Matayo 1

Olugaanda lwa Yeézu Kristu

(Luka 3:23-38)

1Aga nigo amazíina go olugaanda lwa Yeézu Kristu.#1:1 Kristu: Habwo obusoomboozi bwooli osome Obusoomboozi habwa Amagaambo Agagumile. Yeézu Kristu akalugiilila omu luzáalo lwa Daudi óogwo akaba naalugiílila omu lugaanda lwa Ibrahímu.

2Ibrahímu akazaala Izáaka,

Izáaka yaázáala Yakobo,

Yakobo yaázáala Yuda na badugu boómwe.

3Yuda yaázáala Peréesi na Zera hali Tamari,

Peréesi yaázáala Hezeróoni,

Hezeróoni yaázáala Aramu,

4Aramu yaázáala Aminadabu,

Aminadabu yaázáala Nashoni,

Nashoni yaázáala Salmoni,

5Salmoni yaázáala Boazi hali Rahabu,

Boazi yaázáala Obedi hali Ruthu,

Obedi yaázáala Yese,

6na Yese yaázáala omukáma Daudi.

Daudi yaázáala Selemani kuluga aha mukázi ogwo akaba ali muka Uria,#1:6 Muka Uria: Akaba ayétwa Batisheba. Osome 2 Samweeli 12:24-25.

7Selemani yaázáala Rehoboamu,

Rehoboamu yaázáala Abiya,

Abiya yaázáala Asa,

8Asa yaázáala Yehoshafati,

Yehoshafati yaázáala Yoramu,

Yoramu yaázáala Uzia,

9Uzia yaázáala Yoatamu,

Yoatamu yaázáala Ahazi,

Ahazi yaázáala Ezekia,

10Ezekia yaázáala Manase,

Manase yaázáala Amoni,

Amoni yaázáala Yosia,

11na Yosia yaázáala Yekonia na badugu boómwe,

obuchilo óobwo Abaiziraeli bakakwáatwa enkwáate babe abahálila omu nsi ya Babéeli.

12Abaiziraeli kábaabeele baáfulukiile okwo omu nsi ya Babéeli,

Yekonia yaázáala Shealitieli,

Shealitieli yaázáala Zerubabeli,

13Zerubabeli yaázáala Abihudi,

Abihudi yaázáala Eliakimu,

Eliakimu yaázáala Azora,

14Azora yaázáala Zadoki,

Zadoki yaázáala Akimu,

Akimu yaázáala Eliudi,

15Eliudi yaázáala Eleazari,

Eleazari yaázáala Matani,

Matani yaázáala Yakobo,

16Yakobo yaázáala Yozéfu, iíba wa Mariamu,

náwe Mariamu yaámuzáala Yeézu óogwo alikwéetwa Masihi.#1:16 Masihi: Habwo obusoomboozi bwooli, osome echigaambo cha Kristu omu Obusoomboozi habwa Amagaambo Agagumile.

17Mbwéenu, kuluga ahali Ibrahímu kuhika kuzaalwa kwo omukáma Daudi hakaba heena enzaalwa ikúmi ne eéna. Káandi, kuluga ahali Daudi kuhika ha buchilo óobwo Abaiziraeli baáfululiilwe babe abahálila omu nsi ya Babéeli, hakaba heena enzaalwa ezíindi ikúmi ne eéna. Káandi, kuluga omu buchilo óobwo baáfululiilwe okwo kuhika kuzaalwa kwa Masihi, hakaba heena enzaalwa ezíindi ikúmi ne eéna.

Kuzaalwa kwa Yeézu Kristu

(Luka 2:1-7)

18Empola yo kuzaalwa kwa Yeézu Kristu niyo ezi. Mariamu nyina wa Yeézu, akaba asuumbikilwe na Yozéfu. Náho acháali batakalyaámile hamo, Mariamu yaásaangwa ayina éenda, ne éenda ezo akaba ayinayo aha buhicha bwo Omwooyo Mutakatíifu. 19Yozéfu ali iíba, akaba ali omuuntu we entúungwa nzima omu méeso ga Múungu. Talayeenzile kumulega Mariamu, ha bwéecho akalamula kumuleka bweeseléke.#1:19 Kwiingana no obuteéka bwa Abayahudi, keélaaba omusígazi no omuhalákazi beésuumbikile, bakeepeetela nka nikwo na abeéswiile. Náho gukaba guli nko omwáanya gwo mwáaka gwóona gwo kweéliindilila obuchilo bachaali batakasweélene. Obuchilo bwóona óobwo tibaleekililiziibwe kutúula hamo kuhika obuchilo bwo kusweélana. Kumusigaho ogwo akasuumbikwa kukasana nko kumuleka.

20Náho obuchilo naateekuza aátyo, ahonyini maléeka#1:20 Maléeka: Habwo obusoomboozi bwooli osome Obusoomboozi habwa Amagaambo Agagumile. wo Omukáma Múungu amweésuululukiza omu kulóota, yaámugaambila, “Yozéfu, owo luzáalo lwa Daudi#1:20 Daudi: Habwo obusoomboozi bwooli osome Obusoomboozi habwa Amagaambo Agagumile. otatiina kumutwáala Mariamu, habwo kuba echili omuunda yoómwe achibweene habwo obuhicha bwo Omwooyo Mutakatíifu. 21Alyaázáala omwaana wo obwoózo, neewe olyaámuluka izíina lyoómwe Yeézu, habwo kuba ogwo niwe alichuungúla abaantu boómwe kuluga omu biheno byáabo.”

22Ebyo byóona bikabaho bityo, chibone kuhikiilila echigaambo éecho Omukáma Múungu yaágaambile aha muháanda gwo omubáasi woómwe aáti,

23“Léeba, omubiíkila alyaátwáala éenda,

náwe alyaázáala omutábani.

Niho bamuluke izíina lyoómwe Emanueli.”#Osome Isaya 7:14.

Ensoonga yi izíina eli nikwo kugaamba oóti, “Múungu ayikala hamo neechwe.”

24Obuchilo Yozéfu yaasisimuka omu túlo, yaákola nko óokwo maléeka wo Omukáma Múungu yaámulagila. Yozéfu yaátwáala Mariamu kuba mukazíwe, 25náho talalyaamile náze kuhika obuchilo Mariamu yaaba yaázáala omutábani. Yozéfu yaámuluka ogwo mwáana izíina, Yeézu.

Currently Selected:

Matayo 1: ZIN

Highlight

Copy