نامَه وَ کِلیسِی روم 7
7
آزاد وابییَن وَ شریعت
1ای کَکایَل، مَه نُونیت - سییِکِه مِ بِی کَسَلی گَپ ایزَنُم که شریعتَه دونِن - که شریعت تِنا تا زمونی وَ آیَم حاکمِه که وِّ زِنده یَه؟ 2سییِکِه، طبقِ شریعت، زنِ میرَهدار تا زمونِ زندَه بییَنِ میرَش، وَش بَسَه یَه. امّا اَر میرَش بِمیرِه، زن وَ نظرِ شرعی وَش آزاد ایابو. 3پَ اَر موقِی که میرَش زنده یَه، بِی مِردی دَ زِندِیی کِنِه، زِناکارِه. امّا اَر میرَش بِمیرِه، وَ ای شریعت آزادِه، وِ اَر وَ مِردی دَ شی کِنِه، نَه زِناکارِه.
4وِ هَمیطو، ای کَکایَلُم، ایشا هَم وَ واسطۀ بیَنِ مسیح وَ بابتِ شریعت مُردیتِه، تا این کسی دَ بِیت، یعنی وِّ که وَ مُردِهیَل زِندَه وابییِه، تا سی خدا ثمر بیاریم. 5سییِکِه موقِی که ایما مِنِه جسم بیئیم، مِیل وَ گِنا که شریعت اونگَلَه آشکار ایکِه، مِنِه اَعضِی بَیَنِ ایما کار ایکِه تا سی مرگ ثمر بیاریم. 6امّا ایسِه ایما وَ شریعت آزاد وابیئیمِه، وَ بابتِ اوچیئی که مِنِه قیدِ بَندِش بیئیم مُردیم تا وَ وسیلۀ روحالقدس وَ طریقِ تازهای، خذمت کِنیم، نَه وَ طریقِ کهنَهای که وَ ری نوشتَه بی.
شریعت وِ گِنا
7پَ بِگیم چه؟ مَه شریعت گِنایَه؟ وَتَه نَه ایطورِه! وا ای حال اَر شریعت نَبی، نُونِسُم گِنا چِنِه. سییِکِه اَر شریعت نَگُتَه بی «طمع مَکُ»، نُونِسُم طمع کِردَن چِنِه. 8امّا گِنا وَ واسطۀ حکمِ شریعت، مجال جُس تا همَه طور طمعی نَه مِنُم وَ وجود بیارِه. سییِکِه جیا وَ شریعت، گِنا مُردَه یَه. 9زمونی مِ جیا وَ شریعت زندَه بییُم؛ امّا وختی حکمِ شریعت اومَه، گِنا زندَه وابی وِ مِ مُردُم. 10هَمو حکم که وعدۀ حیاتَه دا، باعثِ مرگِم وابی. 11سییِکِه گِنا وَ واسطۀ حکم شریعت مجال جُس، مِنَه گول زَه وُ وَ واسطۀ وِه مِنَه کُشت. 12پَ، شریعت مقدّسِه وِ حکمِ شریعت مقدّس، دِرُس وِ خوبِه.
13پَ مَه اوچیئی که خوبِه، سی مِ باعثِ مرگ وابی؟ وَتَه نَه ایطورِه! بلکم گِنا بی که وَ واسطۀ اوچیئی که خوبِه، مرگَه مِنُم وَ وجود آوُرد تا وَ ای ترتیب گِنا بییَنِ گِنا آشکار وابو وُ وَ طریقِ حکمِ شریعت دیار وابو گَندیِ گِنا چِقَه بیحَدِحِسابِه.
14سییِکِه ایما دونیم که شریعت روحانی یَه، امّا مِ آیَمی جسمانی یَم وِ مِی بَردَه فِرُتَه وابییِمِه وَ گِنا. 15سییِکِه مِ نُونُم چه ایکِنُم، سییِکِه کاری نَه که ایخوام نیکِنُم، بلکم کاری نَه ایکِنُم که وَش بیزارُم. 16ایسو اَر کاری نَه ایکِنُم که نیخوام، پَ قبول ایکِنُم که شریعت خوبه. 17پَ وَ ای صورت، دَ نَه مِنُم که او کارَ ایکِنُم، بلکم گِنایی یَه که مِنُم منزل کِردِه. 18سییِکِه دونُم که مِنُم، یعنی مِنِه جسمُم، هیچ چییِ خوبی نیسی. سییِکِه ایخوام اوچیئی نَه که دِرِسِه اَنجوم بییُم، امّا نیتَرُم اَنجومِش بییُم. 19سییِکِه او کارِ خوبَه که ایخوام، نیکِنُم، بلکم او کارِ بَدی نَه که نیخوام، هِی وَجا ایارُم. 20ایسِه اَر کاری ایکِنُم که نیخوام اَنجومِش بییُم، دَ نَه مِنُم که او کارَ ایکِنُم، بلکم او گِنایی یَه که مِنُم منزل کِردِه.
21پَ ای قانونَه فَمِسِمِه که وختی ایخوام خوبی کِنُم، بدی دَمِ دَسِمِه. 22مو مِنِه باطن وَ شریعتِ خدا کِیف ایکِنُم، 23امّا قانونی دَ مِنِه اَعضِی بَیَنِ خِم ایبینُم که بِی شریعتی که فکر مو وِه نَه قبول ایکِنِه، مِنِه جنگِ جدالِه وِ مِنَه اسیرِ قانونِ گِنا ایکِنِه که مِنِه اَعضِی بَیَنُم مَنزل کِردِه. 24چه آیَمِ خوارِزاری یَم! کی ایتَرِه مِنَه وَ ای بَیَنِ مرگ نجات بییِه؟ 25شکرِ خدا بو - وَ واسطۀ خداوندِ ایما عیسی مسیح!
پَ، مِ بِی فکرِ خُوم شریعتِ خدا نَه بَندِهایی ایکِنُم، امّا بِی جسمِ خُوم شریعتِ گِنا نَه بَندِهایی ایکِنُم.
Currently Selected:
نامَه وَ کِلیسِی روم 7: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ کِلیسِی روم 7
7
آزاد وابییَن وَ شریعت
1ای کَکایَل، مَه نُونیت - سییِکِه مِ بِی کَسَلی گَپ ایزَنُم که شریعتَه دونِن - که شریعت تِنا تا زمونی وَ آیَم حاکمِه که وِّ زِنده یَه؟ 2سییِکِه، طبقِ شریعت، زنِ میرَهدار تا زمونِ زندَه بییَنِ میرَش، وَش بَسَه یَه. امّا اَر میرَش بِمیرِه، زن وَ نظرِ شرعی وَش آزاد ایابو. 3پَ اَر موقِی که میرَش زنده یَه، بِی مِردی دَ زِندِیی کِنِه، زِناکارِه. امّا اَر میرَش بِمیرِه، وَ ای شریعت آزادِه، وِ اَر وَ مِردی دَ شی کِنِه، نَه زِناکارِه.
4وِ هَمیطو، ای کَکایَلُم، ایشا هَم وَ واسطۀ بیَنِ مسیح وَ بابتِ شریعت مُردیتِه، تا این کسی دَ بِیت، یعنی وِّ که وَ مُردِهیَل زِندَه وابییِه، تا سی خدا ثمر بیاریم. 5سییِکِه موقِی که ایما مِنِه جسم بیئیم، مِیل وَ گِنا که شریعت اونگَلَه آشکار ایکِه، مِنِه اَعضِی بَیَنِ ایما کار ایکِه تا سی مرگ ثمر بیاریم. 6امّا ایسِه ایما وَ شریعت آزاد وابیئیمِه، وَ بابتِ اوچیئی که مِنِه قیدِ بَندِش بیئیم مُردیم تا وَ وسیلۀ روحالقدس وَ طریقِ تازهای، خذمت کِنیم، نَه وَ طریقِ کهنَهای که وَ ری نوشتَه بی.
شریعت وِ گِنا
7پَ بِگیم چه؟ مَه شریعت گِنایَه؟ وَتَه نَه ایطورِه! وا ای حال اَر شریعت نَبی، نُونِسُم گِنا چِنِه. سییِکِه اَر شریعت نَگُتَه بی «طمع مَکُ»، نُونِسُم طمع کِردَن چِنِه. 8امّا گِنا وَ واسطۀ حکمِ شریعت، مجال جُس تا همَه طور طمعی نَه مِنُم وَ وجود بیارِه. سییِکِه جیا وَ شریعت، گِنا مُردَه یَه. 9زمونی مِ جیا وَ شریعت زندَه بییُم؛ امّا وختی حکمِ شریعت اومَه، گِنا زندَه وابی وِ مِ مُردُم. 10هَمو حکم که وعدۀ حیاتَه دا، باعثِ مرگِم وابی. 11سییِکِه گِنا وَ واسطۀ حکم شریعت مجال جُس، مِنَه گول زَه وُ وَ واسطۀ وِه مِنَه کُشت. 12پَ، شریعت مقدّسِه وِ حکمِ شریعت مقدّس، دِرُس وِ خوبِه.
13پَ مَه اوچیئی که خوبِه، سی مِ باعثِ مرگ وابی؟ وَتَه نَه ایطورِه! بلکم گِنا بی که وَ واسطۀ اوچیئی که خوبِه، مرگَه مِنُم وَ وجود آوُرد تا وَ ای ترتیب گِنا بییَنِ گِنا آشکار وابو وُ وَ طریقِ حکمِ شریعت دیار وابو گَندیِ گِنا چِقَه بیحَدِحِسابِه.
14سییِکِه ایما دونیم که شریعت روحانی یَه، امّا مِ آیَمی جسمانی یَم وِ مِی بَردَه فِرُتَه وابییِمِه وَ گِنا. 15سییِکِه مِ نُونُم چه ایکِنُم، سییِکِه کاری نَه که ایخوام نیکِنُم، بلکم کاری نَه ایکِنُم که وَش بیزارُم. 16ایسو اَر کاری نَه ایکِنُم که نیخوام، پَ قبول ایکِنُم که شریعت خوبه. 17پَ وَ ای صورت، دَ نَه مِنُم که او کارَ ایکِنُم، بلکم گِنایی یَه که مِنُم منزل کِردِه. 18سییِکِه دونُم که مِنُم، یعنی مِنِه جسمُم، هیچ چییِ خوبی نیسی. سییِکِه ایخوام اوچیئی نَه که دِرِسِه اَنجوم بییُم، امّا نیتَرُم اَنجومِش بییُم. 19سییِکِه او کارِ خوبَه که ایخوام، نیکِنُم، بلکم او کارِ بَدی نَه که نیخوام، هِی وَجا ایارُم. 20ایسِه اَر کاری ایکِنُم که نیخوام اَنجومِش بییُم، دَ نَه مِنُم که او کارَ ایکِنُم، بلکم او گِنایی یَه که مِنُم منزل کِردِه.
21پَ ای قانونَه فَمِسِمِه که وختی ایخوام خوبی کِنُم، بدی دَمِ دَسِمِه. 22مو مِنِه باطن وَ شریعتِ خدا کِیف ایکِنُم، 23امّا قانونی دَ مِنِه اَعضِی بَیَنِ خِم ایبینُم که بِی شریعتی که فکر مو وِه نَه قبول ایکِنِه، مِنِه جنگِ جدالِه وِ مِنَه اسیرِ قانونِ گِنا ایکِنِه که مِنِه اَعضِی بَیَنُم مَنزل کِردِه. 24چه آیَمِ خوارِزاری یَم! کی ایتَرِه مِنَه وَ ای بَیَنِ مرگ نجات بییِه؟ 25شکرِ خدا بو - وَ واسطۀ خداوندِ ایما عیسی مسیح!
پَ، مِ بِی فکرِ خُوم شریعتِ خدا نَه بَندِهایی ایکِنُم، امّا بِی جسمِ خُوم شریعتِ گِنا نَه بَندِهایی ایکِنُم.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company