Ma-thi-ơ 14
14
Gruk mưtai Yâng Bap-tit
(Mag 6:14-29; Lu-ka 9:7-9)
1Tuk nạn patao camưnoh Hê-rôt#14:1 patao camưnoh Hê-rôt: Sani nạn Hê-rôt An-ti-pa, anưk likei anưd patao Hê-rôt Prong (iơk Ma-thi-ơ 2:1). hamit nưm angan Pô Yê-su, 2yơ đôm thong dôm kadi kadai laic: “Sani nạn Yâng Bap-tit, mưnuix mưng lôg mưtai, diup vơk, nan ka bihu ngak jiơng dôm thunau crih ni.” 3#Lu 3:19,20.Kaywa Hê-rôt krung hu mưk, girak thong karơk Yâng dalam thang danuh, kaywa bruk Hê-rô-đia hadiup Phi-lip adei patao. 4Kaywa Yâng hu ghak patao: “Nôrapat khing kanai nạn kabha ôh tui hakum jakar.” 5Kanê ưng pamưtai Yâng, min patao gilaic hôic di bôl bhap, kaywa khol nhu jang dial laic Yâng nạn tha pakat hôr.
6Min tal harei jiơng Hê-rôt, anưk kamei Hê-rô-đia tamia di anak tôi tamưbha đam payak, ngak athah tung tian Hê-rôt, 7thangak patao hapah he ka kanai pathar pathar kabha haget kanai likau. 8Gok amek kanai pacuh, kanai pathau laic: “Likau brei ka dahlak akok Yâng Bap-tit cek ngok xalao.” 9Patao drôi di tian, kaywa krung hu hapah di anak tôi tamưbha đam payak, nan ka thurah ƀai brei ka kanai. 10Patao pađar urang koh akok Yâng dalam thang danuh, 11bloh khol nhu cek akok Yâng di xalao, jao ka kanai nan, thong kanai ba nao ka amek drei. 12Hadei di nan, dôm anưk xêh Yâng mưk atau ong ba nao dar, bloh nao akhan khao ka Pô Yê-su.
Pô Yê-su thrơh tapei ka limư ribau urang ƀang
(Mag 6:30-44; Lu-ka 9:10-17; Yâng 6:1-14)
13Hamit khao nan, Pô Yê-su trun gilai, niga libik ni nao tal libik lingui jwa. Thau yau nan bôl bhap mưng dôm dhan nao takai tui Bhô. 14Pô Yê-su trun gilai ƀôh tapôr bôl yơ ganơh anit, thong pajru dhit ka dôm mưnuix rwak.
15Tal biêr harei, dôm anưk xêh mưrai pathau thong Bhô: “Libik ni lingui jwa, lingik xup pajơ, likau di Bhô brei ka bôl bhap nao thang piêh khol nhu tamư dôm palei blei kaya ƀang.” 16Pô Yê-su bican: “Khol nhu ôh hajat xang nao tao, êng khol hư xang brei ka khol nhu ƀang.” 17Dôm anưk xêh thuuk laic: “Pak ni, khol dahlak ciêt hu limư kleh tapei thong dwa ikan.” 18Bhô bican: “Xang ba mưrai tak ni.” 19Hadei di tuk Bhô tathit ka bôl bhap dok ngok ƀlang harơk, Bhô mưk limư kleh tapei thong dwa ikan, talāk mưta tagôk lingik, đwa karun bloh hapek tapei tabiak jao ka anưk xêh, khol nhu rabha takhat ka bôl bhap. 20Abih drei jang ƀang trei laơh. Khol nhu dôn patom vơk bihu tha pluh dwa habai bak dôm kleh tapei libeh. 21Thanôn mưnuix ƀang nôic limư ribau urang, ô hakê kamei thong rineh xit.
Pô Yê-su yam nao di ngok ia tathik
(Mag 6:45-52; Yâng 6:16-21)
22Hadei di nan, Bhô pajiak anưk xêh, trun gilai nao dahlau tapa takai tathik gah dêh, dalam tuk Bhô brei ka bôl bhap nao thang. 23Tuk brei bôl bhap nao bloh, Bhô nao karei tagôk cơk piêh lang kar. Tal xup, Bhô jang dok pak nan tha drei.
24Tuk kal nan, gilai krung hu tabiak di krưh tathik, gok rayak poh katang kaywa angin tagar. 25Tal jek hadah,#14:25 Tal jek hadah: Nôic klau tal nam tuk pagê. Pô Yê-su yam nao ngok ia mưrai tom dôm anưk xêh. 26Tuk ƀôh Bhô nao ngok ia tathik, dôm anưk xêh tatơk drei thong đôm laic: “Dêh nạn bhut!” Bloh khol nhu prêu tagôk kaywa thur mưk. 27Min Pô Yê-su bican thong khol nhu: “Xang patom hatai, Ita sani, jôi hôic!” 28Phi-e-rơ pathau: “Pô lơy, mưyah biak nạn Pô, likau ngak ka dahlak nao ngok ia mưrai tom Pô.” 29Bhô bican: “Xang mưrai pak ni!” Phi-e-rơ tabiak truh di gilai, yam nao ngok ia, mưrai tom Pô Yê-su. 30Min tuk angin yuk, Phi-e-rơ tatơk drei, xit tra karam trun ia nan ka prêu tagôk: “Pô lơy, dong paklah dahlak!” 31Binhêt Pô Yê-su yêr tangin pan mưk Phi-e-rơ thong đôm laic: “Hư biak takik sagar, habar hư gilaic kalman?” 32Tuk Bhô thong Phi-e-rơ tagôk gilai bloh, yơ angin gađang jwa. 33Dôm urang dok ngok gilai khôi kakuh Bhô, thong pathau laic: “Bhô biak nạn Anưk Pô Lingik!”
Pô Yê-su pajru dhit mưnuix rwak pak Ghê-nê-xa-rêt
(Mag 6:53-56)
34Tuk krung hu tapa tal takai tathik gah dêh, Pô Yê-su thong anưk xêh mưrai bhum Ghê-nê-xa-rêt. 35Bôl bhum nan krưn hu Bhô, khol nhu akhan khao graup nưgar tom dar thong ba abih mưnuix rwak mưrai tom Bhô, 36neh likau brei ka khol nhu ciêt ravơk jih ao Bhô min; thong dôm urang halei ravơk tal jang bihu dhit.
Currently Selected:
Ma-thi-ơ 14: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Ma-thi-ơ 14
14
Gruk mưtai Yâng Bap-tit
(Mag 6:14-29; Lu-ka 9:7-9)
1Tuk nạn patao camưnoh Hê-rôt#14:1 patao camưnoh Hê-rôt: Sani nạn Hê-rôt An-ti-pa, anưk likei anưd patao Hê-rôt Prong (iơk Ma-thi-ơ 2:1). hamit nưm angan Pô Yê-su, 2yơ đôm thong dôm kadi kadai laic: “Sani nạn Yâng Bap-tit, mưnuix mưng lôg mưtai, diup vơk, nan ka bihu ngak jiơng dôm thunau crih ni.” 3#Lu 3:19,20.Kaywa Hê-rôt krung hu mưk, girak thong karơk Yâng dalam thang danuh, kaywa bruk Hê-rô-đia hadiup Phi-lip adei patao. 4Kaywa Yâng hu ghak patao: “Nôrapat khing kanai nạn kabha ôh tui hakum jakar.” 5Kanê ưng pamưtai Yâng, min patao gilaic hôic di bôl bhap, kaywa khol nhu jang dial laic Yâng nạn tha pakat hôr.
6Min tal harei jiơng Hê-rôt, anưk kamei Hê-rô-đia tamia di anak tôi tamưbha đam payak, ngak athah tung tian Hê-rôt, 7thangak patao hapah he ka kanai pathar pathar kabha haget kanai likau. 8Gok amek kanai pacuh, kanai pathau laic: “Likau brei ka dahlak akok Yâng Bap-tit cek ngok xalao.” 9Patao drôi di tian, kaywa krung hu hapah di anak tôi tamưbha đam payak, nan ka thurah ƀai brei ka kanai. 10Patao pađar urang koh akok Yâng dalam thang danuh, 11bloh khol nhu cek akok Yâng di xalao, jao ka kanai nan, thong kanai ba nao ka amek drei. 12Hadei di nan, dôm anưk xêh Yâng mưk atau ong ba nao dar, bloh nao akhan khao ka Pô Yê-su.
Pô Yê-su thrơh tapei ka limư ribau urang ƀang
(Mag 6:30-44; Lu-ka 9:10-17; Yâng 6:1-14)
13Hamit khao nan, Pô Yê-su trun gilai, niga libik ni nao tal libik lingui jwa. Thau yau nan bôl bhap mưng dôm dhan nao takai tui Bhô. 14Pô Yê-su trun gilai ƀôh tapôr bôl yơ ganơh anit, thong pajru dhit ka dôm mưnuix rwak.
15Tal biêr harei, dôm anưk xêh mưrai pathau thong Bhô: “Libik ni lingui jwa, lingik xup pajơ, likau di Bhô brei ka bôl bhap nao thang piêh khol nhu tamư dôm palei blei kaya ƀang.” 16Pô Yê-su bican: “Khol nhu ôh hajat xang nao tao, êng khol hư xang brei ka khol nhu ƀang.” 17Dôm anưk xêh thuuk laic: “Pak ni, khol dahlak ciêt hu limư kleh tapei thong dwa ikan.” 18Bhô bican: “Xang ba mưrai tak ni.” 19Hadei di tuk Bhô tathit ka bôl bhap dok ngok ƀlang harơk, Bhô mưk limư kleh tapei thong dwa ikan, talāk mưta tagôk lingik, đwa karun bloh hapek tapei tabiak jao ka anưk xêh, khol nhu rabha takhat ka bôl bhap. 20Abih drei jang ƀang trei laơh. Khol nhu dôn patom vơk bihu tha pluh dwa habai bak dôm kleh tapei libeh. 21Thanôn mưnuix ƀang nôic limư ribau urang, ô hakê kamei thong rineh xit.
Pô Yê-su yam nao di ngok ia tathik
(Mag 6:45-52; Yâng 6:16-21)
22Hadei di nan, Bhô pajiak anưk xêh, trun gilai nao dahlau tapa takai tathik gah dêh, dalam tuk Bhô brei ka bôl bhap nao thang. 23Tuk brei bôl bhap nao bloh, Bhô nao karei tagôk cơk piêh lang kar. Tal xup, Bhô jang dok pak nan tha drei.
24Tuk kal nan, gilai krung hu tabiak di krưh tathik, gok rayak poh katang kaywa angin tagar. 25Tal jek hadah,#14:25 Tal jek hadah: Nôic klau tal nam tuk pagê. Pô Yê-su yam nao ngok ia mưrai tom dôm anưk xêh. 26Tuk ƀôh Bhô nao ngok ia tathik, dôm anưk xêh tatơk drei thong đôm laic: “Dêh nạn bhut!” Bloh khol nhu prêu tagôk kaywa thur mưk. 27Min Pô Yê-su bican thong khol nhu: “Xang patom hatai, Ita sani, jôi hôic!” 28Phi-e-rơ pathau: “Pô lơy, mưyah biak nạn Pô, likau ngak ka dahlak nao ngok ia mưrai tom Pô.” 29Bhô bican: “Xang mưrai pak ni!” Phi-e-rơ tabiak truh di gilai, yam nao ngok ia, mưrai tom Pô Yê-su. 30Min tuk angin yuk, Phi-e-rơ tatơk drei, xit tra karam trun ia nan ka prêu tagôk: “Pô lơy, dong paklah dahlak!” 31Binhêt Pô Yê-su yêr tangin pan mưk Phi-e-rơ thong đôm laic: “Hư biak takik sagar, habar hư gilaic kalman?” 32Tuk Bhô thong Phi-e-rơ tagôk gilai bloh, yơ angin gađang jwa. 33Dôm urang dok ngok gilai khôi kakuh Bhô, thong pathau laic: “Bhô biak nạn Anưk Pô Lingik!”
Pô Yê-su pajru dhit mưnuix rwak pak Ghê-nê-xa-rêt
(Mag 6:53-56)
34Tuk krung hu tapa tal takai tathik gah dêh, Pô Yê-su thong anưk xêh mưrai bhum Ghê-nê-xa-rêt. 35Bôl bhum nan krưn hu Bhô, khol nhu akhan khao graup nưgar tom dar thong ba abih mưnuix rwak mưrai tom Bhô, 36neh likau brei ka khol nhu ciêt ravơk jih ao Bhô min; thong dôm urang halei ravơk tal jang bihu dhit.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.