ကျောင်းလုကာ 1
1
အခန်း (၁)
မု့သော်ဖိလု
1နာမ့်ထီ့း သော်ဖိလု တီ့နိုင်လိုအေ့းအန်း ပဲန်းခါမယ်ခါမာဟိုင်း အားဟာကေမွန်းဖကျောင်း အားလေခါမယ်ခါမာဟေ့း ကျန်လားမြောင်ဟက်ရောတီ့ဆာ။ 2ကေနယ် ခါးတီကီ့ဟက် ဖယန်ဆီးကာအေး ဟောလေဖကျောင်း တီကေ အားကေလားအန်းခွမ်ဟေ့းကေ အေ့းသဲန်းသအူးတီ့ဆာ။ 3ဟော့ဟက် ဟွင်ကော် အားလေခါမယ်ခါမန်ခပ်အေ့ ဟော့ကျမ်နညှက်ညှက်ဟက် 4အားအူးကျမ်နခါမယ်ခါမာခပ်အေ့အန်း ပဲန်းခါးညှိစီးကာညန်ဟက် တော့သဲန်းအွန်းတီ့ဆာ။
ဆလားကျူးအွန်းမု့ဆရာယောဟန် နမ်ဟွင်လားကေ့
5မာမွန် ယုဒမု့ ခွမ်ထောင်း ဟေရုဒ်ခွမ်ထောင်း #1:5 မု့ဟေရုဒ်ခွမ်ထောင်း (Herod the grate) နယ် ခွမ်ရောမကေအပ်အွန်း ပဲန်းခွမ်ဂျူးခွမ်ထောင်းတပိုင်ဟက် မွန်ယုဒ (37 BCE ဟက် 4 BCE) နန်းကွေးနာမွန်းဟက် အားပိုခေ့စေ့ဟက် လာဆီအွန်းဟက် အားဟွင်ပိုနပဲန်းခွမ်ထောင်းတပိုင်။ ပဲန့်ခွမ်နအွန်း ဟဲ့ကွင်းမု့ဇာခရိတပိုင်ဟက် ဂျူးပုရောဟိတ်တိနယ်ပဲန်းခွမ်စီးဆတ်ဟက် တမ်းခေ့ဖကျောင်းဟက် တမ်းခေ့ခွမ်ဟေ့း ပဲန်းခွမ်တော့သေဟွမ်းတပိုင်တိဆာ မု့အဘိယ#1:5 ပဲန်းမု့ဂျူးတပိုင်ဟက် မွန်ဂျေရုဆလင်တီ့နိုင်ထမ် စီးကာရောလေဖကျောင်းဟက် လေအွန်း ဂျူးပုရောဟိတ်အားဖွဲ့ ၂၄ အားဖွဲ့ တကေနန်းတွေမု့ပုရောဟိတ်ဟက်ပဲန်းမု့ခါတီတီ့ဆာ။တပိုင်ပဲန့်ဖအက်အန်းပုရောဟိတ်တိနယ်ပဲန်းခွမ်စီးဆတ်ဟက် တမ်းခေ့ဖကျောင်းဟက် တမ်းခေ့ခွမ်ဟေ့း ပဲန်းခွမ်တော့တေဟွမ်းတပိုင်ခေ့တိဆာ။ ဇာခရိမု့အီးဗေ့ဟွင် ဧလိရှဗက်ကွင်းမု့အာရုန်မဟက်အာရုန်ဟွင်သိနဲပဲန်းအက်ပဲန်းအမ်း ဂျူးပုရောဟိတ်တိနယ်ပဲန်းခွမ်စီးဆတ်ဟက် တမ်းခေ့ဖကျောင်းဟဲ့တခေ့ခွမ်ဟေ့း ပဲန်းခွမ်တော့တေဟွမ်းတပိုင်ခေ့တိဆာ။ 6ဆီ'လားဇာခရိဟဲ့ ဧလိရှဗက်ကာဖိုးမဲတမ်နားဖကျောင်း အန့်ရောခါးကေ့ညှက်အန်းငမ်ကာကော်ဟောတိရောခါမာ ဟက်တမ်နားဖကျောင်းပဲန်းခွမ်စီးဆတ်#1:6 တီ့နယ် နမ့်ထီ့းဖကျောင်းဟက် လာညှက်ဟက် စီးလားခွမ်အားလနော့်ကေတီ့ဆာ။ 7မု့ဧလိရှဗက်ဟွင် ကော်ထောင်းအေးဟက်ကွမ်းကောကွေး၊ ဆီးလားဇာခရိဟဲ့ ဧလိရှဗက်အာရိုကောထောင်အေးတိတိ 8ကွေတဆီညင်း ဇာခရိခူ့လည့်ဟွင်ဟိုင်းပျစ်ဖြိုးထမ်းဖကျောင်းဟက်ရောလီမွန်း ပုရောဟိတ် တိနယ်ပဲန်းခွမ်စီးဆတ်ဟဲ့ တမ်းခေ့ဖကျောင်းဟဲ့ တမ်းခေ့ခွမ်ဟေ့း ပဲန်းခွမ်တော့တေဟွမ်းတပိုင်ခေ့တိဆာ။ 9တီ့နိင်ထမ် တမ်းနားဖကျောင်းနမ်ဟွင် တော့သေဟွမ်းဟဲ့ ပိုရော်မွန်းလီပုရောဟိတ် ကျော့်ဆာလာပိုမု့ဇာခရိ။ 10ဇာခရိနယ် နမ်ဟွင်အွေန့်တီ့နိုင်ထမ် တော့ဒေဟွမ်း အွေန့်နန်း ခွမ်ဟေ့းကေကော်အွေန့်ခေါ့နိုင်ထမ်ဟက် တင်းပါးတီ့ဆာ။ 11ခမ်းခီးအန့် ဇာခရိအွေန့်တီ့နိုင်ထမ် ဖကျောင်းပွဲ့လီဒေနားတပိုင် နမ်ဇာခရိတော့ဒေဟွမ်း လီပြဟွင်ဖခါးတီးင။ 12ဇာခရိညိုခွမ်ကျန်အွေန့်နန်းတပိုင်ဟက် လွန်သထက်ထက်၊ 13ဟော့ဟက် ဒေနား#1:13လီလေးဖကျောင်းဟက် ပဲန်းခွမ်ညှက်တပိုင်။လားဟွင် "အမ်းတိ့လား ဇာခရိ လာနီ့မီနယ် အားမီလားပိုကွမ်းတင်းပါးအန်း ဖကျောင်းမန်းအေ့ဂျေ။ ဗေ့မီဧလိရှဗက် လားကွေးကွမ်းကာအားလာမယ်တပိုင် သဟွင်ပိုကာ ယောဟန်" လားလနော့်တီ့ဆာ။ 14နာမ်ဟွင်လားကေ့ ပေးကော်မန်းမီမန်းမွန်တဟက် ခွမ်အားအွိုင်းနမ်ဟေ့းကော် မန်းမီမားမွန်မွန်းပေး။ 15လာနီ့တီနယ် ဖကျောင်းနယ် သဟွင် ပဲန်းခါးညှိဟက်ထောင်းလေးပိုင်လားလထင်လနော့်။ ဟွင်နယ် အိုးအငွန်ဟဲ့လောင်းကေကော်အန့်ညှိကျမ်းမာနက။ ဟွင်နယ် နမ်အွေန့်တိ့နိုင်ဗေ့အီးမာ ဟိုးခီဖကျောင်းပြဟွင်အွန်းတိ့ဆာ။ 16ယောဟန်နယ်လားသိခွမ်အစ္စရေးပေး ရောအန်းညှက်အွန်းပေးကောခိမြောင်ဟက် အားကေယွန်းခါးညှက်အန်းကေကော ဖတ်အေးခါးဖကျောင်းမြောင်တိဆာ။ 17တီ့တယောဟန် ခွမ် (အရိယသူတော်စင်ဧလိယ#1:17 အရိယာသူတော်စင် (prophet) တီ့နယ် ဖကျောင်းလားအွန်းဟက် လားတပိုင်တိုးပေါ ) ဟိုးခီ့ဟက်ကွေးစိမ်း လားပဲန်းခွမ်ဖော့်ဟိုင်းတီ့ခမ်းနားဖကျောင်းတီ့ဆာ။ ဟွင်နယ် အီးမာအီးပေါ်ဟက် ကွမ်းကေကော်ပေ့ဖိုးကာတီကေ အန့်ကေဖန်ခါးလားဟဲ့ အားကေညှန်ကော်လားကာဟိုးခီတီကေ။ ဟော့ဟက် ဖကျောင်းလားလိတီ့လိုတီ့နယ် ခွမ်ကေကော်ပိုသေးဖိုးအွန်းတီ့ဆာ။ 18ခမ်းခီးအန်း ဇာခရိလားတီ့ ဒေနား "ခါမယ်ခါမာလားပဲန်းအေ့းအူးညန်ဟာ။ လာနီ့တီနယ် အူးဟက်ဗေ့အူး လားတွေကွမ်းတီ့နယ် အားရို့ထောင်းသ" လားလနော့်မြောင်။ 19ဟော့ဟက် "ဒေနား လားထင်အူးနယ် တမ့်နားဖကျောင်းပဲန်း ဂါဗြေလလားခေါင်ညှက်ဟက် ဆီးကာအူးလားအားလေခေါင်ညှက်တိမီဟက် ဖကျောင်းတော့ပွဲအူးလီတိ။ 20အွန်းဖိုးဟက် ထင့်ဝေးလားအေး ဟာကော်လားပဲန်းခါမယ်ခါမန်ဟိုင်း မွန်းမီအန့်ယွန်းအန့်တီ့ဆာ။ 21ဇာခရိဟက် ဒေနား လာပေါ်အွေန့်တီ့နိင်ထမ် အားကေအွေန့်ခေါ့်ထမ်ခါးနော် ခွမ်ဟေ့းကေကော် ကော်ဇာခရိတီ့ဆာ။ ကေနယ် တီ့နိုင်ထမ် မတ်ဇာခရိအွေန့်လေးဟက် ကွမ်းကေတီ့ဆာ။ 22ဇာခရိ လီခါးနော့်ဟက် ဟွင်နယ်ငဟက်အန့်ကျန်လာပေါ် ဟွင်နယ် အွေန့်တီ့နိင်ထမ်ပိုညှိ နိမိတ်လက္ခဏာခါတီဟက် ခွမ်ဟေ့းကေကော်ခေါင်ကျိုင်းဟိုင်းတီ့ဆာ။ သနန်း ဇာခရိနယ် အန့်ကျန်လာပေါ်ဟက် သကေတွေတီးပြဟက် ကာကေန။ က 23ခမ်းခီးအန်း ဇာခရိနယ် ရောကန်းထမ်ပုရောဟိတ်တာဝန်ဟော့ဟက် လီလေးမွန်ဂျေရုဆလင်ဟက် အေးတိ့ညာဟွင်မြောင်တီ့ဆာ။ 24ဝေးလားကောဖန်ဟိုင်းလေးဟက် ဇာခရိဟက် ဗေ့ဟွင်မု့ဧလိရှဗက် တိဗေ့ဟွင်ကွေးကွမ်းအဲန်းဖကျောင်းကာသအူးနယ် ဟက်တမ်းနားခွမ်ဟေ့းပိုမိုင်ကျိင်းဟက် မော့ဟဟားနိင်း လီတိပါး ခွမ်ဟေ့းဟက် အွေန့်တိညာကွယ်တိဆာ။ 25ဧလိရှဗက်လား ဖကျောင်းကာ အူးလေ့ကာအားဖိုင်သအူးဟက် ဝက်ဆာနာသအူးဟက် ဧလိရှဗက် ခွမ်ဟေ့းကေကော ဆွမ်းကာထင်ညှက်ဟဲ့ အားဟာလားညှက်ကော ဆွမ်းကာထင်တိဆာ။
ဖကျောင်းယေရှု နမ်ဟွင်လားကေ့
26ခမ်းခီးအန်း ဧလိဇဗက် လေ့ပိုလော့်နိင်းဟက် ဖကျောင်းနယ် ပွဲ့ကာဒေနား (ဂါဗြေလ) ဟိုင်းတီ့မွန်ဂါလိလဲဟက် မွန်နာဇရက်နန်း။ 27ခမ်းခီးအန်း ဒေနားနယ် ဖကျောင်းပွဲ့လီ ကော့်မု့မာရိဗေ့ခီးတပိုင် ဟိုင်းဖျောင်းထင်နန်း လားအားလေခေါင်ညှက်တီ့ဆာ။ မာရိနယ် လီလေးခွမ်ထောင်းမု့ဒါဝိဒ်ဟက် မန့်အွန်းမွန်းယောသပ်တပိုင်။ 28ဒေနားနယ် အေးတီ့မာရိဟက် "တမ်းမော် ဖကျောင်းနယ် ကာမွန်းသမီ အားဟွင်အွေန့်စလေးအားလာမယ်အန်း တီ့တိုမီ လားပြနာမွန်းကူးဆိုသမီ" လားလနော့်တီ့ဆာ။ 29ဟောဟက် မာရိလားတိနယ် ဒေနား စီးလားခါမာဟက်ဖိုးမာရိဟွင်ကော ဆူဆာတဟက် ခိတိနိင်ဖိုးတိဆာ။ 30ခမ်းခိအန်း "ဒေနားလားတိ မာရိမီနယ်အန်းတိလား။ လာနီး ဖကျောင်းကာပိုသမီးဟက် တိပါးခွမ်ဟေ့းဟွပ်ကောလားကာပိုတိမီတိဆာ။ 31"သမီးကွေးကွမ်ဟဲ့ လားကွမ်လီအားလာမယ်တပိုင်၊ မီပိုကာမု့ဟွင်ယေရှု 32ဟွင်နယ် ပဲန်းခွမ်ထောင်းလေးပိုင်းဟက် ပဲန်းခွမ်လိုးလေးပိုင် ဟက်ပိုင်ကောလားကော့ဟွင် ပဲန်းကွမ်းဖကျောင်းထောင်းလေးပိုင်သိဆာ။ ဖကျောင်းလားထင် ဟွင်နယ်မွန်းခွမ်ထောင်းဒါဝိဒ်ဟက် အားကေပန်းခွမ်ကေကော ဟွင်လားကာအမ်းနပ်တိဆာ။ 33ယေရှုနယ် ခွမ်အစ္#1:33 အက်အန်းမု့ယာကုပ်ကေ သဲန်းအွန်းတီ့ လီနမ်လေးတီ့ဆာ။စရေးခပ်အေ့ဟွင် ကောလားပဲန်းခွမ်နဟဲ့ အားဟွင် နမွန်အန်းနမ်အွေန့်ကောဖဟာတိဆာ"။ 34"တနဲန်းမာရိလား အူးနယ်ပဲန်းဗေ့ခီးတပိုင် ဟက် အားလေခါမယ်ခါမာအန်း လားပဲန်းစီးရောအေး ဟွင်တော့လားတိ ဒေနားမြောင်တိဆာ"။ 35"ဒေနား လား ဟိုးခီဖကျောင်း လီတိတိုဟက် စိမ်းအမ်းနပ်ဟွင်ကော တိတိုမီဟွင်ကောန ဟော့ဟက် အားဟွင်လားကွေးကွမ်းအန်းမီကော ပိုင်ကောလားကော ဟွင်ပဲန်းကွမ်းဖကျောင်းထောင်းလေးပိုင်တိဆာ။ 36အွန်းဖိုးဟက် လာညှက်ဆာ။ အားပဲန်းအက်အန်းမီ ဧလိရှဗက်အားရို့ထောင်းဟက် ခွမ်ဟေ့း အားဟွင်အန့်ကျန်လေ့ဟက် ခီ့လာနော့်။ ဟော့ဟက် မားနိုင်းဟွင်နယ်လေ့ဒ်ပို ပဲန်းအက်အန်း ဧလိရှဗက်ဟွင်ကောထောင်းအေ့ဟက် ခွမ်ဟေ့းကေကောလားထင် ကျန်ကွေးကွမ်းဟာ မားနိင်းအူးနယ် လေ့ပိုလော်နိင်းဟက်ကဲ့။ 37ဟော့ဟက် ဖကျောင်းကျန်ရောခါမာကွေးဟာ မာရိတော့လားတိ ဒေနားမြောင်လာနော့တိဆာ။" 38"ဝေးလာတနန်း မာရိလား တိဒေနာ အူးနယ်ပဲန်းခွမ်ကျိုင်ဖကျောင်းတပိုင် ရော့မွန်ခါးလားမိအန်း ဒေနား ဟော့ဟက် တမ်းမော်မာရိဟဲ့ဟိုင်းတိတအွေန့်ဟွင်မြောင်"။
မု့ဧလိရှဗက် မာရိဟိုင်းဖျောင်းထင်
39ထန်လေး မာရိသေးဖိုးဟက် ဟိုင်းတိမွန်ယုဒဇာခရိတနန်းဝေဝေတီ့ဆာ။ 40မာရိဖျောင်းသနန်း ဟက် လေ့တီ့ညာဇာခရိဟက် ပဲန်းဗေ့ဇာခရိ မု့ဧလိရှဗက်ထထိုင်သဟွင်တီ့ဆာ။ 41မာရိလားလနော်ဟက် ဧလိရှဗက်မန်းဟက် တိဗေ့ဟွင်အန်းကွမ်းကော ရောသဟက် ဧလိဇဗက်ဟိုးခီမန်းမွန်ဟက် တင်ပါးတိတမ်နားဖကျောင်း။ 42"ဧလိဇဗက်လား မာရိစလေးအီးဗေ့အန်းဟက်သီတိုမီ ဖကျောင်းကာမွန်းဟက် ဟော့ဟက်မာရိ မီလားကွမ်းအန်း ကွမ်းမီကောလားကွေးမွန်းတိဆာ။ 43အီးမာမာရိနယ် သအူးစီးကာညှိမွန်းမီဟက် သအူးမတ်အူးပိုခေ့ဟာ။ 44လာညှက်ဆာ။ လာနီ့တီနယ် မန်းခါးလားမီဟက် တီ့နိုင်ဗေ့ကွမ်းအူးမန်းမွန်ဟက်ရောသကာ။ 45အားလေဖကျောင်းပေးမန်းဟက် အားပေးယွန်းအန်း ပေးကောပိုမွန်းဟက် လာစီမ်းလီသတိဆာ။
မာရိမန်းမီမန်းမွန်
46ဟော့ဟက် မာရိနယ် "အူးနယ် ဖကျောင်းထောင်းဟက်ကွေးစီမ်းလေ့းပိုင်တင်းပါးဟက် ဖကျောင်းနယ်ထောင်းလေးပိုင်တင်းပါးဂျေ" ဟက်တင်းပါးဖကျောင်းတီ့ဆာ။ 47တိနိင် ဖိုးအူးဟက် ဝန်းယားကော ဖကျောင်းလားကျွယ်ကာဟက့်မန်းမီမန်းမွန်တီ့ဆာ။ 48လာနီ့ ဖကျောင်းနယ် အူးပဲန်းခွမ်ကျုင်အူးနယ်အန့်ကျန်ပြုဟာ။ မားနိင်းဟိုင်းတိုးပေါလားအေ့း သအူကာနာမွန်းသဲန်းသအူးကော့်အီးဗေ့တပိုင်ဆာ။ 49လာနီး ဟိုးခိဖကျောင်းကွေးစိမ်ဟက် ထောင်းလေးပိုင်တိတိုပေါ်အူးအားညက်ဖျောင်းသအူးဟက်ကဲ့။ 50ခေခါတီဟက်ခါတီ ဖကျောင်းနယ် အားကေနမ့်ထီ့းအန့် ပြနာမွန်းကူးဆူထောင်းတီကေတီ့ဆာ။ မားနိင်းမဟာကွေးဖိုးဝက်ဆာနာသပေးပြကာသပေးတိဆာ။ 51ယေရှုအားပိုင်စေ့ဖိုးအန်းကေကော တွေဖလန်းဟွင် ဟက်ကာလိုင်းဟိုင်းအေ့၊ 52ဖကျောင်းနယ် အားပိုင်စီးဆွမ်းဟက် ကေလိုးခါမာကော်ကာအေ့ဟက် ကာကေဖိုးညှက်ကော် အားကေကွေးသအန်းကော် အန့်ကာခါမာဟက် ပွဲ့ကေအေ့းမြောင်တီ့ဆာ။ 53ဟွင်နယ် အားပိုင်ဆီးဆွမ်းကေဟက် ပိုင်လိုးခါမာဟွင်ကောနကာအေ့ဟက် အားအွိုင်းပိုင်ကွေးသအန်းကေကောကာခါမာဟက် ပွဲကေအေးမြောင်တိဆာ။ 54အားကေပဲန်းအက်အန်းအေ့အာဗြဟံဟက် အားကေပဲန်းလန်းဟွင် တလော်ချီဝေ့လားအွန်းဖိုးကေ့ကေဖကျောင်းကာကတီအွန်းတီ့ဆာ။ ဟော့ဟက် ဖကျောင်းနယ် အားကေပဲန်းခွမ်ကျိုင်ဟွင် တီ့တိုခွမ်အစ္စရေးလားပြဖိုးဝက်ဆာနာဟက်ကာကတီအွန်းဟက် ကျွယ်ကေတီ့ဆာ။ 55ဖကျောင်းနယ် အားကေပဲန်းအက်အန်းအာဗြဟံ ကေတော့မန်းမီမန်းမွန်မန်းဟွင်ဟက် တင်းပါးတိဆာ။ 56ခမ်ခီးအန့် မာရိအွေန့်မွန်းဧလိရှဗက် ဆမ်းနိင်းဟက် ဟွင်ကောအေးတိညာဟွင်မြောင်။
နမယောဟန် လားကေ့ဟက် ကာမု့ဟွင်
57မားနိင်း ဧလိရှဗက်နယ် ထေ့ဝေးလားဟွင်လားကွမ်းဟက် ကွမ်းလီအားလာမယ်တပိုင်။ 58အားကေဝေ့ခေါ့ညာ ခေါ့ရိုးအန်းကေကော တိတိုမီဖကျောင်းကောမဟာကွေးဖိုးဝက်ဆာနာသမီဟက် ဟွင်ကောညန်ဟက်မန်းမီမန်းမွန်မွန်းဟွင်တိဆာ။ 59ခမ်းခီးအန့် ခန့်ညော်ကေ့ပို့ ပဲ့စညင့် အရေဖျားလီးမင်္ဂလာ#1:59 အရေဖျားလီးမင်္ဂလာ တီ့ပတ်မောရှေလားအွန်း မာရိနယ် ရောမတ်ဂါလာဟော့ဟက်အေးတီ့ညာတီ့ဆာ။ရော်ကန်းလနော့်ဟော့ဟက် နမ်ကေအေ့ဖျောင်း ကေနယ် ပိုကာမု့အီးပေါ်ခန့်ညော်ဇာခရိတီ့ဆာ။ #1:59 ပိုခဲ့တက်ကောင်းခါးတီ့ကီ့အားလာမယ် မု့ဇာခရိတိဆာ။ 60သနန်း ပဲန်းအီးမာခန့်ညော်ဧလိရှဗက် အန့်လာညှက်ဟက် "အန့်ကျိုင်ဟာ ပိုကာခန့်ညော်မု့ယောဟန်" လားလနော့်တီ့ဆာ။ 61ဟော့ဟက် ခွမ်လားထင် "တီ့နိုင်အက့်အန်းပေး အန့်ကွေးမု့အားလာနော့်ဟာ။ 62ဟော့ဟက် ကေနယ်တိုင်းတိ အီးပေါခန်းညှော် မု့ဟွင်ဇာခရိ မှမီပိုကာမု့ဟွင် လာနော့်လားထင်လနော့်တိဆာ။ 63ခမ်းခီးအန်း ဇာခရိနယ် တွေပန်းဂခါတီဟက် သဲန်းမု့ကွမ်းဟွင် ယောဟန်ဟက် အားပိုင်ညှိအန်းကေကောကွမ်းဟိုင်း။ 64ဇာခရိနယ် ကျာလာပေါ်အေ့ဟက် တင်းပါးဖကျောင်းတီ့ဆာ။ 65အားကေဝေ့ခေါ့ညာခေါ့ရိုး ပဲန်းအက်ပဲန်းအန်းကေကော်ညိုဟက်လွန်တိ့ဆာ။ အားကေမန်းခေါင်အန့်ခွမ်ဟေ့းကေကော်ကွမ်းဟိုင်းဟက် ခီမြောင်တိုးဟက်ကေနယ်ဟိုင်းလာတီ့မွန်ယုဒဟက် အားကေအွေန့်တီ့ကော်ခပ်အေ့တီ့ဆာ။ 66မန်းကေခေါင်အန်းဟက် ခွမ်ဟေ့းကေလား စီးကယ်ဟွင်ထောင်း အေးတိနယ်လားပဲန်းမွန်ဟက် ခီတိနိုင်ဖိုးလာနော့်တိဆာ။ 'ဖလန်ဖကျောင်းကောဝေ့မွန်း ခန့်ညော်အန့်ဂျေ့။
ဇာခရိတင်းပါး ဖကျောင်းဟက် မန်းမီမန်းမွန်မွန်းဟွင်
67ခမ်းခီးအန်း အီးပေါ်ခန့်ညှော်ဇာခရိနယ် ဟိုးခီ ဖကျောင်းပြထင်ဟက် ဟိုးလားခေါင်တီ့ပရောဖက်တီ့ဆာ။
68"ခွမ်အစ္စရေးကေကော်တင်းပါး ဖကျောင်းအားပဲန်ခွမ်ဟွင် ခပ်အေ့ဟွင် အားပဲန်ခွင်နဟက် ဟွင်တော့ပဲန်ခွမ်လိတိလိုအန့်။
69ဖကျောင်းနယ် အားဟွင်ပဲန်းခွမ်ကျိုင်ဟွင် လီလားခွမ်ထောင်းဒါဝိဒ်ဟက် ကွေးစိမ်းထောင်းသဟက်ပဲန်းခွမ်လားကျွယ်တပိုင်ဆမ်လပ်အေ့အပ်ကာတိအေ့။
70နာမ်လေး ဟိုးခိဖကျောင်း အားပဲန်းခွင်ထောင်းလေးပိုင်ဟဲ့ ဟွင်တောလားတိခွမ်အရိယာသူတော်စင်မွန်းခါးလားအွန်း
71ကွေးစိမ်းထောင်းကျွယ်အေ့အန်း သအေ့တီ့နိုင်ခွမ်လိုင်ကျွယ်တီအေ့ဟက် အားကေခါကျိုသအေ့ခွမ်အန်းကေကော် အားအေ့လားကော်လားကျွယ်တိ့ဆာ။
72ဟိုးခိဖာကျောင်းနယ် အားဟွင်ထောင်းလေးပိုင်လားအွန်း ကာကတိစကျအွန်း အားပိုရောလနော့်အန်းအားကေပဲန်းအက်အန်းနမ်လေး ခွမ်စီပြဖိုးဝက်ဆာနာဟက် ပိုရော်လနော့်တီ့ဆာ။
73ဖာကျောင်းနယ် လားအွန်းတိအက်အန်းမု့အာဗြဟံ ဟွင်ကာကတိစကျတိအက်အန်းအွန်း မားနိင်း
74ဖကျောင်းနယ် နမ်အေ့းကွေးအားရို့ သအေ့ပိုင်ရော်အန့်ညှက်ကော် လားကျွယ်ဟိုင်းလေးနန်း ကာကတီအွန်းတိ့ဆာ။
75အေ့နယ် တမ်းနားဖကျောင်း အွန်းဖိုးညှက်ညှက်ဟက် နမ်အေ့ကွေးအားရို့ တီ့ဖကျောင်းအန့်လားဟက် လားပိုရောဆွမ်းပဲန်းတီ့ဆာ။
76"ခမ်းခီးအန့် ဇာခရိနဲ့လားတီ့ကွမ်းဟွင် ဆားလာကိုးဟွင်ထောင်းတိနယ် ပိုင်လားကော့ဟွင်ပဲန်းခွမ်အရိယာသူတော်စင်တပိုင်ဟက် ဟိုင်းတိတမ်းနားဖကျောင်းဟဲ့ပဲန်းခွမ်တေးအွေမ့်ခါး ဖကျောင်းထောင်းလေးပိုင်တိဆာ။
77ဖာကျောင်းနဲ့လား ကာအားဖိုင်ရောအန်းညှက်အားငမ်အွန်းကော ကာအားဖိုင်သအေးဟက်
လားကျွယ်သအေးခေ့ဟက် လားလီတိလို့အေးဟက် ယောဟန်နယ် လားပိုလားတိခွမ်ဟေ့းခေ့တိဆာ။
78ဖကျောင်းနယ် ဝေ့တီ့မွန်ခမ်ခါးတိုအေး
79မဟာကွေးဖိုးဝက်ဆာနာကူးဆူဟဲ့
အားကေပဲန်းခွမ်ဟွင် လားကျွယ်။
တငိုကေ့းအေ့း မွန်းခါတွေတက့်လာဗေ
တီ့ဖကျောင်းကယ်တင်ရှင်မေရှိယနယ် အားကေအန့်ညန်ဖကျောင်းဟက်
အန့်လားဖကျောင်းလားကျွယ်တီကေတိ့ဆာ။
ခွမ်မွန်ကော် လားနယ့်ခါးစငို့တီ့ဆာ။
80မားနိင်း ယောဟန်ကော်ထောင်းအေ့ဟက် ကွေးဖိုးညှက်ဟက် ဖကျောင်းနယ်သဟွင် ခမ်းနားခွမ်အစ္စရေး ရော်ကန်းအန့်ညောင်းဟော့ယောဟန်နယ် ပိုအွေန့်တီ့တဟာကွေးခါးဆွမ်းခါးပဲန်းခါမာတီ့ဆာ။
Currently Selected:
ကျောင်းလုကာ 1: STU
Highlight
Share
Copy
Want to have your highlights saved across all your devices? Sign up or sign in
Samtao Bible by Beyond Translation is licensed under Creative Commons Attribution-ShareAlike 4.0 License.
