نامَه وَ کِلیسِی روم 3
3
خدا وفادارِه
1پَ فِیدِۀ یهودی بییَن چِنِه یا ختنَه چه نفعی دارِه؟ 2یِکِلی وَ هَر لَحاظ. اَوَل یِکِه کلامِ خدا اَمونت دایَه وابییِه وَ دَسِشون.
3اَر یِهپارهای وَ اونگَل وَفادار نَبییِن، چه ایابو؟ مَه وَفادار نَبییَنِ اونگَل، وَفاداریِ خدا نَه باطل ایکِنِه؟ 4وَتَه نَه ایطورِه! حتی اَر تَمومِ آیَمَل دِروکُن بون، خدا راسگویَه! هَموطو که مِنِه مزمورِ داوود نوشتَه وابییِه:
«سی هَمیو، وختی گَپ ایزَنی، حق بِی تِنِه،
وِ وختی داوری ایکِنی، زور ایابِی.»
5امّا اَر ناراسیِ ایما راسیِ خدا نَه آشکار ایکِنِه، بایِس چه بِگِیم؟ مَه خدا ظالمِه اوسِه که وَمون غَضَب ایکِنِه؟ (مِی آیَمَل گَپ ایزَنُم.) 6وَتَه نَه ایطورِه. سییِکِه اوسِه خدا چطو ایتَرِس دنیا نَه داوری کِنِه؟ 7امّا اَر وَ خاطرِ دِروِ مو حقیقتِ خدا بیشتر جلال ایگِرِه، دَ سیچِه مو مِی یِه گِناکار محکوم ایابوم؟» 8وِ سیچِه نَگِیم: «بییِیت بَدی کِنیم تا وَش خوبی وَدَس بیا» هَموطو که یِهپارهای وَمون بُهتون زَنِه، اِدعا ایکِنِن که ایما یِنَه ایگِیم؟ محکومیتِ اینگَل وَ ری عدالتِه.
کسی نَه صالحِه
9پَ بایِس چه گُت؟ مَه وَضعِ ایما یَهودییَل بِختَرَ غیریَهودییَلِه؟ نَه، اَصلاً! سییِکِه نِهِی یِه اِدعا کِردیم که هَمَه، یهود وِ غیریهود هر دِتاشون زِرِ بارِ گِنایَن. 10هَموطو که مِنِه کتابِ مقدس نوشتَه وابییِه:
«هیشکَه صالح نی، حتی یکی؛
11هیشکَه فَهمییَه نی،
هیشکَه وَ دینِ خدا نی.
12هَمَه وَ خدا ری وَرگَردُندِنِه،
وِ هَمَشون بِی یَک باطل وابییِنِه.
هیشکَه خوبی نیکِنِه،
حتی یکی.»
13«بِتِشون مَزاری یَه فِراخ
وِ زُوونِشون سی گول زَیَن گَپ ایزَنِه.»
«زهرِ افعی زِرِ لُویَلِشونِه؛»
14«کَپِشون پُرتاپِرِ نُرفین وِ تَلی یَه.»
15« پایَلِشون ایجِکِه سی رِتَنِ خین؛
16هر جا ایرَن، خرابی وُ سیاروزی وَجا اینِن،
17وِ اونگَل رَه صلحوُسلامتی نَه نَشناختِنِه.»
18«ترسِ خدا مِنِه تییَلِشون نی.»
19ایسو ایما دونیم که اوچیئی که شریعت ایگُ سی کَسَلی یَه که زِرِ شریعَتِن تا هَر کَپی بَسَه وابو وِ تمومِ دنیا وَ خدا جوابگو بون. 20سییِکِه هیچ بشری بِی وَجا آوُردَنِ کارَلِ شریعت، مِنِه نظرِ خدا صالح وَ حساب نیا، سییِکِه شریعت، گِنا نَه وَمون نِشون اییِه.
صالح وَ حساب اومَیَن وَ رَه ایمون
21امّا ایسو جیا وَ شریعت، او صالحی که وَ خدایَه، آشکار وابییِه، هَموطو که شریعت وِ پیغمبَرَل وَش گَوایی اییِن. 22ای صالحی که وَ خدایَه وَ رَه ایمون وَ عیسی مسیح یَه وِ نصیبِ تَمومِ کَسَلی ایابو که ایمون ایارِن. درموردِ یِه هیچ فَرخی نی: 23سییِکِه هَمَه گِنا کِردِنِه وُ وَ جلالِ خدا کم ایارِن، 24وِ بِی پیشکِشِ فیضِ خدا، وُ وَ واسطۀ خینبَهِی آزادی که مِنِه مسیحِ عیسی یَه، صالح وَ حساب ایان. 25خدا عیسی مسیح نَه وَ نَهاتَر مِی کفارۀ گِنایَل قرار دا، کفارهای که وَ وسیلۀ خینِ عیسی وُ وَ رَه ایمون وَدَس بیا. یِه سی نِشون دایَنِ عدالتِ خدا بی، سییِکِه مِنِه صبرِ الهیِ خُوش، وَ گِنایَلی که نَهاتَر اتّفاق اُفتایَه بی، چشمپوشی کِردَه بی. 26یِه سی یِه بی تا صالحیِ خِشَه مِنِه ای زمون نشون بییِه، تا وِّ خُوش عادل بو وِ کسی نَه هَم که وَ عیسی ایمون دارِه، صالح وَ حساب بیارِه.
27پَ دَ چه جِی افتخارِه؟ دَ جِی افتخاری نی! وَ ری چه حسابی؟ طبقِ وَجا آوُردَنِ شریعتِ اعمال؟ اَلبَت که نَه، بلکم طبقِ شریعتِ ایمون. 28سییِکِه ایما باوَر داریم که آیَم بییِکِه کارَلِ شریعتَه کِنِه، وَ رَه ایمونِه که صالح وَ حساب ایا. 29مَه خدا تِنا خِدِی یَهودییَلِه؟ مَه نَه خِدِی غیرِیَهودییَلِه؟ اَلبَت که وِّ خِدِی غیرِیَهودییَلَم هِسی، 30سییِکِه تِنا یِه خدا هِسی، وِ ای خدا ختنَه وابییَهیَلَه طبقِ ایمون وِ ختنَه نَوابییَهیَلَه هَم طبقِ هَمو ایمون، صالح وَ حساب ایارِه. 31مَه ایما شریعتَه بِی ای ایمون ایرُمبَنیم؟ وَتَه نَه ایطورِه! واریش، شریعَتَه پاوَرجا ایکِنیم.
Currently Selected:
نامَه وَ کِلیسِی روم 3: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ کِلیسِی روم 3
3
خدا وفادارِه
1پَ فِیدِۀ یهودی بییَن چِنِه یا ختنَه چه نفعی دارِه؟ 2یِکِلی وَ هَر لَحاظ. اَوَل یِکِه کلامِ خدا اَمونت دایَه وابییِه وَ دَسِشون.
3اَر یِهپارهای وَ اونگَل وَفادار نَبییِن، چه ایابو؟ مَه وَفادار نَبییَنِ اونگَل، وَفاداریِ خدا نَه باطل ایکِنِه؟ 4وَتَه نَه ایطورِه! حتی اَر تَمومِ آیَمَل دِروکُن بون، خدا راسگویَه! هَموطو که مِنِه مزمورِ داوود نوشتَه وابییِه:
«سی هَمیو، وختی گَپ ایزَنی، حق بِی تِنِه،
وِ وختی داوری ایکِنی، زور ایابِی.»
5امّا اَر ناراسیِ ایما راسیِ خدا نَه آشکار ایکِنِه، بایِس چه بِگِیم؟ مَه خدا ظالمِه اوسِه که وَمون غَضَب ایکِنِه؟ (مِی آیَمَل گَپ ایزَنُم.) 6وَتَه نَه ایطورِه. سییِکِه اوسِه خدا چطو ایتَرِس دنیا نَه داوری کِنِه؟ 7امّا اَر وَ خاطرِ دِروِ مو حقیقتِ خدا بیشتر جلال ایگِرِه، دَ سیچِه مو مِی یِه گِناکار محکوم ایابوم؟» 8وِ سیچِه نَگِیم: «بییِیت بَدی کِنیم تا وَش خوبی وَدَس بیا» هَموطو که یِهپارهای وَمون بُهتون زَنِه، اِدعا ایکِنِن که ایما یِنَه ایگِیم؟ محکومیتِ اینگَل وَ ری عدالتِه.
کسی نَه صالحِه
9پَ بایِس چه گُت؟ مَه وَضعِ ایما یَهودییَل بِختَرَ غیریَهودییَلِه؟ نَه، اَصلاً! سییِکِه نِهِی یِه اِدعا کِردیم که هَمَه، یهود وِ غیریهود هر دِتاشون زِرِ بارِ گِنایَن. 10هَموطو که مِنِه کتابِ مقدس نوشتَه وابییِه:
«هیشکَه صالح نی، حتی یکی؛
11هیشکَه فَهمییَه نی،
هیشکَه وَ دینِ خدا نی.
12هَمَه وَ خدا ری وَرگَردُندِنِه،
وِ هَمَشون بِی یَک باطل وابییِنِه.
هیشکَه خوبی نیکِنِه،
حتی یکی.»
13«بِتِشون مَزاری یَه فِراخ
وِ زُوونِشون سی گول زَیَن گَپ ایزَنِه.»
«زهرِ افعی زِرِ لُویَلِشونِه؛»
14«کَپِشون پُرتاپِرِ نُرفین وِ تَلی یَه.»
15« پایَلِشون ایجِکِه سی رِتَنِ خین؛
16هر جا ایرَن، خرابی وُ سیاروزی وَجا اینِن،
17وِ اونگَل رَه صلحوُسلامتی نَه نَشناختِنِه.»
18«ترسِ خدا مِنِه تییَلِشون نی.»
19ایسو ایما دونیم که اوچیئی که شریعت ایگُ سی کَسَلی یَه که زِرِ شریعَتِن تا هَر کَپی بَسَه وابو وِ تمومِ دنیا وَ خدا جوابگو بون. 20سییِکِه هیچ بشری بِی وَجا آوُردَنِ کارَلِ شریعت، مِنِه نظرِ خدا صالح وَ حساب نیا، سییِکِه شریعت، گِنا نَه وَمون نِشون اییِه.
صالح وَ حساب اومَیَن وَ رَه ایمون
21امّا ایسو جیا وَ شریعت، او صالحی که وَ خدایَه، آشکار وابییِه، هَموطو که شریعت وِ پیغمبَرَل وَش گَوایی اییِن. 22ای صالحی که وَ خدایَه وَ رَه ایمون وَ عیسی مسیح یَه وِ نصیبِ تَمومِ کَسَلی ایابو که ایمون ایارِن. درموردِ یِه هیچ فَرخی نی: 23سییِکِه هَمَه گِنا کِردِنِه وُ وَ جلالِ خدا کم ایارِن، 24وِ بِی پیشکِشِ فیضِ خدا، وُ وَ واسطۀ خینبَهِی آزادی که مِنِه مسیحِ عیسی یَه، صالح وَ حساب ایان. 25خدا عیسی مسیح نَه وَ نَهاتَر مِی کفارۀ گِنایَل قرار دا، کفارهای که وَ وسیلۀ خینِ عیسی وُ وَ رَه ایمون وَدَس بیا. یِه سی نِشون دایَنِ عدالتِ خدا بی، سییِکِه مِنِه صبرِ الهیِ خُوش، وَ گِنایَلی که نَهاتَر اتّفاق اُفتایَه بی، چشمپوشی کِردَه بی. 26یِه سی یِه بی تا صالحیِ خِشَه مِنِه ای زمون نشون بییِه، تا وِّ خُوش عادل بو وِ کسی نَه هَم که وَ عیسی ایمون دارِه، صالح وَ حساب بیارِه.
27پَ دَ چه جِی افتخارِه؟ دَ جِی افتخاری نی! وَ ری چه حسابی؟ طبقِ وَجا آوُردَنِ شریعتِ اعمال؟ اَلبَت که نَه، بلکم طبقِ شریعتِ ایمون. 28سییِکِه ایما باوَر داریم که آیَم بییِکِه کارَلِ شریعتَه کِنِه، وَ رَه ایمونِه که صالح وَ حساب ایا. 29مَه خدا تِنا خِدِی یَهودییَلِه؟ مَه نَه خِدِی غیرِیَهودییَلِه؟ اَلبَت که وِّ خِدِی غیرِیَهودییَلَم هِسی، 30سییِکِه تِنا یِه خدا هِسی، وِ ای خدا ختنَه وابییَهیَلَه طبقِ ایمون وِ ختنَه نَوابییَهیَلَه هَم طبقِ هَمو ایمون، صالح وَ حساب ایارِه. 31مَه ایما شریعتَه بِی ای ایمون ایرُمبَنیم؟ وَتَه نَه ایطورِه! واریش، شریعَتَه پاوَرجا ایکِنیم.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company