Luk 8
8
MME IBAANI EKE ASAAŊADE MA YISỌS
Luk 8:1-13
1ke mme mpọ nken imaikibei, Yisọs ma mme nsaŋa-utom ise duopebaa adaha akaa mme nsio-nsio obio, ma esid obio, onyuŋ ọkwọọrọ etiti mbuk abaaŋade obio-ubọọŋ Idem-Mbubod. 2Mme ibaani emi Yisọs eke kọọkde udọŋọ ọnyuŋ ebin mme sibidid idem-epo osiooŋo mmọ k'idem esaaŋa ma eme. Mme ibaani iken ekede, Mbedi emi ekeside obio Makdada#8:2 Maktadin: ekesi obio Makdada. Ntee ekenam mmọ okood Mbedi edian obio ese, emi Yisọs ekebinde sibidid idem-epo itiaba osio eme k'idem. 3Ma Yuana, anwaan Kusa, emi ekedede ese utom Ọbọọŋ Erọd, ma Susana, ma mme ibaani ewen emi Yisọs eke kọọkde mmọ udọŋọ. Mfifien ibaani iken ekese ewam ke nkaaiso utom Yisọs ma mbed nse ke oyoomo.
MBUK ỌTỌỌ INWAŊ
Matio 13:1-9; Maak 4:1-9
4Ekem k'usen keen, otutu owom eside mme nsio-nsio obio, esobo ibuod ọtọ keen, edibine Yisọs. Ndien enye atiŋ ikọọ ma mmọ ke mbuk ete. 5«Usen keen, ọtọọ inwaŋ ọwọrọ akaa eke awaari mpata nse. Nte enye ọsuk awaaride, usuk mpata ọduọŋọ ke afaŋ usuŋ. Mmọn owom odiooŋi mmọ k'ipad, mm'inuen onyuŋ ataŋ mmọ ataa. 6Usuk mpata ọduọŋọ k'onyuŋ itiad asaai ede mmọ apaaŋa sia mmuuŋ iduhe inọ mmọ. 7Usuk mmọ ọduọŋọ ke ufọọd ikọd usahi ọnyuŋ asaai, ọkọdi ede usahi ọkọdi ọfuk mmọ, iyakke mmọ onwum idem. 8Mmọnidiken ọduọŋọ ke ntiti isọŋ, etibe, opooni, onyuŋ onwum idem utum ike ikie. Ede Yisọs eketiŋ mme ikọọ iken ama, enye atiŋ ke akwaa uyo ọnọ otu owom ete, «Owom ekenyiimede ikop, yak enye okop.»
YISỌS ỌNỌ MBUK ABAAŊA ỌTỌ INWAŊ
Luk 8:9-15; Matio 13:10-17; Maak 4:10-12
9Ede mme mbed nse ebib eme, «Mbuk nken ọwọrọ sọ?» 10Ndien Yisọs ete mmọ,
«Eyaara mme ndidibe apanikọọ obio-ubọọŋ Idem-Mbubod enọ mfo. Ede nda mbuk mpeebi mmọnido idehe mbed ni mpọ mbaak ikọọ Idem-Mbubod ọwọrọ osu.
Mmọ odomo ukeme ise senamde ede mmọ ikwe, mmọ okop se mpeebide ede inwaŋake mmọ.»
11Mbuk nkoro ọwọrọ ntee, mpata nkoro adaa ọnọ ikọọ Idem-Mbubod. 12Usuk owom anaante afaŋ-usuŋ emi usuk mpata ọduọŋọde, mmọ okop ikọọ Idem-Mbubod, ede sibidid idem-epo ediduk mmọ esid owod ikọọ iken mbaak mmọ inum ke apanikọọ yak Idem-Mbubod anyaaŋa mmọ. 13Usuk mmọ anaante onyuŋ itiad emi usuk mpata eke ọduọŋọde. Mmọ ede mmọnido okopde ikọọ Idem-Mbubod, onyuŋ ọbọọ k'idadesid. Ede mmọ iyakke ikọọ iken esin ọduŋ ke esid mmọ, ntoro ke mmọ onum ke apanikọọ ke apara ini, k'idaha idomo, mmọ ọduọ ọpọŋ usuŋ. 14Usuk owom anaante ikọd usahi emi usuk mpata eke ọduọŋọde. Mmọnimi ede mmọn okopde ikọọ Idem-Mbubod, ede nte mmọ akaade iso, mme mfina, inyene ma inem-uwem odorobod eken iyakke mmọ ọkọri eyene nsọọŋọ ndaa ke sibidid. 15Usuk owom anaante etiti isọŋ emi usuk mpata eke ọduọŋọde. Mmọnimi ede mmọn okopde ikọọ Idem-Mbubod ke inwaŋ-inwaŋ ma esid apanikọọ. Mmọ akaiso ọmum ikọọ iken akama onyuŋ onwum mfuri k'ime.
MBUK ABAAŊADE UTUENIKAŊ
Luk 8:16-18; Maak 4:21-25
16Yisọs akaaiso atiŋ ete, owom berikeen idomoke utuenikaŋ iben abaŋ ifuk. Utukedo, enye eben ọkọbi ke mpọ ukọọŋ utuenikaŋ, mbaak ọnọ mmọnido ọdukde edi esid ufọk unwana. 17Sia mfifien mpọ se edibede aka iyaara ọnyuŋ ọwọrọ adaa anwa-anwa. 18Ede itum ipeme se mpeebide mfo, sia mmọn owom eyemde idiọŋọ se mpeebide, Idem-Mbubod akainam anwaaŋa mmọ, ede mmọnimi iyemke idiọŋ, Idem-Mbubod aka ibọọ mmọ se mmọ eke ọdiọŋọde.
NNE YISỌS MA NTITỌỌŊ-EKA ESE
Luk 8:19-21; Matio 12:46-50; Maak 3:31-35
19Usen keen nte Yisọs ekesuk epeebide mpọ, nne nse ma mpara ntitọọŋ-eka ese ideeni edikud eme. Ede mmọ ikikanke isaaŋa ipere eme sia otu owom ama akaanade eme ọkuk. 20Ede owom keen ọdọhọ Eme ete, Nne fo ma mpara ntitọọŋ eyen-eka fo ideeni odu ke eseen, eyem ikud fin. 21Ede Yisọs ete mmọ, «Nne mi ma ntitọọŋ eyen-eka mi ede mmọnimi okopde ikọọ Idem-Mbubod onyuŋ anam se enye ọdọhọde.
OYOBIO MA MFUFUD INYAŊ EKOP IKỌỌ ỌNỌ YISỌS
Luk 8:21-25; Matio 8:23-27; Maak 4:35-41
22Ekem k'usen keen, Yisọs ma mme mbed nse eduk ubom ndien enye ete mmọ, «Yak nnyin ibei ikaa edem inyaŋ nko. Ndien mmọ adaaŋa.» 23Ede nte mmọ ọsuk awadde akaa, idap ọbọhọ Yisọs. Idaha idaha ikoro oyobio ọtọọŋọ, mmuuŋ ọdọŋọ ubom mmọ ọyọhọ, ubom epere iteŋ.
24Ndien mme mbed Yisọs ekedeeme eme ete, «Ette-ufọk! Ette-ufọk!! Wam nnyin ke nnyin immuuŋ ipaaŋa.» Ndien Yisọs ebeene adaa ọnọ oyobio ma mfufud inyaŋ ipan ete, «Idobo!» Ndien mmọ odobo. 25Ede Yisọs ete mme mbed nse, nso ede mfo ibuọọd k'idem ke ami? Ndien idem apa mmọ, umim onyuŋ anam mmọ, mmọ atiŋ k'otu idem mmọ ete, «Nsutọọ owom owoom, ọnọde ofum ma mmuuŋ ipan, ndien mmọ opono eme!»
YISỌS ANAM OWOM EKE ỌYỌHỌDE MA SIBIDID IDEM-EPO OKOP NSỌŊIDEM
Luk 8:26-39; Matio 8:28; 9:1; Maak 5:1-20
26Yisọs ma mme mbed nse ekesim mben inyaŋ eperede Keresa, emi edede nsak iso inyaŋ idak ukara Kadidi. 27Ede k'idaha Yisọs ma mme mbed nse ewọrọde k'ubom, ette keen sibidid idem-epo ekeduŋde eme k'idem emi ikisisineke mfọrọ-idem, ekeduŋde k'udi. Edibine Yisọs. 28Ette eken ekekud Yisọs, enye amia mpubio onyuŋ ọtọọŋọ edọŋ k'iso Yisọs, atiŋ ke akwaa uyo, «Yisọs, eyen Nkoŋnkan Idem-Mbubod, nso ede ofo afinade nnyin? Mbọk k'umia sọ nnyin ufen.» 29Enye eketiŋ ntee sia Yisọs ama ọnọnọ mme sibidid idem-epo ipan yak mmọ ọwuŋọ eme k'idem, mmọ ama ese etuhọhọde eme mme usen edem. Mmọn owom ọbọp eme ubọk ma ukod ke mparaŋ onyuŋ onum eme k'upeme ede enye ọbuŋ mme mparaŋ nken ndien mme sibidid idem-epo eken eben eme akaa nsaad-isọŋ.
30Ndien Yisọs ebib eme, ekere ntewe? Enye ete, enyiŋ nnyin ide udim-ekọŋ, sia uwak mme sibidid idem-epo eke ọduŋde eme k'idem.
31Ede sibidid Idem-epo ekaiso epei Yisọs yak ibibine sọ mmọ isin ke ebeek.
32Ke mme mpọ nken ekesuk akade iso, otu eddi ekeọsuk adia ke mpere nkoro. Mme sibidid Idem-epo eken epei Yisọs ete ayak mmọ ikedọŋọ otu eddi eken k'idem. Ndien enye ama enyiime ọnọ mmọ. 33Ndien mme sibidid idem-epo eken ọwọọŋọ eme k'idem, onyuŋ ekedọŋọ otu eddi k'idem. Mme eddi eken efeeŋe anafai-anafai ekesuhọde ọdọŋọ mmuuŋ apaaŋa.
34K'idaha mme epeme eddi ekekudde se etibede, mmọ efeehe ma umim eketiŋ ọnọ mfifien owom ke nkan-nkuk nkoro ma obio mmọ. 35Ndien mmọn owom ọwọọŋọ edise se eketibde. Mmọ edisibi ọtọ Yisọs ekedude onyuŋ edikud ette eken Yisọs ekebinde mme sibidid idem-epo osiooŋo eme k'idem nte enye esine mfọrọ-idem etie ma Yisọs ke nsọŋidem. Mmọ ekekud odo, umim anam mmọ abaaŋa Yisọs. 36Mmọnido nkoŋ ekekudde se eketibede ebuk enọ mmọnidiken nte Yisọs ekenamde owom eken ekenyenede sibidid idem-epo okop nsọŋidem. 37Ndien mmọn obio idak ukara Keresa ete Yisọs ọwọrọ k'obio mmọ, sia umim ama eneŋede anam mmọ abaaŋa eme. Ndien Yisọs ma mme mbed nse eke ọduk ubom enyuŋe. 38Mbemiso Yisọs ma mbed nse onyuŋ, owom eken mme sibidid idem-epo eke'wọŋọde eme k'idem ebeeŋe Yisọs ete, «Yak nkene fin». Yisọs inyiimeke, ede ete eme,
39«Nyuŋ ufọk kaa ketiŋ nọ mfifien owom akwaa utibe-mpọ se Idem-Mbubod anamde ọnọ fin.» Ndien enye onyuŋ ekebuk akwaa utibe-mpọ nken ke mme obio ete, «Yisọs anam etiti mpọ ọnọ min.»
YISỌS ỌKỌ EYEN IBAANI UWỌRỌ EYIIP ONYUŊ ANAM OPOKEEN ASAAŊA IFERI ESEEDI
Luk 8:40-56
40Ekem k'idaha Yisọs ma mme mbed nse esedde edi ipehe-ukara Kadidi, otu owom adara eme, sia mmọ mfifien eke etiede ebed eme. 41Ede owom eken ekerede Yariọs emi ekedede ada ibuod k'efe-upono Idem-Mbubod, ọduọ Yisọs k'ukod, onyuŋ ebeeŋe eme ete, «Mbọk di ọkum.» 42Sia idem ekebiakde nkukweeŋe eyen ibaani ise emi ekedede itua duopebaa tutu enye epere mpa. Ndien Yisọs ekene eme, ede nte Yisọs ọsuk akaade k'usuŋ otu owom onuk ekene eme. 43Ndien eyen ibaani keen amaodu k'otu udim owom eken, emi ọkọdọŋọde uworo eyiip k'itua duopebaa. Enye amabiad mfifien oyoomo ese ọnọ mmọn mbia-usọbọ, ede mmọ berikeen ikikanke ikọk eme. 44Enye esi ke edem afaha ebei k'otu owom eke ọtuuk etọŋ ewuri Yisọs. Idaha idaha ikoro udọŋọ uwọrọ eyiip oture eme.
45Ndien Yisọs ete, «Owom ọtuuk min. Nenye owom oworo? Mfifien owom ete ke mmọ ituuke eme ndien Pite ma mmọn eke'saŋade ma eme ete, «Ette-ufọk, uwak owom eken ọsuk efik fin, Ofo ete nenye ọtuuk min?»
46Ede Yisọs ete, «Mmediọŋọ ke owom ọtuuk min, sia mmekop k'odudu ukọk ọwọrọ min k'idem.» 47Ndien eyen-ibaani iken eke'kud ke eme idibeke, enye ọwọrọ edi ma uted osuuk omum eme, ediduọ k'iso Yisọs. K'iso mfifien owom, enye ayaara ọnọ Yisọs ntak enye eketukde eme, ma nte enye okopde nsọŋidem idaha-idaha ikoro. 48Ndien Yisọs ete eme, «Nkakaa, ofo ọbọ ukọk sia onum ke apanikọọ ke ami mmekeme ikọk fin udọŋọ. Yuuŋ ufọk yak emem Idem-Mbubod akaaiso odu ma ofo.
49Nte Yisọs eke'suuk atiŋde ikọọ ma eyen ibaani iken, owom esi ufọk Yariọs edi ete eme, «Eyen fo ibaani apa. Kupapa sọ idem ewen ufina atitia.»
50Ndien Yisọs eke'kop ntoro ete Yariọs, «K'uyak umim anam fin, kwa num min ke apanikọọ, ndien nkanam eyen fo eseedi ke mpa.»
51Ede Yisọs ekedisibi ufọk Yariọs, enye ada mme nsaŋa-utom ise ita ọpọọŋ, Pite, Yemsi ma Yọọn, ntaa ma nne eyen okoro ọduk ubeed ikoro eyen eken ekenaade. 52Mmọ ekeduk, mfifien owom k'ufọk ikoro ekedu ke ntuaaŋa ọnyuŋ ọfuhọ abaaŋa apampa, ede Yisọs ete, ikitua sọ ke enye ipahapa ede adadai.
53Mmọ ekekop ikọọ nken mmọ amuua onyuŋ ọdọọŋi eme ndọk, sia mmọ imaọdiọŋọ ke eyen okoro amaapa. 54Ede Yisọs asaŋa epere eyen eken ọmum eme k'ubọk okood eme ke akwaa uyo ete, «Nkakaa eyen, deeme!» 55Ndien idaha-idaha ikoro enye eseedi onyuŋ ebeene. Ndien Yisọs ọdọhọ mmọn nyiinyene nse enọ eme ndia adia. 56Ndien idem apa mmọn nyiinyene nse, ede Yisọs apan mmọ ete ikitiŋ sọ inọ owom beriberikeen se etibede emi.
Currently Selected:
Luk 8: NKZ
Highlight
Share
Copy
Want to have your highlights saved across all your devices? Sign up or sign in
Nkari Bible by Beyond Translation is licensed under Creative Commons Attribution-ShareAlike 4.0 License.
Luk 8
8
MME IBAANI EKE ASAAŊADE MA YISỌS
Luk 8:1-13
1ke mme mpọ nken imaikibei, Yisọs ma mme nsaŋa-utom ise duopebaa adaha akaa mme nsio-nsio obio, ma esid obio, onyuŋ ọkwọọrọ etiti mbuk abaaŋade obio-ubọọŋ Idem-Mbubod. 2Mme ibaani emi Yisọs eke kọọkde udọŋọ ọnyuŋ ebin mme sibidid idem-epo osiooŋo mmọ k'idem esaaŋa ma eme. Mme ibaani iken ekede, Mbedi emi ekeside obio Makdada#8:2 Maktadin: ekesi obio Makdada. Ntee ekenam mmọ okood Mbedi edian obio ese, emi Yisọs ekebinde sibidid idem-epo itiaba osio eme k'idem. 3Ma Yuana, anwaan Kusa, emi ekedede ese utom Ọbọọŋ Erọd, ma Susana, ma mme ibaani ewen emi Yisọs eke kọọkde mmọ udọŋọ. Mfifien ibaani iken ekese ewam ke nkaaiso utom Yisọs ma mbed nse ke oyoomo.
MBUK ỌTỌỌ INWAŊ
Matio 13:1-9; Maak 4:1-9
4Ekem k'usen keen, otutu owom eside mme nsio-nsio obio, esobo ibuod ọtọ keen, edibine Yisọs. Ndien enye atiŋ ikọọ ma mmọ ke mbuk ete. 5«Usen keen, ọtọọ inwaŋ ọwọrọ akaa eke awaari mpata nse. Nte enye ọsuk awaaride, usuk mpata ọduọŋọ ke afaŋ usuŋ. Mmọn owom odiooŋi mmọ k'ipad, mm'inuen onyuŋ ataŋ mmọ ataa. 6Usuk mpata ọduọŋọ k'onyuŋ itiad asaai ede mmọ apaaŋa sia mmuuŋ iduhe inọ mmọ. 7Usuk mmọ ọduọŋọ ke ufọọd ikọd usahi ọnyuŋ asaai, ọkọdi ede usahi ọkọdi ọfuk mmọ, iyakke mmọ onwum idem. 8Mmọnidiken ọduọŋọ ke ntiti isọŋ, etibe, opooni, onyuŋ onwum idem utum ike ikie. Ede Yisọs eketiŋ mme ikọọ iken ama, enye atiŋ ke akwaa uyo ọnọ otu owom ete, «Owom ekenyiimede ikop, yak enye okop.»
YISỌS ỌNỌ MBUK ABAAŊA ỌTỌ INWAŊ
Luk 8:9-15; Matio 13:10-17; Maak 4:10-12
9Ede mme mbed nse ebib eme, «Mbuk nken ọwọrọ sọ?» 10Ndien Yisọs ete mmọ,
«Eyaara mme ndidibe apanikọọ obio-ubọọŋ Idem-Mbubod enọ mfo. Ede nda mbuk mpeebi mmọnido idehe mbed ni mpọ mbaak ikọọ Idem-Mbubod ọwọrọ osu.
Mmọ odomo ukeme ise senamde ede mmọ ikwe, mmọ okop se mpeebide ede inwaŋake mmọ.»
11Mbuk nkoro ọwọrọ ntee, mpata nkoro adaa ọnọ ikọọ Idem-Mbubod. 12Usuk owom anaante afaŋ-usuŋ emi usuk mpata ọduọŋọde, mmọ okop ikọọ Idem-Mbubod, ede sibidid idem-epo ediduk mmọ esid owod ikọọ iken mbaak mmọ inum ke apanikọọ yak Idem-Mbubod anyaaŋa mmọ. 13Usuk mmọ anaante onyuŋ itiad emi usuk mpata eke ọduọŋọde. Mmọ ede mmọnido okopde ikọọ Idem-Mbubod, onyuŋ ọbọọ k'idadesid. Ede mmọ iyakke ikọọ iken esin ọduŋ ke esid mmọ, ntoro ke mmọ onum ke apanikọọ ke apara ini, k'idaha idomo, mmọ ọduọ ọpọŋ usuŋ. 14Usuk owom anaante ikọd usahi emi usuk mpata eke ọduọŋọde. Mmọnimi ede mmọn okopde ikọọ Idem-Mbubod, ede nte mmọ akaade iso, mme mfina, inyene ma inem-uwem odorobod eken iyakke mmọ ọkọri eyene nsọọŋọ ndaa ke sibidid. 15Usuk owom anaante etiti isọŋ emi usuk mpata eke ọduọŋọde. Mmọnimi ede mmọn okopde ikọọ Idem-Mbubod ke inwaŋ-inwaŋ ma esid apanikọọ. Mmọ akaiso ọmum ikọọ iken akama onyuŋ onwum mfuri k'ime.
MBUK ABAAŊADE UTUENIKAŊ
Luk 8:16-18; Maak 4:21-25
16Yisọs akaaiso atiŋ ete, owom berikeen idomoke utuenikaŋ iben abaŋ ifuk. Utukedo, enye eben ọkọbi ke mpọ ukọọŋ utuenikaŋ, mbaak ọnọ mmọnido ọdukde edi esid ufọk unwana. 17Sia mfifien mpọ se edibede aka iyaara ọnyuŋ ọwọrọ adaa anwa-anwa. 18Ede itum ipeme se mpeebide mfo, sia mmọn owom eyemde idiọŋọ se mpeebide, Idem-Mbubod akainam anwaaŋa mmọ, ede mmọnimi iyemke idiọŋ, Idem-Mbubod aka ibọọ mmọ se mmọ eke ọdiọŋọde.
NNE YISỌS MA NTITỌỌŊ-EKA ESE
Luk 8:19-21; Matio 12:46-50; Maak 3:31-35
19Usen keen nte Yisọs ekesuk epeebide mpọ, nne nse ma mpara ntitọọŋ-eka ese ideeni edikud eme. Ede mmọ ikikanke isaaŋa ipere eme sia otu owom ama akaanade eme ọkuk. 20Ede owom keen ọdọhọ Eme ete, Nne fo ma mpara ntitọọŋ eyen-eka fo ideeni odu ke eseen, eyem ikud fin. 21Ede Yisọs ete mmọ, «Nne mi ma ntitọọŋ eyen-eka mi ede mmọnimi okopde ikọọ Idem-Mbubod onyuŋ anam se enye ọdọhọde.
OYOBIO MA MFUFUD INYAŊ EKOP IKỌỌ ỌNỌ YISỌS
Luk 8:21-25; Matio 8:23-27; Maak 4:35-41
22Ekem k'usen keen, Yisọs ma mme mbed nse eduk ubom ndien enye ete mmọ, «Yak nnyin ibei ikaa edem inyaŋ nko. Ndien mmọ adaaŋa.» 23Ede nte mmọ ọsuk awadde akaa, idap ọbọhọ Yisọs. Idaha idaha ikoro oyobio ọtọọŋọ, mmuuŋ ọdọŋọ ubom mmọ ọyọhọ, ubom epere iteŋ.
24Ndien mme mbed Yisọs ekedeeme eme ete, «Ette-ufọk! Ette-ufọk!! Wam nnyin ke nnyin immuuŋ ipaaŋa.» Ndien Yisọs ebeene adaa ọnọ oyobio ma mfufud inyaŋ ipan ete, «Idobo!» Ndien mmọ odobo. 25Ede Yisọs ete mme mbed nse, nso ede mfo ibuọọd k'idem ke ami? Ndien idem apa mmọ, umim onyuŋ anam mmọ, mmọ atiŋ k'otu idem mmọ ete, «Nsutọọ owom owoom, ọnọde ofum ma mmuuŋ ipan, ndien mmọ opono eme!»
YISỌS ANAM OWOM EKE ỌYỌHỌDE MA SIBIDID IDEM-EPO OKOP NSỌŊIDEM
Luk 8:26-39; Matio 8:28; 9:1; Maak 5:1-20
26Yisọs ma mme mbed nse ekesim mben inyaŋ eperede Keresa, emi edede nsak iso inyaŋ idak ukara Kadidi. 27Ede k'idaha Yisọs ma mme mbed nse ewọrọde k'ubom, ette keen sibidid idem-epo ekeduŋde eme k'idem emi ikisisineke mfọrọ-idem, ekeduŋde k'udi. Edibine Yisọs. 28Ette eken ekekud Yisọs, enye amia mpubio onyuŋ ọtọọŋọ edọŋ k'iso Yisọs, atiŋ ke akwaa uyo, «Yisọs, eyen Nkoŋnkan Idem-Mbubod, nso ede ofo afinade nnyin? Mbọk k'umia sọ nnyin ufen.» 29Enye eketiŋ ntee sia Yisọs ama ọnọnọ mme sibidid idem-epo ipan yak mmọ ọwuŋọ eme k'idem, mmọ ama ese etuhọhọde eme mme usen edem. Mmọn owom ọbọp eme ubọk ma ukod ke mparaŋ onyuŋ onum eme k'upeme ede enye ọbuŋ mme mparaŋ nken ndien mme sibidid idem-epo eken eben eme akaa nsaad-isọŋ.
30Ndien Yisọs ebib eme, ekere ntewe? Enye ete, enyiŋ nnyin ide udim-ekọŋ, sia uwak mme sibidid idem-epo eke ọduŋde eme k'idem.
31Ede sibidid Idem-epo ekaiso epei Yisọs yak ibibine sọ mmọ isin ke ebeek.
32Ke mme mpọ nken ekesuk akade iso, otu eddi ekeọsuk adia ke mpere nkoro. Mme sibidid Idem-epo eken epei Yisọs ete ayak mmọ ikedọŋọ otu eddi eken k'idem. Ndien enye ama enyiime ọnọ mmọ. 33Ndien mme sibidid idem-epo eken ọwọọŋọ eme k'idem, onyuŋ ekedọŋọ otu eddi k'idem. Mme eddi eken efeeŋe anafai-anafai ekesuhọde ọdọŋọ mmuuŋ apaaŋa.
34K'idaha mme epeme eddi ekekudde se etibede, mmọ efeehe ma umim eketiŋ ọnọ mfifien owom ke nkan-nkuk nkoro ma obio mmọ. 35Ndien mmọn owom ọwọọŋọ edise se eketibde. Mmọ edisibi ọtọ Yisọs ekedude onyuŋ edikud ette eken Yisọs ekebinde mme sibidid idem-epo osiooŋo eme k'idem nte enye esine mfọrọ-idem etie ma Yisọs ke nsọŋidem. Mmọ ekekud odo, umim anam mmọ abaaŋa Yisọs. 36Mmọnido nkoŋ ekekudde se eketibede ebuk enọ mmọnidiken nte Yisọs ekenamde owom eken ekenyenede sibidid idem-epo okop nsọŋidem. 37Ndien mmọn obio idak ukara Keresa ete Yisọs ọwọrọ k'obio mmọ, sia umim ama eneŋede anam mmọ abaaŋa eme. Ndien Yisọs ma mme mbed nse eke ọduk ubom enyuŋe. 38Mbemiso Yisọs ma mbed nse onyuŋ, owom eken mme sibidid idem-epo eke'wọŋọde eme k'idem ebeeŋe Yisọs ete, «Yak nkene fin». Yisọs inyiimeke, ede ete eme,
39«Nyuŋ ufọk kaa ketiŋ nọ mfifien owom akwaa utibe-mpọ se Idem-Mbubod anamde ọnọ fin.» Ndien enye onyuŋ ekebuk akwaa utibe-mpọ nken ke mme obio ete, «Yisọs anam etiti mpọ ọnọ min.»
YISỌS ỌKỌ EYEN IBAANI UWỌRỌ EYIIP ONYUŊ ANAM OPOKEEN ASAAŊA IFERI ESEEDI
Luk 8:40-56
40Ekem k'idaha Yisọs ma mme mbed nse esedde edi ipehe-ukara Kadidi, otu owom adara eme, sia mmọ mfifien eke etiede ebed eme. 41Ede owom eken ekerede Yariọs emi ekedede ada ibuod k'efe-upono Idem-Mbubod, ọduọ Yisọs k'ukod, onyuŋ ebeeŋe eme ete, «Mbọk di ọkum.» 42Sia idem ekebiakde nkukweeŋe eyen ibaani ise emi ekedede itua duopebaa tutu enye epere mpa. Ndien Yisọs ekene eme, ede nte Yisọs ọsuk akaade k'usuŋ otu owom onuk ekene eme. 43Ndien eyen ibaani keen amaodu k'otu udim owom eken, emi ọkọdọŋọde uworo eyiip k'itua duopebaa. Enye amabiad mfifien oyoomo ese ọnọ mmọn mbia-usọbọ, ede mmọ berikeen ikikanke ikọk eme. 44Enye esi ke edem afaha ebei k'otu owom eke ọtuuk etọŋ ewuri Yisọs. Idaha idaha ikoro udọŋọ uwọrọ eyiip oture eme.
45Ndien Yisọs ete, «Owom ọtuuk min. Nenye owom oworo? Mfifien owom ete ke mmọ ituuke eme ndien Pite ma mmọn eke'saŋade ma eme ete, «Ette-ufọk, uwak owom eken ọsuk efik fin, Ofo ete nenye ọtuuk min?»
46Ede Yisọs ete, «Mmediọŋọ ke owom ọtuuk min, sia mmekop k'odudu ukọk ọwọrọ min k'idem.» 47Ndien eyen-ibaani iken eke'kud ke eme idibeke, enye ọwọrọ edi ma uted osuuk omum eme, ediduọ k'iso Yisọs. K'iso mfifien owom, enye ayaara ọnọ Yisọs ntak enye eketukde eme, ma nte enye okopde nsọŋidem idaha-idaha ikoro. 48Ndien Yisọs ete eme, «Nkakaa, ofo ọbọ ukọk sia onum ke apanikọọ ke ami mmekeme ikọk fin udọŋọ. Yuuŋ ufọk yak emem Idem-Mbubod akaaiso odu ma ofo.
49Nte Yisọs eke'suuk atiŋde ikọọ ma eyen ibaani iken, owom esi ufọk Yariọs edi ete eme, «Eyen fo ibaani apa. Kupapa sọ idem ewen ufina atitia.»
50Ndien Yisọs eke'kop ntoro ete Yariọs, «K'uyak umim anam fin, kwa num min ke apanikọọ, ndien nkanam eyen fo eseedi ke mpa.»
51Ede Yisọs ekedisibi ufọk Yariọs, enye ada mme nsaŋa-utom ise ita ọpọọŋ, Pite, Yemsi ma Yọọn, ntaa ma nne eyen okoro ọduk ubeed ikoro eyen eken ekenaade. 52Mmọ ekeduk, mfifien owom k'ufọk ikoro ekedu ke ntuaaŋa ọnyuŋ ọfuhọ abaaŋa apampa, ede Yisọs ete, ikitua sọ ke enye ipahapa ede adadai.
53Mmọ ekekop ikọọ nken mmọ amuua onyuŋ ọdọọŋi eme ndọk, sia mmọ imaọdiọŋọ ke eyen okoro amaapa. 54Ede Yisọs asaŋa epere eyen eken ọmum eme k'ubọk okood eme ke akwaa uyo ete, «Nkakaa eyen, deeme!» 55Ndien idaha-idaha ikoro enye eseedi onyuŋ ebeene. Ndien Yisọs ọdọhọ mmọn nyiinyene nse enọ eme ndia adia. 56Ndien idem apa mmọn nyiinyene nse, ede Yisọs apan mmọ ete ikitiŋ sọ inọ owom beriberikeen se etibede emi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nkari Bible by Beyond Translation is licensed under Creative Commons Attribution-ShareAlike 4.0 License.