YouVersion Logo
Search Icon

لوقا 19

19
1وفات يسوع ع أريحا وصار يمرء فيها 2وكان فيها زلمة غني اسمُه زكا وهو رئيس شغيلة الضرايب. 3وكان زكا بحاول يشوف يسوع بس م قدرش لأنو في ملان ناس وهو قصير. 4فركض لقدام وطلع ع شجرة جُميـز عشان يشوف يسوع لحظة م يمرء من هناك. 5لما وصل يسوع عند الشجرة إطّلع لفوق وقال: يا زكا انزل بسرعة لأنو لازم اليوم أروح ع بيتك وأنام عندك. 6نـزل زكا بسرعة ورحّب بفرح بالضيف. 7شافت الناس شو صار فبديو يتذمروا ويقولو: رايح يرتاح عند واحد خاطي. 8وُوقف زكا وقال ليسوع: يا رب، هياني رَح اعطي نص ممتلكاتي للفقرا وإذا في حدا نهبت منو أي إشي رَح ارجعلو أياه أربع أضعاف. 9قلّو يسوع: اليوم أجا الخلاص ع هادا البيت. لأنو كمان زكا هو ابن لإبراهيم. 10لأنو ابن الإنسان أجا يدوّر ع الضايعين وينجيهن.
11وكانت الناس عم تسمع حكي يسوع. ولأنو كان يسوع قريب من أورشليم والناس بتفكر أنو مملكة الله رَح إسه تظهر. قلّهن كمان هادا الـمثل 12قال: في أمير سافر ع بلد بعيدة عشان يتعيّن ملك وبعدين يرجع 13واتّصل بـــ 10 موظفين واعطاهن 10 اكياس مصاري وقلّهن: تاجروا فيهن لحد ما أرجع. 14وسكان بلدو كانوا بكرهوه فبعتوا وراه مجموعة من القادة عشان يقولو: بدناش هادا الزلمة يملك علينا. 15وبعد مَ تعين ملك رجع من السفر وطلب إنو ينادوا الموظفين اللي اعطاهن مصاري عشان يعرف كيف تاجروا فيها. 16وصل الموظف الأول وقلّو: يا سيّد، كيس المصاري تبعك صار 10 اكياس. 17فقلّو: براڤو عليك إنت موظف منيح. كنت أمين بالمبلغ الزغيـر فرَح أحطك مسؤول على 10 مدن. 18واجا الموظف التاني وقال: يا سيّد، كيس المصاري تبعك صار 5 اكياس. 19فقلّو: وإنت رَح تكون مسؤول عن 5 مدن. 20وأجا موظف تاني وقال: يا سيّد، هياه كيس المصاري تبعك خبيتو بشقفة قماش 21لأني كنت خايف منك عشنّك زلمة صارم بتوخد اللي مَ حطتُش وبتحصد اللي مَ زرعتُش. 22فرد وقلّو: يا موظف يا شرير. رَح أحاكمك بحسب كلماتك. بتعرف إنو أنا زلمة صارم باخُذ اللي م حطتُش وبحصُد اللي م زرعتُش؟! 23طيب ليش مَ حطتش مصرياتي في البنك عشان لما أرجع أخذها مع الفايدة؟ 24وقال السيّد للموجودين خدو منو كيس المصاري واعطوه للي معو 10 أكياس. 25فقللو: يا سيّد عندو 10 اكياس مصاري. 26فقلهن: اللي عندو رَح ينزدلو واللي معندُش رَح يخسر اللي عندو. 27وبالنسبة لأعدائي اللي بدهنش أصير ملك عليهن جيبوهن لهون واقتلوهن قدامي.
28وبعد مَ حكى هادا الحكي صار يمشي قدامهن ويطلع ع أورشليم. 29ولـما قرّب ع بيت فاجي وع بيت عنيا عند جبل الزيتون بعث 2 من تلاميذو 30وقلّهن: روحو ع القرية اللي قدامكو ولما تفوتوا عليها رَح تلاقو جحش مربوط ولا مرة حدا قعد عليه فكّوه وجيبوه. 31وإذا أي حدا سألكو ليش عم بتفكوه؟ قولو: الرب بحاجة لإلو. 32ولما راحو التلميذين لاقو الجحش بالزبط مِتِل مَ قلّهن يسوع. 33وكانوا عم بفكوه واللا سألوهن صحابو: ليش عم بتفكو الجحش؟ 34فقلولهن: لأنو الرب بحاجة لإلو. 35جابو الجحش لعند يسوع وحطو عليه أواعيهن وركّبوا يسوع عليه. 36وكان يسوع يمشي والناس قاعدة بتفرش أواعيها ع الطريق قدامُه.
37ولما قرّب من نزلة جبل الزيتون بديو كل مجموعات التلاميذ بفرح وبصوت عالي يحمدوا الله على كل الأعمال العظيمة اللي شافوها. 38وكانوا يقولو: البركة مع الملك الجاي باسم الرب، حل السلام في السما والمجد لله في الأعالي. 39وكان في ناس بين الشعب من جماعة الفريسيين وصاروا يقولو ليسوع: يا معلم، سكّت تلاميذك 40رد وقال: بقلكو إذا هني سكتوا رَح تصير الحجارة تحكي وتصيّح.
41ولـما قرّب يسوع وشاف أورشليم بكى عليها. 42وقال: يا ريتك اليوم تكوني إنت كمان شايفة طريق السلام. بس لحد إسه عينيكِ مغمضات 43لأنو رَح ييجي وقت ويحاصروك الأعداء ويحوطوكِ بالحواجز ويضغطوك من كل الشقات 44ويهدموك ع روس ولادك ومَ يتركوش فيك حجر ع حجر لأنك مَ عرفتيش وقت النعمة.
45ولما فات يسوع ع الهيكل بدي يطرد البياعين 46ويقلهن: بيتي معمول للصلا بس إنتو عملتوه مغارة سرَّاقين. 47وكان يسوع يعلّم كل يوم في الهيكل وكانو رؤسا الكهنة وجماعة الكتبة وقادة الشعب بدّورو ع فرصة عشان يقضوا عليه 48ومَ كنوش عارفين شو بدهن يعملوا لأنو كل الشعب كانوا يسمعوه ومتعلقين فيه.

Currently Selected:

لوقا 19: CGB

Highlight

Share

Copy

None

Want to have your highlights saved across all your devices? Sign up or sign in