Blasi Sturka 30
30
1Raquel kaikan witin sip Jekob luhpia baikras kan, bara ai muihni Lea ra tuman lâka brin bara Jekob ra aisi kan:
—Yang ra sin luhpi nani aik, apia kaka pruamna.
2Bara Jekob Raquel mapara ai kupia sauhki, aisi, win:
—¿Dîa yang na Gâd? Witin sika man luhpiam nani maikras ba.
3Bara Raquel witin ra win:
—Kaiks yang albiki mairin Bilhá ba nâra sa. Man witin wal praws, bara ai luhpia nani baikbia ba ra, luhpia nani ba yang pali luhpi baikri baku kulkamna. Bara baku yang luhpi nani brimni.
4Bara baku natka ra Raquel ai albika mairin ba ai maya Jekob ra yan wal briaia. Jekob witin wal prawan ba ra, 5Bilhá kwihra tiwan bara Jekob luhpia waitna kum baikan. 6Bara Raquel aisin: “Yang puri sunra ba Gâd walan, bara lâ wapni yang wal daukan, luhpi waitna kum aikan.” Bamna ai nina ba Dan#30.6 Hibru ra ulban ba Dan. Baha tânka ba lâ wapni daukaia, Hibru aisin binka talia sa. mâkamna.
7Bilhá kli kwihra tiwan bara Jekob luhpia waitna wala kum baikan, 8bara Raquel win: “Naha tukta na nina Neftalí#30.8 Hibru ra ulban ba Neftalí. Baha tânka ba aitwakaia, Hibru aisin binka talia sa. mâkan kabia, kan yang muihki wal blahwi karna aitwaki pura luri bamna.”
9Lea kaikan witin kau luhpa baikras takaskan, bara ai napakan mairin Zilpá ba Jekob ra yan ai maya briaia. 10Bara Lea albika mairin Zilpá Jekob luhpia waitna kum baikan ba ra, 11Lea aisin: “¡Naha lika luk pain sa! Ba mita ai nina ba Gad mâkan kabia.’’
12Baha ningkara Zilpá kli Jekob luhpia waitna wala baikan, 13bara Lea aisin: “Yang lilia ai daukisa! Nanara mairin nani wibia yang lilia sna. Bamna tukta na nina Aser#30.13 Hibru ra ulban ba Aser, baha tânka ba lilia. mâkan kabia.’’
14Yu kumi Ruben plawar mâ krikaia piua ra, insla ra taki wan. Bara luhpa baikaia natka mâ nani sakan nina ba mandrak,#30.14 Luki kan mairin mandrak di ba kwihra tiwisa. bara witin dusa mâ ba ai yaptika Lea ra bri si yaban. Bara Raquel sin dusa mâ nani ba kaikan, bamna Lea ra win:
—Luhpiam dus mâ nani bri balan ba wina pliskam yang ra sin mâ wâl aik.
15Bara Lea pana witin ra win:
—¿Man pat mayi ai dakbi brisma, bara witin wal aitani sma apia? ¿Bara nanara luhpi dus mâ sal aikan ba sin man kli ai dakbi briaia lukisma?
Bara Raquel kli aisin:
—Baha luhpa baikaia saika mâ nani luhpiam bri balan ba, yang ra sin aik bara baha mana man naha tihmia Jekob wal yaps.
16Tutni mahka tihmia iwan ra, Jekob unta wina utla ra aula kan, Lea taki wan witin ai lakula daukaia bara witin ra win:
—Na tihmia man ba yang wal yapaia sma, kan mairin luhpa baikaia saika luhpi bri balan ba mana yang pat mamna aibapri, man ba yang wal yapaia dukiara.
Bara Jekob baha tihmia witin wal yapan. 17Bara Lea kwihra tiwan, bamna ba kat witin Jekob luhpia waitna matsip baikan, Gâd bui witin ai pura sunra ba walan bamna. 18Bara Lea aisin: “Gâd bui yang ra prisant kum aikan, baha lika yang albiki mairin ba ai mairka yabri ba dukiara”; baha mita ai luhpia nina ba Isacar#30.18 Hibru ra ulban Isacar. Baha tânka ba prisantka yabaia, rent munaia, Hibru aisin binka talia. mâkan.
19Baha ningkara Lea kli kwihra tiwan, Jekob luhpia waitna wala baikan, bara naha kat ai luhpia 6 baikan. 20Bara Lea aisin: “Gâd mita yang ra prisantka tara pali aikan sa. Nanara mayi ba yang ra kau yamni ai kulkbia, kan yang bui witin ai luhpia nani 6 baikri bamna.” Naha tukta nina Zabulón#30.20 Hibru ra ulban ba Zabulón. Baha tânka ba prisantka yabaia, yamni kulkaia, Hibru aisin binka talia. mâkan kabia.
21Baha sut ningkara Lea luhpa mairin kum baikan, ai nina ba Dina mâkan. 22Bara Gâd Raquel dukiara ai kupia krawan, witin ai pura suni ba walan bara witin ra sin luhpia nani kau yabaia win. 23Witin kwihra tiwan, luhpa waitna kum baikan bara win: “Gâd na yang wina luhpa baikaia apia ai daukan, swira lâka ba yang wina sakan. 24Gâd ban ai wiaia pan si, man kau luhpa wala baikma.” Baku luki bara ai luhpia nina ba Josep#30.24 Hibru ra ulban ba Josep, baha tânka ba mihta dakbaia bara kau pura praki yabaia baha Hibru aisin binka talia sa. mâkan.
Mina alkaika nani Jekob Labán wal mapara
25Bara ban kan, Raquel ai luhpia Josep baikan ba ra, Jekob mita Labán ra win:
—Nanara ai swis, yang tawanki ra kli tawi wamna, yang tasbayi ra. 26Luhpi nani bara mayi nani ba sin aik, kan baha nani dukiara yang bui man warkkam daukri, bara nanara ai swis wamna. Man nu sma yang nahki prais warkkam daukri ba.
27Sakuna Labán pana win:
—Apia pali, man mahka wapara, yang wal ban takaski bas. Yang aman luki kaikri, man nâra bal takaskram ba ra luki, Dawan bui yang ra yamni ai munan sa. 28Bamna nanara man ai wis mamna nahki prais brin mai dauki ba, yang aibapamna.
29Bara Jekob witin ra win:
—Man nu sma nahki prais yang bui man dukiam daukri ba bara daiwan nani ba sin nahki main kaikri ba. 30Yang kau balras kapri ba ra man daiwram nani ba maura lupia baman bri kapram, sakuna nanara yang balri ba wina daiwan ailal sauhram sa. Bamna yang balri ba piua wina, Dawan bui man ra yamni mai munan; sakuna, ¿nanara yang ahkia mayi bara luhpi nani dukiara sin baku wark takamna?
31Labán kli makabi walan:
—¿Mamna nahki prais aibapamna brin mai daukisa?
Jekob pana win:
—Maina aibappara, swis, daiwan nani ba kli main kaikaisna, yang dîa want mai wimna ba aikaia wima kaka. 32Aik yang naiwa daiwram nani ba tilak wapi wamna, bara sîp nani ba, guts nani taya bulni ba sut, daknika aihka lakma: siksa ba mânka, bulni ba mânka, puputni ba sin mânka. Baha daiwan mapla sâtka nani ba wal yang maina brimna. 33Bara baha daukamna ba ningkara, man wih kaikma yang maina dîa briri ba. Man baku kaikma yang kunin mai munras lâ kat daukri ba tânka. Man bui yang daiwri dakni ba tilara, daiwan bulni apia ba sâkma sapa, mapla sât sât ba sin; baku sâkma kaka, yang bui man daiwram nani ba implikri kabia.
34Bara Labán pana witin ra win:
—Baku daukaia ba aitani sa, bamna man aisaram ba baku daukaia yang âu wisna.
35Sakuna baha yua, Labán ai gutska wainhka bara mairin nani, taya bulni bara puputni nani ba sut kangbi tnaya ra lakan, bara ai daiwra bulni nani ba sut ai luhpia ra yaban, main kaikaia. 36Bara luhpia ba ai aisika daiwra nani ba brih, Jekob bâra kan yaba pliska wina yu yumhpa wapan, bara laihura pali wan.
Jekob lika Labán daiwra nani ba ban main kaiki kan. 37Bara Jekob dus sâtka yumhpa wina tnawa nani ba klaki brin, bara taya nani ba iwit kalki sakan bara dusa ba mapla bulni takan. 38-39Bara dusa nani taya ba baku kalki bulni daukan ba ra, daiwan nani lî diaika laya watla ba bilara mangki swin. Baha wainhka nani ba, dus bulni ba kaiki bara mairin nani ba taibi kan. Bara baku dus ba kaiki taibi kan ba mita, luhpia nani ba marsina, bulni puputni nani baman baiki kan. 40Bara baku Jekob ai daiwra daknika ba aihka saki kan, Labán daiwra marsina, siksa nani ba mawanra dus bulni ba mangki swi kan ba mita. Bara Jekob baku dauki, witin ai daiwra daknika ba saki kan, Labán daiwra daknika tila wina. 41Daiwan kau batanira nani mairin nani ra taibi ba piua ra, Jekob baha dusa bulni ba, lî diaika ba ra mangki swi kan daiwan nani ba mawanra, baha dusa ba kaiki mairin ba taibi kaia dukiara; 42Sakuna daiwan biawan nani ba bal, mairin nani ba taibi ba piua ra lika, dus bulni ba lî ba ra mangki swiras kan. Baha mita daiwan kau biawan nani ba sut Labán daiwra nani takan kan, batana nani ba Jekob daiwra nani takan. 43Bara Jekob baku dauki natka ra yuyakira pali takan. Witin sîp ailal bri kan, alba waitna nani ailal, alba mairin nani sin ailal, kiamil nani bara biriku nani sin ailal bri kan.
Currently Selected:
Blasi Sturka 30: MSKTU
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua
Blasi Sturka 30
30
1Raquel kaikan witin sip Jekob luhpia baikras kan, bara ai muihni Lea ra tuman lâka brin bara Jekob ra aisi kan:
—Yang ra sin luhpi nani aik, apia kaka pruamna.
2Bara Jekob Raquel mapara ai kupia sauhki, aisi, win:
—¿Dîa yang na Gâd? Witin sika man luhpiam nani maikras ba.
3Bara Raquel witin ra win:
—Kaiks yang albiki mairin Bilhá ba nâra sa. Man witin wal praws, bara ai luhpia nani baikbia ba ra, luhpia nani ba yang pali luhpi baikri baku kulkamna. Bara baku yang luhpi nani brimni.
4Bara baku natka ra Raquel ai albika mairin ba ai maya Jekob ra yan wal briaia. Jekob witin wal prawan ba ra, 5Bilhá kwihra tiwan bara Jekob luhpia waitna kum baikan. 6Bara Raquel aisin: “Yang puri sunra ba Gâd walan, bara lâ wapni yang wal daukan, luhpi waitna kum aikan.” Bamna ai nina ba Dan#30.6 Hibru ra ulban ba Dan. Baha tânka ba lâ wapni daukaia, Hibru aisin binka talia sa. mâkamna.
7Bilhá kli kwihra tiwan bara Jekob luhpia waitna wala kum baikan, 8bara Raquel win: “Naha tukta na nina Neftalí#30.8 Hibru ra ulban ba Neftalí. Baha tânka ba aitwakaia, Hibru aisin binka talia sa. mâkan kabia, kan yang muihki wal blahwi karna aitwaki pura luri bamna.”
9Lea kaikan witin kau luhpa baikras takaskan, bara ai napakan mairin Zilpá ba Jekob ra yan ai maya briaia. 10Bara Lea albika mairin Zilpá Jekob luhpia waitna kum baikan ba ra, 11Lea aisin: “¡Naha lika luk pain sa! Ba mita ai nina ba Gad mâkan kabia.’’
12Baha ningkara Zilpá kli Jekob luhpia waitna wala baikan, 13bara Lea aisin: “Yang lilia ai daukisa! Nanara mairin nani wibia yang lilia sna. Bamna tukta na nina Aser#30.13 Hibru ra ulban ba Aser, baha tânka ba lilia. mâkan kabia.’’
14Yu kumi Ruben plawar mâ krikaia piua ra, insla ra taki wan. Bara luhpa baikaia natka mâ nani sakan nina ba mandrak,#30.14 Luki kan mairin mandrak di ba kwihra tiwisa. bara witin dusa mâ ba ai yaptika Lea ra bri si yaban. Bara Raquel sin dusa mâ nani ba kaikan, bamna Lea ra win:
—Luhpiam dus mâ nani bri balan ba wina pliskam yang ra sin mâ wâl aik.
15Bara Lea pana witin ra win:
—¿Man pat mayi ai dakbi brisma, bara witin wal aitani sma apia? ¿Bara nanara luhpi dus mâ sal aikan ba sin man kli ai dakbi briaia lukisma?
Bara Raquel kli aisin:
—Baha luhpa baikaia saika mâ nani luhpiam bri balan ba, yang ra sin aik bara baha mana man naha tihmia Jekob wal yaps.
16Tutni mahka tihmia iwan ra, Jekob unta wina utla ra aula kan, Lea taki wan witin ai lakula daukaia bara witin ra win:
—Na tihmia man ba yang wal yapaia sma, kan mairin luhpa baikaia saika luhpi bri balan ba mana yang pat mamna aibapri, man ba yang wal yapaia dukiara.
Bara Jekob baha tihmia witin wal yapan. 17Bara Lea kwihra tiwan, bamna ba kat witin Jekob luhpia waitna matsip baikan, Gâd bui witin ai pura sunra ba walan bamna. 18Bara Lea aisin: “Gâd bui yang ra prisant kum aikan, baha lika yang albiki mairin ba ai mairka yabri ba dukiara”; baha mita ai luhpia nina ba Isacar#30.18 Hibru ra ulban Isacar. Baha tânka ba prisantka yabaia, rent munaia, Hibru aisin binka talia. mâkan.
19Baha ningkara Lea kli kwihra tiwan, Jekob luhpia waitna wala baikan, bara naha kat ai luhpia 6 baikan. 20Bara Lea aisin: “Gâd mita yang ra prisantka tara pali aikan sa. Nanara mayi ba yang ra kau yamni ai kulkbia, kan yang bui witin ai luhpia nani 6 baikri bamna.” Naha tukta nina Zabulón#30.20 Hibru ra ulban ba Zabulón. Baha tânka ba prisantka yabaia, yamni kulkaia, Hibru aisin binka talia. mâkan kabia.
21Baha sut ningkara Lea luhpa mairin kum baikan, ai nina ba Dina mâkan. 22Bara Gâd Raquel dukiara ai kupia krawan, witin ai pura suni ba walan bara witin ra sin luhpia nani kau yabaia win. 23Witin kwihra tiwan, luhpa waitna kum baikan bara win: “Gâd na yang wina luhpa baikaia apia ai daukan, swira lâka ba yang wina sakan. 24Gâd ban ai wiaia pan si, man kau luhpa wala baikma.” Baku luki bara ai luhpia nina ba Josep#30.24 Hibru ra ulban ba Josep, baha tânka ba mihta dakbaia bara kau pura praki yabaia baha Hibru aisin binka talia sa. mâkan.
Mina alkaika nani Jekob Labán wal mapara
25Bara ban kan, Raquel ai luhpia Josep baikan ba ra, Jekob mita Labán ra win:
—Nanara ai swis, yang tawanki ra kli tawi wamna, yang tasbayi ra. 26Luhpi nani bara mayi nani ba sin aik, kan baha nani dukiara yang bui man warkkam daukri, bara nanara ai swis wamna. Man nu sma yang nahki prais warkkam daukri ba.
27Sakuna Labán pana win:
—Apia pali, man mahka wapara, yang wal ban takaski bas. Yang aman luki kaikri, man nâra bal takaskram ba ra luki, Dawan bui yang ra yamni ai munan sa. 28Bamna nanara man ai wis mamna nahki prais brin mai dauki ba, yang aibapamna.
29Bara Jekob witin ra win:
—Man nu sma nahki prais yang bui man dukiam daukri ba bara daiwan nani ba sin nahki main kaikri ba. 30Yang kau balras kapri ba ra man daiwram nani ba maura lupia baman bri kapram, sakuna nanara yang balri ba wina daiwan ailal sauhram sa. Bamna yang balri ba piua wina, Dawan bui man ra yamni mai munan; sakuna, ¿nanara yang ahkia mayi bara luhpi nani dukiara sin baku wark takamna?
31Labán kli makabi walan:
—¿Mamna nahki prais aibapamna brin mai daukisa?
Jekob pana win:
—Maina aibappara, swis, daiwan nani ba kli main kaikaisna, yang dîa want mai wimna ba aikaia wima kaka. 32Aik yang naiwa daiwram nani ba tilak wapi wamna, bara sîp nani ba, guts nani taya bulni ba sut, daknika aihka lakma: siksa ba mânka, bulni ba mânka, puputni ba sin mânka. Baha daiwan mapla sâtka nani ba wal yang maina brimna. 33Bara baha daukamna ba ningkara, man wih kaikma yang maina dîa briri ba. Man baku kaikma yang kunin mai munras lâ kat daukri ba tânka. Man bui yang daiwri dakni ba tilara, daiwan bulni apia ba sâkma sapa, mapla sât sât ba sin; baku sâkma kaka, yang bui man daiwram nani ba implikri kabia.
34Bara Labán pana witin ra win:
—Baku daukaia ba aitani sa, bamna man aisaram ba baku daukaia yang âu wisna.
35Sakuna baha yua, Labán ai gutska wainhka bara mairin nani, taya bulni bara puputni nani ba sut kangbi tnaya ra lakan, bara ai daiwra bulni nani ba sut ai luhpia ra yaban, main kaikaia. 36Bara luhpia ba ai aisika daiwra nani ba brih, Jekob bâra kan yaba pliska wina yu yumhpa wapan, bara laihura pali wan.
Jekob lika Labán daiwra nani ba ban main kaiki kan. 37Bara Jekob dus sâtka yumhpa wina tnawa nani ba klaki brin, bara taya nani ba iwit kalki sakan bara dusa ba mapla bulni takan. 38-39Bara dusa nani taya ba baku kalki bulni daukan ba ra, daiwan nani lî diaika laya watla ba bilara mangki swin. Baha wainhka nani ba, dus bulni ba kaiki bara mairin nani ba taibi kan. Bara baku dus ba kaiki taibi kan ba mita, luhpia nani ba marsina, bulni puputni nani baman baiki kan. 40Bara baku Jekob ai daiwra daknika ba aihka saki kan, Labán daiwra marsina, siksa nani ba mawanra dus bulni ba mangki swi kan ba mita. Bara Jekob baku dauki, witin ai daiwra daknika ba saki kan, Labán daiwra daknika tila wina. 41Daiwan kau batanira nani mairin nani ra taibi ba piua ra, Jekob baha dusa bulni ba, lî diaika ba ra mangki swi kan daiwan nani ba mawanra, baha dusa ba kaiki mairin ba taibi kaia dukiara; 42Sakuna daiwan biawan nani ba bal, mairin nani ba taibi ba piua ra lika, dus bulni ba lî ba ra mangki swiras kan. Baha mita daiwan kau biawan nani ba sut Labán daiwra nani takan kan, batana nani ba Jekob daiwra nani takan. 43Bara Jekob baku dauki natka ra yuyakira pali takan. Witin sîp ailal bri kan, alba waitna nani ailal, alba mairin nani sin ailal, kiamil nani bara biriku nani sin ailal bri kan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2010 Bible Society in Nicaragua