مَتّی 1
1
عیسا مَسیح‌نینگ شَجَره‌نامه‌سی
1عیسا مَسیح‌نینگ شَجَره‌نامه‌سی کی داوود پادشاه و ابراهیم پیغمبر سؤیوندان ایدی، بئله دیر:
2ابراهیم، اِسحاق بووآسی ایدی،
اِسحاق، یَعقوب بووآسی ایدی،
یَعقوب، یَهودا و اؤنونگ کاکالاری‌نینگ بووآسی ایدی.
3یَهودا، فِرِص و زِراح بووآسی ایدی، تامار فِرِص و زِراح‌نینگ آناسی ایدی.
فِرِص، حِصْرون بووآسی ایدی،
حِصْرون، رام بووآسی ایدی.
4رام، عَمّیناداب بووآسی ایدی،
عَمّیناداب، نَحشون بووآسی ایدی،
نَحشون، سَلمون بووآسی ایدی.
5سَلمون، بوعَز بووآسی ایدی، راحاب بوعَزینگ آناسی ایدی.
بوعَز، عوبید بووآسی ایدی، روت عوبیدینگ آناسی ایدی.
عوبید، یَسا بووآسی ایدی.
6یَسا، داوود پادشاه بووآسی ایدی.
داوود پادشاه، سُلیمان بووآسی ایدی. سُلیمانینگ آناسی، داوودا اَره گئدَندَن ایلَری، اوریا آروادی ایدی.
7سُلیمان، رِحُبعام بووآسی ایدی،
رِحُبعام، اَبیّا بووآسی ایدی،
اَبیّا، آسا بووآسی ایدی.
8آسا، یَهوشافاط بووآسی ایدی،
یَهوشافاط، یورام بووآسی ایدی،
یورام، عُزّیا بووآسی ایدی.
9عُزّیا، یوتام بووآسی ایدی،
یوتام، آحاز بووآسی ایدی،
آحاز، حِزقیا بووآسی ایدی.
10حِزقیا، مَنَسی بووآسی ایدی،
مَنَسی، آمون بووآسی ایدی،
آمون، یوشیا بووآسی ایدی.
11یوشیا، یِکُنیا و اؤنونگ کاکالاری‌نینگ بووآسی ایدی،
او زاماندا کی بابِل حکومتی، یهودی‌لاری اَسیر‌لیگه آپاردیلار.
12یهودی‌لارینگ بابِلده اَسیر اولماگلاریندان سورا:
یِکُنیا، شِئَلتیئیل بووآسی ایدی،
شِئَلتیئیل، زِروبابِل بووآسی ایدی.
13زِروبابِل، اَبیهود بووآسی ایدی،
اَبیهود، اِلیاقیم بووآسی ایدی،
اِلیاقیم، عازور بووآسی ایدی.
14عازور، صادوق بووآسی ایدی،
صادوق، اَخیم بووآسی ایدی،
اَخیم، اِلیود بووآسی ایدی.
15اِلیود، اِلعازار بووآسی ایدی،
اِلعازار، مَتّان بووآسی ایدی،
مَتّان، یَعقوب بووآسی ایدی.
16یَعقوب، یوسف بووآسی ایدی، یوسف مریم اَری ایدی،
او مریم کی مَسیح چاغیریلان عیسا اوندان دوغولدو.
17بئله، ابراهیم پیغمبر‌دن، داوود پادشاه دورانی‌نانچاز اون دؤرد نَسل، داوود پادشاه دورانیندان، یهودی‌لارینگ بابِلده اَسیر اولماگلاری دورانی‌نانچاز، اون دؤرد نَسل و بابِلده اَسیر اولماگ دورانیندان، مَسیح دورانی‌نانچاز، اون دؤرد نَسل دیر.
عیسا مَسیح‌نینگ آنادان اولماگی
18عیسا مَسیح‌نینگ آنادان اولماگی بئله ایدی: او زامان کی عیسا آناسی، مریم، یوسف آداخلیسی ایدی، ائولَنمَک‌لَریندَن ایلَری، آله‌یین اولدو کی مریم، تارئ‌نینگ قُدّوس روحوندان اوشاقلی دیر. 19اؤنونگ اَری یوسف، کی بیر عادل آدام ایدی و سئمئیردی کی مریمی رُسوا ائده، تَصمیم توتدو کی بی سَس اوندان آیرولا. 20آما اوندا کی یوسف بو زادلارا فکر ائدیردی، رَبّینگ بیر فرشته‌سی دیشده اؤنا ظاهر اولدو و دئدی: «ای یوسف، داوود پادشاه اوغلو، مریمی آروادلیگا آلماکدان قورخما، بو سَبریه کی اؤنونگ قارنینداکی اوشاق، تارئ‌نینگ قُدّوس روحوندان دیر. 21او بیر اوغول اوشاقی دوغار و سَن اؤنونگ آدینی عیسا قؤیارانگ؛ بو سَبریه کی او، اؤز خَلخینی، اوللارینگ گُناه‌لاریندان نجات وئره‌ر.» 22بو ایشلَرینگ واریسی اولوندو تا او سؤز کی رَب، اِشعَیای پیغمبر طَریقیندن دئمیش ایدی، یئرینه ائتیشه کی:
23«باخ، باکره اوشاقلی اولور و بیر اوغول دوغار
و اوللار اؤنونگ آدینی عِمانوئیل قؤیارلار.»
عِمانوئیل یعنی تارئ بیزیم اینَن دیر. 24یوسف اوخودان اویاناندا، ائله اوله‌یین کی رَبّینگ فرشته‌سی اؤنا اَمر ائدمیش ایدی، ائدی و مریمی آروادلیگا آلدی. 25آما اوندایانچاز کی مریم، اؤز اوغلونو دوغا، مریم اینَن یاخین‌لیگ ائدمه‌دی؛ و یوسف اوشاقینگ آدینی عیسا قؤیدو.
Currently Selected:
مَتّی 1: QII
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
