Mothi 8
8
Kuriya kaphajak kaisa hamkha
(Mark 1:40-45; Luk 5:12-16)
1Jisu jephuo hapongni akhogwi phaikha ephuo alok borog Bini ukhum ukhum phailaikha. 2O joragw kuriya kaphajak kaisa phaywi Bwnw khulumwi sakha, "Subrai, Nwng naikhalai anw hamrwmanw."
3Jisu Bini yakbai bwnw rumwi sakha, "Angbw obwnw nayw, nwng hamthwk." Tei ephuo loge loge o borogsani kuriya hamwi thangkha. 4Jisu bwnw sakha, "Naidi, kaisanwbw i koknw tasadi. Matwr chontaini orw thangwi saknw phunukdi, arw Mosi jeba tholjak#8:4 Mosi jeba tholjak Dali usrinai lagwi Mosini tholmwng. Lebiyo 14: 21-22 obwni kosol usridi. Obwbai borogrokni orw sijaknw nwng gam ongjak hinwi."
Kaisa sengkrakni selengnw Jisu hamrwkha
(Luk 7:1-10)
5Jisu jephuo Kophornahumw philwi thangka ephuo Romiyoni kaisa rasa sengkhrok Bini orw phaywi hayogwi sakha, 6"Subrai, Ani seleng nokni thuyamw kalaiywi tongjak. Bw boya ongwi bari tekto mandok."
7Jisu bwnw sakha, "Ang thangwi bwnw gam khalainw."
8O rasa sengkhrok Jisunw sakha, "Subrai, anglai chukya, je Nwng ani nuo phaitai. Nwng keber bukhokbai sadi, obwbai ani seleng gam ongnai. 9Ang i koknw siyw twmwi hinba angbw beni kokni maping macholeo tei sengkrak rokbw ani kokni maping macholeo. Ang kaisanw 'Thangdi' hingkhalai bw thangw, Arw kothe kaisanw 'Phaidi' hingkhalai bw phayw. Ang ani selengnw 'Ibwnw khalaidi' hinkhalai bw obwnw khalayw."
10Jisu i koknw khanagwi amok chakha arw jebwrok Bini ukhum ukhum thangdok boknw sakha, "Ani kok khanadi, Israyeliyo rokni bisingw Ang kaisani daywbw imwtwijar paitokma nungjiyakho. 11Khanadi, kabangma Bejihudi salkabaini salthangbaini phaywi chukhna hao Abraham, Isohak tei Jakob#8:11 Abraham, Isohak tei Jakob Bok ongkha Jihudirokni hodaipiri. Bokni bisingtwi Jihudi dopha chengjajak.bai baksa chalaini achuklainw. 12Matwr kabangma Jihudi jebwrokni bagwi Kaitor chukhna ha jugaljak bok orw matongalak. Kaitor boknw phatarni andarw khibiywi rwnai, bok orw tentrokmabai karapnai tei bua bai bua oalwi tongnai."
13Jerw Jisu o sengkhroknw sakha, "Nwng thangdi. Nwng jebwtwijar paitokkha obwtwijar ongthwk." O jorao loge loge bini seleng gam ongkha.
Jisu kabangma borogroknw hamrwkha
(Mark 1:29-34; Luk 4:38-41; 9:57-62)
14Obwni jerw Jisu Pitorni nogw thangwi nungkha, Pitorni bakrajwk lumjak arw bw thuyamw rokogwi tongjak. 15Jerw Jisu Pitorni bakrajwkni yak sakao yak tonhalai bini kulum haraywi thangkha. Ephuo bw bachagwi Jisuni bagwi chamwng jugalni nangkha.
16Sal thangkhalai borogrok chaya phala manjajak kabangma borogroknw Jisuni dayw twbwgwi phaika. Tei ephuo Jisu bukhokni kokbai chaya phalaroknw rwkhalaikha tei jebwrok haya ongjak bok jothonw Bw hamrwkha. 17Imwrok ongkha diyari Jisayoni bisingtwi sanai i kok sohknaitwi:
"Bw chini jotho hayanw tisagwi lakha,
Arw chini biyaramnw kachalw khibiywi hokha."
Jisuni ulsrwngnairok
18Jisu Bini korekara kabangma borog nungwi Bini sagriroknw sakha, "Himdi chwng rungw kagwi twithuni uijang narw thangnw." 19Matwr bok thangyakho suni kerong phwrangsa kaisa aiphuo Jisuni orw phaywi sakha, "Elim, Nwng jedayw thang angbw Nwngbai baksa odayw thangnai."
20Jisu bwnw sakha, "Khekuani hakor tongw arw toksarokni bothol tongw, matwr Borogni Sajlani bokhorok tonni jega hoda kwrwi."
21Arw kaisa borog jebw Jisuni sagri ongni nai bw phaywi Bwnw sakha, "Elim, anw sakang ani aphanw phubwi phaini ongmiti rwdi."
22Jisu bwnw sakha, "Nwng tabok Ani logeo phaidi, kwthwirok bokni kwthwinw phubthwk."
Jisu oatwi nobar thakrwkha
(Mark 4:35-41; Luk 8:22-25)
23Jerw Jisu rung khungsao kakha tei Bini sagrirokbw Bwbai baksa kakha. Obwni jerw bok twithu balni rumlaikha. 24Atakkiani twithugw oatwi nobar phaikha, tei phalni twi rungw habni nangkha. Matwr ephuo Jisu thudok. 25Aiphuo sagrirok Bini orw thangwi Bwnw sumchagwi sakha, "Subrai, chwnw mathangdi, chwng thwini naidok."
26Aiphuo Bw boknw sakha, "Kisasa paitoairok, nokh tamani iswk kiridok?"
Jerw Jisu bachagwi nobarbai twithunw daisa rwkha. Ephuo jotho phwrwk ongkha. 27Obwbai sagrirok amok chagwi sakha, "Imw brai jati Boroglai Bw? Nobar arw twithuni phal hoda Bini koknw khanao!"
Jisu chaya phalabai manjajakroknw hamrwkha
(Mark 5:1-20; Luk 8:26-39)
28Jephuo Jisu twithuni oijang narw Gadariyorokni amchoyo thangkha. Ephuo chaya phalabai manjajak borog kainwi mangkhor lwngni akhogwi phaikha. Bok aise kirima sincha thani kiriywi kaisabw o lamatwi thangmaya. 29Bok chirigwi sakha, "Kaitorni Sajla, chwnw nwng ta khalaini nai? Jora ongyakhosuni Nwng tama chwnw satok rwnidwi irw phai?"
30O jorao bokni kisa kachalw oak jaksa cheroklaidok. 31Chaya phalarok Jisunw hayogwi sakha, "Chwnw rwkhalaini halai oak jak dayw rwkhlaywi hodi."
32Jisu boknw sakha, "Thangdi" ephuo bok akhogwi oakni jak dayw habkha. Obwbai o oak jak hapong kamagw khalwi thangwi twithugw kalaiywi thwilaikha.
33Oak mwrwknairok khalwi aulio thangwi o ongjak koknw borogroknw sakha. O chaya phala manjajakrok tama ongjak o koknwbw sakha. 34Aiphuo aulini jotho borogrok tama ongkha naini bagwi Jisubai malaini thangka. Jephuo bok Jisuni dayw suikha, ephuo bok Bwnw kabogwi pala pala sani nangkha Nwng chini amchoinw yakarwi thangdi.
Currently Selected:
Mothi 8: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 8
8
Kuriya kaphajak kaisa hamkha
(Mark 1:40-45; Luk 5:12-16)
1Jisu jephuo hapongni akhogwi phaikha ephuo alok borog Bini ukhum ukhum phailaikha. 2O joragw kuriya kaphajak kaisa phaywi Bwnw khulumwi sakha, "Subrai, Nwng naikhalai anw hamrwmanw."
3Jisu Bini yakbai bwnw rumwi sakha, "Angbw obwnw nayw, nwng hamthwk." Tei ephuo loge loge o borogsani kuriya hamwi thangkha. 4Jisu bwnw sakha, "Naidi, kaisanwbw i koknw tasadi. Matwr chontaini orw thangwi saknw phunukdi, arw Mosi jeba tholjak#8:4 Mosi jeba tholjak Dali usrinai lagwi Mosini tholmwng. Lebiyo 14: 21-22 obwni kosol usridi. Obwbai borogrokni orw sijaknw nwng gam ongjak hinwi."
Kaisa sengkrakni selengnw Jisu hamrwkha
(Luk 7:1-10)
5Jisu jephuo Kophornahumw philwi thangka ephuo Romiyoni kaisa rasa sengkhrok Bini orw phaywi hayogwi sakha, 6"Subrai, Ani seleng nokni thuyamw kalaiywi tongjak. Bw boya ongwi bari tekto mandok."
7Jisu bwnw sakha, "Ang thangwi bwnw gam khalainw."
8O rasa sengkhrok Jisunw sakha, "Subrai, anglai chukya, je Nwng ani nuo phaitai. Nwng keber bukhokbai sadi, obwbai ani seleng gam ongnai. 9Ang i koknw siyw twmwi hinba angbw beni kokni maping macholeo tei sengkrak rokbw ani kokni maping macholeo. Ang kaisanw 'Thangdi' hingkhalai bw thangw, Arw kothe kaisanw 'Phaidi' hingkhalai bw phayw. Ang ani selengnw 'Ibwnw khalaidi' hinkhalai bw obwnw khalayw."
10Jisu i koknw khanagwi amok chakha arw jebwrok Bini ukhum ukhum thangdok boknw sakha, "Ani kok khanadi, Israyeliyo rokni bisingw Ang kaisani daywbw imwtwijar paitokma nungjiyakho. 11Khanadi, kabangma Bejihudi salkabaini salthangbaini phaywi chukhna hao Abraham, Isohak tei Jakob#8:11 Abraham, Isohak tei Jakob Bok ongkha Jihudirokni hodaipiri. Bokni bisingtwi Jihudi dopha chengjajak.bai baksa chalaini achuklainw. 12Matwr kabangma Jihudi jebwrokni bagwi Kaitor chukhna ha jugaljak bok orw matongalak. Kaitor boknw phatarni andarw khibiywi rwnai, bok orw tentrokmabai karapnai tei bua bai bua oalwi tongnai."
13Jerw Jisu o sengkhroknw sakha, "Nwng thangdi. Nwng jebwtwijar paitokkha obwtwijar ongthwk." O jorao loge loge bini seleng gam ongkha.
Jisu kabangma borogroknw hamrwkha
(Mark 1:29-34; Luk 4:38-41; 9:57-62)
14Obwni jerw Jisu Pitorni nogw thangwi nungkha, Pitorni bakrajwk lumjak arw bw thuyamw rokogwi tongjak. 15Jerw Jisu Pitorni bakrajwkni yak sakao yak tonhalai bini kulum haraywi thangkha. Ephuo bw bachagwi Jisuni bagwi chamwng jugalni nangkha.
16Sal thangkhalai borogrok chaya phala manjajak kabangma borogroknw Jisuni dayw twbwgwi phaika. Tei ephuo Jisu bukhokni kokbai chaya phalaroknw rwkhalaikha tei jebwrok haya ongjak bok jothonw Bw hamrwkha. 17Imwrok ongkha diyari Jisayoni bisingtwi sanai i kok sohknaitwi:
"Bw chini jotho hayanw tisagwi lakha,
Arw chini biyaramnw kachalw khibiywi hokha."
Jisuni ulsrwngnairok
18Jisu Bini korekara kabangma borog nungwi Bini sagriroknw sakha, "Himdi chwng rungw kagwi twithuni uijang narw thangnw." 19Matwr bok thangyakho suni kerong phwrangsa kaisa aiphuo Jisuni orw phaywi sakha, "Elim, Nwng jedayw thang angbw Nwngbai baksa odayw thangnai."
20Jisu bwnw sakha, "Khekuani hakor tongw arw toksarokni bothol tongw, matwr Borogni Sajlani bokhorok tonni jega hoda kwrwi."
21Arw kaisa borog jebw Jisuni sagri ongni nai bw phaywi Bwnw sakha, "Elim, anw sakang ani aphanw phubwi phaini ongmiti rwdi."
22Jisu bwnw sakha, "Nwng tabok Ani logeo phaidi, kwthwirok bokni kwthwinw phubthwk."
Jisu oatwi nobar thakrwkha
(Mark 4:35-41; Luk 8:22-25)
23Jerw Jisu rung khungsao kakha tei Bini sagrirokbw Bwbai baksa kakha. Obwni jerw bok twithu balni rumlaikha. 24Atakkiani twithugw oatwi nobar phaikha, tei phalni twi rungw habni nangkha. Matwr ephuo Jisu thudok. 25Aiphuo sagrirok Bini orw thangwi Bwnw sumchagwi sakha, "Subrai, chwnw mathangdi, chwng thwini naidok."
26Aiphuo Bw boknw sakha, "Kisasa paitoairok, nokh tamani iswk kiridok?"
Jerw Jisu bachagwi nobarbai twithunw daisa rwkha. Ephuo jotho phwrwk ongkha. 27Obwbai sagrirok amok chagwi sakha, "Imw brai jati Boroglai Bw? Nobar arw twithuni phal hoda Bini koknw khanao!"
Jisu chaya phalabai manjajakroknw hamrwkha
(Mark 5:1-20; Luk 8:26-39)
28Jephuo Jisu twithuni oijang narw Gadariyorokni amchoyo thangkha. Ephuo chaya phalabai manjajak borog kainwi mangkhor lwngni akhogwi phaikha. Bok aise kirima sincha thani kiriywi kaisabw o lamatwi thangmaya. 29Bok chirigwi sakha, "Kaitorni Sajla, chwnw nwng ta khalaini nai? Jora ongyakhosuni Nwng tama chwnw satok rwnidwi irw phai?"
30O jorao bokni kisa kachalw oak jaksa cheroklaidok. 31Chaya phalarok Jisunw hayogwi sakha, "Chwnw rwkhalaini halai oak jak dayw rwkhlaywi hodi."
32Jisu boknw sakha, "Thangdi" ephuo bok akhogwi oakni jak dayw habkha. Obwbai o oak jak hapong kamagw khalwi thangwi twithugw kalaiywi thwilaikha.
33Oak mwrwknairok khalwi aulio thangwi o ongjak koknw borogroknw sakha. O chaya phala manjajakrok tama ongjak o koknwbw sakha. 34Aiphuo aulini jotho borogrok tama ongkha naini bagwi Jisubai malaini thangka. Jephuo bok Jisuni dayw suikha, ephuo bok Bwnw kabogwi pala pala sani nangkha Nwng chini amchoinw yakarwi thangdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh