ລູກາ 3

ການປະກາດຂອງໂຢຮັນບັບຕິສະໂຕ

(ມທ 3:1-12; ມຣກ 1:1-8; ຢຮ 1:19-28)

1ເວລາແນເປັນກາມໍທີຈິດເສີ່ງແຫ່ງການປົກຄອງ ຂອງຈັກະສັດໂຮມັນ ຕີເບຣີໂອ, ປົນອີໂອປີລາດ ເດົາເປັນແມປົກຄອງແຂວງຢູດາຍ, ເຮໂຣດເດົາເປັນແມປົກຄອງແຂວງຄາລີເລ ແລະ ຟີລີບເອ໊າະກາຫຼໍຂອງໜໍ້ເດົາເປັນແມປົກຄອງເຂດແດນອີຕູຣາຍ ແລະທາໂຄນິດ, ລີຊາເນຍເດົາເປັນແມປົກຄອງແຂວງອາບີເລັນ 2ອັນນາແລະກາຢະພາ ເດົາເປັນປະໂລຫິດ ຕັງເວລາແອຂໍ້ຄວາມເຕີມ ບັງຢະແກຣໃດ໋ເດົາບຶງເຖີງໂຢຮັນ ກວ໋ນກາຫຼໍ່ຂອງເຊກາຣີຢາ, ຜູ້ທີອາໃສກູຕັງຖິ່ນແຫ້ງແລ້ງກັນດານ. 3ເລວໂຢຮັນເດົາດອ໋ກທົວທັງຂົງເຂດອອ້ມຮອບດາກຈໍແດນ ແລະເດົາເລີມຕົນປະກາດກັບປະຊາຊົນມາງ, “ເບົາແວຕອງຈອ໋ກເກີມຮະເດີມ ແລະຮັບບັບຕິສະມາ ເພືອຢະແກຣໃດ໋ລາໍອະໄພຄວາມຜິດບາບກໍາໂຕ໋ດແອຂອງໄຮ້.” 4ດົ່ງທີ່ບິດຄຳຂຽນຈຸຕັງໜັງສືຂອງຜູ້ທໍານວາຍເອຊາຢາມາງ,

“ກ່ຽວກັບໂຢຮັນມູ້ຍຮາກຳລັງປະກາດ

ດືຕັງຖິ່ນແຫ້ງແລ້ງກັນດານມາງ

ຮຳຕຽມຈຣູງສຳລັບ

ກະສັດທີ່ລຳບຶ໊ກຮຳຕຽມຈັກກາເລີະສຳລັບພະຜູ້ເປັນເຈົ້າ,

ຈົ່ງເບີມຈູຣງຂອງພະອົງອຳລຳຊຶ່,

ຈົງກົບຮອມໂບ໋ຍຈົມບອນອຳບຶງ,

ແລະເນີນໂບ໋ຍຈົມໜວຍ

ຈົງເບີມອຳລຳແດ໊ະ

5ໂບ໋ຍຈົຣມໜວຍ, ແລະປະດູ໊ຈຣົມໜວຍຕອງເບີມອາໍເລ໊ວ,

ຈຣູງຈຣົມແອທີຄົດລຽວຕອງເບີມອາໍຕຶງ,

ແລະຈຣູງທີ່ເປັນຄຸມຈຸ໊ຄຸມເດິ໋ຕອງເບີມອາໍເລ໊ວ,

6ແລະປະຊາຊົນຖົຣມຣາລຳເດົາໄຕພະຜູ້ອຳເກີຼດທີ່ເດົາຢູນບຶ໊ກເຕີມບັງຢະແກຣໃດ໋.”

7ດິ໋ເຫດຮະແອ, ເມືອບານຶ໊ກເອີນຮາທີ່ເດົາບຶ໊ກດົງໂຢຮັນ ເພື່ອແມບຶ໊ກຮັບບັບຕິສາມາ, ໜໍ້ລາມາງກັບເບົາແມມາງ, “ເບົາແວປະຊາຊົນທີ່ຫລອກລວງເອີຍ, ເບົາແວຄຶດຜິດທີ່ຄຶດມາງພຽງແຕ່ການຮັບບັບຕິສະມາ ເບົາແວກໍສາມາດຫີກວີ້ເຕີ່ມການລົງໂທດໂດຍຢະແກຣໃດ໋ ສາໍລັບຄວາມຜິດບາບໂຕ໋ດແອຂອງເບົາແວ, 8ເພືອຫີກວິ໊ເຕີມບັງການຕັດສິນ, ເບົາແວຄວນບິດຊີວິດກູຕັງຈຣູງທີພີສູດທີມາງ ເບົາແວຈອ໋ກເກີດຮະເດີມມາດ ເຕີມບັງຄວາມຜິດບາບໂຕ໋ດແອຂອງເບົາແວ ແລະເດົາຈຶ້ວື໊ບຶ໊ກດົງຢະແກຼໃດ໋ ຢອງມາງພາຍຕັງຈັກໄຮ້ກາເລີ໊ມາງ. ຢະແກຣໃດ໋ອິ໋ລົງໂທດເບົາຍາ ເມືອເບົາຍາເປັນປາເກຣີດຢູຂອງອັບຣາຮາມ. ເພາະມາງຍາກາໍລັງປາເນາະເບົາແວມາງຢະແກຣໃດ໋ປງນແປງກອ້ນຕະມໍ້ອັນແອ ອາໍເປັນກວ໋ນເຈົ໊າຂອງອັບຣາຮາມ ເພືອລາໍແທນທີເບົາແວ. 9ບັດແນຈູ໊ງກໍພອ້ມເລີຍທີຈະເກົ້າລອງບຶ໋ກເຣ້ຍ ເຕີ່ມລອງຈົຣມເຕີມທີ່ອິ໋ເກີດຜົນ ກໍຈະຈຣໍເກົ້າແລະຈຣໍໂຍນຕັ້ກແຈ້ະເຮີອຸ້ນ.” 10ເລວບາງບານຶ໊ກຕັງປະຊາຊົນກຸມຕິ໊ເດົາຕະງາໂຢຮັນມາງ, “ເນາະງາຍຄຶສິງທີຢະແກຣໃດ໋ຮະຫຽງອາໍເບົາຍາເບີມ, ເພືອອຳເກີດເຕີມບັງການລົງໂທດຂອງຢະແກຼໃດ.”

11ໂຢຮັນເດົາຈາເນີ້ວມາງ, “ຂັນບານຶ໊ກງາຍຕັງເບົາແວບິດອາວບຣານຜຶນ; ຈົງອາໍບາງບານຶ໊ກທີ່ອິ໋ບິດມູຍຜືນເລີຍ ຂັນມາງເບົາແວບິດຈະນາ ຈົງຈອ໋ກອາໍດິ໋ບາງບານຶ໋ກແມທີອິ໋ບິດຈານາ.”

12ບິດແວບານຶ໋ເກັບພາສີບາງບານຶ໊ກກໍເດົາບຶ໊ກດັງໂຢຮັນ ເພື່ອລາໍຮັບບັບຕິສະມາ(ໂໝ໋ດດາກ). ເບົາແມເດົາຕະງາໜໍ້ມາງ, ທາ່ນເອີຍ, ເນາະງາຍທີ່ເບົາຍາຕອງເບີມ.

13ໂຢຮັນເດົາຈາເນີ້ວເບົາແມມາງ, “ຮາໍບຣີ໊ເກັບເງີນຄາພາສີເຕີ່ມແມປະຊາຊົນເອີນກວ່າທີ່ເບົາແວເດົາຮັບຄາໍສັງໂດຍລັດຖະບານໃປຣເກັບ.”

14ຕັງວິທີຕຶແມທະຫານບາງບານຶ໊ກເດົາຕະງາໜໍ້ມາງ “ແລະເບົາຍາຄວນເບີມປະງາຍ” ໜໍຈະເນິ້ວເບົາແມມາງ. ຮາໍພໍໃຈກັບຄ່າຈາ້ງຂອງເບົາແວ, “ຢອງຂົ່ມເຫ້ງປະຊາຊົນອາໍມອບເງີນຂອງເບົາແມອາໍເບົາແວແລະເກັບເງີນ ເຕີມບັງແມແນ ດິ໋ການກາ່ວໂທດທີໜໍ້ອີ໋ບິດຄວາມຜິດ.”

15ຈຣົມຮາກາໍລັງຄາດຫວັງອາໍພະເມຊີອາບຶ໊ກໄວໆແນ, ແລະເບົາແມເດົາຄິດກຣັງມາງໂຢຮັນລາໍເປັນພຣະຄຣິດເດົາບໍ, 16ໂຢຮັນເນາະສິງທີເບົາແມກາໍລັງຄິດ, ປະແອໜໍ້ເດົາມາງກັບເບົາແມຈຣົມຮາມາງ, ໄອກາໍລັງອາໍປະຊາຊົນ ຮັບບັບຕິສະມາດດິ໋ດາ໊ກ. ແຕບິດມູຍຮາທີຍິງໃຫຍກວ່າໄອ ກາໍລັງລາໍບຶ໊ກ, ແລະໄອອິ້ສົມຄວນທີ່ຈະຮັບໃຊພະອົງ. ເປັນປະທາດຮັບໃຊ້. ພະອົງລາໍອາໍເບົາແມຮັບບັບຕິສະມາ ດິ໋ພ໊ຣາວຢ໊າງບໍລິສຸດແລະດິ໋ອຸ້ນ'' 17ພະຄຣິດພອ້ມເລີຍທີ່ລາໍແຍກບານຶ໊ກຈຣົມຮາແມທີຈອ໋ກເກີມຮະເດີມ ຢຶ໋ເຕີມບັງບານຶ໊ກແມເກງ ປະຕຶ້ແມກາຫລໍມູຍຮາ ທີ່ແຍກອຶກູຣງແຈ໋ະສາລີ ຢຶ້ນເຕີມບັງໂດ໊ດ. ພະອົງເດົາມຽນຮັກສາອຶກຣູງສາລີຈຸຢາງປອດໄຟ ກູຕັງນຸ໊ຂອງພະອົງ, ແຕໂຈ໊ະປູ໊ນໂດ໊ດຕັງອຸ້ນທີອິ໊ເຄີຍປັດ. (ພະອົງລາໍຕະມວດບານຶ໊ກຈຣົມຮາແມທີ່ຈອ໋ກເກີມຮະເດີມ ແລະລາໍລົງໂທດບານຶ໊ກຮະແອທີແມອິ້ຈອ໋ກເອິ໊ເກີມຮັນເດີມເອີ). 18ແລະຕັງວີທີແນໂຢຮັນເດົາປາເນາະຂ່າວດີກັບແມປະຊາຊົນ, ແລະໜໍ້ເດົາແນາະນາໍເບົາແມດິ໋ການປາເຕົາເອີນປະເພດ ເພືອອາໍຈອ໋ກເກີມຮະເດີມ. 19ເມືອບາງເວລາໂຢຮັນເດົາຕາໍໜິຕິຕງນເຣໂຣດຜູ້ປົກຄອງ ເພາະມາງໜໍ້ເດົາບຣັນຢ໋ອງກັບຈຣີອູ໊ຕາງເເມະຂອງໜໍ້, ໜໍບິດຊຶມາງເຮໂຣເດຍ. ໂຢຮັນກໍເດົາມາງຕໍສູ້ເຮໂຣດສຳລັບຄວາມຜິດອຶເກງໂຕ້ດແອ ທີ່ໜໍ້ເດົາເບີມ, 20ເລວແອເຮໂຣດລາເດົາເບີ່ມການອິ໊ດີ໋. ສິງທີ່ອິ໊ດີ໋ດຶ໊ກນາວໂດຍການຣັບໂຢຮັນກຣັ໊ນຈຸຕັງຄຸກ.

ພະເຢຊູຮັບບັບຕິສະມາ(ໂໝ໊ຍດຣາກ)

(ມທ 3:13-17; ມຣກ 1:9-11)

21ຕອນທີ່ໂຢຮັນນະເລີມບັບຕິສະມາບານຶ໊ກຈຣົມຮາທີບຶ໊ກເຮີໜໍ້, ໜໍ້ກໍເບີມບັບຕິສະມາພະເຢຊູປະຕຶ. ເຕີມບັງແອຕັງຂະນະທີ່ພະເຢຊູອະທິຖານ ລາງແກຼກໍເປີ້ກຢື້. 22ແລະ ພ໊ຣາວຢ໊າງບໍລິສຸດ ເດົາຕື໊ບຶ໊ກກູ໊ປຶ້ງພະອົງປະຮູບເຈມກຸ໋ນ ຢະແກຣໃດ໋ເດົາມາງເຕີມບັງສະຫວັນມາງ ໄຮ້ເປັນກວ໋ນທີຮັກຂອງໄອກາເລີ໊ ແລະໄອຢືມເກີມມາດກັບໄຮ້.

ລາໍດັບປາເກຣີດຂອງພະເຢຊູ

(ມທ 1:1-17)

23ເມື່ອຢະເຢຊູບິດອາຍຸແປຈິດກາມໍ ພະອົງເລີມຮັບໃຊສາທາລະນະ ພະເຢຊູແມເດົາເນາະມາງໜໍ້ເປັນກວ໋ນກາຫໍຼຂອງໂຢເຊັບ ໂຢເຊັບເປັນເຈົ໊າກາຫໍຼຂອງເຮລີ, 24ເຮລີເປັນກ໋ວນກາຫຼໍຂອງມັດທາດ, ມັດທາດເປັນກ໋ວນກາຫຼໍຂອງເລວີ, ເລວີເປັນກ໋ວນກາຫຼໍຂອງເມລະຂີ, ເມລະຂີເປັນກ໋ວນກາຫຼໍຂອງຢັນນາ,ຢັນນາເປັນກວ໋ນຂອງໂຢເຊັບ, 25ໂຢເຊັບເປັນກ໋ວນກາຫຼໍຂອງມັດຕາເທຍ, ມັດຕາເທຍເປັນກ໋ວນກາຫຼໍຂອງອາໂມ, ອາໂມເປັນກ໋ວນກາຫຼໍນາຮູມ, ນາຮູມເປັນກ໋ວນກາຫຼໍຂອງເອຊະລີ, ເອຊະລີເປັນກ໋ວນກາຫຼໍຂອງນາຄາຍ, 26ນາຄາຍເປັນກ໋ວນກາຫຼໍຂອງມາອາດ, ມາອາດເປັນກ໋ວນກາຫຼໍມັດຕາເທຍ, ມັດຕາເທຍເປັນກ໋ວນກາຫຼໍຂອງເຊເມອີນ, ເຊເມອີນເປັນກ໋ວນກາຫຼໍໂຢເຊັກ, ໂຢເຊັກເປັນກ໋ວນກາຫຼໍຂອງໂຢດາ, 27ໂຢດາເປັນກ໋ວນກາຫຼໍໂຢຮານັນ, ໂຢຮານັນເປັນກ໋ວນກາຫຼໍຂອງເຣສາ, ເຣສາເປັນກ໋ວນກາຫຼໍຂອງເຊຣຸບບາເບນ, ເຊຣຸບບາເບນເປັນກ໋ວນກາຫຼໍຂອງເຊອານຕີເອນ, ເຊອານຕີເອນເປັນກ໋ວນກາຫຼໍຂອງນາຣີ, 28ເນຣີເປັນກ໋ວນກາຫຼໍຂອງເມລະຂີ, ເມລະຂີເປັນກ໋ວນກາຫຼໍອັດດີ, ອັດດີເປັນກ໋ວນກາຫຼໍຂອງໂກຊາມ, ໂກຊາມເປັນກ໋ວນກາຫຼໍຂອງເອັນມາດາມ ເອັນມາດາມເປັນກ໋ວນກາຫຼໍຂອງເອຣະ, 29ເອຣະເປັນກ໋ວນກາຫຼໍຂອງໂຢຊວຍ, ໂຢຊວຍເປັນກ໋ວນກາຫຼໍເອລີເອເຊ, ບະເອລີເອເຊເປັນກ໋ວນກາຫຼໍຂອງໂຢຣີມ, ໂຢຣີມເປັນກ໋ວນກາຫຼໍມັດທາດ, ມັດທາດເປັນກ໋ວນກາຫຼໍຂອງເລວີ 30ເລວີເປັນກ໋ວນກາຫຼໍຂອງຊີເມໂອນ, ຊີເມໂອນເປັນກ໋ວນກາຫຼໍຂອງຢູດາ, ຢູດາເປັນກ໋ວນກາຫຼໍຂອງໂຢເຊັບ, ໂຢເຊັບເປັນກ໋ວນກາຫຼໍຂອງໂຢນາມ, ໂຢນາມເປັນກ໋ວນກາຫຼໍຂອງເອລີອາກິມ, 31ເອລີອາກິມເປັນກ໋ວນກາຫຼໍຂອງເມເລອາ, ເມເລອາເປັນກ໋ວນກາຫຼໍຂອງເມັນນາ, ເມັນນາເປັນກ໋ວນກາຫຼໍຂອງມັດຕາທາ, ມັດຕາທາເປັນກ໋ວນກາຫຼໍຂອງນາທານ,ນາທານເປັນກ໋ວນກາຫຼໍຂອງບດາວິດ, 32ດາວິດເປັນກ໋ວນກາຫຼໍຂອງເຢຊີ, ເຢຊີເປັນກ໋ວນກາຫຼໍຂອງໂອເບັດ, ໂອເບັດເປັນກ໋ວນກາຫຼໍຂອງໂບອາດ, ໂບອາດເປັນກ໋ວນກາຫຼໍຂອງສານໂມນ, ສານໂມນເປັນກ໋ວນຫຼໍຂອງນາໂຊນ, 33ນາໂຊນເປັນກ໋ວນກາຫຼໍຂອງອໍາມີນາດາບ, ອຳມີນາດາບເປັນກ໋ວນກາຫຼໍຂອງອັດມີນ, ອັດມີນເປັນກ໋ວນກາຫຼໍຂອງອານີ, ອານີເປັນກ໋ວນກາຫຼໍຂອງເຮຊະໂຣນ, ເຣຊະໂຣນເປັນກ໋ວນກາຫຼໍຂອງເປເຣັດ, ເປເຣັດເປັນກ໋ວນກາຫຼໍຂອງຢູດາ, 34ຢູດາເປັນກ໋ວນກາຫຼໍຂອງຢາໂຄບ, ຢາໂຄບເປັນກ໋ວນກາຫຼໍຂອງອີຊາກ, ອີຊາກເປັນກ໋ວນກາຫຼໍຂອງອັບຣາຮາມ, ອັບຣາຮາມເປັນກ໋ວນກາຫຼໍຂອງເຕຣາ, ເຕຣາເປັນກ໋ວນກາຫຼໍຂອງນາໂຮ, 35ນາໂຮເປັນກ໋ວນກາຫຼໍຂອງເສຣຸກ, ເສຣຸກເປັນກ໋ວນກາຫຼໍຂອງເຣອູ, ເຣອູເປັນກ໋ວນກາຫຼໍຂອງເປເລັກ, ເປເລັກເປັນກ໋ວນກາຫຼໍຂອງເອເບ, ເອເບເປັນກ໋ວນກາຫຼໍຂອງເຊລາ, 36ເຊລາເປັນກ໋ວນກາຫຼໍ່ຂອງກາຍນານ, ກາຍນານເປັນກ໋ວນກາຫຼໍຂອງອາກປັກຊາດ, ອາກປັກຊາດເປັນກ໋ວນກາຫຼໍຂອງເຊມ, ເຊມເປັນກ໋ວນກາຫຼໍຂອງໂນອາ, ໂນອາເປັນກ໋ວນກາຫຼໍຂອງລາເມັກ, 37ລາເມັກເປັນກ໋ວນກາຫຼໍຂອງເມທູເສລາ, ເມທູເສລາເປັນກ໋ວນກາຫຼໍຂອງເອນົກ, ເອນົກເປັນກ໋ວນກາຫຼໍຂອງຢາເຣັດ, ຢາເຣັດເປັນກ໋ວນກາຫຼໍຂອງມະຫາລາເລນ, ມະຫາລາເລນເປັນກ໋ວນກາຫຼໍຂອງເກນານ, 38ເກນານເປັນກ໋ວນກາຫຼໍຂອງເອໂນດ, ເອໂນດເປັນກ໋ວນກາຫຼໍຂອງເຊດ, ເຊດເປັນກ໋ວນກາຫຼໍຂອງອາດາມ, ອາດາມເປັນກ໋ວນກາຫຼໍຂອງຢະແກຣໃດ໋.

Currently Selected:

ລູກາ 3: BRB

Highlight

Copy