Blasi Sturka 29
29
Jekob Harán ra wan ba
1Jekob ai yabalka bâk ban wan, bara lalma kuntrika tasbaya ra balan.
2Bara witin kaikan, liwanhta kumi twi ra bâra sa, bara kaiks sîp daknika yumhpa sin baha lamara bâra sa. Sîp nani ba baha wina lî dakaki kan, bara walpa tara kum ni liwanhta ba pura prakan kan. 3Sîp nani ba sut bahara asla kuki bara walpa tara ba liwanhta pura wina saki bara daiwan nani ba lî dakaki, ningkara walpaya ba ni kli pura praki kan. 4Bara sepad nani ba ra Jekob mita makabi walan:
—Upliki nani, ¿man nani ani tawanka wina?
Witin nani bila win:
—Yang nani Harán tawanka wina.
5Witin kli makabi walan:
—¿Man nani Labán kakaira sma, Nahor luhpia ba?
Witin nani bila:
—Âu, yang nani witin kakaira sna.
6Jekob kli makabi walan:
—¿Witin siknis apia sa ki?
—Âu, Labán siknis apia, witin pain sa. Kaiks, ai luhpia mairin Raquel sin ai sîpka nani ba bri nâra aula sa.
7Bara Jekob witin nani ra win:
—Nanara yu kau sa, sîp nani ba nanara wina klarka ra auhbaia lika sip apia. ¿Man nani dîa kan lî dakaki si, bara kli plun dakakaia brih waras?
8Sakuna sepad nani bila pana win:
—Yang nani sip baku daukras. Yang nani bîla kaiki kaia sna sepad nani sut ba ai sîpka daknika nani bri ba sut bri balbia ba kat; bara baku lika sip sa, walpa tara ba liwanhta pura ba wina saki daiwan bâra nani ba lî dakakaia.
9Jekob witin wal kau aisi kan ba ra, kaiks Raquel aula sa ai daiwra daknika ba wal, witin ba sepad mairin kan bamna. 10Jekob kaikan Raquel ai tahtika sîpka nani ba brih aula kan ba ra, witin plapi wih walpa ba liwanhta pura ba wina karbi sakan, bara daiwan nani ba lî dakakan 11Ba ningkara Jekob, Raquel ba alki kiawali ai lakula daukan bara ai bîla baikra tara mahka inan. 12Bara Jekob bui Raquel ra win witin ba Rebeca luhpia bara Labán tubankika. Bara Raquel plapi wan sturka ba ai aisika ra wiaia.
13Baku Labán sturi ba walan Jekob balan ba dukiara, baha lika ai lakrika ai luhpia waitna ba, bara taki wan witin wal prawaia, bara witin ra alki kiawali, ai watla ra bri balan. Bara Jekob Labán ra dîa ai sturka nani ba sut win. 14Bara Labán pana witin ra win: “Kasak pali man na yang tâilia wina luhpia nani kumika sma.”
Jekob ba Raquel bara Lea briaia dukiara wark takan ba
Bara Jekob ba Labán lamara kati kum takaskan. 15Baha ningkara Labán bui Jekob ra naku win:
—Man ba wan taya sma ba ra wisi, warkki na prisant baman taki kaia apia sma. Bamna mamna nahki ai kulkisma kaka, mahka ai wis.
16Labán luhpa mairin wâl bri kan: tawahkia ba nina Lea, sirpika ba nina Raquel. 17Lea lika nakra bîla ba painkira kan wan kaikisa ba ra, sakuna Raquel ba lika mawan painkira bara wîna tara aiska ba sin pain pranakira kan. 18Bara Jekob ba Raquel ra kau latwan kaiki kan, bara win:
—Luhpiam mairin Raquel aikaia wima kaka lika, 7 mani warkkam takamna.
19Labán pana win:
—Kanra yamni sa man ra maikamna, waitna tringsar kum ra yabaia watlika ra. Bamna yang wal takaski bas.
20Bara baku Jekob 7 mani Labán warkka taki kan. Sakuna witin Raquel ra latwan pali kaiki kan ba mita 7 mani ba, wik kumi baku, piua prahni lui wan ai mapara. 21Mani 7 ba alkan ba ra, Jekob bui Labán ra win:
—Luhpiam mairin ba aik, witin wal yang mahka mayi takaia, kan witin ai dukiara yang wark takaia wîri ba piui ba pat alkan sa.
22Bara Labán lilia pata kum dauki, bara ai uplika nani ba sut paiwan baha pata tara ba piaia. 23Bara Labán ai luhpia Lea ba tihmia ra bri balan Jekob ra, bara witin wal yapi lalawan. 24Baha purkara, Labán sin ai albika mairin Zilpá ba Lea ra yaban witin ai warkka dauki kaia. 25Jekob titan buan bara ai dara walan kaikan witin Lea wal yapi lalawan ba, bara witin Labán mapara karna aisin:
—¿Naha dîa man bui yang ra daukram na? ¿Yang Raquel briaia dukiara man warkkam takri apia? ¿Bamna man dîa muni kunin ai munram?
26Bara Labán pana witin ra win:
—Yang nani tasbayi ra baku lâ daukras, tawahkia ningka ba pas maya baikaia. 27Lea wal mayam takram wikka liliaka na dauki tnata alks, bara Raquel sin maikamna, man kli 7 mani wala kum warkki takaia wima kaka.
28Jekob âu takan, Labán win ba baku daukaia. Lea wal marit takan ba liliaka ba dauki wikka ba alkan ba ra, Labán ai luhpia mairin Raquel sin Jekob ra maya baikan. 29Bara Labán kli Raquel ra ai albika mairin Bilhá sin yaban witin ai warkka dauki kaia. 30Bara Jekob ba Raquel wal sin prawan, bara witin ra kau latwan kaikan. Âu, witin kli 7 mani wala kum Labán warkka takaia kan, sakuna bâra lika lukras kan.
Jekob luhpia nani
31Bara Dawan kaikan Jekob mita Lea ra uya yamni kaikras kan ba. Bara witin ra luhpa nani yaban, sakuna Raquel lika biarapara daukan. 32Lea kwihra tiwan bara ai luhpia waitna kum baikan, bara ai nina ba Ruben#29.32 Ruben, Hibru aisin binka talia sa baha tânka ba man nani kaiks, luhpa waitna kum, tânka wala ba sin, sari bri kapri ba witin ai kaikan. mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”
33Lea kli kwihra tiwan, bara luhpa waitna wala baikan, bara ai nina ba Simian#29.33 Hibru ra ulban ba Simian. Baha tânka ba walaia, Hibru aisin binka talia sa. mâkan, bara witin win: “Yang ra bahki ai kulki aisi kan Dawan walan, bahamna kau luhpi waitna wala kum aikan.”
34Bara witin kli luhpa waitna wala baikan, baha nina Libai#29.34 Hibru ra ulban ba Libai. Baha tânka ba asla prakaia, Hibru aisin binka talia sa. mâkan, bara witin win: “Nanara mayi yang wal kau asla ai prakan kabia, kan yang bui witin ai luhpia waitna nani yumhpa baikuna bamna.”
35Lea kli kwihra tiwan, bara luhpa waitna wala kli baikan, bara nina ba Juda#29.35 Hibru ra ulban ba Juda. Baha tânka ba mayunaia, Hibru aisin binka talia sa. mâkan, bara witin win: “Naha kat Dawan nina ba yang mayunamni.” Bara baha kat takaskan, witin baha wina kau luhpa baikras.
Currently Selected:
Blasi Sturka 29: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Blasi Sturka 29
29
Jekob Harán ra wan ba
1Jekob ai yabalka bâk ban wan, bara lalma kuntrika tasbaya ra balan.
2Bara witin kaikan, liwanhta kumi twi ra bâra sa, bara kaiks sîp daknika yumhpa sin baha lamara bâra sa. Sîp nani ba baha wina lî dakaki kan, bara walpa tara kum ni liwanhta ba pura prakan kan. 3Sîp nani ba sut bahara asla kuki bara walpa tara ba liwanhta pura wina saki bara daiwan nani ba lî dakaki, ningkara walpaya ba ni kli pura praki kan. 4Bara sepad nani ba ra Jekob mita makabi walan:
—Upliki nani, ¿man nani ani tawanka wina?
Witin nani bila win:
—Yang nani Harán tawanka wina.
5Witin kli makabi walan:
—¿Man nani Labán kakaira sma, Nahor luhpia ba?
Witin nani bila:
—Âu, yang nani witin kakaira sna.
6Jekob kli makabi walan:
—¿Witin siknis apia sa ki?
—Âu, Labán siknis apia, witin pain sa. Kaiks, ai luhpia mairin Raquel sin ai sîpka nani ba bri nâra aula sa.
7Bara Jekob witin nani ra win:
—Nanara yu kau sa, sîp nani ba nanara wina klarka ra auhbaia lika sip apia. ¿Man nani dîa kan lî dakaki si, bara kli plun dakakaia brih waras?
8Sakuna sepad nani bila pana win:
—Yang nani sip baku daukras. Yang nani bîla kaiki kaia sna sepad nani sut ba ai sîpka daknika nani bri ba sut bri balbia ba kat; bara baku lika sip sa, walpa tara ba liwanhta pura ba wina saki daiwan bâra nani ba lî dakakaia.
9Jekob witin wal kau aisi kan ba ra, kaiks Raquel aula sa ai daiwra daknika ba wal, witin ba sepad mairin kan bamna. 10Jekob kaikan Raquel ai tahtika sîpka nani ba brih aula kan ba ra, witin plapi wih walpa ba liwanhta pura ba wina karbi sakan, bara daiwan nani ba lî dakakan 11Ba ningkara Jekob, Raquel ba alki kiawali ai lakula daukan bara ai bîla baikra tara mahka inan. 12Bara Jekob bui Raquel ra win witin ba Rebeca luhpia bara Labán tubankika. Bara Raquel plapi wan sturka ba ai aisika ra wiaia.
13Baku Labán sturi ba walan Jekob balan ba dukiara, baha lika ai lakrika ai luhpia waitna ba, bara taki wan witin wal prawaia, bara witin ra alki kiawali, ai watla ra bri balan. Bara Jekob Labán ra dîa ai sturka nani ba sut win. 14Bara Labán pana witin ra win: “Kasak pali man na yang tâilia wina luhpia nani kumika sma.”
Jekob ba Raquel bara Lea briaia dukiara wark takan ba
Bara Jekob ba Labán lamara kati kum takaskan. 15Baha ningkara Labán bui Jekob ra naku win:
—Man ba wan taya sma ba ra wisi, warkki na prisant baman taki kaia apia sma. Bamna mamna nahki ai kulkisma kaka, mahka ai wis.
16Labán luhpa mairin wâl bri kan: tawahkia ba nina Lea, sirpika ba nina Raquel. 17Lea lika nakra bîla ba painkira kan wan kaikisa ba ra, sakuna Raquel ba lika mawan painkira bara wîna tara aiska ba sin pain pranakira kan. 18Bara Jekob ba Raquel ra kau latwan kaiki kan, bara win:
—Luhpiam mairin Raquel aikaia wima kaka lika, 7 mani warkkam takamna.
19Labán pana win:
—Kanra yamni sa man ra maikamna, waitna tringsar kum ra yabaia watlika ra. Bamna yang wal takaski bas.
20Bara baku Jekob 7 mani Labán warkka taki kan. Sakuna witin Raquel ra latwan pali kaiki kan ba mita 7 mani ba, wik kumi baku, piua prahni lui wan ai mapara. 21Mani 7 ba alkan ba ra, Jekob bui Labán ra win:
—Luhpiam mairin ba aik, witin wal yang mahka mayi takaia, kan witin ai dukiara yang wark takaia wîri ba piui ba pat alkan sa.
22Bara Labán lilia pata kum dauki, bara ai uplika nani ba sut paiwan baha pata tara ba piaia. 23Bara Labán ai luhpia Lea ba tihmia ra bri balan Jekob ra, bara witin wal yapi lalawan. 24Baha purkara, Labán sin ai albika mairin Zilpá ba Lea ra yaban witin ai warkka dauki kaia. 25Jekob titan buan bara ai dara walan kaikan witin Lea wal yapi lalawan ba, bara witin Labán mapara karna aisin:
—¿Naha dîa man bui yang ra daukram na? ¿Yang Raquel briaia dukiara man warkkam takri apia? ¿Bamna man dîa muni kunin ai munram?
26Bara Labán pana witin ra win:
—Yang nani tasbayi ra baku lâ daukras, tawahkia ningka ba pas maya baikaia. 27Lea wal mayam takram wikka liliaka na dauki tnata alks, bara Raquel sin maikamna, man kli 7 mani wala kum warkki takaia wima kaka.
28Jekob âu takan, Labán win ba baku daukaia. Lea wal marit takan ba liliaka ba dauki wikka ba alkan ba ra, Labán ai luhpia mairin Raquel sin Jekob ra maya baikan. 29Bara Labán kli Raquel ra ai albika mairin Bilhá sin yaban witin ai warkka dauki kaia. 30Bara Jekob ba Raquel wal sin prawan, bara witin ra kau latwan kaikan. Âu, witin kli 7 mani wala kum Labán warkka takaia kan, sakuna bâra lika lukras kan.
Jekob luhpia nani
31Bara Dawan kaikan Jekob mita Lea ra uya yamni kaikras kan ba. Bara witin ra luhpa nani yaban, sakuna Raquel lika biarapara daukan. 32Lea kwihra tiwan bara ai luhpia waitna kum baikan, bara ai nina ba Ruben#29.32 Ruben, Hibru aisin binka talia sa baha tânka ba man nani kaiks, luhpa waitna kum, tânka wala ba sin, sari bri kapri ba witin ai kaikan. mâkan, kan witin naku win: “Yang sari bri kapri ba Dawan ai kaikan; bamna nanara mayi latwan ai kaikbia.”
33Lea kli kwihra tiwan, bara luhpa waitna wala baikan, bara ai nina ba Simian#29.33 Hibru ra ulban ba Simian. Baha tânka ba walaia, Hibru aisin binka talia sa. mâkan, bara witin win: “Yang ra bahki ai kulki aisi kan Dawan walan, bahamna kau luhpi waitna wala kum aikan.”
34Bara witin kli luhpa waitna wala baikan, baha nina Libai#29.34 Hibru ra ulban ba Libai. Baha tânka ba asla prakaia, Hibru aisin binka talia sa. mâkan, bara witin win: “Nanara mayi yang wal kau asla ai prakan kabia, kan yang bui witin ai luhpia waitna nani yumhpa baikuna bamna.”
35Lea kli kwihra tiwan, bara luhpa waitna wala kli baikan, bara nina ba Juda#29.35 Hibru ra ulban ba Juda. Baha tânka ba mayunaia, Hibru aisin binka talia sa. mâkan, bara witin win: “Naha kat Dawan nina ba yang mayunamni.” Bara baha kat takaskan, witin baha wina kau luhpa baikras.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua