نامَه وَ کِلیسِی روم 8
8
زِندِیی مِنِه روحِ خدا
1پَ ایسو سی اونگَلی که مِنِه مسیح عیسی یَن، دَ هیچ محکومیتی نی، 2سییِکِه شریعتِ روحِ حیات، مِنِه مسیح عیسی، ایشا نَه وَ شریعتِ گِنا وِ مرگ آزاد کِردِه؛ 3سییِکِه اوچیئی که شریعت وَ خاطرِ ضعیف بییَنِ جسم نیتَرِس اَنجومِش بییِه، خدا اَنجومِش دا. وِّ کِرِ خِشَه وَ شباهتِ جسمِ گِناکار بِسی کِه تا «قُربونیِ گِنا» بو، وِ ایطوری گِنا نَه مِنِه جسم محکوم کِه، 4تا اوچییَلِ دِرِسی که شریعت ایخواس، مِنِه ایما اَنجوم وابو، مِنِه ایما که وَ طبقِ روحِ خدا قَیَم اییَگِریم، نَه وَ طبقِ جسم.
5سییِکِه اونگَلی که جسمانی یَن، فکرِشونَه اینِن وَ ری چییَلِ جسمانی، امّا اونگَلی که روحِ خدا نَه دارِن، فکرِشونَه اینِن وَ ری چییَلِ روحانی. 6سییِکِه نَهایَنِ فکر وَ ریِ چییَلِ جسمانی، مرگِه، امّا نَهایَنِ فکر وَ ری روحِ خدا، حیات وِ صلحوُسلامتی یَه. 7سییِکِه فکری که وَ ری جسم نَهایَه وابییِه بِی خدا دشمنی دارِه، سییِکِه خِشَه مطیعِ شریعتِ خدا نیکِنِه وِ نیتَرِه هَم بِکِنِه. 8کَسَلی که مِنِه حاکمیتِ جِسمِن، نیتَرِن خدا نَه راضی کِنِن.
9هرچَن ایشا نَه مِنِه حاکمیتِ جسمیت، بلکم مِنِه حاکمیتِ روحِ خدا یِیت، اَلبَتَه اَر روحِ خدا مِنِه ایشا منزل داشتَه بو. اَر کسی روحِ مسیحَه نَیاشتَه بو، وِّ این مسیح نی. 10امّا اَر مسیح مِنِه ایشا یَه، هَرچَن بَیَن وَ خاطرِ گِنا مُردِه، امّا سییِکِه صالح وَ حساب اومِیتِه، روحِ خدا سیتون حیاتِه. 11اَر روحِ وِّ که عیسی نَه وَ مُردِهیَل زِندَه کِه مِنِه ایشا بو، وِّ که مسیحِ عیسی نَه وَ مُردِهیَل زندَه کِه، وَ واسطۀ روحِ خُوش که مِنِه ایشا منزل دارِه، وَ بَیَنَلِ مُردِۀ ایشا هَم حیات اییِه.
12پَ ای کَکایَل، ایما زِرِ دِینیم، امّا نَه زِرِ دِینِ جسم، تا وَ طبقِ جسم زِندِیی کِنیم. 13سییِکِه اَر وَ طبقِ جسم زِندِیی کِنیت، ایمیریت؛ امّا اَر وَ واسطۀ روحِ خدا، کارَلِ بَیَنَه بِکِشیت، زِندَه ایوِیسیت. 14سییِکِه تَمومِ اونگَل که وَ روحِ خدا هدایت ایابون، کُرَلِ خدایَن. 15سییِکِه ایشا روحِ بَندِهایی نَه نَجُسیتِه تا هَنی بییُفتیت مِنِه ترس، بلکم ایشا مِنِه مقامِ کُرَل، روحِ فرزندخُوندِهای نَه جُسیتِه که وَ واسطۀ وِه بُنگ ایزَنیم: «بَبا! ای بُو!» 16روحِ خدا بِی روحِ ایما شهادت اییِه که ایما اولادَلِ خدایِیم. 17وِ اَر اولادَلیم، پَ وارِثَلَم هِسیم، یعنی وارِثَلِ خدا وِ هُمارث بِی مسیح، وَ شَرطی که ایما هَم بِی وِّ عذاب بِکَشیم، تا ایما هَم بِی وِّ جلال بِجوریم.
جلالِ آیندَه
18سییِکِه وَ نظرِ مو، عذابَلِ ای زمون مِنِه قیاس بِی جلالی که قرارِه سی ایما آشکار وابو، هیچِه. 19سییِکِه خلقت بِی یِکِلی شوق بَندیرِ آشکار وابییَنِ کُرَلِ خدایَه. 20سییِکِه خلقت مطیعِ بطالت وابی، نَه وَ خواسِ خُوش، بلکم وَ ارادۀ وِّ که وِه نَه مطیع کِه، بِی ای امید که 21خِلقت خُوش هَم وَ بَندِهاییِ فساد نجات ایگِرِه وِ مِنِه آزادیِ پرجلالِ اولادَلِ خدا شریک ایابو.
22سییِکِه ایما دونیم که تمومِ خِلقت تا هَمیسو بِی یَک وَ دردی مِی دردِ زِیمون اینالِه. 23وِ نَه تِنا خِلقت، بلکم ایما خِمون هَم که نوبرِ روحِ خدا نَه داریم، مِنِه دِلِمون اینالیم، دَرحالی که مِنِه مقامِ کُرَل بِی شوق، بَندیرِ فرزندخُوندِهای، یعنی نجاتِ بَیَنَلِ خِمونیم. 24سییِکِه ایما مِنِه هَمی امید نجات جُسیم. ایسو اِمیدی که وَ دَس اومَیِه، دَ نَه امیدِه. سییِکِه چطو کسی ایتَرِه وَ امیدِ چیئی بو که نَهاتَر وِه نَه جُسِه؟ 25امّا اَر امیدِمون وَ چیئی یَه که وَ دَس نَیومَیِه، بِی صبر بَندیرِشیم.
26هَمیطو روحِ خدا مِنِه ضعفِمون ایا وَ کِمَکِمون، سییِکِه ایما نُونیم سی چه چیئی بایِس دعا کِنیم. امّا روحِ خدا خُوش بِی نالهیَلی که نیابو بِگیشون، سیمون شفاعت ایکِنِه. 27وُ وِّ کِه دِلَلَ ایجورِه، فکرِ روحَه دونِه، سییِکِه روح طبقِ ارادۀ خدا سی ایموندارَلِ وَ مسیح شفاعت ایکِنِه.
28وِ ایما دونیم مِنِه حقِ اونگَل که خدا نَه دوس دارِن وِ طبقِ ارادۀ خدا خُوندَه وابییِنِه، تَمومِ چییَل بِی یَک سی خِیریَتشون مِنِه کارِه. 29سییِکِه خدا اونگَلی نَه که وَ نَهاتَر اِشناخت، اونگَلَه وَ نَهاتَر تعیین کِه تا وَ شکلِ کِرِش دَران، تا مسیح اولادِ اَوَل مابینِ کَکایَلِ زیاد بو. 30وُ وِّ اونگَلی نَه که وَ نَهاتَر تعیین کِه، هَمیطو خُوندِشون؛ وِ اونگَلی نَه که خُوند، هَمیطو صالح وَ حساب آوُرد؛ وِ اونگَلی نَه که صالح وَ حساب آوُرد، همیطو جلال دا.
31پَ در برابرِ تَمومِ اینگَل ایابو چه گُت؟ اَر خدا بِی ایمانِه، کیَه که بِتَرِه وَ ضدِ ایما بو؟ 32وِّ که کِرِ خِشَه دریغ نَکِه، بلکم وِّ نَه مِنِه رَه تَمومِ ایما تسلیم کِه، چِطو باش همَه چی نَه بِی دَسِدِلوازی وَمون نیبَخشِه؟ 33کیَه که زَلَه کِنِه وَ ضدِ برگزیدهیَلِ خدا بهتون بِزَنِه؟ خدا یَه که اونگَلَه صالح وَ حساب ایارِه! 34کیَه که محکومِشون کِنِه؟ مسیح عیسی که مُرد- وَ وِه بالاتر، وَ مُردِهیَل زندَه وابی- وُ وَ دَسِ راسِ خدایَه، وِّنِه که وَراسی سیمون شفاعت ایکِنِه! 35کیَه که ایما نَه وَ محبتِ مسیح جیا کِنِه؟ مصیبَت، پَریشونی، جَفا، قحطی، لخت بییَن، خطر، شُمشیر؟ 36هَموطو که مِنِه کتابِ زبورِ داوود نوشتَه وابییِه: «ایما تَمومِ روز، وَ خاطرِ تِ ایرِیم وَ کامِ مرگ وِ مِی میشَلی یِیم که ایبَرنِشون سی کشتار.»
37امّا مِنِه تَمومِ ای چییَل، وَ واسطۀ وِّ که ایما نَه محبت کِه، بالاتَریم وَ اونگَلی که پیروز وابییِنِه. 38سییِکِه اِطمینون دارُم که نَه مرگ وِ نَه زِندِیی، نَه فرشتهیَل، نَه ریاسَتَل، نَه چییَلِ ایسو، نَه چییَلِ آیندَه، نَه هیچ قدرتی، 39نَه بِلَندی وِ نَه غوری، نَه هیچ چییِ دَ مِنِه تمومیِ خِلقت، نیتَرِه ایما نَه وَ محبتِ خدا که مِنِه خداوندِ ایما مسیح عیسی یَه، جیا کِنِه.
Currently Selected:
نامَه وَ کِلیسِی روم 8: SLB
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company
نامَه وَ کِلیسِی روم 8
8
زِندِیی مِنِه روحِ خدا
1پَ ایسو سی اونگَلی که مِنِه مسیح عیسی یَن، دَ هیچ محکومیتی نی، 2سییِکِه شریعتِ روحِ حیات، مِنِه مسیح عیسی، ایشا نَه وَ شریعتِ گِنا وِ مرگ آزاد کِردِه؛ 3سییِکِه اوچیئی که شریعت وَ خاطرِ ضعیف بییَنِ جسم نیتَرِس اَنجومِش بییِه، خدا اَنجومِش دا. وِّ کِرِ خِشَه وَ شباهتِ جسمِ گِناکار بِسی کِه تا «قُربونیِ گِنا» بو، وِ ایطوری گِنا نَه مِنِه جسم محکوم کِه، 4تا اوچییَلِ دِرِسی که شریعت ایخواس، مِنِه ایما اَنجوم وابو، مِنِه ایما که وَ طبقِ روحِ خدا قَیَم اییَگِریم، نَه وَ طبقِ جسم.
5سییِکِه اونگَلی که جسمانی یَن، فکرِشونَه اینِن وَ ری چییَلِ جسمانی، امّا اونگَلی که روحِ خدا نَه دارِن، فکرِشونَه اینِن وَ ری چییَلِ روحانی. 6سییِکِه نَهایَنِ فکر وَ ریِ چییَلِ جسمانی، مرگِه، امّا نَهایَنِ فکر وَ ری روحِ خدا، حیات وِ صلحوُسلامتی یَه. 7سییِکِه فکری که وَ ری جسم نَهایَه وابییِه بِی خدا دشمنی دارِه، سییِکِه خِشَه مطیعِ شریعتِ خدا نیکِنِه وِ نیتَرِه هَم بِکِنِه. 8کَسَلی که مِنِه حاکمیتِ جِسمِن، نیتَرِن خدا نَه راضی کِنِن.
9هرچَن ایشا نَه مِنِه حاکمیتِ جسمیت، بلکم مِنِه حاکمیتِ روحِ خدا یِیت، اَلبَتَه اَر روحِ خدا مِنِه ایشا منزل داشتَه بو. اَر کسی روحِ مسیحَه نَیاشتَه بو، وِّ این مسیح نی. 10امّا اَر مسیح مِنِه ایشا یَه، هَرچَن بَیَن وَ خاطرِ گِنا مُردِه، امّا سییِکِه صالح وَ حساب اومِیتِه، روحِ خدا سیتون حیاتِه. 11اَر روحِ وِّ که عیسی نَه وَ مُردِهیَل زِندَه کِه مِنِه ایشا بو، وِّ که مسیحِ عیسی نَه وَ مُردِهیَل زندَه کِه، وَ واسطۀ روحِ خُوش که مِنِه ایشا منزل دارِه، وَ بَیَنَلِ مُردِۀ ایشا هَم حیات اییِه.
12پَ ای کَکایَل، ایما زِرِ دِینیم، امّا نَه زِرِ دِینِ جسم، تا وَ طبقِ جسم زِندِیی کِنیم. 13سییِکِه اَر وَ طبقِ جسم زِندِیی کِنیت، ایمیریت؛ امّا اَر وَ واسطۀ روحِ خدا، کارَلِ بَیَنَه بِکِشیت، زِندَه ایوِیسیت. 14سییِکِه تَمومِ اونگَل که وَ روحِ خدا هدایت ایابون، کُرَلِ خدایَن. 15سییِکِه ایشا روحِ بَندِهایی نَه نَجُسیتِه تا هَنی بییُفتیت مِنِه ترس، بلکم ایشا مِنِه مقامِ کُرَل، روحِ فرزندخُوندِهای نَه جُسیتِه که وَ واسطۀ وِه بُنگ ایزَنیم: «بَبا! ای بُو!» 16روحِ خدا بِی روحِ ایما شهادت اییِه که ایما اولادَلِ خدایِیم. 17وِ اَر اولادَلیم، پَ وارِثَلَم هِسیم، یعنی وارِثَلِ خدا وِ هُمارث بِی مسیح، وَ شَرطی که ایما هَم بِی وِّ عذاب بِکَشیم، تا ایما هَم بِی وِّ جلال بِجوریم.
جلالِ آیندَه
18سییِکِه وَ نظرِ مو، عذابَلِ ای زمون مِنِه قیاس بِی جلالی که قرارِه سی ایما آشکار وابو، هیچِه. 19سییِکِه خلقت بِی یِکِلی شوق بَندیرِ آشکار وابییَنِ کُرَلِ خدایَه. 20سییِکِه خلقت مطیعِ بطالت وابی، نَه وَ خواسِ خُوش، بلکم وَ ارادۀ وِّ که وِه نَه مطیع کِه، بِی ای امید که 21خِلقت خُوش هَم وَ بَندِهاییِ فساد نجات ایگِرِه وِ مِنِه آزادیِ پرجلالِ اولادَلِ خدا شریک ایابو.
22سییِکِه ایما دونیم که تمومِ خِلقت تا هَمیسو بِی یَک وَ دردی مِی دردِ زِیمون اینالِه. 23وِ نَه تِنا خِلقت، بلکم ایما خِمون هَم که نوبرِ روحِ خدا نَه داریم، مِنِه دِلِمون اینالیم، دَرحالی که مِنِه مقامِ کُرَل بِی شوق، بَندیرِ فرزندخُوندِهای، یعنی نجاتِ بَیَنَلِ خِمونیم. 24سییِکِه ایما مِنِه هَمی امید نجات جُسیم. ایسو اِمیدی که وَ دَس اومَیِه، دَ نَه امیدِه. سییِکِه چطو کسی ایتَرِه وَ امیدِ چیئی بو که نَهاتَر وِه نَه جُسِه؟ 25امّا اَر امیدِمون وَ چیئی یَه که وَ دَس نَیومَیِه، بِی صبر بَندیرِشیم.
26هَمیطو روحِ خدا مِنِه ضعفِمون ایا وَ کِمَکِمون، سییِکِه ایما نُونیم سی چه چیئی بایِس دعا کِنیم. امّا روحِ خدا خُوش بِی نالهیَلی که نیابو بِگیشون، سیمون شفاعت ایکِنِه. 27وُ وِّ کِه دِلَلَ ایجورِه، فکرِ روحَه دونِه، سییِکِه روح طبقِ ارادۀ خدا سی ایموندارَلِ وَ مسیح شفاعت ایکِنِه.
28وِ ایما دونیم مِنِه حقِ اونگَل که خدا نَه دوس دارِن وِ طبقِ ارادۀ خدا خُوندَه وابییِنِه، تَمومِ چییَل بِی یَک سی خِیریَتشون مِنِه کارِه. 29سییِکِه خدا اونگَلی نَه که وَ نَهاتَر اِشناخت، اونگَلَه وَ نَهاتَر تعیین کِه تا وَ شکلِ کِرِش دَران، تا مسیح اولادِ اَوَل مابینِ کَکایَلِ زیاد بو. 30وُ وِّ اونگَلی نَه که وَ نَهاتَر تعیین کِه، هَمیطو خُوندِشون؛ وِ اونگَلی نَه که خُوند، هَمیطو صالح وَ حساب آوُرد؛ وِ اونگَلی نَه که صالح وَ حساب آوُرد، همیطو جلال دا.
31پَ در برابرِ تَمومِ اینگَل ایابو چه گُت؟ اَر خدا بِی ایمانِه، کیَه که بِتَرِه وَ ضدِ ایما بو؟ 32وِّ که کِرِ خِشَه دریغ نَکِه، بلکم وِّ نَه مِنِه رَه تَمومِ ایما تسلیم کِه، چِطو باش همَه چی نَه بِی دَسِدِلوازی وَمون نیبَخشِه؟ 33کیَه که زَلَه کِنِه وَ ضدِ برگزیدهیَلِ خدا بهتون بِزَنِه؟ خدا یَه که اونگَلَه صالح وَ حساب ایارِه! 34کیَه که محکومِشون کِنِه؟ مسیح عیسی که مُرد- وَ وِه بالاتر، وَ مُردِهیَل زندَه وابی- وُ وَ دَسِ راسِ خدایَه، وِّنِه که وَراسی سیمون شفاعت ایکِنِه! 35کیَه که ایما نَه وَ محبتِ مسیح جیا کِنِه؟ مصیبَت، پَریشونی، جَفا، قحطی، لخت بییَن، خطر، شُمشیر؟ 36هَموطو که مِنِه کتابِ زبورِ داوود نوشتَه وابییِه: «ایما تَمومِ روز، وَ خاطرِ تِ ایرِیم وَ کامِ مرگ وِ مِی میشَلی یِیم که ایبَرنِشون سی کشتار.»
37امّا مِنِه تَمومِ ای چییَل، وَ واسطۀ وِّ که ایما نَه محبت کِه، بالاتَریم وَ اونگَلی که پیروز وابییِنِه. 38سییِکِه اِطمینون دارُم که نَه مرگ وِ نَه زِندِیی، نَه فرشتهیَل، نَه ریاسَتَل، نَه چییَلِ ایسو، نَه چییَلِ آیندَه، نَه هیچ قدرتی، 39نَه بِلَندی وِ نَه غوری، نَه هیچ چییِ دَ مِنِه تمومیِ خِلقت، نیتَرِه ایما نَه وَ محبتِ خدا که مِنِه خداوندِ ایما مسیح عیسی یَه، جیا کِنِه.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
@ 2024 Korpu Company