LUK 6
6
Yezu welé Mfumu wa kilwomo ka kupeme
(Mt. 12:1-8; Mk. 2:23-28)
1Yezu waleka mubo la mayuo ma mbeing mu Kilwomo ka kupeme. Balongoko ba ndé ba yandiki kubu mitwè, banuku kumio mia bà se badia mbeing. 2Ndambi ya bamfarisi ba fulu:» munga nkié be likiera yani butona mu kilwomo ka kupeme? 3Yezu wa bafirili: lo kutang mpili akiali Dawidi, ndé andi bani bakiali andi ndé, tang wakiali munzali? 4Ndé wawini munzo ya Nzem, wasiene limpa wapà kwelé Nzem, wa lidia se wa lipà se kwelé bandi ba ndé. abwani, kwelé mbi mu nsik ya bisi mu kukiere, kaka ba nganga-Nzem, fwete kudia limpa lani. 5Yezu wamese ubala le:» Mè, Mwani wa Mundu ngielé mfumu wa kilwomo ka kupeme.»
(Mt. 12:9-14; Mk. 3:1-6)
6Kilwomo kambeine ka kupeme, Yezu wawini kibo kakimvuku ka bayuda yimwese se wa yandiki kulongo bandi. bali mwese wakiali pupani wani ko la ndé la kibali lakiali kifu. 7Bamfarisi basà andi balongo ba mansik bakiali se pupani. bakiali budereka mboto munga mu kuyebe le Yezu umuzwunisi mundu mwene mu kilwomo ka kupeme, munga bakiali ti mfunu yavul ya kudie bifu kwelé ndé. 8Kasi Yezu wayeba mampeine mani ayindila bà . bubwani, wasiami mundu wani wa ko la kifu le:» mari, kuboso munga bandi banswene bu kumwene, mundu mwene se wa mari. 9Abwani Yezu wa bashami:» mè lifula: Nsik ya bisi yikipaka nswa mu nkié mu kilwomo ka kupeme? kusharisi to kubèbesè? munga kugulusu mweing wa mundu to ku mubèbese? 10Yezu wa badere ba banswene, wusiama mundu:» sili ko lanze! «wa lisili, se wa zunu. 11Kasi tang amwene basonoko andi bamfarisi, bawo buporo bavul se ba yandiki kutoro ba-ba le:» bisi kikiere nkie munga Yezu?»
Yezu waswolo bantumwa kweme andi bwele
(Mt. 19:1-4; Mk. 3:13-19)
12Mu bilwomo biani, Yezu wawè ku mong mwese, se wakiere mpimbi ya mutsini mu bisambi bia Nzem. 13Lampimpimbi, wabiele balongoko ba ndé banswene kunzo ya ndé, se bayà . waswolo babali kweme andi bwele mubo la bà se wa babiele anga le bantumwa ba ndé. 14Simono (wani ape Yezu zini la Petele), Andele (mpeing wa Petele, Yakobo, Zaa, Fripo, Bartemi, 15Matiasi, Toma, Yakobo (mwani wa Alfe), Simono (ba mubiela Zelote), 16Yud (mwani wa Yakobo), Yudasi Isikarote (wani wa welé Yezu).
Yezu mubo la Bandi bavul
(Mt. 4:23-25; Mk. 3:7-11)
17Tang atie Yezu ku kiwandi andi balongoko, wa mari mu kibere andi kidiki ka ngolo. akiali pani kidiki ka bandi ba ndambi yanswene ya Yudeya, ba mbanzi ya Yelusalem andi ba ma mbanzi ma mfinama ya Tiri andi ya Sidono; 18Bayi munga kumuwo se munga buzwini mu bukiali ba bà ; se bani ayangisa miwungu mia mbi bazunu. 19Bandi banswene ba meka kumusimi, munga le ngolo ya lugulusu ya tweka munoro ya ndé, se wa zwinisa bandi banswene.
Kiese Lelo Ngiebe
(Mt. 5:1-12)
20Kungwe la mambi mani, Yezu wadere balongoko ba ndé, se wubasiama:» Kiese kwelé ba nsukami munga le Kimfumu ka Nzem kielé ka be. 21Kiese kwelé bani belé munzali tang le, munga liwiri. Kiese kwelé bani belé mu kuléle tang lé, munga liyi seke mukiese. 22Nzem uyi kusakumunu nze tang kumenga bandi, tang buyi kutini se ba kuto se buyi toro mambi ma mbi munga nze apwene kulabi mè, Mwani wa Mundu. 23Mu tang lani, wo kiese andi kufumu mukiese, mpambi lo Nzem uyi kukumisi ngolo ku yolo. munga ba nkaa ba bà bakiere kaka mampeine mwene kwelé Bangianzi akitani. 24Kasi ngiebe kwelé be bamvami, munga be lelé andi kimvami ka bè. 25Ambwene yikali ngiebe munga bani belé andi bimi biavul bia kudia tang lé. munga buyikali munzali. ambwene yikali ngiebe munga bani buseka tang lé. mpambi lo buyikali mu ngiebe yavul. 26Ambwene yikali ngiebe munga nze tang tora bandi bavul mampeine mamboto munga nze. mpambi lo bubwani se ba nkaa ba bà batwere se mampeine mamboto munga bangianzi ba bumpali.
Malongo Munga Kuzolo Ba mbene
(Mt. 5:38-48)
27Kasi mè, mè lishama, kwelé be lingwela: zolola ba mbene ba bè, likiere mamboto kwelé bandi bani bu menga bè 28Sampulu bani businga nze, kali mu bisambi munga bandi buniokola nze. 29Le mundu wa bolo mwese mubo labè mutami andi kulito, limuwetse wubwele se tami lani lasà . Le mundu wasiene kazaki ka nze, muwetse se wusiene kiposo ka nze. 30Lipe kimi kwelé mundu wanswene wani wa kulomo, se le mundu wasiene kimi ka nze, loku mulomo. 31Kiere munga bandi ba sà yanswene yani zola nze le bu kukierele. 32Le be lizola kaka bani buzola be, ambwene be la fwete wolo lusampulu? ata bandi ba masomo buzola se bani buzola bà ! 33Le be likiera mamboto kwelé bani bukiera be mamboto, nkié liyi siene? munga bandi ba masomo se bukiera bubwani. 34Le be lidefesa nzimi kaka kwelé bandi lisielela be kivuvu munga ku lifirili, munga bandi ba masomo se bu defesa bandi ba masomo. 35Kasi zolola ba mbene ba bè, likiere mamboto, lidefese akwena kusà kivuvu muku kufirili: Se lifutu labè liyikali lalinene, se bè liyikali bandi ba Nzem welé ku yolo, munga welé wa mboto kwelé bandi ampa bufurula matondo andi kwelé bandi ba mbi. 36Nze fwete kali mu ngiebe, mpili yimwese Tara bisi wa ndie uwekela mundu wanswene ngiebe.
(Mt. 7:1-5)
37Loli sambisi bandi basà , se Nzem loka ndé uyi lisembese; Lo litswilili bandi basà nkani, se Nzem loka ndé uyi litswilili nkani; Li balololo bandi basà se Nzem uyi lilololo. 38Libape bandi basà , se Nzem uyi lipà . E, bè liyi wolo biavul, kitini kamboto, kumio mia bè, biani bia fwete kuliko. kuvul kwani likierela bè bani basà , yiyani yi lipà Nzem. 39Yezu wa bapà diagi bingani bié: ambwene, kifha misi kifwete twali kifha misi ka sa? ababwele loka bà buyi we bwa muzwini? 40Longoko loka ndé kulé longo la ndé. kasi mwani wa nzo nkandi mwese wani wa longoko mampeine manswene wuyikali anga le longo la ndé. 41Lokubiyangisi munga ndambi ya buto belé mu disi la mundu wasà pani nze mutona kuderé kitini ka libayi kiani kielé mu disi lanze kakwa! 42Ambwene nze fwete kutoro le:» mpeing, wetse mè ntiele ndambi ya buto bélé mu disi lanze.» kisi lo nzekakwa lokanze mona kitini ka mute ka kinene kielé mu disi lanze? Nze mundu wa bumpali! tiele butobo kitini ka mute ka kinene kielé mu disi lanze kakwa. Kungwe, anze mwene mboto munga kutiele ndambi ya buto yani yelé mu misi mia mundu wasà .
(Mt. 7:16-20)
43Yezu ulaba kulongo, se watwere le: é mute wa mboto loka wa ubora mbeing yambi. mpili mwese se, mute wa mbi loka wa ubora mbeing ya mboto. 44Bandi buyeba mute mu mbeing ya ndé. mu mbandi, lokanze yibu mbeing ya figi ata mbeing ya vini mu nkà ya nganzi. 45Mutindi mwese, mundu wa mboto utora mampeine mamboto munga mangindi ma ndé melé mamboto. Mundu wa mbi ukiera mampeine ma mbi munga mangindi ma ndé mukala ma mbi. Bubwani, mampeine mani tora mundu muswoka mpili ya mangindi mà welé ka mà ndé ku muteme wa ndé.
Mutwo Nzo wa mayele andi mutwo Nzo wa Zobo
(Mt. 7:24-27)
46«Munga nkié nze umbiela mè Mfumu, Mfumu, ata abwani lokanze ukiera yé kusiama mè mu kukiere?» 47Mè litendela mutindi yikala le mundu wayà kwelé mè, ndé umawo malongo ma mè, se kungwe uma mazitisi. 48Welé anga mundu wo watwo nzo. wa timi tii kumasini mia meine tii wa twolo mu mukulu wani wakiali kumasini se watwo nzo yani bundie la mukulu. Kungwe, tang ayi mfinzi, musini wa mvul wa bolo munzo yani, kasi nzo loka yà yabwi munga liyantiki lakiali labwere. 49Kasi, le mundu mwese umawo malongo ma mè se loka ndé ku nzitisi, welé anga mundu wani ampa wa timi ngolo mu meine munga liyantiki la nzo ya ndé kasi wa yitwé kaka mu meine. Kungwe, tang ayi musini wa bolo nzo yani, ya tsumu se ya bebe yanswene.
Currently Selected:
LUK 6: SOO
Highlight
Share
Copy
Want to have your highlights saved across all your devices? Sign up or sign in
Smgo (Songo) Bible by Beyond Translation is licensed under Creative Commons Attribution-ShareAlike 4.0 License.
