လုကာ 7
7
အခန် (၇)
တပ်ပဒူ တယွမ်အန်
(မဿဲ ၈:၅-၁၃)
1ကိုယ်တော်ယေရှုအွယ့် ထွိုင်ဟိုစွမ့်ဖီ လူထုပရိသတ်ဖုန်းထွို့ ကြွာ့လေ ကပေရနောင်ဝိန်းကု။ 2ဝိန်းအွယ့်ဝိန်းကုကအိုဒါ ရောမတပ်ပဒူ#7:2တပ်ပဒူ ကအုပ်ချုပ်ဘာဒါ တပ်စာအပလားအယား အပလားဆောင့်အွယ့် အာကဟွမ့်ခိုထွို့ အာကွိုဘာယွမ်တွို့ဒါ စွမ်းစေအွယ့်ပလားအွယ့် အိုစာ့တာထွို့ အိုကွင်စီ့လိထွို့တာ။ 3တပ်ပဒူအွယ့်ပလားအွယ့် ထွိုင်ဟွမ့်သိ ကိုယ်တော်ယေရှုစတင်းခါ့ အာကြွ့လေ ဂျူးပလူးမျိုဆက်ဒူဝါဒူစာ အဟန်ဟန် ကိုယ်တော်ဆောင့်ထွို့ အန်ချန်ပင်းဖီ ဖီကလေကုခရွိုင်ဖီ အာစွမ်းစေတာ။ 4ပလူးအွယ့်ဟိုအွယ့်လဲ့ လေးလိုကာ ကိုယ်တော်ဆောင့်ထွို့ “တပ်ပဒူဒွိုးပလားဒွို ပျန့်တို ပလူးခံစာထွိုက် ကိုယ်တော်တကူညီစာတို။ 5ကွက်တဟနာမေဒေါင့်ဘာအွယ့် အာဒွို ရက်က့ပလူးမျိုဖုန်း အွယ့်ကြားမဲ့ ပျန့်တိုပလူး ကစူ့လှူဖီဒါ ဓမ္မာရုံအမာ့ က့တာစာတို” လျှောက်ဒင်ကာ ကိုယ်တော်နိန်းအွယ့်။
6အွယ့်ကြားမဲ့ ကိုယ်တော်အွယ့် ကြွာ့ကျိန်းတွဲ့နောင် အာကာ။ ဒေါင့်မာလဲ့ အာထွိုင်ကျိန်းတွိုဘို့ထွို့ တပ်ပဒူအွယ့်ပလားယွမ်ဆောင့်ခါ့ တပ်ပဒူအွယ့် အန်ကြွ့လေး အာဖောဝ်ဖုန်းအဟန်ဟန်ထွို့ “ဗွယ်၊ ဗွယ်အီကြွာ့လေး ငါးယွမ်ကုတာ လီထွိုက်တန်ဟနောင်ငါး အွယ့်ကြားမဲ့ ခံခုဲင်တာထွို့ ကျန်ကြွာ့လေးမာ။ 7ထွို့ဒါ့မဲ့ ငါးဒွိုလဲ့ အီလေခွယ်တွို ဗွယ်ဆောင့်တာလဲ့ လီခံချွော်ထွိုက်ဟ။ ဗွယ်မေမိန့်လင်းငါမထွို့ ငါးစွမ်းစေဒွို အီပြန်ခရွိုင်ဆန်ချာဒါ့တို။ 8ဗွမ့်နောင် ငါးနန်တိုးဒွိုလဲ့ အိုအိုတို အရာအိုခမ်လွို့စာ ကျွော့်ခမ်လားကုထွို့ ငါးကျွော့်ခလားကုဒွိုလဲ့ တပ်စာဖုန်း အိုဟေတန်။ ငါးမေမိန့် ကျေ့စာအပလား ‘စွာ့လုဲင်’ လဲ့ အာစွာ့ဘာထွို့ ငါးမေမိန့် ‘လေးလုဲင်’ လဲ့ အာလေးဘာ။ ငါးမေဒေါင့် ငါးစွမ်းဖုန်း ‘မိုးဒွိုးဘာလုဲင်’ အွယ့် အာကာမိုးကာဘာ” အန်ချန့်လျှောက်ဒင်နိန်းအွယ်။
9ကိုယ်တော်ထွိုင်ဟွမ့် ငိုအွယ့်ဘာထွို့ အိုဟွမ့်ဆန်တာထွို့မဲ့ ခွယ်ဟွိုင့် ပလူးကပါတွဲ့လေးဒါ ကန်စာ့စာဖုန်းထွို့ “ငါးအီဒေါင့်နားက့ဒွို။ အစ္စရေးပလူးမျိုကုဒွို ငါးခသျှီဖိုကောင်း ပလူးတယွမ်အန်ဒူတျာဒွိုးပလားစာ” မိန့်နိန်းအွယ့်။ 10တပ်ပဒူ ကအန်ကြွ့လေးဒါ ပလူးဖုန်းအွယ့်လဲ့ ထွိုင်ကျိန်းတွိုလိုကာယွမ်ကုခါ့ သျှီလိုကာဘာ စွမ်းစေအွယ့်ပလား အိုခရွိုင်လိထွို့တိုတာ။
မိုးမွမ့်ဖီချာဒါ့ မယ်မုဲင်မွော်အပလား ဖုခုဆက်
11အခိန်းထွိုင်ကြာငီးဒါ့အကျိကု ကိုယ်တော်ယေရှုအွယ့် နောင်တပည့်ဖုန်း ထွိုင်ကြွာ့လေးကာ နာဣန ကဟောင့်ဒါ ဝိန်းနိန်းအွယ့်ကုခိန်း လူထုပရိသတ်ဖုန်းအွယ့်လဲ့ တွဲ့လေးလိုကာ ကန်စာ့ကု။ 12ထွိုင်တွိုဝိန်းကန်တင်းငွာ့ကုခါ့ အီစင်ဂြိုဟ်ကာ ပလူးစီ့နန်ကုန့်အဘာတာ ပလူးအဟန်ဟန်အွယ့် ယိုးထန်လိုကာ မြိုင်ဖောင် ဝိန်းခူနောင့်ဒိုင့်။ ပလူးကစီ့စာဒွို ပျန့်တို မယ်မုဲင်မွော်ဖုခုအိုအပလားတိုးထွို့ ဝိန်းစာဖုန်းအွယ့်လဲ့ အီစင်ဂြိုဟ်တာ လေတုန်တွဲ့လိုကာ နောင်မယ်မုဲင်မွော်။ 13ကိုယ်တော်အွယ့် ထွိုင်သျှီ မယ်မုဲင်မွော် အွယ့်ပလားခါ့ သညင်ထန်ယွမ်တွို့ ထွို့မဲ့ “ကျန်ငွိုမာ” မိန့်လင်နိန်းအွယ့်။
14ထွို့မဲ့ ကိုယ်တော်အွယ့် ကြွာ့လေး ပလူးဖုန်း ကယိုးလေးဒါ မြိုင်ဖောင်ဆောင့်ထွို့ ခွိုင်းမြိုင်ဖောင် နောင်အာကျွော့် အွယ့်ကြားမဲ့ ပလူးယိုးလေး မြိုင်ဖောင်စာဖုန်းအွယ့်လဲ့ အိုထွိုင်ဖီကာထွို့ ကိုယ်တော်အွယ့် “ပခုပီ၊ ငါးအီဒေါင့်နားဒွို။ ထွိုင်လုဲင်” မိန့်နိန်းအွယ့်။ 15အွယ့်ခါ့ ပလူးကအိုစီ့ဒါစာအွယ့် ဆက်ပြန်မွမ့်ချာဒါ့တွို့ အလိုင်ချင်ထွို့ ထွိုင်အိုနင်းတာထွို့မဲ့ တေဒေါင့်ထန်ငို။ ကိုယ်တော်အွယ့်လဲ့ ပြန်အပ်ချာဒါ့ အာအမွိုဆောင့်။
16ပလူးကားကအိုဖုန်းအွယ့်လဲ့ ဟွမ့်ဆန်စကန်လိုကာထွို့ “က့ကုဒွို ကဒူမြတ်ဒါ အရိယာဆူတော်ကောင်အပါး ပိုထန်လိထွို့။ ဗွယ်ဖရာဒွို အီကယ်ဆယ်က့တာ ကြွ့ာလေလိထွို့” အန်ဖရာလိုကာ ဗွယ်ဖရာ နိန်းအွယ့်။ 17စတင်း ဆိုင်နောင် ကိုယ်တော်ဒွိုလဲ့ ကျွက်ကျက်လေတွို့ ယုဒကန်အကန်အာ့နောင် ဒေသရပ်ဘို့ကားကအိုကု။
ဒေါင့်မိန့် ငွုတ်သျှီ့မင်္ဂလာဆရာယောဟန် အကြောင်ခရာ
(မဿဲ ၁၁:၂-၁၉)
18ထွို့မဲ့ ငွုတ်သျှီ့မင်္ဂလာ ဆရာယောဟန်တပည့်ဖုန်းအွယ့် ထွိုင်ဒေါင့်ဟွမ့်ကာ ယောဟန် အကြောင်ခရာဒွိုးဘာကားကအိုခါ့ အာအွယ့် ဟောင့်တပည့်အန်တငြီ့ထွို့#7:18 တာပျန့်ထန်ဒါနိန်းဒွိုးခိန်းဒီ့ ယောဟန်ဒွို အိုတိုထောင်ကုခိန်းဟနေ။ 19“ကိုယ်တော်ဒွို ပျန့်တို ဗွယ်အိုဒေါင့်စေးကန်းဒါ အီကြွာ့လေး ဒီ့ပလားနောဝ် မေဟလဲ့ က့အီအိုပွိုင်းဘာထိုင်ဒါ့ ဒါ့လငါ့ပလားနောဝ်” ဖီကတစီ့လျှောက်နိန်းအွယ့်တာထွို့ အန်ကြွ့လေး ကိုယ်တော်ဆောင့်။
20ပလူးအွယ့်ဟိုလဲ့ ထွိုင်တွိုလေးကာ ကိုယ်တော်ယေရှုဆောင့်ခါ့ “ငွုတ်သျှီ့မင်္ဂလာဆရာယောဟန်ဒွို အန်ကြွ့လေးက့ ကိုယ်တော်ဆောင့်ထွို့ ‘ကိုယ်တော်ဒွို ပျန့်တို ဗွယ်အိုဒေါင့်စေးကန်းဒါ အီကြွာ့လေး ဒီ့ပလားနောဝ် မေဟလဲ့ က့အီအိုပွိုင်းဘာထိုင်ဒါ့ ဒါ့လငါ့အပလားနောဝ်’ အန်ချန့်တစီ့ လျှောက်နိန်းအွယ့်” လျှောက်ဒင်ကာ ကိုယ်တော်နိန်းအွယ့်။
21အွယ့်ခိန်းဒီ့ ကိုယ်တော်ယေရှုအွယ့် အိုမိုးခရွိုင်ဖီ ပလူးအိုစာ့တာစာဖုန်းထွို့ ဝါစွာ့ထန်ဖီကေ့ မိစ္ဆာတလီခိုဟဖုန်း ပလူးခံဘာ မိစ္ဆာတလီခိုဟ အိုပူစာဆောင့်ကုထွို့ ကာဟ အိုမိုးဖီပါဒါ့ ပလူးမေးသျှီ့စာဖုန်းဟေတန် မေးဖီပြန်သျှီချာဒါ့။ 22ကိုယ်တော်အွယ့် “ကျိန်ဒေါင့်နေ့ချာဒါ့ ယောဟန် နားက့ကသျှီဘာ ကဟွမ့်ဘာဒါ တာအားကအိုဖုန်းလုဲင်။ ပလူးမေးသျှီ့စာဖုန်း ဒွိုးခါ့ မေးပြန်သျှီချာကာလိထွို့ထွို့ ပလူးကျွော့်ခင်လီခရွိုင်ဟစာဖုန်းလဲ့ စစွာ့ကာဒါလိထွို့တာ။ နူနာရောဂါစာဖုန်းလဲ့ ရောဂါ တမာကင်ကာလိထွို့၊ နာလီဟွမ့်ဟစာလဲ့ နာပြန်ဟွမ့်ကာချာလိထွို့။ ပလူးစီ့စာဖုန်းလဲ့ ဆက်ပြန်မွမ့်ချာကာလိထွို့။ ပလူးဆင်ရယ်စာဖုန်းလဲ့ ဟွမ့်ကာဘာလိထွို့ မင်္ဂလာစတင်းခို။ 23ပလူးလီအန်စောဝ်းကေ့ဟ တယွမ်အန်ငါးလောင်စာဒွို အီပျော်စွင်လိုကာဘာတာ” မိန့်ယောဟန်တပည့်ဖုန်း နိန်းအွယ့်။
24ယောဟန်တပည့်ဖုန်း ထွိုင်ကျိန်းလိုကာထွို့ ကိုယ်တော်ဟိုဒေါင့်ဖီ လူထုပရိသတ်ဖုန်း ယောဟန်ခရာဒွို “ယောဟန် အိုဖီငွုတ်သျှီ့မင်္ဂလာခိန်းတွင် နားက့ အီလေဟွိုင့်ကာ တဟနာထွို့ လေးလိုကာနွိုင့်ကန္တာရကု။ ပုန်မာ့မွိုင် အိုစယွိုးတွဲ့ဒါ ကန်ဇျီးဖုန်းဒီ့နောဝ်။ 25မေဟလဲ့ ဘသာသျှီကာ တဟနာထွို့ လေးလိုကာ။ ဘသာသျှီကာ ပလူးအိုတို့ ကွမ်လာခို ကွမ်လာဖုစာဖုန်းနောဝ်။ ပလူးအိုတို့နောင် ကန်ကျိန်းတန်ဖိုဒူထွို့ အိုခံစာနောင်တစည်စိမ်ဖုန်းနိန်းအွယ့်စာဒွို အီအိုဒါဘို့ ခွမ့်ခမ်းဟို့ကုဟို့။ 26မေဟလဲ့ သဘာသျှီပလူးနိန်းမာထွို့ လေးလိုကာ။ ဘသာသျှီ အရိယာဆူတော်ကောင်နောဝ်။ မေကျင် ဒေါင့်မာလဲ့ ငါးဘာသဒေါင့်နားက့ဒွို ယောဟန်ဒွို ပျန့်တိုပလူးဒူမြတ်လွို့ထိုင် အရိယာဆူတော်ကောင်။ 27နာလိုကာလုဲင်။ လိတ်ကျမ်ကုကတျန်စေးကန်းဒါ ဆိုင်နောင်ယောဟန်ခရာဒီ့ ‘ဗွယ်ဖရာ မိန့်စေးကန်း မေရှိယဒီ့
“ခရားအီအန်ကြွ့လင်းနား ငါးဒွို အီဖီကြွ့လေးကီ ငါးစေတမန်။
အာဒွို အီပျင်ဖီတို နားကလေ့” နိန်းအွယ့်’
28အွယ့်ကြားမဲ့ ငါးအီဒေါင့်နားက့ဒွို။ ကမ်ဖာဒွိုးဘာလောင်ဒွို လမားလဲ့ လီအန်လွူကောင်း ပလူးဒူမြတ်လွို့ထိုင်ယောဟန်။ ဒေါင့်မာလဲ့ ဗွယ်ဖရာသာသနာတော်ကု ပလူးအရေလီပါဟစွက်စာဒွိုမသဲ ပေါင်းဒူမြတ်လွို့ထိုင်ယောဟန်” မိန့်နိန်းအွယ့်။
29အွယ့်ခါ့ ကခံချွော်ထွို့လိုကာဒါ ငွုတ်သျှီ့မင်္ဂလာ ယောဟန်ဆောင့်စာ တခွမ်ကျက်စာဖုန်းလဲ့ပါပါ ပလူးကားကအိုအွယ့် ထွိုင်ဟွမ့်ဘာ ကိုယ်တော်ငိုခါ့ ဝန်ခံထိုင်လိုကာဒါ့ အကြောင်ဗွယ်ဖရာဒွို တွိုမှန်တို။ 30ဒေါင့်မာလဲ့ တွိုဖာရိရှဲဖုန်းနောင် ကျမ်ဒါဆရာဖုန်းအွယ့် လက်ခံလိုကာဟ အီခံချွော်ငွုတ်သျှီ့မင်္ဂလာ ယောဟန်ဆောင့်ထွို့ ဖီပေလိုကာကေ့ ဗွယ်ဖရာတကြံ။
တပလန်ချာလီအိုဟ မျိုဆွက်
31ထွို့မဲ့ ကိုယ်တော်ကဒေါင့်ဆွက်ဒါ့တာဒီ့ “ကပျန့်ဒါ ပလူးခေတ်ဒွိုးခါ့စာဖုန်း နားက့ဒွို အီတိုက်တွုန်ဘာနောင် တဟနာ၊ ဗွမ့်လမာ မေဒေါင့်ဘာအွယ့် 32နားက့ဒွို ဗွမ့်နောင် ပသာပီဖုန်း အိုနင်းတာ ကန်စီ့ကုထွို့
‘က့ဒုန်ဖီတာလဲ့
နားက့လီကျူဟ။
က့တချင်တလွိုးနေ့တာလဲ့
နားက့လီငွိုဟ’ အချင်ချင် အိုဒေါင့်က့လိုလေလိုကာနိန်းအွယ့်။
33ငွုတ်သျှီ့မင်္ဂလာဆရာယောဟန်ဒွို ရှောင်စာထွို့#7:33 အန်ဘို့ဝေ့သျှီ့နောင် ကျူခရီဟို့။၊ ကမွမ်းကျီ့ဒါ စပျစ်သျှီ့ဒီ့လဲ့ အို့ဟထွို့ မေစလေစွာ့တာဒွိုလဲ့ နားက့အွယ့် ‘ယောဟန်ဒွို ပျန့်ပလူး မိစ္ဆာတလီခိုဟ အိုပူစာတို’ အီဒေါင့်လိုကာနိန်းအွယ့်။ 34ထွို့ဒါ့ ပလူးဖုခုဒွို မေအန်အို့တာလဲ့ နားက့အွယ့် ‘ပလူးဒွိုးပလားဒွို ပျန့်ပလူးမက် တအန်တအို့စာထွို့ ပေါင်းဖောဝ်နောင် တခွမ်ကျက်စာဖုန်း၊ အပျက်စရိုက်လီခိုဟစာဖုန်း’ ဒေါင့်ကာလေနိန်းအွယ့်။ 35ဒေါင့်မာလဲ့ ပလူးလက်ခံတာဒွိုးဘာစာ ကားကအိုဒွို နေ့လိုကာတို ဆက်ဆေ အကြောင် ဗွယ်ဖရာဉာဏ်ပညာဒွို အိုမှန်တို ခရာဟနေ” မိန့်နိန်းအွယ့်။
ခွင်လွှတ်ဖီ ပမွော်အပျက် စရိုက်လီခိုဟဟေစာ
36ထွို့မဲ့ ဖာရိရှဲအပလားအွယ့် ပင့်လေ ကိုယ်တော်ယေရှု ဖီလေစုံ တအန်မွိုင်ဟ အာယွမ်ကုတာ။ အွယ့်ကြားမဲ့ ကိုယ်တော်အွယ့် ကြွာ့လေး ပလူးအွယ့်ပလားယွမ်ကုထွို့ အီအန်အို့တာတာ အိုနင်းတာခုံကု။ 37ဝိန်းအွယ့်ဝိန်းကုဒီ့ ပမွော် မိုးလွမ်မာ အပျက်စရိုက်လီခိုဟစာ အိုအပလား။ အာအွယ့် ဟွမ့်သိဘာ ကိုယ်တော် အိုနင်းအန်တာ ဖာရိရှဲယွမ်ကုခရာ အွယ့်ကြားမဲ့ အာကျီ့လေးနောင် နမ့်မန်ဟွမ် တန်ဖိုဒူတန်အကောင်ထွို့ လေးအွယ့်ကုပါ။ 38အာအွယ့် လေးလေ ကိုယ်တော်ကန်စာ့ကုထွို့မဲ့ အိုထွိုင်ငွိုနောင်တာထွို့ ကွက်အာမေးသျှီ့မဲ့ ကိုယ်တော်ခင် စကျိုကေ့ အွယ့်ကြားမဲ့ ဒူ့ကို့ဖီနောင်ခူစွမ်ဖုန်း အိုအာခူလောင်။ ထွို့မဲ့ နူ့ကိုယ်တော်ခင်ထွို့ ကျွော်ဖီနောင် နမ့်မန်ဟွမ်။
39အွယ့်ခါ့ ပလူးကပင့်ဒါကိုယ်တော်စာ ဖာရိရှဲအွယ့် သျှီလေအွယ့်ကြား “ပလူးဒွိုးပလားဒွို မေပျန့်ယွမ် အရိယာဆူတော်ကောင်အွယ့် အီသိတို ပမွော်ကခွိုင်းဒါအာဒွို ပျန့်ပမွော်နိန်းမာ။ ပျန့်ပမွော်လီခိုဟလဲ့ အီသိတို” အိုယူတာ သ့ကုနိန်းအွယ့်။
40ကိုယ်တော်အွယ့်လဲ့ “ရှိမုန်၊ ငါးတာအိုလူဒေါင့်နား အိုအဘာ” ထွိုင်မိန့်နိန်းအွယ့်ခါ့ ရှိမုန်အွယ့်
“ဒေါင့်လုဲင်၊ ဆရာ” ထွိုင်လျှောက်နိန်းအွယ့်ခါ့
41ကိုယ်တော်အွယ့် “ပလူးဖီငှာ ကွမ့်စာ အပလားဆောင့်အွယ့် ပလူးအန်တငြီ့ ချွော်ငှာကာကွမ့်။ အပလားကုအွယ့် ဒေနာရီ ကွမ့်ဒင်္ဂါအန်ငေယား#7:41ဒေနာရီကွမ့်ဒင်္ဂါအဗီ ဒွို ညီနောင် ပလူးခက်အန်နန်စာ တမိုး အငြီးခါ့။၊ ဒါ့အပလားအွယ့် နီအိုဒင် ဒေနာရီ ကွမ့်ဒင်္ဂါအန်ငေစီ့။ 42အာကာအွယ့် လီဆပ်ချာဒါဟ နီဗွယ်အွယ့်ကြားမဲ့ နီဗွယ်အွယ့် ထွိုင်ဒေါင့်အာကာအန်းတငြီ့ အိုလူဆပ်ချာဒွမ်း နီဖုန်းနိန်အွယ့်ခါ့ လမာဒွို အီကေဇူတင်လွို့ နီဗွယ်” တစီ့လေနိန်းအွယ့်။
43ရှိမုန်အွယ့်လဲ့ “ပလူး ပေါင်းချွော်ငှာဟေစာအွယ့်ပလား အီကေဇူတင်လွို့တို” လျှောက်ဒင်လေနိန်းအွယ့်။
ကိုယ်တော်အွယ့်လဲ့ “မှန်တို” မိန့်နိန်းအွယ့်ထွို့
44လှည့်ဟွိုင့်ချာဒါ့ ပမွော်အွယ့်ပလားဒိုင့်ထွို့ “နားသျှီနဲ့ ပမွော်ဒွိုးပလား။ ငါးကြွာ့လေး နားယွမ်ကုခါ့ နားနုဲင့် ဖီဟသျှီ့ အီကူကျီ့ ငါးခင်တာလဲ့ အာဒွို ကူဖီငါးခင်နောင် မေးသျှီ့ဖုန်းထွို့ ဒူ့ကို့ဖီနောင်အာခူစွမ်ဖုန်း။ 45ငါးကလေးခါ့ဒီ့လဲ့ နားဒွို နူ့ထွို့ကြိုစွမ်ဟငါး။ ဒေါင့်မာလဲ့ အာဒွို နူ့ငါးခင် အလိုင်ထွို့အလိုင်။ 46နားဒွို ကျွော်ဖီငါးခူ နောင်နမ့်မန်သံလွင်ထွို့ လီကြိုစွမ်ဟငါးလဲ့ တွိုအာဒွို ကျွော်ဖီငါးခင်နောင် တန်ဖိုကဒူဒါ နမ့်မန်ဟွမ်။ 47အွယ့်ကြားမဲ့ ငါးဘသာဒေါင့်နားဒွို ပမွော်ဒွိုးပလား အပျက်ဟေတန်ဖုန်း ကခံဘာဒါ ခွင်လွှတ်ဒွို ကွက်အာရက်ဟေငါ အွယ့်ကြားမဲ့ဟနေ။ ပလူးခံဘာ ခွင်လွှတ်အပျက်ဆျန်ဆျန်ဟို့စာဒွို ကွက်ရက်ဆျန်ဟို့ အွယ့်ကြားမဲ့ဟနေ” မိန့်ရှိမုန်နိန်းအွယ့်။
48ထွို့မဲ့ ကိုယ်တော်အွယ့် “ခွင်လွှတ်ဖီလိထွို့ နားအပျက်စရိုက်လီခိုဟဖုန်း ကားကအို” မိန့်ပမွော်အွယ့်ပလားနိန်းအွယ့်။
49အွယ့်ခါ့ ပလူးလငါ့ ကအိုနင်းကိုဒါနောင် ကိုယ်တော်စာဖုန်းအွယ့် “အပျက်စရိုက်လီခိုဟဖုန်းမသဲ ခွင်လွှတ်ဒါတို ကအိုဒေါင့်ဒါနိန်းအွယ့်စာဒွို ပျန့်လမာ” အာကာချင်ချင် ဒေါင့်ကျွော်လိုကာနိန်းအွယ်။
50ဒေါင့်မာလဲ့ ကိုယ်တော်ယေရှုအွယ့် “နားတယွမ်အန်ဒွို ကယ်ဆယ်ထန်ဖီ နားတို။ နားစစွ့ာငင်ငင်ချန်းတာလုဲင်” မိန့် ပမွော်အွယ့်ပလားနိန်အွယ့်။
Currently Selected:
လုကာ 7: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 7
7
အခန် (၇)
တပ်ပဒူ တယွမ်အန်
(မဿဲ ၈:၅-၁၃)
1ကိုယ်တော်ယေရှုအွယ့် ထွိုင်ဟိုစွမ့်ဖီ လူထုပရိသတ်ဖုန်းထွို့ ကြွာ့လေ ကပေရနောင်ဝိန်းကု။ 2ဝိန်းအွယ့်ဝိန်းကုကအိုဒါ ရောမတပ်ပဒူ#7:2တပ်ပဒူ ကအုပ်ချုပ်ဘာဒါ တပ်စာအပလားအယား အပလားဆောင့်အွယ့် အာကဟွမ့်ခိုထွို့ အာကွိုဘာယွမ်တွို့ဒါ စွမ်းစေအွယ့်ပလားအွယ့် အိုစာ့တာထွို့ အိုကွင်စီ့လိထွို့တာ။ 3တပ်ပဒူအွယ့်ပလားအွယ့် ထွိုင်ဟွမ့်သိ ကိုယ်တော်ယေရှုစတင်းခါ့ အာကြွ့လေ ဂျူးပလူးမျိုဆက်ဒူဝါဒူစာ အဟန်ဟန် ကိုယ်တော်ဆောင့်ထွို့ အန်ချန်ပင်းဖီ ဖီကလေကုခရွိုင်ဖီ အာစွမ်းစေတာ။ 4ပလူးအွယ့်ဟိုအွယ့်လဲ့ လေးလိုကာ ကိုယ်တော်ဆောင့်ထွို့ “တပ်ပဒူဒွိုးပလားဒွို ပျန့်တို ပလူးခံစာထွိုက် ကိုယ်တော်တကူညီစာတို။ 5ကွက်တဟနာမေဒေါင့်ဘာအွယ့် အာဒွို ရက်က့ပလူးမျိုဖုန်း အွယ့်ကြားမဲ့ ပျန့်တိုပလူး ကစူ့လှူဖီဒါ ဓမ္မာရုံအမာ့ က့တာစာတို” လျှောက်ဒင်ကာ ကိုယ်တော်နိန်းအွယ့်။
6အွယ့်ကြားမဲ့ ကိုယ်တော်အွယ့် ကြွာ့ကျိန်းတွဲ့နောင် အာကာ။ ဒေါင့်မာလဲ့ အာထွိုင်ကျိန်းတွိုဘို့ထွို့ တပ်ပဒူအွယ့်ပလားယွမ်ဆောင့်ခါ့ တပ်ပဒူအွယ့် အန်ကြွ့လေး အာဖောဝ်ဖုန်းအဟန်ဟန်ထွို့ “ဗွယ်၊ ဗွယ်အီကြွာ့လေး ငါးယွမ်ကုတာ လီထွိုက်တန်ဟနောင်ငါး အွယ့်ကြားမဲ့ ခံခုဲင်တာထွို့ ကျန်ကြွာ့လေးမာ။ 7ထွို့ဒါ့မဲ့ ငါးဒွိုလဲ့ အီလေခွယ်တွို ဗွယ်ဆောင့်တာလဲ့ လီခံချွော်ထွိုက်ဟ။ ဗွယ်မေမိန့်လင်းငါမထွို့ ငါးစွမ်းစေဒွို အီပြန်ခရွိုင်ဆန်ချာဒါ့တို။ 8ဗွမ့်နောင် ငါးနန်တိုးဒွိုလဲ့ အိုအိုတို အရာအိုခမ်လွို့စာ ကျွော့်ခမ်လားကုထွို့ ငါးကျွော့်ခလားကုဒွိုလဲ့ တပ်စာဖုန်း အိုဟေတန်။ ငါးမေမိန့် ကျေ့စာအပလား ‘စွာ့လုဲင်’ လဲ့ အာစွာ့ဘာထွို့ ငါးမေမိန့် ‘လေးလုဲင်’ လဲ့ အာလေးဘာ။ ငါးမေဒေါင့် ငါးစွမ်းဖုန်း ‘မိုးဒွိုးဘာလုဲင်’ အွယ့် အာကာမိုးကာဘာ” အန်ချန့်လျှောက်ဒင်နိန်းအွယ်။
9ကိုယ်တော်ထွိုင်ဟွမ့် ငိုအွယ့်ဘာထွို့ အိုဟွမ့်ဆန်တာထွို့မဲ့ ခွယ်ဟွိုင့် ပလူးကပါတွဲ့လေးဒါ ကန်စာ့စာဖုန်းထွို့ “ငါးအီဒေါင့်နားက့ဒွို။ အစ္စရေးပလူးမျိုကုဒွို ငါးခသျှီဖိုကောင်း ပလူးတယွမ်အန်ဒူတျာဒွိုးပလားစာ” မိန့်နိန်းအွယ့်။ 10တပ်ပဒူ ကအန်ကြွ့လေးဒါ ပလူးဖုန်းအွယ့်လဲ့ ထွိုင်ကျိန်းတွိုလိုကာယွမ်ကုခါ့ သျှီလိုကာဘာ စွမ်းစေအွယ့်ပလား အိုခရွိုင်လိထွို့တိုတာ။
မိုးမွမ့်ဖီချာဒါ့ မယ်မုဲင်မွော်အပလား ဖုခုဆက်
11အခိန်းထွိုင်ကြာငီးဒါ့အကျိကု ကိုယ်တော်ယေရှုအွယ့် နောင်တပည့်ဖုန်း ထွိုင်ကြွာ့လေးကာ နာဣန ကဟောင့်ဒါ ဝိန်းနိန်းအွယ့်ကုခိန်း လူထုပရိသတ်ဖုန်းအွယ့်လဲ့ တွဲ့လေးလိုကာ ကန်စာ့ကု။ 12ထွိုင်တွိုဝိန်းကန်တင်းငွာ့ကုခါ့ အီစင်ဂြိုဟ်ကာ ပလူးစီ့နန်ကုန့်အဘာတာ ပလူးအဟန်ဟန်အွယ့် ယိုးထန်လိုကာ မြိုင်ဖောင် ဝိန်းခူနောင့်ဒိုင့်။ ပလူးကစီ့စာဒွို ပျန့်တို မယ်မုဲင်မွော်ဖုခုအိုအပလားတိုးထွို့ ဝိန်းစာဖုန်းအွယ့်လဲ့ အီစင်ဂြိုဟ်တာ လေတုန်တွဲ့လိုကာ နောင်မယ်မုဲင်မွော်။ 13ကိုယ်တော်အွယ့် ထွိုင်သျှီ မယ်မုဲင်မွော် အွယ့်ပလားခါ့ သညင်ထန်ယွမ်တွို့ ထွို့မဲ့ “ကျန်ငွိုမာ” မိန့်လင်နိန်းအွယ့်။
14ထွို့မဲ့ ကိုယ်တော်အွယ့် ကြွာ့လေး ပလူးဖုန်း ကယိုးလေးဒါ မြိုင်ဖောင်ဆောင့်ထွို့ ခွိုင်းမြိုင်ဖောင် နောင်အာကျွော့် အွယ့်ကြားမဲ့ ပလူးယိုးလေး မြိုင်ဖောင်စာဖုန်းအွယ့်လဲ့ အိုထွိုင်ဖီကာထွို့ ကိုယ်တော်အွယ့် “ပခုပီ၊ ငါးအီဒေါင့်နားဒွို။ ထွိုင်လုဲင်” မိန့်နိန်းအွယ့်။ 15အွယ့်ခါ့ ပလူးကအိုစီ့ဒါစာအွယ့် ဆက်ပြန်မွမ့်ချာဒါ့တွို့ အလိုင်ချင်ထွို့ ထွိုင်အိုနင်းတာထွို့မဲ့ တေဒေါင့်ထန်ငို။ ကိုယ်တော်အွယ့်လဲ့ ပြန်အပ်ချာဒါ့ အာအမွိုဆောင့်။
16ပလူးကားကအိုဖုန်းအွယ့်လဲ့ ဟွမ့်ဆန်စကန်လိုကာထွို့ “က့ကုဒွို ကဒူမြတ်ဒါ အရိယာဆူတော်ကောင်အပါး ပိုထန်လိထွို့။ ဗွယ်ဖရာဒွို အီကယ်ဆယ်က့တာ ကြွ့ာလေလိထွို့” အန်ဖရာလိုကာ ဗွယ်ဖရာ နိန်းအွယ့်။ 17စတင်း ဆိုင်နောင် ကိုယ်တော်ဒွိုလဲ့ ကျွက်ကျက်လေတွို့ ယုဒကန်အကန်အာ့နောင် ဒေသရပ်ဘို့ကားကအိုကု။
ဒေါင့်မိန့် ငွုတ်သျှီ့မင်္ဂလာဆရာယောဟန် အကြောင်ခရာ
(မဿဲ ၁၁:၂-၁၉)
18ထွို့မဲ့ ငွုတ်သျှီ့မင်္ဂလာ ဆရာယောဟန်တပည့်ဖုန်းအွယ့် ထွိုင်ဒေါင့်ဟွမ့်ကာ ယောဟန် အကြောင်ခရာဒွိုးဘာကားကအိုခါ့ အာအွယ့် ဟောင့်တပည့်အန်တငြီ့ထွို့#7:18 တာပျန့်ထန်ဒါနိန်းဒွိုးခိန်းဒီ့ ယောဟန်ဒွို အိုတိုထောင်ကုခိန်းဟနေ။ 19“ကိုယ်တော်ဒွို ပျန့်တို ဗွယ်အိုဒေါင့်စေးကန်းဒါ အီကြွာ့လေး ဒီ့ပလားနောဝ် မေဟလဲ့ က့အီအိုပွိုင်းဘာထိုင်ဒါ့ ဒါ့လငါ့ပလားနောဝ်” ဖီကတစီ့လျှောက်နိန်းအွယ့်တာထွို့ အန်ကြွ့လေး ကိုယ်တော်ဆောင့်။
20ပလူးအွယ့်ဟိုလဲ့ ထွိုင်တွိုလေးကာ ကိုယ်တော်ယေရှုဆောင့်ခါ့ “ငွုတ်သျှီ့မင်္ဂလာဆရာယောဟန်ဒွို အန်ကြွ့လေးက့ ကိုယ်တော်ဆောင့်ထွို့ ‘ကိုယ်တော်ဒွို ပျန့်တို ဗွယ်အိုဒေါင့်စေးကန်းဒါ အီကြွာ့လေး ဒီ့ပလားနောဝ် မေဟလဲ့ က့အီအိုပွိုင်းဘာထိုင်ဒါ့ ဒါ့လငါ့အပလားနောဝ်’ အန်ချန့်တစီ့ လျှောက်နိန်းအွယ့်” လျှောက်ဒင်ကာ ကိုယ်တော်နိန်းအွယ့်။
21အွယ့်ခိန်းဒီ့ ကိုယ်တော်ယေရှုအွယ့် အိုမိုးခရွိုင်ဖီ ပလူးအိုစာ့တာစာဖုန်းထွို့ ဝါစွာ့ထန်ဖီကေ့ မိစ္ဆာတလီခိုဟဖုန်း ပလူးခံဘာ မိစ္ဆာတလီခိုဟ အိုပူစာဆောင့်ကုထွို့ ကာဟ အိုမိုးဖီပါဒါ့ ပလူးမေးသျှီ့စာဖုန်းဟေတန် မေးဖီပြန်သျှီချာဒါ့။ 22ကိုယ်တော်အွယ့် “ကျိန်ဒေါင့်နေ့ချာဒါ့ ယောဟန် နားက့ကသျှီဘာ ကဟွမ့်ဘာဒါ တာအားကအိုဖုန်းလုဲင်။ ပလူးမေးသျှီ့စာဖုန်း ဒွိုးခါ့ မေးပြန်သျှီချာကာလိထွို့ထွို့ ပလူးကျွော့်ခင်လီခရွိုင်ဟစာဖုန်းလဲ့ စစွာ့ကာဒါလိထွို့တာ။ နူနာရောဂါစာဖုန်းလဲ့ ရောဂါ တမာကင်ကာလိထွို့၊ နာလီဟွမ့်ဟစာလဲ့ နာပြန်ဟွမ့်ကာချာလိထွို့။ ပလူးစီ့စာဖုန်းလဲ့ ဆက်ပြန်မွမ့်ချာကာလိထွို့။ ပလူးဆင်ရယ်စာဖုန်းလဲ့ ဟွမ့်ကာဘာလိထွို့ မင်္ဂလာစတင်းခို။ 23ပလူးလီအန်စောဝ်းကေ့ဟ တယွမ်အန်ငါးလောင်စာဒွို အီပျော်စွင်လိုကာဘာတာ” မိန့်ယောဟန်တပည့်ဖုန်း နိန်းအွယ့်။
24ယောဟန်တပည့်ဖုန်း ထွိုင်ကျိန်းလိုကာထွို့ ကိုယ်တော်ဟိုဒေါင့်ဖီ လူထုပရိသတ်ဖုန်း ယောဟန်ခရာဒွို “ယောဟန် အိုဖီငွုတ်သျှီ့မင်္ဂလာခိန်းတွင် နားက့ အီလေဟွိုင့်ကာ တဟနာထွို့ လေးလိုကာနွိုင့်ကန္တာရကု။ ပုန်မာ့မွိုင် အိုစယွိုးတွဲ့ဒါ ကန်ဇျီးဖုန်းဒီ့နောဝ်။ 25မေဟလဲ့ ဘသာသျှီကာ တဟနာထွို့ လေးလိုကာ။ ဘသာသျှီကာ ပလူးအိုတို့ ကွမ်လာခို ကွမ်လာဖုစာဖုန်းနောဝ်။ ပလူးအိုတို့နောင် ကန်ကျိန်းတန်ဖိုဒူထွို့ အိုခံစာနောင်တစည်စိမ်ဖုန်းနိန်းအွယ့်စာဒွို အီအိုဒါဘို့ ခွမ့်ခမ်းဟို့ကုဟို့။ 26မေဟလဲ့ သဘာသျှီပလူးနိန်းမာထွို့ လေးလိုကာ။ ဘသာသျှီ အရိယာဆူတော်ကောင်နောဝ်။ မေကျင် ဒေါင့်မာလဲ့ ငါးဘာသဒေါင့်နားက့ဒွို ယောဟန်ဒွို ပျန့်တိုပလူးဒူမြတ်လွို့ထိုင် အရိယာဆူတော်ကောင်။ 27နာလိုကာလုဲင်။ လိတ်ကျမ်ကုကတျန်စေးကန်းဒါ ဆိုင်နောင်ယောဟန်ခရာဒီ့ ‘ဗွယ်ဖရာ မိန့်စေးကန်း မေရှိယဒီ့
“ခရားအီအန်ကြွ့လင်းနား ငါးဒွို အီဖီကြွ့လေးကီ ငါးစေတမန်။
အာဒွို အီပျင်ဖီတို နားကလေ့” နိန်းအွယ့်’
28အွယ့်ကြားမဲ့ ငါးအီဒေါင့်နားက့ဒွို။ ကမ်ဖာဒွိုးဘာလောင်ဒွို လမားလဲ့ လီအန်လွူကောင်း ပလူးဒူမြတ်လွို့ထိုင်ယောဟန်။ ဒေါင့်မာလဲ့ ဗွယ်ဖရာသာသနာတော်ကု ပလူးအရေလီပါဟစွက်စာဒွိုမသဲ ပေါင်းဒူမြတ်လွို့ထိုင်ယောဟန်” မိန့်နိန်းအွယ့်။
29အွယ့်ခါ့ ကခံချွော်ထွို့လိုကာဒါ ငွုတ်သျှီ့မင်္ဂလာ ယောဟန်ဆောင့်စာ တခွမ်ကျက်စာဖုန်းလဲ့ပါပါ ပလူးကားကအိုအွယ့် ထွိုင်ဟွမ့်ဘာ ကိုယ်တော်ငိုခါ့ ဝန်ခံထိုင်လိုကာဒါ့ အကြောင်ဗွယ်ဖရာဒွို တွိုမှန်တို။ 30ဒေါင့်မာလဲ့ တွိုဖာရိရှဲဖုန်းနောင် ကျမ်ဒါဆရာဖုန်းအွယ့် လက်ခံလိုကာဟ အီခံချွော်ငွုတ်သျှီ့မင်္ဂလာ ယောဟန်ဆောင့်ထွို့ ဖီပေလိုကာကေ့ ဗွယ်ဖရာတကြံ။
တပလန်ချာလီအိုဟ မျိုဆွက်
31ထွို့မဲ့ ကိုယ်တော်ကဒေါင့်ဆွက်ဒါ့တာဒီ့ “ကပျန့်ဒါ ပလူးခေတ်ဒွိုးခါ့စာဖုန်း နားက့ဒွို အီတိုက်တွုန်ဘာနောင် တဟနာ၊ ဗွမ့်လမာ မေဒေါင့်ဘာအွယ့် 32နားက့ဒွို ဗွမ့်နောင် ပသာပီဖုန်း အိုနင်းတာ ကန်စီ့ကုထွို့
‘က့ဒုန်ဖီတာလဲ့
နားက့လီကျူဟ။
က့တချင်တလွိုးနေ့တာလဲ့
နားက့လီငွိုဟ’ အချင်ချင် အိုဒေါင့်က့လိုလေလိုကာနိန်းအွယ့်။
33ငွုတ်သျှီ့မင်္ဂလာဆရာယောဟန်ဒွို ရှောင်စာထွို့#7:33 အန်ဘို့ဝေ့သျှီ့နောင် ကျူခရီဟို့။၊ ကမွမ်းကျီ့ဒါ စပျစ်သျှီ့ဒီ့လဲ့ အို့ဟထွို့ မေစလေစွာ့တာဒွိုလဲ့ နားက့အွယ့် ‘ယောဟန်ဒွို ပျန့်ပလူး မိစ္ဆာတလီခိုဟ အိုပူစာတို’ အီဒေါင့်လိုကာနိန်းအွယ့်။ 34ထွို့ဒါ့ ပလူးဖုခုဒွို မေအန်အို့တာလဲ့ နားက့အွယ့် ‘ပလူးဒွိုးပလားဒွို ပျန့်ပလူးမက် တအန်တအို့စာထွို့ ပေါင်းဖောဝ်နောင် တခွမ်ကျက်စာဖုန်း၊ အပျက်စရိုက်လီခိုဟစာဖုန်း’ ဒေါင့်ကာလေနိန်းအွယ့်။ 35ဒေါင့်မာလဲ့ ပလူးလက်ခံတာဒွိုးဘာစာ ကားကအိုဒွို နေ့လိုကာတို ဆက်ဆေ အကြောင် ဗွယ်ဖရာဉာဏ်ပညာဒွို အိုမှန်တို ခရာဟနေ” မိန့်နိန်းအွယ့်။
ခွင်လွှတ်ဖီ ပမွော်အပျက် စရိုက်လီခိုဟဟေစာ
36ထွို့မဲ့ ဖာရိရှဲအပလားအွယ့် ပင့်လေ ကိုယ်တော်ယေရှု ဖီလေစုံ တအန်မွိုင်ဟ အာယွမ်ကုတာ။ အွယ့်ကြားမဲ့ ကိုယ်တော်အွယ့် ကြွာ့လေး ပလူးအွယ့်ပလားယွမ်ကုထွို့ အီအန်အို့တာတာ အိုနင်းတာခုံကု။ 37ဝိန်းအွယ့်ဝိန်းကုဒီ့ ပမွော် မိုးလွမ်မာ အပျက်စရိုက်လီခိုဟစာ အိုအပလား။ အာအွယ့် ဟွမ့်သိဘာ ကိုယ်တော် အိုနင်းအန်တာ ဖာရိရှဲယွမ်ကုခရာ အွယ့်ကြားမဲ့ အာကျီ့လေးနောင် နမ့်မန်ဟွမ် တန်ဖိုဒူတန်အကောင်ထွို့ လေးအွယ့်ကုပါ။ 38အာအွယ့် လေးလေ ကိုယ်တော်ကန်စာ့ကုထွို့မဲ့ အိုထွိုင်ငွိုနောင်တာထွို့ ကွက်အာမေးသျှီ့မဲ့ ကိုယ်တော်ခင် စကျိုကေ့ အွယ့်ကြားမဲ့ ဒူ့ကို့ဖီနောင်ခူစွမ်ဖုန်း အိုအာခူလောင်။ ထွို့မဲ့ နူ့ကိုယ်တော်ခင်ထွို့ ကျွော်ဖီနောင် နမ့်မန်ဟွမ်။
39အွယ့်ခါ့ ပလူးကပင့်ဒါကိုယ်တော်စာ ဖာရိရှဲအွယ့် သျှီလေအွယ့်ကြား “ပလူးဒွိုးပလားဒွို မေပျန့်ယွမ် အရိယာဆူတော်ကောင်အွယ့် အီသိတို ပမွော်ကခွိုင်းဒါအာဒွို ပျန့်ပမွော်နိန်းမာ။ ပျန့်ပမွော်လီခိုဟလဲ့ အီသိတို” အိုယူတာ သ့ကုနိန်းအွယ့်။
40ကိုယ်တော်အွယ့်လဲ့ “ရှိမုန်၊ ငါးတာအိုလူဒေါင့်နား အိုအဘာ” ထွိုင်မိန့်နိန်းအွယ့်ခါ့ ရှိမုန်အွယ့်
“ဒေါင့်လုဲင်၊ ဆရာ” ထွိုင်လျှောက်နိန်းအွယ့်ခါ့
41ကိုယ်တော်အွယ့် “ပလူးဖီငှာ ကွမ့်စာ အပလားဆောင့်အွယ့် ပလူးအန်တငြီ့ ချွော်ငှာကာကွမ့်။ အပလားကုအွယ့် ဒေနာရီ ကွမ့်ဒင်္ဂါအန်ငေယား#7:41ဒေနာရီကွမ့်ဒင်္ဂါအဗီ ဒွို ညီနောင် ပလူးခက်အန်နန်စာ တမိုး အငြီးခါ့။၊ ဒါ့အပလားအွယ့် နီအိုဒင် ဒေနာရီ ကွမ့်ဒင်္ဂါအန်ငေစီ့။ 42အာကာအွယ့် လီဆပ်ချာဒါဟ နီဗွယ်အွယ့်ကြားမဲ့ နီဗွယ်အွယ့် ထွိုင်ဒေါင့်အာကာအန်းတငြီ့ အိုလူဆပ်ချာဒွမ်း နီဖုန်းနိန်အွယ့်ခါ့ လမာဒွို အီကေဇူတင်လွို့ နီဗွယ်” တစီ့လေနိန်းအွယ့်။
43ရှိမုန်အွယ့်လဲ့ “ပလူး ပေါင်းချွော်ငှာဟေစာအွယ့်ပလား အီကေဇူတင်လွို့တို” လျှောက်ဒင်လေနိန်းအွယ့်။
ကိုယ်တော်အွယ့်လဲ့ “မှန်တို” မိန့်နိန်းအွယ့်ထွို့
44လှည့်ဟွိုင့်ချာဒါ့ ပမွော်အွယ့်ပလားဒိုင့်ထွို့ “နားသျှီနဲ့ ပမွော်ဒွိုးပလား။ ငါးကြွာ့လေး နားယွမ်ကုခါ့ နားနုဲင့် ဖီဟသျှီ့ အီကူကျီ့ ငါးခင်တာလဲ့ အာဒွို ကူဖီငါးခင်နောင် မေးသျှီ့ဖုန်းထွို့ ဒူ့ကို့ဖီနောင်အာခူစွမ်ဖုန်း။ 45ငါးကလေးခါ့ဒီ့လဲ့ နားဒွို နူ့ထွို့ကြိုစွမ်ဟငါး။ ဒေါင့်မာလဲ့ အာဒွို နူ့ငါးခင် အလိုင်ထွို့အလိုင်။ 46နားဒွို ကျွော်ဖီငါးခူ နောင်နမ့်မန်သံလွင်ထွို့ လီကြိုစွမ်ဟငါးလဲ့ တွိုအာဒွို ကျွော်ဖီငါးခင်နောင် တန်ဖိုကဒူဒါ နမ့်မန်ဟွမ်။ 47အွယ့်ကြားမဲ့ ငါးဘသာဒေါင့်နားဒွို ပမွော်ဒွိုးပလား အပျက်ဟေတန်ဖုန်း ကခံဘာဒါ ခွင်လွှတ်ဒွို ကွက်အာရက်ဟေငါ အွယ့်ကြားမဲ့ဟနေ။ ပလူးခံဘာ ခွင်လွှတ်အပျက်ဆျန်ဆျန်ဟို့စာဒွို ကွက်ရက်ဆျန်ဟို့ အွယ့်ကြားမဲ့ဟနေ” မိန့်ရှိမုန်နိန်းအွယ့်။
48ထွို့မဲ့ ကိုယ်တော်အွယ့် “ခွင်လွှတ်ဖီလိထွို့ နားအပျက်စရိုက်လီခိုဟဖုန်း ကားကအို” မိန့်ပမွော်အွယ့်ပလားနိန်းအွယ့်။
49အွယ့်ခါ့ ပလူးလငါ့ ကအိုနင်းကိုဒါနောင် ကိုယ်တော်စာဖုန်းအွယ့် “အပျက်စရိုက်လီခိုဟဖုန်းမသဲ ခွင်လွှတ်ဒါတို ကအိုဒေါင့်ဒါနိန်းအွယ့်စာဒွို ပျန့်လမာ” အာကာချင်ချင် ဒေါင့်ကျွော်လိုကာနိန်းအွယ်။
50ဒေါင့်မာလဲ့ ကိုယ်တော်ယေရှုအွယ့် “နားတယွမ်အန်ဒွို ကယ်ဆယ်ထန်ဖီ နားတို။ နားစစွ့ာငင်ငင်ချန်းတာလုဲင်” မိန့် ပမွော်အွယ့်ပလားနိန်အွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.