انجیل لوقا 24
24
عیسی زنده ابیین
1هفته اَولین روجک تولیصِیبی زو، اَ زَلیان عَطریاتی که رَچِشان کرده به، اِشتن نه شان اَکَته و مقبره وَر بِشنده. 2امّا بیندشانه مقبره پرانین سِگه ای کناری بیا. 3امّا وختی مقبره دِله بشنده، عیسی خداونده جَنازَشان وا نیویندِه. 4اِم اتفاقک تعجبشان بکه که ایرادَن دو گِله مردک سو سو اینه خلوانه چَوان وَرک بندَرسنده. 5اَ زَلیان ترسک اِشتن سَرشان جیر بوعَرده، امّا اَ دو گِله مردک اَوانشان باته: «چیه را زنده پَشه مردان دِلَک گَرسَرا؟ 6اَ اِنگا نی، بلکم زنده آبییَه! ویر بوعرا وَختی که عیسی جلیلک به، شامانش چِه باته. 7باتشه که انسانه زا، گه گناهکاران دست نه تسلیم بیبی، و بیشی صلیبه سَر و سوّمین روجک هنی زِنده آبی.» 8اَدمی اَ زَلی عیسی شان لاوَه ویر بوعرد. 9وختی مقبره نه آگردسنده، همه‌ی اِم اتفاق شان یازده گِله شاگردان و علوده همه نه باتشانه. 10اَ زلّیانی که اِم خبرشان حواریون آدیرده اِمه بنده، مریمه مَجْدَلیّه، یوآنّا، مریمَه که یعقوب ما بییا و عَلوده زلیان که چوان همراه بِنده. 11امّا رسولان ایزه زانسرده اِم زَلّی هَذیان واتَرِنده و چَوان لاوَشان باور نِکَه. 12اَما، پِطرُس بِهِشت و بیرویته مقبره طرف و شَت آبه و مقبره دیَشته، امّا کفنه غیراز چی ای شی نیوینده. پس اَ چی ای، که ویندش به تعجبش بکه، آگردس کییه.
عِمائوسه را دلک
13اَ روجک، دو نفر اَوانک شیردِنده ایگله ده‌ای را که چَه نام عِمائوس به، اِم دِه تقریبا اورشلیم دو فرسخیک بییا. 14اَوِه اتفاقانی که دگسه بنده درباره، هندیگرنه لاوشان کردرده. 15هَجوره که بحث و لاوَه لاوَه سرگرم بنده، عیسی، اِشتَن، چَوان وَر بامه و اَواننَه همراه ببه. 16امّا اَوان عیسی شان آنزانس چون تشخیص دیَنه قدرت اَوانک اَرکته بییَه به. 17عیسی اَوانک آپرسس: «راه دِلَک، چییه درباره لاوران کردرده؟» اَوه ناراحتی نه، ساکت بِندَرسنده. 18ایگله اَ دو نفرک که چَوه نام کْلِئوپاس به، جواوش بدا: «آیا تِه تَینا مسافری اِسش اورشلیمک، که اَ چیانی که اتفاق دِگِس، خبر نداری؟» 19عیسی آپرسس: «کامین اتفاق؟» باتشانه: «اَ چییانی که عیسی ناصری سر آمیه. اَ پیامبری به که خدا وَرِک و مردمه وَرِک، لاوَه کریک و چَوان عمل کردنک پُر قدرت به. 20و چنجوره سران کاهنان که معبده علما بنده و چاما پیله تران اَوِشان درسمارد تا محکوم به مرگ بیبی و اَوِشان صلیبه سَرِک بوکوشتشانه. 21امّا آما امید داشته اَ هَ کسی بیبی که گه چاما قومه نجات بدَیه. چِمه غیراز، اُوری سُه روجه اِم اِتفاقه دِگِسنک اِورده. 22بَعضی زَلی نی که آمانه اِسبنده، آماشان متعجب بکه. اَوه اُوری تولیصبی زو بشنده مقبره سر، 23امّا عیسی جنازشان نیوینده. اَدَمی بامنده، و آمانشان باته که رویاکِشان فرشته هانی وینده که اَواننه واتشانه عیسی زندیه. 24بعضی چاما رَفقانک نی بِشنده مقبره سر و اوضاع شان اَجورَه که اَ زَلیان واته به، بیندشانه، امّا اَوشان نیوینده.» 25اَدمی عیسی اَوان نه باته: «ای نادانان ای شاما که همه‌ی پیامبران لاوان اَره فهما! 26مگم لازم نبه که مسیح موعود اِم رنجان بینه و چاوَش اِشتن جلاله آرسه؟» 27چاوَش، موسی تورات و پیامبران نیویشته انک و چَوه پَش همه‌ی مقدس نیویشته انک چییانی که چَوه درباره بِنده، چَوان راش باته.
28وختی عموآس دِه آرسسنده، عیسی ایزِش آمانس که رایشه اِشتن سفره ادامه بدییَه. 29اَوان اِصرار بکرده و باتشانه: «آمانه بنده، چون چی نِمانده که روجَه اُوجریه و شَو نزدیکه.» پس عیسی دلَه بشه اَواننه بندرس. 30وختی اَوان نه سفره سرک نشته به، نانش اَکَتِه و شکرش بکه، پارش بکه و اَوانش آدا. 31اَدَمی، چَوان چَشمان آبنده و اَشان آزانسه، امّا اَلبَحَل چَوان چشمه پَرانک عیسی غیب آبه. 32اَوان هَندیگرک آپرسسشانه: «آیا وقتی راه دِلَک آمانش لاوَه کردرده و مقدسه نیویشتش چاما را توضیح دییَرده، چاما دِله چاما گَرنه بَر آمییردیه؟» 33پس البَحَل بهشتنده و آگردسنده اورشلیم. و اَ یازده گِله شاگردشان پیدا بکه و اَوانی که اَ یازده گله شاگردنه وا بیدا آبییَه بِنده، 34اَوان واتردِه: «اِم حقیقت داره که عیسی خداوند زنده آبییَه، اَ اِشتن شَمعونه راش ظاهر آکرده.» 35چاوَش، اَ دو نفر نی باتشانه که را دِلک چِه بییه و چنجوره عیسیشان نان پاره کردن وقت آزانسه.
عیسی اِشتن شاگردان را آشکار آبه
36حلا اِم چیانشان درباره لاوَه کردرده که، عیسی اِشتن چَوان میانه بندرس و باتشه: «سلام بر شاما!» 37اَوه ترس و وحشتنه، ایزِشان بزانس که روح ویندرنده. 38عیسی اَوانش باته: «چیه را ایینده پریشان ران؟ چیه را شاما دِلِک شَک دارا؟ 39چِمن دس و لنگان دیسا. اَز اِشتن اِسِم! من دس آسونا و بینا؛ روح گوشت و اَسعه نداره، امّا ویندار که از دارم!» 40اِمش باته و اِشتن دسان و لنگش اَوان آمانس. 41اَوه پر شاد بنده و تعجبک نتانسردشانه اِمان باور بکرنده. پس عیسی اَوانش باته: «چی ای خَردنه را دارا؟» 42ای تیکه بریانه ماهی اَوشان آداه. 43عیسی اَوش اَکته و چَوان چشمان پرانکش بخَه.
44اَدمی اَوانش باته: «اِم هَه اِسِه که وختی حلا شامانه بِم، واتردمه، هر چی که موسی تورات و پیامبران کتاب و داوود پادشاه زَبورِک چِمن درباره نویشته بییه، گه اتفاق دِگِنه. 45چاوَش، چَوان ذهنش آکَه تا بتاننده مقدّسه نیویشته بفهمنده. 46و اَوانش باته: «نویشته بییه که مسیح موعود رنج کشه و سوّمه روجک مردان دِلَنه زنده آبی، 47و همه‌ی قومانک اعلام بی که توبه بکرنده و چَوه نامنه گناهان بخشسه بییَنه، به دس بوعرنده و چَوه بینو اورشلیمنه اِسِه. 48شاما اِم اتفاقان شاهدران. 49دیسا، از اَ چی که چِمن آسمانی په وعدش دییه شاما را خرسانم؛ امّا شاما شهر دلک بندرا تا اَدمی که اَ قدرتی که کفانه آیه شاما دیگیره.»
50چاوَش اَوِش شهرنه بر بِبَردنده تا بِیت‌عَنْیا دِه نزدیکیک و اِشتن دسش راس آکردنده، چَوان راش خیره دعا بکه؛ 51ایزه که چَوان را دعاش کردرده اَوانک جدا آبه، و آسمان را بَرده بِبِه. 52اَوه عیسی شان پرستش کَردرده و بَرکه شادینه آگردسنده اورشلیم شهر را. 53اَگارک تمان وقت یهودیان معبدک وندرسِنده و خداشان ستایش کرده.
Currently Selected:
انجیل لوقا 24: TIT
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company
انجیل لوقا 24
24
عیسی زنده ابیین
1هفته اَولین روجک تولیصِیبی زو، اَ زَلیان عَطریاتی که رَچِشان کرده به، اِشتن نه شان اَکَته و مقبره وَر بِشنده. 2امّا بیندشانه مقبره پرانین سِگه ای کناری بیا. 3امّا وختی مقبره دِله بشنده، عیسی خداونده جَنازَشان وا نیویندِه. 4اِم اتفاقک تعجبشان بکه که ایرادَن دو گِله مردک سو سو اینه خلوانه چَوان وَرک بندَرسنده. 5اَ زَلیان ترسک اِشتن سَرشان جیر بوعَرده، امّا اَ دو گِله مردک اَوانشان باته: «چیه را زنده پَشه مردان دِلَک گَرسَرا؟ 6اَ اِنگا نی، بلکم زنده آبییَه! ویر بوعرا وَختی که عیسی جلیلک به، شامانش چِه باته. 7باتشه که انسانه زا، گه گناهکاران دست نه تسلیم بیبی، و بیشی صلیبه سَر و سوّمین روجک هنی زِنده آبی.» 8اَدمی اَ زَلی عیسی شان لاوَه ویر بوعرد. 9وختی مقبره نه آگردسنده، همه‌ی اِم اتفاق شان یازده گِله شاگردان و علوده همه نه باتشانه. 10اَ زلّیانی که اِم خبرشان حواریون آدیرده اِمه بنده، مریمه مَجْدَلیّه، یوآنّا، مریمَه که یعقوب ما بییا و عَلوده زلیان که چوان همراه بِنده. 11امّا رسولان ایزه زانسرده اِم زَلّی هَذیان واتَرِنده و چَوان لاوَشان باور نِکَه. 12اَما، پِطرُس بِهِشت و بیرویته مقبره طرف و شَت آبه و مقبره دیَشته، امّا کفنه غیراز چی ای شی نیوینده. پس اَ چی ای، که ویندش به تعجبش بکه، آگردس کییه.
عِمائوسه را دلک
13اَ روجک، دو نفر اَوانک شیردِنده ایگله ده‌ای را که چَه نام عِمائوس به، اِم دِه تقریبا اورشلیم دو فرسخیک بییا. 14اَوِه اتفاقانی که دگسه بنده درباره، هندیگرنه لاوشان کردرده. 15هَجوره که بحث و لاوَه لاوَه سرگرم بنده، عیسی، اِشتَن، چَوان وَر بامه و اَواننَه همراه ببه. 16امّا اَوان عیسی شان آنزانس چون تشخیص دیَنه قدرت اَوانک اَرکته بییَه به. 17عیسی اَوانک آپرسس: «راه دِلَک، چییه درباره لاوران کردرده؟» اَوه ناراحتی نه، ساکت بِندَرسنده. 18ایگله اَ دو نفرک که چَوه نام کْلِئوپاس به، جواوش بدا: «آیا تِه تَینا مسافری اِسش اورشلیمک، که اَ چیانی که اتفاق دِگِس، خبر نداری؟» 19عیسی آپرسس: «کامین اتفاق؟» باتشانه: «اَ چییانی که عیسی ناصری سر آمیه. اَ پیامبری به که خدا وَرِک و مردمه وَرِک، لاوَه کریک و چَوان عمل کردنک پُر قدرت به. 20و چنجوره سران کاهنان که معبده علما بنده و چاما پیله تران اَوِشان درسمارد تا محکوم به مرگ بیبی و اَوِشان صلیبه سَرِک بوکوشتشانه. 21امّا آما امید داشته اَ هَ کسی بیبی که گه چاما قومه نجات بدَیه. چِمه غیراز، اُوری سُه روجه اِم اِتفاقه دِگِسنک اِورده. 22بَعضی زَلی نی که آمانه اِسبنده، آماشان متعجب بکه. اَوه اُوری تولیصبی زو بشنده مقبره سر، 23امّا عیسی جنازشان نیوینده. اَدَمی بامنده، و آمانشان باته که رویاکِشان فرشته هانی وینده که اَواننه واتشانه عیسی زندیه. 24بعضی چاما رَفقانک نی بِشنده مقبره سر و اوضاع شان اَجورَه که اَ زَلیان واته به، بیندشانه، امّا اَوشان نیوینده.» 25اَدمی عیسی اَوان نه باته: «ای نادانان ای شاما که همه‌ی پیامبران لاوان اَره فهما! 26مگم لازم نبه که مسیح موعود اِم رنجان بینه و چاوَش اِشتن جلاله آرسه؟» 27چاوَش، موسی تورات و پیامبران نیویشته انک و چَوه پَش همه‌ی مقدس نیویشته انک چییانی که چَوه درباره بِنده، چَوان راش باته.
28وختی عموآس دِه آرسسنده، عیسی ایزِش آمانس که رایشه اِشتن سفره ادامه بدییَه. 29اَوان اِصرار بکرده و باتشانه: «آمانه بنده، چون چی نِمانده که روجَه اُوجریه و شَو نزدیکه.» پس عیسی دلَه بشه اَواننه بندرس. 30وختی اَوان نه سفره سرک نشته به، نانش اَکَتِه و شکرش بکه، پارش بکه و اَوانش آدا. 31اَدَمی، چَوان چَشمان آبنده و اَشان آزانسه، امّا اَلبَحَل چَوان چشمه پَرانک عیسی غیب آبه. 32اَوان هَندیگرک آپرسسشانه: «آیا وقتی راه دِلَک آمانش لاوَه کردرده و مقدسه نیویشتش چاما را توضیح دییَرده، چاما دِله چاما گَرنه بَر آمییردیه؟» 33پس البَحَل بهشتنده و آگردسنده اورشلیم. و اَ یازده گِله شاگردشان پیدا بکه و اَوانی که اَ یازده گله شاگردنه وا بیدا آبییَه بِنده، 34اَوان واتردِه: «اِم حقیقت داره که عیسی خداوند زنده آبییَه، اَ اِشتن شَمعونه راش ظاهر آکرده.» 35چاوَش، اَ دو نفر نی باتشانه که را دِلک چِه بییه و چنجوره عیسیشان نان پاره کردن وقت آزانسه.
عیسی اِشتن شاگردان را آشکار آبه
36حلا اِم چیانشان درباره لاوَه کردرده که، عیسی اِشتن چَوان میانه بندرس و باتشه: «سلام بر شاما!» 37اَوه ترس و وحشتنه، ایزِشان بزانس که روح ویندرنده. 38عیسی اَوانش باته: «چیه را ایینده پریشان ران؟ چیه را شاما دِلِک شَک دارا؟ 39چِمن دس و لنگان دیسا. اَز اِشتن اِسِم! من دس آسونا و بینا؛ روح گوشت و اَسعه نداره، امّا ویندار که از دارم!» 40اِمش باته و اِشتن دسان و لنگش اَوان آمانس. 41اَوه پر شاد بنده و تعجبک نتانسردشانه اِمان باور بکرنده. پس عیسی اَوانش باته: «چی ای خَردنه را دارا؟» 42ای تیکه بریانه ماهی اَوشان آداه. 43عیسی اَوش اَکته و چَوان چشمان پرانکش بخَه.
44اَدمی اَوانش باته: «اِم هَه اِسِه که وختی حلا شامانه بِم، واتردمه، هر چی که موسی تورات و پیامبران کتاب و داوود پادشاه زَبورِک چِمن درباره نویشته بییه، گه اتفاق دِگِنه. 45چاوَش، چَوان ذهنش آکَه تا بتاننده مقدّسه نیویشته بفهمنده. 46و اَوانش باته: «نویشته بییه که مسیح موعود رنج کشه و سوّمه روجک مردان دِلَنه زنده آبی، 47و همه‌ی قومانک اعلام بی که توبه بکرنده و چَوه نامنه گناهان بخشسه بییَنه، به دس بوعرنده و چَوه بینو اورشلیمنه اِسِه. 48شاما اِم اتفاقان شاهدران. 49دیسا، از اَ چی که چِمن آسمانی په وعدش دییه شاما را خرسانم؛ امّا شاما شهر دلک بندرا تا اَدمی که اَ قدرتی که کفانه آیه شاما دیگیره.»
50چاوَش اَوِش شهرنه بر بِبَردنده تا بِیت‌عَنْیا دِه نزدیکیک و اِشتن دسش راس آکردنده، چَوان راش خیره دعا بکه؛ 51ایزه که چَوان را دعاش کردرده اَوانک جدا آبه، و آسمان را بَرده بِبِه. 52اَوه عیسی شان پرستش کَردرده و بَرکه شادینه آگردسنده اورشلیم شهر را. 53اَگارک تمان وقت یهودیان معبدک وندرسِنده و خداشان ستایش کرده.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ 2024 Korpu Company