Luka 6
6
Yesu ao mokondji wa mokolo nwa Sabata
(Mt. 12:1-8; Mk. 2:23-28)
1Mokolo moko nwa sabata, Yesu na baekoli bande babaka nodjata nwa omala mambuma. Baekoli bande batataka bobuki nwa mioto mia mbuma. Babaka noyatola na maboko mpo yomola nsue mpe yodja mbuma. 2Yaba na mbuka ya Bafalisayi baiyo baeneke mambi mautaka nokela baekoli mpe yeyena batuni: mpoyeyi bobuka mbuma o sabata? Yo bobuni mibeko bokeli bona. 3Yesu abaeboli yote: okotangaka makomi weyi ebeyi eakelaka mokondji Davidi akelaka yona bato babaka ekambi nande babaka na nsala? 4Mokondji Davidi aingelaka o ndako ya Kombo, aboyi mampa mapaka banganga ba Kombo. Amadjaka, mpe apaka bampele babaka nande ekambi nsoni mibeko mipeyiko djela weyi na moto moiyo omola se banganga ba Kombo. 5Yesu asukisi bokoli bo: Ngayi, nwana wa moto no mokodji wa sabata!
(Mt. 12:9-14; Mk. 3:1-6)
6Mokolo moiyo nwa sabata, Yesu aingelaka oyoma ya makita ma bayuda mpe atati nolaka bato. Mumpele moko abaka wana eboko yande ya bolomi ya ngbatatalaka. 7Balaki ba mibeko ni bafalisayi babaka nomokeka, mpo bamokeka te akabikia moto meyi mpo badjua libaku mpo ba mofunda. 8Kasi Yesu ayebaka bimanyo biaba mpe akoli na moto owa nbgatatalaka eboko ona: Teme ontanteyi ya nsambela moto meyi atemeke ontanteyi. 9Bona Yesu akoli naba: noobotuna: Mibeko miabiyo milopeyi ndjela yokela ndeyi o sabata? Mpo yosalisa tempe bokeli bobe? Mpo yobikia bomoyi va moto to bobutabinyi? 10Moto moko ako mobekolaka weyi. Bona, abakekaka babanso babaka opio pio mpe akoloko na mumpele meyi: Sembola eboko yayu, akelaka bona, mpe eboko yande ya bikaka! 11Ebeyi eyaenekeba bona, Bafalisayi ni Balaki ba mibeko. Baokaka nkeyi na bokuli. Babaka nokolo ontanteyi yaba ekeyi ndja ekakela biyo Yesu.
Yesu aoli batomuvi Djomi na babale
(Mt. 19:1-4; Mk. 3:13-19)
12Omokiya nwa mokolo moko, Yesu abaka ongomba mpoko mpo yo bondele abondeleke Kombo butu mobimba. 13Nkomo eakeke butu, abeki baekoli bande mpe aoli ba djomi na babale ontanteyi yaba mpe abapeyi nkombo ya batomuvi: 14Nkombo ya batomuvi yabaka Simona (nkombo eya motaka Yesu Petelo) mpe eboto ya Simona (modjimi) Andaleya, Yakobo, Yowane, Filipo, Balatelemi, 15Matiye; Toma; Yakobo; Nwana wa Alifene; Simona obekuvi Zelote; 16Yuda, Nwana wa Yakobo; mpe Yuda Mokeliyota, owa Mungiaka. O maboko ma baini bande.
Yesu alakaka mpe abikiaka
(Mk. 4:25; Mk. 3:7-11)
17Yesu Autaka ongomba ekambi na baekoli mpe atemeke oyoma mpoko eyabaka mombi nwatuka nyilee. Owo, batalaka na djunda dja baekoli bande baiyo mpe bato bande bautaka o bioma o etuka enso ya Yuda, bakia mpe engumba ya Yelusaleme, mpe bautaka o bingumba bia Tula mpe bia Sidona. 18Bato bana banso bayaka nokaoka malako ma Yesu mpe nokabikisama na maloli maba. Banso batungisamaka na milimo mibe ba bikaka mpe. 19Bato banso babaka noaka bamobuta mpo babika mpo Yesu abaka nobikia bato banso na nguya.
Esengo tempe mawa
(Mt. 5:1-12)
20Omokiya nwaye, Yesu akekaka baekoli bande, na likebi mpe akoloko naba: Bato baobabola baona libaku lilamu mpo bokondji va Kombo bovaba. 21Kombo aka pambola baona nsala sikawabo, mpo bokaba na ndongo. Kombo akapambola baolela sikawabo, mpo bokaeke na esengo. 22Bato bakoki noboina mpo bombati ngayi nwana wa moto#6:22 Nwana wa moto Nwana wa moto yo mpipo ya Yesu. . Bakokolo bobe vau mpe babotoma onwa naba. Bakoki nokolo te omobe mpendja. Nkomo ekeluvi djambi meyi, bana esengo. 23Onkomo ena, bosepela mpe bounva na esengo, mpo Kombo akabokumisa be o lola. Mpo bankoko baba bakelaka se mambimeyi o mboka basakoli ba kala. 24Kasi ekaba bobe ebeyi ndjayi mpo yaba badjui. Mpo basi badjui libondisi djaba. 25Ekaba mpendja ngandi mpo yau nkomo ekakoloba mambi malamu mpo yau. Mpamba weyi mpo ebeyi ena bankoko baba bakoloko mambi malamu mpo ya basakoli ba mpoti. 26Ekaba bobe bato banso bakakolo bolamu mpo ya bino. Mpo ebeyi ena bakoko baba bakoleleke basakoli ba mpoti bona.
Bodjinga baini babino
(Mt. 5:38-48)
27Yesu abaka nolaka mpe akoli naokolo na bato bonsoka sikawa: Bodjinga baini ba bino mpe bokela bolamu na bato baka boyina. 28Bonga Kombo apambola moto onso obolakela bobe, mpe bobondele mpo ya bato bobonyokolo. 29Ebaka te moto abeti moko wa bino olitama mpo yo bofinga, bomoleme abete mpe litama lidjoko. Ebaka te moto aboyi kasaka wau, omolemele abo simisi wau. 30Ebaka te moto abongaka ekeyi mpoko, o mopa ye. Mpe moto aboko ekeyi yau, leme aebatela. Oyongako weyi te ayelusa. 31Kela mpo ya bato baiyo manso madjingi we te babokelela. 32Ebaka te okadjinga se baka bodjinga, okeliko ekeyi mpoko weyi ekomiko na masandjoli ma moto moko weyi mpo ni bakotosa Kombo weyi bakadjinga bato baka badjinga. 33Ebaka te okakela bolamu o mboka bato baka bokelela bolamu, masandjoli ndja maka djua we? Mpo bato bakotosa kombo weyi bakobakelela bolamu o mboka bato bakobakelela bolamu weyi. 34Oka bekia bikeyi se na bato baka boelusela bikeyi biau o mboka yau? Kombo ako nobotondo weyi mpo okeli bona! Nsoni bato babe bakabekia bato baiyo bikeyi nkomo ekabataba te bakabielusa butu. 35Wengeli odjinga baini bau mpe bobeyi nebe naba. Bekia bonanga omanyako weyi te bakabofutela. Nayemeyi Kombo akabopa mbano nene, mpe aka teinya te o molamu ndempe Kombo wabi na nguya. Mpo Kombo akateinya ngolu tata na bato baboli botondi mpe moyi mobe. 36Yengeli oba na moyi nwa mawa, ebeyi mpoko ongo wa bino wa lola akaokela moto onso mawa.
(Mt. 7:1-5)
37Yesu akobaka nolaka mpe akoli: Te o sambisa ko baiyo weyi, okonosambisama weyi. Ebaka te okonokpesi baiyo na ngambo weyi, bona bokonodjua ngambo weyi. Ebaka te olimbisi baboko masusu maba. Bona boka limbisama. 38Paa bato baiyo mpe Kombo akabopaa. Akabopa boleki bipeikiwe. Okatondja libenga djau tee likonoingisa butu weyi. Likatonda be na bona likabima o likolo. Manya ebeyi eyapaka we bato baboko. Kombo akabopaa ebeyi mpoko. 39Omokiya, Yesu abaebolaka ekonongo ebo: Moto walolanda akokiki nodjatisa moto walolanda moiyo weyi. Akelaka bona babanso babale bakakpa olibulu. 40Ebeyi yebi we, baekoli baleki ko munitele waba weyi kasi ebeyi edjui ba malako malamu na nkolo waba bakaba ekambi na nkolo waba. 41Oengeliko weyi bomitungisa mpo ya mumpumbulu mo odjiyo dja moto moiyo ena yo boteyi bokeki libaya linene djo djiyo djau mpendja. 42Ebeyi ndjayi ekoki we nomanya okolo te, nweyi, leme na bosunga omola mumpumbulu moti odjiyo djau, djokande we mpendja oko noene libaya linene dja nwete odjiyo djau? We ona mpoti omola nano nwete munene nwa libaya odjiyo djau mpendja omokiya okaene mpuu mpo omola mumpumbulu moti modjiyo dja moto moiyo.
(Mt. 7:16-20)
43Yesu akobaka nolaka, mpe okoli te, molona molamu muko nobota mbuma mbe weyi. Ebeyi mpoko nwete mobe mukunobota mbuma ndamu weyi. 44Bato baebi ebeyi ya molona mo na mbuma ebeyi ekabimamu naebeyi ena okokiko nobuka Figo weyi o mbuma ya vinyo. 45Bato bobe miete. Bato balamu bakakela biela bilamu biuta na bolamu bontanteyi yaba. Mpe bato babe bakakela biela bibe mpo bobe bonteyi yaba. Nayemeyi, makakolo moto makauta oebeyi yo o moyi nwande.
Motongi ndaku wa mayele mpe motongi ndaku wa eyeye
(Mt. 7:24-27)
46Yesu akoloko, ebaka te oteyi nontosa, ombekako nkolo weyi. 47Naka bolimbolela ebeyi yoye ebaka te moto ayaka o mboka ngayi, aoki malako mangayi, mpe omokiya atosiko weyi. 48Aondempe moto otongi ndaku. Atimolaka onse ya ndoko o mombi tee nekakoma olibuka djo onse mpe atonga ndaku yande o likolo dja libuka. Omokiya, nkomo ekaya mpela, nkembe ebeti ndako ena, kasi ndako ekokiko nokpa weyi mpo yo o liboka lilamu. 49Kasi moto oka malako mangayi ngayi mpe ako no matosa weyi, aobe moto otimoliko mombi ngenekenu mpo yokela liboka dja ndaku yande kasi aetongi se o mombi omokiya. Nkomo ekakela nkembe ebeti ndaku ena, ekakpa enso.
Currently Selected:
Luka 6: BIZ
Highlight
Share
Copy
Want to have your highlights saved across all your devices? Sign up or sign in
Baloi Bible by Beyond Translation is licensed under Creative Commons Attribution-ShareAlike 4.0 License.
Luka 6
6
Yesu ao mokondji wa mokolo nwa Sabata
(Mt. 12:1-8; Mk. 2:23-28)
1Mokolo moko nwa sabata, Yesu na baekoli bande babaka nodjata nwa omala mambuma. Baekoli bande batataka bobuki nwa mioto mia mbuma. Babaka noyatola na maboko mpo yomola nsue mpe yodja mbuma. 2Yaba na mbuka ya Bafalisayi baiyo baeneke mambi mautaka nokela baekoli mpe yeyena batuni: mpoyeyi bobuka mbuma o sabata? Yo bobuni mibeko bokeli bona. 3Yesu abaeboli yote: okotangaka makomi weyi ebeyi eakelaka mokondji Davidi akelaka yona bato babaka ekambi nande babaka na nsala? 4Mokondji Davidi aingelaka o ndako ya Kombo, aboyi mampa mapaka banganga ba Kombo. Amadjaka, mpe apaka bampele babaka nande ekambi nsoni mibeko mipeyiko djela weyi na moto moiyo omola se banganga ba Kombo. 5Yesu asukisi bokoli bo: Ngayi, nwana wa moto no mokodji wa sabata!
(Mt. 12:9-14; Mk. 3:1-6)
6Mokolo moiyo nwa sabata, Yesu aingelaka oyoma ya makita ma bayuda mpe atati nolaka bato. Mumpele moko abaka wana eboko yande ya bolomi ya ngbatatalaka. 7Balaki ba mibeko ni bafalisayi babaka nomokeka, mpo bamokeka te akabikia moto meyi mpo badjua libaku mpo ba mofunda. 8Kasi Yesu ayebaka bimanyo biaba mpe akoli na moto owa nbgatatalaka eboko ona: Teme ontanteyi ya nsambela moto meyi atemeke ontanteyi. 9Bona Yesu akoli naba: noobotuna: Mibeko miabiyo milopeyi ndjela yokela ndeyi o sabata? Mpo yosalisa tempe bokeli bobe? Mpo yobikia bomoyi va moto to bobutabinyi? 10Moto moko ako mobekolaka weyi. Bona, abakekaka babanso babaka opio pio mpe akoloko na mumpele meyi: Sembola eboko yayu, akelaka bona, mpe eboko yande ya bikaka! 11Ebeyi eyaenekeba bona, Bafalisayi ni Balaki ba mibeko. Baokaka nkeyi na bokuli. Babaka nokolo ontanteyi yaba ekeyi ndja ekakela biyo Yesu.
Yesu aoli batomuvi Djomi na babale
(Mt. 19:1-4; Mk. 3:13-19)
12Omokiya nwa mokolo moko, Yesu abaka ongomba mpoko mpo yo bondele abondeleke Kombo butu mobimba. 13Nkomo eakeke butu, abeki baekoli bande mpe aoli ba djomi na babale ontanteyi yaba mpe abapeyi nkombo ya batomuvi: 14Nkombo ya batomuvi yabaka Simona (nkombo eya motaka Yesu Petelo) mpe eboto ya Simona (modjimi) Andaleya, Yakobo, Yowane, Filipo, Balatelemi, 15Matiye; Toma; Yakobo; Nwana wa Alifene; Simona obekuvi Zelote; 16Yuda, Nwana wa Yakobo; mpe Yuda Mokeliyota, owa Mungiaka. O maboko ma baini bande.
Yesu alakaka mpe abikiaka
(Mk. 4:25; Mk. 3:7-11)
17Yesu Autaka ongomba ekambi na baekoli mpe atemeke oyoma mpoko eyabaka mombi nwatuka nyilee. Owo, batalaka na djunda dja baekoli bande baiyo mpe bato bande bautaka o bioma o etuka enso ya Yuda, bakia mpe engumba ya Yelusaleme, mpe bautaka o bingumba bia Tula mpe bia Sidona. 18Bato bana banso bayaka nokaoka malako ma Yesu mpe nokabikisama na maloli maba. Banso batungisamaka na milimo mibe ba bikaka mpe. 19Bato banso babaka noaka bamobuta mpo babika mpo Yesu abaka nobikia bato banso na nguya.
Esengo tempe mawa
(Mt. 5:1-12)
20Omokiya nwaye, Yesu akekaka baekoli bande, na likebi mpe akoloko naba: Bato baobabola baona libaku lilamu mpo bokondji va Kombo bovaba. 21Kombo aka pambola baona nsala sikawabo, mpo bokaba na ndongo. Kombo akapambola baolela sikawabo, mpo bokaeke na esengo. 22Bato bakoki noboina mpo bombati ngayi nwana wa moto#6:22 Nwana wa moto Nwana wa moto yo mpipo ya Yesu. . Bakokolo bobe vau mpe babotoma onwa naba. Bakoki nokolo te omobe mpendja. Nkomo ekeluvi djambi meyi, bana esengo. 23Onkomo ena, bosepela mpe bounva na esengo, mpo Kombo akabokumisa be o lola. Mpo bankoko baba bakelaka se mambimeyi o mboka basakoli ba kala. 24Kasi ekaba bobe ebeyi ndjayi mpo yaba badjui. Mpo basi badjui libondisi djaba. 25Ekaba mpendja ngandi mpo yau nkomo ekakoloba mambi malamu mpo yau. Mpamba weyi mpo ebeyi ena bankoko baba bakoloko mambi malamu mpo ya basakoli ba mpoti. 26Ekaba bobe bato banso bakakolo bolamu mpo ya bino. Mpo ebeyi ena bakoko baba bakoleleke basakoli ba mpoti bona.
Bodjinga baini babino
(Mt. 5:38-48)
27Yesu abaka nolaka mpe akoli naokolo na bato bonsoka sikawa: Bodjinga baini ba bino mpe bokela bolamu na bato baka boyina. 28Bonga Kombo apambola moto onso obolakela bobe, mpe bobondele mpo ya bato bobonyokolo. 29Ebaka te moto abeti moko wa bino olitama mpo yo bofinga, bomoleme abete mpe litama lidjoko. Ebaka te moto aboyi kasaka wau, omolemele abo simisi wau. 30Ebaka te moto abongaka ekeyi mpoko, o mopa ye. Mpe moto aboko ekeyi yau, leme aebatela. Oyongako weyi te ayelusa. 31Kela mpo ya bato baiyo manso madjingi we te babokelela. 32Ebaka te okadjinga se baka bodjinga, okeliko ekeyi mpoko weyi ekomiko na masandjoli ma moto moko weyi mpo ni bakotosa Kombo weyi bakadjinga bato baka badjinga. 33Ebaka te okakela bolamu o mboka bato baka bokelela bolamu, masandjoli ndja maka djua we? Mpo bato bakotosa kombo weyi bakobakelela bolamu o mboka bato bakobakelela bolamu weyi. 34Oka bekia bikeyi se na bato baka boelusela bikeyi biau o mboka yau? Kombo ako nobotondo weyi mpo okeli bona! Nsoni bato babe bakabekia bato baiyo bikeyi nkomo ekabataba te bakabielusa butu. 35Wengeli odjinga baini bau mpe bobeyi nebe naba. Bekia bonanga omanyako weyi te bakabofutela. Nayemeyi Kombo akabopa mbano nene, mpe aka teinya te o molamu ndempe Kombo wabi na nguya. Mpo Kombo akateinya ngolu tata na bato baboli botondi mpe moyi mobe. 36Yengeli oba na moyi nwa mawa, ebeyi mpoko ongo wa bino wa lola akaokela moto onso mawa.
(Mt. 7:1-5)
37Yesu akobaka nolaka mpe akoli: Te o sambisa ko baiyo weyi, okonosambisama weyi. Ebaka te okonokpesi baiyo na ngambo weyi, bona bokonodjua ngambo weyi. Ebaka te olimbisi baboko masusu maba. Bona boka limbisama. 38Paa bato baiyo mpe Kombo akabopaa. Akabopa boleki bipeikiwe. Okatondja libenga djau tee likonoingisa butu weyi. Likatonda be na bona likabima o likolo. Manya ebeyi eyapaka we bato baboko. Kombo akabopaa ebeyi mpoko. 39Omokiya, Yesu abaebolaka ekonongo ebo: Moto walolanda akokiki nodjatisa moto walolanda moiyo weyi. Akelaka bona babanso babale bakakpa olibulu. 40Ebeyi yebi we, baekoli baleki ko munitele waba weyi kasi ebeyi edjui ba malako malamu na nkolo waba bakaba ekambi na nkolo waba. 41Oengeliko weyi bomitungisa mpo ya mumpumbulu mo odjiyo dja moto moiyo ena yo boteyi bokeki libaya linene djo djiyo djau mpendja. 42Ebeyi ndjayi ekoki we nomanya okolo te, nweyi, leme na bosunga omola mumpumbulu moti odjiyo djau, djokande we mpendja oko noene libaya linene dja nwete odjiyo djau? We ona mpoti omola nano nwete munene nwa libaya odjiyo djau mpendja omokiya okaene mpuu mpo omola mumpumbulu moti modjiyo dja moto moiyo.
(Mt. 7:16-20)
43Yesu akobaka nolaka, mpe okoli te, molona molamu muko nobota mbuma mbe weyi. Ebeyi mpoko nwete mobe mukunobota mbuma ndamu weyi. 44Bato baebi ebeyi ya molona mo na mbuma ebeyi ekabimamu naebeyi ena okokiko nobuka Figo weyi o mbuma ya vinyo. 45Bato bobe miete. Bato balamu bakakela biela bilamu biuta na bolamu bontanteyi yaba. Mpe bato babe bakakela biela bibe mpo bobe bonteyi yaba. Nayemeyi, makakolo moto makauta oebeyi yo o moyi nwande.
Motongi ndaku wa mayele mpe motongi ndaku wa eyeye
(Mt. 7:24-27)
46Yesu akoloko, ebaka te oteyi nontosa, ombekako nkolo weyi. 47Naka bolimbolela ebeyi yoye ebaka te moto ayaka o mboka ngayi, aoki malako mangayi, mpe omokiya atosiko weyi. 48Aondempe moto otongi ndaku. Atimolaka onse ya ndoko o mombi tee nekakoma olibuka djo onse mpe atonga ndaku yande o likolo dja libuka. Omokiya, nkomo ekaya mpela, nkembe ebeti ndako ena, kasi ndako ekokiko nokpa weyi mpo yo o liboka lilamu. 49Kasi moto oka malako mangayi ngayi mpe ako no matosa weyi, aobe moto otimoliko mombi ngenekenu mpo yokela liboka dja ndaku yande kasi aetongi se o mombi omokiya. Nkomo ekakela nkembe ebeti ndaku ena, ekakpa enso.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Baloi Bible by Beyond Translation is licensed under Creative Commons Attribution-ShareAlike 4.0 License.