Impakan Sturka 18
18
Jetró Moses ra impaki kaikan
1Jetró, Moses dapnika, Madián prîska ba sturi walan, Gâd nahki Moses tâ baikan ba Israel luhpia nani ra. Witin sin walan, Dawan nahki witin nani ba sin Idsip wina saki bri balan ba. 2Moses bui ai maya Séfora ba mahka blikan kata, bara Jetró ai watla ra brin, 3bara ai luhpia waitna nani wâl bri kan ba sin.#Ap St 7.29. Kumi ba nina Guersón#18.3 Sapta 2.22 bara kli aisi kaiks. mâki kan, tânka ba Moses aisin bara luki nina ba baku mâkan: “Yang na tringsar upla wala tasbaya ra baman wataukisna.”#Imp St 2.21-22. 4Wala ba nina Eliézer#18.4 Hibru ra ulban sa Eliézer, baha tânka ba yang Gâdki ba sika hilpki. mâkan, witin sin aisin kan: “Yang damiki nani Gâdka ba balan yang ra hilp ai munaia, bara king fero war aiklabaia sordka malika ba wina swaki ai sakan.”
5Moses lika upla iwras tasbaya ra ai tintka mâkan kata, Gâd ilka ba lamara. Bara Jetró lika Moses maya mairin ba bara luhpia nani ba aikuki bahara taki wan, witin ba kaikaia. 6Witin Moses ra win:
—Yang, man dampna Jetró, mai kaikaia balri, mayam bara luhpiam waitna wâl sin bri balri.
7Bara Moses taki wih ai dapna lakula daukan. Witin ai dapna ra ai lal bawi lakula dauki alki kiawalan; bara ai lakula daukan ba ningkara, witin nani ai tintka bilara diman. 8Bahara, Moses mita ai dapna ra diara sut takan ba win. Dawan mita Israel luhpia nani tâwan king fero ra bara Idsip uplika nani ra sin dîa munan ba, bara yabal ra trabil nani manis brisata ba, bara Dawan sin nahki natka ra witin nani ra swaki sakata ba sin sut win.
9Jetró lilia takan Gâd nahki Israel luhpia nani ra ai kupia yamni lâka uya marikan ba dukiara. Idsip uplika nani karnika wina swaki sakan ba. 10Bara witin win:
—Dawan ba yamni pali kabia, man nani sut ra, Israel luhpia nani sin swaki mai sakan ba, king fero bara Idsip uplika nani karnika wina; upla tataibra nani ba karnika wina pri mai sakan ba, 11kulkanka lâka âpu saura mai muni kan ba. Nanara yang kaikisna, Dawan ba gâd wala nani sut ba wal kau kanra tara sa.
12Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra.
Moses wihta wala nani saki mangkan ba
(Kli S 1.9-18)
13Yauhka kan, Moses ai iwaika ra wih iwan ba ra, Israel luhpia nani balan, ai trabilka nani dukiara lâ dimaia. Uplika nani ba Moses mawanra yu aiska bâra kan, titan wina tutni kat. 14Ai dapna ba kaiki kan, Moses baku yu aiska upla nani lâka dauki kan ba, bara witin ra win:
—¿Man naha uplika nani wal dîa daukisma? Upla nani man ra aula titan wina tutni kat. ¿Dîa muni man yakan witin nani lâka daukisma?
15Bara Moses pana witin ra win:
—Kan upla nani ba yang ra aula, Gâd lâka nani ba wali ai tânka briaia ba mata. 16Ani piua ra witin nani trabil tilara ai walka wal trabil kum brisa ba ra yang ra aula, yang baha ba luki kaiki bara wimna ani ba ai raitka kau brisa, bara ani ba sin ai swakwanka bri ba. Bamna yang bui witin nani ra Gâd lâka bîla nani smalki wisna.
17Ban sakuna, ai dapna Jetró bui witin ra yabal kum marikan:
—Man daukisma ba yamni apia sa. 18Man swapisma bara uplikam nani sin swapisa. Warkkam ba tara sa, man yakan daukaia ba ban puram luisa. Bamna man yakan warkkam ba sut sip dauki kama apia. 19Yang yabal kum mamrikamna, bamna man aman wals, Gâd sin tâm baikbia. Man yakan upla nani trabilka ba brih, Gâd mawanra waia sma bara witin mawanra mangkaia sma. 20Bara man upla nani ra lâ bîla smalkanka nani smalkaia sma, bara witin nani sin wali tânka briaia sa nahki ai rayaka ra iwi kaia bara dîa dauki kaia ba sin. 21Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia. 22Bara witin nani mita upla nani lâka ba aisi dauki kabia piua bani ra. Bara trabilka tara nani ba lika man ra bri balbia, sakuna trabil sirpi nani ba sut lika witin nani mita lâka ba dauki kabia. Bara baku dauki natka ra, man baha wirhika brisma ba wiria ingni sâkma. Witin nani hilp mai munbia baha wirhika ba bri waia. 23Man naku dauki kama kaka, Gâd bui man ra daukaia mai win ba dauki kama, man swapma apia; baku upla nani ba sin liliakira ai watla nani ra tawi wabia.
24Moses ai dapna bîla walan bara diara sut witin ra win ba baha kat daukan: 25Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia. 26Bara witin nani piua bani upla nani lâka ba dauki kan. Lâ tara nani ba lika Moses ra brih wan, sakuna lâ sirpi nani sut ba lika witin nani mita lâka ba aisi wapni daukan. 27Baha ningkara Moses ai dapna wal ai lakula daukan, bara Jetró ai tasbaya ra mahka kli tawi wan.
Currently Selected:
Impakan Sturka 18: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Impakan Sturka 18
18
Jetró Moses ra impaki kaikan
1Jetró, Moses dapnika, Madián prîska ba sturi walan, Gâd nahki Moses tâ baikan ba Israel luhpia nani ra. Witin sin walan, Dawan nahki witin nani ba sin Idsip wina saki bri balan ba. 2Moses bui ai maya Séfora ba mahka blikan kata, bara Jetró ai watla ra brin, 3bara ai luhpia waitna nani wâl bri kan ba sin.#Ap St 7.29. Kumi ba nina Guersón#18.3 Sapta 2.22 bara kli aisi kaiks. mâki kan, tânka ba Moses aisin bara luki nina ba baku mâkan: “Yang na tringsar upla wala tasbaya ra baman wataukisna.”#Imp St 2.21-22. 4Wala ba nina Eliézer#18.4 Hibru ra ulban sa Eliézer, baha tânka ba yang Gâdki ba sika hilpki. mâkan, witin sin aisin kan: “Yang damiki nani Gâdka ba balan yang ra hilp ai munaia, bara king fero war aiklabaia sordka malika ba wina swaki ai sakan.”
5Moses lika upla iwras tasbaya ra ai tintka mâkan kata, Gâd ilka ba lamara. Bara Jetró lika Moses maya mairin ba bara luhpia nani ba aikuki bahara taki wan, witin ba kaikaia. 6Witin Moses ra win:
—Yang, man dampna Jetró, mai kaikaia balri, mayam bara luhpiam waitna wâl sin bri balri.
7Bara Moses taki wih ai dapna lakula daukan. Witin ai dapna ra ai lal bawi lakula dauki alki kiawalan; bara ai lakula daukan ba ningkara, witin nani ai tintka bilara diman. 8Bahara, Moses mita ai dapna ra diara sut takan ba win. Dawan mita Israel luhpia nani tâwan king fero ra bara Idsip uplika nani ra sin dîa munan ba, bara yabal ra trabil nani manis brisata ba, bara Dawan sin nahki natka ra witin nani ra swaki sakata ba sin sut win.
9Jetró lilia takan Gâd nahki Israel luhpia nani ra ai kupia yamni lâka uya marikan ba dukiara. Idsip uplika nani karnika wina swaki sakan ba. 10Bara witin win:
—Dawan ba yamni pali kabia, man nani sut ra, Israel luhpia nani sin swaki mai sakan ba, king fero bara Idsip uplika nani karnika wina; upla tataibra nani ba karnika wina pri mai sakan ba, 11kulkanka lâka âpu saura mai muni kan ba. Nanara yang kaikisna, Dawan ba gâd wala nani sut ba wal kau kanra tara sa.
12Jetró daiwan kum brih aiska angkan, Gâd ra mayunra dauki yabaia bara prisant wala nani sin brin. Ba ningkara Eran Israel almukka nani sut aikuki balan Moses dapnika wal aikuki plun piaia, Gâd mawanra.
Moses wihta wala nani saki mangkan ba
(Kli S 1.9-18)
13Yauhka kan, Moses ai iwaika ra wih iwan ba ra, Israel luhpia nani balan, ai trabilka nani dukiara lâ dimaia. Uplika nani ba Moses mawanra yu aiska bâra kan, titan wina tutni kat. 14Ai dapna ba kaiki kan, Moses baku yu aiska upla nani lâka dauki kan ba, bara witin ra win:
—¿Man naha uplika nani wal dîa daukisma? Upla nani man ra aula titan wina tutni kat. ¿Dîa muni man yakan witin nani lâka daukisma?
15Bara Moses pana witin ra win:
—Kan upla nani ba yang ra aula, Gâd lâka nani ba wali ai tânka briaia ba mata. 16Ani piua ra witin nani trabil tilara ai walka wal trabil kum brisa ba ra yang ra aula, yang baha ba luki kaiki bara wimna ani ba ai raitka kau brisa, bara ani ba sin ai swakwanka bri ba. Bamna yang bui witin nani ra Gâd lâka bîla nani smalki wisna.
17Ban sakuna, ai dapna Jetró bui witin ra yabal kum marikan:
—Man daukisma ba yamni apia sa. 18Man swapisma bara uplikam nani sin swapisa. Warkkam ba tara sa, man yakan daukaia ba ban puram luisa. Bamna man yakan warkkam ba sut sip dauki kama apia. 19Yang yabal kum mamrikamna, bamna man aman wals, Gâd sin tâm baikbia. Man yakan upla nani trabilka ba brih, Gâd mawanra waia sma bara witin mawanra mangkaia sma. 20Bara man upla nani ra lâ bîla smalkanka nani smalkaia sma, bara witin nani sin wali tânka briaia sa nahki ai rayaka ra iwi kaia bara dîa dauki kaia ba sin. 21Man daukaia sma ba, upla nani tila wina pliki sâks waitna sip nani ba, Gâd sibrinka bri, kunin lâka wal iwras nani ba, ai mana saki briaia natka ra saura dauki pura praki hilp briaia lihkras uplika ba. Bara witin nani kum ra yas upla 1,000 lâka dauki kaia, wala ra upla 100 lâka dauki kaia, wala ra upla 50 lâka dauki kaia, bara wala kum ra upla matawalsip lâka dauki kaia. 22Bara witin nani mita upla nani lâka ba aisi dauki kabia piua bani ra. Bara trabilka tara nani ba lika man ra bri balbia, sakuna trabil sirpi nani ba sut lika witin nani mita lâka ba dauki kabia. Bara baku dauki natka ra, man baha wirhika brisma ba wiria ingni sâkma. Witin nani hilp mai munbia baha wirhika ba bri waia. 23Man naku dauki kama kaka, Gâd bui man ra daukaia mai win ba dauki kama, man swapma apia; baku upla nani ba sin liliakira ai watla nani ra tawi wabia.
24Moses ai dapna bîla walan bara diara sut witin ra win ba baha kat daukan: 25Israel luhpia nani tila wina waitna nani kau sip nani ba bâk kulki sakan, bara witin nani ra karnika yaban, upla daknika nani purara lâ daukaia. Kumi ra upla 1,000 nani yan, wala ra upla 100 nani, wala ra upla 50 nani yan bara wala ra upla nani matawalsip yan lâka daukaia. 26Bara witin nani piua bani upla nani lâka ba dauki kan. Lâ tara nani ba lika Moses ra brih wan, sakuna lâ sirpi nani sut ba lika witin nani mita lâka ba aisi wapni daukan. 27Baha ningkara Moses ai dapna wal ai lakula daukan, bara Jetró ai tasbaya ra mahka kli tawi wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua