ရှာန်လုကာ 1

အခန်း (၁)

သော်ဖိလုပါဆာတ်ပင်းကျိန်း

1လေးစားသထှာဘင်း သော်ဖိလုခင်ဗျား၊ သမီဆာကလောင်းတုံန်းတာတ်ကား အလေသမီဆာတာတ်ကြားဘေ ဘုရားရှာန်အွန်နီဘင်း အံ့ဩသထာတ်မဲဘင်း ထှာရီဘင်းနာတေဒေ ရေးသကြီးရီစီးဘန်းထှာမှာ။ 2အန်ဘင်းဆိတ်တာတ်ကား အန်ဘင်းထှာရီဘင်းတေဒေ အစမှာဟက် ကိုယ်တိုင်ကတုံန်ရီဘင်းဆိတ်တာတ်ကား အန်တာတ်တေ ငှေါကာရီဘင်းအတိုင်း ရေးသဘန်းကာကြီးရီမှာ။ အန်နိမ် ကိုယ်တိုင် ကတုံန်ရီဘင်းဆိတ်တာတ်ကား အန်ဘင်းထှာရီဘင်းတေ‌ဒေ အလေပါ ပြန်သဘန်းဟောသကာရီဘင်း နှုတ်ကပါတ်တော် အစေခံတေထှာကြီးမှာ။ 3အမှာတွာတ် ငါကား အစမှာဟက် ထှာရီဘင်းနာဆွန်ကွန်းတေ ဂရုတစိုက်လေ့လာ စုံစမ်းဒီဘန်း နာန်ပါဘေ အစီစဉ်တကျ ရေးတာန်ဘင်းကား မဲကူညယ်ထာန်သမှာ။ 4အမှာမားဆာ နာန်ဆွောန်ဒီဘင်းနာတေကား ချီမှတ်မှာငှေါဘင်းနာဒေ နာန်မိန်းရှာတ်ခါကူ။

ဝဲငွတ်ပင်းမာန်းဂလာအွန်အီဘင်းအိုးဆကြီးယောဟန် ပန်ကူဘင်း

5ယုဒပြေဘေ ဟေရုဒ်ရှာန်းပလာန် အုပ်ချုပ်သမှါခ့်ခါ အဘိယညယ်ကော်ဘင်း#1:5 အဘိယ - အဘိယငှေါဘင်းနာကား ဂျူးပုရောဟိတ်ဟော်ဝါနာမယ်ထှာဘန်း ဟိန်ကား ဂျေရုဆလင်ဘင်းဗိမာန်တော်ဘေ အမှုတော်အွန်တင်အတွာတ် ဖွဲ့သပဲဘင်း ဂျူးပုရောဟိတ် ၂၄ဖွဲ့နောင်းဟက် တစ်ဖွဲ့ဘင်း အဖွဲ့ဝင်ဟော်ဝါထှာမှာ။ ပုရောဟိတ်အဖွဲ့နောင်းဘေ ဇာခရိညယ်ကော်ဘင်း ဂျူးပုရောဟိတ်#1:5 ဂျူးပုရောဟိတ် - ဂျူးပုရောဟိတ်ငှေါဘင်းနာကား သမီဆာတာတ်ကိုယ်စား ဘုရားရှာန်ဒေ ပူဇော်သအီထှာဘင်း ဟလောဝါဟော်ဝါထှာမှာ။ ဟိန်ကား သမီဆတာတ်အတွာတ် တခြားဘင်း ဓလေ့ရိုးရာတေဒေရီးဒါး အွန်အီထှာမှာ။ ဟော်ဝါထှာမှာ။ ဟိန်အိတ် ဧလိရှဗက်ရီးဒါး အာရုန်ညယ်ကော်ဘင်း#1:5 အာရုန် - အာရုန်ငှေါဘင်းနာကား မောရှေအမူးထှာဘန်း အစ္စရေးတာတ်ပင်း ပထမဆုံးပုရောဟိတ်ထှာမှာ။ ဂျူးပုရောဟိတ်ဆွန်ကွန်းကား ဟိန်ဟက်ဆပ်နီလားထှာမှာ။ ပုရောဟိတ်မျိုးရိုးဟက် ဆပ်နီဘင်းဆိတ် ထှာမှာ။ 6အန်တာတ်ကလိန်းဟူးကား ဘုရားရှာန်ပညက်တော်တေဒေ အမှားအဘိုကွန်း လိုက်နာသကြီးရီဘင်းအတွာတ် ဘုရားရှာန်မန်းဘေ ဖြောင့်မတ်သောသူများ#1:6 ဖြောင့်မတ်သဘင်းဆိတ် - ဘုရားရှာန်ဘင်း ပညတ်တော်တေအတိုင်း နင်းဘင်းဆိတ်။ ထှာကြီးမှာ။ 7အန်နိမ်စါန်းငှေါဒီ အန်တာတ်ကား ဆာဆအိတ်အဘိုကြီးယား။ ဟမာန်တွာတ်ငှေါဘန်းတာတ်ငှေါ ဧလိရှဗက်ကား မြုံသနင်းဘင်းအတွာတ်ထှာဘန်းနာ အန်တာတ်ကလိန်းဟူးရီးဒါး အဆာတ်တုံန်းဘန်းနာ အကြီးကျယ်ကွန်းထောင်သနင်းဘန်း။

8ရအာမှါခ့်ခါ ဇာခရိဘင်းအဖွဲ့ကား ဗိမာန်တော်ဘင်း#1:8 ဗိမာန်တော် - ဗိမာန်တော်ငှေါဘင်းနာကား ဂျေရုဆလင်မြို့ဘေ၌ငှါဘင်း တစ်ကျောင်းတည်းငှါဘင်း ဂျူးသမီဆာတာတ် ဆုစိန်ဘင်း နေရာထှာမှာ။ ဘုရားရှာန်မန်းဘေ အန်တာတ်ပင်း ပုရောဟိတ်တာဝန်တေဒေ အွန်နင်းမှါခ့်ခါ 9ပုရောဟိတ်တာတ်ပင်း ထုံးတမ်းတာတ်အွန်ဘင်းအတိုင်း ဘုရားရှာန်ဘင်း ဗိမာန်တော်နောင်းပါ ဆာန်ဘန်း သွန်းဘင်းနာတေဒေ သပ်ပန်းပူဇော်သဒင် မဲနုတ်ပန်း မယ်ကြီးမှါခ့်ခါ ဇာခရိကား မယ်လားခံသထှာမှာ။ 10အန်နိမ် ဇာခရိကား သွန်းဘင်းနာတေ‌ယောက် သပ်ပန်းပူဇော်သနွင်းမှါခ့်ခါ သမီဆာတာတ်ကား ဗိမာန်တော်ဝါမ်းနောင်းဘေ ဆုစိန်နင်းကြီးမှာ။

11အန်၌မှါခ့်ခါ ဘုရားရှာန်တာတ်နာန်ဘင်း မဲဘင်းဟမန်းကား#1:11 မဲဘင်းဟမန်း - မဲဘင်းဟမန်းငှေါဘင်းနာကား ဘုရားရှာန်ဘင်း ဆတာန်းတေငှေါကာဒင် ဘုရားရှာန်ဟက်ဒီဘင်း မဲဘင်းဟမန်းထှာမှာ။ သွန်းဘင်းနာတေယောက် ဇာခရိသပ်ပန်းပူဇော်သဘင်း ပလာန်ညာပါဘေ#1:11 ပလာန် - ဘုရားရှာန်ဒေ ပူဇော်သဘင်းစါန် စပ်ပန်း ဇာခရိတေ ကိုယ်ထာန်ကာမှာ။ 12ဇာခရိကား မဲဘင်းဟမန်းဒေ ကတုံန်မှါခ့်ခါ ဟိန်ကား အကြီးကျယ်စါတ်ပန်း ဆန်သဘန်းနင်းနာန်မှာ။ 13အန်နိမ်စါန်းငှေါဒီ မဲဘင်းဟမန်းကား ဟိန်ဒေ “အစာတ်ဆာ ဇာခရိ။ ဟမာန်တွာတ်ငှေါဘန်းတာတ်ငှေါ နာန်ဆုစိန်ဘင်းနာတေ ဘုရားရှာန် သက်ပူမှာ။ နာန်အိတ် ဧလိရှဗက်ကား နာန်အတွာတ် ဆာဟော်ဝါပန်အီကူ။ နာန်ကား ဟိန်ဒေ ယောဟန်ညယ် နာမယ် အီထှာကူ။ 14ဟိန်ပန်မှါခ့်ခါ ဟနိမ် အကြီးကျယ်မွန်းကြီးနိမ် တခြားဘင်းဆိတ်တာတ်ရီးဒါး အကြီးကျယ်မွန်းကြီးထှာကူ။ 15ဟမာန်တွာတ်ငှေါဘန်းတာတ်ငှေါ အန်ဘင်းရှာဆာကား ဘုရားရှာန်မန်းဘေ အကြီးကျယ်အရေးပါသဘင်းဆိတ်ထှာရီကူ။ ဟိန်ကား ဟာ၌မှါခ့်ခါစဲ စပျစ်ဝိုင်ယောက် အရာတ်တေဒေရီးဒါး အူကလားအချီရား။ ဟိန်အပန်ချီမှါခ့်ခါဟက် ဉာဏ်အလင်းတော်ကား#1:15 ဉာဏ်အလင်းတော် - ဆွန်းပါးတစ်ဆူထှာဘင်း အဝါဘုရား၊ ဆားတော်ယောက် ဉာဏ်အလင်းတော်တာတ်ပါသမှာ။ ဉာဏ်အလင်းတော်ကား တတိယအဆူထှာမှာ။ ဟိန်ယောက်အတူတူ ငှါနင်းကူ။ 16ဟိန်ကား အစ္စရေးသမီဆာ ကလောင်းတုံန်းတာတ်တေ အန်တာတ်အပြစ်တေဟက် နောင်တတေလူစိန်းဘန်း အန်တာတ်အရှာန်ထှာဘင်း ဘုရားရှာန်ပါ ပန်းနူလှည့်သဟာန်းစိန်းကူ။ 17ဟိန်ကား ပရောဖက်ဧလိယနိမ်#1:17 ပရောဖက် - ပရောဖက်ငှေါဘင်းနာကား ဘုရားရှာန်ဘင်း မယ်လားတေခံသထှာဘန်း အဓိကအနေယောက်နပ်လားတေ ခံသထှာဘင်း ဘုရားရှာန်ဘင်း အစေခံထှာမှာ။ ဘုရားရှာန်ကား အန်ဘင်းဆိတ်ဟက်တစ်ဆာန့် သမီဆာတာတ်တေ မိန့်သဟာမှာ။ တန်ခိုးတေယောက် အခွာမ်းအာဏာတေငှါဘန်း ဘုရားရှာန်ဘင်း ရှေ့တော်ကာတ်ပင်းဆိတ်ထှာကူ။ ဟိန်ကား အမယ်အဝါယောက် ဆာဆအိတ်တာတ်အဆေင်တေ ပြန်သဘန်းတည့်သစိန်းဘန်းနာ အသက်ခါဘင်းဆိတ်တာတ်တေဒေရီးဒါး ဖြောင့်မတ်သဘင်းသမီဆတာတ်ပင်း ဉာဏ်ပညာတေလူကွန်း ဆွောန်သကာအီကူ။ အမှာတွာတ် သမီဆတာတ်ကား အရှာန်ကြွဒီမှါခ့်ခါ#1:17အရှာန် - အရှာန်ငှေါဘင်းကား ဘုရားရှာန်ယောက်ကိုယ်တော်ယေရှုတေ ဆိုလိုသလားထှာမှာ။ အဘင်းဘေကား ကိုယ်တော်ယေရှုတေ ရည်ရွယ်သလားထှာမှာ။ အဆာန်တာန့် ထှာနင်းကြီးကူ” ညယ် ငှေါမှာ။

18စီးမှါခ့်ခါ ဇာခရိရီးဒါး မဲဘင်းဟမန်းဒေ “အန်နိမ် ထှာရီကူငှေါဘင်းဒေ ငါဟာနိမ် မိန်းရှာတ်ခါရန်ကူတေ။ ဟမာန်တွာတ်ငှေါဘန်းတာတ်ငှေါ ငါယောက် ငါအိတ်ရီးဒါး ကွန်းထောင်သနင်းကြီးဘန်းထှာမှာ” ညယ် သပေါက်ခါန်မှာ။

19အန်၌မှါခ့်ခါ မဲဘင်းဟမန်းရီးဒါး ဟိန်ဒေ “ငါကား ဘုရားရှာန်မန်းဘေ ခစားသထှာဘင်း ဂါဗြေလထှာမှာ။ အဘင်းဆတာန်းမလဲဒေ နာန်ပါဒီဘန်း ငှေါဒင်အတွာတ် ဘုရားရှာန်ကား ငါတေ တာတ်နီလားထှာမှာ။ 20အမှာတွာတ် ငါတူးဒေ နာန်အယုံသဘင်းအတွာတ် အန်ဘင်းတေ အထှာကြီ နာန်ကား တူးအသပေါက်ခါ အသဘန်းနင်းကူ။ ဟမာန်တွာတ်ငှေါဘန်းတာတ်ငှေါ ငါတူးကား အချိန်တန်သမှါခ့်ခါ အဟုတ်မလပ်ထှာရီကူ” ညယ် ငှေါမှာ။

21ဇာခရိယောက် မဲဘင်းဟမန်းတာတ်ကား ဗိမာန်တော်နောင်းဘေ တူးသပေါက်ပန်း နင်းကြီးမှါခ့်ခါ ပြာန်ဘေငှါဘင်း သမီဆတာတ်ကား ဇာခရိဒေ ဒဲဘန်းနင်းကြီးမှာ။ အန်တာတ်ကား ဗိမာန်တော်နောင်းဘေ ဇာခရိဟမာန်တွာတ် မှါတ်ပန်းနင်းမှာငှေါဘင်းနာတေ အံ့ဩသနင်းကြီးမှာ။ 22ဇာခရိ ပြာန်ပါပူရီမှါခ့်ခါ တူးအသပေါက်ရန်ဘန်းဘင်းအတွာတ် ဗိမာန်တော်နောင်းဘေ ငှါနင်းမှါခ့်ခါ ဟိန်ကား စားနူစားနာတေ ကတုံန်ရီမှာညယ် သမီဆာတာတ်ကား နားလည်သကြီးရာန်မှာ။ ဟိန်ကား သမီဆတာတ်တေ သဟူးတေ တာတေယောက်၌ဆာကာဘန်းနာ တူးအသပေါက်ရန်ငှါနင်းမှာ။

23စီးမှါခ့်ခါ ဇာခရိကား ဗိမာန်တော်ဘေ ဟိန်အွန်ထှာကူဘင်း အမှုကိစ္စတေဒေ အွန်စီးမှါခ့်ခါ ဟိန်ကျေမ်းပါ လာန်ဟာန်းဘဲမှာ။ 24အချိန်အစစ်ဆာမှါတ်မှါခ့်ခါ ဇာခရိဘင်းအိတ် ဧလိရှဗက်ပေ ပုတ်ကာန်ရီမှာ။ အမှာတွာတ် ဟိန်ကား ဟာဆတားမှါတ်ကွန်း သမီဆတာတ်ကြားဘေ အလာန်ညယ် အဟာညယ် နင်းမှာ။ 25ဟိန်ကား “ဘုရားရှာန်ကား ငါတေ ပုတ်ကာန်စိန်းရီဘင်းအခွာမ်းတေ အီရီဘန်း၊ ဟိန်ကား ငါတေ အစန်ဘန်း သမီဆာတာတ် စော်ကားအထာန်စစ်ပင်းနာဟက်ရီးဒါး ဖယ်သအီရီဘန်း” ညယ် ငှေါနင်းမှာ။

ယေရှုပန်ကူဘင်းအကြောင်း

26ဧလိရှဗက်ပုတ် ဟုတ်ဆတားငှါမှါခ့်ခါ ဘုရားရှာန်ကား မဲဘင်းဟမန်း ဂါဗြေလတေ ဂါလိလဲပြေဘေငှါဘင်း နာဇရက်မြို့ပါ တာတ်နာန်မှာ။ 27ဟိန်ကား မာရိညယ်ကော်ဘင်း မန်းဆာဟော်ဝါပါလာန်ဘန်း ဆတာန်းတူးဒေငှေါမှာ။ မာရိကား ရှာန်းပလာန် ဒါဝိဒ်မျိုးရိုးဟက်ဆပ်နီဘင်း ယောသပ်ယောက် လာန်ဖာတ်ထုတ်တာန်သပဲနိမ် စေ့စပ်သပဲဘင်း ဆိတ်ရီးဒါးထှာမှာ။ 28မဲဘင်းဟမန်းကား မာရိတေ နှုတ်ဆက်သစီးဘန်း “ဘုရားရှာန်မန်းအီလားခံသထှာဘင်း အီးရှီ။ အရှာန်ကား နာန်ယောက်အတူတူငှါနင်းဘန်း” ညယ် ငှေါမှာ။

29အန်နိမ်စါန်းငှေါဒီ မာရိကား အန်ဘင်းတူးဒေ သက်ပူမှါခ့်ခါ အကြီးကျယ်အဆေင် ရှုတ်သလာန်ဘဲဘန်း မဲဘင်းဟမန်းငှေါဘင်းတူးကား ဟမာန်ဒေငှေါကာတ်မှာ ငှေါဘင်းနာတေ စဉ်းစားသဘန်းနင်းမှာ။ 30စီးမှါခ့်ခါ မဲဘင်းဟမန်းကား ဟိန်ဒေ “အစာတ်ဆာ၊ မာရိ။ ဘုရားရှာန်ကား နာန်တေ မန်းအီဘန်း။ 31နာန်ကား ပုတ်ကာန်ရီဘန်း ဆာဟော်ဝါတေ ပန်နီကူ။ ဟိန်နာမယ်တေ ယေရှုညယ် ကော်ထှာကူ။ 32ဟိန်ကား ကြီးမြတ်သဘင်းဆိတ်ထှာရီဘန်းနာ အကြီးမြတ်ဆုံးထှာဘင်း ဘုရားရှာန်ဘင်း ဆားတော်ညယ်ကော်ကြီးကူ။ ဟိန်အုတ်တာတ်ထှာဘင်း ရှာန်းပလာန်ဒါဝိဒ်နိမ် ဟိန်သမီဆာအမျိုးတာတ်တေ အုပ်စိုးသရန်ဘင်းအခွာမ်းအာဏာတေ အရှာန်ထှာဘင်း ဘုရားရှာန်ကား ဟိန်ဒေအီကူ။ 33ဟိန်ကား ယာကုပ်ပင်းမျိုးနွယ်ထှာဘင်း အစ္စရေးသမီဆတာတ်တေ ရှာန်းပလာန်အနေယောက် အမြဲတမ်းအုပ်ချုပ်သဘန်း ဟိန်နန်းဆာတ်ရီးဒါး ဟာ၌မှါခ့်ခါစဲ တူရာန်ကလားအချီရား” ညယ် ငှေါမှာ။

34အန်၌မှါခ့်ခါ မာရိကား “ငါကား မန်းဆာရှာဟော်ဝါထှာဘင်းအတွာတ် အန်ဘင်းနာကား ဟာနိမ်ညယ် ထှာရန်ကူတေ” ညယ် မဲဘင်းဟမန်းဒေငှေါမှာ။

35မဲဘင်းဟမန်းရီးဒါး “ဉာဏ်အလင်းတော်ကား နာန်ပါဆပ်နီဘန်း အကြီးမြတ်ဆုံးထှာဘင်း ဘုရားရှာန်တန်ခိုးတော်ရီးဒါး နာန်စောက်ပေ ငှါဘန်းနင်းကူ။ အမှာတွာတ် နာန်ပန်နီကူဘင်း မြင့်မြတ်သဘင်းဆာကား ဘုရားရှာန်ဘင်း မြင့်မြတ်သဘင်းဆားတော်ညယ် ကော်လားခံသထှာကူ။ 36နာန်အမျိုးထှာဘင်း ဧလိရှဗက်ကား ကွန်းထောင်ဒီဘင်းအတွာတ် သမီဆတာတ်ကား ရှာဆာအလူရန်နားညယ် ထာန်သနင်းကြီးဒီဒါး အရာတ် ပုတ်ကာန်နင်းလားကား ဟုတ်ဆတားငှါနင်းဘန်း။ 37ဟမာန်တွာတ်ငှေါဘန်းတာတ်ငှေါ ဘုရားရှာန်အတွာတ် အထှာရန်ဘင်းနာ ဟမာန်ကဆဲအဘိုဝါး” ညယ် ငှေါမှာ။

38အန်၌မှါခ့်ခါ မာရိကား “ငါကားဘုရားရှာန်ဘင်း အစေခံဟော်ဝါထှာမှာ။ နာန်ငှေါဘင်းတူးနိမ် ငါစောက်ပေ ဘုရားရှာန်အလိုတော်ငှါဘင်းအတိုင်း ထှာစိန်း” ညယ် ငှေါမှာ။ စီးမှါခ့်ခါ မဲဘင်းဟမန်းရီးဒါး မာရိဟက်ပူလာန်ဘဲမှာ။

ဧလိရှဗက်ပါ မာရိထိန်ကွတ်လာန်ဘင်း

39အမှါတ်ကြီ မာရိကား အဆာန်တာန့်အွန်ဘန်း ဇာခရိနင်းဘင်း ယုဒပြေဘင်း ကယာစောက်ပင်းမြို့တစ်မြို့ပါ ခပ်မြန်မြန်လာန်မှာ။ 40ဟိန်ကား အန်ဘင်းဘေထုတ်မှါခ့်ခါ ဇာခရိကျေမ်းနောင်းဘေဆာန်ဘန်း ဇာခရိအိတ်ထှာဘင်း ဧလိရှဗက်တေ နှုတ်ဆက်တာန်မှာ။ 41မာရိ နှုတ်ဆက်သဘင်းတူးတေ ဧလိရှဗက်သက်ပူမရောက် ဟိန်ပုတ်နောင်းဘင်း ရှာဆာကား ဗြုန်းစားတုံန်း လှုပ်လှုပ်လက်လက်အွန်နီမှာ။ စီးမှါခ့်ခါ ဉာဏ်အလင်းတော်ကား ဧလိရှဗက်စောက်ပေ ထုတ်အီဘန်း 42ဟိန်ကား မာရိတေ “ဘုရားရှာန်ကား နာန်တေ တခြားအီးရှီတေထာတ် ဘုရားရှာန်ဘင်း မန်းအီလားတေ ပိုသောအီခံသထှာဘန်း နာန်ပန်နီကူဘင်း ဆာရီးဒါး မန်းအီလားခံသထှာကူ။ 43အန်နိမ်စါန်းငှေါဒီ ငါအရှာန်ဘင်းအမယ်ကား ငါပါဘေ ထုတ်အီထှာကွန်း ငါကား ဟမာန်တွာတ် အန်နိမ် မန်းအီလားတေ ပိုသောခံသထှာတေ။ 44နာန်ဘင်း နှုတ်ဆက်သဘင်းတူးတေ သက်ပူမယောက် ငါပုတ်နောင်းဘင်းဆာကား မွန်းဘန်း လှုပ်လှုပ်လက်လက်အွန်နီမှာ။ 45ဘုရားရှာန်ဘင်း တူးကား အဟုတ်မလပ် ထှာရီကူညယ် နာန်ယုံကြည်သဘင်းအတွာတ် နာန်ကား မန်းအီလားခံသထှာဘန်း” ညယ် ဆကလားဝါတ်ဆလာတ်တုံန်းယောက်ငှေါမှာ။

မာရိကားဘုရားရှာန်ဒေချီးမွမ်းသဘင်း

46စီးမှါခ့်ခါ မာရိရီးဒါး

“ငါကား ဘုရားရှာန်ဒေ ချီးမွမ်းသမှာ။

47ငါအဆေင်ကား ငါဘင်းကယ်တာန်ရှာန်ဘုရားဘေ ပျော်မွေ့သမှာ။

48ဟမာန်တွာတ်ငှေါဘန်းတာတ်ငှေါ ငါကား ဘုရားရှာန်ဘင်း နိမ့်ကျသဘင်း အစေခံထှာဒီဒါး

ဘုရားရှာန်ကား ငါတေ ယူအီမှာ။

အရာတ်ဟက်စသဘန်း မျိုးဆာတ်အားလုံးတာတ်ကား

ငါတေ ဘုရားရှာန်မန်းအီလား ခံသထှာဘင်းဆိတ်ညယ် ငှေါကြီးကူ။

49ဟမာန်တွာတ်ငှေါဘန်းတာတ်ငှေါ အကြီးကျယ်တန်ခိုးတုံန်းဘင်း ဘုရားရှာန်ကား ငါစောက်ပေ

မဲဘင်းနာတေဒေ အွန်အီစီးဘန်းဘင်းအတွာတ်

ဘုရားရှာန်ဘင်းနာမယ်ကား မြင့်မြတ်တော်မူသမှာ။

50ဘုရားရှာန်ကား ဟိန်ဒေ ရိုသေသဘင်း ဆိတ်တာတ်တေ ခေတ်အဆက်ဆက်

ဟိန်ဘင်း အကြီးကျယ်တုံန်းဘင်းမေတ္တာတော်ဒေ အမြဲတမ်းကာမှာ။

51ဘုရားရှာန်ကား ကိုယ်ကောက်ကိုယ်ချီမှာညယ် မာန်မာနထောင်လွှားသဘင်းဆိတ်တာတ်တေ ဟိန်ဘင်း ဘုန်းတန်ခိုးတော်ယောက် နှိမ့်ချသစိန်းကူ။

52ဘုရားရှာန်ကား အာဏာတုံန်းယောက် အုပ်ချုပ်သဘင်းဆိတ်တာတ်တေ အန်တာတ်ပလာန်စောက်ဟက် တွန်းအက်ပန်း

နိမ့်ချသဘင်းဆိတ်တာတ်တေဒေ မြှောက်စားသကူ။

53အန်နိမ်စါန်းငှေါဒီ ဘုရားရှာန်ကား ယုတ်ခေါ့ပ်နင်းဘင်းသမီဆာတာတ်တေဒေ ယုတ်တင်အတွာတ် မဲဘင်းနာတေဒေအီဟာဒီဒါး

ဆွာမ်းဘင်းဆိတ်တာတ်‌တေဒေ ဟမာန်ကဆဲ အအီညယ် တာတ်ခါန်းမှာ။

54ဘုရားရှာန်ကား ဟိန်ဘင်း မေတ္တာတော်ဒေ ဆတီးလူဘင်းအနေယောက်

ဟိန်အစေခံထှာဘင်း အစ္စရေးသမီဆာတာတ်တေ ကူညီသအီဘန်း။

55အန်ဘင်းကား အလေဘင်း အုတ်တာတ်အတော်တာတ်ထှာကြီးဘင်း

အာဗြဟံယောက်#1:55 အာဗြဟံ - အာဗြဟံဘင်း အရာန်ဦးဆုံးနာမယ်ကား အာဗြံထှာမှာ။ အန်ဘင်းအဓိပ္ပာယ်ကား သမီဆာအမျိုးမျိုးတာတ်ပင်း အဝါထှာမှာညယ် အဓိပ္ပာယ်လူမှာ။ ဟိန်မျိုးဆာတ်တာတ်တေ ဘုရားရှာန်အီပဲဘင်း ကတိထှာမှာ” ညယ် ဘုရားရှာန်ဒေ ချီးမွမ်းသမှာ။

56စီးမှါခ့်ခါ မာရိကား ဧလိရှဗက်ယောက် ဆွန်းဆတားဆာ နင်းမောက်ကြီးဘန်းနာ ဟိန်ကျေမ်းပါ လာန်ဟာန်းဘဲမှာ။

ယောဟန်ပန်ဘင်းယောက် နာမယ်အီဘင်းနာ

57စီးမှါခ့်ခါ ဧလိရှဗက်ကား ရှရှာပန်ကူဘင်း အချိန်ထုတ်မှါခ့်ခါ ဆာဟလောဝါရှာတေပန်မှာ။ 58ဟိန်ဘင်း ကျေမ်းထန်ကစက်တာတ်ယောက် အမျိုးတာတ်ကား ဘုရားရှာန်ကား ဟိန်စောက်ပေ တုံန်းဘင်း အစန်ဘင်းမေတ္တာတရားကာဘင်းနာဒေ သက်ပူကြီးမှါခ့်ခါ ဟိန်ယောက်အတူတူ အကြီးကျယ်မွန်းကြီးမှာ။

59ရှရှာပန်းစီးဘန်း ကောင်ရာတ်လူမှါခ့်ခါ သမီဆတာတ်ကား ရှရှာအရေဖျားလှီးမာန်းဂလာအတွာတ်#1:59 အရေဖျားလှီးမာန်းဂလာ - မောရှေပညတ်ကျမ်းဘေ ရေးသပဲဘင်းအတိုင်း ဟလောဝါရှရှာတာတ်ပေ ပါသဘင်း ထိပ်ဆလေပိုင်းရှရှာတေ ဝါပ်တူဘင်းထှာမှာ။ ထွက် ၁၂:၃ ဒီကြီးမှာ။ စီးမှါခ့်ခါ အန်တာတ်ကား ရှရှာဒေ ဟိန်အဝါဇာခရိဘင်း နာမယ်တေလာဘန်း ဇာခရိညယ် နာမယ်အီကြီးကာတ်မှာ။ 60အန်နိမ်စါန်းငှေါဒီ ရှရှာအမယ်ဧလိရှဗက်ကား ‌“အချီရား၊ ဟိန်ဒေ ယောဟန်ညယ်ကော်ထှာကူ” ညယ် ငှေါမှာ။

61အမှာတွာတ် အန်တာတ်ကား ဟိန်ဒေ “ဟနိမ်အမျိုးနောင်းဘေ အန်နိမ်နာမယ် အဘိုဝါး” ညယ် ငှေါကြီးမှာ။

62စီးမှါခ့်ခါ အန်တာတ်ကား ရှရှာအဝါ ဇာခရိတေ သဟူးတေတာတေယောက်ကာဘန်း ရှရှာဒေ ဟာနိမ်နာမယ် အီကာတ်တေညယ် စိန်ယူကြီးမှာ။ 63ဇာခရိကား ကျောက်ဆန်ပုံးကာတ်မှာတေ စိန်ငါန်ဘန်း ဟိန်ဆာဘင်းနာမယ်ကား ယောဟန်ထှာမှာညယ် ရေးတာန်ဘင်းအတွာတ် အန်ဘင်းဒေ ကတုံန်ဘင်းသမီဆတာတ်ရီး မာန်ဒါတ်မိသနင်းကြီးရာန်မှာ။ 64အန်ကားအချိန်ဘေ ချတ်ချန်းတုံန်း ဇာခရိကား ပြန်သဘန်း တူးသပေါက်ခါန်းရန်ဘန်းနာ ဘုရားရှာန်ဒေ စသဘန်း ချီးမွမ်းသမှာ။ 65ကျေမ်းထန်ကစက်တာတ်ယောက် အမျိုးတာတ်ရီးဒါး အံ့ဩသဘန်း မာန်တာတ်မိသနင်းကြီးရာန်ဘန်း ယုဒပြေ ကယာတစ်လျှောက်ပင်း သမီဆတာတ်ကား ထှာရီဘင်းနာအားလုံးတေ ငှေါနင်းကြီးမှာ။ 66အန်ဘင်းဆတာန်းတေ သက်ပူကြီးဘင်းဆိတ်တာတ်ရီးဒါး အန်ဘင်းအကြောင်းတေ တွေးသဘန်း “အန်ဘင်းရှရှာတုံန်းရီမှါခ့်ခါ ဟာနိမ်သမီဆာ ထှာရီကူသမား” ညယ် ငှေါနင်းကြီးမှာ။ ဟမာန်တွာတ်ငှေါဘန်းတာတ်ငှေါ ဘုရားရှာန်ဘင်းတန်ခိုးတော်ကား ရှရှာယောက်အတူတူ ငှါဘန်းနင်းဘင်းအတွာတ်ထှာမှာ။

ဘုရားရှာန်ဒေ ဇာခရိချီးမွမ်းသဘင်း

67စီးမှါခ့်ခါ ဉာဏ်အလင်းတော်ကား ယောဟန်အဝါ ဇာခရိစောက်ပေ ထုတ်ပန်း ဘုရားရှာန်ဘင်း ဆတာန်းတေ ဟောသကာမှာ။ ဟိန်ကား

68“အစ္စရေးသမီဆာအမျိုးတာတ် ဘုရားရှာန်ထှာဘင်း အရှာန်တေ ငါချီးမွမ်းသမှာ။

ဟမာန်တွာတ်ငှေါဘန်းတာတ်ငှေါ ဘုရားရှာန်ကား ဟိန်သမီဆာအမျိုးတာတ်တေ လွောပ်သစိန်းဒင် ကြွဒီဘန်းထှာမှာ။

69ဘုရားရှာန်ကား ဟိန်အစေခံထှာဘင်း ဒါဝိဒ်မျိုးရိုးဟက် ဆပ်နီဘင်း တန်ခိုးအာဏာတုံန်းဘင်း

ကယ်တာန်ရှာန်တေ အလေအားလုံးအတွာတ် အီရီဘန်း။

70မာအယ်ဟက် ဘုရားရှာန်ကား ဟိန်မယ်ပဲဘင်း မြင့်မြတ်သဘင်းပရောဖက်တာတ်‌တေ မိန့်သည်ဘင်းအတိုင်း

71အဘင်းတန်ခိုးတုံန်းဘင်း ကယ်တာန်ရှာန်ကား အလေနင်း ရန်သူတာတ်ဟက် ကယ်တာန်သလားဆာအချီ

အလေတေ အလိုသဘန်း ယူနီဘင်းဆိတ်တာတ်ဟက် ကယ်တာန်သကူ။

72ဘုရားရှာန်အန်ဘင်းတေ အွန်နီထှာဘင်းကား အလေဘင်းအုတ်တာတ် အတော်တာတ်နင်း ဟိန်ဘင်းမေတ္တာတော်တေ ကာဒင်ယောက်

ဟိန်ဘင်း မြင့်မြတ်သဘင်းသဘောတူသပဲဘင်းဒေ ဆတီးလူဒင်ထှာမှာ။

73ဘုရားရှာန်ကား အလေအုတ်တာတ်အတော်တာတ်ထှာဘင်း အာဗြဟံတေ ကတိအီရီဘင်းအတိုင်း

74အလေတေ အလေဘင်း ရန်သူတာတ်သဟူးဟက် ‌ကယ်တာန်သကူထှာဘန်း

အလေရီးဒါး စါတ်ထှာဘင်းတေအဘိုညယ် ဘုရားရှာန်ဘင်း အမှုတော်တေ အွန်ရန်ကြီးကူ။

75အမှာတွာတ် အလေကား အလေဘင်းဘဝတစ်လျှောက်လုံး ဘုရားရှာန်မန်းဘေ

ဖြောင့်မတ်သဘန်းနာ မြင့်မြတ်သဘန်း အဆာတ်စားဘန်းနင်းရန်ကြီးကူ” ညယ် ဘုရားရှာန်ဒေ ချီးမွမ်းသမှာ။

76စီးမှါခ့်ခါ ဇာခရိကား ဟိန်ဆာရှာတေ

“ငါဆာ၊ နာန်ကား အမြင့်မြတ်ဆုံးထှာဘင်း ဘုရားရှာန်ဘင်း ပရောဖက်ညယ် ကော်လားခံသထှာဘန်း

အရှာန်ဘင်းမန်းဟက် အရာန်လာန်ကာန်ဘန်း အရှာန်ဘင်းလမ်းတေ ပြာန်ဆာန်သအီထှာကူ။

77ဘုရားရှာန်ကား သမီဆာတာတ်အပြစ်တေဒေ ခွာမ်းလွှတ်သဘန်း

ကယ်တာန်သကူငှေါဘင်းနာဒေ နာန်ကား သမီဆာတာတ်တေဒေရီးဒါး ငှေါကာထှာကူ။

78ဘုရားရှာန်ကား အကြီးကျယ်တုံန်းဘင်း မေတ္တာတော်ငှါဘင်းအတွာတ် အလေတေ ကယ်တာန်သကလားထှာမှာ။

အမှာတွာတ် ဘုရားရှာန်ကား အလေတေ ကယ်တာန်သဒင်

မေရှိယအရှာန်ဒေ#1:78 မေရှိယ - မေရှိယငှေါဘင်းနာကား ဟေဘရူးတူးထှာဘန်း အဓိပ္ပာယ်ကား ခန့်အပ်သပဲဘင်းဆိတ်ထှာမှာ။ ဂရိတူးဘေ ခရစ်တော်ညယ်ကော်ဘန်း အဓိပ္ပာယ်ကား ကယ်တာန်ရှာန်ထှာမှာ။ ဘုရားရှာန်ကား ဟိန်ကတိအတိုင်း မေရှိယတေ တာတ်နီလားထှာမှာ။ ရွှေမြို့တော်ဟက် တာတ်နီလားထှာမှာ။

79ဟိန်ကား ဘုရားရှာန်ဒေ အမိန်းရှာတ်ခါညယ် နင်းဘင်းဆိတ်တာတ်ယောက်

ရှီးထှာကူဘင်းဒေ စါတ်ပန်းနင်းကြီးဘင်းဆိတ်တာတ်တေ ကူညီသအီကူ။

ဟိန်လမ်းကာအီဘင်းအတွာတ် အလေကား ငြိမ်းငြိမ်းချမ်းချမ်း နင်းလူကြီးရန်ကူ” ညယ် ငှေါမှာ။

80ယောဟန်ကား အရွယ်လူရီဘန်း ခနုတ်ခနာတ်ချီယောက် ပြေ့စုံသဘင်းဆိတ်ထှာရီမှာ။ စီးမှါခ်ခါ ဟိန်ကား အစ္စရေးသမီဆာတာတ်မန်းဘေ အမှုတော်တေ စသဘန်းအအွန်ချီ သမီဆာထုတ်လားစစ်ပင်းအရပ်ပေ နင်းရီမှာ။

Currently Selected:

ရှာန်လုကာ 1: ZKD

Highlight

Copy