نامَه وَ کِلیسِی روم 6
6
مردن مِنِه گِنا وِ زِندِیی مِنِه خدا
1پَ بِگیم چه؟ مَه هِی گِنا کِنیم تا فیض زیاد وابو؟ 2وَتَه نَه ایطورِه! ایما که نسوت وَ گِنا مُردیم، چطو ایتَریم هَنی مِنِش زِندِیی کِنیم؟ 3مَه نُونیت تَمومِ ایما که مِنِه مسیح عیسی تعمید گِرُتیمِه، مِنِه مرگِ وِّ تعمید گِرُتیمِه؟ 4پَ بِی تعمید گِرُتَن مِنِه مرگ، باش رَتیم زِرِ گِل تا هَموطو که مسیح وَ وسیلۀ جلالِ بُو، وَ مُردِهیَل زِندَه وابی، ایما هَم مِنِه تازهایِ زِندِیی قَیَم وَگِریم.
5پَ اَر مِنِه مرگی مِی مرگِ وُّ، باش یکی وابیمِه، وَ یقین مِنِه زندَه وابییَنی مِی زندَه وابییَنِ وِّ هَم باش یکی ایابِیم. 6ایما دونیم او آیَمِ قدیم که بیئیم، باش وَ صلیب وابی تا بَیَنِ گِنا نابود وابو، تا دَ بَندۀ گِنا نَبِیم. 7سییِکِه وِه که مُردِه، وَ گِنا آزاد وابییِه.
8ایسِه اَر بِی مسیح مُردیمِه، ایمون داریم که باش زندِیی هَم ایکِنیم. 9ایما دونیم که مسیح وَ مُردِهیَل زِندَه وابییِه، دَ وَتَه نیمیرِه؛ مرگ دَ وَش زور وانیبو. 10سییِکِه وِّ بِی مرگِ خُوش، یِه دَف سی همیشَه نسوت وَ گِنا مُرد امّا حیاتی که وِّ زِندِیی ایکِنِه نسوت وَ خدا زِندِیی ایکِنِه.
11پَ ایشا هَم بایِس خِتونَه نسوت وَ گِنا مُردَه فرض کِنیت وُ مِنِه مسیح عیسی نسوت وَ خدا، زندَه. 12پَ نَلیت گِنا مِنِه بَیَنَلِ فانیِ ایشا حاکم بو تا وَ خواسِهیَلِش اطاعت کِنیت. 13اَعضِی بَیَنِ خِتونَه نَئیت وَ دَسِ گِنا تا وسیلۀ ناراسی بون، بلکم مِی کَسَلی که وَ مرگ وَرگَشتِنِه وَ زِندِیی، خِتونَه تسلیم خدا کِنیت تا اَعضِی بَیَنِتون مِنِه دَسِ خدا وسیلهای بو سی راسی. 14سییِکِه گِنا وَتون حاکم نیابو، وَ وُچِه که نَه زِرِ شریعتیت بلکم زِرِ فیضیت.
غلامَلِ صالحی
15پَ ایسِه چه؟ مَه گِنا کِنیم سییِکِه نَه زِرِ شریعتیم، بلکم زِرِ فیضیم؟ وَتَه نَه ایطورِه! 16مَه نُونیت اَر خِتونَه مِی غلامَلی مطیع، تسلیمِ کسی کِنیت، غلامَلِ او کس ایابِیت که وَش فِرمون ایبَریت، چه غلامِ گِنا بِیت، که ایکَشِه وَ مرگ، چه غلامِ اطاعتِ خدا، که ایکَشِه وَ صالحی؟ 17امّا شکرِ خدا، ایشا که هَرچَن نَهاتَر بندِهیَلِ گِنا بیئیت، ایسِه بِی تمومیِ دل مطیعِ تعلیمی وابیئیتِه که خدا وَتون دایِه. 18وِ ایشا بِی آزاد وابییَن وَ گِنا، بَندِهیَلِ صالحی وابیئیتِه.
19مِ بِی زُوونِ بشری باتون گَپ ایزَنُم سییِکِه بشریت وِ جسمِتون ضعیفِه. سییِکِه هَموطو که نَهاتَر اَعضِی بَیَنِ خِتونَه ایدِیت وَ غلامیِ ناپاکی وِ بیقانونی، که ایکَشِه وَ بیقانونیِ بیشتَر، پَ ایسِه اونگَلَه بِئیت وَ غلامیِ صالحی که ایکَشِه وَ قدوسیت. 20سییِکِه موقِی که غلامَلِ گِنا بیئیت، مِنِه قیدِ بَندِ صالحی نَبیئیت. 21پَ مِنِه او زمون، وَ کارَلی که ایسِه وَشون شرم داریت، فِیدَش سیتون چه بی؟ سییِکِه عاقبتِ او کارَل، مرگِه! 22امّا ایسِه که وَ گِنا آزاد وابیئیتِه وِ غلامَلِ خدا وابیئیتِه، فِیدَش سیتون تقدیس وابییَنِه که آخِرِش ایرَسِه وَ حیاتِ ابدی. 23سییِکِه مِزِ گِنا مَرگِه، امّا پیشکِشِ خدا حیاتِ ابدی یَه مِنِه خداوند ایما مسیح عیسی.
Currently Selected:
نامَه وَ کِلیسِی روم 6: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ کِلیسِی روم 6
6
مردن مِنِه گِنا وِ زِندِیی مِنِه خدا
1پَ بِگیم چه؟ مَه هِی گِنا کِنیم تا فیض زیاد وابو؟ 2وَتَه نَه ایطورِه! ایما که نسوت وَ گِنا مُردیم، چطو ایتَریم هَنی مِنِش زِندِیی کِنیم؟ 3مَه نُونیت تَمومِ ایما که مِنِه مسیح عیسی تعمید گِرُتیمِه، مِنِه مرگِ وِّ تعمید گِرُتیمِه؟ 4پَ بِی تعمید گِرُتَن مِنِه مرگ، باش رَتیم زِرِ گِل تا هَموطو که مسیح وَ وسیلۀ جلالِ بُو، وَ مُردِهیَل زِندَه وابی، ایما هَم مِنِه تازهایِ زِندِیی قَیَم وَگِریم.
5پَ اَر مِنِه مرگی مِی مرگِ وُّ، باش یکی وابیمِه، وَ یقین مِنِه زندَه وابییَنی مِی زندَه وابییَنِ وِّ هَم باش یکی ایابِیم. 6ایما دونیم او آیَمِ قدیم که بیئیم، باش وَ صلیب وابی تا بَیَنِ گِنا نابود وابو، تا دَ بَندۀ گِنا نَبِیم. 7سییِکِه وِه که مُردِه، وَ گِنا آزاد وابییِه.
8ایسِه اَر بِی مسیح مُردیمِه، ایمون داریم که باش زندِیی هَم ایکِنیم. 9ایما دونیم که مسیح وَ مُردِهیَل زِندَه وابییِه، دَ وَتَه نیمیرِه؛ مرگ دَ وَش زور وانیبو. 10سییِکِه وِّ بِی مرگِ خُوش، یِه دَف سی همیشَه نسوت وَ گِنا مُرد امّا حیاتی که وِّ زِندِیی ایکِنِه نسوت وَ خدا زِندِیی ایکِنِه.
11پَ ایشا هَم بایِس خِتونَه نسوت وَ گِنا مُردَه فرض کِنیت وُ مِنِه مسیح عیسی نسوت وَ خدا، زندَه. 12پَ نَلیت گِنا مِنِه بَیَنَلِ فانیِ ایشا حاکم بو تا وَ خواسِهیَلِش اطاعت کِنیت. 13اَعضِی بَیَنِ خِتونَه نَئیت وَ دَسِ گِنا تا وسیلۀ ناراسی بون، بلکم مِی کَسَلی که وَ مرگ وَرگَشتِنِه وَ زِندِیی، خِتونَه تسلیم خدا کِنیت تا اَعضِی بَیَنِتون مِنِه دَسِ خدا وسیلهای بو سی راسی. 14سییِکِه گِنا وَتون حاکم نیابو، وَ وُچِه که نَه زِرِ شریعتیت بلکم زِرِ فیضیت.
غلامَلِ صالحی
15پَ ایسِه چه؟ مَه گِنا کِنیم سییِکِه نَه زِرِ شریعتیم، بلکم زِرِ فیضیم؟ وَتَه نَه ایطورِه! 16مَه نُونیت اَر خِتونَه مِی غلامَلی مطیع، تسلیمِ کسی کِنیت، غلامَلِ او کس ایابِیت که وَش فِرمون ایبَریت، چه غلامِ گِنا بِیت، که ایکَشِه وَ مرگ، چه غلامِ اطاعتِ خدا، که ایکَشِه وَ صالحی؟ 17امّا شکرِ خدا، ایشا که هَرچَن نَهاتَر بندِهیَلِ گِنا بیئیت، ایسِه بِی تمومیِ دل مطیعِ تعلیمی وابیئیتِه که خدا وَتون دایِه. 18وِ ایشا بِی آزاد وابییَن وَ گِنا، بَندِهیَلِ صالحی وابیئیتِه.
19مِ بِی زُوونِ بشری باتون گَپ ایزَنُم سییِکِه بشریت وِ جسمِتون ضعیفِه. سییِکِه هَموطو که نَهاتَر اَعضِی بَیَنِ خِتونَه ایدِیت وَ غلامیِ ناپاکی وِ بیقانونی، که ایکَشِه وَ بیقانونیِ بیشتَر، پَ ایسِه اونگَلَه بِئیت وَ غلامیِ صالحی که ایکَشِه وَ قدوسیت. 20سییِکِه موقِی که غلامَلِ گِنا بیئیت، مِنِه قیدِ بَندِ صالحی نَبیئیت. 21پَ مِنِه او زمون، وَ کارَلی که ایسِه وَشون شرم داریت، فِیدَش سیتون چه بی؟ سییِکِه عاقبتِ او کارَل، مرگِه! 22امّا ایسِه که وَ گِنا آزاد وابیئیتِه وِ غلامَلِ خدا وابیئیتِه، فِیدَش سیتون تقدیس وابییَنِه که آخِرِش ایرَسِه وَ حیاتِ ابدی. 23سییِکِه مِزِ گِنا مَرگِه، امّا پیشکِشِ خدا حیاتِ ابدی یَه مِنِه خداوند ایما مسیح عیسی.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company