Mothi 9
9
Jisu boya kaisanw hamrwkha
(Mark 2:1-12; Luk 5:17-26)
1Jerw Jisu rungw kagwi Bini sakni auli Kophornahumw philwi phaikha. 2Aiphuo atakkiya khalaywi borogrok thuyamw kalaiywi tonjak kaisa boyanw Bini orw twbwi phaikha. Ow borogrokni paitokmanw nungwi Jisu boyasanw sakha, "Ta oanadi. Nini sumsoknw nakarwi rwkha." 3Obwbai kainwi kaitham raida phwrangsa bakha bakhabai sani nangkha, "I borogsa Kaitornw seja khalaidok."
4Jisu bokni oansokmanw siywi sakha, "Nokh bakha bakhabai tani chaya bakha kadok? 5Bwbwnw sani kalaisa, 'Nini sumsok nakarjakha,' dwi na 'nwng bachagwi himwi beredi?' 6Matwr nokh simannatwi i hayungw sumsok nakarnai bagri keber borogni Sajlanise tongw" imwnw sagwi bw o boyanw sakha, "Bachadi, nini thuyamnw ladi tei nogw thangdi."
7Aiphuo bw bachagwi nogw philwi thangkha. 8Borogrok o tolpinw nungwi amok chalaikha, arw Kaitor borogroknw araijar phranba rwjak hinwi Kaitorni lobni nangkha.
Subrai Jisu Mothinw Bini sagri banaikha
(Mark 2:13-17; Luk 5:27-32)
9Jerw Jisu jephuo odaini thangdok aiphuo Mothi hinwi ol kholua kaisanw lama kandao ol kholnai nogw achugwi ol kholmani nungkha. Jisu bwnw sakha, "Phaidi, Ani sagri ongphaidi." Mothi aiphuo bachagwi bwbai baksa thangkha. 10Obwni jerw Jisu Mothini nogw chani achukha. Ephuo orw kabangma ol kholuarok tei sumsok gnangrok phaywi Jisu arw Bini sagrirokbai baksa chani achukha. 11Obwnw nungwi Phorisirok Jisuni sagriroknw sakha, "Nokhni elim ol kholuarokbai arw chaya borogrokbai baksa tani chalai nwnglai ong?" 12I koknw khanagwi Jisu sakha, "Gamrokni bagwi daktwr nangya, matwr hayarokni bagwise nangw. 13Kaitor sao 'Ang khakhammase naini nayw, sadoan daliya#9:13 Ang khakhammase naini nayw, sadoan daliya Hoseyo 6:6' kathar elembagw i kokni sema ta, obwnw thangwi rutubwi kare. Ang raidia roknw ringni phaijiya, matwr sumsok ganang roknwse ringni phayw."
Okbar lagwi phwrwngma
(Mark 2:18-22; Luk 5:33-39)
14Salsa Johonni sagrirok Jisuni orw phaywi sakha, "Chwng arw Phorisirok iswk okbar tongw, matwr Nini sagrirok tamani bagwi okbar tongya?" 15Jisu boknw sakha, "Chamwrwi tongwi tama chamwrwini logisongrok dugu phunokmanw? Matwr imwtwijar jo phainw jephuo chamwrwinw bokni daini tilangwi thangnw. Aiphuo bok okbar tongnai.
16Kaisabw kubai kachamni kapalagw katal rini tali thapya, twmwi hinba jerw o kacham ri daini katal tali kichigw omobai aguni kapalaba arwse gara ongw. 17Kacham mwikurni thoilagw kaisabw katal oamtwi bwtwi tonya. Tonkhalai thoila swtwnjaknw tei kichiywi o bwtwi kalaywi thanw arw thoilabw piyagwi painw. Borog katal thoilaose katal uamtwi bwtwi tonw, obwbai kwrwngnwibw gam ongwi tongw."
Jisu kaisa kwthwi birokbasanw thangrwkha tei kaisa haya birokmanw ham rwkha
(Mark 5:21-43; Luk 8:40-56)
18Jisu borogroknw jephuo o kokroknw sadok aiphuo kaisa Jihudi raida oja Bini orw phaika arw Bwnw khulumwi sakha, "Ani basa birok tabokse thwio. Matwr nwng phaywi bini sakao yak tonhalai, bw thangwi kasanw." 19Aiphuo Jisu arw Bini sagrirok bachagwi bwbai baksa thangkha.
20O jorago Jisuni ukhumw kaisa birokma phaywi Bini gaduni kandagw rumkha. O birokma chinwi sal jora ri thwi sunai biyaramw bugidok. 21Bw bakha bakha bai oansokkha ang jwtini Bini kanchumbai kisasa rumhalai gam ongnw. 22Jisu philwi bwnw nungwi sakha, "Ta kiridi. Twmwi hinba Nwng paitokha hinwi nwng gam ongkha." Aiphuni jora o birima hamkha. 23Jerw Jisu o Jihudi ojani nogw thangkha. Odayw Bw nungkha, kwthwini bagwi sumur subnairok tongw arw borogrok hwi hai onglaidok. 24Aiphuo Jisu sakha, "Jotho phatarw thangdi. Birok basa thwijiya, matwr bw thuse thudok." I koknw khanawi bok Jisunw lagwi minilaini nangkha. 25Borogroknw akhorogwi paikhlai Bw bisingw thangwi o birokbasani yak rumkha. Obwbai o birok basa bachagwi achukha. 26I tolpini kok o jilani jotho jegao pwlwngkha.
Jisu kana kainwinw hamrwkha
27Jisu jephuni o jeganw yakarwi thangdok aiphuo kana kainwi Bini ukhum ukhum thangka. Bok chirigwi sani nangkha. "Dayudni bosongcheng, chwnw khairokdi." 28Jerw Jisu noksingw habwi paikhlai o kanarok Bini dayw phaikha. Aiphuo Bw boknw swngkha, "Nokh tama paitogw, Ang nokhnw hamrwmannw hinwi?" Bok sakha, "Owk subrai, chwng paitogw." 29Bw bokni mokol rumwi sakha, "Nokh jekhalaywi paitokjak nokhni obwtwijar ongthwk." 30Aiphuo loge loge bok mokol nungkha. Jisu boknw khw mwitw khalaywi sakha, "Naidi! Kaisabw ikoknw siyatwi." 31Matwr bok phatarw thangwi o amchoini jotho jegao Bini koknw plwngrwkha.
Jisu boba kaisanw hamrwkha
32O kainwi borog jephuo thangdok, aiphuo borogrok chaya phala manjajak kaisa bobanw Jisuni dayw twbwgwi phaikha. 33Jisu o chaya phalanw akhorwgwi hokha. Jerw o bobasa kok samakha. Obwbai jotho amok chagwi sakha, "Israyel hao imwtwijar oaisabw nungjajiya."
34Aiphuo Phorisirok sakha, "Bw chaya phalani bugrani chubamwngbaise chaya phala hogw."
Borogni bagwi Subrai Jisuni khakhamma
35Jisu auli auli arw kami kamio thangni nangkha, Bw Jihudini jatejar surinai nogw phwrwngni nangkha tei chukhna hani kothomanw pirni nangkha. Arw Bw borogroknw jotho biyaramni hamrwkha. 36Borog meche meche ongmani nungwi Jisu boknw khakhamkha, twmwi hinba bok nophang kwrwi merarokni kosol lengjak tei kha khamchacha ongjak. 37Aiphuo Jisu Bini sagriroknw sakha, "Thaichlwi alok matwr samung tangnai borog kisa. 38Okwithani thaichlwini nophangnw hayokdi jate bw thaichlwi rani bagwi borog honaitwi."
Currently Selected:
Mothi 9: TPE
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh
Mothi 9
9
Jisu boya kaisanw hamrwkha
(Mark 2:1-12; Luk 5:17-26)
1Jerw Jisu rungw kagwi Bini sakni auli Kophornahumw philwi phaikha. 2Aiphuo atakkiya khalaywi borogrok thuyamw kalaiywi tonjak kaisa boyanw Bini orw twbwi phaikha. Ow borogrokni paitokmanw nungwi Jisu boyasanw sakha, "Ta oanadi. Nini sumsoknw nakarwi rwkha." 3Obwbai kainwi kaitham raida phwrangsa bakha bakhabai sani nangkha, "I borogsa Kaitornw seja khalaidok."
4Jisu bokni oansokmanw siywi sakha, "Nokh bakha bakhabai tani chaya bakha kadok? 5Bwbwnw sani kalaisa, 'Nini sumsok nakarjakha,' dwi na 'nwng bachagwi himwi beredi?' 6Matwr nokh simannatwi i hayungw sumsok nakarnai bagri keber borogni Sajlanise tongw" imwnw sagwi bw o boyanw sakha, "Bachadi, nini thuyamnw ladi tei nogw thangdi."
7Aiphuo bw bachagwi nogw philwi thangkha. 8Borogrok o tolpinw nungwi amok chalaikha, arw Kaitor borogroknw araijar phranba rwjak hinwi Kaitorni lobni nangkha.
Subrai Jisu Mothinw Bini sagri banaikha
(Mark 2:13-17; Luk 5:27-32)
9Jerw Jisu jephuo odaini thangdok aiphuo Mothi hinwi ol kholua kaisanw lama kandao ol kholnai nogw achugwi ol kholmani nungkha. Jisu bwnw sakha, "Phaidi, Ani sagri ongphaidi." Mothi aiphuo bachagwi bwbai baksa thangkha. 10Obwni jerw Jisu Mothini nogw chani achukha. Ephuo orw kabangma ol kholuarok tei sumsok gnangrok phaywi Jisu arw Bini sagrirokbai baksa chani achukha. 11Obwnw nungwi Phorisirok Jisuni sagriroknw sakha, "Nokhni elim ol kholuarokbai arw chaya borogrokbai baksa tani chalai nwnglai ong?" 12I koknw khanagwi Jisu sakha, "Gamrokni bagwi daktwr nangya, matwr hayarokni bagwise nangw. 13Kaitor sao 'Ang khakhammase naini nayw, sadoan daliya#9:13 Ang khakhammase naini nayw, sadoan daliya Hoseyo 6:6' kathar elembagw i kokni sema ta, obwnw thangwi rutubwi kare. Ang raidia roknw ringni phaijiya, matwr sumsok ganang roknwse ringni phayw."
Okbar lagwi phwrwngma
(Mark 2:18-22; Luk 5:33-39)
14Salsa Johonni sagrirok Jisuni orw phaywi sakha, "Chwng arw Phorisirok iswk okbar tongw, matwr Nini sagrirok tamani bagwi okbar tongya?" 15Jisu boknw sakha, "Chamwrwi tongwi tama chamwrwini logisongrok dugu phunokmanw? Matwr imwtwijar jo phainw jephuo chamwrwinw bokni daini tilangwi thangnw. Aiphuo bok okbar tongnai.
16Kaisabw kubai kachamni kapalagw katal rini tali thapya, twmwi hinba jerw o kacham ri daini katal tali kichigw omobai aguni kapalaba arwse gara ongw. 17Kacham mwikurni thoilagw kaisabw katal oamtwi bwtwi tonya. Tonkhalai thoila swtwnjaknw tei kichiywi o bwtwi kalaywi thanw arw thoilabw piyagwi painw. Borog katal thoilaose katal uamtwi bwtwi tonw, obwbai kwrwngnwibw gam ongwi tongw."
Jisu kaisa kwthwi birokbasanw thangrwkha tei kaisa haya birokmanw ham rwkha
(Mark 5:21-43; Luk 8:40-56)
18Jisu borogroknw jephuo o kokroknw sadok aiphuo kaisa Jihudi raida oja Bini orw phaika arw Bwnw khulumwi sakha, "Ani basa birok tabokse thwio. Matwr nwng phaywi bini sakao yak tonhalai, bw thangwi kasanw." 19Aiphuo Jisu arw Bini sagrirok bachagwi bwbai baksa thangkha.
20O jorago Jisuni ukhumw kaisa birokma phaywi Bini gaduni kandagw rumkha. O birokma chinwi sal jora ri thwi sunai biyaramw bugidok. 21Bw bakha bakha bai oansokkha ang jwtini Bini kanchumbai kisasa rumhalai gam ongnw. 22Jisu philwi bwnw nungwi sakha, "Ta kiridi. Twmwi hinba Nwng paitokha hinwi nwng gam ongkha." Aiphuni jora o birima hamkha. 23Jerw Jisu o Jihudi ojani nogw thangkha. Odayw Bw nungkha, kwthwini bagwi sumur subnairok tongw arw borogrok hwi hai onglaidok. 24Aiphuo Jisu sakha, "Jotho phatarw thangdi. Birok basa thwijiya, matwr bw thuse thudok." I koknw khanawi bok Jisunw lagwi minilaini nangkha. 25Borogroknw akhorogwi paikhlai Bw bisingw thangwi o birokbasani yak rumkha. Obwbai o birok basa bachagwi achukha. 26I tolpini kok o jilani jotho jegao pwlwngkha.
Jisu kana kainwinw hamrwkha
27Jisu jephuni o jeganw yakarwi thangdok aiphuo kana kainwi Bini ukhum ukhum thangka. Bok chirigwi sani nangkha. "Dayudni bosongcheng, chwnw khairokdi." 28Jerw Jisu noksingw habwi paikhlai o kanarok Bini dayw phaikha. Aiphuo Bw boknw swngkha, "Nokh tama paitogw, Ang nokhnw hamrwmannw hinwi?" Bok sakha, "Owk subrai, chwng paitogw." 29Bw bokni mokol rumwi sakha, "Nokh jekhalaywi paitokjak nokhni obwtwijar ongthwk." 30Aiphuo loge loge bok mokol nungkha. Jisu boknw khw mwitw khalaywi sakha, "Naidi! Kaisabw ikoknw siyatwi." 31Matwr bok phatarw thangwi o amchoini jotho jegao Bini koknw plwngrwkha.
Jisu boba kaisanw hamrwkha
32O kainwi borog jephuo thangdok, aiphuo borogrok chaya phala manjajak kaisa bobanw Jisuni dayw twbwgwi phaikha. 33Jisu o chaya phalanw akhorwgwi hokha. Jerw o bobasa kok samakha. Obwbai jotho amok chagwi sakha, "Israyel hao imwtwijar oaisabw nungjajiya."
34Aiphuo Phorisirok sakha, "Bw chaya phalani bugrani chubamwngbaise chaya phala hogw."
Borogni bagwi Subrai Jisuni khakhamma
35Jisu auli auli arw kami kamio thangni nangkha, Bw Jihudini jatejar surinai nogw phwrwngni nangkha tei chukhna hani kothomanw pirni nangkha. Arw Bw borogroknw jotho biyaramni hamrwkha. 36Borog meche meche ongmani nungwi Jisu boknw khakhamkha, twmwi hinba bok nophang kwrwi merarokni kosol lengjak tei kha khamchacha ongjak. 37Aiphuo Jisu Bini sagriroknw sakha, "Thaichlwi alok matwr samung tangnai borog kisa. 38Okwithani thaichlwini nophangnw hayokdi jate bw thaichlwi rani bagwi borog honaitwi."
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2025 Bible Students Fellowship of Bangladesh