی ایابو وِ اِشنُفتَن، وَ طریقِ کلامِ مسیح.
18امّا ایپُرسُم: مَه نَشنُفتِنِه؟ اَلبَت که اِشنُفتِنِه، سییِکِه
«صیاشون پیچِسِه مِنِه سرتاسرِ زمین،
وِ کلامِشون رَسییِه وَ او سَرِ دنیا.»
19امّا ایپُرسُم: مَه قومِ اسرائیل اوچیئی نَه که اِشنُفت، نَفَمِس؟ اَوَل، موسی ایگُ:
«وَ واسطۀ اونگَل که مِلَتی وَ حساب نیان،
ایشا نَه وَ غیرت ایارُم؛
وُ وَ واسطۀ ملتِ نایونی
تَشِ خِشمِ ایشا نَه بِر ایکِنُم.»
20اوسِه، اِشعیا بِی جرأت ایگُ:
«اونگَلی که وَ دینِ مِ نَبییِن، مِنَه جُسِنِه؛
وَ اونگَلی که مِنَه طلب نَکِردَه بییِن، خِمَه آشکار کِردِمِه.»
21امّا درموردِ قومِ اسرائیل ایگُ:
«تَمومِ روز دَسَلِ خِمَه دِراز کِردُم
وَ طرفِ قومی که یاغی وُ وَ ضدِ مِنِن.»
Currently Selected:
نامَه وَ کِلیسِی روم 10: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ کِلیسِی روم 10
10
1ای کَکایَل، خواسِ قلبی وِ دِعِی مِ وَ درگاهِ خدا سی یَهودییَل یِنِه که نجات بِگِرِن. 2سییِکِه مِ درموردِ اونگَل شهادت اییُم که سی خدا غیرت دارِن، امّا ای غیرت نَه وَ ری شناختِه. 3سییِکِه صالحی نَه که وَ خدایَه نَفَمِسِن، وُ وَ دینِ ثابت کِردَنِ صالحیِ خِشون بییِن، اونگَل در برابر او صالحی که وَ خدایَه، سَرِشونَه نَبِسِن دومِن. 4سییِکِه مسیح آخِرِ شریعتِه تا هرکه وَش ایمون بیارِه، صالح وَ حساب بیا.
5سییِکِه موسی درموردِ او صالحی که طبقِ شریعتِه اینویسِه که: «کسی که دستورَلَه اَنجوم اییِه، وَ واسطۀ اونگَل زندِیی ایکِنِه.» 6امّا او صالحیِ طبقِ ایمون ایگُ: «مِنِه دِلِت مَگُ "کیَه که بِرَه بالا وَ آسمون؟"» (تا مسیحَ بیارِه دومِن) 7یا «"کیَه که بِرَه دومِن وَ دُنیِی مُردِهیَل؟"» (تا مسیحَ وَ مُردِهیَل زِندَه کِنِه). 8امّا وِه ایگِ چه؟ یِکِه «ای کلام، نِزِنگِ تو، مِنِه دِهونِ تو، وِ مِنِه دلِ تِنِه.» (یِه هَمو کلامِ ایمونِه که ایما اعلام ایکِنیم)، 9سییِکِه اَر وَ زُوونِ خُوت اعتراف کِنی «عیسی خداوندِه» وِ مِنِه دلِ خُوت ایمون داشتَه بِی که خدا وِّ نَه وَ مُردِهیَل زِندَه کِه، نجات ایجوری. 10سییِکِه مِنِه دلِه که آیَم ایمون ایارِه وِ صالح وَ حساب ایا، وِ بِی زُوونِه که اعتراف ایکِنِه وِ نجات ایجورِه. 11سییِکِه کتابِ اشعیایِ پیغمبر ایگُ: «هرکه وَش ایمون بیارِه، سَرافکَندَه نیابو.» 12سییِکِه مابینِ یهودی وِ غیرِیهودی هیچ فَرخی نی، سییِکِه هَمو خداوند، خداوندِ هَمَه یَه وِ تَمومِ کَسَلی نَه که صیاش ایکِنِن، وَ فراوونی برکت اییِه. 13سییِکِه «هرکه نومِ خداوندَ صیا کِنِه، نجات ایجورِه.»
14پَ چطو کسی نَه صیا کِنِن که وَش ایمون ناوُردِنِه؟ وِ چطو وَ کسی ایمون بیارِن که وَتَه دَرمورِدِش نَشنُفتِنِه؟ وِ چطو بِشنِفِن، اَر کسی سیشون موعظَه نَکِنِه؟ 15وِ چطو موعظَه کِنِن، اَر بِسی نَوابون؟ هَموطو که مِنِه کتابِ اشعیایِ پیغمبر نوشتَه وابییِه: «چه مَلوسِه پایَلِ کَسَلی که خَوَرِ خَشِ انجیلَه موعظَه ایکِنِن.» 16امّا هَمۀ اونگَل وَ انجیل اطاعت نَکِردِنِه، سییِکِه اِشعیای پیغمبر ایگُ: «ای خداوند، چه کسی اوچیئی نَه که وَ ایما اِشنُفتِه باوَر کِردِه؟» 17پَ، ایمون وَ اِشنُفتَن ناشی ایابو وِ اِشنُفتَن، وَ طریقِ کلامِ مسیح.
18امّا ایپُرسُم: مَه نَشنُفتِنِه؟ اَلبَت که اِشنُفتِنِه، سییِکِه
«صیاشون پیچِسِه مِنِه سرتاسرِ زمین،
وِ کلامِشون رَسییِه وَ او سَرِ دنیا.»
19امّا ایپُرسُم: مَه قومِ اسرائیل اوچیئی نَه که اِشنُفت، نَفَمِس؟ اَوَل، موسی ایگُ:
«وَ واسطۀ اونگَل که مِلَتی وَ حساب نیان،
ایشا نَه وَ غیرت ایارُم؛
وُ وَ واسطۀ ملتِ نایونی
تَشِ خِشمِ ایشا نَه بِر ایکِنُم.»
20اوسِه، اِشعیا بِی جرأت ایگُ:
«اونگَلی که وَ دینِ مِ نَبییِن، مِنَه جُسِنِه؛
وَ اونگَلی که مِنَه طلب نَکِردَه بییِن، خِمَه آشکار کِردِمِه.»
21امّا درموردِ قومِ اسرائیل ایگُ:
«تَمومِ روز دَسَلِ خِمَه دِراز کِردُم
وَ طرفِ قومی که یاغی وُ وَ ضدِ مِنِن.»
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company