Ma-thi-ơ Baak ptơơm bôôk
Baak ptơơm bôôk
Baak Sroong Klanh tênh Ma-thi-ơ krơơ teq u baak broh laah Brah Jê-sus laa Brah Đoh Kwaai bnih tênh baak pơn, laa Yaang pa Brah Ưn ja luôih baak pơn Pang ri n'hai koon raih Pang knông Sm'bưt Brah Pơrnơn Ndơm. Baak broh au siq Brah Jê-sus 'bưn geh dơơn ơn êêng aan koon bnih Jo-thai đươm kot aan leq koon bnih.
Baak Sroong Klanh Ma-thi-ơ kươt krơơ tênh di hưl neq srlah srlom. Ptơơm n'hai baak đôh laa Brah Jê-sus ri, bap-tem u dol baak lêch lung Pang ri, ndih nha laa kaar chhuôr, kne, u tơmbah pơrtanh Pang ri tal kwaal Ga-li-lê. Ja nei sm'bưt Baak Sroong Klanh au 'bian kơơi troong han Brah Jê-sus ri jur Jê-ru-sa-lem u ntil lôh baak knông rthôl ptut, baah ptut laa kaap dôih phaat pơng đênh u baak rêh kươi Pang ri.
Baak Sroong Klanh Ma-thi-ơ kươt krơơ Brah Jê-sus laa mbu kne ttih đat, geh khmeng rơih ch'bap Brah Ưn ri kne u nggoor Brah Ưn. Pal ntil kne Brah Jê-sus ri kươt dap tênh pram ndroong êêng: (1) Baak Chhuôr Lơ Bnơm mor u ntil rêh, baak kaar, smlaang rêh koon raih nggoor trôôk (Tap 5-7); (2) Ntil baak kne u kaar ơn aan jmơt baar du jơt jơng (Tap 10); (3) Pal pn'geh u nggoor trôôk (Tap 13); (4) Baak kne u rpach lơh jơrnơ Brah ri (Tap 18); (5) Baak kne u klap ptut u baak tơt nggoor Brah Ưn ri (Tap 24–25).
Kôq dap
Puich mbaang u baak đôh laa Brah Jê-sus Krist ri (1:1–2:23) Baak kaar Jang Bap-tit ri (3:1-12)
Brah Jê-sus ndơơp bap-tem u dol lêch lung (3:13–4:11)
Baak kaar srlah srlom Brah Jê-sus tal kwaal Ga-li-lê (4:12–18:35)
Ndroong han a Ga-li-lê tơt Jê-ru-sa-lem (19:1–20:34)
Rthôl ryơơng ptut dơơh u tal Jê-ru-sa-lem (21:1–27:66)
Baak Rêh Kươi u pal wưt lôh sot Brah ri (28:1-20)
Currently Selected:
Ma-thi-ơ Baak ptơơm bôôk: SBL2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.