Impakan Sturka 16
16
Manâ ba yan piaia
1Israel luhpia nani sut ba Elim wina takan bara Sin upla iwras tasbaya ra wan. Baha tawanka ba Elim wihki Sainai wal lilkapas ra sa. Witin nani Idsip wina takan ba ra, Zif katka lapta 15 yua aimakan ba kat, witin nani bahara balan. 2Baha upla iwras tasbaya ra, witin nani bui Moses bara Eran wal mapara rangbi aisin. 3Upla nani ba witin nani ra win:
—¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.
4Bara Dawan bui Moses ra win:
—Yang pura wina lî auhi baku plun yakabaisna.#Jn 6.31. Upla nani ba yu bani plun wahbaia taki wabia, yu aiska pata briaia praiska ba kat. Yang kaikan ai daukisa ya yang lâika bîla nani smalkanka ba kat daukbia ba, bara ya sin baku daukras kabia ba. 5Yua 6 ba witin nani taki ai pata wahbi bri kabia, bara baha yua ba yauhka dukiara sin luki wahbi bribia, yu wâl pata.
6Bamna Moses bara Eran wal mita Israel luhpia nani ra win:
—Tutni piua ra, man nani sut kaikma Dawan mita Idsip tasbaya wina mai bri balan ba, 7bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?
8Moses sin ban kau pura praki aisin:
—Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.
9Bara Moses bui Eran ra win:
—Israel luhpia nani ra wis, witin nani sut Dawan mawanra balbia, witin nani rangbi aisin ba Dawan walan bamna.
10Eran kau Israel luhpia nani wal aisi kan ba ra, upla iwras tasbaya ba langnika ra kasbrika kum ra, Dawan prana ba param takan upla nani sut ba kaikan. 11Bara Dawan ba Moses ra aisi, naku win:
12—Israel luhpia nani rangbi aisi kan ba yang walri. Bamna man bui witin nani ra aisi wis: ‘Tutni mani ra witin nani upan piaia bribia. Baku man nani kaikma, yang sika Dawan Gâdkam sna ba.’
13Baha yua tutni ra, tnawira nani pusal sâtka nani ailal bal, ai latka nani ba prak prawan. Bara titan mani ra, diwas laya mukuska witin nani ai kaina kîr bri kan.#Kul K 11.31-32. 14Bara mukus ba lap tiwi diwas laya ba lâwan ningkara, tasba ra kaikan diara pihni tanhta nani ailal kan lî klaswan baku. 15Israel luhpia nani ba baha dîa dukia sapa tânka briras kan, bamna kaikan ba ra kumi bani ai walka ra aisi makabi wali kan: “¿Bara naha na dîa dukia?”#¿Naha na dîa dukia? Hibru nani bui baha nina man-hu mâki kan, bara baha wina nina wala manâ. Moses bui witin nani ra win:
—Naha sika plun, Dawan bui man nani ra piaia maiki ba.#2 Ko 10.3. 16Bara Dawan adarka ba naku daukaia win: Man nani kumi bani, nahki plun piaia sip sma ba praiska ba kat wahbi bris, wamtla bilara upla an ailal ba piaia ba praiska kat. Upla kumi bani pata ba batil kum, apia kaka batil wâl wahbi bris.
17Bara dîa daukaia win ba baku Israel luhpia nani ba daukan. Tila upla nani ba, plun kau ailal wahban, wala nani ba kau wiria wahban, 18sakuna litro ra mangki kulki kaikaia yaban, baku dauki kulkan, ailal wahbi brin uplika nani kau pura lui briras kan, wiria baman wahbi brin uplika nani ba sin apras kan.#2 Ko 8.15. Upla kumi bani witin nahki piaia sip kan ba praiska kat wahbi brin kan.
19Moses kli witin nani ra win:
—Upla kumi bani plun ba sut piaia sa, yauhka dukiara lika suni swiaia apia sa.
20Ban sakuna, upla nani tila ailal kan Moses aisin ba, witin nani bîla walras kan. Bara ai pata ba yauhka piaia dukia wiria suni swin, kuna pata suni swin ba sut liwa baman alkan bara bisbaya sin takan. Bamna Moses lika witin nani wal ai kupia baikan.
21Bara titan bani upla kumi bani dîa piaia kan ba praiska ba kat baman wahbi brin, bara kau dîa tasba ra swin kan ba, yu laptika mita slilki tiki kan. 22Ban sakuna, matlalkahbi yua ba lika, aima wâl prais kau ailal wahbi brin, upla bani dukiara litro walhwal; bara pura kakaira nani ba bal Moses ra maisa pakan. 23Moses pana witin nani ra win:
—Baha sika Dawan mita win baku daukaia. Yauhka ba sabat, Dawan ra luki ris briaia yua,#Ris briaia yua: baha sika ris yua ba. #Imp St 20.8-11. bamna piakaia, dukaia, angkaia, pata nani ba sut naiwa piaki, angki, duki briaia sma. Bara baha wina yauhka piaia pata ba suni swis.
24Bara witin nani lika Moses dîa win ba baku daukan, yauhka piaia pata ba sut suni swin, bara bisbaya takras liwa sin alkras kan. 25Bara Moses bila witin nani ra win:
—Man nani patam suni swiram ba naiwa pis, kan naiwa sika sabat, Dawan ra luki ris briaia yua, naiwa man nani twi ra wama diara sâkma apia. 26Yua nani matlalkahbi yua ba lika, patam nani wahbi briaia sip sma, sakuna yu matlalkahbi pura kumi ba, baha lika sabat ba, baha yua ra lika diara âpu kabia.
27Tila upla nani ba, yu matlalkahbi pura kumi yua ba, ban ai pata wahbaia taki wan, sakuna diara sakras kan. 28Bara Dawan bila Moses ra win:
—¿Ahkia kat man nani bui yang lâika bîla nani ba bara smalkanka nani ba sin, bîli wali daukras ban kama? 29Naha luki kaiks yang Dawan, man nani ra ris yua kum maikri; baha mita yu matlalkahbi yua ra, yu wâl piaia pata ba maikisna. Baha mita yu matlalkahbi pura kumi yua ba man nani kumi bani wamtla ra kaia, wamtla wina takaia apia.
30Bara upla nani ba yu 7 alkan ba ra wark takras takaskan.
31Bara Israel luhpia nani, plun wahbi kan ba pata nina ba manâ#16.31 Bors 15 ra ulban ba laki kaiks. mâkan. Manâ ba pihni kan, wibia kaka starapil mâ baku kan, bara damni sim brit nasma ra buskan baku.#Kul K 11.7-9.
32Bamna Moses win:
—Naha sika Dawan adarka witin win man nani naku daukma: ‘Man nani manâ ba batil wâl banhki dauks, bara baha suni swis masrakam nani ra marikaia dukiara. Witin nani kaikbia, Idsip wina mai saki mai bri balri ba ra, twi ra plun mai dakaki kapri ba.’
33Bara Moses bui Eran ra win:
—Baul kum bris, bara baha bilara manâ batil wâl#Manâ batil wâl: Lalah nani, wirhika nani bara diara nani kulki kaikanka ba ra aisi kaiks. auhbi,#Hib 9.4. bara baha Dawan mawanra kahbi swis. Bara man nani kiamkam nani ra marikaia dukiara suni swin kabia.
34Dawan bui Moses ra daukaia win yaba adarka kat, Eran manâ baulka ba brin ba ra, Dawan lâka auhbaika watla lama ba kat swin, bâra main kaiki kaia dukiara.
35Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.#Jas 5.12.
36(Gomer 10 bara efa kum kulki kan.)#16.36 Lalah nani, wirhika nani bara diara nani kulki kaikanka ba ra aisi kaiks. Gomer ba sika efa wina mangkan.
Currently Selected:
Impakan Sturka 16: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Impakan Sturka 16
16
Manâ ba yan piaia
1Israel luhpia nani sut ba Elim wina takan bara Sin upla iwras tasbaya ra wan. Baha tawanka ba Elim wihki Sainai wal lilkapas ra sa. Witin nani Idsip wina takan ba ra, Zif katka lapta 15 yua aimakan ba kat, witin nani bahara balan. 2Baha upla iwras tasbaya ra, witin nani bui Moses bara Eran wal mapara rangbi aisin. 3Upla nani ba witin nani ra win:
—¡Dawan ba Idsip tasbaya ra iki wan tikan kata kanra yamni kan! Bahara yang nani wîna piakan dakawa lamara iwi pi kapri, wan biara banhki takan ba kat. Sakuna man nani naha upla iwras tasbaya kat, sanglang ni wan iki âpu wan daukaia wan bri balram.
4Bara Dawan bui Moses ra win:
—Yang pura wina lî auhi baku plun yakabaisna.#Jn 6.31. Upla nani ba yu bani plun wahbaia taki wabia, yu aiska pata briaia praiska ba kat. Yang kaikan ai daukisa ya yang lâika bîla nani smalkanka ba kat daukbia ba, bara ya sin baku daukras kabia ba. 5Yua 6 ba witin nani taki ai pata wahbi bri kabia, bara baha yua ba yauhka dukiara sin luki wahbi bribia, yu wâl pata.
6Bamna Moses bara Eran wal mita Israel luhpia nani ra win:
—Tutni piua ra, man nani sut kaikma Dawan mita Idsip tasbaya wina mai bri balan ba, 7bara titan ingbia ra Dawan prana ba man nani kaikma, Dawan mapara man nani rangbi aisaram ba witin walan bamna. ¿Yang nani na ya, bara man nani bui yang nani maipara rangbi aisaia?
8Moses sin ban kau pura praki aisin:
—Tutni ra Dawan bui man nani ra wîna piaia maikbia, bara titan ra sin plun wala ailal piaia maikbia, man nani bui witin ai mapara rangbi aisaram ba witin walan bamna. ¿Man nani aisaram dîa muni yang nani na ya? Man nani lika yang nani maipara rangbi aisaras kapram, sakuna Dawan mapara aisaram.
9Bara Moses bui Eran ra win:
—Israel luhpia nani ra wis, witin nani sut Dawan mawanra balbia, witin nani rangbi aisin ba Dawan walan bamna.
10Eran kau Israel luhpia nani wal aisi kan ba ra, upla iwras tasbaya ba langnika ra kasbrika kum ra, Dawan prana ba param takan upla nani sut ba kaikan. 11Bara Dawan ba Moses ra aisi, naku win:
12—Israel luhpia nani rangbi aisi kan ba yang walri. Bamna man bui witin nani ra aisi wis: ‘Tutni mani ra witin nani upan piaia bribia. Baku man nani kaikma, yang sika Dawan Gâdkam sna ba.’
13Baha yua tutni ra, tnawira nani pusal sâtka nani ailal bal, ai latka nani ba prak prawan. Bara titan mani ra, diwas laya mukuska witin nani ai kaina kîr bri kan.#Kul K 11.31-32. 14Bara mukus ba lap tiwi diwas laya ba lâwan ningkara, tasba ra kaikan diara pihni tanhta nani ailal kan lî klaswan baku. 15Israel luhpia nani ba baha dîa dukia sapa tânka briras kan, bamna kaikan ba ra kumi bani ai walka ra aisi makabi wali kan: “¿Bara naha na dîa dukia?”#¿Naha na dîa dukia? Hibru nani bui baha nina man-hu mâki kan, bara baha wina nina wala manâ. Moses bui witin nani ra win:
—Naha sika plun, Dawan bui man nani ra piaia maiki ba.#2 Ko 10.3. 16Bara Dawan adarka ba naku daukaia win: Man nani kumi bani, nahki plun piaia sip sma ba praiska ba kat wahbi bris, wamtla bilara upla an ailal ba piaia ba praiska kat. Upla kumi bani pata ba batil kum, apia kaka batil wâl wahbi bris.
17Bara dîa daukaia win ba baku Israel luhpia nani ba daukan. Tila upla nani ba, plun kau ailal wahban, wala nani ba kau wiria wahban, 18sakuna litro ra mangki kulki kaikaia yaban, baku dauki kulkan, ailal wahbi brin uplika nani kau pura lui briras kan, wiria baman wahbi brin uplika nani ba sin apras kan.#2 Ko 8.15. Upla kumi bani witin nahki piaia sip kan ba praiska kat wahbi brin kan.
19Moses kli witin nani ra win:
—Upla kumi bani plun ba sut piaia sa, yauhka dukiara lika suni swiaia apia sa.
20Ban sakuna, upla nani tila ailal kan Moses aisin ba, witin nani bîla walras kan. Bara ai pata ba yauhka piaia dukia wiria suni swin, kuna pata suni swin ba sut liwa baman alkan bara bisbaya sin takan. Bamna Moses lika witin nani wal ai kupia baikan.
21Bara titan bani upla kumi bani dîa piaia kan ba praiska ba kat baman wahbi brin, bara kau dîa tasba ra swin kan ba, yu laptika mita slilki tiki kan. 22Ban sakuna, matlalkahbi yua ba lika, aima wâl prais kau ailal wahbi brin, upla bani dukiara litro walhwal; bara pura kakaira nani ba bal Moses ra maisa pakan. 23Moses pana witin nani ra win:
—Baha sika Dawan mita win baku daukaia. Yauhka ba sabat, Dawan ra luki ris briaia yua,#Ris briaia yua: baha sika ris yua ba. #Imp St 20.8-11. bamna piakaia, dukaia, angkaia, pata nani ba sut naiwa piaki, angki, duki briaia sma. Bara baha wina yauhka piaia pata ba suni swis.
24Bara witin nani lika Moses dîa win ba baku daukan, yauhka piaia pata ba sut suni swin, bara bisbaya takras liwa sin alkras kan. 25Bara Moses bila witin nani ra win:
—Man nani patam suni swiram ba naiwa pis, kan naiwa sika sabat, Dawan ra luki ris briaia yua, naiwa man nani twi ra wama diara sâkma apia. 26Yua nani matlalkahbi yua ba lika, patam nani wahbi briaia sip sma, sakuna yu matlalkahbi pura kumi ba, baha lika sabat ba, baha yua ra lika diara âpu kabia.
27Tila upla nani ba, yu matlalkahbi pura kumi yua ba, ban ai pata wahbaia taki wan, sakuna diara sakras kan. 28Bara Dawan bila Moses ra win:
—¿Ahkia kat man nani bui yang lâika bîla nani ba bara smalkanka nani ba sin, bîli wali daukras ban kama? 29Naha luki kaiks yang Dawan, man nani ra ris yua kum maikri; baha mita yu matlalkahbi yua ra, yu wâl piaia pata ba maikisna. Baha mita yu matlalkahbi pura kumi yua ba man nani kumi bani wamtla ra kaia, wamtla wina takaia apia.
30Bara upla nani ba yu 7 alkan ba ra wark takras takaskan.
31Bara Israel luhpia nani, plun wahbi kan ba pata nina ba manâ#16.31 Bors 15 ra ulban ba laki kaiks. mâkan. Manâ ba pihni kan, wibia kaka starapil mâ baku kan, bara damni sim brit nasma ra buskan baku.#Kul K 11.7-9.
32Bamna Moses win:
—Naha sika Dawan adarka witin win man nani naku daukma: ‘Man nani manâ ba batil wâl banhki dauks, bara baha suni swis masrakam nani ra marikaia dukiara. Witin nani kaikbia, Idsip wina mai saki mai bri balri ba ra, twi ra plun mai dakaki kapri ba.’
33Bara Moses bui Eran ra win:
—Baul kum bris, bara baha bilara manâ batil wâl#Manâ batil wâl: Lalah nani, wirhika nani bara diara nani kulki kaikanka ba ra aisi kaiks. auhbi,#Hib 9.4. bara baha Dawan mawanra kahbi swis. Bara man nani kiamkam nani ra marikaia dukiara suni swin kabia.
34Dawan bui Moses ra daukaia win yaba adarka kat, Eran manâ baulka ba brin ba ra, Dawan lâka auhbaika watla lama ba kat swin, bâra main kaiki kaia dukiara.
35Israel luhpia nani ba upla iwras ba tasbaya ra 40 mani manâ baman pi kan, Kenan tasbaya piarkika upla iwi kan ba tasbaya lamara balan ba kat.#Jas 5.12.
36(Gomer 10 bara efa kum kulki kan.)#16.36 Lalah nani, wirhika nani bara diara nani kulki kaikanka ba ra aisi kaiks. Gomer ba sika efa wina mangkan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua