Ma-thi-ơ 15
15
Gruk lang pato carai
(Mag 7:1-13)
1Hadei di nan, hu hadôm mưnuix Pha-ri-si thong gru pato adat mưng dhan Yê-ru-sa-lem mưrai tom Pô Yê-su thong tanhi laic: 2“Habar anưk xêh Bhô gok tanrok carai mưnuix yao, ôh rao tangin dahlau di ƀang?” 3Bhô thuuk: “Habar khol hư lijang kaywa carai drei bloh gok tanrok di vahi Pô Lingik? 4Kaywa Pô Lingik krung hu tathit pato: ‘Xang pôkja amek amư hư,’ thong ‘thei dhao thah amek amư yơ xang gok binax.’ 5Min khol hư gilaic đôm: ‘Mưyah thei đôm thong amek amư laic: Dôm haget hu mưda pajup amek amư, dahlak krung hu limah ka Pô Lingik bloh, yơ urang nan ôh hajat xang pôkja amek amư.’#15:5 amek amư: Dalam tha thanôn blah vak tangin nạn amư. 6Yau nan, kaywa di carai drei, khol hư krung hu klāk tapa panôic#15:6 panôic: Dalam tha thanôn blah vak tangin nạn hakum jakar; Dalam tha thanôn blah vak tangin pakan nạn gon. Pô Lingik. 7Hơic dôm ra jalan adat baniai! Ê-sai biak njaup kal đôm hôr ka khol hư:
8‘Bôl ni mưk caƀôi pabah pôkja Ita;
Min tian khol nhu biak atah di Ita lô.
9Bruk khol nhu bhuktik Ita nạn ôh hu hanim,
Katika khol nhu pato ciêt nạn dôm adat caƀat mưrôxak.’”
Dôm kabha ngak ka mưnuix gok haruk haram
(Mag 7:14-23)
10Hadei di nan, Bhô iêu bôl bhap mưrai thong bican: “Xang pang thong dul: 11Ôh njaup kaya haget tamư pabah ngak ka mưnuix haruk haram; min kabha haget tabiak mưng pabah, kabha nan mưng ngak haruk haram mưnuix.” 12Hadei di nan dôm anưk xêh mưrai pathau thong Bhô: “Gru hu thau dôm urang Pha-ri-si rwak hatai tuk pang panôic ni halei thoh?” 13Bhô thuuk: “Phun halei Amư Ita ngok thôr riga ôh pala yơ xang buic mek. 14#Lu 6:39.Kưk lôi khol nhu mek, khol nhu nạn dôm ra tagloh ba jalan [ra tagloh]#15:14 [ra tagloh]: Dalam tha thanôn blah vak tangin ôh hu dôm akhar ni.. Mưyah ra tagloh dui mưnuix tagloh, yơ abih dwa jang jalơh trun gôk.” 15Phi-e-rơ pathau laic: “Likau di Bhô lang yah arkatê nan ka khol dahlak.” 16Pô Yê-su tanhi: “Khol hư jang ôh thau ô? 17Khol hư thau laic kaya haget tamư pabah mưca tamư dalam tung bloh gok klāk tabiak lingiu ô? 18#Mat 12:34.Min dôm haget mưng pabah tabiak jang mai mưng dalam tung tian, dôm kabha nan mưng ngak haruk haram mưnuix urang. 19Kaywa mưng dalam tung tian pajiơng tabiak dôm thangka jhak, pamưtai mưnuix, ƀang glai mưtah, payar, kleh xavah ngak kaxan lor thong thoh thar. 20Êng dôm kabha nạn ngak haruk haram mưnuix urang; dok bruk ƀang ôh rao tangin ôh ngak haruk haram mưnuix urang.”
Sagar urang kamei Ka-na-an
(Mag 7:24-30)
21Mưng nan, Pô Yê-su tamư bhum dhan Ti-rơ thong Si-đôn. 22Dêh, hu tha urang kamei Ka-na-an mưng bhum nan mưrai thong iêu likau laic: “Pô lơy, anưk Đa-vit likau athur alim dahlak ngan! Anưk kamei dahlak gok ajin mưk, raƀi raƀưp lô!” 23Min Bhô ôh đôm tha boh halei. Dôm anưk xêh mưrai, neh likau Bhô laic: “Likau Bhô pađar muk nan nao thang mek, kaywa muk kưk tui gah likuk khol drei bloh pôic neh hamiêt.” 24Bhô thuuk: “Ita bihu pachai mai, ciêt kaywa di dôm pabo nao calah di bôl I-sra-ên min.” 25Min urang kamei ni mai khôi thong pathau laic: “Pô lơy, likau pajup dahlak ngan!” 26Bhô thuuk: “Mưk tapei di anưk bik bloh parah ka athau ƀang nạn kabha ôh njaup gađi.” 27Ra kamei gilaic đôm: “Pô lơy, njaup yau nan, min dôm drei athau jang bihu ƀang dôm kleh tapei rong mưng paban pô hok trun.” 28Pô Yê-su bican laic: “Hơic urang kamei dêh, hư hu sagar prong! Kabha hư cong takrư mưca bihu jiơng!” Binhêt dalam tuk nan, anưk kamei muk bihu dhit.
Pô Yê-su pajru dhit ka ralô urang
(Mag 8:1-10)
29Pô Yê-su niga libik nan, nao rah tui tathik Ga-li-lê; Bhô tagôk cơk thong dok tak nan. 30Kal nan hu tapôr mưnuix biak ralô mưrai tom Bhô, ba tui ralô urang joh, tagloh, kamlo, jar jok thong ralô urang rwak hakik pakan cek pak takai Pô Yê-su, Bhô pajru dhit ka khol nhu. 31Ywa nan ka, khol nhu biak plơng kadơng tuk ƀôh urang kamlo đôm bihu, urang jar jok bihu dhit, urang joh nao bihu, urang tagloh ƀôh bihu, thong khol nhu pôk mưyom Pô Lingik I-sra-ên.
Pô Yê-su thrơh tapei ka pāk ribau urang ƀang
(Mag 8:1-10)
32Patui di nan, Pô Yê-su iêu anưk xêh mưrai thong bican laic: “Ita ganơh anit tapôr bôl ni kaywa khol nhu krung hu dok thong Ita klau harei, urak ni ôh hu haget ƀang. Ita ôh ưng lôi ka khol nhu ba tian ơk nao thang, hôic lô klwak mưk rah jalan kaic.” 33Dôm anưk xêh pathau: “Di krưh libik bhum kamrang ni, khol drei dwah pak halei hu tal tapei ka tapôr bôl ralô drei ni ƀang?” 34Bhô tanhi dôm anưk xêh: “Khol hư hu hadôm tapei?” Khol nhu pathau: “Hu tajuh kleh tapei thong dôm ikan xit.” 35Bhô thurah ka tapôr bôl dok dala di tanưh, 36mưk tajuh kleh tapei thong hadôm ikan, đwa karun bloh pek tabiak yêr ka dôm anưk xêh piêh klah rabha takhat ka bôl bhap. 37Abih drei jang ƀang trei; dôm tapei libeh patom mai bihu tajuh habai bak. 38Thanôn mưnuix ƀang nạn pāk ribau urang, ô hakê kamei, rineh xit. 39Hadei di tuk brei ka bôl bhap nao thang, Bhô trun gilai tapa nưgar Ma-ga-đan.
Currently Selected:
Ma-thi-ơ 15: CJM2024
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.
Ma-thi-ơ 15
15
Gruk lang pato carai
(Mag 7:1-13)
1Hadei di nan, hu hadôm mưnuix Pha-ri-si thong gru pato adat mưng dhan Yê-ru-sa-lem mưrai tom Pô Yê-su thong tanhi laic: 2“Habar anưk xêh Bhô gok tanrok carai mưnuix yao, ôh rao tangin dahlau di ƀang?” 3Bhô thuuk: “Habar khol hư lijang kaywa carai drei bloh gok tanrok di vahi Pô Lingik? 4Kaywa Pô Lingik krung hu tathit pato: ‘Xang pôkja amek amư hư,’ thong ‘thei dhao thah amek amư yơ xang gok binax.’ 5Min khol hư gilaic đôm: ‘Mưyah thei đôm thong amek amư laic: Dôm haget hu mưda pajup amek amư, dahlak krung hu limah ka Pô Lingik bloh, yơ urang nan ôh hajat xang pôkja amek amư.’#15:5 amek amư: Dalam tha thanôn blah vak tangin nạn amư. 6Yau nan, kaywa di carai drei, khol hư krung hu klāk tapa panôic#15:6 panôic: Dalam tha thanôn blah vak tangin nạn hakum jakar; Dalam tha thanôn blah vak tangin pakan nạn gon. Pô Lingik. 7Hơic dôm ra jalan adat baniai! Ê-sai biak njaup kal đôm hôr ka khol hư:
8‘Bôl ni mưk caƀôi pabah pôkja Ita;
Min tian khol nhu biak atah di Ita lô.
9Bruk khol nhu bhuktik Ita nạn ôh hu hanim,
Katika khol nhu pato ciêt nạn dôm adat caƀat mưrôxak.’”
Dôm kabha ngak ka mưnuix gok haruk haram
(Mag 7:14-23)
10Hadei di nan, Bhô iêu bôl bhap mưrai thong bican: “Xang pang thong dul: 11Ôh njaup kaya haget tamư pabah ngak ka mưnuix haruk haram; min kabha haget tabiak mưng pabah, kabha nan mưng ngak haruk haram mưnuix.” 12Hadei di nan dôm anưk xêh mưrai pathau thong Bhô: “Gru hu thau dôm urang Pha-ri-si rwak hatai tuk pang panôic ni halei thoh?” 13Bhô thuuk: “Phun halei Amư Ita ngok thôr riga ôh pala yơ xang buic mek. 14#Lu 6:39.Kưk lôi khol nhu mek, khol nhu nạn dôm ra tagloh ba jalan [ra tagloh]#15:14 [ra tagloh]: Dalam tha thanôn blah vak tangin ôh hu dôm akhar ni.. Mưyah ra tagloh dui mưnuix tagloh, yơ abih dwa jang jalơh trun gôk.” 15Phi-e-rơ pathau laic: “Likau di Bhô lang yah arkatê nan ka khol dahlak.” 16Pô Yê-su tanhi: “Khol hư jang ôh thau ô? 17Khol hư thau laic kaya haget tamư pabah mưca tamư dalam tung bloh gok klāk tabiak lingiu ô? 18#Mat 12:34.Min dôm haget mưng pabah tabiak jang mai mưng dalam tung tian, dôm kabha nan mưng ngak haruk haram mưnuix urang. 19Kaywa mưng dalam tung tian pajiơng tabiak dôm thangka jhak, pamưtai mưnuix, ƀang glai mưtah, payar, kleh xavah ngak kaxan lor thong thoh thar. 20Êng dôm kabha nạn ngak haruk haram mưnuix urang; dok bruk ƀang ôh rao tangin ôh ngak haruk haram mưnuix urang.”
Sagar urang kamei Ka-na-an
(Mag 7:24-30)
21Mưng nan, Pô Yê-su tamư bhum dhan Ti-rơ thong Si-đôn. 22Dêh, hu tha urang kamei Ka-na-an mưng bhum nan mưrai thong iêu likau laic: “Pô lơy, anưk Đa-vit likau athur alim dahlak ngan! Anưk kamei dahlak gok ajin mưk, raƀi raƀưp lô!” 23Min Bhô ôh đôm tha boh halei. Dôm anưk xêh mưrai, neh likau Bhô laic: “Likau Bhô pađar muk nan nao thang mek, kaywa muk kưk tui gah likuk khol drei bloh pôic neh hamiêt.” 24Bhô thuuk: “Ita bihu pachai mai, ciêt kaywa di dôm pabo nao calah di bôl I-sra-ên min.” 25Min urang kamei ni mai khôi thong pathau laic: “Pô lơy, likau pajup dahlak ngan!” 26Bhô thuuk: “Mưk tapei di anưk bik bloh parah ka athau ƀang nạn kabha ôh njaup gađi.” 27Ra kamei gilaic đôm: “Pô lơy, njaup yau nan, min dôm drei athau jang bihu ƀang dôm kleh tapei rong mưng paban pô hok trun.” 28Pô Yê-su bican laic: “Hơic urang kamei dêh, hư hu sagar prong! Kabha hư cong takrư mưca bihu jiơng!” Binhêt dalam tuk nan, anưk kamei muk bihu dhit.
Pô Yê-su pajru dhit ka ralô urang
(Mag 8:1-10)
29Pô Yê-su niga libik nan, nao rah tui tathik Ga-li-lê; Bhô tagôk cơk thong dok tak nan. 30Kal nan hu tapôr mưnuix biak ralô mưrai tom Bhô, ba tui ralô urang joh, tagloh, kamlo, jar jok thong ralô urang rwak hakik pakan cek pak takai Pô Yê-su, Bhô pajru dhit ka khol nhu. 31Ywa nan ka, khol nhu biak plơng kadơng tuk ƀôh urang kamlo đôm bihu, urang jar jok bihu dhit, urang joh nao bihu, urang tagloh ƀôh bihu, thong khol nhu pôk mưyom Pô Lingik I-sra-ên.
Pô Yê-su thrơh tapei ka pāk ribau urang ƀang
(Mag 8:1-10)
32Patui di nan, Pô Yê-su iêu anưk xêh mưrai thong bican laic: “Ita ganơh anit tapôr bôl ni kaywa khol nhu krung hu dok thong Ita klau harei, urak ni ôh hu haget ƀang. Ita ôh ưng lôi ka khol nhu ba tian ơk nao thang, hôic lô klwak mưk rah jalan kaic.” 33Dôm anưk xêh pathau: “Di krưh libik bhum kamrang ni, khol drei dwah pak halei hu tal tapei ka tapôr bôl ralô drei ni ƀang?” 34Bhô tanhi dôm anưk xêh: “Khol hư hu hadôm tapei?” Khol nhu pathau: “Hu tajuh kleh tapei thong dôm ikan xit.” 35Bhô thurah ka tapôr bôl dok dala di tanưh, 36mưk tajuh kleh tapei thong hadôm ikan, đwa karun bloh pek tabiak yêr ka dôm anưk xêh piêh klah rabha takhat ka bôl bhap. 37Abih drei jang ƀang trei; dôm tapei libeh patom mai bihu tajuh habai bak. 38Thanôn mưnuix ƀang nạn pāk ribau urang, ô hakê kamei, rineh xit. 39Hadei di tuk brei ka bôl bhap nao thang, Bhô trun gilai tapa nưgar Ma-ga-đan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Bible Society Vietnam. All rights reserved.