Luk 7
7
MBUỌỌDIDEM AKWAA OWOM EKỌŊ RUM
Matio 8:5-13; Luk 7:1-10
1Ke Yisọs imaikikweŋe ipeebi mmọn owom mfifien mpọ nken, enye ma mme mbed nse adaha obio Kapanum. 2Akwaa owom ekọŋ Rum keen amaodu ke obio okoro. Enye ama enyene ọfun emi enye ekenehede ama. Ọfun eken ama ọdọŋọ tutu epere mpa. 3Ede akwaa owom ekọŋ eken eke'kop mbuk Yisọs, enye ọdọŋ usuk mme nkenye-owom mme Yuu mmọ eke epei Yisọs ebe, «Mbọk dikọk ọfun ni udọŋọ.» 4Ndien mmọ ekedikud Yisọs, mmọ enehede epei eme ete yak enye edinwam akwaa owom ekọŋ eken. Mmọ ete, «akwaa owom ekọŋ eken odod se ofo epesinde unwam ọnọ eme. 5Sia enye ama nnyin, onyuŋ ọbọb efe-upono Idem-Mbubod ọnọ nnyin.»
6Ndien Yisọs ekene mmọ akaa ufọk akwaa owom ekọŋ eken. Ndien nte Yisọs eperede ufọk akwaa owom ekọŋ eken, enye ọdọŋ mmọn ufan ise yak mmọ ekedọhọ Yisọs ete, «Ọbọọŋ kupapa sọ idem udisibi ufọk ni sia ndodke ofo ididuk ufọk mi. 7Ami nkoŋ ndodke isaŋa mpere fin, ede nọ uyo esọk min ke ọfun ni akaikop nsọŋidem. 8Ntiŋ ntee sia ami nkoŋ ndu k'idak ukara owom, nyuŋ nyene mmọn ekọŋ ewen k'idak ukara mi. Idaha keen eke mbebe owom mmọ keen kaa, enye akaa, ntee enyeken di nken enye edi, mpenyuŋ mbe ọfun ni nam ntee enye akainam.»
9Yisọs ekekop se enye atiŋde, idem apa eme, ndien enye ekanade enyin ese otu owom eken ekekenede eme k'edem ete mmọ, ntiŋ apanikọọ nnọ mfo, ekenam nsooboke eyen Isuel onumde min ke apanikọọ nte owom Yental. 10Ndien mmọn adaa owom ekọŋ eken amaana onyuŋ aka ufọk ise, ekekud ke ofun ese ataama.
YISỌS ANAM EYEN EBEPA ESEEDI
Luk 7:11-17
11Ke apapara ini, Yisọs adaha akaa obio keen ekerede Neen. Mme mbed nse ma akwaa otutu owom esaŋa ma eme. 12Nte mmọ asaŋade epere nsaŋa nduk obio okoro, mmọ okud mmọn owom edide ma opokeen aparawa nte mmọ eben akaa ibuuk. Nne nse ekede ebepa inyuŋ inyeneke enye ewen. Otu owom k'obio okoro ekene ebepa eken ke edem aka ibuuk eme. 13Ede Ọbọọŋ Yisọs ek'okud ebepa eken, esid ọbuŋọ abaaŋa eme. Ndien enye ete eme, «nne kutuaa sọ ewen.»
14Yisọs asaŋa epere mme obiom opo eken onyuŋ otuuk opo eken. Mmọnido eke obiomde opo-owom eken atuak adaa. Ndien enye ete, «aparawa, nte fin, beene!» 15Idaha idaha ikoro, apampa nken eseedi, ebeene ọsuuk etie ọtọọŋọ itiŋ ikọọ. Ndien Yisọs ayak eme ọnọ nne nse.
16Ede mmọn owom ekekud se Yisọs anamde umim anam mmọ, ndien idem apa mmọ. Mmọ ọnọ Idem-Mbubod ubọọŋ ete, «Ọpọsọŋ asiak-uduak, odu ma nnyin. Idem-Mbubod edi wam mbuue nse.» 17Ndien etop edinam Yisọs atuana ke mfifien idak ukara Yudia ma mme nkan nkuk obio okoro.
YỌỌN ỌDUỌK MMUUŊ ỌDỌŊ EYEN UTOM ỌNỌ YISỌS
Luk 7:18-35; Matio 11:2-19
18Ik'idaha Yọọn ọduọk owom mmuuŋ ekedude k'ufọk mparaŋ, mme mbed nse atiŋ ọnọ eme mfifien mpọ se Yisọs ekenamde.
19Ndien Yọọn okood mbed nse ibaa, onyuŋ ọdọŋ mmọ ekebib Ọbọọŋ Yisọs ete, «Nne ofo ede Andinyaaŋa emi Idem-Mbubod eke'wuŋede ke akaidi, mme nnyin ikaa iso ibed owom ewen?»
20Ke mme mbed Yọọn imaikidisibi Yisọs, mmọ ete eme, «Yọọn ọduọk mmuuŋ ọdọŋọ nnyin ete idibib fin mme ofo ede Andinyaaŋa iken Idem-Mbubod eke wuŋọde ke akaidi, mme nnyin ikaa iso ibed enyewen?» 21K'ukem ini ikoro, mbed Yọọn ekesuk odudu kendo, Yisọs ọkọk uwak owom udọŋọ, ma mmọn sibidid idem-epo eke ọtuhọdede onyuŋ anam uwak mmọn nnan okud usuŋ. 22Ndien Yisọs ọbọọrọ mme mbed Yọọn ete, «Imaana ibine eme, mf'ika, itiŋ se mf'ikudde ma se mf'ikopde inọ eme. Ke mme nnan okud usuŋ, mbuŋọ asaŋa, epamfia asana, inan amana okop ikọọ, apampa eseedi, ndien ekwọọrọ etiti Mbuk enọ mmọn ubueene. 23Imaana idọhọ Yọọn «ke Idem-Mbubod akaidiọŋ owom inyeneke eyihe ibaaŋa min.››
24Ke mme isuŋ-utom Yọọn ibaa imaik'inyuŋ, Yisọs amana ọtọọŋọ atiŋ ikọọ ma otutu owom abaaŋa Yọọn. Neso ke mf'ikikaa ise ke nsaad-isọŋ? Nne nyanyaŋa#7:24 Nyanyaŋa: owom eken inyeneke nsọŋọnda. eken ofum enyeeŋede? Idehe ntoro!» 25Ede epede idehe se mf'ikekaade ise oworo, neso ndien ke mf'ikikaa ise? Ne owom esinede nsọŋ udua mfọrọ-idem? Waa, idehe ntoro! Sia mmọn esinede nsọŋ udua mfọrọ-idem ma mme imọ owom eduŋọde ke efe mbọọŋ. 26Ede mfo iwọrọ ikaise sọ? Mfo ikiwọrọ ikaise asiak-uduak? Ke apanikọọ, Yọọn ekede asiak-uduak! Ede ndọhọ mfo ke Yọọn opon k'otu mme asiak-uduak.
27Ede Yọọn ekede isuŋ-utom iken asiak-uduak Idem-Mbubod ekewedde abaaŋa tọọŋọ ke esed. «Idem-Mbubod ete Krais, ami nkandọŋ isuŋ-utom mi inye ndọŋ fin.
Enye akainam ntutum ibaaŋa edidi fo.» 28Nte mfo ntee, k'otu mmọnido ekedude uwem, iduhe enye ekedede apanowom akan Yọọn. Ndien idahaiken, owom eken atakde akan k'obio-ubọọŋ Idem-Mbubod opon akan Yọọn. Ikọm ntee mmọ idaha mmọ nte mpanowom.
29Ekem k'idaha mfifien owom ma mmọn ubọọ ataasi epaŋde utọŋ enọ Yọọn, mmọ enyiime k'usuŋ Idem-Mbubod ede nen-nen ke enye iyak Yọọn ọduọk mmọ mmuuŋ. 30Ede mme Farisi ma mme epeebi-mbed Muses esin uduak Idem-Mbubod, sia mmọ ik'inyiimeke Yọọn ọduọk mmọ mmuuŋ. 31Ndien Yisọs ete, ntee ke mmenda ndomo mmọn eman eken. «Mmọ anantee, 32ntitọọŋ nken ebrede mbre k'inen, usuk ntitọọŋ ekikoro uke mmọ ete,
«Nnyin ikama ufiom ifuri ikwọọ idara inọ mfo!
Ede mf'nyiimeke inek.
Nnyin imaana ikwọọ ikwọọ ukuud inọ mfo,
Ede mf'inyiimeke itua eyed. 33Mf'inaa nte ntitọọŋ nkoro, sia idaha Yọọn ọduọk owom mmuuŋ ekedi ebine mfo, idiaha ataa-ndia, inyuŋ iwuŋke ukọd. Ede mf'idodi eme uyo ibe ke enye ọyọhọ ma sibidid idem-epo. 34Ede ami Eyen-Owom nkedi, ndia ndia nyuŋ nwuŋ ukọd nte mmọnidiken, ede mf'isin min ite ke nde epemene ma owom ukọd, nyuŋ nduk-nduk ma mmọn ubọọ ataasi ma mme ndiọi owom. 35Ede ikike Idem-Mbubod ọfọn mma mfifien mmọnido enyiimede Eme.
EYEN IBAANI ỌDUỌK YISỌS NSỌŊ UDUA ANEM UTEBE ADAN
Luk 1:36-50
36Ede owom keen k'otu mme Farisi emi ekerede Saimọn okood Yisọs ufọk ete edidia ndia ma eme, ndien Yisọs akaa ufọk ise eke'suuk etie adia ndia ma eme. 37Eyen ibaani keen ekese asaŋade-eseen amaodu ke obio okoro. Enye ekediọŋọ ke Yisọs ọsuk adia ndia k'ufọk owom Farisi. Enye eben epeme nsọŋ udua enemutebe adan akaa ndo. 38Enye eketuak adaa epere Yisọs, ọtọọŋọ atua ọduọi Yisọs mmuuŋ eyed k'ukod onyuŋ akama ided-ibuod ise ọsọọhi eme mmuuŋ eyed k'ukod, amana ọwudi eme upono k'itum eme inua k'ukod nkuk-nkuk. Ndien akaaŋa enemutebe adan okoro ọfiọŋọ eme k'ukod.
39Ede k'idaha owom Farisi eken ekekoodde Yisọs ndia okudde mpọ nken, enye ekere k'esid ese ete, epede owom eken edesọ ataa asiak-uduak Idem-Mbubod, enye ipa idọọŋọ utọọ ibaani iken ọtuukde eme. Enye ipa idiọŋọke enye ede asaŋa eseen ibaani.»
40Yisọs ọbọọrọ ekikere ese ete, «Saimọn, menyene se mendọhọde fin.» Saimọn ọbọọrọ, ete ufọk mbọk nenso oworo, tiŋ nnọ min!»
41Ede Yisọs ọbọọrọ eme ete, Owom ibaa amaodu ekebuọde oyoomo esi anyam oyoomo. Owom keen ọbuọd oyoomo ọyọhọde utom usen ikie ition, enyeken ọbuọd oyoomo ọyọhọde utom usen abaa ma duob. 42Sia mmọ ikanke ipe ebuọd oyoomo eken, enye efeen ọnọ mmọ mbumbaa ete mmọ, «ikipe sọ ebuọd mfo ewen, ndien bọọrọ min. Nenye k'otu owom ibaa iken emi ima anyam oyoomo eken ikan?»
43Saimọn ọbọọrọ ete, «Owom eken ebuọde oyoomo ekeponde akan emi ima eme ikan. Ndien Yisọs ọbọọrọ Saimọn ete, ‹ibọọrọ fo enen.» 44Ndien Yisọs akanade enyin ese eyen ibaani iken, ete Saimọn, okud se eyen ibaani iken anamde? Tọọŋọ nkedi ufọk fo, unọŋọ min mmuuŋ nyere ntọŋ nsio k'ukod. Ede eyen ibaani iken akama mmuuŋ eyed ese eyed min ukod amaana ada ided-ibuod ise ọsọọhi min ukod. 45Ofo ukunọhọ min asaŋa-asaŋa ekọm. Ede tọọŋọ uduk ufọk iken, eyen ibaani iken ọsuk ọtum min ukod nkuk-nkuk. 46Ofo ukudaarake min, uduọk min adan k'ibuod, ede enye adara min k'ifiọŋọ min nsọŋ udua enem utebe adan ke ukod. 47Ke ntak nkoro, ndọhọ fin ke mmọ efeen mfifien idiọk-mpọ enye ekenamde. Akwaa ima ise ọwuri. Ede owom eken efeende ke apapara idiọk-mpọ enye ekenamde, emi iwuri apapara ima.
48Ndien Yisọs ete ibaani iken, «Mma, mme efeen mfifien idiọk-mpọ ofo ekenamde.
49Ede mmọnido ekediade ndia ma eme ebib k'otu idem mmọ ete, «Ete eken ekere ke eme ide enye? Enye ekere ebe ke eme inyene unen ifeen idiọk-mpọ, emi Idem-Mbubod ọpọọŋ ekemede inam.
50Ndien Yisọs akaiso atiŋ ọnọ eyen ibaani iken ete, «Mbuọdidem idemfo enyenede ke ami anyaaŋa fin osio k'idiọk-mpọ fo. Kaa, yak emem Idem-Mbubod akaiso odu ma ofo.»
Currently Selected:
Luk 7: NKZ
Highlight
Share
Copy
Want to have your highlights saved across all your devices? Sign up or sign in
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 7
7
MBUỌỌDIDEM AKWAA OWOM EKỌŊ RUM
Matio 8:5-13; Luk 7:1-10
1Ke Yisọs imaikikweŋe ipeebi mmọn owom mfifien mpọ nken, enye ma mme mbed nse adaha obio Kapanum. 2Akwaa owom ekọŋ Rum keen amaodu ke obio okoro. Enye ama enyene ọfun emi enye ekenehede ama. Ọfun eken ama ọdọŋọ tutu epere mpa. 3Ede akwaa owom ekọŋ eken eke'kop mbuk Yisọs, enye ọdọŋ usuk mme nkenye-owom mme Yuu mmọ eke epei Yisọs ebe, «Mbọk dikọk ọfun ni udọŋọ.» 4Ndien mmọ ekedikud Yisọs, mmọ enehede epei eme ete yak enye edinwam akwaa owom ekọŋ eken. Mmọ ete, «akwaa owom ekọŋ eken odod se ofo epesinde unwam ọnọ eme. 5Sia enye ama nnyin, onyuŋ ọbọb efe-upono Idem-Mbubod ọnọ nnyin.»
6Ndien Yisọs ekene mmọ akaa ufọk akwaa owom ekọŋ eken. Ndien nte Yisọs eperede ufọk akwaa owom ekọŋ eken, enye ọdọŋ mmọn ufan ise yak mmọ ekedọhọ Yisọs ete, «Ọbọọŋ kupapa sọ idem udisibi ufọk ni sia ndodke ofo ididuk ufọk mi. 7Ami nkoŋ ndodke isaŋa mpere fin, ede nọ uyo esọk min ke ọfun ni akaikop nsọŋidem. 8Ntiŋ ntee sia ami nkoŋ ndu k'idak ukara owom, nyuŋ nyene mmọn ekọŋ ewen k'idak ukara mi. Idaha keen eke mbebe owom mmọ keen kaa, enye akaa, ntee enyeken di nken enye edi, mpenyuŋ mbe ọfun ni nam ntee enye akainam.»
9Yisọs ekekop se enye atiŋde, idem apa eme, ndien enye ekanade enyin ese otu owom eken ekekenede eme k'edem ete mmọ, ntiŋ apanikọọ nnọ mfo, ekenam nsooboke eyen Isuel onumde min ke apanikọọ nte owom Yental. 10Ndien mmọn adaa owom ekọŋ eken amaana onyuŋ aka ufọk ise, ekekud ke ofun ese ataama.
YISỌS ANAM EYEN EBEPA ESEEDI
Luk 7:11-17
11Ke apapara ini, Yisọs adaha akaa obio keen ekerede Neen. Mme mbed nse ma akwaa otutu owom esaŋa ma eme. 12Nte mmọ asaŋade epere nsaŋa nduk obio okoro, mmọ okud mmọn owom edide ma opokeen aparawa nte mmọ eben akaa ibuuk. Nne nse ekede ebepa inyuŋ inyeneke enye ewen. Otu owom k'obio okoro ekene ebepa eken ke edem aka ibuuk eme. 13Ede Ọbọọŋ Yisọs ek'okud ebepa eken, esid ọbuŋọ abaaŋa eme. Ndien enye ete eme, «nne kutuaa sọ ewen.»
14Yisọs asaŋa epere mme obiom opo eken onyuŋ otuuk opo eken. Mmọnido eke obiomde opo-owom eken atuak adaa. Ndien enye ete, «aparawa, nte fin, beene!» 15Idaha idaha ikoro, apampa nken eseedi, ebeene ọsuuk etie ọtọọŋọ itiŋ ikọọ. Ndien Yisọs ayak eme ọnọ nne nse.
16Ede mmọn owom ekekud se Yisọs anamde umim anam mmọ, ndien idem apa mmọ. Mmọ ọnọ Idem-Mbubod ubọọŋ ete, «Ọpọsọŋ asiak-uduak, odu ma nnyin. Idem-Mbubod edi wam mbuue nse.» 17Ndien etop edinam Yisọs atuana ke mfifien idak ukara Yudia ma mme nkan nkuk obio okoro.
YỌỌN ỌDUỌK MMUUŊ ỌDỌŊ EYEN UTOM ỌNỌ YISỌS
Luk 7:18-35; Matio 11:2-19
18Ik'idaha Yọọn ọduọk owom mmuuŋ ekedude k'ufọk mparaŋ, mme mbed nse atiŋ ọnọ eme mfifien mpọ se Yisọs ekenamde.
19Ndien Yọọn okood mbed nse ibaa, onyuŋ ọdọŋ mmọ ekebib Ọbọọŋ Yisọs ete, «Nne ofo ede Andinyaaŋa emi Idem-Mbubod eke'wuŋede ke akaidi, mme nnyin ikaa iso ibed owom ewen?»
20Ke mme mbed Yọọn imaikidisibi Yisọs, mmọ ete eme, «Yọọn ọduọk mmuuŋ ọdọŋọ nnyin ete idibib fin mme ofo ede Andinyaaŋa iken Idem-Mbubod eke wuŋọde ke akaidi, mme nnyin ikaa iso ibed enyewen?» 21K'ukem ini ikoro, mbed Yọọn ekesuk odudu kendo, Yisọs ọkọk uwak owom udọŋọ, ma mmọn sibidid idem-epo eke ọtuhọdede onyuŋ anam uwak mmọn nnan okud usuŋ. 22Ndien Yisọs ọbọọrọ mme mbed Yọọn ete, «Imaana ibine eme, mf'ika, itiŋ se mf'ikudde ma se mf'ikopde inọ eme. Ke mme nnan okud usuŋ, mbuŋọ asaŋa, epamfia asana, inan amana okop ikọọ, apampa eseedi, ndien ekwọọrọ etiti Mbuk enọ mmọn ubueene. 23Imaana idọhọ Yọọn «ke Idem-Mbubod akaidiọŋ owom inyeneke eyihe ibaaŋa min.››
24Ke mme isuŋ-utom Yọọn ibaa imaik'inyuŋ, Yisọs amana ọtọọŋọ atiŋ ikọọ ma otutu owom abaaŋa Yọọn. Neso ke mf'ikikaa ise ke nsaad-isọŋ? Nne nyanyaŋa#7:24 Nyanyaŋa: owom eken inyeneke nsọŋọnda. eken ofum enyeeŋede? Idehe ntoro!» 25Ede epede idehe se mf'ikekaade ise oworo, neso ndien ke mf'ikikaa ise? Ne owom esinede nsọŋ udua mfọrọ-idem? Waa, idehe ntoro! Sia mmọn esinede nsọŋ udua mfọrọ-idem ma mme imọ owom eduŋọde ke efe mbọọŋ. 26Ede mfo iwọrọ ikaise sọ? Mfo ikiwọrọ ikaise asiak-uduak? Ke apanikọọ, Yọọn ekede asiak-uduak! Ede ndọhọ mfo ke Yọọn opon k'otu mme asiak-uduak.
27Ede Yọọn ekede isuŋ-utom iken asiak-uduak Idem-Mbubod ekewedde abaaŋa tọọŋọ ke esed. «Idem-Mbubod ete Krais, ami nkandọŋ isuŋ-utom mi inye ndọŋ fin.
Enye akainam ntutum ibaaŋa edidi fo.» 28Nte mfo ntee, k'otu mmọnido ekedude uwem, iduhe enye ekedede apanowom akan Yọọn. Ndien idahaiken, owom eken atakde akan k'obio-ubọọŋ Idem-Mbubod opon akan Yọọn. Ikọm ntee mmọ idaha mmọ nte mpanowom.
29Ekem k'idaha mfifien owom ma mmọn ubọọ ataasi epaŋde utọŋ enọ Yọọn, mmọ enyiime k'usuŋ Idem-Mbubod ede nen-nen ke enye iyak Yọọn ọduọk mmọ mmuuŋ. 30Ede mme Farisi ma mme epeebi-mbed Muses esin uduak Idem-Mbubod, sia mmọ ik'inyiimeke Yọọn ọduọk mmọ mmuuŋ. 31Ndien Yisọs ete, ntee ke mmenda ndomo mmọn eman eken. «Mmọ anantee, 32ntitọọŋ nken ebrede mbre k'inen, usuk ntitọọŋ ekikoro uke mmọ ete,
«Nnyin ikama ufiom ifuri ikwọọ idara inọ mfo!
Ede mf'nyiimeke inek.
Nnyin imaana ikwọọ ikwọọ ukuud inọ mfo,
Ede mf'inyiimeke itua eyed. 33Mf'inaa nte ntitọọŋ nkoro, sia idaha Yọọn ọduọk owom mmuuŋ ekedi ebine mfo, idiaha ataa-ndia, inyuŋ iwuŋke ukọd. Ede mf'idodi eme uyo ibe ke enye ọyọhọ ma sibidid idem-epo. 34Ede ami Eyen-Owom nkedi, ndia ndia nyuŋ nwuŋ ukọd nte mmọnidiken, ede mf'isin min ite ke nde epemene ma owom ukọd, nyuŋ nduk-nduk ma mmọn ubọọ ataasi ma mme ndiọi owom. 35Ede ikike Idem-Mbubod ọfọn mma mfifien mmọnido enyiimede Eme.
EYEN IBAANI ỌDUỌK YISỌS NSỌŊ UDUA ANEM UTEBE ADAN
Luk 1:36-50
36Ede owom keen k'otu mme Farisi emi ekerede Saimọn okood Yisọs ufọk ete edidia ndia ma eme, ndien Yisọs akaa ufọk ise eke'suuk etie adia ndia ma eme. 37Eyen ibaani keen ekese asaŋade-eseen amaodu ke obio okoro. Enye ekediọŋọ ke Yisọs ọsuk adia ndia k'ufọk owom Farisi. Enye eben epeme nsọŋ udua enemutebe adan akaa ndo. 38Enye eketuak adaa epere Yisọs, ọtọọŋọ atua ọduọi Yisọs mmuuŋ eyed k'ukod onyuŋ akama ided-ibuod ise ọsọọhi eme mmuuŋ eyed k'ukod, amana ọwudi eme upono k'itum eme inua k'ukod nkuk-nkuk. Ndien akaaŋa enemutebe adan okoro ọfiọŋọ eme k'ukod.
39Ede k'idaha owom Farisi eken ekekoodde Yisọs ndia okudde mpọ nken, enye ekere k'esid ese ete, epede owom eken edesọ ataa asiak-uduak Idem-Mbubod, enye ipa idọọŋọ utọọ ibaani iken ọtuukde eme. Enye ipa idiọŋọke enye ede asaŋa eseen ibaani.»
40Yisọs ọbọọrọ ekikere ese ete, «Saimọn, menyene se mendọhọde fin.» Saimọn ọbọọrọ, ete ufọk mbọk nenso oworo, tiŋ nnọ min!»
41Ede Yisọs ọbọọrọ eme ete, Owom ibaa amaodu ekebuọde oyoomo esi anyam oyoomo. Owom keen ọbuọd oyoomo ọyọhọde utom usen ikie ition, enyeken ọbuọd oyoomo ọyọhọde utom usen abaa ma duob. 42Sia mmọ ikanke ipe ebuọd oyoomo eken, enye efeen ọnọ mmọ mbumbaa ete mmọ, «ikipe sọ ebuọd mfo ewen, ndien bọọrọ min. Nenye k'otu owom ibaa iken emi ima anyam oyoomo eken ikan?»
43Saimọn ọbọọrọ ete, «Owom eken ebuọde oyoomo ekeponde akan emi ima eme ikan. Ndien Yisọs ọbọọrọ Saimọn ete, ‹ibọọrọ fo enen.» 44Ndien Yisọs akanade enyin ese eyen ibaani iken, ete Saimọn, okud se eyen ibaani iken anamde? Tọọŋọ nkedi ufọk fo, unọŋọ min mmuuŋ nyere ntọŋ nsio k'ukod. Ede eyen ibaani iken akama mmuuŋ eyed ese eyed min ukod amaana ada ided-ibuod ise ọsọọhi min ukod. 45Ofo ukunọhọ min asaŋa-asaŋa ekọm. Ede tọọŋọ uduk ufọk iken, eyen ibaani iken ọsuk ọtum min ukod nkuk-nkuk. 46Ofo ukudaarake min, uduọk min adan k'ibuod, ede enye adara min k'ifiọŋọ min nsọŋ udua enem utebe adan ke ukod. 47Ke ntak nkoro, ndọhọ fin ke mmọ efeen mfifien idiọk-mpọ enye ekenamde. Akwaa ima ise ọwuri. Ede owom eken efeende ke apapara idiọk-mpọ enye ekenamde, emi iwuri apapara ima.
48Ndien Yisọs ete ibaani iken, «Mma, mme efeen mfifien idiọk-mpọ ofo ekenamde.
49Ede mmọnido ekediade ndia ma eme ebib k'otu idem mmọ ete, «Ete eken ekere ke eme ide enye? Enye ekere ebe ke eme inyene unen ifeen idiọk-mpọ, emi Idem-Mbubod ọpọọŋ ekemede inam.
50Ndien Yisọs akaiso atiŋ ọnọ eyen ibaani iken ete, «Mbuọdidem idemfo enyenede ke ami anyaaŋa fin osio k'idiọk-mpọ fo. Kaa, yak emem Idem-Mbubod akaiso odu ma ofo.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nkari Bible by Beyond Translation is licensed under Creative Commons Attribution-ShareAlike 4.0 License.