ရှင်လုကာ 1
1
အခန်း (၁)
ကိုယ်တော်ယေရှုအခြင်း သီအိုဖိလတ်ဟာင်ဆတ် လုကာလေကျဲသတ်
1လေးစားဂေါ်ရဇာ့သပ် သီအိုဖိလတ်၊ မာနုချ်ဘီရှိဂို့ရိယေး အာင်ရရ်ဘိသောရတ် အို့ယေးသေအဲယုနော်ရတ် လေကိဗျတ်လိုက် ကိုးစားဂိုကျဲ။ 2အဲနိကျလေကျဲသတ်အတ်ရေ အိသေးရာ စသော်လို့သိသကိယတ်နန် အို့ယေးသေအဲယုနော်ရတ် ဒေခဲသတ်အိသေးရာသူးန် ဟို့ယ်ဒဟယေးသတ်အဲယုနော်ရတ် လေကျဲ။ 3အပ်သလိုက် အိုင့် စသော်လို့သိ ဘေကုနောရတ် ဂင်ဂိုရိ လေ့လာဂိုရိယတ်နန့် အို့ယေးသေအဲယုနော်ရတ် သော်ရလိုက် အောသောသေ လေကီဗျတ်လိုက်ဘို့လိ မော်န်ဂိုဂျိ။ 4သို့ယတ်နန့်မှ သော်ရ ဖူးနောဒေ အခြင်းအရာအဲယူန် အူဇူသတ် ဟိုယ်သရိဘိ။
ရေနှစ်မင်္ဂလာဆရာယောဟန် အို့ဗျို့သေအဲယူန် အာဂိုသည့်လို့သိ ဟောဂိုကျဲသတ်
5ယုဒဒတ်ချောသ် ဟေရုဒ်ရာဇာ#1:5 ဟေရုဒ်ရာဇာဒတ် ရောမဇာသီအောကောလတ် သည်အေကျဲသတ် ရာဇာအို့ယေးနန့် ယုဒဒတ်ချောရတ် (၃၇ဘီစီမှ ၄ဘီစီ)အထိ အုပ်ချုပ်ဂိုကျဲသတ် ရာဇာ။ အုပ်ချုပ်ဂိုကျဲသတ် တိုင်မော်မာ့သပ် ဇာခရိဟောသတ် ပုရောဟိတ်ယေး#1:5 ပုရောဟိတ်အောကောလတ် မြင့်မြတ်ရေ ဖတ်ချားအောကောလ် ဂိုရိဗျတ်လိုက် အူးခူးမ်အာ့စတ်ဒေ ဂျူးဘာချာရေး ဒေါမ့်ရ်အောကောလ် အို့ယေ။ အိသေးရာ မာနုချ်ဘီရှိရ် ဘော်သော်လ် ဗိမာန်တော်မာ့သတ် ဘာချာရေး ဟာမ်အောကောလ် ဂေါ်ရဖောရတ်သတ် မာနုချ်အောကောလ်အို့ယေ။ အဘိယ#1:5 အဘိယဟောသပ် ဂျေရုဆလင် ဗိမာန်တော်မာ့သပ် ဟာမ်ဂိုရိဘတ်လိုက်ဘို့လိ ဒိုက်ဂို့ကျဲသတ် ဒိုက် အေခူရီဆိုက်ဒိုက်ဘိသောရတ် အတ်ဒိုက်အို့ယေ။ (ရာဇဝင်ချုပ်ပထမစောင် ၂၄း၁၀) ဟို့ယ် ဒါကေသတ် ပုရောဟိတ်အတ်ဇောနောရ် ဒိုက်ယောရ်မာနုချ်။ အိသဲရ်ဘေရီ ဧလိရှဗက်ယိုး အာရုန်ဟို့ယ် ဒါကေသတ် ပုရောဟိတ် ဂူချိသူးန် လာမီအချဲသတ်။ 6ဇာခရိဒတ် ဧလိရှဗက်ယေး ဘောဂဝင့်နောရ် ပညတ်တော်ဘေကုနောရတ်#1:6 ဘောဂဝင့်နောရ် ပညတ်တော်ဟောသတ် ဘောဂဝင့်နောရ် ဒတ်ချာ့ဏ ဘုလ်နောဇိုက်ဖာန် မာနီဂေါ်ရတ်သတ်အပ်သလိုက် ဘောဂဝင့်နောရ် စူကောမသတ် အူဇူမာနုချ်အောကောလ်#1:6 “အူဇူမာနုချ်” ဟောသတ် ဘောဂဝင့်နောရ် ပညတ်တော်သတ် အော်ဒလ်အောကောလောရတ် မာနီယတ်နန့် သကတ်သေမာနုချောရတ် ဟောသတ်။ အို့ယေ။ 7သို့ ဧလိရှဗက်ယေး ဘာ့ဇာသတ်အပ်သလိုက် အိသေးရာသူးန် ဖူဇိနိုက်။ သိုဘာဇေ အိသေးရာဒူနောဇောနန့်ယိုး ဘီရှိဘူရအိုးဂိယို့ယ်။
8အေသည်န် ဇာခရိရ်ဒိုက် အလှဲဖို့ဂျဲဇသတ် အိသေး ဗိမာန်တော်မာ့သတ် ဘောဂဝင့်နောရ်မောသည့် ပုရောဟိတ်အတ်ဇော့န် ဂေါ်ရဖို့ရိဗျို့သတ် ဟာမော်ရတ် ဂိုရိဗျို့ချောသ် 9ပုရောဟိတ်အောကောလောရ် ဖတ်ချားအဆတ်သတ်အဲနိကျ ဘောဂဝင့်နောရ် ဗိမာန်တော်ဘိသောရတ် နံသာတံသောရစ် ဖူဇီဗျတ်လိုက် မဲနိုက်ဂိုရိ ဘိုက်စဲရရ် ဇာခရိ ဖိုကျဲ။ 10ဇာခရိယေး အဲနိကျ နံသာတံသောရစ် ဖူဇော်ဂေါ်ရတ်သတ်တိုင်မော်သ် မာနုချ်ဘီရှိဂို့ရိ #1:10 ဗိမာန်တော်ဟောဒတ် ဂျေရုဆလင်တောမ့်နောသ် အတ်ခါးန်ဘဲသကိယတ်နန် ဂျူးဇာသီအောကောလတ် နော်ချောရ်ဂို့ရိ ဘော်ရ်ကုဇတ်သတ်ဇာငှာ။ဗိမာန်တော်ဘိရာမာ့သတ် ဘော်ရ်ကုဇိ ရိုယေး။
11သိုဘာဇေ ဘောဂဝင့်နန့် ဒီရယေးသတ် #1:11 ချောဒတ်ဖောသာ့ဟောသေ ဘောဂဝင့်နောသူန်အချဲသပ် ဂင်မ်ချောဒတ်ဖောသာချောဒတ်ဖောသာ့အိဘေ နံသာတံ သောရစ်ဖူဇေသတ် အာချောနောရ် ဒိုင်ဒ့ဟောသည့် ဇာခရိယေး ဒတ်ကတ်ဖားန် ဒါဟယေး။ 12ဇာခရိယေး ချောဒတ်ဖောသာ့ရတ် ဒေခဲရရ် ဘီရှိဒေါ်ရာဇ် ဟာဖှတ်ရ်။ 13အန်းစောလော်သ် ချောဒတ်ဖောသာ့ယေး အိသေးရေ “နော်ဒေါ်ရာယိုး ဇာခရိ။ သော်ရ် ဘော်ရ်အဲယူန် ဘောဂဝင့်နန့် ဖူးနေ။ သော်ရ်ဘေရီ ဧလိရှဗက်ယေး သော်လိုက် ဖွာမော်ရာသာအို့ဂို့ ဘီယာသည်ဘို။ သိုဘာဇေ သော်သူးန် ဖွာအိဘေရတ် ယောဟန်ဟို့ယ် နာ(မ်) သည်ယာဖိုရီဘို့။ 14ဖွာအိဘေ အိုးဗျို့ဒေအန်းသေ အိသေး သော်ရတ် ဘီရှိကုချီအောစ်ဖားန်ဂိုရိသည့်ဗျို့။ အာရ်မာနုချ်အောကောလို့ ဖွာအိဘေအို့ယေးဒေအပ်သလိုက် ဘီရှိကုချီအို့ဗျို့။ 15ကပ်လိုက်ဟိုးလေး ယောဟန်ယေ ဘောဂဝင့်နောရ် စူကောမသတ် ဒေါမ့်ရ်မာနုချ်အတ်ဇော့န်အို့ဗျို့။ အိသေး ဟိုနို့သည့်န် ဝိုင်ဒတ် ချောရောဖ်ဖားနီ နာဟဗျို့။ အိသေး နော်ဝိုင်းသေးလို့သီး ဂန်ညာနော်အာလော်ယေ အိသဲရ်အူဝါရေ ဖိုရီသကိဘို့။ 16ယောဟန်ယေ အစ္စရေးဇာသီ ဘီရှိဂို့ရိရတ် အိသေးရာရ် ဒူချောသူးန် နောင်တဖာ့ယတ်နန့် အိသေးရာရ် အရှင်အို့ယေးသတ် ဘောဂဝင့်နောရ်အိကျေ ဖိရတ်ဖာန် ဂိုရိဗျို့။ 17ယောဟန်ယေ ပရောဖက်ဧလိယဒိခါးန်#1:17 ဘောဂဝင့်နောရ် ဟာမော်ရတ် ဂေါ်ရတ်သတ်မာနုချ်အို့ယေးနန့် ဘောဂဝင့်နောရ် ဘိုက်စဲသတ်အဲယုနော်ရတ်ဖာယတ်နန့် ဟာဇော်ရော်ရ်ဂူ့န်အာင်ရသတ်အဲယုနော်ရတ် ဖာယေးသတ်မာနုချ်အောကောလ်။ ဘောဂဝင့်နန့် မာနုချ်အောကောလောရတ် အိသေးရာသူးန်တဆင့် အော်ဒလ်ဂေါ်ရတ်သတ်အာဆတ်။ ဂန်ညာနော်အာလော်ဒတ် ဂူနီ သကိ အရှင်အာဗျတ်လိုက် မာနုချ်အောကောလောရတ် သိုယာရ်ဂိုရိသည့်ဘို့။ ကိုယ်တော်ရ် မောသည့်ဇာဗျိုသတ် မာနုချ်အို့ဗျို့။ အိသေး မာဘာဖော်ရတ်ဒတ် ဖူဇိအောကောလောရတ် ဘော်နန်ဖားန်ဂိုရိ နော်မာနန်သတ် အိသေးရာရတ်ယိုး အူဇူမာနုချောရ် ဘီသာအောမ်လာရာဆာရတ် ဖိုက်ဗျာလိုက် ရာဆာဒါဟိုက်သည့်ဘို့။ သို့ယတ်နန့်မှ မာနုချ်အောကောလို့ အရှင်အာဗျိုသပ်တိုင်မော်သ် သိုယာရ်ဂိုရိ သက်ကိဗျို” ဘို့လိ ဟိုယေး။
18သိုဘာဇေ ဇာခရိယေး ချောဒတ်ဖောသာ့ရေ “သူ့ည်ဟိုယောသတ်အဲနိကျ ဟားထိအွို့ယ်အာဗျို့ဘို့လိ အိုင့် ကိမ်ဂို့ရိ ဟိုယ်သကျိုးမ်။ ကပ်လိုက်ဟိုးလေး အိုင့်ယိုး အာင့်ရ်ဘေရီယိုး ဘီရှိ ဘူရားအွို့ယ်ဇယိဂို့ယ်” ဘို့လိ ဟိုယေး။
19အန်းစောလော်သ် ချောဒတ်ဖောသာ့ယေး အိသေးရေ “အိုင့် ဘောဂဝင့်နောရ်မောသည့် ဟာမ်ဂိုရိသိ ဂါဗြေလ။ သော်ရ်ဟာင်ဆတ် အေဂင်မ်ဟောဘောရောရေ ဟိုဗျတ်လိုက် ဘောဂဝင့်နန့် အာင့်ရတ် ဒီရယေးသတ်အို့ယေ။ 20သို့ ယာ အာင့်ရ်ဟော်သရတ် သူယ် ဘီချာသ်နောဂေါရောသတ်အပ်သလိုက် အေယူးန် အို့ဗျို့သေအဲသို့သည်န်ဝါးန် သူယ် ဟော်သဟို့ယ်နဖားရိ ဘူခ်အွို့ယ်ရိုးဘိ။ ကပ်လိုက်ဟိုးလေး အာင့်ရ်ဟော်သ တိုင်မ်အို့လေ အွို့ယ်အာဗျို့” ဘို့လိ ဟိုယေး။
21ဇာခရိဒတ် ချောဒတ်ဖောသယေး ဗိမာန်တော်ရ် ဘိသောရတ် ဟော်သဟောသတ်အန်းစောလော်သ် ဘိရာမာ့သတ်အဆတ်သပ် မာနုချ်အောကောလို့ ဇာခရိရတ် စိုည်ရိုယေး။ အိသေးရာ ဗိမာန်တော်ဘိသောရတ် ဇာခရိ ကတ်လိုက် ဒေရီဂိုရိ သက်ကိရိုးယေးသေ အဲယူးနော်ရတ် အော်ဘက်ဖ်ဂို့ရိ ရိုယေး။ 22ဇာခရိ ဘရတ် နေလီအချဲသတ် တိုင်မော်မာ့သတ် အိသေးရာလို့ယ် ဟော်သဟိုနဖားရတ်ရ်ဇသတ် ဗိမာန်တော်ရ် ဘိသောရတ် အစိလ်သည့်အန်းသေ ဇာခရိယေး ဖိရိဆာဟော်နောအတ်ခါးန် ဒေခဲဘို့လိဟို့ယ် မာနုချ်အောကောလတ် ဘူဇဲ။ အိသေး မာနုချ်အောကောလောရတ် အာ့သေဒါဟိုက် ဘူခ်အွို့ယ်ရို့ယေး။
23သိုဘာဇေ ဇာခရိယေး ဗိမာန်တော်မာ့သတ် ဂေါ်ရဖို့ရိဗျို့သတ် ဟာမ်အောကောလ် ဂိုသို့အိုးယေရရ် အိသဲရ်ဂေါရောသ် ဇာယို့ယ်။ 24တိုင်မ်အေကီနိဒေရီအို့ယေးရရ် ဇာခရိရ်ဘေရီ ဧလိရှဗက်သူးန် ဖွာဖတ်ရော်သ် အွို့ယ်အယတ်နန့် အိဘေ ဖာစ်မချ်အာ့နိခ် မာနုချောရ်အဒ်ရောမာ့ဒေ နောဇာယတ်နန့်ရိုယေး။ 25အိဘေ “အရှင်ယေ အာင့်ရတ် ဖွာလွိုယ်သာရီဗျို့သတ် အခွင့်ရတ် သည်ယေး၊ အိဘေ အာင့်ရတ် ဘော်ရော်မာယာရတ် ဒါဟယတ်နန့် မာနုချောရ်အဒ်ရောမာ့ဒေ ချောရောမ်ဖိုက်သည် အဲယုနော်သုနို့ နာသကတ်ဖားန် ဂိုရိသည့်ယေး” ဘို့လိ ဇေရ်ဂုသေ ဟိုယေး။
ကိုယ်တော်ယေရှု အို့ဗျို့သေအခြင်း
26ဧလိရှဗက်သူးန် ဂိုရ်ဘိသ စောမာချ်အာ့နိခ် အို့ယေးဒေအန်းသေ ဘောဂဝင့်နန့် ချောဒတ်ဖောသာ့ ဂါဗြေလ ရတ် ဂါလိလဲဒတ်ချောရ် နာဇရက်တောမ့်နောမာ့သတ် ဒီရယေး။ 27ချောဒတ်ဖောသာ့ ဂါဗြေလယေး မာရိဟို့ယ် ဒါကေသပ် ဟိုဆာမာယာဖွာအို့ဂို့ရ်အတ်ရေ ဇာယေး။ မာရိယေး ရာဇာဒါဝိဒ်ရ် ဂူချိသူးန် အချဲသတ် ယောသပ်လို့ယ် ဇူရီအေကျဲသတ်မာယာဖွာ။ 28ချောဒတ်ဖောသာ့ယေး မာရိလို့ယ် နှုတ်စဂိုရိ “ဘောဂဝင့်နန့် သော်ရ်ဖောင့်ကတ် သကိ အိဘေရ် ဘော်ရော်အာသော်ရ်မာယာရတ် သော်ရ်အူဝါရေ ဘီရှိဂို့ရိ ဒါဟယေး” ဘို့လိ ဟိုယေး။
29မာရိယေး ချောဒတ်ဖောသာ့ရ် ဟော်သရတ် ဖုနဲသေအန်းသေ ဘီရှိမော်န်ဆတ်ဒေရ်ဘတ်သပ်ရ် အို့ယေးနန့် ချောဒတ်ဖောသာ့ရ်ဟော်သ ကီယောရတ်ဟိုယေးသပ် စိမ်သာဂိုရိရိုယေး။ 30သိုဘာဇေ ချောဒတ်ဖောသာ့ယေး မာရိရတ် “မာရိ၊ နော်ဒေါ်ရာယိုး။ ဘောဂဝင့်နန့် သော်ဝင့်ရတ် မာယာဒါဟယေး။ 31ဖူးနော၊ သော်ဝင့်သူးန် ဖွာဖတ်ရော်သ် အို့ယေးနန့် မော်ရော်သာအို့ဂိုး ဘီယာဗျို့။ အိသဲရ် နာမော်ရတ် ယေရှုဟို့ယ် ဒါခါဖိုရီဘို့။ 32အိသေး ဒေါမ့်ရ်မာနုချ်အို့ဂိုး အွို့ယ်အယတ်နန့် အောကောလောဒေါမ့်ရ်ဘောဂဝင့်နောရ် ဖွာဟို့ယ် ဒါကီဘို့။ အိသဲရ် ဒါဒါအို့ယေးသတ် ရာဇာဒါဝိဒ်ဒိခါးန် ဘောဂဝင့်န်အို့ယေးသတ်အရှင်ယေ အိသေးရေ နီဇော်ရ်ဇာသီရ်အူဝါရေ အုပ်ချုပ်ဂိုရိဗျို့သတ် ရာဇာအို့သို့သည့်ဗျို့။ 33အိသေး အစ္စရေးဇာသီအောကောလောရတ်#1:33 ယာကုပ်ရ်ဂူရှိအောကောလ်ဘို့လိ မူရင်းကျမ်းမာ့သတ် လေကိအဲကျဲ ရာဇာဂိုရိ ဇိန်သာခီ အုပ်ချုပ်ဂိုရိယတ်နန့် အိသဲရ်ဒတ်ချိုး ဟော်နို့သည့်န် နော်ဘငိဘို့” ဘို့လိ ဟိုယေး။
34အန်းစောလော်သ် မာရိယေး “အိုင့် ဟိုဆာမာယာဖွာအို့ဂို့ အို့ယိသည်အပ်သလိုက် အေယူးန် ဟိုနီကျာ ဖာရီဗျိုး” ဟို့ယ် ချောဒတ်ဖောသာ့ရေ ဟိုယေး။
35ချောဒတ်ဖောသာ့ယို “ဂန်ညာနော်အာလော်#1:35 ဂန်ညာနော်အာလော်ဟောသတ် ဘာဖ်ဘောဂဝင့်န်၊ ဖွာယေရှု၊ ဂန်ညာနော်အာလော်ဟောသတ် သီနို့ရ်ဘိသောရတ် တတိယအိဘေ။ သော်ဝင့်ရ်ဟာင်ဆတ်ဖိုရီ အောကောလောဒေါမ့်ရ်ဘောဂဝင့်နောရ် ဂူနီယိုး သော်ဝင့်ရ်အူဝါရေ ဖိုရီဘို့။ အပ်သလိုက် သော်ဝင့်ရ်ဖွာရတ်ယိုး ဘောဂဝင့်နောရ်ဖွာဟို့ယ် ဒါကီဘို့။ 36သိုဘာဇေ သော်ဝင့်ရ် ဂူချိအို့ယေးသတ် ဧလိရှဗက်ယေး ဘီရှိဘူရအို့ဂိယို့ရရ် ဘာ့ဇာဟို့ယ် ဒါကေသတ် ဖူးနာ့ဖို့ရိလေယိုး ယာ အိဘေသူးန် ဂိုရ်ဘိသအို့ယေးသတ် ဆော့မာချ်အို့ဂိယွိုယ်။ 37ဘောဂဝင့်နန့် ဂိုရိနဖားရတ်သတ် ကေစုနိုက်” ဘို့လိ ဟိုယေး။
38အန်းစောလော်သ် မာရိယေး “အိုင့် ဘောဂဝင့်နောရ် ဂို့ရ်အတ်ဇော့န်အို့ယိသည်အပ်သလိုက် သူ့ည်ဟိုယောသတ်အဲနိကျ အာင့်သူးန် အော့ခ်” ဘို့လိ ဟိုယေး။ သိုဘာဇေ ချောဒတ်ဖောသာ့ယို မာရိရ် ဒဟော့သူန် ဇာယို့ယ်။
ဧလိရှဗက်ရ်ဟာင်ဆတ် မာရိ ဘတ်ရာဇ်သို့ဇယေးသတ်
39ဟိုသည်န်ဒေရီအွို့ယ်ဘာဇေ မာရိယေး သိုယာရ်ဂိုရိ ဇာခရိဒတ် ဧလိရှဗက်သကတ်သေ ယုဒဒတ်ချောသ်အဆတ်သတ် မူရအူဝါရော်ရ် တောမ့်န်အတ်ခနောမာ့သတ် ဟားရာဇာယေး။ 40အဲဇာငှာမာ့သတ် မာရိ ဖိုစဲရရ် အိဘေ ဇာခရိရ် ဂေါရောမာ့သေဂို့လိ ဇာခရိရ်ဘေရီ ဧလိရှဗက်လို့ယ် နှုတ်စဂိုကျဲ။ 41မာရိ နှုတ်စဂိုကျဲသတ် ဟော်သရတ် ဧလိရှဗက် ဖုနေရရ် အိဘေရ် ဖတ်ရော်ရ်ဘိသောရတ်အဆတ်သတ် ဖွာအိဘေ လိုကျဲ။ ဧလိရှဗက်ယိုး ဂန်ညာနော်အာလော်လွိုယ် ဖူရာယတ်နန့် 42“ဘောဂဝင့်နန့် မာယာဖွာ အာရ်ဂူးန် ဘေကုနောသူးန်ဘောလတ် သော်ရတ် မော်ဂေါလ်အာချိဘက်သ်သည့်ယတ်နန့် သော်သူးန် အို့ဗျိုးသေ ဖွာအိဘေယိုး မော်ဂေါလ်အာဆတ်။ 43အာင့်ရ်အရှင်ငေါ်ရ် မာယေ အာင့်ရ်ဟာင့်ဆတ် သော်လာအို့ဗျတ်လိုက်အချဲသတ် ဂင်မ်အခွင့်ရေးရတ် ကပ်လိုက် အိုင့်ဖိုက်သည့်။ 44သော်ရ် အာဘာစ်စော်ရတ် ဖူးနီမောသောရ် အာင့်ရ် ဖတ်ရော်ရ်ဘိသောရတ်ရ် ဂူရာဖွာယေ ကုချီအိုးယေးနန့် လိုကျဲ။ 45ဘောဂဝင့်နောရ် ဟောဘောဂျဟော်သ ဟားထိအွို့ယ်အာဗျို့ဘို့လိ ဘီချသ်ဂို့ကျောသပ်သူယိုး မော်ဂေါလ်အာဆောစ်” ဟို့ယ် ဒေါမ့်ရ်ဂို့ရိ ဂူဇူရီဟိုယေး။
ဘောဂဝင့်နောရေ မာရိ ချီးမွမ်းဂိုကျဲသတ်
46သိုဘာဇေ မာရိယိုး
“အာင့်ရ် မော်နောရ်ဘိသောရတ်သူန် ဘောဂဝင့်နောရေ ချီးမွမ်းဂိုဂျိ။
47ဘောဂဝင့်နန့် အာင့်ရတ် အူဖာရ်ဂိုရိဗျို့သတ်အပ်သလိုက် အိုင့် ဘီရှိကုရှီအို့ယိ။
48ကပ်လိုက်ဟိုးလေး အိုင့် ကိုယ်တော်ရ် နီစော်သာရ် ဂို့ရ်အို့လေးယိုး ဘောဂဝင့်နန့်
အာင့်ရတ် အုချ်လိုက်ခေ။
အပ်သလိုက် ယာလိုသီ ဇာသီဘေကုနောသူးန် မာနုချ်အောကောလတ်
အာင့်ရတ် မော်ဂေါလ်အာဆတ်သတ် မာနုချ်ဟို့ယ် ဒါကီဘို့။
49ဂူနီဒေါမ့်သတ် ဘောဂဝင့်နန့် အာင့်ရ်အူဝါရေ ဂင်မ်အောကောလ် ဂိုရိသည့်ယေး။
ကိုယ်တော်ရ်နာ(မ်)မို့ မြင့်မြတ်ရေ။
50ဘောဂဝင့်နန့် အိဘေရတ် ရိုသေဂေါ်ရတ်သတ် အိသေးရာရ်အူဝါရေ
ဘော်ရော်အာသော်ရ်မာယာရတ် ဇိန်သာခီဘောရ် ဒါဟိုက်ဗျို့။
51ဘောဂဝင့်နန့် ဂူနီလွိုယ် ဒေါမ့်ရ်ဟာမ်အောကောလ် ဂိုရိဗျို့။ မာနကိဂိရိ ဇေရ်ဂုသေ ဒေါမ့်ရ်ဘို့လိ ထရတ်ဒေအိသေးရာရတ် အိသေး စီနိဘာဇေ အိသေးရာရတ် သော်န်ဇာငှာသ် ဂိုရိသည့်ဘို့။
52ဘောဂဝင့်နန့် အုပ်ချုပ်ဂေါ်ရတ်သပ် အိသေးရာရတ် အိသေးရာရ် အာချောနော့သူးန် ထာနီလာမိုက်သည်
နီဆော်သာဂိုရိ သကတ်သေ အိသေးရာရတ် ဟာဇော်ရော်ရ်မာနုချ်အောဖားန် ဂိုရိသည့်ဘို့။
53ဘောဂဝင့်နန့် အူဝချ်ရိုးယေးသတ်အိသေးရာရတ် ဂင်မ်ဇီနိချ်အောကောလ် ဖူရာဇ်သည်
ဖူချားအောလား အောကောလောရတ် ကေစုနိုသည်ယတ်နန့် ဒီရစ်သည့်ယေး။
54ဘောဂဝင့်နန့် အာင်ရရ် ဒါဒါအို့ယေးသတ် အာဗြဟံရတ် သောသော်သည်အေရီယတ်နန့်
အိဘေရ် ဂို့ရ်အို့ယေးသတ် အစ္စရေးဇာသီအောကောလောရတ် ကူညီဂိုရိဗျတ်လိုက် အာဗျို့။
55ယာ ဘောဂဝင့်နန့် အိဘေရ် သောသော်ရတ် မော်နော်သ်ဂိုကျဲ။
အပ်သလိုက် ဘောဂဝင့်နန့် အိဘေရ်ဟာမော်ရတ် ဂေါ်ရတ်သတ် အာရောအစ္စရေးဇာသီဘေကုနောရတ် ကူညီဂိုကျဲ” ဟို့ယ် ဘောဂဝင့်နောရေ ချီးမွမ်းဂိုကျဲ။
56သိုဘာဇေ မာရိယေး ဧလိရှဗက်လို့ယ်ဖောင့်ကတ် သီန်မာ့ချ်သကိ နာဇရက်တောမ့်နောသ် အဆတ်သတ် အိဘေရ် ဂေါ်ရောသ် ဇာယို့ယ်။
ရေနှစ်မင်္ဂလာဆရာ ယောဟန်ရတ် ဘီယာယေးနန့် နာ(မ်)သည်ယေးသတ်
57ဧလိရှဗက်သူးန် ဖွာအိုးဗျရ် တိုင်မ်အိုးယေရရ် မော်ရော်သာအို့ဂို့ ဘီယာယေး။ 58အိဘေရ် ဒဟောရ်မာ့နုချ်အတ်သတ် ဂူချိအောကောလ် အိဘေရ်အူဝါရေ ဘောဂဝင့်နောရ် အာသော်ရ်မာယာဒေါမ့်သပ် ဖူးနေရရ် အိဘေလို့ယ်အေဒီလာ ကုချီအို့ယေး။
59ဂူရာဖွာရ်ဘော်ချ် အချ်တော်သည်န်အို့ယေးဒေအဲသည့်န် အရေပြားလှီးမင်္ဂလာ#1:59 မောရှေရ်ပညတ်ကျမ်းမာ့သတ် အဆတ်သတ်အဲနိကျ ဂျူးဇာသီအောကောလောရ် ဖတ်ချားမာ့သတ် ချောရောမ်ဇငှရ် အူဝါသည့်ရ် ဆာမ်မော်ရတ် ဟာရေသတ် ဂိုရိဘတ်လိုက် မာနုချ်အောကောလတ် ဇာခရိရ်ဂေါရောသ်အယတ်နန့် အိသေးရာ ဖွာအိဘေရတ် ဘာဖော်ရ်နာမော်ဒိခါးန် ဇာခရိဟို့ယ် သည်သိုစရ်။ 60သို့ ဖွာရ်မာ ဧလိရှဗက်ယေး “နော့ယ်၊ အာင်ရ အိသေးရေ ယောဟန်ဟို့ယ် နာ(မ်) သည်ယာဖိုရီဘို့” ဘို့လိ ဟိုယေး။
61မာနုချ်အောကောလို့ အိဘေရတ် “သော်ရ် ဂူချိရ်ဘိသောရတ် ယောဟန်ဟောဒတ် နာ(မ်) နိုက်” ဘို့လိ ဟိုယေး။
62အပ်သလိုက် အိသေးရာ ဖွာရ်ဘာဖ် ဇာခရိရတ် အာ့သေသာဟိုက် အိသဲရ်ဖွာရတ် နာ(မ်)ဟိုနီကျာ သည်သိုဟော့ရ်ဘို့လိ ဖော်စောရ်လို့ယေး။ 63ဇာခရိယေး ချီးလော်ထ်အတ်ခါးန် ကုဇိလိုယေးနန့် “အိသဲရ်ဖွာနာ(မ်) ယောဟန်” ဟို့ယ် လိတ်ခဲရရ် ဒေခဲသတ် မာနုချ်ဘေကုနဲယိုး ဪဘက်ဖ်အို့ဂိယို့ယ်။ 64အောမ့်ထောမာ့ဒေ ဇာခရိယေး ဟော်သဟို့သရိယတ်နန့် ဘောဂဝင့်နောရေ စဂိုရိချီးမွမ်းဂိုကျဲ။ 65အိသေးရာရ် ဒဟောရ်မာနုချ်ဘေကုနဲယိုး အဲယုနော်ရတ် ဒေကဲရရ် အော်ဘက်ဖ်ဂို့ရိ ဒေါ်ရာဇ်ဇာယို့ယ်။ မာနုချ်ဘေကုနဲ ဟောဘောရ်အိယနော်ရတ် ယုဒဒတ်ချောရ် မူရရ်အူဝါရေ အဆတ်သပ် ဇာငှာဘေကုနောသ် ဟောရ်။ 66အဲဟောဘောရ်အိယာင်န် ဖူးနဲသေ မာနုချ်အောကောလို့ “အေဂူရာဖွာအီဘဲ ဒေါမ့်ရ်အို့လေး ဟိုနီကျာမာနုချ် အို့ဗျို့” ဟို့ယ် မော်နော်ရ်ဘိသောရတ် စိမ်သာဂိုရိ ဟောရ်။ ကပ်လိုက်ဟိုးလေး ဘောဂဝင့်နောရ် ဂူနီယိုး ဂူရာဖွာအိဘေရ်ဖောင့်ကတ် အာဆတ်သတ်အဲယူန် အိသေးရာ ဟိုယ်သရတ်သတ်အပ်သလိုက်အို့ယေ။
ဇာခရိ အာဂိုသည့်လို့သီး ဟောဂိုကျဲသတ်အဲယူန်
67သိုဘာဇေ ယောဟန်ရ်ဘာဖ်ဇာခရိယေး ဂန်ညာနော်အာလော်လွိုယ် ဖူရာယတ်နန့် အိသေး အာဂိုသည့်လို့သီး ဟောဂိုကျဲသတ်ဒတ်
68“အစ္စရေးဇာသီဘေကုနောရ် အရှင်အို့ယေးသတ် ဘောဂဝင့်နောရေ ချီးမွမ်းဂိုဂျိ။ ကပ်လိုက်ဟိုးလေး အိဘေ အိဘေရ်ဇာသီရ်ဟာင်ဆတ် ကူညီဂိုရိဗျတ်လိုက် အာယတ်နန့် အူဖာရ်ဂိုရိဗျို့သတ်အပ်သလိုက်အို့ယေ။
69ဘောဂဝင့်နန့် အိဘေရ်ဂို့ရ် ရာဇာဒါဝိဒ်သူးန် လာမီအချဲသတ် ဂူနီဒေါမ့်ရ် အူဖာရ်ဂေါ်ရတ်သတ်အိဘေရတ် အာင်ရဘေကုနောလိုက် သည်ယေး။
70အာဂေလိုသီ ဘောဂဝင့်နန့် ဘာစိသည်အေကျဲသတ် ပရောဖက်အောကောလောသူးန်အာဘာရ် သောသော်သည်ယေးသတ်အဲနိကျ
71အာင်ရရ် ချိုးသုရ်အပ်ဒတ် အာင်ရရတ် ဒေကိနဖားရတ်သတ်အိသေးရာရ် အာ့သော်သူ့န် အူဖာရ်ဂိုရိဗျလိုက် အာင်ရလိုက် အူဖာရ်ဂေါ်ရတ်သတ်အိဘေရတ် သည်ယေး။
72ဘောဂဝင့်နန့် အာင်ရရ် ဒါဒါအောကောလောရတ် ဘော်ရော်အာသော်ရ်မာယာ ဒါဟဗျတ်လိုက်ဒတ် အိသေးရာလို့ယ် ဂိုကျဲသတ် အိဘေရ် မြင့်မြတ်ရေရာဇီ အဲယုနော်ရတ် မော်နော်သ်အူရိဗျတ်လိုက် အဲနိကျဂိုကျဲသတ်အို့ယေ။
73ဘောဂဝင့်နန့် အာင်ရရ် ဒါဒါအို့ယေးသတ် အာဗြဟံရတ် သောသော် သည်ယေးသပ်အဲနိကျ
74အိသေး အာင်ရရ် ချို့သုရောရ်အာ့သော်သူးန် အူဖာရ်ဂိုရိဗျို့သတ်အပ်သလိုက် အာင်ရယိုး ဒေါ်ရ်ဘောရ်နာသကိ ဘောဂဝင့်နောရ် ဟာမော်ရတ် ဂိုရိသကျိုးမ်။
75အဲနိကျ အာင်ရယိုး ဘောဂဝင့်နောရ်မောသည့် အူဇူမော်န်သကိယတ်နန့် အာင်ရရ်ဇီဘော်န် ဖုရာဇ်ဖားန်သကိသကျိုးမ်” ဟို့ယ် အို့ယေ။
76သိုဘာဇေ ဇာခရိယေး အိသဲရ် ဂူရာဖွာရတ် “အာင့်ရ်ဂူရာဖွာ၊ သော်ရတ် အောကောလောဒေါမ့်ရ်ဘောဂဝင့်နောရ် ပရောဖက် ဟို့ယ် ဒါကီ အရှင်ရ် ရာဆာရတ် အာဂိုသည့်လို့သိ သိုယာရ်ဂိုရိသည့်ဗျလိုက် မောသည့် ဇာဖိုရီဗျို့သတ် မာနုချ်အို့ဘိ။
77ဘောဂဝင့်နန့် မာနုချ်အောကောလောရ် ဒူချ်ချောရတ် မာသ်ဂိုရိသည့် အူဖာရ်ဖာဗျိုသတ် အဲယုနော်ရတ် သော်သူးန် မာနုချ်အောကောလောရတ် ဟောဂေါ်ရဖို့ရိဘို့။
78ဘောဂဝင့်နန့် အိဘေရ်ဇာသီရတ် အာသော်ရ်လာခတ်သတ်အပ်သလိုက် မာသ်ဂိုကျဲ။ အဲအာသော်ရ်လွိုယ် မေရှိယယေး #1:78 ဘောဂဝင့်နန့် သကတ်ဒေဇာငှာ။ ဘောဂဝင့်နောရ် အုပ်ချုပ်မှု အဆတ်သတ်ဇာငှာချောရ်ဂေါသူန် အာင်ရရ်ဟာင်ဆတ် အာဗျို့။
79မေရှိယယေး ဘောဂဝင့်နောရေနိုစီနိ သကတ်ဒေအိသေးရာရတ်ဒတ် မော်ရော်နော်ရတ် ဒေါ်ရာသတ်အိသေးရာရတ် ဖောရ်သည့်ယတ်နန့် အိဘေ အာင်ရရတ်
ချားသိရ် ဇီဘော်နော်မာ့သတ် သကိသရတ်ဖာန် ရာဆာဒါဟိုက်နီဇာသည်ဗျို” ဘိုလီ ဟိုယေး။
80သိုဘာဇေ ယောဟန် ဒေါမ့်ရ်အိုးယေးနန့် ဒေါ်ရောအွို့ယ်အချဲ။ ဘောဂဝင့်နန့် အိသေးရေ အစ္စရေးဇာသီအောကောလောရ်ဟာင်ဆတ် ဟာမော်ရတ်စဂိုရိဗျို့သတ် အဲသို့သည်န်ဝါးန် မာနုချ်နိုက်ဒဲဇာငှာမာ့သတ် ဂုရိဂုရီ သိုက်ကေ။
Currently Selected:
ရှင်လုကာ 1: CTG
Highlight
Share
Copy
Want to have your highlights saved across all your devices? Sign up or sign in
Marmagyi (မရမာကြီး) Bible by Beyond Translation is licensed under Creative Commons Attribution-ShareAlike 4.0 License.
