ᨨ᩠ᨶᩥᩃᩩᨠᩣ 6
6
ᨷ᩠ᨴᩫᨴᩦ᩵ (᪆)
ᨸᩮ᩠ᨶᨧᩮᩣᩢᩢᨡ᩠ᩋᨦᩉᩯ᩠ᨦ᩵ᩅ᩠ᨶᩢᩈ᩠ᩃᩦ
(ᨨ᩠ᨶᩥᨾᩔᩢ ᪁᪂.᪁᪈။ ᨨ᩠ᨶᩥᨾᩣᨠᩩ ᪂.᪂᪃-᪂᪈)
1ᨶᩱᩅ᩠ᨶᩢᩈ᩠ᩃᩦᩅ᩠ᨶᩢᨶ᩠ᨦᩨ᩵ ᨴ᩠ᨶᩤ᩵ᨧᩮᩣᩢᩢᨿᩮᨪᩩᩓᩢᩃᩪᨠᨶ᩠ᩋᨦᩢᨡᩮᩣᩢ ᨩ᩠ᩅᩁᨠ᩠ᨶᩢᩉᩖᩢᨯᨹ᩵ᩣ᩠ᨶᨻᩱᨶᩱ ᨴ᩠ᨦᩫ᩵ᨶᩣᩋ᩠ᨶᩢᨾᩦᨲ᩠ᨶᩫᩢᨡᩮᩣᩢᩢᨶ᩠ᨶᩢᩢ ᩃᩪᨠᨶ᩠ᩋᨦᩢᨴ᩠ᨦᩢᩉᩖᩣ᩠ᨿᨪᩣᩴᩢᩅ᩠ᨠᩢᩐᩣᩢᨾᩮ᩠ᨯᨡᩮᩣᩢᩢᨸᩮ᩠ᨠᩨᩈᩮᩐᩣᩢᨾᩨᨳᩪᨴᩦ᩵ᨸᩮ᩠ᨠᩨᨾ᩠ᨶᩢᨻᩯ᩠ᨯᩈᩮ ᨣ᩠ᨿᩴᩢᨠ᩠ᨶᩥᨾᩮ᩠ᨯᨡᩮᩣᩢᩢᩈᩣ᩠ᨶᨶ᩠ᨶᩢᩢᩀᩪ᩵ᩓ᪩ 2ᨾᩮ᩠ᩋᩨ᩵ᨿᩣ᩠ᨾᨶ᩠ᨶᩢᩢ ᨹᩣᩁᩥᨪᩯᨡᩮᩣᩢᨷᩤ᩠ᨦᨤ᩠ᨶᩫᨠᩣ᩠ᩅ᩵ᨴᩦ᩵ᨴ᩠ᨶᩤ᩵ᩅᩤ᩵ ᨧᩮᩣᩢᩢᨡᩮᩣᩢᨶᩦᩢ ᨷᩢᨾᩦᨠᩣ᩠ᩁᩋᩣᨶᩩᨬ᩠ᨲᩣᩉᩨᩢᩉᩮ᩠ᨯ ᩅ᩠ᨶᩢᩈ᩠ᩃᩦᩋ᩠ᨶᩢᩅᩤ᩵ᨶ᩠ᨶᩢᩢ ᩉᩮ᩠ᨯᩈᩢ᩠ᨦᩓᩢᨾᩣᩉᩮ᩠ᨯᩅᩤ᩵ᩋ᩠ᨶᩢᩓ᪩
3ᨴ᩠ᨶᩤ᩵ᨧᩮᩣᩢᩢᩅᩤ᩵ ᨾᩮ᩠ᩋᩨ᩵ᨴ᩠ᩋᩢᨦᩉᩱ᩠ᨾᩢᨾᩣᨶ᩠ᨶᩢᩢ ᨼ᩠ᨿᩣᨧᩮᩣᩢᩢᨾᩮ᩠ᨦᩨᨴᩤ᩵ᩅᩥ᩠ᨯᩓᩢᨤ᩠ᨶᩫᨩ᩠ᩋᨾᩉᩖᩢᨦᨶ᩠ᨶᩢᩢ ᨡᩮᩣᩢᩉᩮ᩠ᨯᩈ᩠ᨦᩢᩅᩱᩢ ᩈᩪᨷᩢᨣᩮ᩠ᨿᩨᩋ᩵ᩣ᩠ᨶᩉᩨ 4ᨾ᩠ᨶᩢᨶ᩠ᨶᩢᩢᨡᩮᩣᩢᩢᨻᩱᨴᩦ᩵ᨶᩱᩁᩮ᩠ᨶᩨᨡ᩠ᩋᨦᨻᩕᨧᩮᩣᩢᩢᩓ᩠ᩅᩢ ᨡᩮᩣᩢᩢᨾᩪᩁᩋ᩠ᨶᩢᨳ᩠ᩅᩣ᩠ᨿᨠᩯ᩵ᩉ᩠ᨾᩳᨷᩁᩮᩣᩉ᩠ᨲᩥᨸᩮ᩠ᨶᨽᩥᩈᩮ᩠ᩆᨶ᩠ᨶᩢᩢ ᨲᩣ᩠ᨾᨲ᩠ᩅᩫᨾ᩠ᨶᩢᩐᩣᩢᨠ᩠ᨶᩥᩈᩮᨿ᩠ᨦᩢᨷᩢᨻᩳ ᨿ᩠ᨦᩢᩐᩣᩢᨸ᩠ᨶᩢᨤ᩠ᨶᩫᨩ᩠ᩋᨾᩉᩖᩢᨦᨾ᩠ᨶᩢᨳᩯ᩠ᨦᩢᨠ᩠ᩋᩁ᩵ᩅᩤ᩵ᩋ᩠ᨶᩢᩢ ᩈ᩠ᨷᩨᩈᩮᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨣᩢ᪩ 5ᨷ᩠ᩋᨠᨠ᩵ᩣ᩠ᩅᩅᩤ᩵ ᨣᩪᨶᩦᩢᩓᨸᩮ᩠ᨶᩃᩪᨠᨩᩣ᩠ᨿᨧᩮᩣᩢᩢ ᨸᩮ᩠ᨶᨧᩮᩣᩢᩢᩉᩯ᩠ᨦ᩵ᩅ᩠ᨶᩢᩈ᩠ᩃᩦᨶ᩠ᨶᩢᩢᩓ᪩
ᨤ᩠ᨶᩫᨹᩪᩢᨶ᩠ᨦᩨ᩵ᨾᩨᨡ᩠ᩋᩁᨠ᩠ᩅᩣᨲᩣ᩠ᨿᨹᩣ᩠ᨠᩅᩱᩢ
(ᨨ᩠ᨶᩥᨾᩔᩢ ᪁᪂.᪉-᪁᪄။ ᨨ᩠ᨶᩥᨾᩣᨠᩩ ᪃.᪁-᪆)
6ᨶᩱᨷᩤ᩠ᨦᩅ᩠ᨶᩢᩈ᩠ᩃᩦᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨠᩣᩴ᩵ᩃ᩠ᨦᩢᨴᩮᩈᨶᩣᩈ᩠ᨦᩢ᩵ᩈ᩠ᩋᩁᩀᩪ᩵ᨶᩱᩁᩰ᩠ᨦᨵᨾ᩠ᨾ᩼ᨶ᩠ᨶᩢᩢ ᨾᩦᨤ᩠ᨶᩫᨹᩪᩢᨶ᩠ᨦᩨ᩵ᨾᩨᨡ᩠ᩋᩁ ᨠ᩠ᩅᩣᨲᩣ᩠ᨿᨹᩣ᩠ᨠᩅᩱᩢᨴᩦ᩵ᩉ᩠ᨶᩢᩢᩓ᪩ 7ᨶᩱᩅ᩠ᨶᩢᩈ᩠ᩃᩦᨶ᩠ᨶᩢᩢ ᨹᩣᩁᩥᨪᩯᩓ ᩉ᩠ᨾᩳᨣᩕᩪᨩᩣ᩠ᨦ᩵ᨣᨾ᩠ᨻᩦᨷ᩠ᨦᩤᨤ᩠ᨶᩫᨡᩮᩣᩢ ᨣᩢᨩ᩠ᩅᩁᨠ᩠ᨶᩢᨶ᩠ᨦᩢ᩵ᨠᩱᩢᨧᩣᩴ ᨴ᩠ᨶᩤ᩵ᨧᩮᩣᩢᩢᩈᩮᨠᩱᩢᨴ᩠ᩅ᩠ᨿᩀᩪ᩵ ᨻᩮ᩠ᩋᩨ᩵ᨧᩢᩉᩣᩁᩮ᩠ᨦᩨ᩵ᨴ᩠ᨶᩤ᩵ᨧᩮᩣᩢᩢᨯᩱᩢ ᨣ᩠ᨶᩢᩅᩤ᩵ᨴ᩠ᨶᩤ᩵ᨧᩮᩣᩢᩢᨿᩣᨤ᩠ᨶᩫᨡᩱᩢᨶᩱᨴᩦ᩵ᩉ᩠ᨶᩢᩢᨤ᩠ᨶᩫᨯᩱᨤ᩠ᨶᩫᩉ᩠ᨶᩨ᩵ᨦ᪩ 8ᨲᩯ᩵ᩅᩤ᩵ ᨴ᩠ᨶᩤ᩵ᨧᩮᩣᩢᩢᩁᩪᩢᨯᩦᩅᩤ᩵ᨡᩮᩣᩢᩉᩮ᩠ᨾᩨᩁᨠᩣᩴ᩵ᩃ᩠ᨦᩢᨤ᩠ᨯᩥᩋ᩠ᨶᩢᨯᩱᩈ᩠ᨠᩢᩀ᩵ᩣ᩠ᨦᩀᩪ᩵ ᨴ᩠ᨶᩤ᩵ᨧᩮᩣᩢᩢᨣᩢᨠᩣ᩠ᩅ᩵ᨠᩯ᩵ᨹᩪᩢᩋ᩠ᨶᩢ ᨾᩨᨡ᩠ᩋᩁᨠ᩠ᩅᩣᨲᩣ᩠ᨿᨹᩣ᩠ᨠᨶ᩠ᨶᩢᩢᩅᩤ᩵ “ᩃᩩᨠᨧᩩᨠᨲᩳ᩵ᩉ᩠ᨶᩣᩢᨤ᩠ᨶᩫᩉᩖᩣ᩠ᨿᩓ” ᩅᩤ᩵ᩋ᩠ᨶᩢᩢ ᨾᩮ᩠ᩋᩨ᩵ᨷ᩠ᩋᨠᨠᩣ᩠ᩅ᩵ᨯ᩠ᨦᩢ᩵ᨶ᩠ᨶᩢᩢᨤ᩠ᨶᩫᨹᩪᩢᨶ᩠ᨶᩢᩢ ᨣᩢᩃᩩᨠᨧᩩᨠᨿ᩠ᨶᩥ᩵ᩀᩪ᩵ᩓ᪩
9ᨣᩣᩴᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩅᩤ᩵ᨣᩪᨧᩢᨳᩣ᩠ᨾᩈᩪᨡᩳᩢᨶ᩠ᨦᩨ᩵ “ᩉᩮ᩠ᨾᩨᩁᨯ᩠ᨦᩢ᩵ᩅ᩠ᨶᩢᩈ᩠ᩃᩦᨶᩦᩢ ᨳᩪᨠᨯᩦᩉᩮ᩠ᨯᨠᩣ᩠ᩁᨯᩦᩉᩨᩢ᪨ ᨳᩪᨠᨯᩦᩉᩮ᩠ᨯᨠᩣ᩠ᩁᨷᩢᨯᩦ᪨ ᨣ᩠ᨶᩢᨷᩢᩋ᩠ᨶᩢᩢᨳᩪᨠᨯᩦᨩᩭ᩵ᩁᩯᩢᨠ᩠ᨦᩢᩢᩋᩣᨿᩩᨤ᩠ᨶᩫᨯᩱᨤ᩠ᨶᩫᨶ᩠ᨦᩨ᩵ᩉᩖᩨᩅᩤ᩵ ᨹᩣ᩠ᨿᨷᩕᩰ᩠ᨯᨳᩪᨠᨯᩦᨥᩣᩉᩯ᩠ᨾᩌᩣᩢ” ᨣ᩠ᨶᩢᨳᩣ᩠ᨾᩅᩤ᩵ᩋ᩠ᨶᩢᩢᩓ᩠ᩅᩢ᪩ 10ᩅᩣ᩠ᨿ᩵ᨴ᩠ᩅ᩠ᨿᩉ᩠ᨶᩣᩢᨤ᩠ᨶᩫᩋ᩠ᨶᩢᩀᩪ᩵ᨲᩣ᩠ᨾᩁ᩠ᩋᨷᨡᩣ᩠ᨦᩢᨶ᩠ᨶᩢᩢᩈᩮ ᨠ᩵ᩣ᩠ᩅᩉᩨᩢᨤ᩠ᨶᩫᨾᩨᨠ᩠ᩅᩣᨲᩣ᩠ᨿᨹᩣ᩠ᨠᨶ᩠ᨶᩢᩢᩅᩤ᩵ ᨿ᩠ᨿᨯᨡᩯ᩠ᨶᩋ᩠ᩋᨠᩓ ᩅᩤ᩵ᩋ᩠ᨶᩢᩢ ᨤ᩠ᨶᩫᨹᩪᩢᨶ᩠ᨶᩢᩢᨣᩢᨿ᩠ᨿᨯᨡᩯ᩠ᨶᩋ᩠ᩋᨠᩈᩮ ᨡᩯ᩠ᨶᨡ᩠ᩋᨦᨾ᩠ᨶᩢᨣᩢᨯᩦᨸᩮ᩠ᨶᨷᨠᨲᩥᩉᩮ᩠ᨾᩨᩁᨠᩮ᩵ᩣᩢᩉ᩠ᨶᩢᩢᩓ᪩ 11ᨣᩣᩴᨶ᩠ᨶᩢᩢᨽᩁᩥᨪᩯᩓᩢ ᨣᩕᩪᨩᩣ᩠ᨦ᩵ᩉ᩠ᨾᩳᨡᩮᩣᩢ ᨣᩢᨯᩱᩢᩋ᩠ᩋᨠᨴᩮᩤᩈᩓ᩠ᩅᩢ ᩋᩪᩢᨧᩣᩓᩢᨸ᩠ᨻᩧᩈᩣᨠ᩠ᨶᩢᩅᩤ᩵ᨧᩢ ᩉᩮ᩠ᨯᩈ᩠ᨶᩢᨯᩱᩉᩨᩢᨠᩯ᩵ᨴ᩠ᨶᩤ᩵ᨧᩮᩣᩢᩢ ᩅᩤ᩵ᩋ᩠ᨶᩢᩓ᪩
ᩈᩣᩅᨠᩈ᩠ᨷᩥᩈ᩠ᩋᨦᨤ᩠ᨶᩫ
(ᨨ᩠ᨶᩥᨾᩔᩢ ᪁᪀.᪁-᪄။ ᨨ᩠ᨶᩥᨾᩣᨠᩩ ᪃.᪁᪃-᪁᪉)
12ᨾᩦᨶᩱᩅ᩠ᨶᩢᨶ᩠ᨦᩨ᩵ ᨴ᩠ᨶᩤ᩵ᨧᩮᩣᩢᩢᨿᩮᨪᩩᨣᩢᨡ᩠ᨶᩨᩢᨻᩱᩉᩮ᩠ᨶᩨᨷ᩠ᨶᩫᨯᩭᩈᩮᩓ᩠ᩅᩢ ᨷᩕᨳ᩠ᨶ᩻ᩣᩉᩱ᩠ᩅᩢ ᨻᩕᨧᩮᩣᩢᩢᨴ᩠ᨦᩢᨤ᩠ᨶᩨᩓ᪩ 13ᨳ᩠ᨦᩨᨾᩮ᩠ᨦᩨᩃᩯ᩠ᨦᨾᩣ ᩁ᩠ᨿᨠᩁ᩠ᩋᨦᩢᩐᩣᩢᩃᩪᨠᨶ᩠ᩋᨦᩢᨩᩮ᩠ᩋᩨᨶ᩠ᨶᩢᩢ ᩉᩨᩢᨾᩣᨷᩕᨪᩪᨾᨴᩦ᩵ᨴ᩠ᨶᩤ᩵ᩈᩮᩓ᩠ᩅᩢ ᨶᩱᨡᩮᩣᩢᨶ᩠ᨶᩢᩢᨯᩱᩢᨡ᩠ᨯᩢᩃᩮ᩠ᨠᩨ ᩐᩣᩢᨾᩣᨸᩮ᩠ᨶᩈᩣᩅᨠᨴ᩠ᨦᩢᩉᩖᩣ᩠ᨿ#6.13 ᩈᩣᩅᨠ ᩈᩣᩅᨠᩋ᩠ᨶᩢᩅᩤ᩵ᨶ᩠ᨶᩢᩢ ᨸᩮ᩠ᨶᩃᩪᨠᨶᩣᩋᨦᩢᨡ᩠ᩋᨦᨧᩮᩣᩢᩢᨿᩮᨪᩩ ᨡ᩠ᨯᩢᩃᩮ᩠ᨠᩨᩅᩱᩢᨸᩮ᩠ᨶ ᨽᩥᩈᩮ᩠ᩆᩓ᩠ᩅᩢ᪩ ᩈ᩠ᨷᩥᩈ᩠ᩋᨦᨤ᩠ᨶᩫᩉ᩠ᨶᩢᩢᩓ᪩
14ᨴᩦ᩵ᨡᩮᩣᩢᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨯᩱᩢᨸ᩠ᨶᩢᨩᩨ᩵ᩅᩱᩢ ᨯ᩠ᨦᩢ᩵ᨷᩮᨲᩁᩩᩓᩢ ᨪᩥᨾᩩ᩵ᩁᩓᩢᨶ᩠ᩋᩦᩢᨩᩣ᩠ᨿᨡ᩠ᩋᨦᨾ᩠ᨶᩢ ᨩᩨ᩵ᩋ᩠ᨶᩢ᩵ᨲᩃᩮ᩵᪨
ᨿᩣᨣᩰ᩠ᨠᩡ᪨
ᨿᩳᩉᩣ᩠ᨶ᩵᪨
ᨹᩥᩃᩥᨷᩝᩩ᪨
ᨷᩤᨴᩳᩁᨾᩯ᪨
15ᨾᨴᩯ᪨
ᨴᩳᨾ᪨
ᨿᩣᨣᩰ᩠ᨠᩡᨹᩪᩢᨸᩮ᩠ᨶᩃᩪᨠᩋᩣᩃᨽᩯ᪨
ᨪᩥᨾᩩ᩵ᩁ᪨ ᩁ᩠ᩋᨦᩢᩅᩤ᩵ᨸᩮ᩠ᨶᨹᩪᩢᩁ᩠ᨠᩢᨩᩮ᩠ᩋᩨᩢᨤᩮ᩠ᩋᩨ᪨
16ᨿᩩᨴ᪨ ᨹᩪᩢᨸᩮ᩠ᨶᩃᩪᨠᨩᩣ᩠ᨿᨡ᩠ᩋᨦ ᨿᩣᨣᩰ᩠ᨠᩡᩓᩢ
ᨻᩣ᩠ᨿᩉᩖᩢᨦᨾᩣ ᨸᩮ᩠ᨶᨹᩪᩢᨡ᩠ᨯᩣᩈᨧ᩠ᨧᨲᩳ᩵ ᨧᩮᩣᩢᩢᨿᩮᨪᩩᨶ᩠ᨶᩢᩢᩓ᪩ ᨿᩩᨴᨪᨠᩣᩁᩣ᩠ᨲ#6.16 ᨿᩩᨴᨪᨠᩣᩁᩣ᩠ᨲ ᨿᩩᨴᩈᨠᩣᩁᩩᨯᨶᩦᩢ ᩉᩖᨦᩢᨧᩣ᩠ᨠᨯᩱᩢᨡᩣ᩠ᨯᩈᨧ᩠ᨧᨲᩳ᩵ ᨧᩮᩣᩢᩢᨿᩮᨪᩩᩓ᩠ᩅᩢᨶ᩠ᨶᩢᩢ ᨸᩣ᩠ᨦᨻᩭᨠ᩠ᨶᩥᩃ᩠ᨿᨦᩢᩉᩮ᩠ᨯ ᨣᨲᩥᩈᨧ᩠ᨧᨻ᩠ᩋᨠᩈᩩᨯᨴᩣ᩠ᨿᩢᨶ᩠ᨶᩢᩢ ᩈᨼᩰ᩠ᩋᩡᩉᩮ᩠ᨾᩨᩁᨯᩱᩢᨡᩣ᩠ᨯᩈᨧ᩠ᨧᨶ᩠ᨶᩢᩢ ᨣᩢᨯᩱᩢᩈᩴᩅᩮ᩠ᨣᩉᩯ᩠ᨶᨦᨧᩱᩓ᩠ᩅᩢ ᨲᩣ᩠ᨾᨲ᩠ᩅᩫᨯᩱᩢᨥᩣᨲ᩠ᩅᩫᨠᩮᩣᩢ᩵ᩅᩱᩢᩓ᪩ ᨾᩈᩯ ᪂᪇.᪅᪩
ᨠᩣ᩠ᩁᩁ᩠ᨠᩢᩈᩣᩓᩢᩈ᩠ᨦᩢ᩵ᩈ᩠ᩋᩁ
(ᨨ᩠ᨶᩥᨾᩔᩢ ᪄.᪂᪃-᪂᪅)
17ᨣᩣᩴᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᩓᩢᨠ᩠ᨷᩢᨴ᩠ᨦᩢᩈᩣᩅᨠᨴ᩠ᨦᩢᩉᩖᩣ᩠ᨿ ᨣᩢᩃ᩠ᨦᩫᨾᩣᨧᩣ᩠ᨠᨷ᩠ᨶᩫᨯᩭᩈᩮᩓ᩠ᩅᩢ ᨾᩣᨧᩩᨠᨿ᩠ᨶᩨᩀᩪ᩵ᨴᩦ᩵ᨠᩣ᩠ᨦᨻ᩠ᨿᨦᨶ᩠ᨶᩢᩢᩓ᪩ ᨶᩱᨴᩦ᩵ᩉ᩠ᨶᩢᩢ ᨾᩦᨤ᩠ᨶᩫᨾᩮ᩠ᨦᩨᩓᩢᨷᩁᩥᩈ᩠ᨯᩢᨴ᩠ᨦᩢᩉᩖᩣ᩠ᨿ ᨼ᩠ᩋᨾᩢᨠ᩠ᨷᩢᩃᩪᨠᨶ᩠ᩋᨦᩢ ᨸᩮ᩠ᨶᨾᩣ᩠ᨠᨸᩮ᩠ᨶᩉᩖᩣ᩠ᨿ ᨤ᩠ᨷᩢᨿᩣ᩠ᨿᨠ᩠ᨶᩢᨲᩣ᩠ᨾ ᨶᨣ᩠ᩋᩁᨾᩮ᩠ᨦᩨᨿᩩᨴ, ᩅ᩠ᨿᨦᨩᩮᩁᩩᩈᩃᩮ᩠ᨾ᪨ ᨲᩩᩁᩩᩓᩢ ᨾᩮ᩠ᨦᩨᨩᩥᨴᩩᨦᩁ᩠ᩋᨯᨳ᩠ᨦᩨᨴᩦ᩵ᩉ᩠ᨶᩢᩢᩅᩱᩢᩓ᪩ 18ᨡᩮᩣᩢᩉ᩠ᨾᩪ᩵ᨶ᩠ᨶᩢᩢ ᨻᩮ᩠ᩋᩨ᩵ᨳᩣᩢᨼ᩠ᨦᩢᨣᩣᩴᩈ᩠ᨦᩢ᩵ᩈ᩠ᩋᩁᨡ᩠ᩋᨦᨴ᩠ᨶᩤ᩵ᩓᩢ ᨻᩮ᩠ᩋᩨ᩵ᨤᩱ᩵ᩉᩨᩢ ᨽ᩠ᨿᩣᨴ᩠ᨵᩥᩁᩮᩣᨣᩤᩉᩣ᩠ᨿᨤᩯ᩠ᨶᩓᩢ ᨯᩱᩢᨾᩣᨻᩱᩢᨳᩣᩢᩀᩪ᩵ᩓ᪩ ᨤ᩠ᨶᩫᨹᩪᩢᨴᩦ᩵ᩋ᩠ᨶᩢᨹᩦᩁᩣ᩠ᨿᩢᨡᩮᩣᩢᩢᨲ᩠ᨯᩥᨲ᩠ᩅᩫᨶ᩠ᨶᩢᩢ ᨣᩢᩉᩣ᩠ᨿᨤᩯ᩠ᨶᨸᩮ᩠ᨶᨷᨠᨲᩥ ᩉᩮ᩠ᨾᩨᩁᨠᩮᩢ᩵ᩣᩈ᩠ᨿᨦᩢᩓ᪩ 19ᨻᩮ᩠ᩋᩨ᩵ᩅᩤ᩵ᨷᩩᨬ᩼ᨣᩩᨱᩁᨴ᩠ᨵᩦᨧᩮᩣᩢᩢᨡ᩠ᩋᨦ ᨴ᩠ᨶᩤ᩵ᨧᩮᩣᩢᩢᩓᩢ ᨽ᩠ᨿᩣᨴ᩠ᨵᩥᩁᩮᩣᨣᩤᨴ᩠ᨦᩢᩉᩖᩣ᩠ᨿᨣᩢᩉᩣ᩠ᨿᨤᩯ᩠ᨶᩈ᩠ᨿᨦᩢᩓ᩠ᩅᩢᩈ᩠ᨶᩢᨶ᩠ᨶᩢᩢ ᨴᩩᨠᨣᩢᨴᩩᨠᨤ᩠ᨶᩫᨣᩢᨡ᩠ᨯᩢᨧᩱᨲ᩠ᨯᩥᨲᩣ᩠ᨾᨴ᩠ᨶᩤ᩵ᨧᩮᩣᩢᩢᨿᩮᨪᩩᨶ᩠ᨶᩢᩢᩓ᪩
ᩀᩪ᩵ᨯᩦᨾᩦᩈᩩᨡᨴᩩᨠᩈ᩠ᨦᩥ᩵ᨴᩩᨠᩀ᩵ᩣ᩠ᨦ
(ᨨ᩠ᨶᩥᨾᩔᩢ ᪅.᪁-᪁᪂)
20ᨣᩣᩴᨶ᩠ᨶᩢᩢᨴ᩠ᨶᩤ᩵ᨧᩮᩣᩢᩢᨣᩢᨾᩪ᩵ᨦ ᩉ᩠ᨶᩣᩢᨻᩱᨴᩤ᩠ᨦᩃᩪᨠᨶ᩠ᩋᨦᩢᩈᩮᨠᩣ᩠ᩅ᩵ᩅᩤ᩵
“ᨡᩮᩣᩢᨩᩮ᩠ᩋᩨᩋ᩠ᨶᩢᨴᩩᨠᩁᩱᩢᨡᩯ᩠ᨶᨧᩱᨴ᩠ᨦᩢᩉᩖᩣ᩠ᨿᨶ᩠ᨶᩢᩢ ᨣᩢᩉᩨᩢᨡᩮᩣᩢᩀᩪ᩵ᨯᩦᨾᩦᩈᩩᨡᩈᩮᨣᩣᩴ᪩
ᨼᩰ᩠ᩋᩡᩈ᩠ᨶᩢᨯᩱᩓᩢᩅᩤ᩵ᩋ᩠ᨶᩢᩢ ᩈᩣᩈᨶᩣᨡ᩠ᩋᨦᨻᩕᨧᩮᩣᩢᩢᨣᩢ ᨸᩮ᩠ᨶᩅᩱᩢᨻᩮ᩠ᩋᩨ᩵ᨡᩮᩣᩢᨩᩮ᩠ᩋᩨᨶ᩠ᨶᩢᩢᩓ”᪩
21ᨯ᩠ᨿᩴᨶᩦᩢ ᨤ᩠ᨶᩫᨹᩪᩢᨴᩦ᩵ᩋ᩠ᨶᩢᩋ᩠ᨷᩧᨡᩮᩣᩢᩢᨠ᩠ᨶᩢᩢᨠᩯ᩠ᨦᨩᩮ᩠ᩋᩨᨶ᩠ᨶᩢᩢᨣᩢ ᩉᩨᩢᨡᩮᩣᩢᨩ᩠ᨾᩫᨩ᩠ᨶᩨ᩵ᨿ᩠ᨶᩥᨯᩦᩓ᪩
ᨠᩣ᩠ᩁᨠ᩠ᨶᩥᩋ᩠ᨾᩦᨲᩮ᩠ᨾᨳ᩠ᩅᩁᩢᨶ᩠ᨶᩢᩢ ᨧᩢᩁ᩠ᩋᨯᨾᩣᨳ᩠ᨦᩨᨴᩦ᩵ᨡᩮᩣᩢᩀᩪ᩵᪩
ᨹᩪᩢᨴᩦ᩵ᩁ᩠ᩋᨦᩢᩉᩱᩢᩀᩪ᩵ᨶ᩠ᨶᩢᩢ ᨣᩢᨯᩱᩢᨩ᩠ᨾᩫᨩ᩠ᨶᩨ᩵ᨿ᩠ᨶᩥᨯᩦᩓ᪩
ᩉᩨᩢᨯᩱᩢᨤᩱ᩵ᩉ᩠ᩅᩫᩓ ᨡᩮᩣᩢᨩᩮ᩠ᩋᩨᨶ᩠ᨶᩢᩢ᪩
22ᨼᩰ᩠ᩋᩡᨻᩮ᩠ᩋᩨ᩵ᩃᩪᨠᨩᩣ᩠ᨿᨧᩮᩣᩢᩢᩓᩢᨡᩮᩣᩢᨶ᩠ᨶᩢᩢ ᨯᩱᩢᨠ᩠ᨿᨯᨩ᩠ᨦᩢᨣᩢᨯᩦ᪨
ᨯᩱᩢᩁ᩠ᨷᩢᨴ᩠ᨦᩤᨡᩮᩣᩢ ᨵ᩠ᨦᩥᩢᨻᩯ᩠ᨯᨣᩢᨯᩦ᪨ ᨯᩱᩢᩁ᩠ᨷᩢᨣᩣᩴᨠᩣ᩠ᩅ᩵ᩉᩣ
ᨷᩕᨾᩣ᩠ᨴᩅᩤ᩵ᩁᩣ᩠ᨿᩢᨣᩢᨯᩦ᪨ ᨩ᩠ᨾᩫᨩ᩠ᨶᩨ᩵ᨿ᩠ᨶᩥᨯᩦᩓ᪩
23ᨣ᩠ᨶᩢᨸᩮ᩠ᨶᨯ᩠ᨦᩢ᩵ᩋ᩠ᨶᩢᩢᩓ᩠ᩅᩢ ᨩ᩠ᨾᩫᨩ᩠ᨶᩨ᩵ᨿ᩠ᨶᩥᨯᩦᩈᩮᨼ᩠ᩋᩁᩢᨠᩣᩢᩓ᪩ ᨼᩰ᩠ᩋᩡᩈ᩠ᨶᩢᨯᩱᩳᩓᩢᩅᩤ᩵ᩋ᩠ᨶᩢᩢ ᨶᩱᩅ᩠ᨿᨦᨤᩣᩴᨧᩮᩣᩢᩢᨶ᩠ᨶᩢᩢ ᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨯᩱᩢᨾᩦᨩᩰ᩠ᨣᩃᩣ᩠ᨽᩋ᩠ᨶᩢᨿ᩠ᨦᩥ᩵ᩉᩱ᩠ᨿ᩵ᩓ᩠ᩅᩢ᪩ ᨸᩣ᩠ᨶᨾᩮ᩠ᩋᩨ᩵ᨠ᩠ᩋᩁ᩵ ᨩ᩠ᩅᩫ᩵ᨸᩪ᩵ᩉ᩠ᨾ᩠ᩋ ᩁ᩵ᨡᩮᩣᩢᨩᩮ᩠ᩋᩨᨶ᩠ᨶᩢᩢᨣᩢ ᨼᩰ᩠ᩋᩡᩉᩮ᩠ᨾᩨᩁᨯ᩠ᨦᩢ᩵ᨯᩱᩢᩉᩮ᩠ᨯᩅᩱᩢᨸᩮ᩠ᨶ ᩋᩁᩥᨿᩣᨹᩪᩢᨧᩱᨷᩩᨬ᩼ᨶ᩠ᨶᩢᩢᩓ᪩
ᨹᩪᩢᨴᩦ᩵ᨾᩦᩋᨾᨣᩘᩃᩣ
24ᨲᩯ᩵ᩅᩤ᩵
ᨹᩪᩢᩁ᩠ᨦᩢ᩵ᨾᩦᨸᩮ᩠ᨶᨯᩦᨡᩮᩣᩢ᪨ ᨡᩮᩣᩢᨩᩮ᩠ᩋᩨᩢᩋ᩠ᨶᩢᩀᩪ᩵ᨶᩱᨽᩣᩅᨩᩣ᩠ᨲᨸᩣ᩠ᨶᩋ᩠ᨶᩢᩃᩣᩴ᩵ᩃ᩠ᨷᩢ
ᨲᩮ᩠ᨾᨳ᩠ᩅᩁᩢᨴᩩᨠᩈ᩠ᨦᩥ᩵ᨶ᩠ᨶᩢᩢ ᨸᩮ᩠ᨶᨠᩣ᩠ᩁᩋ᩠ᨶᩢᩉᩩᨠᩁᩣ᩠ᨿᨲᩣ᩵ᨡᩮᩣᩢᨶ᩠ᨶᩢᩢᩓ᪩
25ᨹᩪᩢᨴᩦ᩵ᨯᩱᩢᨠ᩠ᨶᩥᩋ᩠ᨾᩦ᩵ᨲᩮ᩠ᨾᨧᩱᨶ᩠ᨶᩢᩢ
ᨧᩢᨯᩱᩢᨻ᩠ᨷᩫᨳ᩠ᨷᩫᨠᩣ᩠ᩁᩋ᩠ᨷᩧᨠ᩠ᨶᩢᩢᩀᩪ᩵ᩓ᪩
ᨯ᩠ᨿᩴᨶᩦᩢᨹᩪᩢᨴᩦ᩵ᨤᩱ᩵ᩉ᩠ᩅᩫᩀᩪ᩵ᨶ᩠ᨶᩢᩢ ᨧᩢᨯᩱᩢᩁ᩠ᩋᩁᩢᩋ᩠ᨠᩫᩉᩱ᩠ᨾᩢᨧᩱᩓᩢ
ᩋ᩠ᩋᨠᩈ᩠ᨿᨦᩁ᩠ᩋᨦᩢᩉᩱᩢᩀᩪ᩵ᩓ᪩
26ᨤ᩠ᨶᩫᨴ᩠ᨦᩢᩉᩖᩣ᩠ᨿᨡᩮᩣᩢᩋ᩠ᨶᩢᨠᩣ᩠ᩅ᩵ᩈ᩠ᨠᩫᩈᩮ᩠ᨶᩨᨿ᩠ᨠᩫᨿᩳᩈᩪᩀᩪ᩵ᨶ᩠ᨶᩢᩢ
ᩈᩪᨧᩢᨯᩱᩢᨳ᩠ᨷᩫᨠᩣ᩠ᩁᩃᩣᩴᩢᨷᩣ᩠ᨠᨡᩣ᩠ᨶᨧᩱᩓ᪩ ᨼᩰ᩠ᩋᩡᩈ᩠ᨶᩢᨯᩱᩓᩢᩅᩤ᩵ᩋ᩠ᨶᩢᩢ
ᨼᩰ᩠ᩋᩡᨻᩮ᩠ᩋᩨ᩵ᨸᩣ᩠ᨶᨸᩪ᩵ᩉ᩠ᨾ᩠ᩋ ᩁ᩵ᨡᩮᩣᩢᨩᩮ᩠ᩋᩨᨶ᩠ᨶᩢᩢᨣᩢ ᩉᩮ᩠ᨾᩨᩁᨯ᩠ᨦᩢ᩵ᨯᩱᩢᩈ᩠ᨠᩫᩈᩮ᩠ᨶᩨᨿ᩠ᨠᩫᨿᩳᨹᩪᩢᨧᩱ ᨷᩩᨬ᩼ᨸ᩠ᩋᨾᨸᩮ᩠ᨶ
ᨶ᩠ᨶᩢᩢᩓ᪩
ᩈᨲᩕᩪᨶ᩠ᨶᩢᩢ ᩉᩨᩢᩅᩱᩢᨾᩮᨲ᩠ᨲᩣᩓ
(ᨨ᩠ᨶᩥᨾᩔᩢ ᪅.᪃᪈-᪄᪈၊ ᪇.᪁᪂)
27ᨣᩣᩴᨶ᩠ᨶᩢᩢ ᨣᩪᨧᩢᨠᩣ᩠ᩅ᩵ᩉᩯ᩠ᨶᩈᩪᩋ᩠ᨶᩢᨯᩱᩢᨼ᩠ᨦᩢᩀᩪ᩵ᨯ᩠ᨿᩴᨶᩦᩢ᪩ ᨩ᩠ᩅᩁᨠ᩠ᨶᩢᩅᩱᩢᨾᩮᨲ᩠ᨲᩣᨴᩦ᩵ᩈᨲᩕᩪᨶ᩠ᨶᩢᩢᩓ᪩ ᨹᩪᩢᨴᩦ᩵ᨠ᩠ᨿᨯᨩ᩠ᨦᩢᩁᩮᩣᩢᨶ᩠ᨶᩢᩢ ᩉᩮ᩠ᨯᨠᩣ᩠ᩁᨯᩦᨸ᩠ᨶᩢᨡᩮᩣᩢᩓ᪩ 28ᨹᩪᩢᨴᩦ᩵ᨶᩮᨶᩣ᩠ᨴᨯᩣ᩵ᨻ᩠ᩋᩫᩢᨦᩈᩪᨶ᩠ᨶᩢᩢ ᨷᩕᨳ᩠ᨶ᩻ᩣᩉᩨᩢᨻᩕᨧᩮᩣᩢᩢᨸ᩠ᨶᩢᨾᨣᩘᩃᨠᩣ᩠ᩁᨯᩦᨡᩮᩣᩢᩓ᪩ ᨹᩪᩢᨴᩦ᩵ᩉᩮ᩠ᨯᩉᩨᩢᩈᩪᨴᩩᨠ᩠ᨡᨵᩳᩁᨾᩣ᩠ᨶᨶ᩠ᨶᩢᩢᨣᩢ ᨷᩕᩣᨳ᩠ᨶ᩻ᩣᨸ᩠ᨶᩢᨡᩮᩣᩢᩓ᪩ 29ᨾᩦᨤ᩠ᨶᩫᨯᩱᨤ᩠ᨶᩫᨶ᩠ᨦᩨ᩵ ᨲ᩠ᨷᩫᨲᩦᨠᩯ᩠ᨾᩢᩈᩪᨹᩣ᩠ᨿ᩵ᨶ᩠ᨦᩨ᩵ᨶ᩠ᨶᩢᩢᨣᩢᩉᩨᩢᨡᩮᩣᩢᨶ᩠ᨶᩢᩢ ᨲ᩠ᨷᩫᨲᩦᨳᩯ᩠ᨦᩢᨹᩣ᩠ᨿ᩵ᨶ᩠ᨦᩨ᩵ᩓ᪩ ᨾᩦᨤ᩠ᨶᩫᨯᩱᨤ᩠ᨶᩫᨶ᩠ᨦᩨ᩵ᨾᩣ ᨡᩳᩐᩣᩢᩈᩮ᩠ᩋᩨᩢᩈᩪᨣᩢ ᩐᩣᩢᨸ᩠ᨶᩢᨻᩣᩈᩮ᩠ᩋᩨᩢᩁ᩠ᩋᩫᨤᩱᩈᩮᩓ᪩ 30ᨾᩮ᩠ᩋᩨ᩵ᨾᩦᨡᩮᩣᩢᨩᩮ᩠ᩋᩨᨶ᩠ᨶᩢᩢᨾᩣᨡᩳᩐᩣᩢᩈ᩠ᨦᩢᨴᩦ᩵ ᩈᩪᩈ᩠ᨠᩢᩀ᩵ᩣ᩠ᨦᨶ᩠ᨦᩨ᩵ᨣᩢᨸ᩠ᨶᩢᨡᩮᩣᩢᨻᩱᩓ᪩ ᨾᩮ᩠ᩋᩨ᩵ᨾᩦᨤ᩠ᨶᩫᨯᩱᨤ᩠ᨶᩫᨶ᩠ᨦᩨ᩵ ᩐᩣᩢᨤ᩠ᩅᩫᨡ᩠ᩋᨦᩈᩪᨻᩱᩅᩱᩢᨶ᩠ᨶᩢᩢᨣᩢ ᨷᩢᨳᩣᩢᨻᩱᨡᩳᨿ᩠ᩋᩁᨤ᩠ᨶᩨᨴᩦ᩵ᨡᩮᩣᩢᨶ᩠ᨶᩢᩢ᪩ 31ᨲᩣ᩠ᨾᨯ᩠ᨦᩢ᩵ᨲ᩠ᩅᩫᩁᩮᩣᩢᨤᩱ᩵ᩉᩨᩢᨲᩥ᩠ᨯᨲᩳ᩵ᨠ᩠ᨷᩢᩈ᩠ᨷᩨᨯ᩠ᩅ᩠ᨿᩢᨤ᩠ᨶᩫᨲᩣ᩠ᨦ᩵ᨣᩢᨶ᩠ᨶᩢᩢ ᨠ᩠ᨷᩢᩈ᩠ᨷᩨᩓ᪩
32ᨣ᩠ᨶᩢᩁ᩠ᨠᩢᨻᩯ᩠ᨦᨠᩯ᩵ᨹᩪᩢᩋ᩠ᨶᩢᨾᩦᨾᩮᨲ᩠ᨲᩣᨴᩦ᩵ᨲ᩠ᨶᩫᨲ᩠ᩅᩫᩁᩮᩣᩢᨣᩭᨶ᩠ᨶᩢᩢ ᨻᩕᨧᩮᩣᩢᩢᨧᩢᨿ᩠ᨠᩫᨿᩳᩈᩪᨯᩱᩢᩈ᩠ᨶᩢᨯᩱ᪩ ᨤ᩠ᨶᩫᨷᩣ᩠ᨷᩉ᩠ᨶᩣᩋᩣᨵᨾ᩠ᨾ᩼ᨩᩮ᩠ᩋᩨᨶ᩠ᨶᩢᩢ ᩅᩱᩢᨾᩮᨲ᩠ᨲᩣᨠᩯ᩵ᨡᩮᩣᩢᩈᩮ ᨻ᩠ᩋᨠᨤ᩠ᨶᩨᩁ᩠ᨠᩢᨻᩯ᩠ᨦᨠ᩠ᨶᩢᩓ᪩ 33ᨣ᩠ᨶᩢᨹᩪᩢᩋ᩠ᨶᩢᩉᩮ᩠ᨯᨯᩦᨠᩯ᩵ᩁᩮᩣᩢᨶ᩠ᨶᩢᩢ ᩁᩮᩣᩢᨤ᩠ᨶᩨᨣᩭ᩵ᩉᩮ᩠ᨯᨯᩦᨠᩯ᩵ᨾ᩠ᨶᩢᨶ᩠ᨶᩢᩢ ᩀ᩵ᩣᨾᩪᩫ᩵ᩉ᩠ᩅᨦᩢᩅᩤ᩵ᨧᩢᨯᩱᩢᨩᩰ᩠ᨣᩃ᩠ᨽᩣᨠᩯ᩵ᨻᩕᨧᩮᩣᩢᩢ᪩ ᨤ᩠ᨶᩫᨷᩣ᩠ᨷᩉ᩠ᨶᩣᩋᩣᨵᨾ᩠ᨾ᩼ᨡᩮᩣᩢ ᨣᩢᩉᩮ᩠ᨯᨯᩱᩢᩉᩮ᩠ᨾᩨᩁᨯ᩠ᨦᩢ᩵ᩋ᩠ᨶᩢᩢ᪩ 34ᨣ᩠ᨶᩢᩁᩮᩣᩢᨿ᩠ᨾᩨᨡ᩠ᩋᨦᨸ᩠ᨶᩢᨻᩮ᩠ᨶᩨ᩵ᩓ᩠ᩅᩢ ᨾᩪ᩵ᨦᩉ᩠ᩅᩢᨦᩅᩤ᩵ᨧᩢᨯᩱᩢᨤ᩠ᨶᩨᨶ᩠ᨶᩢᩢ ᨶ᩠ᨠᩧᩅᩤ᩵ᨻᩕᨧᩮᩣᩢᩢᨧᩢᨿ᩠ᨠᩫᨿᩳᩈᩪᩀᩪ᩵ᩉᩨ᪩ ᨣ᩠ᨶᩢᨻ᩠ᩋᨠᨤᩱ᩵ᨯᩱᩢᨤ᩠ᨶᩨ ᨷᩕᩉ᩠ᨾᩣ᩠ᨶᨾ᩠ᩋᨠᩋ᩠ᨶᩢᨯᩱᩢᨸ᩠ᨶᩢ ᨤ᩠ᨶᩫᨷᩣ᩠ᨷᩉ᩠ᨶᩣᩋᩣᨵᨾ᩠ᨾ᩼ᨶ᩠ᨶᩢᩢ ᨡᩮᩣᩢᨲᩳ᩵ᨡᩮᩣᩢᨣᩢ ᨩᩣ᩠ᩅ᩵ᨠᩪᩢᨿ᩠ᨾᩥᨻ᩠ᨶᩢᩀᩪ᩵᪩ 35ᩈᨲᩕᩪᨴ᩠ᨦᩢᩉᩖᩣ᩠ᨿᨶ᩠ᨶᩢᩢ ᩉᩨᩢᩈᩪᩅᩱᩢᨧᩱᨾᩮᨲ᩠ᨲᩣᩈᩮᨠ᩠ᨴᩣᩴᨴᩤ᩠ᨦᨯᩦᨻᩮ᩠ᩋᩨ᩵ᨡᩮᩣᩢᩓ᪩ ᨠᩪᩢᨿ᩠ᨾᩨᨸ᩠ᨶᩢᨡᩮᩣᩢᩈᩮ ᨷᩢᩅᩱᩢᩉ᩠ᩅᨦᩢᨯᩱᩢᨻ᩠ᩋᨠᨤ᩠ᨶᩨᨶ᩠ᨶᩢᩢᩓ᪩ ᨹᩪᩢᨴᩦ᩵ᩋ᩠ᨶᩢᨷᩢᩁᩪᩢᨧᩢᨷᩩᨬ᩼ᨣᩩᨱᩓᩢ ᨤ᩠ᨶᩫᩉᩩᨠᩁᩣ᩠ᨿᩢᨩᩮ᩠ᩋᩨᨶ᩠ᨶᩢᩢᨣᩢ ᨻᩕᨧᩮᩣᩢᩢᨿ᩠ᨦᩢᩅᩱᩢᨾᩮᨲ᩠ᨲᩣᨳ᩠ᨦᩨᩀᩪ᩵ ᨣ᩠ᨶᩢᩈᩪᨴ᩠ᨶᩤ᩵ᨠ᩠ᨴᩣᩴᨠᩣ᩠ᩁᨩᩮ᩠ᩋᩨᨶ᩠ᨶᩢᩢ ᨧᩢᨯᩱᩢᨷᩕᨿᩰ᩠ᨩᩋ᩠ᨶᩢᩈᩪᨦᩈᩩᨯᩈᩮᩓ᩠ᩅᩢ᪩ ᨧᩢᨯᩱᩢᨸᩮ᩠ᨶᩃᩪᨠᨿ᩠ᨦᩥᩃᩪᨠᨩᩣ᩠ᨿᨡ᩠ᩋᨦᨻᩕᨧᩮᩣᩢᩢ ᨹᩪᩢᨷᩕᩈᩮ᩠ᨮᩨᨴᩯᩢᩓ᪩ 36ᨻᩳ᩵ᨻᩕᨧᩮᩣᩢᩢᨣᩢᨾᩦᨾᩮᨲ᩠ᨲᩣᨠᩁᩩᨱᩣᨲᩮ᩠ᨾᨳ᩠ᩅᩁᩢᨠᩯ᩵ᩈᩪᨴ᩠ᨶᩤ᩵ ᨧᩪᨦᩉᩨᩢᩈᩪᨴ᩠ᨶᩤ᩵ᨴ᩠ᨦᩢᩉᩖᩣ᩠ᨿᨾᩦᨾᩮᨲ᩠ᨲᩣᨠᩁᩩᨱᩣᨲᩮ᩠ᨾᨳ᩠ᩅᩁᩢᩈᩮᨣᩣᩴ᪩
ᩀ᩵ᩣᩅᩤ᩠ᨦᨹᩯ᩠ᨶᨠᩯ᩵ᨹᩪᩢᩋ᩠ᨶᩨ᩵
(ᨨ᩠ᨶᩥᨾᩔᩢ ᪇.᪁-᪅)
37ᨶ᩠ᩋᨠᩈᩮᨶ᩠ᨶᩢᩢᩀ᩵ᩣᩅᩤ᩠ᨦᨹᩯ᩠ᨶᨠᩣ᩠ᩁᨠᩯ᩵ᨹᩪᩢᩋ᩠ᨶᩨ᩵ᩓᩢ᪨ ᨣ᩠ᨶᩢᨷᩢᩋ᩠ᨶᩢᩢ ᩈᩪᨷᩢᨩᩱ᩵ᨧᩢᨯᩱᩢᩁ᩠ᨷᩢᩐᩣᩢᨠᩣ᩠ᩁ ᩅᩤ᩠ᨦᨹᩯ᩠ᨶᨡ᩠ᩋᨦᨻᩕᨧᩮᩣᩢᩢ᪩ ᩀ᩵ᩣᩋᩪᩢᨧᩣᩴᨣᩣᩴᨿᩣ᩠ᨷᨩᩣᩢᨠᩯ᩵ᨹᩪᩢᩋ᩠ᨶᩨ᩵᪩ ᨣ᩠ᨶᩢᨷᩢᩋ᩠ᨶᩢᩢ ᨷᩢᨩᩱ᩵ᨧᩢᨯᩱᩢᩁ᩠ᨷᩢᨣᩣᩴ ᩃ᩠ᨦᩫᨴᩰ᩠ᩆᨡ᩠ᩋᨦᨻᩕᨧᩮᩣᩢᩢ ᩋᨶᩩᨬᩣ᩠ᨲᨸ᩠ᨶᩢᨹᩪᩢᩋ᩠ᨶᩨ᩵ᩓ᪩ 38ᨿ᩠ᨶᩨ᩵ᨸ᩠ᨶᩢᨹᩪᩢᩋ᩠ᨶᩨ᩵ᩓ᪩ ᨠᩣ᩠ᩁᩋ᩠ᨶᩢᩈᩪᨴ᩠ᨶᩤ᩵ᨿ᩠ᨶᩨ᩵ᨸ᩠ᨶᩢᨹᩪᩢᩋ᩠ᨶᩨ᩵ᨶ᩠ᨶᩢᩢ ᩈᩪᨴ᩠ᨶᩤ᩵ᨤ᩠ᨶᩨᨧᩢᨯᩱᩢᩁ᩠ᨷᩢᨠᩣ᩠ᩁᩋ᩠ᨶᩢᨿ᩠ᨶᩨ᩵ᨸ᩠ᨶᩢᨶ᩠ᨶᩢᩢ ᩉᩖᩣ᩠ᨿᩉᩮᩖᩨ᩠ᩋ ᨠᩮᩢ᩵ᩣᩀᩪ᩵ᩓ᪩ ᨷᩕᩉ᩠ᨾᩣ᩠ᨶᨾ᩠ᩋᨠᩋ᩠ᨶᩢᩈᩪᨿ᩠ᨶᩨ᩵ᨸ᩠ᨶᩢᨹᩪᩢᩋ᩠ᨶᩨ᩵ᨶ᩠ᨶᩢᩢ ᨻᩕᨧᩮᩣᩢᩢᨧᩢᨿ᩠ᨶᩨ᩵ᨸ᩠ᨶᩢᩈᩪᨤ᩠ᨶᩨ ᨠ᩵ᩣ᩠ᩅᩅᩤ᩵ᨯ᩠ᨦᩢ᩵ᩋ᩠ᨶᩢᩢᩓ᪩
39ᨣᩣᩴᨶ᩠ᨶᩢᩢ ᨴ᩠ᨶᩤ᩵ᨧᩮᩣᩢᩢᨣᩢᨠ᩵ᩣ᩠ᩅᨣᩣᩴᩏᨷᨾᩣᨸ᩠ᨶᩢᨡᩮᩣᩢᨩᩮ᩠ᩋᩨᨶ᩠ᨶᩢᩢᩋ᩠ᨶᩢᨶ᩠ᨦᩨ᩵ᩅᩤ᩵ ᨤ᩠ᨶᩫᨲᩣᨷ᩠ᩋᨯᨣᩢᨶ᩠ᨦᩨ᩵ᨶ᩠ᨶᩢᩢ ᨧᩢᨻᩱᩋ᩠ᩋᩁᩉ᩠ᩅᩫᩉᩯ᩠ᨶᨴ᩠ᨦᩤ ᨤ᩠ᨶᩫᨲᩣᨷ᩠ᩋᨯᨲ᩠ᨦ᩵ᩣᨣᩢᨧᩢᨯᩱᩢᩀᩪ᩵ᩌᩣᩢ᪩ ᨴ᩠ᨦᩢᩈ᩠ᩋᩫᨤ᩠ᨶᩫᨣᩢ ᨩᩣ᩠ᨦ᩵ᨻᩣᨠ᩠ᨶᩢᨲ᩠ᨠᩫᩃ᩠ᨦᩫᨻᩱᨶᩱᩉᩖᩪᨾᨷᩳ᩵ᨷᩢᨩᩱ᩵ᩉᩨ᪩ 40ᩃᩪᨠᨶ᩠ᩋᨦᩢᨶ᩠ᨶᩢᩢ ᨧᩢᨻ᩠ᨶᩫᩢᩉᩮᩖᩨ᩠ᩋ ᨤᩪᩈ᩠ᩋᩁ ᩋ᩠ᨶᩢᩅᩤ᩵ᨶ᩠ᨶᩢᩢ ᨷᩢᨾᩦ ᨲᩯ᩵ᩅᩤ᩵ᩃᩪᨠᨶ᩠ᩋᨦᩢᨶ᩠ᨶᩢᩢ ᨣ᩠ᨶᩢᨺ᩠ᨠᩧᩉ᩠ᨯᩢᨸ᩠ᨶᩢᩉᩨᩢᨻᩳᨲᩮ᩠ᨾᨳ᩠ᩅᩁᩢᨣᩢᨧᩢᨸᩮ᩠ᨶ ᩉᩮ᩠ᨾᩨᩁᨯ᩠ᨦᩢ᩵ᨤᩪᩈ᩠ᩋᩁᩀᩪ᩵ᩓ᪩
41ᩈᩪᨷᩢᨲ᩠ᨦᩢᩢᩈᨲᩥᨯᩪᨶᩱ ᩉ᩠ᨶ᩠ᨷ᩵ᨲᩣᩈᩪᨶ᩠ᨶᩢᩢ ᨾᩦᨹᩪᩁ᩵ᨹ᩠ᩋᨦᨲᩣ᩠ᨶ᩵ᨲᩪᨾᨾᩱᩢ ᨹᩪᩁ᩵ᨹ᩠ᩋᨦᩋ᩠ᨶᩢᨾᩦᨶᩱᩉ᩠ᨶ᩠ᨷ᩵ᨲᩣᩈᩪᨶ᩠ᨶᩢᩢ ᩉᩮ᩠ᨯᩉᩨᩓᩢᩉ᩠ᨶᩢᨯᩱᩢ᪩ 42ᨹᩪᩁ᩵ᨹ᩠ᩋᨦᩋ᩠ᨶᩢᨾᩦᨶᩱᩉ᩠ᨶ᩠ᨷ᩵ᨲᩣᩈᩪᨻᩳᨲᩣ᩠ᨶ᩵ᨲᩪᨾᨾᩱᩢᨶ᩠ᨶᩢᩢᨷᩢᩉ᩠ᨶᩢᩃᩪ᪨ “ᩈᩉᩣ᩠ᨿ᪨ ᨹᩪᩁ᩵ᨹ᩠ᩋᨦᩋ᩠ᨶᩢᨾᩦᨶᩱᩉ᩠ᨶ᩠ᨷ᩵ᨲᩣᩈᩪᨶ᩠ᨶᩢᩢ ᩐᩣᩢᩋ᩠ᩋᨠᨸ᩠ᨶᩢᩈᩮᨣᩣᩴᩋ᩠ᨶᩢᩅᩤ᩵ᨶ᩠ᨶᩢᩢ ᩉᩮ᩠ᨯᩉᩨᩓᩢᨩᩣ᩠ᨦ᩵ᩅᩤ᩵ᨯᩱᩢ᪩ ᨹᩪᩢᨴᩦ᩵ᩋ᩠ᨶᩢᨹᩪᩢᩏᨽᩥᨸᩮ᩠ᨶᨤ᩠ᨶᩫᨯᩦᨶ᩠ᨶᩢᩢ᪨ ᨹᩪᩁ᩵ᨹ᩠ᩋᨦᩋ᩠ᨶᩢᩀᩪ᩵ᨶᩱᩉ᩠ᨶ᩠ᨷ᩵ᨲᩣᩈᩪ ᨻᩳᨲᩣ᩠ᨶ᩵ᨲᩪᨾᨾᩱᩢᨶ᩠ᨶᩢᩢ ᨩ᩠ᩅᩁᨠ᩠ᨶᩢᨩᩮ᩠ᨯᨸᩯ᩠ᨯᩋ᩠ᩋᩁᨴᩤ᩠ᨦᩓ᪩ ᨣ᩠ᨶᩢᨸᩮ᩠ᨶᨯ᩠ᨦᩢ᩵ᩋ᩠ᨶᩢᩢ ᨻᩮ᩠ᩋᩨ᩵ᨩᩮ᩠ᨯᨸᩯ᩠ᨯ ᨹᩣᩢᨹᩪᩁ᩵ᨹ᩠ᩋᩫᩋ᩠ᨶᩢᩀᩪ᩵ᨶᩱᩉ᩠ᨶ᩠ᨷ᩵ᨲᩣᩈᩉᩣ᩠ᨿ” ᨡᩮᩣᩢᨶ᩠ᨶᩢᩢᩓ᩠ᩅᩢᨣᩢ ᩈᩪᨴ᩠ᨶᩤ᩵ᨣᩢᨧᩢᨯᩱᩢᩉ᩠ᨶᩢᨧᩯ᩠ᨦᩢᩈᩱᨯᩦᨾᩣᩓ᪩
ᨲ᩠ᨶᩫᩓᩢᩉ᩠ᨾᩣ᩠ᨠ
(ᨨ᩠ᨶᩥᨾᩔᩢ ᪇.᪁᪆-᪂᪀၊ ᪁᪂.᪃᪃-᪃᪅)
43ᨲ᩠ᨶᩫᩢᩋ᩠ᨶᩢᨯᩦᨶ᩠ᨶᩢᩢᩉ᩠ᨾᩣ᩠ᨠᩋ᩠ᨶᩢᨷᩢᨯᩦ “ᩉᩮ᩠ᨾᩨᩨᩁᨧᩢᨷᩢᩋ᩠ᩋᨠᨯᩱᩢ ᨲ᩠ᨶᩫᩢᩋ᩠ᨶᩢᨷᩢᨯᩦᨶ᩠ᨶᩢᩢᨣᩢ ᨷᩢᨩᩱ᩵ᨧᩢᩋ᩠ᩋᨠᩉ᩠ᨾᩣ᩠ᨠᩋ᩠ᨶᩢᨯᩦᨯᩱᩢ᪩ 44ᩁᩮ᩠ᨦᩨ᩵ᨲ᩠ᨶᩫᩢᨶ᩠ᨶᩢᩢ ᨴ᩠ᩅ᩠ᨿᩉ᩠ᨾᩣ᩠ᨠᨾ᩠ᨶᩢᩈᩮᨩ᩠ᨦᩢ᩵ᨠᩣ᩠ᩅ᩵ᨯᩱᩢᩋᩮ᩠ᩋᩨᩢ᪩ ᩀᩪ᩵ᨴᩦ᩵ᨠᩳᨲ᩠ᨶᩫᩢᨤᩮ᩠ᩋᩨᩉ᩠ᨶᩣ᩠ᨾᩈᩮᨧᩢᨸ᩠ᨯᩥᩐᩣᩢᩉ᩠ᨾᩣ᩠ᨠᨶᩣᩢᨶ᩠ᨶᩢᩢᨣᩢᨷᩢᨸᩮ᩠ᨶᨯᩱᩢ ᩀᩪ᩵ᨶᩱᨿᩪᨾᩈᩮ ᨧᩢᨸ᩠ᨯᩥᩐᩣᩢᩉ᩠ᨾᩣ᩠ᨠᩋ᩠ᨯᩦᨶ᩠ᨶᩢᩢ ᨣᩢᨷᩢᨩᩱ᩵ᨧᩢᨸᩮ᩠ᨶᨯᩱᩢ᪩ 45ᨤ᩠ᨶᩫᨯᩦᩋ᩠ᨶᩢᩅᩤ᩵ᨶ᩠ᨶᩢᩢᨶᩱᩉ᩠ᩅᩫ ᨧᩱᨾ᩠ᨶᩢᨣᩢᨩᩣ᩠ᨦ᩵ᨸ᩠ᨯᩨᨹᩮ᩠ᨿᩨᩁᩮ᩠ᨦᩨ᩵ᨠᩣ᩠ᩁᨯᩦᨶ᩠ᨶᩢᩢᩓ᪩ ᨤ᩠ᨶᩫᨴᩦ᩵ᨷᩢᨯᩦᨶ᩠ᨶᩢᩢᨶᩱᩉ᩠ᩅᩫᨧᩱᨾ᩠ᨶᩢ ᨣᩢᨩᩣ᩠ᨦ᩵ᨸ᩠ᨯᩨᨹᩮ᩠ᨿᩨᩁᩮ᩠ᨦᩨ᩵ᨠᩣ᩠ᩁᨷᩢᨯᩦᨣᩭᩓ ᩈ᩠ᨷᩫᨸᩣ᩠ᨠᨸᩮ᩠ᨶᩈ᩠ᨶᩢᨯᩱ” ᨶᩱᨧᩱᨸᩮ᩠ᨶᨯ᩠ᨦᩢ᩵ᩋ᩠ᨶᩢᩢᩓ᪩
ᨹᩪᩢᩉᩮ᩠ᨯᩁᩮ᩠ᨶᩨᩈ᩠ᩋᩫᨤ᩠ᨶᩫ
(ᨨ᩠ᨶᩥᨾᩔᩢ ᪇.᪂᪄-᪂᪇)
46ᩈᩪᨴ᩠ᨶᩤ᩵ᨿ᩠ᨦᩢᨷᩢᨼ᩠ᨦᩢᨣᩣᩴᨣᩪ ᩉᩮ᩠ᨯᩈ᩠ᨦᩢᩓᩢᨩ᩠ᩅᩁᨠ᩠ᨶᩢᨾᩣᩁ᩠ᩋᨦᩢᨣᩪᩅᩤ᩵ “ᨧᩮᩣᩢᩢ᪨ ᨧᩮᩣᩢᩢ” ᩅᩤ᩵ᩋ᩠ᨶᩢᩢᩓ᪩ 47ᨾᩣᨴᩦ᩵ᨣᩪᩓ᩠ᩅᩢᩓᩢᨯᩱᩢᨼ᩠ᨦᩢᨵᨾ᩠ᨾ᩼ᩈᩮᨯ᩠ᩅ᩠ᨿᩢᨲᩣ᩠ᨾᨣᩣᩴᩈ᩠ᨦᩢ᩵ᩈ᩠ᩋᩁᨶ᩠ᨶᩢᩢ ᩉᩮ᩠ᨾᩨᩁᨤ᩠ᨶᩫᨩᩮ᩠ᩋᩨᩢᨯᩱᩋ᩠ᨶᩢᩅᩤ᩵ᨶ᩠ᨶᩢᩢ ᨣᩪᨧᩢᨠᩣ᩠ᩅ᩵ᩉᩯ᩠ᨶᩈᩪ᪩ 48ᨤ᩠ᨶᩫᨤ᩠ᨶᩫᨶ᩠ᨶᩢᩢ ᨣᩨᩉᩮ᩠ᨾᩨᩁᨯ᩠ᨦᩢ᩵ ᨤ᩠ᨶᩫᩋ᩠ᨶᩢᨡᩩᨯᩁᩪᩃ᩠ᨠᩧᩃ᩠ᨠᩧᩉᩮ᩠ᨶᩨᩋᩉ᩠ᨶᩣᩢᨹᩯ᩠ᨶ᩵ᨯᩦ᩠ᨶ ᩉ᩠ᨶᩣᩈᩮᩉᩮ᩠ᨯᩁᩮ᩠ᨶᩨᨶ᩠ᨶᩢᩢᩓ᪩ ᨾᩮ᩠ᩋᩨ᩵ᨯᩱᩢᨳ᩠ᨷᩫᨽᩮᨶᩣᩴᩢᨳ᩠ᨾᩫᩢᨶᩣᩴᩢᨼ᩠ᨯᩢᨾᩣᨣᩢ ᨯ᩠ᨦᩢ᩵ᩁᩮ᩠ᨶᩨᨶ᩠ᨶᩢᩢᨷᩢᨾᩦᨠᩣ᩠ᩁᩉ᩠ᩅ᩵ᩁᩢᩉᩱ᩠ᩅᩈ᩠ᨦᩢ ᨼᩰ᩠ᩋᩡᩅᩤ᩵ᨯᩱᩢᨲᩯ᩠ᨦ᩵ᩅᩱᩢ ᨠᩯ᩠ᨶ᩵ᨡᩯ᩠ᨦᩈᩮᨧᩢᩉ᩠ᨾᩁᩢᩢᨠᩯ᩠ᨶ᩵ᩀᩪ᩵ᩓ᪩ 49ᨲᩯ᩵ᩅᩤ᩵ᨾᩮ᩠ᩋᩨ᩵ᨯᩱᩢᨼ᩠ᨦᩢᨵᨾ᩠ᨾ᩼ᨣᩪᩓ᩠ᩅᩢᩓᩢ ᨷᩢᨯ᩠ᩅ᩠ᨿᩢᨲᩣ᩠ᨾᨣᩣᩴᩋ᩠ᨶᩢᩅᩤ᩵ᨶ᩠ᨶᩢᩢ ᩉᩮ᩠ᨾᩨᩁᨯ᩠ᨦᩢ᩵ᨤ᩠ᨶᩫᨲᩯ᩠ᨦ᩵ᩁᩮ᩠ᨶᩨᨷᩢᩅᩤ᩠ᨦᩁᩣ᩠ᨠᩉ᩠ᨶᩥᨶ᩠ᨶᩢᩢᩓ᪩ ᨾᩮ᩠ᩋᩨ᩵ᨽᩮᨶᩣᩴᩢᨳ᩠ᨾᩫᩢᨶᩣᩴᩢᨼ᩠ᨯᩢᨾᩣ ᩁᩮ᩠ᨶᩨᩃᩰ᩠ᨠᩃᩰᨠᩣᨶ᩠ᨶᩢᩢᨣᩢᨧᩢᨠᩪᩁ᩵ᨻ᩠ᨦᩢ ᩃᩩᩉᩯᩖ᩠ᩅ ᨻᩱᨣᩣᩴᨯ᩠ᨿᩴᩓᩢ ᨴ᩠ᨶᩤ᩵ᨧᩮᩣᩢᩢᨠᩣ᩠ᩅ᩵ᨯ᩠ᨦᩢ᩵ᩋ᩠ᨶᩢᩢᩓ᪩
Currently Selected:
ᨨ᩠ᨶᩥᩃᩩᨠᩣ 6: KKH
Highlight
Share
Copy
Want to have your highlights saved across all your devices? Sign up or sign in
Khun (ခွန်) Bible by Beyond Translation is licensed under Creative Commons Attribution-ShareAlike 4.0 License.
