လုကာ 9
9
အခန် (၉)
အန်ကြွ့လေး သာဝကအစီ့ငြီ့ပလား
(မဿဲ ၁၀:၅-၁၅။ မာကု ၆:၇-၁၃)
1ထွို့မဲ့ ကိုယ်တော်အွယ့် ဟောင့်စုသာဝက အစီ့ငြီ့ပလားထွို့ ဖီအပ်တန်ခိုနောင် အခွင်အာဏာ ဖီကဝါစွာ့ထန်ဒါ မိစ္ဆာတလီခိုဟဖုန်းကားကအို နောင် ဖီကကုတမာကျီ့ဒါ တစာ့ရောဂါဖုန်း။ 2ထွို့မဲ့ ကိုယ်တော်အွယ့် ဖီကြွ့လေအာကာ ဖီကစဟို ပလူးဖုန်း ဗွယ်ဖရာသာသနာတော်ခရာနောင် ဖီကကုခရွိုင်ဖီ ပလူးလီခရွိုင်ဟစာဖုန်း။ 3ကိုယ်တော်အွယ့် “တလေးကလေ့တာ တကျွိုငါလဲ့ ကျန်လေကျီ့တွဲ့မာနောင် နားက့မာ။ နမ်ထို့၊ တန်ပွို့၊ တအန်၊ ကွမ့်၊ ကန်ကျိန်းလွို့ ဖုန်း ကျန်လေကျီ့ကာမာ။ 4ကကြိုစွမ်ဒါနားက့ ကမားယွမ်ခယောဝ်း တွိုတွို့ အိုအွယ့်ရပ်ကု စစွာ့ထန် အိုတည်ကာဘို့ ယွမ်အွယ့်မာ့ကုလုဲင်။ 5အေ့နေ့ချန်း ပလူးကအိုဒါ ရပ်ကမားကုခယောဝ်း မေလီကြိုစွမ်ဟနားက့အွယ့် အိုအွယ့်ရပ်ကု မေစစွာ့ထန်ခါ့ အေ့နောင် ဖီစတိအာကာထွို့ ဘန်ဖုန့်လိုကာဟန်ဖွမ် အိုနားက့ခင်လောင်ကုလုဲင်#9:5ဂျူးပလူးမျိုဖုန်းတာဒွို “ဘန်ဖုန့် ဟန်ဖွမ့်အွယ့်ရပ် ကအိုအျန့်ဒါ နားက့ခင်လောင်” ကဒေါင့်ဒါဒွို “တပတ်စက်နောင် ပလူးအွယ့်ရပ်ကုစာဖုန်း လီအိုဟ” အဓိပ္ပာယ်လ့နိန်းအွယ့်။ ဒွိုးကုပါ ကမိုးဒါနိန်းအွယ့်ဒီ့ နေ့ပြထန်တို အကြောင် ဗွယ်ဖရာကဖီဒါ ပလူးကအိုဒါ အွယ့်ဝိန်းကုစာဖုန်းအပျက်ဒွို မိုးနိန်းမားမားလဲ့ လီဆိုင်ဟနောင် တပည့်ဖုန်းခရာတိုဟနေ။” မိန့်လေနိန်းအွယ့်။ 6သာဝကဖုန်းအွယ့်လဲ့ အိုအာဆောင့် စစွာ့ထန်ကာထွို့ လေးကာ အနယ်နယ်အရပ်ရပ်ကုထွို့ ဟိုဒေါင့်ဖီကာ ဗွယ်ဖရာမင်္ဂလာစတင်းခိုဖုန်းထွို့ ကုတမာဖီကာ ပလူးလီအိုခရွိုင်ဟစာဖုန်း။
အုပ်ချုပ်စာဟေရုဒ် သောက
(မဿဲ ၁၄:၁-၁၂။ မဿဲ ၆:၁၄-၂၉)
7အွယ့်ခိန်းကု ကအုပ်ချုပ်ဒါ ဂါလိလဲကန်စာ ဟေရုဒ်အွယ့် ထွိုင်ဟွမ့်သိထွို့ ကိုယ်တော်ယေရှု ကမိုးဒါတာဖုန်း ကားကအိုခါ့ သ့ရှုပ်ထန်တာ။ ကွက်တဟနာမေဒေါင့်ဘာအွယ့် ပလူးအဟန်ဟန်အွယ့် “ငွုတ်သျှီ့မင်္ဂလာဆရာယောဟန် ဆက်ပြန်မွမ့်ချာလိ” နိန်းအွယ့်ခယောဝ်း၊ 8ပလားလငါ့စာအွယ့် “အရိယာဆူတော်ကောင်ဧလိယ ကြွာ့လေချာဒါ့လိ” နိန်းအွယ့်ခယောဝ်း၊ အဟန်ဟန်အွယ့်လဲ့ “အကီကီခါ့ကအိုဒါ အရိယာဆူတော်ကောင်ဖုန်းကု အပါးဒွို ဆက်ပြန်မွမ့်ချာဒါ့လိထွို့” နိန်းအွယ့်ခယောဝ်း အိုဒေါင့်လိုကာ အွယ့်ကြားမဲ့ဟနေ။ 9ဒေါင့်မာလဲ့ တွိုအုပ်ချုပ်စာဟေရုဒ်အွယ့် “ငါးအန်ချန့်ဒွူ့ထွို့လိ ငွုတ်သျှီ့မင်္ဂလာဆရာယောဟန်ခူ။ ဒွိုးခါ့ ကအိုဟွမ့်ဘာဒါ စတင်းနိန်းဒွိုးကြားစာဒွို ပျန့်လမာ” ဒေါင့်နိန်းအွယ့်ထွို့ သ့ ဘာသခွယ်ထန်ယွမ်တွို့ ကိုယ်တော်။
အန်လွူပလူးအန်ငေရိန့်
(မဿဲ ၁၄:၁၃-၂၁။ မာကု ၆:၃၀-၄၄။ ယောဟန် ၆:၁-၁၄)
10သာဝကဖုန်း ထွိုင်ကျိန်းတွိုကာချာဒါ့ခါ့ လျှောက်ဒင်လိုကာ ကိုယ်တော် အာကာ ကမိုးဘာဒါတာဖုန်း။ ထွို့မဲ့ ကိုယ်တော်အွယ့် ဟောင့်ဘို့အာကာဟို့ထွို့ ကြွာ့လေးကာ ဗက်ဇဲဒဝိန်းကု။ 11ပလူးဖုန်းဟေတန်အွယ့် ဟွမ့်သိလိုကာ အကြောင်ခရာအွယ့်ဘာ အွယ့်ကြားမဲ့ လေးတွဲ့လိုကာ ကိုယ်တော်ကန်စာ့။ ကိုယ်တော်အွယ့်လဲ့ ကြိုစွမ်အာကာထွို့ ဟိုစွမ့်ဖီတာ ဆိုင်နောင် ဗွယ်ဖရာသာသနာတော်ခရာဖုန်းထွို့ ကုဖီပါဒါ့ ပလူးလီအိုခရွိုင်ဟစာဖုန်း။
12မွိုင်ထွိုင်နိုင့်လင်းခါ့ သာဝကအစီ့ငြီ့ပလားအွယ့် တွိုလေးကာ ကိုယ်တော်ဆောင့်ထွို့ “ဆရာ၊ ရပ်ဒွိုးဒွို ပျန့်တို ရပ်အိုယားနောင်ပလူးကု အွယ့်မဲ့ အန်ကြွ့လေး ပလူးကျွိုဒူဒွိုးဟိုဖုန်း ဒုန့်ကအိုဘို့ဒါ ဒွိုးရပ်ကုမွန်။ အာကာဒွို အိုလူခမ်လန်အိုနာတာနောင် တအန်ဖုန်း” လျှောက်လိုကာနိန်းအွယ့်။
13ဒေါင့်မာလဲ့ ကိုယ်တော်အွယ့် “ဖီအာကာ တအန်ခရာအကျွိုကျွိုလုဲင်” ထွိုင်မိန့်အာကာ နိန်းအွယ့်ခါ့
အာကာအွယ့်လဲ့ “ပလူးဒွိုးဟို ကားကအိုတာ မေလီလေအန်ပလီးဟ တအန်အွယ့် က့ဆောင့်ဒွို အိုဘို့တေ တကိုးပီပီ အန်ငေမာ့နောင် တားအန်ငြီ့ဘာဟို့” လျှောက်လိုကာနိန်းအွယ့်။ 14ပလူးကျွိုဒူကုအွယ့် ပခုအိုအပလား အန်ငေရိန့်အာ့#9:14 ပသာပီနောင် ပမွော် ခမိန်ပလား တွက်စေးပါဟ။။
ကိုယ်တော်အွယ့် “ဒေါင့်ပလူးကျွိုဒူဖုန်း ပလူးအစုစုဒွို အိုနင်းပါးကာ အန်ငေစီ့ပလားလုဲင်” မိန့်တပည့်ဖုန်းနိန်းအွယ့် အွယ့်ကြားမဲ့ 15တပည့်ဖုန်းအွယ့်လဲ့ အန်ချန့်ပလူးဖုန်း အိုနင်းကာနိန်းအွယ့် အွယ့်ကြားမဲ့ ပလူးဖုန်းလဲ့ အိုနင်းလိုကာ။ 16ထွို့မဲ့ ကိုယ်တော်အွယ့် ချွော်တကိုးအန်ငေမာ့ နောင် တားအန်ငြီ့ဘာထွို့မဲ့ ဟွိုင့်ထန်မုကန်ထွို့ အန်ဖရာ ဗွယ်ဖရာကေဇူထွို့ ပီတကိုးနောင်တားထွို့ မဲ့ အိုတပည့်ဖုန်းဆောင့်ထွို့ အန်ချန့်ဝေဖီ ပလူးဖုန်း။ 17ပလူးဖုန်းကားကအိုအွယ့်လဲ့ အန်ကွို့လိုကာထွို့ တပည့်ဖုန်း ထွိုင်တွမ်ဆျန် တအန်အိုကေ့ဖုန်းခါ့ လဝေ့လိုကာတွို့ ခရောင် အစီ့ငြီ့ခရောင်။
ပေတရုဝန်ခံချက်
(မဿဲ ၁၆:၁၃-၂၀။ မာကု ၈:၂၇-၃၀)
18အငြီးကု ကိုယ်တော်ယေရှုအွယ့် အိုဘို့တပည့်ဖုန်းဟို့ခိန်း ဆုတောင်တိုးတာ အပါးတိုးထွို့ ကိုယ်တော်အွယ့် “ပလူးဖုန်း ဒေါင့်လိုကာ ငါးပျန့်လမာ” တစီ့လေ အာကာနိန်းအွယ့်။
19အာကာအွယ့် “ပလူးအဟန်ဟန်အွယ့် ‘ငွုတ်သျှီ့မင်္ဂလာဆရာယောဟန် ဆက်ပြန်မွမ့်ချာလိ’ နိန်းအွယ့်ခယောဝ်း၊ ပလားလငါ့စာအွယ့် ‘အရိယာဆူတော်ကောင်ဧလိယ ကြွာ့လေချာဒါ့လိ’ နိန်းအွယ့်ခယောဝ်း အိုဒေါင့်လိုကာထွို့ အဟန်ဟန်အွယ့်လဲ့ ‘အကီကီခါ့ကအိုဒါ အရိယာဆူတော်ကောင်ဖုန်းကု အပါးဒွို ဆက်ပြန်မွမ့်ချာဒါ့လိထွို့’ နိန်းအွယ့်ခယောဝ်း အိုဒေါင့်လိုကာ” လျှောက်ဒင်လိုကာနိန်းအွယ့်။
20အွယ့်ခါ့ ကိုယ်တော်အွယ့် “နားက့ဟာ ထင်လိုကာ ငါးပျန့်လမာ” ထွိုင်တစီ့နိန်းအွယ့်ခါ့
ပေတရုအွယ့် “ကိုယ်တော်ဒွို ပျန့်တို ဗွယ်ဖရာကအန်ကြွ့လင်းဒါ ဗွယ်ကယ်ဆယ် မေရှိယတို” ပြန်လျှောက်ချာနိန်းအွယ့်။
21ကိုယ်တော်အွယ့်လဲ့ ရေးခရိန်စေးကန်းကေ့ ဖီကျန်ဒေါင့်မာ အကြောင်ခရာဒွိုးဘာ လမားမားဆောင့်မာ။
မိန့်ဟွမ့်ကီစေးကန်း အီခံစီ့တာခရာ
(မဿဲ ၁၆:၂၀-၂၈။ မာကု ၈:၃၀-၉:၁)
22ထွို့မဲ့ ကိုယ်တော်အွယ့် “ပလူးဖုခုငါးဒွို အီခံစာဘာယွမ်တွို့ဝေဒနာ။ အာဒွို အီခံဘာ ဂျူးပလူးမျိုဆက်ဒူဝါဒူဖုန်း၊ ပုရောဟိတ်အဒူအကဲဖုန်းနောင် ကျမ်ဒါဆရာဖုန်း မိုးခုဲင်နှိပ်စက်။ ကိုယ်တော်ဒွို အီခံဘာ အာကာငြင်းပေထွို့ မိုးစီ့။ ဒေါင့်မာလဲ့ မေဘ့အန်တွမ့်ငြီးကု အာဆက်အီပြန်မွမ့်ချာဒါ့” မိန့်တပည့်ဖုန်းနိန်းအွယ့်။
ယိုး နန်တိုးတထွမ်အျန့်ကျွော့်ယားလုဲင်
23ထွို့မဲ့ ကိုယ်တော်အွယ့် “ပလူးဘသာပျန့် တပည့်တွဲ့ငါးကန်စာ့ ကျွမ်ပလားပလားဒွို အီဖီကြွ့ကေ့ နန်တိုးကျိုထွို့မဲ့ ယိုးတိုး နန်တိုးတထွမ်အျန့်ကျွော့်ယားထွို့#9:23 ဘသာဒေါင့်တို မေစီ့ဘာတွို့ခယောဝ်း အီလွိုက်နာတို ငါးအမိန့်ကျွမ်ငြီးငြီးစာတိုဟနေ စတွဲ့ဒါဘာ ငါးကန်စာ့။ 24ကွက်တဟနာမေဒေါင့်ဘာအွယ့် ပလူး ဘသာကယ်ချာတိုး နန်တိုးဆက်စာဖုန်းဒွို အီစွမ်ကေ့ဘာ။ ဒေါင့်မာလဲ့ ကွက်ငါးတာထွို့ ပလူးခံစွမ် နန်တိုးဆက်စာဖုန်းအွယ့် အီလ့ဘာ ဆက်နိစ္စထာဝရ။ 25နားက့ဒွို လတွို့အခွင်ပွိုင် ကမ်ဖာလောင်ကု ကအိုဒါ တာကားကအိုလဲ့ နားက့ မေစွမ်ကေ့ဘာ ဆက်နိစ္စထာဝရအွယ့် အကျိုအီအိုတဟနာ။ 26နားက့ဒွို မေငြင်းပေလိုကာ ငါးနောင် ငါးစွမ့်တာဖုန်းအွယ့် ကပျန့်ဒါ ပလူးဖုခုငါးဒွိုလဲ့ မေကြွာ့လင်းတာနောင် ငါးဘုန်တန်ခိုတော်၊ လွှော်ဒေဝါစွိုင်းမြတ်ဖုန်းခါ့လဲ့ နားက့ဒွို ပျန့်ပလူးတွယ့်ငါးကန်စာ့စာမေဟ အီငြင်းပေနိန်းအွယ့်။
27ငါးမေဒေါင့်ဘာနားက့အမှန်ဒွို ဒွိုးခါ့ ပလူးကအိုထွိုင်တာ ဒွိုးကုပါစာ အဟန်ဟန်ဒွို မေခသျှီဘာကောင်း ဗွယ်ဖရာသာသနာတော်ဒွို အီစီ့ဘာ လီမေဟာ” မိန့်လူထုပရိသတ်ဖုန်း နိန်းအွယ့်။
ရုပ်ယောင်ဆင် ပလောင်လေထန်
(မဿဲ ၁၇:၁-၈။ မာကု ၉:၂-၈)
28ထွိုင်မိန့်နိန်းအွယ့်ထွို့မကန်စာ့ ထွိုင်ကြာအန်စူးငြီးအာ့ကု ကိုယ်တော်အွယ့် ဟောင့်ပေတရု၊ ယောဟန်နောင် ယာကုပ်ကာထွို့ အီဝယ်ဆုတောင်တာတာ ကြွာ့ထန်လိုကာခေါင့်လောင်ကု။ 29ကိုယ်တော်အိုဆုတောင်တာတွင် အာရုပ်ယောင်ဆင်အွယ့် ပလောင်လေထန်ထွို့ ကန်ကျိန်းထွော့်ခူနောင့်ဒီ့လဲ့ ဖောင်လောင်ခါ့လက်ထန်တာ။ 30ထွို့မဲ့ ကပျန့်ဒါ အရိယာဆူတော်ကောင် မောရှေနောင် ဧလိယကာအွယ့် ပိုလေကျွို့တာထွို့ ဒေါင့်စွူ့လိုကာ နောင်ကိုယ်တော်။ 31အာကာအွယ့် ဘုန်တန်ခိုတော်ဖုန်း တင်ခါ့လက်ထန်တာထွို့ အိုဒေါင့်လိုကာ ငီးဟဒွမ်း ကအီပျန့်ထန်လိဒါ ကိုယ်တော်အီစီ့ဘာတာ ဂျေရုဆလင်ဝိန်းကုခရာနောင် နောင်နိန်းအွယ့်ထွို့ ဗွယ်ဖရာ တကြံဆိုင်နောင် ကိုယ်တော်ဒွို အီပျန့်ထန်ယွမ်လိထွို့ ခရာ။ 32အွယ့်ခါ့တွင် ပေတရုနောင် တပည့်လငါ့အန်တငြီ့အွယ့် အိုငြီ့ပိန်းအွူလိုကာတိုတာ။ အာကာမေးထွိုင်ကျို့ခါ့ အလိုင်ချင် အာကာသျှီလိုကာဘာ ကိုယ်တော် ကအိုဝေ့ကျွမ်ဒါနောင် ဘုန်တန်ခိုတော်။ အာကာအွယ့် သျှီဘာပါဒါ့ ပလူးအန်တငြီ့ အိုထွိုင်ထွို့ ဒေါင့်စွူ့နောင် ကိုယ်တော်။ 33ထွို့မဲ့ ကပျန့်ဒါ အရိယာဆူတော်ကောင် မောရှေနောင် ဧလိယကာ ထွိုင်စစွာ့ထန်ခိန်း ပေတရုအွယ့် “ဆရာ၊ ကအိုဘာဒါ ရပ်ဒွိုးဒွို ခိုယွမ်တွို့။ အွယ့်ကြားမဲ့ ဖီစူ့က့ ကိုယ်တော်တာ နန်ကြာအမာ့၊ ဧလိယတာ နန်ကြာအမာ့နောင် မောရှေတာ နန်ကြာအမာ့မွန်” လျှောက်ကိုယ်တော်နိန်းအွယ့်။ ဒေါင့်မာလဲ့ အာဒေါင့်တဟနာဒွို အာနန်နောင် အာနန်ချာငါလဲ့ လီသိဟ။
34ပေတရု အိုလျှောက်နိန်းအွယ့်တွင် မုအီအဘာအွယ့် အိုပါအာကာခလွို့ကုထွို့ တွိုလေးတာ။ ကွက်အာကာ စတွိုကေ့ မိုးအီယောင်းခလားကု အွယ့်ကြားမဲ့ အာကာ စကန်စွိုထန်ယွမ်လိုကာတွို့တာ။ 35အွယ့်ခိန်းကု အိုမုအီကုထွို့ “ပလူးဒွိုးပလားဒွို ပျန့်တိုငါးကလွိုက်ရွေစေးကန်းဒါ ငါးဖုခုတို။ နာကာ အာငိုလုဲင်” တဇျီးအဘာ စင်ထန်တာ နိန်းအွယ့်။ 36ငိုအိုတဇျီးအွယ့်ဘာကု ဒေါင့်ထန်တာ ထွိုင်ထွို့ခါ့ ပေတရု၊ ယောဟန်နောင် ယာကုပ်ကာအွယ့် သျှီလိုကာဒါ့ဘို့ ကိုယ်တော်အပါးတိုးဟို့။ တပည့်တော်ဖုန်းအွယ့် အိုကျွော်လိုကာဘို့တာ ဆိုင်နောင် အကြောင်ခရာဖုန်း ကားကအို။ တွိုတွို့အခိန်းကာလငီးတန် ဒေါင့်နေ့ဟလမားမား အွယ့်ခိန်းဖုန်းကု အာကာကသျှီဘာဒါတာဖုန်း။
ဝါစွာ့ထန် မိစ္ဆာတလီခိုဟဖုန်း
(မဿဲ ၁၇:၁၄-၁၈။ မာကု ၉:၁၄-၂၇)
37ဒါ့အငြီးကု ကိုယ်တော်ယေရှုနောင် တပည့်အန်တတွမ့်ကာအွယ့် အိုခေါင့်လောင် လင်းလင်ကာထွို့ လူထုပရိသတ်ဖုန်းအွယ့် ကြိုစွမ်လိုကာ အာကာ။ 38လူထုပရိသတ်ကု ပလူးအပလားအွယ့် “ဆရာ၊ ကူညီဖီ ငါးဖုခုတာ ငါးတောင်ပလန်တို။ အာဒွို ပျန့်တို ငါးဖုခုအိုအပလားတိုးတို။ 39မိစ္ဆာတလီခိုဟပူအာထွို့နှိပ်စက်အာအွယ့်ကြားမဲ့ က့သဝါ့ကျွို့ဒါတာထွို့ အာနန်အဘားလူး စွိုထန်တွို့ထွို့ အဗူ့ဖုန်းလဲ့ အိုအာနာပလောင်ကု ကုဲင်ထန်ဒါဟနေ။ မိစ္ဆာတလီခိုဟ အွယ့်ဘာဒီ့ မိုးစာ့ဒူယွမ်တွို့အာထွို့မဲ့ အိုအာကုထွို့လဲ့ စစွာ့ထန်ကလွူ့ဟ။ 40ငါးအွယ့် တောင်ပလန်ကိုယ်တော်တပည့်ဖုန်း ဖီကဝါစွာ့ထန်ဖီကေ့ မိစ္ဆာတလီခိုဟလဲ့ အာကာဒီ့ ဝါစွာ့ထန်ဒါလိုကာဟ” လျှောက်နိန်းအွယ့်။
41အွယ့်ခါ့ ကိုယ်တော်အွယ့် “အွို တယွမ်အန်လီအိုဟ၊ ပလူးအိုမိုးဘို့ အပျက်စရိုက်လီခိုဟဖုန်းဟို့စာဖုန်း၊ ငါ့ အီစေခံထွို့ အီအိုကိုဘာဒါ့နောင် နားက့ ငြီးတုဲင်းတျာမာအာ့” မိန့်တပည့်ဖုန်းနိန်းအွယ့်ထွို့ ကိုယ်တော်အွယ့် “ဟောင့်လေး နားဖုခု ငါးဆောင့်လုဲင်” မိန့်ပလူးအွယ့်ပလားနိန်းအွယ့်။
42ပသာပီအွယ့်ပလား အိုလေးတွင် မိစ္ဆာတလီခိုဟအွယ့် မိုးလင်ပိုင်းအာ ဟန်လောင်ထွို့ မိုးစီစွိုဒူယွမ်တွို့ အာနန်အဘာအာ့။ ဒေါင့်မာလဲ့ ကိုယ်တော်အွယ့် မိန့်မိစ္ဆာတလီခိုဟ အိုပသာကု ဖီကစစွာ့ထန်ကေ့ထွို့မဲ့ ကုပသာပီ ဖီပြန်ခရွိုင်ချာဒါ့ထွို့ ပြန်အပ်ချာဒါ့ အာဖာ့ဆောင့်။
မိန့်ကီစေးကန်း အီစီ့ဘာတာခရာ ဒုတိယလိုင်
(မဿဲ ၁၇:၂၂-၂၃။ မာကု ၉:၃၀-၃၂)
43ပလူးဖုန်းကားကအိုအွယ့်လဲ့ သျှီကာဘာ ဗွယ်ဖရာတန်ခိုတော်ဒူ အွယ့်ကြားမဲ့ ဟွမ့်ဆန်စွက်ဒါဒွမ်းတွို့တာ။ ပလူးဖုန်းကားကအို အိုဟွမ့်ဆန်လိုကာ
ကိုယ်တော်ကမိုးဒါ တာဖုန်းတွင် ကိုယ်တော်အွယ့် 44“နားက့ အန်ဒင်ရေထွို့ နားလိုကာ ငါးကဒေါင့်ဒါတာဖုန်းလုဲင်။ ငီးဟဒွမ်း ပလူးဖုခုဒွို အီခံအပ်ဘာလိထွို့ ပလူးလီခိုဟဖုန်းကျွော့်ကု” မိန့်တပည့်ဖုန်းနိန်းအွယ့်။ 45တပည့်ဖုန်းအွယ့် သိနာလိုကာဟ ကိုယ်တော်ယေရှုငို။ ကွက်တဟနာမေဒေါင့်ဘာအွယ့် ဖီပါအွိုစေးကန်းတို ငိုအွယ့်ဘာအဓိပ္ပာယ် အွယ့်ကြားမဲ့ လီသိနာလိုကာဟလဲ့ အီပြန်တစီ့ချာဒါ့ ကိုယ်တော်တာ အိုစကန်လိုကာ။
လမာဒွို ပျန့်ပလူးအမြတ်စွက်
(မဿဲ ၁၈:၁-၅။ မာကု ၉:၃၃-၃၇)
46ထွို့မဲ့ ကိုယ်တော်ယေရှု တပည့်ဖုန်းအွယ့် အာကာကုဒီ့ လမာဒွို ပျန့်အဒူမြတ်စွက်တို အချင်ချင် အိုထိန့်လိုလေလိုကာတာ။ 47ဒေါင့်မာလဲ့ ကိုယ်တော်အွယ့် အိုသိပလူးအွယ့်ဟိုတယူ အွယ့်ကြားမဲ့ ဟောင့်ပသာပီအပလားထွို့ အန်ချန့်အိုထွိုင်တာ အာဆောင့်ကုထွို့ 48“ကွက်ငါးတာထွို့ ပလူးကလက်ခံဒါ ပသာပီဒွိုးပလားစာဒွို ပျန့်တိုပလူးလက်ခံငါးစာ။ ပလူးကလက်ခံဒါ ငါးစာဒွို ပျန့်တိုပလူးလက်ခံဗွယ်ဖရာ ကကြွ့လင်းဒါငါးစာတို။ နားက့ကုနုဲင့် ပလူး နန်နောင်နန် ချာ့ဖွိုစွက်တိုးဒါစာဒွို ဗွယ်ဖရာတသျှီ့ကု ပျန့်တို ပလူးအဒူမြတ်စွက်စာဟနေ” မိန့်အာတပည့်ဖုန်းနိန်းအွယ့်။
ပလူးလီဆန့်ကင်ဟ နားက့
(မာကု ၉:၃၈-၄၀)
49ထွို့မဲ့ ယောဟန်အွယ့် “ဆရာ၊ က့သျှီလိုကာဘာနောင် ပလူးစုံနောင်ဆရာနျန်းထွို့ အိုဝါစွာ့မိစ္ဆာတလီခိုဟဖုန်း ပလား။ အာဒီ့ ပလူးလေးတွဲ့နောင်က့စာ လီမေဟ အွယ့်ကြားမဲ့ က့ရေးအာ ဖီကျန်မိုးမာ နိန်းအွယ့်မာ” ထွိုင်လျှောက်နိန်းအွယ့်ခါ့
50ကိုယ်တော်အွယ့် “ကျန်ရေးမာအာမာ။ ကွက်တဟနာမေဒေါင့်ဘာဒွို ပလူးဆန့်ကင်ဟ နားက့စာဒွို ပျန့်တိုပလူးကူညီ နားက့စာတိုဟနေ” မိန့်လေနိန်းအွယ့်။
ကိုယ်တော် အိုဂါလိလဲကုထွို့ ကြွာ့လေးဂျေရုဆလင်ဝိန်းကု
51ထွို့မဲ့ ကိုယ်တော်အွယ့် အီပြန်ကြွာ့ထန် ဝိန်းခမ်းကုတာ အခိန်းဘို့လေလိ အွယ့်ကြားမဲ့ ချာ့လင်းသ့ အီလေး ဂျေရုဆလင်ဝိန်းကု။ 52အာအွယ့် အန်ကြွ့လေးကီ စေတမန်အဟန်ဟန် ရှမာရိပလူးမျိုဖုန်းဒုန့်ကုထွို့ အန်ချန့် ရျန်းထွို့စေးကန်း အာတာ။ 53ဒေါင့်မာလဲ့ ကိုယ်တော်အွယ့် လေးမူလေတို ဂျေရုဆလင်ဝိန်းကု အွယ့်ကြားမဲ့ ရှမာရိဒုန့်စာဖုန်းအွယ့် လက်ခံလိုကာဟ ကိုယ်တော်။ 54ယာကုပ်နောင် ယောဟန်ကာ#9:54ယာကုပ်နောင် ယောဟန်ကာဒီ့ ပျန့်တို သာဝကအစီ့ငြီ့ပလားကု အအိုဘို့စွက်နောင် ကိုယ်တော်ယေရှု အန်တငြီ့စာ တိုဟနေ။ တနေ့ထန်ဗွမ့်ဒွို သျှီဒါ ကျမ်ပိုဒ် (၁၀:၁၁) အွယ့် ထွိုင်သျှီတပျန့်အွယ်ဟိုထွို့ တပည့်ဖုန်းအွယ့် “ဗွယ်၊ က့အီကျွူ့လျှောက်ဘာ ဗွယ်ဖရာဆောင့် မိုးဖီ မီအိုမုကန်ကု လင်တေးလင်းထွို့ ဖီမိုးကေ့ကေ့တွို့ အာကာနောဝ်#9:54 လိတ်ကျမ်ထိပိန်ဘာဘာကုဒီ့ “ဗွမ့်နောင် အရိယာဆူတော်ကောင်ဧလိယ မိုးဒီ့ဟို” ပါနောင်နိန်းအွယ့်။” ထွိုင်လျှောက်ကာနိန်းအွယ့်ခါ့ 55ကိုယ်တော်အွယ့် လှည့်လေအာကာဒိုင့်ထွို့ “ငါးပလူးဖုခုဒွို လေးလေ အီလေမိုးစီ့ပလူးဖုန်းဆက်တာ မေဟ လေးတို အီကယ်ဆယ်တာတိုဟနေ”#9:55 လိတ်ကျမ်ထိ့ပိန်ဘာဘာဒီ့ “ပလူးဖုခုဒွို လေးလေ အီလေမိုးစီ့ပလူးဖုန်းဆက်တာ မေဟ လေးတို အီကယ်ဆယ်တာတိုဟနေ” နိန်းအွယ့်ပါဟ။ စွမ့်ကေ့အာကာထွို့မဲ့ 56အာကာကားကအိုအွယ့် စစွာ့လေကာကေ့ ဒုန့်လငါ့အဒုန့်ကု။
ပလူးဘသာပျန့် တပည့်စာ အန်တတွမ့်
(မဿဲ ၈:၁၉-၂၂)
57ကိုယ်တော်နောင် တပည့်ဖုန်းကလေးဒါ ကလေ့လောင်ကု ပလူးအပလားအွယ့် “ငါးအီလေးတွဲ့တို ကိုယ်တော် ကကြွာ့ဒါ ခမ်းလန်ကျွမ်တောင်တောင်ကု” ထွိုင်လျှောက် ကိုယ်တော်နိန်းအွယ့်ခါ့
58ကိုယ်တော်အွယ့် “ချွူဟန်ဖုန်းဒီ့ အိုနောင်အောင့်။ ထူဖုန်းဒီ့လဲ့ အိုနောင်ဟျူ့။ ဒေါင့်မာလဲ့ တွိုပလူးဖုခုဒွို ခူချာ့ခရာ ခမ်းလန်ငါလဲ့ အိုဟ” မိန်းလေနိန်းအွယ့်။
59ထွို့မဲ့ ကိုယ်တော်အွယ့် ထွိုင်ဟောင့် ပလူးလငါ့ဒါ့ပလား ဖီကလေးတွဲ့ကန်စာ့ခါ့
ပလူးအွယ့်ပလားအွယ့် “ဗွယ်၊ ခွင်ဖီကီ ငါးကျိန်းယွမ်မွန်။ ငါးဖာ့မေစီ့ထွို့ခါ့ မေစင်ဂြိုဟ်အာထွို့မဲ့ ငါးအီတွဲ့တို ကိုယ်တော်ကန်စာ့” ထွိုင်လျှောက်နိန်းအွယ့်ခါ့
60ကိုယ်တော်အွယ့် “ပလူးနန်ခန္ဓာစီ့စာဒွို ဖီပလူးသ့ဝိညာဉ်စီ့စာဖုန်း စင်ဂြိုဟ်ကာတိုးလုဲင်#9:60 လိတ်ကျမ်ထိ့ကုဒီ့ “ပလူးစီ့စာဖုန်း ဒွို ဖီပလူးစီ့ဖုန်း စင်ဂြိုဟ်လိုကာတိုးလုဲင်” တျန်စေးနိန်းအွယ့်။။ တွိုနားဒွို စဟိုဖီ ပလူးဖုန်း ဗွယ်ဖရာသာသနာတော်ခရာလုဲင်” မိန့်နိန်းအွယ့်။
61ပလူးလငါ့ ဒါ့အပလားအွယ့်လဲ့ “ဗွယ်၊ ငါးအီလေးတွဲ့တို ကိုယ်တော်ကန်စာ့။ ဒေါင့်မာလဲ့ ခွင်ဖီငါးကျိန်းယွမ်ထွို့ ကျိန်နှုတ်ဆက်ကီယွမ်စာဖုန်းမွန်” ထွိုင်လျှောက်နိန်းအွယ့်ခါ့
62ကိုယ်တော်အွယ့် “ပလူးပန်ထုဲင်ထွို့ ဟွိုင့်ကျိန်းချာဒါ့ ကန်စာ့စာဒွို အီမိုးတမိုး ဗွယ်ဖရာသာသနာတော်ကုတာ စုံလီလ့ဟာ” မိန့်နိန်းအွယ်။
Currently Selected:
လုကာ 9: KVT
Highlight
Share
Copy
Want to have your highlights saved across all your devices? Sign up or sign in
Lahta Bible by Beyond Translation is licensed under Creative Commons Attribution-ShareAlike 4.0 License.
