لوقا 16
16
1وقال يسوع لتلاميذُه: كان في واحد غني عندو مدير أعمال اتهموه إنُو عم بتصرّف بالممتلكات بطريقة غلط. 2فناداه الغني وسألُه: شو هادا اللي عم بسمعو عنك؟ قدملي تقرير عن الأملاك لأنك بتقدرش تكمّل تشتغل عندي. 3فكّر المدير وقال لحاله: شو أعمل والسيد عم بطردني من شغلي؟ فش فيّ قوة اشتغل مزارع وعيب أصير شحّاد. 4آه عرفت شو لازم اعمل عشان لما اَنْطرِد من شغلي يستقبلوني الناس في بيوتهن. 5ونادى الناس اللي عليهن دين للسيّد. ناداهن واحد واحد، وقال للأوّل: قديش عليك دين للسيّد تبعي؟ 6رد وقال: مديون بــــ 100 جرة زيت من الحجم الكبير كثير فقلُّو خُذ العقد تبعك واقعد بسرعة اكتب عليه 50 جرة زيت. 7وبعدين سأل واحد تاني: وإنت قديش عليك دين؟ رد وقال: مديون بــــ 100 كيس قمح من الحجم الكبيـر كثيـر. فقلُّو خُذ العقد تبعك واكتب 80. 8فمدح السيّد تصرّف المدير الأعوج لأنُو تصرّفه ذكي ولأنو أهل هاي الدنيا عندهن ذكى في التعامل أكثر من شعب النور. 9وأنا بقلكو اعملوا صحاب عن طريق الغنى الباطل عشان لما ينتهي الغِنى يقبلوكو في الخيم الأبدية. 10الأمين في القليل بكون أمين في الكثير. والخاين في القليل بكون خاين في الكثيـر. 11فإذا إنتو مش أمناء في الغِنى الباطل مين بدو يأتمنكو على الغنى الحقيقي؟ 12وإذا إنتو مش أمناء في اللي مش رَح يبقى لإلكو مين بدو يعطيكو إللي بخصكو؟ 13بقدرش الواحد يكون عبد لربين لأنو رَح يحب واحد أكتر من التاني أو رَح يكون مكرّس لواحد ويهمل التاني. بتقدروش تعبدوا الله والمصاري.
14والفريسيين ناس بحبوا المصاري، سمعوا شو قال يسوع وصاروا يتمسخروا عليه. 15فقلهن يسوع: إنتو عاملين حالكو حقانيين قدام الناس بس الله عارف قلوبكو والعظيم في عينين الناس هو نجس في عينين الله. 16التوراة والأنبيا من قبل يوحنا، ومن وقت ما أجا يوحنا انتشرت الاخبار المنيحة عن ملكوت الله وصار الواحد يحاشر عشان يدخل ع الملكوت. 17بس دمار السما والأرض أسهل من أنو تختفي نقطة واحدة من التوراة. 18كل واحد بطلق مرتو وبتجوز واحدة تانية بِزني، واللي بتجوز مرة طلقها جوزها بزني.
19كان في واحد غني بلبس أواعي من أغلى وأحسن الأنواع وكل يوم عندو عزيمة كبيـرة. 20وكان في واحد فقيـر اسمُه لعازر مرمي عند باب الغنـي وجسمه مغطى بالجروح. 21وكان لعازر بتمنى إنو يوكل من الزبالة اللي بتنكب من طاولة الغني. وكانت الكلاب تيجي وتلحس الجروح تبعتُه. 22ومات لعازر الفقيـر وحملتُه الملايكة لعند إبراهيم. ومات الغنـي ودفنوه. 23وفي عالم الأموات رفع الغني عينيه وهو عم بتعذب وشاف من بعيد إبراهيم ومعه لعازر. 24فنادى وقال: يا أبونا إبراهيم، ارحمني وابعت لعازر يبل طرف أصبعه بالمي ويبـرّد لساني لأني عم بتعذب بهاي النار. 25فقال إبراهيم: يا ابني، تذكّر إنو في حياتك أخذت كل خيـرات الدنيا واخذ لعازر الـمصايب وإسه هو هون عم بِتعزى بس إنت عم بتتعزب. 26وفوق كل هادا، بينا وبينكو وادي غميق كثيـر بِنْمَرَقِش فحتى اللي بدهن يروحو من عنا لعندكو مش رَح يقدروا. ولا اللي عندكو بقدروا ييجوا لعنا. 27فقال الغنـي، يا أبوي، إذا هيك الحال بطلب منك إنك تبعت لعازر لعيلتـي 28لأنو في عندي 5 إخوة. خَلّيه يحذرهن عشان ميجوش هنّـي كمان لمحل العذاب هادا. 29رد إبراهيم وقال: عندهن كلام موسى والأنبيا خليهن يسمعوا كلامهن. 30فقال الغنـي: لأ مش رَح يسمعوا يا أبوي إبراهيم، بس إذا إجاهن واحد قام من بين الأموات سيعتها بتوبوا. 31فقلّو إبراهيم: إذا بردوش ع كلام موسى والأنبيا مش رَح يقتنعوا حتى ولو قام واحد من بين الأموات.
Currently Selected:
لوقا 16: CGB
Highlight
Share
Copy
Want to have your highlights saved across all your devices? Sign up or sign in
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة
لوقا 16
16
1وقال يسوع لتلاميذُه: كان في واحد غني عندو مدير أعمال اتهموه إنُو عم بتصرّف بالممتلكات بطريقة غلط. 2فناداه الغني وسألُه: شو هادا اللي عم بسمعو عنك؟ قدملي تقرير عن الأملاك لأنك بتقدرش تكمّل تشتغل عندي. 3فكّر المدير وقال لحاله: شو أعمل والسيد عم بطردني من شغلي؟ فش فيّ قوة اشتغل مزارع وعيب أصير شحّاد. 4آه عرفت شو لازم اعمل عشان لما اَنْطرِد من شغلي يستقبلوني الناس في بيوتهن. 5ونادى الناس اللي عليهن دين للسيّد. ناداهن واحد واحد، وقال للأوّل: قديش عليك دين للسيّد تبعي؟ 6رد وقال: مديون بــــ 100 جرة زيت من الحجم الكبير كثير فقلُّو خُذ العقد تبعك واقعد بسرعة اكتب عليه 50 جرة زيت. 7وبعدين سأل واحد تاني: وإنت قديش عليك دين؟ رد وقال: مديون بــــ 100 كيس قمح من الحجم الكبيـر كثيـر. فقلُّو خُذ العقد تبعك واكتب 80. 8فمدح السيّد تصرّف المدير الأعوج لأنُو تصرّفه ذكي ولأنو أهل هاي الدنيا عندهن ذكى في التعامل أكثر من شعب النور. 9وأنا بقلكو اعملوا صحاب عن طريق الغنى الباطل عشان لما ينتهي الغِنى يقبلوكو في الخيم الأبدية. 10الأمين في القليل بكون أمين في الكثير. والخاين في القليل بكون خاين في الكثيـر. 11فإذا إنتو مش أمناء في الغِنى الباطل مين بدو يأتمنكو على الغنى الحقيقي؟ 12وإذا إنتو مش أمناء في اللي مش رَح يبقى لإلكو مين بدو يعطيكو إللي بخصكو؟ 13بقدرش الواحد يكون عبد لربين لأنو رَح يحب واحد أكتر من التاني أو رَح يكون مكرّس لواحد ويهمل التاني. بتقدروش تعبدوا الله والمصاري.
14والفريسيين ناس بحبوا المصاري، سمعوا شو قال يسوع وصاروا يتمسخروا عليه. 15فقلهن يسوع: إنتو عاملين حالكو حقانيين قدام الناس بس الله عارف قلوبكو والعظيم في عينين الناس هو نجس في عينين الله. 16التوراة والأنبيا من قبل يوحنا، ومن وقت ما أجا يوحنا انتشرت الاخبار المنيحة عن ملكوت الله وصار الواحد يحاشر عشان يدخل ع الملكوت. 17بس دمار السما والأرض أسهل من أنو تختفي نقطة واحدة من التوراة. 18كل واحد بطلق مرتو وبتجوز واحدة تانية بِزني، واللي بتجوز مرة طلقها جوزها بزني.
19كان في واحد غني بلبس أواعي من أغلى وأحسن الأنواع وكل يوم عندو عزيمة كبيـرة. 20وكان في واحد فقيـر اسمُه لعازر مرمي عند باب الغنـي وجسمه مغطى بالجروح. 21وكان لعازر بتمنى إنو يوكل من الزبالة اللي بتنكب من طاولة الغني. وكانت الكلاب تيجي وتلحس الجروح تبعتُه. 22ومات لعازر الفقيـر وحملتُه الملايكة لعند إبراهيم. ومات الغنـي ودفنوه. 23وفي عالم الأموات رفع الغني عينيه وهو عم بتعذب وشاف من بعيد إبراهيم ومعه لعازر. 24فنادى وقال: يا أبونا إبراهيم، ارحمني وابعت لعازر يبل طرف أصبعه بالمي ويبـرّد لساني لأني عم بتعذب بهاي النار. 25فقال إبراهيم: يا ابني، تذكّر إنو في حياتك أخذت كل خيـرات الدنيا واخذ لعازر الـمصايب وإسه هو هون عم بِتعزى بس إنت عم بتتعزب. 26وفوق كل هادا، بينا وبينكو وادي غميق كثيـر بِنْمَرَقِش فحتى اللي بدهن يروحو من عنا لعندكو مش رَح يقدروا. ولا اللي عندكو بقدروا ييجوا لعنا. 27فقال الغنـي، يا أبوي، إذا هيك الحال بطلب منك إنك تبعت لعازر لعيلتـي 28لأنو في عندي 5 إخوة. خَلّيه يحذرهن عشان ميجوش هنّـي كمان لمحل العذاب هادا. 29رد إبراهيم وقال: عندهن كلام موسى والأنبيا خليهن يسمعوا كلامهن. 30فقال الغنـي: لأ مش رَح يسمعوا يا أبوي إبراهيم، بس إذا إجاهن واحد قام من بين الأموات سيعتها بتوبوا. 31فقلّو إبراهيم: إذا بردوش ع كلام موسى والأنبيا مش رَح يقتنعوا حتى ولو قام واحد من بين الأموات.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Colloquial Galilean Bible © 2025 The Arab Israeli Bible Society
ترجمة الكتاب المقدس باللهجة العامية الجليلية © 2025 دار الكتاب المقدس في الناصرة