ကမ္ဘာႏစ 5
5
အာဒံပိုလီꩻစွိုးခွိုꩻဖုံႏ
(၁ရာႏဇဝင်ႏချုပ် ၁:၁–၄)
1 #
ကမ္ဘာႏ ၁:၂၇–၂၈။ ယိုနဝ်ꩻ အာဒံပိုလီꩻ ခွိုꩻရဲဉ်ႏ မဉ်ꩻစရင်ꩻသွူ။ (ဗွေႏဘုရာꩻ ကဖန်ဆင်ꩻ မာꩻထွာလွဉ် လိုꩻချိန်ႏ ဖန်ဆင်ꩻဗွိုန်နုဲင်း ဝွေꩻဗွေႏနမ်း ပွုံႏသဏ္ဌာန်ႏသွူ။ 2#မ ၁၉:၄၊ မာ ၁၀:၆။ ဝွေꩻဗွေႏဖန်ဆင်ꩻ လိုꩻခိုတွမ်ႏလိုꩻမူႏတွော့ꩻ ဖေႏဝွေꩻသီး မင်္ဂလာႏတဲင် ဖန်ဖေႏ ဝွေꩻသီးမဉ်ꩻ “လိုꩻ” နုဲင်းနဝ်ꩻသွူ။) 3အာဒံသက် ထွိုင်ႏလꩻ နေင်ႏ(၁၃၀)ချိန်ႏ ဝွေꩻလꩻလွဉ် ပိုခိုတဖြာꩻ ဗွိုန်နုဲင်းဝွေꩻတဲင် ဖန်ဟဲ့ꩻဖေႏအမဉ်ꩻ သျေတသွူ။ 4နဝ်ꩻထွူ အာဒံ အုံဗာႏထဲင်းယင်း နေင်ႏပေါင်ꩻ(၈၀ဝ)ထွူ ဝွေꩻလꩻလွဉ်ယင်း ပိုခိုအလင်ဖုံႏသွူ။ 5အာဒံသက် ထွိုင်ႏလꩻ (၉၃၀)နဝ်ꩻ ဝွေꩻသီထိုꩻသွူ။
6သျေတ သက်ထွိုင်ႏလꩻ (၁၀၅)နေင်ႏချိန်ႏ ဝွေꩻလꩻလွဉ် ပိုခိုတဖြာꩻ ဧနုတ်၊ 7နဝ်ꩻထွူ ဝွေꩻအုံဗာႏထဲင်းယင်း (၈၀၇)နေင်ႏတဲင် ဝွေꩻလꩻယင်း ပိုခိုအလင်ဖုံႏသွူ။ 8သက်ထွိုင်ႏလꩻ နေင်ႏပေါင်ꩻ(၉၁၂)နဝ်ꩻ ဝွေꩻသီထိုꩻသွူ။
9ဧနုတ် သက်ထွိုင်ႏလꩻ (၉၀)နဝ်ꩻ ဝွေꩻလꩻလွဉ်ပိုခို ကာဣနန်တဲင်၊ 10ဝွေꩻအုံဗာႏထဲင်းယင်း (၈၁၅)နေင်ႏသွူ။ ဝွေꩻလꩻယင်း ပိုအလင်ဖုံႏ 11တဲင်သက်လꩻ (၉၀၅)နဝ်ꩻ ဝွေꩻသီထိုꩻသွူ။ 12ကာဣနန် သက်ထွိုင်ႏလꩻ (၇၀)ချိန်ႏ ဝွေꩻလꩻလွဉ်ပိုခို မဟာလေလတဲင် 13အုံဗာႏထဲင်း နေင်ႏ(၈၄၀)တွော့ꩻ ဝွေꩻလꩻလွဉ်ယင်း ပိုအလင်ဖုံႏ 14သက်ထွိုင်ႏလꩻ (၉၁၀)နဝ်ꩻ ဝွေꩻသီထိုꩻသွူ။
15မဟာလေလ သက်ထွိုင်ႏလꩻ (၆၅)နေင်ႏချိန်ႏ ဝွေꩻလꩻလွဉ် ပိုခိုယာရဲက်သွူ။ 16နဝ်ꩻထွူ အုံဗာႏထဲင်းယင်း နေင်ႏ (၈၃၀)တဲင် ဝွေꩻလꩻလွဉ်ယင်း ပိုအလင်ဖုံႏ 17ထွူတဲင် သက်လꩻ နေင်ႏပေါင်ꩻ(၈၉၅)နဝ်ꩻ သီထိုꩻသွူ။
18ယာရဲက်သက်လꩻ (၁၆၂)နေင်ႏချိန်ႏ ဝွေꩻလꩻလွဉ်ပိုခို ဧနောက်သွူ၊ 19ဝွေꩻအုံဗာႏထဲင်းယင်း နေင်ႏ (၈၀ဝ)တဲင် ဝွေꩻလꩻလွဉ်ယင်း ပိုအလင်ဖုံႏ၊ 20ထွူဝွေꩻသက်ထွိုင်ႏလꩻ နေင်ႏ(၉၆၂)နဝ်ꩻ အသီထိုꩻသွူ။
21ဧနောက်သက် ထွိုင်ႏလꩻ(၆၅)နေင်ႏချိန်ႏ ဝွေꩻလꩻလွဉ်ပိုခို မာတုသျာလသွူ။ 22နဝ်ꩻထွူ ဧနောက်ဖဥ်းမွိုတ် မာꩻသွꩻတွမ်ႏ ဗွေႏဘုရာꩻ နေင်ႏ(၃၀ဝ)တွင်ꩻ ဝွေꩻလꩻလွဉ်ယင်း ပိုအလင်ဖုံႏသွူ။ 23ဝွေꩻသက် အုံဗꩻတွိုႏ (၃၆၅)နေင်ႏသွူ။ 24#ဟေဗြဲ ၁၁:၅၊ တရာꩻ ၁၄။ ဝွေꩻဘဝယို အချိန်ႏလို့အီဗော့ꩻဒျာႏ ဖဉ်းမွိုတ်မာꩻသွꩻတွမ်ႏ ဗွေႏဘုရာꩻသွူ။ ကွပ်ပွိုး ဗွေႏဘုရာꩻ သိမ်ꩻထူႏထိုꩻဝွေꩻတဲင် ဝွေꩻထိုမားထိုꩻစွဉ်ႏနဝ်ꩻသွူ။
25မာတုသျာလသက် ထွိုင်ႏလꩻနေင်ႏ(၁၈၇)ချိန်ႏ။ ဝွေꩻလꩻလွဉ်ပိုခို လာမဲက်သွူ၊ 26ဝွေꩻအုံဗာႏထဲင်းယင်း နေင်ႏ(၇၈၂)တဲင် ဝွေꩻလꩻလွဉ်ယင်း ပိုအလင်ဖုံႏသွူ၊ 27ဝွေꩻသက်ထွိုင်ႏလꩻ (၉၆၉)နေင်ႏနဝ်ꩻ ဝွေꩻသီထိုꩻသွူ။
28လာမဲက်သက် ထွိုင်ႏလꩻ(၁၈၂)နေင်ႏချိန်ႏ ဝွေꩻလꩻလွဉ် ပိုခိုတဖြာꩻတဲင် 29ဝွေꩻရိုꩻ “ထာဝရဘုရာꩻ ကစိန်ႏတရေႏခါꩻ ဟံႏတန်ယိုတဲင် နီကအဝ်ႏလုပ်ꩻမာꩻ ယပ်ꩻဗာႏငါႏနဝ်ꩻ လိုꩻပေႏယို အီႏမာꩻလွစ်ဖေႏနဝ်ꩻမꩻ ဖန်ဟဲ့ꩻဖေႏ အမဉ်ꩻ နောဧသွူ။” 30လာမဲက် အုံဗာႏထဲင်းယင်း (၅၉၅)နေင်ႏတဲင် ဝွေꩻလꩻလွဉ်ထဲင်းယင်း ပိုအလင်ဖုံႏသွူ။ 31တဲင်ဝွေꩻသက် ထွိုင်ႏလꩻ (၇၇၇)နေင်ႏနဝ်ꩻ ဝွေꩻသီထိုꩻသွူ။
32နောဧသက် ထွိုင်ႏလꩻ(၅၀ဝ)နဝ်ꩻ ဝွေꩻလꩻလွဉ်ပိုခို(၃)ဖြာꩻ အမဉ်ꩻ သျေမ၊ ဟာမတွမ်ႏ ယာဖဲက်သွူ။
Currently Selected:
ကမ္ဘာႏစ 5: PBCL
Highlight
Share
Copy
Want to have your highlights saved across all your devices? Sign up or sign in
Pao Bible Common Language© Bible Society of Myanmar, 2019.
