انجیل یوحنا 9
9
عیسی مادر زاد کور شفا دَیه
1وقتی که عیسی را نه شییرده، مادر زاد کوری بیندشه. 2چَه شاگرده اَوک آپرسسشانه: «استاد، گناه کیکه که اِم مردک کور دنیا آمییه؟ چَه اِشتن کینِه یا چَه پییر مار کین؟» 3عیسی جواو بدا: «گناه نه چَه کین، و نه چَه پییر مار کین؛ بلکم اِنجوره ببه تا خدا کاران اَوک آشکار بیبینده. 4تا روج اِسه گه چِمن خرساناره کاران انجام بدیام؛ شَو دِگِسَر، که کسی نِتانه شَوک کار بِکَره. 5تا وقتی که از دنیاک اِسِم، دنیا نورم.» 6اِمش باته و گلکش چاف اَرکرد، زِقش رچ آکه و اَ زقش مردکه چشمانک آسو 7و اَونش باته: «بِش سْیلوحام حوضک بوشور. سیلوحام یعنی ’خرسانار‘ .» پس اَ کور مردک بِشه و بوشوسشه، اَگاردنه بینا آگردس.
8قونشوان و کسانی که پرانتر اَ مردکشان گدایی کردن موقع وینده به، آپرسسشانه: «مگم اِم هَ مردکی نییه که نِشتِه و گَداییش کرده؟» 9بعضی باتشانه: «هَ اِسه.» بعضی نی باتشانه: «اَوه آشی.» امّا اَ مردکه همش واترده: «از هَ مردک اِسم.» 10پس، اَوک آپرسسشانه: «چُنجوره اِشته چَشمه آبنده؟» 11اَو جواو بدا: «مردکی عیسی نام، زِقی رچش آکه و چِمن چشمان سر آسوشه و باتشه ” بشه سْیلوحام حوضک بوشور.“ پس بِشم، بوشوسمه و بینا ببم.» 12اَوک آپرسسشانه: «اَ مردک کاریه؟» جواوش بدا: «نِزانسرم.»
13پس اَ مردک که پرانتر کور به، بوعردشانه فَریسی فرقه علما ور. 14اَ روج که عیسی زِقش رچ آکرده به و چَه چَشمش آکرده بنده، یهودیان مقدسه شنبه روج به. 15پس فَریسیان نی اَوک آپرسسشانه که چنجوره ویندر. اَ مردکه جواو بدا: «اَ چِمن چَشمان سرکش زِق آسو و بوشوسمه و اِسا ویندرم.» 16بعضی از فَریسیان باتشانه: «اَ مردک خدا طرفنه نی، چون مقدسه شنبه روجه قانونه عمل نکره.» امّا بعضی باتشانه: «چُنجوره کسی که گناهکاره تانه اِنجوره علامت و معجزانی بکره؟» و چوان دلَک اختلاف دگس. 17پس هنی اَ کوره مردکک آپرسسشانه: «تِه اِشتن چَوه درباره چِه واتری؟ چون اَ اِشته چَشمش آکردنده.» جواوش بدا: «اَ ایگله پیغمبری اِسه.»
18امّا سران یهودی حلا باورشان نداشته که اَ کور به و بینا بییه، تا اِم که اَ مردکه پِه ماشان داد بکه 19و اَوانک آپرسسشانه: «اِم شاما زا اِسه، هه کسی که واترا کور دنیا آمییه؟ پس اِسا چُنجوره تانسر بینه؟» 20مردکه پِه ما جواوشان آدا: «آما زانسرام که اِم چاما زا اِسه، و زانسرام که کور دنیا آمییه. 21امّا اِم که اِسا چنجوره ویندر، و یا کی چَه چَشمش آکردنده، آما نزانسرام. اِشتنکش آپرسا. اَ یَکَیه، و اِشتن درباره اِشتن تانه لاوَه کردن.» 22اَ مردکه پییر مار چون یهودیانک ترسردنده ایزشان باته. چون یهودیان پرانتر واته به هر کسی اقرار بکره عیسی ه مسیح موعوده، اَوه عبادتگاک برکرنده. 23چِمه واسنه بِه که چَوه پییر مار باتشانه، «اَ یکَیه؛ اِشتنکش آپرسا.»
24پس هنی اَ مردکشان که پرانتر کور به، داد بکه، و اَونه شان باته: «شکوه و جلال آده خدا را! آما زانسرام که اَ مردک گناهکار اِسه.» 25اَوه جواو بدا: «چَوه گناه کار بیینه نزانسرم. فقط ای چی ای زانسرم، و اِم که کور بم، و اِسا ویندرم.» 26فریسیان اَمردکک آپرسسشانه: «تِنه چِش بکه؟ چنجوره اِشته چَشمش آکردنده؟» 27جواوش بدا: «من که شاما نه باته، امّا شاما گوش آنیدییرا؛ چیه را رایرانه هنی بشنوا؟ مگم شاما نی رایرانه چَوه شاگرد ببا؟» 28اَوان اَ مردکشان دِشمان بدا، باتشانه: «ته اِشتن چَوه شاگردش! آما موسی پیغمبره شاگردمان. 29آما زانسرام خدا موسی نه لاوش کرده. امّا اِم آدم، نزانسرام کاردنه آمییه.» 30اَ مردکه چوان جواوک باتشه: «عجیبه! شاما نزانسرا کاردنه آمییه؟ با اِم که اَو چِمن چَشمش آکردنده. 31امّا آما زانسرام که خدا گناهکاران دعا گوش آندیه؛ امّا اگم کسی خدا پرست بیبی و چَوه گَوسه انجام بدیه، خدا چوه دعا گوش آدیه. 32دنیا صِفتنه تا اِسا هرگز اَشنوسه بییه نیه که کسی کور مادرزاده چَشمش آکرده بیبیند. 33اگم اِم مردک خدا طَرفنه نِبه، نتانسشه کاری بکره.» 34اَوان اَ مردکه جواوک باتشانه: «ته سر تاپا گناهک دونیا آمییش. اِسا، ته آما درس دیری؟» پس اَوشان اَگادرنه برکرد.
35وختی عیسی بِشنَوِسه که اَ مردکشان برکرده، اَوش پیدا بکه و اَوکش آپرسس: «انسان زا ایمان داری؟» 36اَ مردکه جواو بدا: «آقا، باج اَ کیه که اَز اوه ایمان بوعَرم.» 37عیسی اَونه باته: «ته اَور وینده! هَ کسی که اِسا تِنه لاوَه کردر.» 38اَ مردکه باته: «آقا، ایمان دارم.» و چَوه پرانکش سجده بکه.
39عیسی باته: «از داوری کردنه را آمییم اِم دنیا، تا کسانی که کورنده بیننده و کسانی که ویننده کور بیبینده.» 40بعضی از فَریسی فرقه علما که اَونه بنده، وختی اِمشان بشنوس، آپرسسشانه: «آما نی کورمان؟» 41عیسی اَواننه باته: «اگم کور بران تقصیرران نداشته؛ امّا اِسا واترا وینا، تقصیر کار باقی مانا.
Currently Selected:
انجیل یوحنا 9: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل یوحنا 9
9
عیسی مادر زاد کور شفا دَیه
1وقتی که عیسی را نه شییرده، مادر زاد کوری بیندشه. 2چَه شاگرده اَوک آپرسسشانه: «استاد، گناه کیکه که اِم مردک کور دنیا آمییه؟ چَه اِشتن کینِه یا چَه پییر مار کین؟» 3عیسی جواو بدا: «گناه نه چَه کین، و نه چَه پییر مار کین؛ بلکم اِنجوره ببه تا خدا کاران اَوک آشکار بیبینده. 4تا روج اِسه گه چِمن خرساناره کاران انجام بدیام؛ شَو دِگِسَر، که کسی نِتانه شَوک کار بِکَره. 5تا وقتی که از دنیاک اِسِم، دنیا نورم.» 6اِمش باته و گلکش چاف اَرکرد، زِقش رچ آکه و اَ زقش مردکه چشمانک آسو 7و اَونش باته: «بِش سْیلوحام حوضک بوشور. سیلوحام یعنی ’خرسانار‘ .» پس اَ کور مردک بِشه و بوشوسشه، اَگاردنه بینا آگردس.
8قونشوان و کسانی که پرانتر اَ مردکشان گدایی کردن موقع وینده به، آپرسسشانه: «مگم اِم هَ مردکی نییه که نِشتِه و گَداییش کرده؟» 9بعضی باتشانه: «هَ اِسه.» بعضی نی باتشانه: «اَوه آشی.» امّا اَ مردکه همش واترده: «از هَ مردک اِسم.» 10پس، اَوک آپرسسشانه: «چُنجوره اِشته چَشمه آبنده؟» 11اَو جواو بدا: «مردکی عیسی نام، زِقی رچش آکه و چِمن چشمان سر آسوشه و باتشه ” بشه سْیلوحام حوضک بوشور.“ پس بِشم، بوشوسمه و بینا ببم.» 12اَوک آپرسسشانه: «اَ مردک کاریه؟» جواوش بدا: «نِزانسرم.»
13پس اَ مردک که پرانتر کور به، بوعردشانه فَریسی فرقه علما ور. 14اَ روج که عیسی زِقش رچ آکرده به و چَه چَشمش آکرده بنده، یهودیان مقدسه شنبه روج به. 15پس فَریسیان نی اَوک آپرسسشانه که چنجوره ویندر. اَ مردکه جواو بدا: «اَ چِمن چَشمان سرکش زِق آسو و بوشوسمه و اِسا ویندرم.» 16بعضی از فَریسیان باتشانه: «اَ مردک خدا طرفنه نی، چون مقدسه شنبه روجه قانونه عمل نکره.» امّا بعضی باتشانه: «چُنجوره کسی که گناهکاره تانه اِنجوره علامت و معجزانی بکره؟» و چوان دلَک اختلاف دگس. 17پس هنی اَ کوره مردکک آپرسسشانه: «تِه اِشتن چَوه درباره چِه واتری؟ چون اَ اِشته چَشمش آکردنده.» جواوش بدا: «اَ ایگله پیغمبری اِسه.»
18امّا سران یهودی حلا باورشان نداشته که اَ کور به و بینا بییه، تا اِم که اَ مردکه پِه ماشان داد بکه 19و اَوانک آپرسسشانه: «اِم شاما زا اِسه، هه کسی که واترا کور دنیا آمییه؟ پس اِسا چُنجوره تانسر بینه؟» 20مردکه پِه ما جواوشان آدا: «آما زانسرام که اِم چاما زا اِسه، و زانسرام که کور دنیا آمییه. 21امّا اِم که اِسا چنجوره ویندر، و یا کی چَه چَشمش آکردنده، آما نزانسرام. اِشتنکش آپرسا. اَ یَکَیه، و اِشتن درباره اِشتن تانه لاوَه کردن.» 22اَ مردکه پییر مار چون یهودیانک ترسردنده ایزشان باته. چون یهودیان پرانتر واته به هر کسی اقرار بکره عیسی ه مسیح موعوده، اَوه عبادتگاک برکرنده. 23چِمه واسنه بِه که چَوه پییر مار باتشانه، «اَ یکَیه؛ اِشتنکش آپرسا.»
24پس هنی اَ مردکشان که پرانتر کور به، داد بکه، و اَونه شان باته: «شکوه و جلال آده خدا را! آما زانسرام که اَ مردک گناهکار اِسه.» 25اَوه جواو بدا: «چَوه گناه کار بیینه نزانسرم. فقط ای چی ای زانسرم، و اِم که کور بم، و اِسا ویندرم.» 26فریسیان اَمردکک آپرسسشانه: «تِنه چِش بکه؟ چنجوره اِشته چَشمش آکردنده؟» 27جواوش بدا: «من که شاما نه باته، امّا شاما گوش آنیدییرا؛ چیه را رایرانه هنی بشنوا؟ مگم شاما نی رایرانه چَوه شاگرد ببا؟» 28اَوان اَ مردکشان دِشمان بدا، باتشانه: «ته اِشتن چَوه شاگردش! آما موسی پیغمبره شاگردمان. 29آما زانسرام خدا موسی نه لاوش کرده. امّا اِم آدم، نزانسرام کاردنه آمییه.» 30اَ مردکه چوان جواوک باتشه: «عجیبه! شاما نزانسرا کاردنه آمییه؟ با اِم که اَو چِمن چَشمش آکردنده. 31امّا آما زانسرام که خدا گناهکاران دعا گوش آندیه؛ امّا اگم کسی خدا پرست بیبی و چَوه گَوسه انجام بدیه، خدا چوه دعا گوش آدیه. 32دنیا صِفتنه تا اِسا هرگز اَشنوسه بییه نیه که کسی کور مادرزاده چَشمش آکرده بیبیند. 33اگم اِم مردک خدا طَرفنه نِبه، نتانسشه کاری بکره.» 34اَوان اَ مردکه جواوک باتشانه: «ته سر تاپا گناهک دونیا آمییش. اِسا، ته آما درس دیری؟» پس اَوشان اَگادرنه برکرد.
35وختی عیسی بِشنَوِسه که اَ مردکشان برکرده، اَوش پیدا بکه و اَوکش آپرسس: «انسان زا ایمان داری؟» 36اَ مردکه جواو بدا: «آقا، باج اَ کیه که اَز اوه ایمان بوعَرم.» 37عیسی اَونه باته: «ته اَور وینده! هَ کسی که اِسا تِنه لاوَه کردر.» 38اَ مردکه باته: «آقا، ایمان دارم.» و چَوه پرانکش سجده بکه.
39عیسی باته: «از داوری کردنه را آمییم اِم دنیا، تا کسانی که کورنده بیننده و کسانی که ویننده کور بیبینده.» 40بعضی از فَریسی فرقه علما که اَونه بنده، وختی اِمشان بشنوس، آپرسسشانه: «آما نی کورمان؟» 41عیسی اَواننه باته: «اگم کور بران تقصیرران نداشته؛ امّا اِسا واترا وینا، تقصیر کار باقی مانا.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company