Ma-thi-ơ 3
3
Baak riêp kaar Brah Jê-sus ri
(3:1–4:11)
Kaar Jang Bap-tit ri
(Mak 1:1-8; Lu-ka 3:1-18; Jang 1:19-28)
1Plah nei, Jang Bap-tit lôh chhuôr knông trenh sngat Ju-đê laah: 2“Phrui teq lơi dôih, đươm nggoor trôôk êch dơơh lôh!”#Mat 4:17; Mak 1:15. 3Jang laa nơơm bnih pa yau grnưt noor Ê-sai ja lah mor tơt, mơ mor laah:
“Geh baak bnih khuôl knông trenh sngat:
‘Phrui kwaih troong aan Brah.
Lơh song pal troong Pang.’”
4Jang dook ao snook seh joong kôw, wơnh chhei buq pêêk, sa pi krah u daak sut bri. 5Phung raih a poh Jê-ru-sa-lem, jôm kwaal Ju-đê u leq sêch kwaal dơơh daak Jô-đanh kot lôh n'hai bu. 6Bu teq lơi dôih u kươt bu lơh bap-tem a daak Jô-đanh.
7Tơt sau ơk bnih Pha-ri-si#3:7 Pha-ri-si: Di phung knông Jo-thai jơ prap ch'bap Môi-se pơrjach đat. u Sa-đu-sê#3:7 Sa-đu-sê: Di phung knông baak jơ Jo-thai prap ch'bap Môi-se pơrjach đat. lôh dol bap-tem, Jang maanh bu laah: “Ơi mbaang pai bêh khih tôw, 'bơơn ja tơmbơh aan bơl 'bei gưt jah tuôt kup baak hao nuih êch dơơh tơt?#Mat 12:34; 23:33. 8Bei nei phrui play kao klanh dip n'hai baak teq lơi dôih, 9u khơơm mor êêng laah: ‘Ap-ra-ham laa yau yi bơl hei’; đươm hei mor aan bơl 'bei gưt laah Brah Ưn geh lơh pal graap tmau au but koon sau aan Ap-ra-ham.#Ja 8:33. 10Mlơm sung ja dơih gêêng tơrgôq jhư; tơơm êch 'bưn lôh play klanh kot dol gôt u jang teq u ôinh.#Mat 7:19. 11Hei lơh bap-tem aan bơl 'bei u daak jah teq lơi dôih; đươm Yaang lôh kơơi hei, kmheng huôih hei, hei 'bưn klanh dip kan sroom aan Pang. Pang a kươi lơh bap-tem aan bơl 'bei dơng Brah Wêêng u ôinh. 12Ti Pang kan kong kơrthêu jah kơrthêu ggaih ngan tal lơwaang ba nơơm, ja nei pơrgum ba teq u nơm; nha blôw nei chhu knông ôinh 'bưn ngơt.”
Brah Jê-sus dol bap-tem
(Mak 1:9-11; Lu-ka 3:21)
13Plah nei, Brah Jê-sus a kwaal Ga-li-lê lôh n'hai Jang tu daak Jô-đanh jah kươt bu lơh bap-tem. 14Dôh Jang khom pơrkhaang Pang, u ơh laah: “Nơơm hei mơ chkhôm Ay lơh bap-tem aan, a hay Ay leet lôh n'hai hei?” 15Brah Jê-sus ơh: “Bei au khang lơh ơơi, đươm bơl bơn chkhôm phrui luôih jôm kaar sêch song.” Bei nei, Jang iat baak Pang. 16Tơt kươt bap-tem luôih, Brah Jê-sus mhei hao rlach daak, nei tôw, pal lơyaang trôôk a pơơk, Pang sau Brah Wêêng bei pi traap laa Brah Ưn ri jưr bot lơ Pang. 17Au, geh baak a trôôk lah: “Au laa Koon êch srlanh Hei ri, klanh chưt Hei sơp.”#Mat 12:18; 17:5; Mak 1:11; Lu 9:35.
Currently Selected:
Ma-thi-ơ 3: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Ma-thi-ơ 3
3
Baak riêp kaar Brah Jê-sus ri
(3:1–4:11)
Kaar Jang Bap-tit ri
(Mak 1:1-8; Lu-ka 3:1-18; Jang 1:19-28)
1Plah nei, Jang Bap-tit lôh chhuôr knông trenh sngat Ju-đê laah: 2“Phrui teq lơi dôih, đươm nggoor trôôk êch dơơh lôh!”#Mat 4:17; Mak 1:15. 3Jang laa nơơm bnih pa yau grnưt noor Ê-sai ja lah mor tơt, mơ mor laah:
“Geh baak bnih khuôl knông trenh sngat:
‘Phrui kwaih troong aan Brah.
Lơh song pal troong Pang.’”
4Jang dook ao snook seh joong kôw, wơnh chhei buq pêêk, sa pi krah u daak sut bri. 5Phung raih a poh Jê-ru-sa-lem, jôm kwaal Ju-đê u leq sêch kwaal dơơh daak Jô-đanh kot lôh n'hai bu. 6Bu teq lơi dôih u kươt bu lơh bap-tem a daak Jô-đanh.
7Tơt sau ơk bnih Pha-ri-si#3:7 Pha-ri-si: Di phung knông Jo-thai jơ prap ch'bap Môi-se pơrjach đat. u Sa-đu-sê#3:7 Sa-đu-sê: Di phung knông baak jơ Jo-thai prap ch'bap Môi-se pơrjach đat. lôh dol bap-tem, Jang maanh bu laah: “Ơi mbaang pai bêh khih tôw, 'bơơn ja tơmbơh aan bơl 'bei gưt jah tuôt kup baak hao nuih êch dơơh tơt?#Mat 12:34; 23:33. 8Bei nei phrui play kao klanh dip n'hai baak teq lơi dôih, 9u khơơm mor êêng laah: ‘Ap-ra-ham laa yau yi bơl hei’; đươm hei mor aan bơl 'bei gưt laah Brah Ưn geh lơh pal graap tmau au but koon sau aan Ap-ra-ham.#Ja 8:33. 10Mlơm sung ja dơih gêêng tơrgôq jhư; tơơm êch 'bưn lôh play klanh kot dol gôt u jang teq u ôinh.#Mat 7:19. 11Hei lơh bap-tem aan bơl 'bei u daak jah teq lơi dôih; đươm Yaang lôh kơơi hei, kmheng huôih hei, hei 'bưn klanh dip kan sroom aan Pang. Pang a kươi lơh bap-tem aan bơl 'bei dơng Brah Wêêng u ôinh. 12Ti Pang kan kong kơrthêu jah kơrthêu ggaih ngan tal lơwaang ba nơơm, ja nei pơrgum ba teq u nơm; nha blôw nei chhu knông ôinh 'bưn ngơt.”
Brah Jê-sus dol bap-tem
(Mak 1:9-11; Lu-ka 3:21)
13Plah nei, Brah Jê-sus a kwaal Ga-li-lê lôh n'hai Jang tu daak Jô-đanh jah kươt bu lơh bap-tem. 14Dôh Jang khom pơrkhaang Pang, u ơh laah: “Nơơm hei mơ chkhôm Ay lơh bap-tem aan, a hay Ay leet lôh n'hai hei?” 15Brah Jê-sus ơh: “Bei au khang lơh ơơi, đươm bơl bơn chkhôm phrui luôih jôm kaar sêch song.” Bei nei, Jang iat baak Pang. 16Tơt kươt bap-tem luôih, Brah Jê-sus mhei hao rlach daak, nei tôw, pal lơyaang trôôk a pơơk, Pang sau Brah Wêêng bei pi traap laa Brah Ưn ri jưr bot lơ Pang. 17Au, geh baak a trôôk lah: “Au laa Koon êch srlanh Hei ri, klanh chưt Hei sơp.”#Mat 12:18; 17:5; Mak 1:11; Lu 9:35.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.