လုကာ 8
8
အခန် (၈)
ပမွော်ဖုန်းကူညီကိုယ်တော်ယေရှုစာဖုန်း
1အခိန်းထွိုင်ကြာထန်ငီးထွို့ ကိုယ်တော်ယေရှုအွယ့် နောင်သာဝက အစီ့ငြီ့ပလား လေးကာဝိန်း ဒုန့်ကျွက်ကျက်တွို့ထွို့ စဟိုစွမ့်ဖီ ဗွယ်ဖရာသာသနာတော်ခရာ မင်္ဂလာစတင်းခိုဖုန်း။ 2ထွို့ဒါ့ ကခံဘာဒါ မိုးတမာဖီကေ့ တစာ့ရောဂါစာဖုန်းနောင် ကခံဘာဖိုဒါ မိုးတမာဖီကေ့ မိစ္ဆာတလီခိုဟပူကုစာ ပမွော်အဟန်ဟန်အွယ့် ပါလေးတွဲ့လိုကာ နောင်ကိုယ်တော်။ ပမွော်အွယ့်ဟိုကုအွယ့် မိစ္ဆာတလီခိုဟ အန်နျို့ဘာ ကထန်ဒါ မာဂဒလဒုန့်စာမွော် မာရိ၊ 3ကပျန့်ဒါ အုပ်ချုပ်စာဟေရုဒ် ကျေရင်ဝေဖန်စာ ခုဇမာ့ ယောဟန္န၊ ရှုရှန္နနောင် ပမွော်လငါ့ဖုန်းဟေတန်လဲ့ ပါပါလိုကာဟနေ။ ပမွော်အွယ့်ဟိုကားကအိုအွယ့် ထောက်ပံ့ဖီလိုကာ ကိုယ်တော်ယေရှုနောင် တပည့်ဖုန်း နောင်နန်တိုးတကလွိုင်ဖုန်း။
ပလူးရုဲင့်တစွူ့စာ တတွိုက်တွုန်
(မဿဲ ၁၃:၁-၉။ မာကု ၄:၁-၉)
4အငြီးကုဒီ့ ပလူးဖုန်းဟေတန်အွယ့်လဲ့ ထွိုင်တွိုစုလေးကာ အာဆောင့်ခါ့ ကိုယ်တော်အွယ့် ဒေါင့်မိန့်ဖီ ပလူးအွယ့်ဟိုနောင် တတိုက်တွုန်အဘာဒီ့ 5“လုဲင်စာအပလားအွယ့် အီရုဲင့်တစွူ့တာ လေးလေလုဲင်ကွင်ကု။ လုဲင်စာအွယ့်ပလား ထွိုင်ရုဲင့် ထွို့တစွူ့ခါ့ တစွူ့ပိန်ကွောကွောအွယ့် တွိုထန်ကေ့ ကလေ့လောင်ကုထွို့ ပလူးဖုန်းယျန်လိုကာထွို့မဲ့ ထူဖုန်း စတွမ်အန်လိုကာကေ့။ 6တစွူ့ပိန်ကွောကွောအွယ့် လင်တေးလင်းကေ့ ဟန်ဘေ့ကဆျန်ဒါ ဟန်ယာလုံခရီးလောင်ထွို့ အမွိုင်အိုဒို့ထန်တိုလဲ့ အကျိုဓာတ်ဆျန်ငါ အွယ့်ကြားမဲ့ ငီးဟ နွူးထွို့ စစိုင့်ကျိန်းလိုကာကေ့။ 7တွိုတစွူ့ပိန်ကွောကွောအွယ့် လင်တေးလိုကာ တဟွော်မွိုင်ခလားကုထွို့ အမွိုင်ဖုန်းအိုဒို့ထန်တိုလဲ့ ခံဘာကေ့ တဟွော်ကျုံးဖုန်း အိုရေးအွို့စေးကန်း။ 8တွိုတစွူ့ပိန်ကွောကွောအွယ့် လင်တေးလိုကာ ဟန်ယာဟန်ဘေ့ဟေလောင်ကု အွယ့်ကြားမဲ့ အမွိုင်ဖုန်း ဒို့ထန်ကာထွို့ အသာဖုန်းလဲ့ သာထန်ယွမ်လိုကာတွို့တာ အဆအယားအာ့” မိန့်လေနိန်းအွယ့်။ ထွိုင်မိန့်နိန်းအွယ့်ထွို့ ကိုယ်တော်အွယ့် “နာအိုထွို့ ကဟွမ့်ဒါစာဖုန်း၊ အန်ဒင်ရေထွို့ နားလိုကာလုဲင်” က့ရွက်တာ နိန်းအွယ့်။
တတိုက်တွုန်ဖုန်း ရေရွယ်ချက်
(မဿဲ ၁၃:၁၀-၁၇။ မာကု ၄:၁၀-၁၂)
9ထွို့မဲ့ ကိုယ်တော်တပည့်ဖုန်းအွယ့် တစီ့လိုကာ ကိုယ်တော် တတိုက်တွုန် အဓိပ္ပာယ်ယွမ်။ 10အွယ့်ခါ့ ကိုယ်တော်အွယ့် “ဗွယ်ဖရာဒွို ဖီအပ်ထွို့လိနားက့ အခွင်ဟွမ့်သိဒါ အာသာသနာတော် ကအန်ပါအွိုယိုးဒါ အကြောင်ခရာဖုန်း။ ဒေါင့်မာလဲ့ တွိုပလူးလငါ့ဖုန်းအွယ့် ငါးရှင်နေ့ဖီဘာနောင် တတိုက်တွုန်နောင်နိန်းဒွိုးအွယ့်ကြားမဲ့ လိတ်ကျမ်ကုကတျန်စေးကန်းဒါ
‘ဟွိုင့်လဲ့လီသျှီဒါဟ၊
ဟွမ့်လဲ့ လီသိနာဒါဟ’ ကျမ်ချက်နိန်းအွယ့်ဒီ့ ပျန့်ထန်ယွမ်လိထွို့အမှန်”
မိန့်ဒေါင့်နိန်းအွယ့်။
ပလူးရုဲင့်တစွူ့စာ တတိုက်တွုန် အဓိပ္ပာယ်
(မဿဲ ၁၃:၁၈-၂၇။ မာကု ၄:၁၃-၂၀)
11ထွို့ဒါ့ ကိုယ်တော်အွယ့် “ပလူးရုဲင့်တစွူ့စာ တတိုက်တွုန် အဓိပ္ပာယ်ဒွို တစွူ့ဒီ့ ပျန့်တို ဗွယ်ဖရာတရာငိုတော်ဖုန်းတို ဟနေ။ 12တစွူ့ကလင်တေးဒါ ကလေ့လောင်ဖုန်းဒွို ပျန့်တို ပလူးထွိုင်နာဟွမ့်ဘာ ဗွယ်ဖရာတရာငိုတော်ဖုန်းခါ့ ဖီကျန်ယွမ်အန်မာထွို့ ဖီကျန်ခံကယ်ဘာမာ ခံဘာကေ့ မာရ်နတ် လေးချွော်စွာ့ကေ့ ဗွယ်ဖရာတရာငိုတော် ကအိုဒါ အာကာသ့သာကုစာဖုန်း တိုဟနေ။ 13တစွူ့ကလင်တေးဒါ ဟန်ယာလုံခရီးလောင်ဒွို ပျန့်တို ပလူးထွိုင်နာဟွမ့်ဘာ ဗွယ်ဖရာတရာငိုတော်ဖုန်းခါ့ ခံချွော်လိုကာတိုနောင် တဟွမ့်ခိုလဲ့ အာကာသ့သာကု တရာငိုတော်ဖုန်းဒွို လီတည်တစေဟထွို့ ယွမ်အန်လက်ခံလိုကာဘို့ အခိန်းအစင်ကုဟို့ထွို့မဲ့ ဖဝကု မေကြုံခွယ်ဘာနောင် တခုဲင်ဖုန်းခါ့ ကုဲင်အိုရပ်ကေ့ဒါ အာကာတယွမ်အန် ဗွယ်ဖရာလောင်စာဖုန်းတိုဟနေ။ 14တစွူ့ကလင်တေးဒါ တဟွော်မွိုင် ခမ်လားကုဖုန်းဒွို ပျန့်တို နာဟွမ့်လိုကာဘာတို ဗွယ်ဖရာတရာငိုတော်ဖုန်းလဲ့ လောကီစည်စိမ်ဖုန်း၊ တနန်တကူလားဖုန်း၊ တချမ်စာအိုဟေဖုန်းဒွို အိုရေးစေးကန်းကေ့ အွယ့်ကြားမဲ့ အာကာဒွို စပျန့်လိုကာကေ့ ပလူး ကမားခါ့ခယောဝ်း လီအိုလိုကာဟနောင် ဗွယ်ဖရာတရာငိုစာဖုန်းဟနေ။ 15တစွူ့ကလင်တေးဒါ ဟန်ဘေ့ခိုလောင်ကုဒွို ထွိုင်နားဟွမ့်ဘာ ဗွယ်ဖရာတရာငိုတော်ဖုန်းထွို့မကန်စာ့ ဆျန်တိန်စေးကေ့ ရိုစာထွို့ကစင်ကလယ်ဒါ အာကာသ့သာကုထွို့မဲ့ ယွမ်အန်ဆွက်လိုကာတို ဗွယ်ဖရာတရာငိုဖုန်း အွယ့်ကြားမဲ့ ပျန့်လိုကာတို ပလူးအိုလေလိုကာတိုနောင် ဗွယ်ဖရာကျုတ်အတွုန်စာတိုဟနေ” မိန့်နိန်းအွယ့်။
မီအိမ် တတိုက်တွုန်
(မာကု ၄:၂၁-၂၅)
16ထွို့မဲ့ ကိုယ်တော်အွယ့် “လိမီအိမ်ထွို့ ဖီကလူးစေးကန်းနောင် ခရောင်စာ မေဟလဲ့ ဆျန်စေးကန်း ကူခမ်လားကုစာ ကဒေါင့်ဒါဒွို လီအိုဟာ။ ပလူးကနွူးကျိန်းစာဖုန်းကားကအို ဖီကလ့တခါ့ရောင်တာ မီအိမ်ဒွို ကုဲင်ဖီဗွိုင်စေးကန်းဒါဘို့ မီးထွမ်လောင်ကုဟို့။ 17ဖီကျန်မို့ဒါမာ အန်ဒင်အွိုစေးကန်းဒါတာဒွို လီအိုဟာ။ ဖီကျန်သိဒါမာ အန်ဒင်စေးကန်းဒါ တဖီပါအွိုဒွိုလဲ့ လီအိုဟာ။ ဗွယ်ဖရာဒွို အီနေ့ပြဖီတို တာကအန်ဒင်အွိုဒါဖုန်း ကားကအို။ 18အွယ့်ကြားမဲ့ အန်ဒင်ရေထွို့ နားလိုကာ ငါးကစွမ့်ဒါ တာဖုန်းလုဲင်။ ကွက်တဟနာမေဒေါင့်ဘာအွယ့် ပလူးဘသာသိနာဒါ ငါးကစွမ့်ဖီဒါတာစာဖုန်းဒွို ဗွယ်ဖရာဒွို အီဖီမိုးသိနာလွို့တို။ ဒေါင့်မာလဲ့ တွိုပလူးလီဘသာသိနာဟ ငါးကစွမ့်ဖီဒါတာစာဖုန်းဒွို အာကာကသိနာစေးကန်းဒါ တာအကျိပီဖုန်းဟို့မသဲ ဗွယ်ဖရာဒွို အီချွော်စွာ့ကေ့” မိန့်နိန်းအွယ့်။
ကိုယ်တော်ယေရှုမွိုဗွယ်နောင်ပွော်ခုဖုန်း
(မဿဲ ၁၂:၄၆-၅၀။ မာကု ၃:၃၁-၃၅)
19အငြီးကု ကိုယ်တော်မွိုနောင် ပွော်ခုဖုန်းအွယ့်လဲ့ အီခွယ်နောင်ကိုယ်တော်တာ အိုတွိုလေးလိုကာတိုလဲ့ ပလူးဖုန်း ဟေငါလွမ် အွယ့်ကြားမဲ့ တွိုကာဒါဟ ကိုယ်တော်စောင့်။ 20အွယ့်ကြားမဲ့ ပလူးအပလားအွယ့် “ကိုယ်တော်မွိုနောင် ပွော်ခုဖုန်းဒီ့ ဘသာခွယ်လိုကာ ကိုယ်တော်ထွို့ အိုထွိုင်ပွိုင်းလိုကာ ခူနောင့်ဒိုင့်” လျှောက်ကိုယ်တော်နိန်းအွယ့်။
21အွယ့်ခါ့ ကိုယ်တော်အွယ့် “နာ ဗွယ်ဖရာတရာငိုတော်ဖုန်းထွို့ ကလွိုက်နာဒါစာကားကအိုဒွို ပျန့်တို ငါးမွိုနောင် ပွော်ဝေဖုန်းတိုဟနေ” မိန့်ပလူးကားကအို နိန်းအွယ့်။
လှိုင်နောင်ကန်ဇျီးဖုန်း နာခံကာ ကိုယ်တော်
22အငြီးကုဒီ့ ကိုယ်တော်အွယ့် နောင်အာတပည့်ဖုန်း ထန်ထန်ကာဖောင်အမာလောင်ထွို့ “ကာလေးကာ သျှီ့နောင့် ဒွိုးဘာဒါ့အဒိုင့်ကု” မိန့်နိန်းအွယ့် အွယ့်ကြားမဲ့ အာကာအွယ့် စလေးကာတာနောင်ဖောင်။ 23အိုကာလေးနိန်းအွယ့်တွင် ကိုယ်တော်အွယ့် အိုငြီ့ပိန်းအွူတာ။ ကန်ဇျီးဆန်မုန်တိုင်း ဒူတန်အွယ့် ဖတ်ထန်ကျွို့ သျှီ့နောင့် အွယ့်ကြားမဲ့ သျှီ့နွူးကျိန်းဝေ့တွို့ ဖောင်ကုထွို့ ကြုံလိုကာဘာနောင် ဖောင်အီဗင့် အန္တရာယ်။
24အွယ့်ခါ့ တပည့်ဖုန်းအွယ့် မိုးကျို့ကာ ကိုယ်တော်ထွို့ “ဆရာ၊ ဆရာ၊ က့အီစီ့လိုကာဘာလိထွို့တာ” လျှောက်ဒင်လိုကာနိန်းအွယ့် အွယ့်ကြားမဲ့
ကိုယ်တော်အွယ့် ထွိုင်ထွို့ ထွိုင်ဖီအမိန့် ဖီကန်ဇျီးဆန်မုန်တိုင်းနောင် လှိုင်ကလုံဒူဖုန်း ဖီကယွတ်ကေ့ခါ့ ကန်ဇျီးဆန်မုန်တိုင်း နောင် လှိုင်ဒူဖုန်းအွယ့် စယွတ်ကေ့တွို့ဟနေ။ 25ထွို့မဲ့ ကိုယ်တော်အွယ့် “နားက့ ကွက်တဟနာ လီယွမ်အန်လိုကာဟငါး” ထွိုင်တစီ့ တပည့်ဖုန်းနိန်းအွယ့်ခါ့
အာကာကားကအိုအွယ့် အိုဟွမ့်ဆန် စကန်လိုကာတာထွို့ “ပလူးဒွိုးပလားဒွို ပျန့်ပလူးနိန်းမာ။ လှိုင်ဖုန်း ကန်ဇျီးဖုန်းမသဲ ပလိုင်နာခံဘာတွို့ အာအမိန့်” အချင်ချင် ဒေါင့်လိုလေလိုကာနိန်းအွယ့်။
ဝါစွာ့ထန် မိစ္ဆာတလီခိုဟ#8:26မိစ္ဆာတလီခိုဟဖုန်းဒွို လွှော်သေ့ဖုန်း၊ တလောက်ဖုန်း နောင် လွှော်မိစ္ဆာဖုန်းဟနေ။ဖုန်း
(မဿဲ ၈:၂၈-၃၄။ မာကု ၅:၁-၂၀)
26ထွို့မဲ့ ကိုယ်တော်နောင် တပည့်ဖုန်းအွယ့် ကာလေး ဂါလိလဲသျှီ့အွိုင်ထွို့ လေးဆွက်ကာဒါ ဂါရစဝိန်းဆောင့်ခေါင့်အဘာကု နောင်ဖောင်။ 27ထွိုင်တွို့ အွယ့်ကုထွို့ ကိုယ်တော်ထွိုင်ထန် ခေါင့်စွမ်လောင်ကုခါ့ မိစ္ဆာလီခိုဟ အိုပူဒါ ပလူးအွယ့်ဝိန်းကုစာအပလားအွယ့် လေခွယ်နောင် ကိုယ်တော်။ မိစ္ဆာတလီခိုဟ အိုပူတာဒွို ကြာငီးလိထွို့ အွယ်ကြားမဲ့ အာအွယ့် ယွမ်ကုလဲ့ အိုဟ၊ ကွမ်လာလဲ့ အိုတို့ဟထွို့ စလေ အိုဘို့တာ စင်ခိုင်အောင့်ဖုန်းခါကု။ 28ပလားအွယ့်ပလား ထွိုင်သျှီလေကိုယ်တော်ခါ့ အိုနင်းခေါက် ရိုသေတာ မေငါ့ကုထွို့ နောင်ငိုဇျီးစင် “အစွိုင်းမြတ်စွက် ဗွယ်ဖရာဖုခု ယေရှု၊ အိုလူတာ ငါးဆောင့်တဟနာ၊ ကျန်နှိပ်စက်မာငါးမာ၊ ငါးတောင်ပလန်တို” က့လျှောက်နိန်းအွယ့်။ 29ကလျှောက်ဒင်ဘာဒါနိန်းအွယ့်ဒီ့ ပျန့်တို ကိုယ်တော်အွယ့် မိန့်လင်း မိစ္ဆာတလီခိုဟအွယ့်ဘာ အိုပလူးအွယ့်ပလားကု ဖီကစစွာ့ထန်ကေ့ အွယ်ကြားမဲ့ဟနေ။ ကွက်တဟနာ မေဒေါင်ဘာအွယ့် မိစ္ဆာတလီခိုဟအွယ့် နှိပ်စက်အာ ခမိန်လိုင်လိုင်။ ပလူးဖုန်းအွယ့် ဖီတွိုင်ချုပ်စေးကန်း ပလူးအွယ့်ပလား ကျွေ့ာ်ခင်နောင် နန်ပီးထ့ဖုန်းထွို့ အိုပွိုင်းဟွိုင့် စေးကန်းတွို့လဲ့ အာအွယ့် မိုးတကျွောကေ့ နန်ပီးထ့ဖုန်းထွို့ ခံဘာ မိစ္ဆာတလီခိုဟဟောင့်လေ ခမ်လန်ရပ်အိုယားနောင်ပလူးကု အွယ့်ကြားမဲ့ဟနေ။
30ကိုယ်တော်အွယ့် “နားနျန်းလမာ” ထွိုင်တစီ့အာ နိန်းအွယ့်ခါ့ ပလားအွယ့်ပလားကုအွယ့် မိစ္ဆာတလီခိုဟ ခမိန်ဘာဘာ အိုပူစေးကန်းအွယ့်ကြားမဲ့
ပလူးအွယ့်ပလားအွယ့် “ပျန့် လေဂေါင်#8:30အဘာဟေငါလွမ် အွယ့်ကြားမဲ့ ဒေါင့်ဘာ လေဂေါင် နိန်းအွယ့်ဟနေ။” ပြန်လျှောက်ဒင်ချာဒါ့နိန်းအွယ့်။ 31မိစ္ဆာတလီခိုဟ အွယ့်ဟိုဖုန်းအွယ့် ဖီကျန်တုန်မာ တအောင့်ယိုးဒူ#8:31 ဘသာဒေါင့်တို တအောင်ယိုးတန်ထွို့ တအောင့်အွယ့်ဘာဒီ့ အကင့်အိုဟ။ ဒွိုးကုပါဒွို လိတ်ဒွိုးမာ့ဒွို ဘသာဒေါင့်တို မိစ္ဆာတလီခိုဟဖုန်း အိုပွိုင်းလိုကာ ကျေရင်ဆုံဖြတ်အာကာ အပျက်တရာ ကန်စာစွက်တွင် ကအန်ဒင်စေးကန်းဒါ မိစ္ဆာတလီခိုဟဖုန်း ခမ်လန်တိုဟနေ။ ဂျူးဖုန်းအွယ့် ယူလိုကာ ခမ်လန်ဒွိုးဘာဒွို အိုဟန်ယာခမ်လားယိုးတန်ကု။ ကဖီတွိုင့်စေးကန်းဒါ မိစ္ဆာတလီခိုဟဖုန်းကုမာထွို့ တောင်ပလန်ကာကိုယ်တော်။
32အွယ့်ခိန်းကု ထို့ဖုန်းဒူအဖုန်းအွယ့် အန်လိုကာစာ ခေါင့်လောင်ကု အွယ့်ကြားမဲ့ မိစ္ဆာတလီခိုဟဖုန်းအွယ့် တောင်ပလန်ကာကိုယ်တော် ဖီကခွင်ဖီ ကျိန်းပူစို့ ထို့အွယ့်ဟိုဖုန်းကု အွယ့်ကြားမဲ့ ကိုယ်တော်အွယ့်လဲ့ ဖီခွင်ဟနေ။ 33အွယ့်ကြားမဲ့ မိစ္ဆာတလီခိုဟဖုန်းအွယ့် အိုပလူးအွယ့်ပလားကု စထန်ထွို့ ကျိန်းပူကာ ထို့ဖုန်းကုထွို့ ထို့အွယ့်အဖုန်းလူးအွယ့် အိုကာလိုင်တနွိုင်းလောင်ထွို့ တထွူ့လင်းလိုကာ သျှီ့အွိုင်ကု နောင်အာဆန်ဆန်ထွို့ ဗင့်လင်းကကေ့သျှီ့ကု။
34အွယ့်ခါ့ ထို့တီစာဖုန်းအွယ့် ထွိုင်သျှီတပျန့်ဒွိုးဘာခါ့ တထွူ့လိုကာ ထွို့မဲ့ စဒေါင့်နေ့လိုကာ စတင်းအွယ့်ဘာ ဂါရစဝိန်းကုနောင် ရပ်အိုဘို့ကု။ 35ပလူးဖုန်းအွယ့်လဲ့ အီလေဟွိုင့် တပျန့်အွယ့်ဘာတာ အိုဝိန်းကု စာစွာ့ထန်လိုကာ။ အာကာအွယ့် ထွိုင်တွိုလေးလိုကာ ကိုယ်တော်ဆောင့်ခါ့ သျှီလိုကာဘာ ပလူးလွှတ်ထန်ဒါ မိစ္ဆာတလီခိုဟပူစာအွယ့်ပလားဒီ့ အိုတို့နောင် ကွမ်လာဖုန်းထွို့ အိုနင်းတာ ကိုယ်တော်ခင်ထိကုနောင် အခိုပကတိအတွုန် အွယ့်ကြားမဲ့ စကန်ထန်လိုကာ ကိုယ်တော်။ 36ပလူးကသျှီဘာတိုးဒါ တပျန့်အွယ့်ဘာနောင်နန်စာအွယ့် အိုဒေါင့်နေ့လိုကာ ပလူးကျတွိုလေး ဒွိုးခါ့ကုစာဖုန်း ကိုယ်တော်ဒွို မိုးလွှတ်ဖီကေ့ ပလူးအွယ့်ပလား အိုမိစ္ဆာတလီခိုဟပူကု နိန်းမာခရာဖုန်း။ 37အွယ့်ခါ့ ပလူးအိုဂါရစဝိန်းကု ကလေးဒါစာ ကျွမ်ပလားပလားအွယ့် ဟွမ့်ဆန်စကန်ထန်ကာ အွယ့်ကြားမဲ့ တောင်ပလန်လိုကာကိုယ်တော် အိုဝိန်းကု ဖီစစွာ့ထန်ကေ့ အွယ့်ကြား ကိုယ်တော်လဲ့ နောင်တပည့်ဖုန်း ထန်ထန်ဖောင်လောင်ထွို့ အိုအွယ့်ရပ်ကု စစွာ့ထန်ကာကေ့။
38ကိုယ်တော်ယေရှု အိုအွယ့်ရပ်ကု ခရားအီစစွာ့ထန်ခါ့ ပလူးကလွှတ်ထန်ကေ့ဒါ မိစ္ဆာတလီခိုဟပူကုစာအွယ့်ပလားအွယ့် ထွိုင်တောင်ပလန်လျှောက် ကိုယ်တော် ဖီကခွင်ဖီ လေးတွဲ့ကိုနောင် ကိုယ်တော်ခါ့ ကိုယ်တော်အွယ့် ခွင်ဖီဟ ပလူးအွယ့်ပလားလေးတွဲ့ထွို့ 39“ကျိန်းနားယွမ်ထွို့ ကျိန်းဒေါင့်နေ့ ပလူးကားကအို ဗွယ်ဖရာကမိုးဖီဒါနား တာဖုန်းကားကအိုဒီ့လုဲင်” မိန့်ကွင်အာနိန်းအွယ့်။ အွယ့်ကြားမဲ့ အာအွယ့်လဲ့ စစွာ့ကျွက်ကျက်တွို့ဝိန့်ကုထွို့ စဒေါင့်ဟွမ့် ကိုယ်တော်ကမိုးဖီဒါတာ အာလောင်ကားကအို။
ပြန်မိုးမွမ့်ဖီချာဒါ့ ပမွော်ပီ ကအိုစီ့ဒါအပလားဆက်နောင် ကုဖီပမွော်အပလား
(မဿဲ ၉:၁၈-၂၆။ မာကု ၅:၂၁-၄၃)
40ဒါ့အလိုင် ကိုယ်တော်ယေရှုအွယ့် ပြန်ကြွာ့ချာဒါ့ သျှီ့နောင့်ဒါအဒိုင့်ကုခါ့ လူထုပရိသတ်ဖုန်းအွယ့် အိုပွိုင့်လိုကာကိုယ်တော် အွယ်ကြားမဲ့ ကြိုစွမ်လိုကာ ကိုယ်တော်နောင် ပျော်ပျော်စွင်စွင်။ 41အွယ့်ကုအွယ့် ဂျူးပခု ကနျန်းဒါ ယာဣရု ဓမ္မာရုံတာဝန်ခံအိုအပလား။ ပလူးအွယ့်ပလားအွယ့် လေအိုနင်းခေါက်တာ ကိုယ်တော်မေငါ့ကုထွို့ ကျွူ့လျှောက်ကိုယ်တော် ဖီကကြွာ့လေဖီ အာယွမ်ကု။ 42ကွက်တဟနာမေဒေါင့်ဘာအွယ့် အာဖုမွော်အိုပလားဟို့ ဆက်လ့အစီ့ငြီ့နိန်းအွယ့် အိုခရွိုင်ဟတာ ဗွမ့်တွို့နောင်ဘို့ဘို့စီ့။
ထွိုင်ကြွာ့ကျိန်း ယွမ်အွယ့်မာ့ကုခါ့ ပလူဖုန်းဟေတန်အွယ့်လဲ့ အိုခွူ့လိုကာကိုယ်တော်ထွို့ အိုစုရွန့် နျန်ဆျက်လိုကာတာ။ 43ပလူးပရိသတ်ခါကု ပမွော်ပလားအွယ့် အိုပျန့် ကျွူပလုဲင်ရောဂါ လ့တွို့အစီ့ငြီ့နိန်းမှန်မှန်လဲ့ လမားလဲ့ လီကုတမာဖီဒါဟ အာရောဂါ#8:43 လိတ်ကျမ်လငါ့ကုဒီ့ ကုနန် ဘာစီဆရာဖုန်းဆောင့် နောင်အာကပွိုင်ဆိုင်ဒါ တကလွိုင်ဖုန်းလဲ့ လမားလဲ့ကုဖီဒါလိုကာဟ။ နောင်မောရှေပညတ်ကျမ်အတွိုင် ပမွော်မေအိုပျန့် ကျွူပလုဲင်ရောဂါတွင် အိုထင်လိုကာ လီပလင့်ဟအွယ့်ကြားမဲ့ အာအွယ့် ခွိုင်းဒါဟ တာဟနားနား၊ လမားမား။။ 44အာအွယ့် ရီ့ဘို့လေ ကိုယ်တော်ကန်စာ့ဒိုင့်ကုထွို့ ထွိုင်ခွိုင်းဘို့ ကိုယ်တော်ကန်ကျိန်းထွော့်ခူနောင့် နောင်ကျွော့်ဟို့ထွို့ အလိုင်ချင် အာကျွူပလုဲင်ရောဂါအွယ့် တမာကျိန်းကေ့တွို့။
45အွယ့်ခါ့ ကိုယ်တော်အွယ့် “လမာစခွိုင်းငါး” ထွိုင်တစီ့ထန်နိန်းအွယ့်ခါ့
ပလူးဖုန်းလဲ့ ငြင်းလိုကာ အကြောင်အာကာ လီခွိုင်းဘာဟထွို့ ပေတရုအွယ့် “ဆရာ၊ ဆရာတီးကု ပလူးကျွိုဒူဒွို အိုနျန်လိုကာတာ”#8:45 ဂရိလိတ်ကျမ်အဟန်ဟန်ကုဒီ့ ပေတရုနောင် ပလူးအိုကိုနောင်ပေတရု လျှောက်ဒင်နိန်းအွယ့်။
46ဒေါင့်မာလဲ့ ကိုယ်တော်အွယ့် “ပလူးအပလားပလား စခွိုင်းငါး အွယ့်ကြားမဲ့ ငါးသိထန် တန်ခိုဖုန်း အိုငါးစောင့်စထန်ထန်” ပြန်မိန့်ချာဒါ့နိန်းအွယ့်။
47ပမွော်အွယ့်ပလားလဲ့ ဖီဒင်အွိုဒါဒွမ်းထွို့ အာအိုနင်းခေါက်လင်းတာ ကိုယ်တော်မေငါ့ကု နောင်စကန်စွိုစွိုတန်ထွို့ အာဒေါင့်နေ့ဖီပလား ကားကအို အကြောင်ခွိုင်းဘာဘို့ ကန်ကျိန်းထွော့်ခူနောင့်ဟို့ထွို့ အာရောဂါ တမာစွူတွို့ အလိုင်ချင်ခရာ။ 48ကိုယ်တော်အွယ့် “ဖုမွော်၊ နားတယွမ်အန်ဒွို မိုးတမာဖီကေ့ နားရောဂါတိုဟနေ။ စစွာ့ငင်ငင်ချန်းတာလုဲင်” မိန့်ပမွော်အွယ့်ပလားနိန့်အွယ့်။
49ကိုယ်တော် အိုမိန့်နိန်းအွယ့်တွင် ပလူးအို ယာဣရုယွမ်ကုစာ အပလားတွိုလေးထွို့ “နားဖုမွော် စီ့ကေ့လိထွို့၊ ကျန်မိုးချုပ်မာဒွမ်းမာ ကိုယ်တော်မာ” လေဒေါင့် ယာဣရုနိန်းအွယ့်။
50ကိုယ်တော် ထွိုင်ဟွမ့်ငိုအွယ့်ဘာခါ့ “ကျန်နန်မာ။ အန်ဒင်ဘို့ တယွမ်အန်ငါလုဲင်။ နားဖုမွော်ဆက်အီပြန်မွမ့်ချာဒါ့တို” မိန့်လေ ယာဣရုနိန်းအွယ့်။
51ထွို့မဲ့ ကိုယ်တော်အွယ့် ထွိုင်တွိုလေး ယာဣရုယွမ်ကုခါ့ လွို့ထွို့ ပေတရု၊ ယောဟန်၊ ယာကုပ်နောင် ပမွော်ပီပလားမွိုဖာ့ထွို့ ခွင်ဖီဟ ပလူးလငါ့ နွူးကျိန်းခန်ကုန်ကုကု။ 52ပမွော်ပီအွယ့်ပလား စစီ့ကေ့အွယ့်ကြားမဲ့ ပလူးကျွမ်ပလားပလားအွယ့် ငွိုယွမ်လိုကာတွို့တာ။ ဒေါင့်မာလဲ့ ကိုယ်တော်အွယ့် “ပသာဒွိုးပလားဒွို လီစီ့ဟာ။ အိုငြီ့ပိန့်တိုတာတို” မိန့်နိန်းအွယ့် အွယ့်ကြားမဲ့
53ပလူးဖုန်းအွယ့် အိုသိစေးကန်းကာ ပမွော်ပီအွယ့်ပလား စီ့လိထွို့ခရာအွယ့်ကြားမဲ့ တငါးပလာကာ ကိုယ်တော်။ 54ဒေါင့်မာလဲ့ ကိုယ်တော်အွယ့် ကျန်းစေးကန်း ပမွော်ပီအိုစီ့ဒါ အွယ့်ပလားကျွော့်ထွို့ “ပမွော်ပီ၊ ထွိုင်ချန်းလုဲင်” ဆျက်ကမိန့်နိန်းအွယ့်ထွို့ 55ပမွော်ပီအွယ့် ဆက်ပြန်မွမ့်ချာဒါ့ထွို့ စထွိုင်အိုနင်းထန်စွိုတွို့တာ အလိုင်ချင်။ ထွို့မဲ့ ကိုယ်တော်အွယ့် မိန့် ပမွော်ပီအွယ့်ပလား မွိုဖာ့ဖုန်း ဖီကဖီအန် ပသာပီ တအန်တကျွိုကျွို။ 56အွယ့်ခါ့ အာမွိုဖာ့ဖုန်းအွယ့်လဲ့ ဟွမ့်ဆန်ယွမ်လိုကာတွို့တာ။ ဒေါင့်မာလဲ့ ကိုယ်တော်အွယ့် တပျန့်ဒွိုးဘာဒွို ကျန်ဒေါင့်နေ့မာ လမားမားမာ မိန့်ကွင်စေးကန်း နိန်းအွယ့်။
Currently Selected:
လုကာ 8: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
လုကာ 8
8
အခန် (၈)
ပမွော်ဖုန်းကူညီကိုယ်တော်ယေရှုစာဖုန်း
1အခိန်းထွိုင်ကြာထန်ငီးထွို့ ကိုယ်တော်ယေရှုအွယ့် နောင်သာဝက အစီ့ငြီ့ပလား လေးကာဝိန်း ဒုန့်ကျွက်ကျက်တွို့ထွို့ စဟိုစွမ့်ဖီ ဗွယ်ဖရာသာသနာတော်ခရာ မင်္ဂလာစတင်းခိုဖုန်း။ 2ထွို့ဒါ့ ကခံဘာဒါ မိုးတမာဖီကေ့ တစာ့ရောဂါစာဖုန်းနောင် ကခံဘာဖိုဒါ မိုးတမာဖီကေ့ မိစ္ဆာတလီခိုဟပူကုစာ ပမွော်အဟန်ဟန်အွယ့် ပါလေးတွဲ့လိုကာ နောင်ကိုယ်တော်။ ပမွော်အွယ့်ဟိုကုအွယ့် မိစ္ဆာတလီခိုဟ အန်နျို့ဘာ ကထန်ဒါ မာဂဒလဒုန့်စာမွော် မာရိ၊ 3ကပျန့်ဒါ အုပ်ချုပ်စာဟေရုဒ် ကျေရင်ဝေဖန်စာ ခုဇမာ့ ယောဟန္န၊ ရှုရှန္နနောင် ပမွော်လငါ့ဖုန်းဟေတန်လဲ့ ပါပါလိုကာဟနေ။ ပမွော်အွယ့်ဟိုကားကအိုအွယ့် ထောက်ပံ့ဖီလိုကာ ကိုယ်တော်ယေရှုနောင် တပည့်ဖုန်း နောင်နန်တိုးတကလွိုင်ဖုန်း။
ပလူးရုဲင့်တစွူ့စာ တတွိုက်တွုန်
(မဿဲ ၁၃:၁-၉။ မာကု ၄:၁-၉)
4အငြီးကုဒီ့ ပလူးဖုန်းဟေတန်အွယ့်လဲ့ ထွိုင်တွိုစုလေးကာ အာဆောင့်ခါ့ ကိုယ်တော်အွယ့် ဒေါင့်မိန့်ဖီ ပလူးအွယ့်ဟိုနောင် တတိုက်တွုန်အဘာဒီ့ 5“လုဲင်စာအပလားအွယ့် အီရုဲင့်တစွူ့တာ လေးလေလုဲင်ကွင်ကု။ လုဲင်စာအွယ့်ပလား ထွိုင်ရုဲင့် ထွို့တစွူ့ခါ့ တစွူ့ပိန်ကွောကွောအွယ့် တွိုထန်ကေ့ ကလေ့လောင်ကုထွို့ ပလူးဖုန်းယျန်လိုကာထွို့မဲ့ ထူဖုန်း စတွမ်အန်လိုကာကေ့။ 6တစွူ့ပိန်ကွောကွောအွယ့် လင်တေးလင်းကေ့ ဟန်ဘေ့ကဆျန်ဒါ ဟန်ယာလုံခရီးလောင်ထွို့ အမွိုင်အိုဒို့ထန်တိုလဲ့ အကျိုဓာတ်ဆျန်ငါ အွယ့်ကြားမဲ့ ငီးဟ နွူးထွို့ စစိုင့်ကျိန်းလိုကာကေ့။ 7တွိုတစွူ့ပိန်ကွောကွောအွယ့် လင်တေးလိုကာ တဟွော်မွိုင်ခလားကုထွို့ အမွိုင်ဖုန်းအိုဒို့ထန်တိုလဲ့ ခံဘာကေ့ တဟွော်ကျုံးဖုန်း အိုရေးအွို့စေးကန်း။ 8တွိုတစွူ့ပိန်ကွောကွောအွယ့် လင်တေးလိုကာ ဟန်ယာဟန်ဘေ့ဟေလောင်ကု အွယ့်ကြားမဲ့ အမွိုင်ဖုန်း ဒို့ထန်ကာထွို့ အသာဖုန်းလဲ့ သာထန်ယွမ်လိုကာတွို့တာ အဆအယားအာ့” မိန့်လေနိန်းအွယ့်။ ထွိုင်မိန့်နိန်းအွယ့်ထွို့ ကိုယ်တော်အွယ့် “နာအိုထွို့ ကဟွမ့်ဒါစာဖုန်း၊ အန်ဒင်ရေထွို့ နားလိုကာလုဲင်” က့ရွက်တာ နိန်းအွယ့်။
တတိုက်တွုန်ဖုန်း ရေရွယ်ချက်
(မဿဲ ၁၃:၁၀-၁၇။ မာကု ၄:၁၀-၁၂)
9ထွို့မဲ့ ကိုယ်တော်တပည့်ဖုန်းအွယ့် တစီ့လိုကာ ကိုယ်တော် တတိုက်တွုန် အဓိပ္ပာယ်ယွမ်။ 10အွယ့်ခါ့ ကိုယ်တော်အွယ့် “ဗွယ်ဖရာဒွို ဖီအပ်ထွို့လိနားက့ အခွင်ဟွမ့်သိဒါ အာသာသနာတော် ကအန်ပါအွိုယိုးဒါ အကြောင်ခရာဖုန်း။ ဒေါင့်မာလဲ့ တွိုပလူးလငါ့ဖုန်းအွယ့် ငါးရှင်နေ့ဖီဘာနောင် တတိုက်တွုန်နောင်နိန်းဒွိုးအွယ့်ကြားမဲ့ လိတ်ကျမ်ကုကတျန်စေးကန်းဒါ
‘ဟွိုင့်လဲ့လီသျှီဒါဟ၊
ဟွမ့်လဲ့ လီသိနာဒါဟ’ ကျမ်ချက်နိန်းအွယ့်ဒီ့ ပျန့်ထန်ယွမ်လိထွို့အမှန်”
မိန့်ဒေါင့်နိန်းအွယ့်။
ပလူးရုဲင့်တစွူ့စာ တတိုက်တွုန် အဓိပ္ပာယ်
(မဿဲ ၁၃:၁၈-၂၇။ မာကု ၄:၁၃-၂၀)
11ထွို့ဒါ့ ကိုယ်တော်အွယ့် “ပလူးရုဲင့်တစွူ့စာ တတိုက်တွုန် အဓိပ္ပာယ်ဒွို တစွူ့ဒီ့ ပျန့်တို ဗွယ်ဖရာတရာငိုတော်ဖုန်းတို ဟနေ။ 12တစွူ့ကလင်တေးဒါ ကလေ့လောင်ဖုန်းဒွို ပျန့်တို ပလူးထွိုင်နာဟွမ့်ဘာ ဗွယ်ဖရာတရာငိုတော်ဖုန်းခါ့ ဖီကျန်ယွမ်အန်မာထွို့ ဖီကျန်ခံကယ်ဘာမာ ခံဘာကေ့ မာရ်နတ် လေးချွော်စွာ့ကေ့ ဗွယ်ဖရာတရာငိုတော် ကအိုဒါ အာကာသ့သာကုစာဖုန်း တိုဟနေ။ 13တစွူ့ကလင်တေးဒါ ဟန်ယာလုံခရီးလောင်ဒွို ပျန့်တို ပလူးထွိုင်နာဟွမ့်ဘာ ဗွယ်ဖရာတရာငိုတော်ဖုန်းခါ့ ခံချွော်လိုကာတိုနောင် တဟွမ့်ခိုလဲ့ အာကာသ့သာကု တရာငိုတော်ဖုန်းဒွို လီတည်တစေဟထွို့ ယွမ်အန်လက်ခံလိုကာဘို့ အခိန်းအစင်ကုဟို့ထွို့မဲ့ ဖဝကု မေကြုံခွယ်ဘာနောင် တခုဲင်ဖုန်းခါ့ ကုဲင်အိုရပ်ကေ့ဒါ အာကာတယွမ်အန် ဗွယ်ဖရာလောင်စာဖုန်းတိုဟနေ။ 14တစွူ့ကလင်တေးဒါ တဟွော်မွိုင် ခမ်လားကုဖုန်းဒွို ပျန့်တို နာဟွမ့်လိုကာဘာတို ဗွယ်ဖရာတရာငိုတော်ဖုန်းလဲ့ လောကီစည်စိမ်ဖုန်း၊ တနန်တကူလားဖုန်း၊ တချမ်စာအိုဟေဖုန်းဒွို အိုရေးစေးကန်းကေ့ အွယ့်ကြားမဲ့ အာကာဒွို စပျန့်လိုကာကေ့ ပလူး ကမားခါ့ခယောဝ်း လီအိုလိုကာဟနောင် ဗွယ်ဖရာတရာငိုစာဖုန်းဟနေ။ 15တစွူ့ကလင်တေးဒါ ဟန်ဘေ့ခိုလောင်ကုဒွို ထွိုင်နားဟွမ့်ဘာ ဗွယ်ဖရာတရာငိုတော်ဖုန်းထွို့မကန်စာ့ ဆျန်တိန်စေးကေ့ ရိုစာထွို့ကစင်ကလယ်ဒါ အာကာသ့သာကုထွို့မဲ့ ယွမ်အန်ဆွက်လိုကာတို ဗွယ်ဖရာတရာငိုဖုန်း အွယ့်ကြားမဲ့ ပျန့်လိုကာတို ပလူးအိုလေလိုကာတိုနောင် ဗွယ်ဖရာကျုတ်အတွုန်စာတိုဟနေ” မိန့်နိန်းအွယ့်။
မီအိမ် တတိုက်တွုန်
(မာကု ၄:၂၁-၂၅)
16ထွို့မဲ့ ကိုယ်တော်အွယ့် “လိမီအိမ်ထွို့ ဖီကလူးစေးကန်းနောင် ခရောင်စာ မေဟလဲ့ ဆျန်စေးကန်း ကူခမ်လားကုစာ ကဒေါင့်ဒါဒွို လီအိုဟာ။ ပလူးကနွူးကျိန်းစာဖုန်းကားကအို ဖီကလ့တခါ့ရောင်တာ မီအိမ်ဒွို ကုဲင်ဖီဗွိုင်စေးကန်းဒါဘို့ မီးထွမ်လောင်ကုဟို့။ 17ဖီကျန်မို့ဒါမာ အန်ဒင်အွိုစေးကန်းဒါတာဒွို လီအိုဟာ။ ဖီကျန်သိဒါမာ အန်ဒင်စေးကန်းဒါ တဖီပါအွိုဒွိုလဲ့ လီအိုဟာ။ ဗွယ်ဖရာဒွို အီနေ့ပြဖီတို တာကအန်ဒင်အွိုဒါဖုန်း ကားကအို။ 18အွယ့်ကြားမဲ့ အန်ဒင်ရေထွို့ နားလိုကာ ငါးကစွမ့်ဒါ တာဖုန်းလုဲင်။ ကွက်တဟနာမေဒေါင့်ဘာအွယ့် ပလူးဘသာသိနာဒါ ငါးကစွမ့်ဖီဒါတာစာဖုန်းဒွို ဗွယ်ဖရာဒွို အီဖီမိုးသိနာလွို့တို။ ဒေါင့်မာလဲ့ တွိုပလူးလီဘသာသိနာဟ ငါးကစွမ့်ဖီဒါတာစာဖုန်းဒွို အာကာကသိနာစေးကန်းဒါ တာအကျိပီဖုန်းဟို့မသဲ ဗွယ်ဖရာဒွို အီချွော်စွာ့ကေ့” မိန့်နိန်းအွယ့်။
ကိုယ်တော်ယေရှုမွိုဗွယ်နောင်ပွော်ခုဖုန်း
(မဿဲ ၁၂:၄၆-၅၀။ မာကု ၃:၃၁-၃၅)
19အငြီးကု ကိုယ်တော်မွိုနောင် ပွော်ခုဖုန်းအွယ့်လဲ့ အီခွယ်နောင်ကိုယ်တော်တာ အိုတွိုလေးလိုကာတိုလဲ့ ပလူးဖုန်း ဟေငါလွမ် အွယ့်ကြားမဲ့ တွိုကာဒါဟ ကိုယ်တော်စောင့်။ 20အွယ့်ကြားမဲ့ ပလူးအပလားအွယ့် “ကိုယ်တော်မွိုနောင် ပွော်ခုဖုန်းဒီ့ ဘသာခွယ်လိုကာ ကိုယ်တော်ထွို့ အိုထွိုင်ပွိုင်းလိုကာ ခူနောင့်ဒိုင့်” လျှောက်ကိုယ်တော်နိန်းအွယ့်။
21အွယ့်ခါ့ ကိုယ်တော်အွယ့် “နာ ဗွယ်ဖရာတရာငိုတော်ဖုန်းထွို့ ကလွိုက်နာဒါစာကားကအိုဒွို ပျန့်တို ငါးမွိုနောင် ပွော်ဝေဖုန်းတိုဟနေ” မိန့်ပလူးကားကအို နိန်းအွယ့်။
လှိုင်နောင်ကန်ဇျီးဖုန်း နာခံကာ ကိုယ်တော်
22အငြီးကုဒီ့ ကိုယ်တော်အွယ့် နောင်အာတပည့်ဖုန်း ထန်ထန်ကာဖောင်အမာလောင်ထွို့ “ကာလေးကာ သျှီ့နောင့် ဒွိုးဘာဒါ့အဒိုင့်ကု” မိန့်နိန်းအွယ့် အွယ့်ကြားမဲ့ အာကာအွယ့် စလေးကာတာနောင်ဖောင်။ 23အိုကာလေးနိန်းအွယ့်တွင် ကိုယ်တော်အွယ့် အိုငြီ့ပိန်းအွူတာ။ ကန်ဇျီးဆန်မုန်တိုင်း ဒူတန်အွယ့် ဖတ်ထန်ကျွို့ သျှီ့နောင့် အွယ့်ကြားမဲ့ သျှီ့နွူးကျိန်းဝေ့တွို့ ဖောင်ကုထွို့ ကြုံလိုကာဘာနောင် ဖောင်အီဗင့် အန္တရာယ်။
24အွယ့်ခါ့ တပည့်ဖုန်းအွယ့် မိုးကျို့ကာ ကိုယ်တော်ထွို့ “ဆရာ၊ ဆရာ၊ က့အီစီ့လိုကာဘာလိထွို့တာ” လျှောက်ဒင်လိုကာနိန်းအွယ့် အွယ့်ကြားမဲ့
ကိုယ်တော်အွယ့် ထွိုင်ထွို့ ထွိုင်ဖီအမိန့် ဖီကန်ဇျီးဆန်မုန်တိုင်းနောင် လှိုင်ကလုံဒူဖုန်း ဖီကယွတ်ကေ့ခါ့ ကန်ဇျီးဆန်မုန်တိုင်း နောင် လှိုင်ဒူဖုန်းအွယ့် စယွတ်ကေ့တွို့ဟနေ။ 25ထွို့မဲ့ ကိုယ်တော်အွယ့် “နားက့ ကွက်တဟနာ လီယွမ်အန်လိုကာဟငါး” ထွိုင်တစီ့ တပည့်ဖုန်းနိန်းအွယ့်ခါ့
အာကာကားကအိုအွယ့် အိုဟွမ့်ဆန် စကန်လိုကာတာထွို့ “ပလူးဒွိုးပလားဒွို ပျန့်ပလူးနိန်းမာ။ လှိုင်ဖုန်း ကန်ဇျီးဖုန်းမသဲ ပလိုင်နာခံဘာတွို့ အာအမိန့်” အချင်ချင် ဒေါင့်လိုလေလိုကာနိန်းအွယ့်။
ဝါစွာ့ထန် မိစ္ဆာတလီခိုဟ#8:26မိစ္ဆာတလီခိုဟဖုန်းဒွို လွှော်သေ့ဖုန်း၊ တလောက်ဖုန်း နောင် လွှော်မိစ္ဆာဖုန်းဟနေ။ဖုန်း
(မဿဲ ၈:၂၈-၃၄။ မာကု ၅:၁-၂၀)
26ထွို့မဲ့ ကိုယ်တော်နောင် တပည့်ဖုန်းအွယ့် ကာလေး ဂါလိလဲသျှီ့အွိုင်ထွို့ လေးဆွက်ကာဒါ ဂါရစဝိန်းဆောင့်ခေါင့်အဘာကု နောင်ဖောင်။ 27ထွိုင်တွို့ အွယ့်ကုထွို့ ကိုယ်တော်ထွိုင်ထန် ခေါင့်စွမ်လောင်ကုခါ့ မိစ္ဆာလီခိုဟ အိုပူဒါ ပလူးအွယ့်ဝိန်းကုစာအပလားအွယ့် လေခွယ်နောင် ကိုယ်တော်။ မိစ္ဆာတလီခိုဟ အိုပူတာဒွို ကြာငီးလိထွို့ အွယ်ကြားမဲ့ အာအွယ့် ယွမ်ကုလဲ့ အိုဟ၊ ကွမ်လာလဲ့ အိုတို့ဟထွို့ စလေ အိုဘို့တာ စင်ခိုင်အောင့်ဖုန်းခါကု။ 28ပလားအွယ့်ပလား ထွိုင်သျှီလေကိုယ်တော်ခါ့ အိုနင်းခေါက် ရိုသေတာ မေငါ့ကုထွို့ နောင်ငိုဇျီးစင် “အစွိုင်းမြတ်စွက် ဗွယ်ဖရာဖုခု ယေရှု၊ အိုလူတာ ငါးဆောင့်တဟနာ၊ ကျန်နှိပ်စက်မာငါးမာ၊ ငါးတောင်ပလန်တို” က့လျှောက်နိန်းအွယ့်။ 29ကလျှောက်ဒင်ဘာဒါနိန်းအွယ့်ဒီ့ ပျန့်တို ကိုယ်တော်အွယ့် မိန့်လင်း မိစ္ဆာတလီခိုဟအွယ့်ဘာ အိုပလူးအွယ့်ပလားကု ဖီကစစွာ့ထန်ကေ့ အွယ်ကြားမဲ့ဟနေ။ ကွက်တဟနာ မေဒေါင်ဘာအွယ့် မိစ္ဆာတလီခိုဟအွယ့် နှိပ်စက်အာ ခမိန်လိုင်လိုင်။ ပလူးဖုန်းအွယ့် ဖီတွိုင်ချုပ်စေးကန်း ပလူးအွယ့်ပလား ကျွေ့ာ်ခင်နောင် နန်ပီးထ့ဖုန်းထွို့ အိုပွိုင်းဟွိုင့် စေးကန်းတွို့လဲ့ အာအွယ့် မိုးတကျွောကေ့ နန်ပီးထ့ဖုန်းထွို့ ခံဘာ မိစ္ဆာတလီခိုဟဟောင့်လေ ခမ်လန်ရပ်အိုယားနောင်ပလူးကု အွယ့်ကြားမဲ့ဟနေ။
30ကိုယ်တော်အွယ့် “နားနျန်းလမာ” ထွိုင်တစီ့အာ နိန်းအွယ့်ခါ့ ပလားအွယ့်ပလားကုအွယ့် မိစ္ဆာတလီခိုဟ ခမိန်ဘာဘာ အိုပူစေးကန်းအွယ့်ကြားမဲ့
ပလူးအွယ့်ပလားအွယ့် “ပျန့် လေဂေါင်#8:30အဘာဟေငါလွမ် အွယ့်ကြားမဲ့ ဒေါင့်ဘာ လေဂေါင် နိန်းအွယ့်ဟနေ။” ပြန်လျှောက်ဒင်ချာဒါ့နိန်းအွယ့်။ 31မိစ္ဆာတလီခိုဟ အွယ့်ဟိုဖုန်းအွယ့် ဖီကျန်တုန်မာ တအောင့်ယိုးဒူ#8:31 ဘသာဒေါင့်တို တအောင်ယိုးတန်ထွို့ တအောင့်အွယ့်ဘာဒီ့ အကင့်အိုဟ။ ဒွိုးကုပါဒွို လိတ်ဒွိုးမာ့ဒွို ဘသာဒေါင့်တို မိစ္ဆာတလီခိုဟဖုန်း အိုပွိုင်းလိုကာ ကျေရင်ဆုံဖြတ်အာကာ အပျက်တရာ ကန်စာစွက်တွင် ကအန်ဒင်စေးကန်းဒါ မိစ္ဆာတလီခိုဟဖုန်း ခမ်လန်တိုဟနေ။ ဂျူးဖုန်းအွယ့် ယူလိုကာ ခမ်လန်ဒွိုးဘာဒွို အိုဟန်ယာခမ်လားယိုးတန်ကု။ ကဖီတွိုင့်စေးကန်းဒါ မိစ္ဆာတလီခိုဟဖုန်းကုမာထွို့ တောင်ပလန်ကာကိုယ်တော်။
32အွယ့်ခိန်းကု ထို့ဖုန်းဒူအဖုန်းအွယ့် အန်လိုကာစာ ခေါင့်လောင်ကု အွယ့်ကြားမဲ့ မိစ္ဆာတလီခိုဟဖုန်းအွယ့် တောင်ပလန်ကာကိုယ်တော် ဖီကခွင်ဖီ ကျိန်းပူစို့ ထို့အွယ့်ဟိုဖုန်းကု အွယ့်ကြားမဲ့ ကိုယ်တော်အွယ့်လဲ့ ဖီခွင်ဟနေ။ 33အွယ့်ကြားမဲ့ မိစ္ဆာတလီခိုဟဖုန်းအွယ့် အိုပလူးအွယ့်ပလားကု စထန်ထွို့ ကျိန်းပူကာ ထို့ဖုန်းကုထွို့ ထို့အွယ့်အဖုန်းလူးအွယ့် အိုကာလိုင်တနွိုင်းလောင်ထွို့ တထွူ့လင်းလိုကာ သျှီ့အွိုင်ကု နောင်အာဆန်ဆန်ထွို့ ဗင့်လင်းကကေ့သျှီ့ကု။
34အွယ့်ခါ့ ထို့တီစာဖုန်းအွယ့် ထွိုင်သျှီတပျန့်ဒွိုးဘာခါ့ တထွူ့လိုကာ ထွို့မဲ့ စဒေါင့်နေ့လိုကာ စတင်းအွယ့်ဘာ ဂါရစဝိန်းကုနောင် ရပ်အိုဘို့ကု။ 35ပလူးဖုန်းအွယ့်လဲ့ အီလေဟွိုင့် တပျန့်အွယ့်ဘာတာ အိုဝိန်းကု စာစွာ့ထန်လိုကာ။ အာကာအွယ့် ထွိုင်တွိုလေးလိုကာ ကိုယ်တော်ဆောင့်ခါ့ သျှီလိုကာဘာ ပလူးလွှတ်ထန်ဒါ မိစ္ဆာတလီခိုဟပူစာအွယ့်ပလားဒီ့ အိုတို့နောင် ကွမ်လာဖုန်းထွို့ အိုနင်းတာ ကိုယ်တော်ခင်ထိကုနောင် အခိုပကတိအတွုန် အွယ့်ကြားမဲ့ စကန်ထန်လိုကာ ကိုယ်တော်။ 36ပလူးကသျှီဘာတိုးဒါ တပျန့်အွယ့်ဘာနောင်နန်စာအွယ့် အိုဒေါင့်နေ့လိုကာ ပလူးကျတွိုလေး ဒွိုးခါ့ကုစာဖုန်း ကိုယ်တော်ဒွို မိုးလွှတ်ဖီကေ့ ပလူးအွယ့်ပလား အိုမိစ္ဆာတလီခိုဟပူကု နိန်းမာခရာဖုန်း။ 37အွယ့်ခါ့ ပလူးအိုဂါရစဝိန်းကု ကလေးဒါစာ ကျွမ်ပလားပလားအွယ့် ဟွမ့်ဆန်စကန်ထန်ကာ အွယ့်ကြားမဲ့ တောင်ပလန်လိုကာကိုယ်တော် အိုဝိန်းကု ဖီစစွာ့ထန်ကေ့ အွယ့်ကြား ကိုယ်တော်လဲ့ နောင်တပည့်ဖုန်း ထန်ထန်ဖောင်လောင်ထွို့ အိုအွယ့်ရပ်ကု စစွာ့ထန်ကာကေ့။
38ကိုယ်တော်ယေရှု အိုအွယ့်ရပ်ကု ခရားအီစစွာ့ထန်ခါ့ ပလူးကလွှတ်ထန်ကေ့ဒါ မိစ္ဆာတလီခိုဟပူကုစာအွယ့်ပလားအွယ့် ထွိုင်တောင်ပလန်လျှောက် ကိုယ်တော် ဖီကခွင်ဖီ လေးတွဲ့ကိုနောင် ကိုယ်တော်ခါ့ ကိုယ်တော်အွယ့် ခွင်ဖီဟ ပလူးအွယ့်ပလားလေးတွဲ့ထွို့ 39“ကျိန်းနားယွမ်ထွို့ ကျိန်းဒေါင့်နေ့ ပလူးကားကအို ဗွယ်ဖရာကမိုးဖီဒါနား တာဖုန်းကားကအိုဒီ့လုဲင်” မိန့်ကွင်အာနိန်းအွယ့်။ အွယ့်ကြားမဲ့ အာအွယ့်လဲ့ စစွာ့ကျွက်ကျက်တွို့ဝိန့်ကုထွို့ စဒေါင့်ဟွမ့် ကိုယ်တော်ကမိုးဖီဒါတာ အာလောင်ကားကအို။
ပြန်မိုးမွမ့်ဖီချာဒါ့ ပမွော်ပီ ကအိုစီ့ဒါအပလားဆက်နောင် ကုဖီပမွော်အပလား
(မဿဲ ၉:၁၈-၂၆။ မာကု ၅:၂၁-၄၃)
40ဒါ့အလိုင် ကိုယ်တော်ယေရှုအွယ့် ပြန်ကြွာ့ချာဒါ့ သျှီ့နောင့်ဒါအဒိုင့်ကုခါ့ လူထုပရိသတ်ဖုန်းအွယ့် အိုပွိုင့်လိုကာကိုယ်တော် အွယ်ကြားမဲ့ ကြိုစွမ်လိုကာ ကိုယ်တော်နောင် ပျော်ပျော်စွင်စွင်။ 41အွယ့်ကုအွယ့် ဂျူးပခု ကနျန်းဒါ ယာဣရု ဓမ္မာရုံတာဝန်ခံအိုအပလား။ ပလူးအွယ့်ပလားအွယ့် လေအိုနင်းခေါက်တာ ကိုယ်တော်မေငါ့ကုထွို့ ကျွူ့လျှောက်ကိုယ်တော် ဖီကကြွာ့လေဖီ အာယွမ်ကု။ 42ကွက်တဟနာမေဒေါင့်ဘာအွယ့် အာဖုမွော်အိုပလားဟို့ ဆက်လ့အစီ့ငြီ့နိန်းအွယ့် အိုခရွိုင်ဟတာ ဗွမ့်တွို့နောင်ဘို့ဘို့စီ့။
ထွိုင်ကြွာ့ကျိန်း ယွမ်အွယ့်မာ့ကုခါ့ ပလူဖုန်းဟေတန်အွယ့်လဲ့ အိုခွူ့လိုကာကိုယ်တော်ထွို့ အိုစုရွန့် နျန်ဆျက်လိုကာတာ။ 43ပလူးပရိသတ်ခါကု ပမွော်ပလားအွယ့် အိုပျန့် ကျွူပလုဲင်ရောဂါ လ့တွို့အစီ့ငြီ့နိန်းမှန်မှန်လဲ့ လမားလဲ့ လီကုတမာဖီဒါဟ အာရောဂါ#8:43 လိတ်ကျမ်လငါ့ကုဒီ့ ကုနန် ဘာစီဆရာဖုန်းဆောင့် နောင်အာကပွိုင်ဆိုင်ဒါ တကလွိုင်ဖုန်းလဲ့ လမားလဲ့ကုဖီဒါလိုကာဟ။ နောင်မောရှေပညတ်ကျမ်အတွိုင် ပမွော်မေအိုပျန့် ကျွူပလုဲင်ရောဂါတွင် အိုထင်လိုကာ လီပလင့်ဟအွယ့်ကြားမဲ့ အာအွယ့် ခွိုင်းဒါဟ တာဟနားနား၊ လမားမား။။ 44အာအွယ့် ရီ့ဘို့လေ ကိုယ်တော်ကန်စာ့ဒိုင့်ကုထွို့ ထွိုင်ခွိုင်းဘို့ ကိုယ်တော်ကန်ကျိန်းထွော့်ခူနောင့် နောင်ကျွော့်ဟို့ထွို့ အလိုင်ချင် အာကျွူပလုဲင်ရောဂါအွယ့် တမာကျိန်းကေ့တွို့။
45အွယ့်ခါ့ ကိုယ်တော်အွယ့် “လမာစခွိုင်းငါး” ထွိုင်တစီ့ထန်နိန်းအွယ့်ခါ့
ပလူးဖုန်းလဲ့ ငြင်းလိုကာ အကြောင်အာကာ လီခွိုင်းဘာဟထွို့ ပေတရုအွယ့် “ဆရာ၊ ဆရာတီးကု ပလူးကျွိုဒူဒွို အိုနျန်လိုကာတာ”#8:45 ဂရိလိတ်ကျမ်အဟန်ဟန်ကုဒီ့ ပေတရုနောင် ပလူးအိုကိုနောင်ပေတရု လျှောက်ဒင်နိန်းအွယ့်။
46ဒေါင့်မာလဲ့ ကိုယ်တော်အွယ့် “ပလူးအပလားပလား စခွိုင်းငါး အွယ့်ကြားမဲ့ ငါးသိထန် တန်ခိုဖုန်း အိုငါးစောင့်စထန်ထန်” ပြန်မိန့်ချာဒါ့နိန်းအွယ့်။
47ပမွော်အွယ့်ပလားလဲ့ ဖီဒင်အွိုဒါဒွမ်းထွို့ အာအိုနင်းခေါက်လင်းတာ ကိုယ်တော်မေငါ့ကု နောင်စကန်စွိုစွိုတန်ထွို့ အာဒေါင့်နေ့ဖီပလား ကားကအို အကြောင်ခွိုင်းဘာဘို့ ကန်ကျိန်းထွော့်ခူနောင့်ဟို့ထွို့ အာရောဂါ တမာစွူတွို့ အလိုင်ချင်ခရာ။ 48ကိုယ်တော်အွယ့် “ဖုမွော်၊ နားတယွမ်အန်ဒွို မိုးတမာဖီကေ့ နားရောဂါတိုဟနေ။ စစွာ့ငင်ငင်ချန်းတာလုဲင်” မိန့်ပမွော်အွယ့်ပလားနိန့်အွယ့်။
49ကိုယ်တော် အိုမိန့်နိန်းအွယ့်တွင် ပလူးအို ယာဣရုယွမ်ကုစာ အပလားတွိုလေးထွို့ “နားဖုမွော် စီ့ကေ့လိထွို့၊ ကျန်မိုးချုပ်မာဒွမ်းမာ ကိုယ်တော်မာ” လေဒေါင့် ယာဣရုနိန်းအွယ့်။
50ကိုယ်တော် ထွိုင်ဟွမ့်ငိုအွယ့်ဘာခါ့ “ကျန်နန်မာ။ အန်ဒင်ဘို့ တယွမ်အန်ငါလုဲင်။ နားဖုမွော်ဆက်အီပြန်မွမ့်ချာဒါ့တို” မိန့်လေ ယာဣရုနိန်းအွယ့်။
51ထွို့မဲ့ ကိုယ်တော်အွယ့် ထွိုင်တွိုလေး ယာဣရုယွမ်ကုခါ့ လွို့ထွို့ ပေတရု၊ ယောဟန်၊ ယာကုပ်နောင် ပမွော်ပီပလားမွိုဖာ့ထွို့ ခွင်ဖီဟ ပလူးလငါ့ နွူးကျိန်းခန်ကုန်ကုကု။ 52ပမွော်ပီအွယ့်ပလား စစီ့ကေ့အွယ့်ကြားမဲ့ ပလူးကျွမ်ပလားပလားအွယ့် ငွိုယွမ်လိုကာတွို့တာ။ ဒေါင့်မာလဲ့ ကိုယ်တော်အွယ့် “ပသာဒွိုးပလားဒွို လီစီ့ဟာ။ အိုငြီ့ပိန့်တိုတာတို” မိန့်နိန်းအွယ့် အွယ့်ကြားမဲ့
53ပလူးဖုန်းအွယ့် အိုသိစေးကန်းကာ ပမွော်ပီအွယ့်ပလား စီ့လိထွို့ခရာအွယ့်ကြားမဲ့ တငါးပလာကာ ကိုယ်တော်။ 54ဒေါင့်မာလဲ့ ကိုယ်တော်အွယ့် ကျန်းစေးကန်း ပမွော်ပီအိုစီ့ဒါ အွယ့်ပလားကျွော့်ထွို့ “ပမွော်ပီ၊ ထွိုင်ချန်းလုဲင်” ဆျက်ကမိန့်နိန်းအွယ့်ထွို့ 55ပမွော်ပီအွယ့် ဆက်ပြန်မွမ့်ချာဒါ့ထွို့ စထွိုင်အိုနင်းထန်စွိုတွို့တာ အလိုင်ချင်။ ထွို့မဲ့ ကိုယ်တော်အွယ့် မိန့် ပမွော်ပီအွယ့်ပလား မွိုဖာ့ဖုန်း ဖီကဖီအန် ပသာပီ တအန်တကျွိုကျွို။ 56အွယ့်ခါ့ အာမွိုဖာ့ဖုန်းအွယ့်လဲ့ ဟွမ့်ဆန်ယွမ်လိုကာတွို့တာ။ ဒေါင့်မာလဲ့ ကိုယ်တော်အွယ့် တပျန့်ဒွိုးဘာဒွို ကျန်ဒေါင့်နေ့မာ လမားမားမာ မိန့်ကွင်စေးကန်း နိန်းအွယ့်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.