ရှင်လုကာ 12
12
ခန်း (၁၂)
ဗြိတော်ဒွေဝို ကိုယ်တော်ယေရှုဒိပေးခြင်းန အားပေးခြင်း
(ရှင်မဿဲ ၁၀.၂၆-၂၇)
1အဲမိုဇာဒွေဖြစ်ပျစ်နေဝိုခီမှာ လူရေတွက်ထော်နချီဝို လူအုပ်ဂီးဟ စုလာဂေ့ရိတွက် သူ့နို့ဟ သူ့နို့ချင်းချင်း တက်နန်းမိမလိုဂိုဖြစ်နေဂေ့ရယ်။ ကိုယ်တော်ယေရှုဟ သူရဲ့ဗြိတော်ဒွေဝို ပထမဦးဆုံး မိကြားဇာဟ “ဖာရိရှဲဒွေမျိုး သူတော်ဂေါယော်ဆော်သူဒွေ ဖြစ်မလာဇေဝို့ ဒိထားပါ။ သူ့နို့ရဲ့ ဆိုးညစ်ဝိုလွမ်းမိုးမှုဒွေဟ မုမှာ တဆေးပျံ့နှံ့သွားဝိုမျိုး ခြားသူဒွေဆီဝို ပျံ့နှံ့သွားတတ်ရယ်။ 2လူဒွေ ဖုံးကွယ်ရားဇာမှန်သမျှဝို ဘုရားရှင်ဟ ဖော်ထုလိမယ်။ ဘုရားရှင်ဟ သူ့နို့ ဖွက်ဝို့ကြိုးဇားဇာမှန်သမျှဝို ဖော်ထုလိမယ်။ 3အဲဂျော့ နန်းနို့ လျှို့ဝှက်ပီး ပြောရားဇာမှန်သမျှဝို လူဒိုင်းသိဂေ့ရလိမယ်။ နန်းနို့ဟ ခန်းထဲမှာ တိုးတိုးရားပြောရားဇာမှန်သမျှဟလဲ လူဒွေဂျားမှာ ထုဖော်ပြောနေမျိုး ဖြစ်လာလိမယ်” ဆိုပီး မိတော်မူလေရယ်။
ဘုရားရှင်ဝို ကြော့သင့်ကြော ကိုယ်တော်ယေရှုသန်ကြားပေးခြင်း
(ရှင်မဿဲ ၁၀.၂၈-၃၁)
4ထပ်ပီး ကိုယ်တော်ဟ “မိဆွေဒို့၊ နန်းနို့ဝို ငါပြောရှင်ဝိုဇာဟ နန်းနို့ရဲ့ခန္ဓာကိုယ်ဝို သတ်နိုင်ဝိုလူဒွေဝို ကြော့ဇာမလိုရ၊ သူ့နို့ဟ နန်းနို့ရဲ့ ခန္ဓာကိုယ်ဝိုဘဲ့ သတ်နိုင်ပီး ခြားဟဲမျိုးရာဝိုမှ သတ်နိုင်ရ။ 5အယ်ဘေမဲ့ နန်းနို့ကြော့ရဝိုသူဟ ဘုရားရှင်ဘားဒဲဘဲ့ရှေ့ရယ်။ ဘုရားရှင်ဟ နန်းနို့ရဲ့သက်ဝို သတ်နိုင်ဝိုပြင် ငရဲထဲဝို နန်းနို့ဝို ပစ်ခလနိုင်စွမ်းရှေ့ရယ်။ အဲဂျော့ ဘုရားရှင်ဝို ကြော့ဂေ့လော့။ 6စာရား#12.6 စာရား စာရားဆိုဇာဟ အဲခေတ်ဒူးဟ ဆင်းရဲသားဒွေစားဝို ပုံမှန်တွေ့ရလေ့ရှေ့ဝို ငှက်ငယ်တစ်မျိုးဖြစ်ရယ်။ ငါးဂေါ်ဝို အဿရိဒန်းဂါး#12.6 အဿရိဒန်းဂါး နေ့လုပ်အားခနညီဝို ဒေနာရီ ဒန်းဂါးရဲ့ ၁၆ပုံ၁ပုံ န တန်ဖိုးညီမျှဝို ရောမကြေးဒန်းဂါး နှေ့ပြားန ရောဝိုဇာဝို နန်းနို့သိရလော၊ အယ်ဘေမဲ့ ဘုရားရှင်ဟ အဲမိုငှက်တဂေါ်ချင်းစီဂိုမှ ဂရုစိုက်ဝို့ ဒိရတော်မူရယ်။ 7နန်းနို့တွက်ကလလောဝါ ဘုရားရှင်ဟ နန်းနို့ခေါပေါ်ဟ ဆန်းဘမ်ရေတွက်ဂိုမှ သိတော်မူရယ်။ အဲဂျော့ နန်းနို့ဟ ဘုရားရှင် တွက်ကလလောဝါ စာရားဒွေထက် ပိုတန်ဖိုးရှေ့ရိတွက် စိုးရီဂေ့ပါန။” ဆိုပီး မိတော်မူလေရယ်။
လူဒွေရှေ့ မေရှိယဝို ဝန်ခံခြင်း
(ရှင်မဿဲ ၁၀.၃၂-၃၃။ ရှင်မဿဲ ၁၀.၁၉-၂၀၊ ၁၂.၃၂)
8“နန်းနို့ဝို ငါပြောမယ်။ ငါ့ရဲ့ဗြိတော်ဖြစ်န လူဒွေရှေ့မှာ ဝန်ခံဝိုလူဝို လူ့သားတော်ဖြစ်ဝို ငါဟလဲ ဘုရားရှင်ရဲ့ နတ်ဒေဝါဒွေရှေ့မှာ သူဟ ငါ့ဗြိတော်ဖြစ်ကြောဝို ဝန်ခံမယ်။ 9အယ်ဘေမဲ့ လူဒွေရှေ့မှာ ငါ့ဝို ငြင်းပယ်ဝိုသူဝို ဘုရားရှင်ရဲ့ နတ်ဒေဝါဒွေရှေ့မှာ လူ့သားတော်ဟ အဲမိုသူဝို ငြင်းပယ်လိမယ်ဖြစ်ရယ်။ 10လူ့သားတော်ဖြစ်ဝို ငါ့ဝို စော်ဂါးပြောဆိုဝို ဟယ်သူမဆိုဝို ဘုရားရှင်ဟ ခွမ့်လွှတ်နိုင်ပေမဲ့ သူ့ရဲ့ဉာဏ်လင်းတော်ဝို ပြစ်မှားစော်ဂါးပြောဆိုဝို ဟယ်သူ့ဝိုမှ ဘုရားရှင်ဟ ခွမ့်လွှတ်လိမှာမုဝ။
11နန်းနို့ဝို ဓမ္မာရုံဒွေ၊ ကြီးကဲဒွေန အုပ်ချုပ်သူဒွေရဲ့ ရှေ့မှာ စီရင်ဝို့ ခေါ်ဆော်ဇာခံရဝိုခါမှာ နန်းနို့ဟ ဟဲမျိုးပြောဆိုရမယ်၊ ကိုယ့်ကိုကိုယ် ဟဲမျိုး ခုခံကာကွယ်ရမယ်ဆိုဇာဝို စိုးရီဂေ့ပါန။ 12ဟဲဂျော့ဆိုဝါ အဲခီမှာ နန်းနို့ဟဲမျိုး ချေပထွက်ဆိုရမယ်ဆိုဇာဝို ဉာဏ်လင်းတော်ဟ သွန်သန်ပေးလိမယ်ဖြစ်ရယ်။” ဆိုပီး မိတော်မူလေရယ်။
ဌေးမိုက် ပုံဥပမာ
13အဲနော့ လူအုပ်ဂီးထဲဟ လူတယော့ဟ ကိုယ်တော်ယေရှုဝို “ကိုယ်တော်၊ ဖေဟ ကျနော်ဒို့တွက် ချန်ရားရစ်ဝို မွီခွဲပေးဝို့တွက် ကျနော်ရဲ့အစ်ကိုဝို ပြောပြပေးတော်မူပါ” ဆိုပီး ရှော့တံလေရယ်။
14အဲခါ ကိုယ်တော်ယေရှုဟ “မိဆွေ၊ နန်းနို့နှေ့ယော့ဂျားမှာ မွီခွဲဝီပိုင်ဝို့ ငါ့ဝို ဟယ်သူဟ ရားသူဂီးဖြစ် ခန့်အပ်ရားနူး” ဆိုပီး ပလန်လည်မိတော်မူလေရယ်။ 15အဲနော့ ကိုယ်တော်ဟ လူထုဝို “လောဖကီးဂေ့န။ နန်းနို့ရဲ့သက်ဟ ပစ္စည်းဥစ္စာကြွယ်ဝမှုပေါ်ဝို မူတည်နေဇာ မုဝဆိုဇာဝို ဒိထားဂေ့” ဆိုပီး မိတော်မူလိုက်ရယ်။
16အဲနော့ ကိုယ်တော်ဟ သူ့နို့ဝို ပုံဥပမာတခုန မိတော်မူဝိုဇာဟ၊ “ခါဒူးဟ လယ်ယာတခုမှာ ကော့ပဲသီးနှံ ထွက်ကောဝို ဌေးတစ်ယော့ရှေ့လေရယ်။ 17သူဟ ‘ငါ ဟဲမျိုးလုပ်ရင်ကောမယ်နူး ၊ ငါ့မှာအယ်သီးနှံဒွေ ဂူလုံးဝိုသိုလှော်ဝို့ လုံလော့ဝိုနေရာမှေ့ရ’ ဆိုပီး တွီးတောနေလေရယ်။
18အဲနော့ သူဟ ‘ငါဟဲမျိုးလုပ်ရဟို့နူးဆိုဇာဝို သိပီ၊ ငါဘားကျီဟောဒွေဝို ဖြိုဖျစ်ပီး ထွက်တိုးလာဝို ဘားဒွေန ငါ့ပစ္စည်းဒွေဂူလုံးဝို သီးရားနိုင်ဝို ပိုပီးကီးဝို ဘားကျီသစ်တစ်ခုဆော့လိုက်မယ်။ 19အဲဆိုဝါ ငါ့မှာ နော့ထပ်နှစ်များဂီးတွက် လုံလော့ဝိုဇာဒွေ သီးရားပီးဖြစ်ရိတွက် ခုဟနေစပီး သက်သော့သက်သာန နားယူပီး စားလိုက်၊ သော့လိုက်န ပျော်ပျော်နေဝေါ့မယ်။’ ဆိုပီး တွီးနေလေရယ်။
20အယ်ဘေမဲ့ ဘုရားရှင်ဟ သူ့ဝို ‘လူမိုက်၊ အယ်ညစ်မှာဘဲ့ နန်ဟသေရလိမယ်၊ နန်စုဆောရားဝို ပစ္စည်းဥစ္စာဒွေဟ ခြားတယော့ဆီဝို ရော့ရားလိမယ်’ ဆိုပီး မိတော်မူလေရယ်။
21အယ်မိုဇာဟ ဘုရားရှင်ရှေ့တော်မှော့မှာ ကြွယ်ဝချမ်းသာဇာမျိုးမုဘဲန ကိုယ့်တွက်ဘဲ့ ပစ္စည်းဥစ္စာဒွေ သိုရားပီး ချမ်းသာကြွယ်ဝရယ်ဆိုပီး ကိုယ့်ကိုကိုယ်ထံနေဂေ့ဝိုလူဒွေ ကြုံတွီ့ရမဲ့ဇာဒွေဘဲ့ဖြစ်ရယ်” ဆိုပီး မိတော်မူလေရယ်။
စိုးရီဂေ့ပါန
(ရှင်မဿဲ ၆.၂၅-၃၄)
22အဲနော့ ကိုယ်တော်ယေရှုဟ ဗြိတော်ဒွေဝို “အဲဂျော့ နန်းနို့ဝို ငါပြောမယ်။ နန်းနို့ရဲ့ဘဝရှင်သန်ဝို့တွက် နန်းနို့ဟဲရာဝို စားရမယ်၊ နန်းနို့ ဟဲရာဝိုဝတ်ရမယ် ဆိုဇာဝို စိုးရီဂေ့ပါန။ 23ဟဲဖြစ်ရိနူးဆိုဝါ စာထက် သက်ဟပိုပီး ရေးကီးရယ်။ ဝတ်ထက် ခန္ဓာကိုယ်ဟ ပိုပီးရေးကီးရယ်။ 24ကလီးဂန်းဒွေဝိုကေ့ကေ့ပါ၊ သူ့နို့ဟ စိုက်ပျိုးဇာရော၊ ရိသီးဇာရောလုပ်ဂေ့ရ၊ သိုလှော်ဝို့ ဘားကျီဒွေလည်းမှေ့ရ၊ အယ်ဘေမဲ့ ဘုရားရှင်ဟ သူ့နို့ဝို ကျွေးမွီးရားရယ်၊ နန်းနို့ဟ အဲမိုငှက်ဒွေထက် ပိုပီးတန်ဖိုးရှေ့ဂေ့ရယ်။ 25စိုးရီပူပန်နေရိ နန်းနို့ရဲ့သက်ဝို နာရီလော့ဂိုမှ ပိုရှယ်ရားဇေရိလော။ 26နန်းနို့ဟ အယ်မို သေးငယ်ဝို ကိစဒွေဝိုဂိုမှ တတ်နိုင်ဂေ့ဘဲနေရယ်ဆိုဝါ ခြားကိစဒွေဝို ဟဲရာဂျော့ စိုးရီပူပန်နေဂေ့နူး။
27တောရိုင်းပန်းရားဒွေ ဟဲမျိုး ကီးထွားလာရယ်ဆိုဇာဝို ကေ့ဂေ့ပါ။ သူနို့ဟ လုပ်လဲ လုပ်ဂေ့ရ၊ ဝတ်လဲချုပ်ဂေ့ရ၊ အယ်ဘေမဲ့ နန်းနို့ဝို ငါပြောရှင်ဝိုဇာဟ ရှောလမုန် မန်းဂီးမှာဂိုမှ အဲမိုပန်းဒွေမျိုး လှပတင့်တယ်ဝို ဝတ်စားဒွေ မှေ့ရ။ 28ယုံကြည်ခြင်းအားနည်းဝိုသူဒွေ၊ ဘုရားရှင်ဟ ခီကာလနဲနဲရားဘဲ့ရှင်သန်ပီး နော့ရစ်မှာ မီးထဲဝိုပစ်ခလခံရမဲ့ ဗြစ်ရိုင်းဒွေဝိုဂိုမှ အံ့ဩဝို့ကောလော့အော် လှပတင့်တယ်အော် ဖန်ဇင်းပေးရားရယ်ဆိုဝါ နန်းနို့ဝို ပိုပီးဖန်ဇင်းပေးမယ်မုဝလော။ 29နန်းနို့ဟဲမျိုးစားမယ်၊ ဟဲမျိုးသော့မယ်ဆိုဇာဝိုဘဲ့ စဥ်းစားပီး စိုးရီနေဂေ့ပါန။ 30ဘုရားရှင်ဝို သိဘဲဝိုလူဒွေဟဘဲ့ အဲမိုကိစဒွေတွက် မြဲဒမ်း စိုးရီနေဂေ့ရယ်။ အယ်ဘေမဲ့ ရွှေဗြို့တော်မှာရှေ့ဝို နန်းနို့ရဲ့ အဖဘုရားရှင်ဟ အဲမိုဇာဒွေဝို နန်းနို့လိုအပ်ကြော သိတော်မူရိတွက် အဲမိုတွက် နန်းနို့စိုးရီသင့်ရ။ 31အဲဂျော့ ဘုရားရှင်သာသနာတော်တွက်ဝိုဘဲ့ အာရုံစိုက်ပီး လုပ်ဆော်ဂေ့ပါ။ အဲမှဘဲ့ နန်းနို့လိုအပ်ဇာမှန်သမျှဝို ဘုရားရှင်ဟ ပေးတော်မူပါလိမယ်။”
ရွှေဗြို့တော် စည်းဇိမ်ဥစ္စာ
(ရှင်မဿဲ ၆.၁၉-၂၁)
32ထပ်ပီး ကိုယ်တော်ယေရှုဟ “သိုးငယ်အုပ်စု#12.32 သိုးငယ်အုပ်စု သိုးအုပ်စုငယ်ရား ဆိုဇာဟ ဗြိတော်ဒွေဝိုရည်ညွှန်းဇာဖြစ်ရယ်၊ နန်းနို့ရဲ့ အဖဘုရားရှင်ဟ နန်းနို့ဝို သူ့သာသနာတော်ဝိုပေးဝို့ လိုရှေ့ရိတွက် နန်းနို့ ကြော့ဂေ့ပါန” ဆိုပီး မိတော်မူလေရယ်။ 33နန်းနို့ရဲ့ ပစ္စည်းဥစ္စာဒွေဝို ရောခလပီး ဆင်းရဲသားဒွေဝို ပေးကမ်းစွန့်ကြဲဂေ့ပါ။ အဲမျိုးနီးနဘဲ့ နန်ဟ ထာဝရတည်မြဲနေမဲ့ ပစ္စည်းဥစ္စာဝို နန်ကိုယ်တိုင် ကြိုတံစီစဥ်ထားနိုင်ပါလိမယ်။ နန့်ရဲ့စည်းစိမ်ဥစ္စာဒွေဝို ခိုးဒွေ ရော့နိုင်ဘဲဝို၊ ပိုးမွှားဒွေ ဖျစ်ဆီးနိုင်ဘဲဝို ရွှေဗြို့တော်မှာ သီးရားဂေ့ပါ။ 34ဟဲဂျော့ဆိုဝါ နန်းနို့ရဲ့ဥစ္စာရှေ့ဝိုနေရာမှာ နန်းနို့ရဲ့စိနှလုံးဟလဲ ရော့နေရိဂျော့ဖြစ်ရယ်။
ဒိရှေ့ဝိုစေခံ
35ကိုယ်တော်ဟ ဆစ်ပီး “နန်းနို့ဟ ခါးဘတ်ဝို စေ့စေ့စဲ#12.35 ခါးဘတ်ဝို စေ့စေ့စဲ ဆိုဇာဟ အဲမိုခေတ်မှာ ဂျူးလူမျိုးဒွေဟ ခေမျစ်စိထိရှယ်ဝို ဝတ်ရုံဒွေဝို ဝတ်ဂေ့ရယ်။ ဝတ်ရုံ အော့ခေဝို ခါးထိမတံပီး ခိရားဝို့ ခါးဘတ်ဝို သုံးဝိုဇာဟ လွတ်လွတ်လပ်လပ် လှုပ်ရှားသွားလာနိုင်ဝို့ဖြစ်ရယ်။ပီး မီးအီဝို ဆင်သင့်ထွန်းညှိပီး သခင်ပလန်လာဝို့ခီဝို စော့မျှော်နေဝို စေခံဝိုမျိုး နေဂေ့လော့။ 36အဲမှဘဲ့ သူ့နို့ရဲ့သခင်ဟ မြင်ဂလာပွဲဟနေ ပလန်လာပီး ခေါ့ပေါ့ဝိုခေါ့ဝိုခါမှာ သူ့နို့ဟ ချင့်ချင်းထပီး ဖွမ့်ပေးနိုင်မှာဖြစ်ရယ်။ 37သူ့နို့ရဲ့သခင်ဟ သူ့စေခံဒွေဝို သူပလန်လာဝိုခီမှာ ဆင်သင့်ပြင်ဆင်ရားဇာဝို တွီ့ရယ်ဆိုဝါ အဲမိုစေခံဒွေဟ ကံကောဆုံးဖြစ်လိမယ်။ ငါမှန်ပြောရမယ်ဆိုဝါ သခင်ဟ ခါးဘတ်ဝိုဆဲပီး အဲမိုစေခံဒွေဝို ဘွဲမှာထိုင်ခိုင်းပီး စားဇာဒွေန တည်ခင်း ကျွေးမွီးလိမယ်။ 38သခင်ဟ ဂေါ်ယံခီမှာ ဖြစ်စေ၊ မွန်းဒဲ့ထမှာဖြစ်စေ ပလန်လာမယ်ဆိုဝိုဂိုမှ သူ့စေခံဒွေဟ ဆင်သင့်ပြင်ရားဇာဝို တွီ့ရယ်ဆိုဝါ အဲမိုစေခံဒွေဟ ရားဒိုင်းကံကောလိမယ်။ 39အီပိုင်ရှင်ဟ ခိုးဟယ်ခီလာမယ်ဆိုဇာဝို ကြိုသိရယ်ဆိုဝါ သူဟ နိုးနိုးကြားကြားနေရိတွက် ခိုးဝို သူ့အီထဲဝို ဝမ်ပီးခိုးခွမ့်ပြုမှာမုဝ။ 40အဲဂျော့ နန်းနို့လဲ ခီမရွှေး ဆင်သင့်ပြင်ရားဂေ့ပါ။ ဟဲဂျော့ဆိုဝါ လူ့သားတော်ဖြစ်ဝို ငါဟ နန်းနို့ထံမှတ်ထားဘဲဝို ခီမှာ ပလန်ကြွလာမှာဖြစ်ရယ်” ဆိုပီး မိတော်မူလေရယ်။
41အဲခါမှာ ပေတရုဟ ကိုယ်တော်ယေရှုဝို “အယ်မိုပုံဥပမာဝို ကျနော်ဒို့တွက် မိတော်မူဝိုဇာလော အဲမျိုးမုဘဲန ခြားလူဂူလုံးတွက်လော” ဆိုပီး မေးလေရယ်။
42အဲခါမှာ ကိုယ်တော်ဟ “ငါ အယ်မိုဇာဝို ဂူလုံးတွက် ပြောဇာဖြစ်ရယ်။ ခြားစေခံဒွေဝို ကျွေးမွီးပြုဇုပီး သင့်လျော်ဝိုခီမှာ သူ့နို့တွက် စားဇာပေးဝို့ သခင်ခန့်အပ်ထားနိုင်ဝို ပညာရှေ့ပီး သစ္စာရှေ့ဝို စေခံဝိုမျိုး ဖြစ်ဂေ့လော့။ 43သခင်အီပလန်ရော့လာဝိုခါမှာ အဲမိုစေခံဟ သူ့လုပ်ဝို ကောကောလုပ်နေဇာဝို ဗြင်ဝိုခါမှာ အဲမိုစေခံဟ ကံကောလိမယ်ဖြစ်ရယ်။ 44နန်းနို့ဝို ငါပြောရှင်ဇာဟ သူဟ သူ့မှာရှေ့ဝို ပစ္စည်းဥစ္စာဂူလုံးဝို စေခံဝို အပ်နှံပီး စော့ရှော့ဇေလိမယ်ဖြစ်ရယ်။ 45အယ်ဘေမဲ့ အဲမိုစေခံဟ ‘ငါ့သခင်ဟ ပလန်လာမှာ မုသေးရ’ ဆိုပီး တွီးပီး ခြားစေခံဒွေဝို ရိုက်ပီး သော့စားမူးယစ်နေမယ်ဆိုဝါ 46အဲမိုစေခံရဲ့ သခင်ဟ သူမျှော်လင့်ဘဲဝိုနေ့ န သူသိဘဲဝိုခီမှာ ရော့လာပီး သူ့ဝိုပြင်းပြင်းထန်ထန် အပြစ်ပေးပီး သစ္စာမှေ့ဘဲဝိုသူဒွေနတူတူ ထားလိမယ်ဖြစ်ရယ်။
47သခင်ရဲ့လိုတော်ဝို သိသိရီးန ပြင်ဆင်ရားဇာမှေ့ဘဲဝိုစေခံဟ ပြင်းပြင်းထန်ထန် ရိုက်ဇာခံရလိမယ်ဖြစ်ရယ်။ 48အယ်ဘေမဲ့ သခင်ရဲ့လိုတော်ဝို သိဘဲန ပြစ်လုပ်မိဝို စေခံဟ နဲနဲဘဲ့ ရိုက်ဇာခံရလိမယ်။ အဲမိုတိုင်းဘဲ့ များများပေးဇာခံရဝိုလူဟ တာဝန်ဒွေပိုပီး ရှေ့လိမယ်။ ပိုပီး ယုံကြည်အပ်နှံဇာဒွေ များများရှေ့ရားဝိုလူဒွေဟ များများတောဆိုဇာဝို ခံရလိမယ်။” ဆိုပီး မိတော်မူလေရယ်။
ကိုယ်တော်ယေရှုရဲ့ဒန်းဂါးဂျော့ လူဒွေဂျားမှာ ဘောထားကွဲလွဲမှုဖြစ်ဇေခြင်း
(ရှင်မဿဲ ၁၀.၃၄-၃၆)
49အဲနော့ ကိုယ်တော်ဟ “ငါဟ အယ်မိုလောကမှာရှေ့ဝို လူဒွေဝို ဝို မီးဝိုမျိုး ရားစီရင်ဝို့ လာဇာဖြစ်ရယ်။ အယ်မိုမီးဟ စပီးသားဖြစ်ဝို့ဂိုမှ ငါလိုရှေ့ရယ်။ 50ငါဟ မကြာခံမှာ ပြင်းထန်ဝို ဒုက္ခဝေဒနာ န သေခြင်းဖြစ်ဝို နှစ်ခြင်းမြင်ဂလာတခုဝို ခံယူရဦးမယ်။ အဲမိုဇာ မပီးဆုံးခံထိ ငါဟ ရားဒိုင်းသောက ရော့နေရဦးမယ်။ 51ငါဟ အယ်မိုလောကဝို ငြီးချမ်းရေးပေးဝို့ လာရယ်ဆိုပီး ထံနေဂေ့လော။ အဲမျိုးမုဝ။ နန်းနို့ဝို ငါပြောမယ်၊ ငါဟ လူဒွေဂျားမှာ ကွဲပြားဇေဝို့ လာဇာဖြစ်ရယ်။ 52ခုဟနေစပီး ငါ့ဂျော့ လူငါးယော့ရှေ့ဝိုအီတအီမှာ လူသုံးယော့ဟ လူနှေ့ယော့ဝိုရော၊ လူနှေ့ယော့ဟ လူသုံးယော့ဝိုရော ချင်းချင်း ဆန့်ကျင်တိုက်ခိုက်ပီး ကွဲပြားဂေ့လိမယ်။ 53ဖ န သား၊ မိ န မီး၊ ယော့ခမ န ချွေးမဒွေဟလဲ ငါ့ဂျော့ သူ့နို့ချင်းချင်း ဆန့်ကျင် ကွဲပြားဂေ့လိမယ်” ဆိုပီး မိတော်မူလေရယ်။
ခီခါဝို သိရှေ့နားလည်ခြင်း
(ရှင်မဿဲ ၁၆.၂-၃)
54အဲနော့ ကိုယ်တော်ဟ လူအုပ်ဂီးဝို “နန်းနို့ဟ နော့ရပ်ဟနေ မိုးတီတက်လာဇာဝို ဗြင်ဝိုခါမှာ မိုးဝါဝေါ့မယ်ဆိုပီး ချင့်ချင်းပြောတတ်ဂေ့ရယ်၊ နန်းနို့ ပြောမျိုးဘဲ့ ဖြစ်ရားရယ်” ဆိုပီး မိတော်မူလေရယ်။ 55အဲနော့ “တော်ရပ်ဟ လေတိုက်လာရင်လဲ ရာသီဥတု ပူပြင်းလာဝေါ့မယ်ဆိုပီး နန်းနို့ပြောဂေ့လိမယ်။ နန်းနို့ ပြောမျိုးဘဲ့ ဖြစ်လာရယ်။ 56သူတော်ဂေါယော်ဆော်နေဝိုသူဒွေ၊ နန်းနို့ဟ ကောကံ န ဘာမလေဂီးဝို ကေ့ပီး ရာသီဥတုဝို ခန်းမှန်းနိုင်ဂေ့ဘေမဲ့ ခုကာလမှာ ဖြစ်ပျစ်နေဝို ဖြစ်ပျစ်ဒွေရဲ့ ဓိပ္ပါယ်ဝို ဟဲဂျော့ နားလည်ဂေ့ဘဲနူး။
57နန်းနို့ဟ မှန်ကန်ဝိုဇာဒွေဝို လုပ်ဆော်ဝို့ ဟဲရာဂျော့ ကိုယ့်ကိုယ်ကိုယ် ဆင်ခြင်သုံးသပ်နိုင်ဂေ့ဘဲနူး။ 58ယော့ယော့ဟ နန့်ဝို ရားစွဲဝို့ ရားရုံးဝိုခေါ်ဝါးရယ်ဆိုဝါ ရားရုံးဝို မရော့ခံလမ်းမှာကိုယ်တိုင် ကြိုညှိပီး ကျေအေးခိုင်းဝို့ ကြိုးစားဂေ့လော့။ အဲမျိုးမုဝဆိုဝါ သူဟ နန့်ဝို ရားသူဂီးဆီဝို ခေါ်ဝါးရိဂျော့ ရားသူဂီးဟ နန့်ဝို ပြစ်ဒဏ်ခလပီး ရဲဒွေဟ နန့်ဝို ထော်ခလလိမယ်။ 59ငါပြောရှင်ဇာဟလောဝါ နန်ပေးရမဲ့ ကြွေးဒွေဂူလုံးဝို ပလန်မဆပ်နိုင်မချင်း နန်ထော်ထဲဟနေ ထွက်ရမှာမုဝ” ဆိုပီး မိတော်မူလေရယ်။
Currently Selected:
ရှင်လုကာ 12: TVN
Highlight
Share
Copy
Want to have your highlights saved across all your devices? Sign up or sign in
Dawei (ထားဝယ်) Bible by Beyond Translation is licensed under Creative Commons Attribution-ShareAlike 4.0 License.
ရှင်လုကာ 12
12
ခန်း (၁၂)
ဗြိတော်ဒွေဝို ကိုယ်တော်ယေရှုဒိပေးခြင်းန အားပေးခြင်း
(ရှင်မဿဲ ၁၀.၂၆-၂၇)
1အဲမိုဇာဒွေဖြစ်ပျစ်နေဝိုခီမှာ လူရေတွက်ထော်နချီဝို လူအုပ်ဂီးဟ စုလာဂေ့ရိတွက် သူ့နို့ဟ သူ့နို့ချင်းချင်း တက်နန်းမိမလိုဂိုဖြစ်နေဂေ့ရယ်။ ကိုယ်တော်ယေရှုဟ သူရဲ့ဗြိတော်ဒွေဝို ပထမဦးဆုံး မိကြားဇာဟ “ဖာရိရှဲဒွေမျိုး သူတော်ဂေါယော်ဆော်သူဒွေ ဖြစ်မလာဇေဝို့ ဒိထားပါ။ သူ့နို့ရဲ့ ဆိုးညစ်ဝိုလွမ်းမိုးမှုဒွေဟ မုမှာ တဆေးပျံ့နှံ့သွားဝိုမျိုး ခြားသူဒွေဆီဝို ပျံ့နှံ့သွားတတ်ရယ်။ 2လူဒွေ ဖုံးကွယ်ရားဇာမှန်သမျှဝို ဘုရားရှင်ဟ ဖော်ထုလိမယ်။ ဘုရားရှင်ဟ သူ့နို့ ဖွက်ဝို့ကြိုးဇားဇာမှန်သမျှဝို ဖော်ထုလိမယ်။ 3အဲဂျော့ နန်းနို့ လျှို့ဝှက်ပီး ပြောရားဇာမှန်သမျှဝို လူဒိုင်းသိဂေ့ရလိမယ်။ နန်းနို့ဟ ခန်းထဲမှာ တိုးတိုးရားပြောရားဇာမှန်သမျှဟလဲ လူဒွေဂျားမှာ ထုဖော်ပြောနေမျိုး ဖြစ်လာလိမယ်” ဆိုပီး မိတော်မူလေရယ်။
ဘုရားရှင်ဝို ကြော့သင့်ကြော ကိုယ်တော်ယေရှုသန်ကြားပေးခြင်း
(ရှင်မဿဲ ၁၀.၂၈-၃၁)
4ထပ်ပီး ကိုယ်တော်ဟ “မိဆွေဒို့၊ နန်းနို့ဝို ငါပြောရှင်ဝိုဇာဟ နန်းနို့ရဲ့ခန္ဓာကိုယ်ဝို သတ်နိုင်ဝိုလူဒွေဝို ကြော့ဇာမလိုရ၊ သူ့နို့ဟ နန်းနို့ရဲ့ ခန္ဓာကိုယ်ဝိုဘဲ့ သတ်နိုင်ပီး ခြားဟဲမျိုးရာဝိုမှ သတ်နိုင်ရ။ 5အယ်ဘေမဲ့ နန်းနို့ကြော့ရဝိုသူဟ ဘုရားရှင်ဘားဒဲဘဲ့ရှေ့ရယ်။ ဘုရားရှင်ဟ နန်းနို့ရဲ့သက်ဝို သတ်နိုင်ဝိုပြင် ငရဲထဲဝို နန်းနို့ဝို ပစ်ခလနိုင်စွမ်းရှေ့ရယ်။ အဲဂျော့ ဘုရားရှင်ဝို ကြော့ဂေ့လော့။ 6စာရား#12.6 စာရား စာရားဆိုဇာဟ အဲခေတ်ဒူးဟ ဆင်းရဲသားဒွေစားဝို ပုံမှန်တွေ့ရလေ့ရှေ့ဝို ငှက်ငယ်တစ်မျိုးဖြစ်ရယ်။ ငါးဂေါ်ဝို အဿရိဒန်းဂါး#12.6 အဿရိဒန်းဂါး နေ့လုပ်အားခနညီဝို ဒေနာရီ ဒန်းဂါးရဲ့ ၁၆ပုံ၁ပုံ န တန်ဖိုးညီမျှဝို ရောမကြေးဒန်းဂါး နှေ့ပြားန ရောဝိုဇာဝို နန်းနို့သိရလော၊ အယ်ဘေမဲ့ ဘုရားရှင်ဟ အဲမိုငှက်တဂေါ်ချင်းစီဂိုမှ ဂရုစိုက်ဝို့ ဒိရတော်မူရယ်။ 7နန်းနို့တွက်ကလလောဝါ ဘုရားရှင်ဟ နန်းနို့ခေါပေါ်ဟ ဆန်းဘမ်ရေတွက်ဂိုမှ သိတော်မူရယ်။ အဲဂျော့ နန်းနို့ဟ ဘုရားရှင် တွက်ကလလောဝါ စာရားဒွေထက် ပိုတန်ဖိုးရှေ့ရိတွက် စိုးရီဂေ့ပါန။” ဆိုပီး မိတော်မူလေရယ်။
လူဒွေရှေ့ မေရှိယဝို ဝန်ခံခြင်း
(ရှင်မဿဲ ၁၀.၃၂-၃၃။ ရှင်မဿဲ ၁၀.၁၉-၂၀၊ ၁၂.၃၂)
8“နန်းနို့ဝို ငါပြောမယ်။ ငါ့ရဲ့ဗြိတော်ဖြစ်န လူဒွေရှေ့မှာ ဝန်ခံဝိုလူဝို လူ့သားတော်ဖြစ်ဝို ငါဟလဲ ဘုရားရှင်ရဲ့ နတ်ဒေဝါဒွေရှေ့မှာ သူဟ ငါ့ဗြိတော်ဖြစ်ကြောဝို ဝန်ခံမယ်။ 9အယ်ဘေမဲ့ လူဒွေရှေ့မှာ ငါ့ဝို ငြင်းပယ်ဝိုသူဝို ဘုရားရှင်ရဲ့ နတ်ဒေဝါဒွေရှေ့မှာ လူ့သားတော်ဟ အဲမိုသူဝို ငြင်းပယ်လိမယ်ဖြစ်ရယ်။ 10လူ့သားတော်ဖြစ်ဝို ငါ့ဝို စော်ဂါးပြောဆိုဝို ဟယ်သူမဆိုဝို ဘုရားရှင်ဟ ခွမ့်လွှတ်နိုင်ပေမဲ့ သူ့ရဲ့ဉာဏ်လင်းတော်ဝို ပြစ်မှားစော်ဂါးပြောဆိုဝို ဟယ်သူ့ဝိုမှ ဘုရားရှင်ဟ ခွမ့်လွှတ်လိမှာမုဝ။
11နန်းနို့ဝို ဓမ္မာရုံဒွေ၊ ကြီးကဲဒွေန အုပ်ချုပ်သူဒွေရဲ့ ရှေ့မှာ စီရင်ဝို့ ခေါ်ဆော်ဇာခံရဝိုခါမှာ နန်းနို့ဟ ဟဲမျိုးပြောဆိုရမယ်၊ ကိုယ့်ကိုကိုယ် ဟဲမျိုး ခုခံကာကွယ်ရမယ်ဆိုဇာဝို စိုးရီဂေ့ပါန။ 12ဟဲဂျော့ဆိုဝါ အဲခီမှာ နန်းနို့ဟဲမျိုး ချေပထွက်ဆိုရမယ်ဆိုဇာဝို ဉာဏ်လင်းတော်ဟ သွန်သန်ပေးလိမယ်ဖြစ်ရယ်။” ဆိုပီး မိတော်မူလေရယ်။
ဌေးမိုက် ပုံဥပမာ
13အဲနော့ လူအုပ်ဂီးထဲဟ လူတယော့ဟ ကိုယ်တော်ယေရှုဝို “ကိုယ်တော်၊ ဖေဟ ကျနော်ဒို့တွက် ချန်ရားရစ်ဝို မွီခွဲပေးဝို့တွက် ကျနော်ရဲ့အစ်ကိုဝို ပြောပြပေးတော်မူပါ” ဆိုပီး ရှော့တံလေရယ်။
14အဲခါ ကိုယ်တော်ယေရှုဟ “မိဆွေ၊ နန်းနို့နှေ့ယော့ဂျားမှာ မွီခွဲဝီပိုင်ဝို့ ငါ့ဝို ဟယ်သူဟ ရားသူဂီးဖြစ် ခန့်အပ်ရားနူး” ဆိုပီး ပလန်လည်မိတော်မူလေရယ်။ 15အဲနော့ ကိုယ်တော်ဟ လူထုဝို “လောဖကီးဂေ့န။ နန်းနို့ရဲ့သက်ဟ ပစ္စည်းဥစ္စာကြွယ်ဝမှုပေါ်ဝို မူတည်နေဇာ မုဝဆိုဇာဝို ဒိထားဂေ့” ဆိုပီး မိတော်မူလိုက်ရယ်။
16အဲနော့ ကိုယ်တော်ဟ သူ့နို့ဝို ပုံဥပမာတခုန မိတော်မူဝိုဇာဟ၊ “ခါဒူးဟ လယ်ယာတခုမှာ ကော့ပဲသီးနှံ ထွက်ကောဝို ဌေးတစ်ယော့ရှေ့လေရယ်။ 17သူဟ ‘ငါ ဟဲမျိုးလုပ်ရင်ကောမယ်နူး ၊ ငါ့မှာအယ်သီးနှံဒွေ ဂူလုံးဝိုသိုလှော်ဝို့ လုံလော့ဝိုနေရာမှေ့ရ’ ဆိုပီး တွီးတောနေလေရယ်။
18အဲနော့ သူဟ ‘ငါဟဲမျိုးလုပ်ရဟို့နူးဆိုဇာဝို သိပီ၊ ငါဘားကျီဟောဒွေဝို ဖြိုဖျစ်ပီး ထွက်တိုးလာဝို ဘားဒွေန ငါ့ပစ္စည်းဒွေဂူလုံးဝို သီးရားနိုင်ဝို ပိုပီးကီးဝို ဘားကျီသစ်တစ်ခုဆော့လိုက်မယ်။ 19အဲဆိုဝါ ငါ့မှာ နော့ထပ်နှစ်များဂီးတွက် လုံလော့ဝိုဇာဒွေ သီးရားပီးဖြစ်ရိတွက် ခုဟနေစပီး သက်သော့သက်သာန နားယူပီး စားလိုက်၊ သော့လိုက်န ပျော်ပျော်နေဝေါ့မယ်။’ ဆိုပီး တွီးနေလေရယ်။
20အယ်ဘေမဲ့ ဘုရားရှင်ဟ သူ့ဝို ‘လူမိုက်၊ အယ်ညစ်မှာဘဲ့ နန်ဟသေရလိမယ်၊ နန်စုဆောရားဝို ပစ္စည်းဥစ္စာဒွေဟ ခြားတယော့ဆီဝို ရော့ရားလိမယ်’ ဆိုပီး မိတော်မူလေရယ်။
21အယ်မိုဇာဟ ဘုရားရှင်ရှေ့တော်မှော့မှာ ကြွယ်ဝချမ်းသာဇာမျိုးမုဘဲန ကိုယ့်တွက်ဘဲ့ ပစ္စည်းဥစ္စာဒွေ သိုရားပီး ချမ်းသာကြွယ်ဝရယ်ဆိုပီး ကိုယ့်ကိုကိုယ်ထံနေဂေ့ဝိုလူဒွေ ကြုံတွီ့ရမဲ့ဇာဒွေဘဲ့ဖြစ်ရယ်” ဆိုပီး မိတော်မူလေရယ်။
စိုးရီဂေ့ပါန
(ရှင်မဿဲ ၆.၂၅-၃၄)
22အဲနော့ ကိုယ်တော်ယေရှုဟ ဗြိတော်ဒွေဝို “အဲဂျော့ နန်းနို့ဝို ငါပြောမယ်။ နန်းနို့ရဲ့ဘဝရှင်သန်ဝို့တွက် နန်းနို့ဟဲရာဝို စားရမယ်၊ နန်းနို့ ဟဲရာဝိုဝတ်ရမယ် ဆိုဇာဝို စိုးရီဂေ့ပါန။ 23ဟဲဖြစ်ရိနူးဆိုဝါ စာထက် သက်ဟပိုပီး ရေးကီးရယ်။ ဝတ်ထက် ခန္ဓာကိုယ်ဟ ပိုပီးရေးကီးရယ်။ 24ကလီးဂန်းဒွေဝိုကေ့ကေ့ပါ၊ သူ့နို့ဟ စိုက်ပျိုးဇာရော၊ ရိသီးဇာရောလုပ်ဂေ့ရ၊ သိုလှော်ဝို့ ဘားကျီဒွေလည်းမှေ့ရ၊ အယ်ဘေမဲ့ ဘုရားရှင်ဟ သူ့နို့ဝို ကျွေးမွီးရားရယ်၊ နန်းနို့ဟ အဲမိုငှက်ဒွေထက် ပိုပီးတန်ဖိုးရှေ့ဂေ့ရယ်။ 25စိုးရီပူပန်နေရိ နန်းနို့ရဲ့သက်ဝို နာရီလော့ဂိုမှ ပိုရှယ်ရားဇေရိလော။ 26နန်းနို့ဟ အယ်မို သေးငယ်ဝို ကိစဒွေဝိုဂိုမှ တတ်နိုင်ဂေ့ဘဲနေရယ်ဆိုဝါ ခြားကိစဒွေဝို ဟဲရာဂျော့ စိုးရီပူပန်နေဂေ့နူး။
27တောရိုင်းပန်းရားဒွေ ဟဲမျိုး ကီးထွားလာရယ်ဆိုဇာဝို ကေ့ဂေ့ပါ။ သူနို့ဟ လုပ်လဲ လုပ်ဂေ့ရ၊ ဝတ်လဲချုပ်ဂေ့ရ၊ အယ်ဘေမဲ့ နန်းနို့ဝို ငါပြောရှင်ဝိုဇာဟ ရှောလမုန် မန်းဂီးမှာဂိုမှ အဲမိုပန်းဒွေမျိုး လှပတင့်တယ်ဝို ဝတ်စားဒွေ မှေ့ရ။ 28ယုံကြည်ခြင်းအားနည်းဝိုသူဒွေ၊ ဘုရားရှင်ဟ ခီကာလနဲနဲရားဘဲ့ရှင်သန်ပီး နော့ရစ်မှာ မီးထဲဝိုပစ်ခလခံရမဲ့ ဗြစ်ရိုင်းဒွေဝိုဂိုမှ အံ့ဩဝို့ကောလော့အော် လှပတင့်တယ်အော် ဖန်ဇင်းပေးရားရယ်ဆိုဝါ နန်းနို့ဝို ပိုပီးဖန်ဇင်းပေးမယ်မုဝလော။ 29နန်းနို့ဟဲမျိုးစားမယ်၊ ဟဲမျိုးသော့မယ်ဆိုဇာဝိုဘဲ့ စဥ်းစားပီး စိုးရီနေဂေ့ပါန။ 30ဘုရားရှင်ဝို သိဘဲဝိုလူဒွေဟဘဲ့ အဲမိုကိစဒွေတွက် မြဲဒမ်း စိုးရီနေဂေ့ရယ်။ အယ်ဘေမဲ့ ရွှေဗြို့တော်မှာရှေ့ဝို နန်းနို့ရဲ့ အဖဘုရားရှင်ဟ အဲမိုဇာဒွေဝို နန်းနို့လိုအပ်ကြော သိတော်မူရိတွက် အဲမိုတွက် နန်းနို့စိုးရီသင့်ရ။ 31အဲဂျော့ ဘုရားရှင်သာသနာတော်တွက်ဝိုဘဲ့ အာရုံစိုက်ပီး လုပ်ဆော်ဂေ့ပါ။ အဲမှဘဲ့ နန်းနို့လိုအပ်ဇာမှန်သမျှဝို ဘုရားရှင်ဟ ပေးတော်မူပါလိမယ်။”
ရွှေဗြို့တော် စည်းဇိမ်ဥစ္စာ
(ရှင်မဿဲ ၆.၁၉-၂၁)
32ထပ်ပီး ကိုယ်တော်ယေရှုဟ “သိုးငယ်အုပ်စု#12.32 သိုးငယ်အုပ်စု သိုးအုပ်စုငယ်ရား ဆိုဇာဟ ဗြိတော်ဒွေဝိုရည်ညွှန်းဇာဖြစ်ရယ်၊ နန်းနို့ရဲ့ အဖဘုရားရှင်ဟ နန်းနို့ဝို သူ့သာသနာတော်ဝိုပေးဝို့ လိုရှေ့ရိတွက် နန်းနို့ ကြော့ဂေ့ပါန” ဆိုပီး မိတော်မူလေရယ်။ 33နန်းနို့ရဲ့ ပစ္စည်းဥစ္စာဒွေဝို ရောခလပီး ဆင်းရဲသားဒွေဝို ပေးကမ်းစွန့်ကြဲဂေ့ပါ။ အဲမျိုးနီးနဘဲ့ နန်ဟ ထာဝရတည်မြဲနေမဲ့ ပစ္စည်းဥစ္စာဝို နန်ကိုယ်တိုင် ကြိုတံစီစဥ်ထားနိုင်ပါလိမယ်။ နန့်ရဲ့စည်းစိမ်ဥစ္စာဒွေဝို ခိုးဒွေ ရော့နိုင်ဘဲဝို၊ ပိုးမွှားဒွေ ဖျစ်ဆီးနိုင်ဘဲဝို ရွှေဗြို့တော်မှာ သီးရားဂေ့ပါ။ 34ဟဲဂျော့ဆိုဝါ နန်းနို့ရဲ့ဥစ္စာရှေ့ဝိုနေရာမှာ နန်းနို့ရဲ့စိနှလုံးဟလဲ ရော့နေရိဂျော့ဖြစ်ရယ်။
ဒိရှေ့ဝိုစေခံ
35ကိုယ်တော်ဟ ဆစ်ပီး “နန်းနို့ဟ ခါးဘတ်ဝို စေ့စေ့စဲ#12.35 ခါးဘတ်ဝို စေ့စေ့စဲ ဆိုဇာဟ အဲမိုခေတ်မှာ ဂျူးလူမျိုးဒွေဟ ခေမျစ်စိထိရှယ်ဝို ဝတ်ရုံဒွေဝို ဝတ်ဂေ့ရယ်။ ဝတ်ရုံ အော့ခေဝို ခါးထိမတံပီး ခိရားဝို့ ခါးဘတ်ဝို သုံးဝိုဇာဟ လွတ်လွတ်လပ်လပ် လှုပ်ရှားသွားလာနိုင်ဝို့ဖြစ်ရယ်။ပီး မီးအီဝို ဆင်သင့်ထွန်းညှိပီး သခင်ပလန်လာဝို့ခီဝို စော့မျှော်နေဝို စေခံဝိုမျိုး နေဂေ့လော့။ 36အဲမှဘဲ့ သူ့နို့ရဲ့သခင်ဟ မြင်ဂလာပွဲဟနေ ပလန်လာပီး ခေါ့ပေါ့ဝိုခေါ့ဝိုခါမှာ သူ့နို့ဟ ချင့်ချင်းထပီး ဖွမ့်ပေးနိုင်မှာဖြစ်ရယ်။ 37သူ့နို့ရဲ့သခင်ဟ သူ့စေခံဒွေဝို သူပလန်လာဝိုခီမှာ ဆင်သင့်ပြင်ဆင်ရားဇာဝို တွီ့ရယ်ဆိုဝါ အဲမိုစေခံဒွေဟ ကံကောဆုံးဖြစ်လိမယ်။ ငါမှန်ပြောရမယ်ဆိုဝါ သခင်ဟ ခါးဘတ်ဝိုဆဲပီး အဲမိုစေခံဒွေဝို ဘွဲမှာထိုင်ခိုင်းပီး စားဇာဒွေန တည်ခင်း ကျွေးမွီးလိမယ်။ 38သခင်ဟ ဂေါ်ယံခီမှာ ဖြစ်စေ၊ မွန်းဒဲ့ထမှာဖြစ်စေ ပလန်လာမယ်ဆိုဝိုဂိုမှ သူ့စေခံဒွေဟ ဆင်သင့်ပြင်ရားဇာဝို တွီ့ရယ်ဆိုဝါ အဲမိုစေခံဒွေဟ ရားဒိုင်းကံကောလိမယ်။ 39အီပိုင်ရှင်ဟ ခိုးဟယ်ခီလာမယ်ဆိုဇာဝို ကြိုသိရယ်ဆိုဝါ သူဟ နိုးနိုးကြားကြားနေရိတွက် ခိုးဝို သူ့အီထဲဝို ဝမ်ပီးခိုးခွမ့်ပြုမှာမုဝ။ 40အဲဂျော့ နန်းနို့လဲ ခီမရွှေး ဆင်သင့်ပြင်ရားဂေ့ပါ။ ဟဲဂျော့ဆိုဝါ လူ့သားတော်ဖြစ်ဝို ငါဟ နန်းနို့ထံမှတ်ထားဘဲဝို ခီမှာ ပလန်ကြွလာမှာဖြစ်ရယ်” ဆိုပီး မိတော်မူလေရယ်။
41အဲခါမှာ ပေတရုဟ ကိုယ်တော်ယေရှုဝို “အယ်မိုပုံဥပမာဝို ကျနော်ဒို့တွက် မိတော်မူဝိုဇာလော အဲမျိုးမုဘဲန ခြားလူဂူလုံးတွက်လော” ဆိုပီး မေးလေရယ်။
42အဲခါမှာ ကိုယ်တော်ဟ “ငါ အယ်မိုဇာဝို ဂူလုံးတွက် ပြောဇာဖြစ်ရယ်။ ခြားစေခံဒွေဝို ကျွေးမွီးပြုဇုပီး သင့်လျော်ဝိုခီမှာ သူ့နို့တွက် စားဇာပေးဝို့ သခင်ခန့်အပ်ထားနိုင်ဝို ပညာရှေ့ပီး သစ္စာရှေ့ဝို စေခံဝိုမျိုး ဖြစ်ဂေ့လော့။ 43သခင်အီပလန်ရော့လာဝိုခါမှာ အဲမိုစေခံဟ သူ့လုပ်ဝို ကောကောလုပ်နေဇာဝို ဗြင်ဝိုခါမှာ အဲမိုစေခံဟ ကံကောလိမယ်ဖြစ်ရယ်။ 44နန်းနို့ဝို ငါပြောရှင်ဇာဟ သူဟ သူ့မှာရှေ့ဝို ပစ္စည်းဥစ္စာဂူလုံးဝို စေခံဝို အပ်နှံပီး စော့ရှော့ဇေလိမယ်ဖြစ်ရယ်။ 45အယ်ဘေမဲ့ အဲမိုစေခံဟ ‘ငါ့သခင်ဟ ပလန်လာမှာ မုသေးရ’ ဆိုပီး တွီးပီး ခြားစေခံဒွေဝို ရိုက်ပီး သော့စားမူးယစ်နေမယ်ဆိုဝါ 46အဲမိုစေခံရဲ့ သခင်ဟ သူမျှော်လင့်ဘဲဝိုနေ့ န သူသိဘဲဝိုခီမှာ ရော့လာပီး သူ့ဝိုပြင်းပြင်းထန်ထန် အပြစ်ပေးပီး သစ္စာမှေ့ဘဲဝိုသူဒွေနတူတူ ထားလိမယ်ဖြစ်ရယ်။
47သခင်ရဲ့လိုတော်ဝို သိသိရီးန ပြင်ဆင်ရားဇာမှေ့ဘဲဝိုစေခံဟ ပြင်းပြင်းထန်ထန် ရိုက်ဇာခံရလိမယ်ဖြစ်ရယ်။ 48အယ်ဘေမဲ့ သခင်ရဲ့လိုတော်ဝို သိဘဲန ပြစ်လုပ်မိဝို စေခံဟ နဲနဲဘဲ့ ရိုက်ဇာခံရလိမယ်။ အဲမိုတိုင်းဘဲ့ များများပေးဇာခံရဝိုလူဟ တာဝန်ဒွေပိုပီး ရှေ့လိမယ်။ ပိုပီး ယုံကြည်အပ်နှံဇာဒွေ များများရှေ့ရားဝိုလူဒွေဟ များများတောဆိုဇာဝို ခံရလိမယ်။” ဆိုပီး မိတော်မူလေရယ်။
ကိုယ်တော်ယေရှုရဲ့ဒန်းဂါးဂျော့ လူဒွေဂျားမှာ ဘောထားကွဲလွဲမှုဖြစ်ဇေခြင်း
(ရှင်မဿဲ ၁၀.၃၄-၃၆)
49အဲနော့ ကိုယ်တော်ဟ “ငါဟ အယ်မိုလောကမှာရှေ့ဝို လူဒွေဝို ဝို မီးဝိုမျိုး ရားစီရင်ဝို့ လာဇာဖြစ်ရယ်။ အယ်မိုမီးဟ စပီးသားဖြစ်ဝို့ဂိုမှ ငါလိုရှေ့ရယ်။ 50ငါဟ မကြာခံမှာ ပြင်းထန်ဝို ဒုက္ခဝေဒနာ န သေခြင်းဖြစ်ဝို နှစ်ခြင်းမြင်ဂလာတခုဝို ခံယူရဦးမယ်။ အဲမိုဇာ မပီးဆုံးခံထိ ငါဟ ရားဒိုင်းသောက ရော့နေရဦးမယ်။ 51ငါဟ အယ်မိုလောကဝို ငြီးချမ်းရေးပေးဝို့ လာရယ်ဆိုပီး ထံနေဂေ့လော။ အဲမျိုးမုဝ။ နန်းနို့ဝို ငါပြောမယ်၊ ငါဟ လူဒွေဂျားမှာ ကွဲပြားဇေဝို့ လာဇာဖြစ်ရယ်။ 52ခုဟနေစပီး ငါ့ဂျော့ လူငါးယော့ရှေ့ဝိုအီတအီမှာ လူသုံးယော့ဟ လူနှေ့ယော့ဝိုရော၊ လူနှေ့ယော့ဟ လူသုံးယော့ဝိုရော ချင်းချင်း ဆန့်ကျင်တိုက်ခိုက်ပီး ကွဲပြားဂေ့လိမယ်။ 53ဖ န သား၊ မိ န မီး၊ ယော့ခမ န ချွေးမဒွေဟလဲ ငါ့ဂျော့ သူ့နို့ချင်းချင်း ဆန့်ကျင် ကွဲပြားဂေ့လိမယ်” ဆိုပီး မိတော်မူလေရယ်။
ခီခါဝို သိရှေ့နားလည်ခြင်း
(ရှင်မဿဲ ၁၆.၂-၃)
54အဲနော့ ကိုယ်တော်ဟ လူအုပ်ဂီးဝို “နန်းနို့ဟ နော့ရပ်ဟနေ မိုးတီတက်လာဇာဝို ဗြင်ဝိုခါမှာ မိုးဝါဝေါ့မယ်ဆိုပီး ချင့်ချင်းပြောတတ်ဂေ့ရယ်၊ နန်းနို့ ပြောမျိုးဘဲ့ ဖြစ်ရားရယ်” ဆိုပီး မိတော်မူလေရယ်။ 55အဲနော့ “တော်ရပ်ဟ လေတိုက်လာရင်လဲ ရာသီဥတု ပူပြင်းလာဝေါ့မယ်ဆိုပီး နန်းနို့ပြောဂေ့လိမယ်။ နန်းနို့ ပြောမျိုးဘဲ့ ဖြစ်လာရယ်။ 56သူတော်ဂေါယော်ဆော်နေဝိုသူဒွေ၊ နန်းနို့ဟ ကောကံ န ဘာမလေဂီးဝို ကေ့ပီး ရာသီဥတုဝို ခန်းမှန်းနိုင်ဂေ့ဘေမဲ့ ခုကာလမှာ ဖြစ်ပျစ်နေဝို ဖြစ်ပျစ်ဒွေရဲ့ ဓိပ္ပါယ်ဝို ဟဲဂျော့ နားလည်ဂေ့ဘဲနူး။
57နန်းနို့ဟ မှန်ကန်ဝိုဇာဒွေဝို လုပ်ဆော်ဝို့ ဟဲရာဂျော့ ကိုယ့်ကိုယ်ကိုယ် ဆင်ခြင်သုံးသပ်နိုင်ဂေ့ဘဲနူး။ 58ယော့ယော့ဟ နန့်ဝို ရားစွဲဝို့ ရားရုံးဝိုခေါ်ဝါးရယ်ဆိုဝါ ရားရုံးဝို မရော့ခံလမ်းမှာကိုယ်တိုင် ကြိုညှိပီး ကျေအေးခိုင်းဝို့ ကြိုးစားဂေ့လော့။ အဲမျိုးမုဝဆိုဝါ သူဟ နန့်ဝို ရားသူဂီးဆီဝို ခေါ်ဝါးရိဂျော့ ရားသူဂီးဟ နန့်ဝို ပြစ်ဒဏ်ခလပီး ရဲဒွေဟ နန့်ဝို ထော်ခလလိမယ်။ 59ငါပြောရှင်ဇာဟလောဝါ နန်ပေးရမဲ့ ကြွေးဒွေဂူလုံးဝို ပလန်မဆပ်နိုင်မချင်း နန်ထော်ထဲဟနေ ထွက်ရမှာမုဝ” ဆိုပီး မိတော်မူလေရယ်။
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dawei (ထားဝယ်) Bible by Beyond Translation is licensed under Creative Commons Attribution-ShareAlike 4.0 License.