Impakan Sturka 20

Lâ nani matawalsip ba

(Kli S 5.1-21)

1Naha bîla nani sut na Gâd aisi, win:

2“Yang sika man Dawan Gâdkam, Idsip tasbaya ra alba kapram ba wina mai sakri ba.

3“Man bui yang tnaiya ra gâd wala nani bripara.

4“Aidul nani kumi sin dauki bripara, diara nani kasbrika purara bâra ba lilka sin apia, diara nani tasba ra bâra ba lilka, diara nani kabu ra bâra ba, baku sin kabu mununhtara bâra nani ba lilka sin apia. 5Baha nani mawanra bawpara, mayunra sin dauki yapara.#Imp St 34.17; Lib 19.4; 26.1; Kli S 4.15-18; 27.15. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna. 6Sakuna baha nani latwan ai kaiki, lâika bîla nani kat dauki nani ba, kiamka tausin nani ra latwan kaikisna.#Imp St 34.6-7; Kul K 14.18; Kli S 7.9-10.

7“Dawan Gâdkam nina ba, diara bahki lâka daukaia dukiara brih mâkpara.#Lib 19.12. Kan witin ai nina diara bahki daukaia dukiara brih mâki nani ba, klala yabras ban pâtka swih tikbia apia sa bamna.

8“Ris yua ba,#Ris yua: baha sika ris yua ba. man nani âmya ra bri kupiam krauki bas, Dawan ra kulkanka yabaia yua ba.#Imp St 16.23-30; 31.12-14. 9Yu matlalkahbi ba man nani wark takma, diara sut daukaia brisma ba baha yua nani ra dauks, 10sakuna yua 7 ba lika ris yua sa, wark takaia apia yua sa. Dawan Gâdkam ra kulkanka yabaia ris yua ba, baha yua ra wark sâtka kumi sin daukpara,#Imp St 23.12; 31.15; 34.21; 35.2; Lib 23.3. luhpiam waitna, luhpiam mairin, albikam waitna, albikam mairin, daiwram nani, upla wala tawankam ra takaski nani ba sin baku daukbiara. 11Kan yu matlalkahbi yua ra, Dawan kasbrika pura ba, tasba, kabu bara diara nani sut ba baha bilka ra paskan bamna, bara yua 7 ba, witin ris brin. Bahamna Dawan bui sabat ba yamni munan, bara aihka saki holikira kulkan sa.#Bla St 2.1-3; Imp St 31.17.

12“Man aisikam bara man yaptikam sin pain kulki bas,#Kli S 27.16; Mt 15.4; 19.19; Mk 7.10; 10.19; Lk 18.20; Epe 6.2. baku man piuam yari bri kama, Dawan Gâdkam wina maikan ba tasbaya ra.#Epe 6.3.

13“Man lâ luha upla ikpara.#Bla St 9.6; Lib 24.17; Mt 5.21; 19.18; Mk 10.19; Lk 18.20; Ro 13.9; Je 2.11.

14“Man marit lâka sauhkpara.#Lib 20.10; Mt 5.27; 19.18; Mk 10.19; Lk 18.20; Ro 13.9; Je 2.11.

15“Man implikpara.#Lib 19.11; Mt 19.18; Mk 10.19; Lk 18.20; Ro 13.9.

16“Man uplikam witniska kunin aisi pât ra lakpara.#Imp St 23.1; Mt 19.18; Mk 10.19; Lk 18.20.

17“Man uplikam watla tumpara,#Ro 7.7; 13.9. maya mairin, ai albika waitna bara mairin, ai bîpka wainhka, ai birikuka, diara wala sut witin ai dukia ba sin tumpara.”

Israel luhpia nani ba sibrin dauki kan

(Kli S 5.22-33)

18Israel luhpia nani ba alwani binka ba wali kan, imyula nani ba kaiki kan, trumpit binka ba sin wali kan, il wina kiasma taki ba sin kaiki kan; bara sibrin dauki ba mita, laihura takaski baha wina bûi kaiki banhwi kan. 19Bamna witin nani bui Moses ra win:

—Man bal yang nani ra aisas, bara yang nani bîlam wali daukamna, kuna Gâd lika yang nani ra aisabiara, kan yang nani sut prui tiwamna.#Hib 12.18-19.

20Bara Moses pana witin nani ra win:

—Man nani si bripara. Gâd balan man nani tânkam aihwa sapa trai kaikaia, bara man nani yu bani witin bîla wali witin ra sibrin luki kaia ba mata, baha mita man nani bui witin mapara saura yabaia apia.

21Upla nani ba ban laihura takaski bâra kan, bara Moses yakan kasbrika siksa ba ra dimi wan Gâd lamara.

Altar lâka ba

22Dawan bui Moses ra win:

“Israel luhpia nani ra naha bîla na wis: ‘Nanara man nani kaikram yang pura wina bal nâra man nani wal aisari. 23Man nani lika gâd bahki nani dauki bripara gul bara silbar ni paski, bahara kaiki yang ra baku man nani mayunpara. 24Tasba ni altar kum paski aik, yang duki, bara baha purara daiwram nani daknika ba tila wina, sîp sapa, bîp sapa aiska angki aikaia brih bal, naha sakripaiska na yang wal man nani kli kupia kumi takaia prisantka kabia. Bara yang balamna, yamni sin mai munamna baha pliska bani ra puram sunaia maikri ba ra, yang baku brin ai dauki kan ba man nani piu bani ra nini ba âmya ra bri kama dukiara. 25Bara yang duki walpa wina altar kum paskma kaka, walpaya ba kusbi daukan walpaya kaia apia sa.#Kli S 27.5-7; Jas 8.31. Kusbi daukma kaka, aitani kulkan walpaya apia sa, altarki wiaia. 26Yang altarki ba purara paskan kaia apia sa, baku lika man nani ulisma taim, kwalka buki ba mai kaikbia apia.’

Currently Selected:

Impakan Sturka 20: MSKTU

Highlight

Copy